#World_News
Published 27 June 2024

▪️ အမေရိကန်၊ ဂျပန်၊ တောင်ကိုရီးယားတို့မှ စီးပွားကူးသန်းဝန်ကြီးများဟာ AI ဘေးကင်းလုံခြုံရေး၊ တင်ပို့ကုန်ထိန်းချုပ်ရေး၊ စိမ်းလန်းသန့်စင်စွမ်းအင် ထုတ်လုပ်ရေး၊ တစ်ပိုင်းလျှပ်ကူးပစ္စည်း ထောက်ပံ့ရေးကွင်းဆက်များ အပါအဝင် ဗျူဟာမြောက်ကိစ္စရေးရာတွေမှာ ပူးပေါင်းဆောင်ရွက်ကြဖို့ ဗုဒ္ဓဟူးနေ့မှာ ကတိပြုလိုက်ကြပါတယ်။

▪️ ‘‘ဒီအတွက် အားလုံးဟာ နှစ်ဆကြိုးပမ်းအားထုတ်နေကြပါတယ်’’ လို့ အမေရိကန် စီးပွားကူးသန်းဝန်ကြီး ဂျီနာရေမွန်ဒိုက ဝါရှင်တန်မှာ ပြုလုပ်တဲ့ အစည်းအဝေးပွဲအစမှာ ပြောကြားသွားပါတယ်။

▪️ ဒီ ၃ နိုင်ငံဟာ ထုတ်လုပ်ရေးပိုင်း၊ ဝန်ဆောင်မှုပိုင်း၊ နည်းပညာပိုင်း၊ တီထွင်ဆန်းသစ်မှုပိုင်းတွေမှာ ဦးဆောင်နေကြတာကြောင့် ဒီနိုင်ငံတွေရဲ့ အကျိုးစီးပွား အတွက်သာမက တစ်ကမ္ဘာလုံးရဲ့ ဘေးကင်းလုံခြုံရေးအတွက်ပါ အတူတကွ လုပ်ဆောင်ကြရမယ်လို့ ပြောပြသွားပါတယ်။

▪️ အစည်းအဝေးပွဲမှာ ရေမွန်ဒိုအပြင် ဂျပန်နဲ့ တောင်ကိုရီးယား စီးပွားကူးသန်း ဝန်ကြီးများဖြစ်တဲ့ ကင်ဆိုင်တိုနဲ့ အန်ဒေါ့ဂွန်တို့လည်း တက်ရောက်ခဲ့ကြပါတယ်။

▪️ ထိုတိုင်းပြည်များနဲ့ အင်ဒို-ပစိဖိတ်ဒေသမှ ပြည်သူများရဲ့ ဘေးကင်းလုံခြုံရေးနဲ့ သာယာဝပြောရေးတို့ကို မြှင့်တင်စေနိုင်မယ့် ဗျူဟာမြောက်နယ်ပယ်တွေမှာ ပူးပေါင်းဆောင်ရွက်ရေးကို အလေးထားသွားမယ်လို့ အစည်းအဝေးအပြီးမှာ ထုတ်ပြန်ကြေညာခဲ့ကြပါတယ်။

▪️ တစ်ပိုင်းလျှပ်ကူးပစ္စည်းများ၊ ဘက်ထရီများ အပါအဝင် အဓိကကဏ္ဍတွေမှာ ထောက်ပံ့ရေးကွင်းဆက်များ ခိုင်မြဲရေး၊ AI ဘေးကင်းရေးစနစ်များ၊ အရေးကြီး တွင်းထွက်ပစ္စည်းများ၊ ဆိုက်ဘာလုံခြုံရေး၊ နည်းပညာအဆင့်အတန်း ချိန်ညှိချက်အပိုင်းတွေမှာ ပူးပေါင်းဆောင်ရွက်ကြဖို့ ရည်မှန်းထားတယ်လို့ ဆိုပါတယ်။

▪️ အမေရိကန်သမ္မတ ဂျိုးဘိုင်ဒင်က ထောက်ပံ့ရေးကွင်းဆက်တွေမှာ တရုတ်ကြီးစိုးမှုကို လျှော့ချဖို့အတွက် တရုတ်မှဝင်လာတဲ့ မရှိမဖြစ် တွင်းထွက်ပစ္စည်းတွေကို အခွန်တိုးမြှင့်ကောက်ခံဖို့ ကတိပြုခဲ့ပါတယ်။

ဒီအစည်းအဝေးဟာ ၃ နိုင်ငံကြား စက်မှုပူးပေါင်းဆောင်ရွက်ရေးနဲ့ ကမ္ဘာ့ဘေးအန္တရာယ်များကို ပူးပေါင်းတုန့်ပြန်ကြဖို့အတွက် အခြေခံကျတယ်လို့ အန်ဒေါ့ဂွန်က ဆိုပါတယ်။

#Source: Reuters

#Local_News
Published 27 June 2024

▪️ လူမှုဖူလုံရေးကတ်ပျောက်ဆုံးသူများ ပြန်လည်လျှောက်ထားရာတွင် ပေးဆောင်ရမည့်ဒဏ်ကြေးများအား တိုးမြှင့်သတ်မှတ်လိုက်ပြီဖြစ်ကြောင်း လူမူဖူလုံရေးအဖွဲ့၏ ထုတ်ပြန်ကြေညာချက်အရသိရသည်။

▪️ ယခင်က လူမှုဖူလုံရေးကတ်ပျောက်ဆုံး/ပျက်စီး ပြန်လည်လျှောက်ထားခြင်းအတွက် ဒဏ်ကြေးအနေဖြင့်  ၅၀၀၀ ကျပ်သာ ပေးဆောင်ရပြီး လာမည့် (ဇူလိုင် ၁ ရက်) မှစတင်ကာ ပထမအကြိမ် လျှောက်ထားပါက ဒဏ်ကြေးသုံးသောင်းကျပ်၊ ဒုတိယအကြိမ်တွင် ဒဏ်ကြေးငါးသောင်းကျပ်နှင့် တတိယအကြိမ်နှင့် အထက်လျှောက်ထားပါက တစ်သိန်းကျပ်ပေးဆောင်ရမည်ဖြစ်ကြောင်း သိရသည်။

▪️ ထို့အပြင် ကတ်ပျောက်လျှောက်ထားသည့်ကာလအတွင်း ဆေးကုသမှုခံယူနိုင်ရန် ကတ်ပျောက်လျှောက်ထားကြောင်း ဆေးကုသခွင့်ထောက်ခံစာထုတ်ပေးမည်ဖြစ်ကြောင်း သိရသည်။

▪️ တစ်နိုင်ငံလုံးတွင် လူမှုဖူလုံရေးအကျုံးဝင်လုပ်သားတစ်သန်းကျော်ရှိပြီး အများစုမှာ စက်ရုံ၊ အလုပ်ရုံများမှအလုပ်သမားများဖြစ်ကာ ယင်းအလုပ်သမားများအနေဖြင့် လစဉ်လစာ၏နှစ်ရာခိုင်နှုန်းကိုပေးသွင်းကြရကြောင်း သိရသည်။

#YMG/ NN #Yangon_Times

#Local_News
Published_ 27 June 2024

▪️ မြန်မာနိုင်ငံတွင် "အပြည်ပြည်ဆိုင်ရာ မူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှုတိုက်ဖျက်ရေးနေ့"အခမ်းအနားကျင်းပခဲ့ပြီး အဆိုပါအခမ်းအနားသို့ မြန်မာနိုင်ငံဆိုင်ရာတရုတ်သံရုံးမှ သံမှူး Mr. Hou Yong နှင့် သံရုံးရဲရေးရာအဖွဲ့တို့တက်ရောက်ခဲ့ကြောင်း သိရသည်။

▪️ ထိုနေ့တွင် မြန်မာနိုင်ငံ မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများအန္တရာယ် တားဆီးကာကွယ်ရေးဗဟိုအဖွဲ့သည် ရန်ကုန်၊ မန္တလေး၊ တောင်ကြီး စသည့် မြို့ကြီးသုံးမြို့တွင် စျေးကွက်တန်ဖိုး အမေရိကန်ဒေါ်လာ သန်း ၃၃၆ ရှိသည့် မူးယစ်ဆေးဝါးနှင့် မူးယစ်ဆေးဝါးထုတ်လုပ်ရန် ဓာတုပစ္စည်းများအမျိုးမျိုးကို တစ်ပြိုင်နက်တည်း မီးရှို့ဖျက်ဆီးခဲ့သည်ဟု မြန်မာနိုင်ငံဆိုင်ရာတရုတ်သံရုံး၏ ထုတ်ပြန်ချက်အရ သိရသည်။

▪️ သံရုံး၏ ထုတ်ပြန်ချက်တွင် မြန်မာနိုင်ငံဆိုင်ရာ တရုတ်သံရုံးမှသံမှူး Mr. Hou Yong သည် ဖိတ်ကြားချက်အရ သံရုံးရဲရေးရာအဖွဲ့ကို ဦးဆောင်ကာ ဇွန်လ ၂၆ ရက်နေ့တွင် မန္တလေးမြို့သို့သွားရောက်ပြီး မြန်မာနိုင်ငံ မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများအန္တရာယ် တားဆီးကာကွယ်ရေးဗဟိုအဖွဲ့မှ ကျင်းပသည့် (၃၇) ကြိမ်မြောက် “အပြည်ပြည်ဆိုင်ရာ မူးယစ်ဆေးဝါးအလွဲသုံးမှုနှင့် တရားမဝင်ရောင်းဝယ်မှု တိုက်ဖျက်ရေးနေ့” မူးယစ်ဆေးဝါး စုပေါင်းမီးရှို့ဖျက်ဆီးခြင်းအခမ်းအနားသို့ တက်ရောက်ခဲ့ကြောင်း၊ 

▪️ အဆိုပါအခမ်းအနားသို့ မန္တလေးတိုင်းဒေသကြီးဝန်ကြီးချုပ် ဦးမျိုးအောင်၊  မြန်မာနိုင်ငံရဲတပ်ဖွဲ့ဒုတိယရဲချုပ် ရဲဗိုလ်ချုပ်အောင်နိုင်သူ၊ မြန်မာနိုင်ငံအခြေစိုက်ထိုင်းနှင့် အိန္ဒိယနိုင်ငံမှသံတမန် ကိုယ်စားလှယ်များနှင့် စုစုပေါင်းလူ ၅၀၀ ကျော် တက်ရောက်ခဲ့ကြကြောင်း၊

▪️ မြန်မာနိုင်ငံ ပြည်ထဲရေးဝန်ကြီးဌာန ပြည်ထောင်စုဝန်ကြီး ဒုတိယဗိုလ်ချုပ်ကြီးရာပြည့်မှ အခမ်းအနားသို့ သဝဏ်လွှာပေးပို့ခဲ့ပြီး မြန်မာနိုင်ငံခေတ်အဆက်ဆက်အစိုးရသည် မူးယစ်ဆေးဝါး တိုက်ဖျက်ရေးလုပ်ငန်းကို အထူးအလေးအနက်ထားကြောင်း၊ လတ်တလောနှစ်များအတွင်း မြန်မာနိုင်ငံပြည်တွင်း၌ မူးယစ်ဆေးဝါးအခြေအနေ ပိုမိုဆိုးဝါးလာကြောင်း၊ မူးယစ်ဆေးဝါးပြဿနာသည် ကမ္ဘာလုံးဆိုင်ရာပြဿနာဖြစ်ပြီး နိုင်ငံတကာပူးပေါင်းဆောင်ရွက်မှုကိုမြှင့်တင်ကာ အတူတကွ တိုက်ဖျက်ကိုင်တွယ်ရန်လိုကြောင်း၊ မြန်မာနိုင်ငံအနေဖြင့် နိုင်ငံတကာမူးယစ်ဆေးဝါးတိုက်ဖျက်ရေးနှင့် တရားဥပဒေစိုးမိုးရေး ပူးပေါင်းဆောင်ရွက်မှုကို  အိမ်နီးချင်းနိုင်ငံ၊ မဲခေါင်မြစ်ဝှမ်းနိုင်ငံများနှင့် အာဆီယံအဖွဲ့ဝင်နိုင်ငံများနှင့် အတူတကွဖော်ဆောင်ရာ ထင်ရှားသည့်အကျိုးရလဒ်ကောင်းများ ရရှိခဲ့ကြောင်း၊ တရုတ်နိုင်ငံအပါအဝင် ချစ်ကြည်ရင်းနှီးသည့်နိုင်ငံများနှင့်အတူ မူးယစ်ဆေးဝါး တိုက်ဖျက်ရေးနှင့် တရားဥပဒေစိုးမိုးရေးပူးပေါင်းဆောင်ရွက်မှုတွင် ပိုမိုနက်ရှိုင်းစွာ ဆောင်ရွက်ပြီး တိုက်ဖျက်ရေးစုပေါင်းအင်အားအဖြစ် ဖော်ဆောင်သွားမည်ဖြစ်ကြောင်း၊

▪️ မြန်မာနိုင်ငံ မူးယစ်ဆေးဝါးတိုက်ဖျက်ရေး ရဲအရာရှိကြီးများ တရုတ်နိုင်ငံ၌ မူးယစ်ဆေးဝါးတိုက်ဖျက်ရေးနှင့် တရားဥပဒေစိုးမိုးရေးသင်တန်း တက်ရောက်ရန် မြန်မာနိုင်ငံဆိုင်ရာ တရုတ်သံရုံးမှ စီစဉ်ပံ့ပိုးပေးခဲ့မှုအပေါ် ကျေးဇူးတင်ရှိပါကြောင်း၊ တရုတ်နိုင်ငံက မြန်မာနိုင်ငံ တရားဥပဒေစိုးမိုးရေး စွမ်းဆောင်ရည် တည်ဆောက်မှု မြှင့်တင်ရေးတွင် ဆက်လက်ကူညီပံ့ပိုးပေးရန် မျှော်လင့်မိပါကြောင်း ပြောကြားခဲ့သည်ဟု‌ ဖော်ပြထားသည်။ 

▪️ မန္တလေး၌ကျင်းပခဲ့သော ယင်းအခမ်းအနားတွင် စျေးကွက်တန်ဖိုး အမေရိကန်ဒေါ်လာ သန်း ၁၂၀ ကျော်ရှိသည့် အိုက်စ်၊ အိုက်စ်ဆေးပြား၊  ဘိန်းဖြူ၊ ကတ်တမင်းအမှုန့်စသည့် မူးယစ်ဆေးဝါးနှင့် မူးယစ်ဆေးဝါးထုတ်လုပ်သည့် ဓာတုပစ္စည်းများ အမျိုးအစားပေါင်း ၄၁ မျိုးကို မီးရှို့ဖျက်ဆီးခဲ့‌ကြောင်း သိရသည်။ 

#tthl #Yangon_Times

#World_Health
Published 27 June 2024

▪️ အမေရိကန် အနောက်မြောက်ပိုင်းဆေးရုံမှ ခွဲစိတ်ဆရာဝန်များဟာ လူနာတစ်ဦးကို မေ့ဆေးမပေးဘဲ သတိဝင်နေလျက်ဖြင့်ပင် ကျောက်ကပ်အစားထိုး ခွဲစိတ်မှု ပထမဆုံးအကြိမ် ပြုလုပ်နိုင်ခဲ့ပါတယ်။

▪️ မေလ ၂၄ ရက်နေ့မှာ ချီကာဂိုမှ အသက် ၂၈ နှစ်ရှိ ဂျွန်နီကိုးလတ်စ်ဟာ ခွဲစိတ်မှုပြုလုပ်ခဲ့ပြီး နာကျင်မှုမရှိဘဲ နောက်တစ်နေ့မှာ ဆေးရုံဆင်းနိုင်ခဲ့ပါတယ်။

▪️ တကယ်လက်တွေ့ ဘာဖြစ်နေလဲဆိုတာ သိရတဲ့အတွက် စိတ်လှုပ်ရှားစရာ ကောင်းကြောင်း၊ ဘာခံစားမှုမှ မခံစားရကြောင်း၊ ထုံကျဥ်အောင် ပြုလုပ်ထားပေမယ့် ဘာတွေလုပ်နေလဲဆိုတာ သိနေရကြောင်း လူနာက ပြောပြသွားပါတယ်။

▪️ လူနာသတိရှိနေလျက် ကျောက်ကပ်အစားထိုးတာဟာ မေ့ဆေးလိုမျိုး ဘေးအန္တရာယ်တွေ လျော့ပါးသွားကာ ဆေးရုံမှာနေရတဲ့အချိန်လည်း များစွာသက်သာတယ်လို့ အစားထိုးခွဲစိတ်ဆရာဝန် ဆာတစ်ရှ်နာဒစ်က မီဒီယာရှင်းလင်းပွဲမှာ ပြောကြားခဲ့ပါတယ်။

▪️ ခွဲစိတ်နေစဥ်မှာပဲ လူနာကို သူ့ကျောက်ကပ်ပြသနိုင်ခဲ့ပြီး အစားထိုးခွဲစိတ်မှု နယ်ပယ်တစ်ခုလုံးကို အံ့အားသင့်စေခဲ့ပါတယ်။

▪️ အခုဆိုရင် ထိုဆေးရုံမှာ အလားတူခွဲစိတ်မှုမျိုး ပြုလုပ်လိုတဲ့ လူနာများအတွက် အစီအစဥ်ဖန်တီးဖို့ ကြိုးပမ်းနေပါတယ်။

#Source: CBS News

#World_Health
Published 27 June 2024

▪️ အာကာသသို့ သွားရောက်ခြင်းနဲ့ ဆွဲငင်အား ပြောင်းလဲခြင်းတို့က လူ့ခန္ဓာကိုယ်ကို ထိခိုက်စေကြောင်း လေ့လာတွေ့ရှိလာကြပါတယ်။

▪️ ခန္ဓာကိုယ်အောက်ပိုင်း ဖိအားအနုတ်ပြခြင်းကို လိုက်ပြီး မျက်လုံးဖိအားက မလျော့ကျတာကြောင့် မျက်လုံးကို ထိခိုက်နိုင်တယ်လို့ ဖော်ပြလာကြပါတယ်။

▪️ အာကာသထဲမှာဆိုရင် ဂြိုဟ်ဆွဲငင်အား အပြောင်းအလဲကြောင့် ခန္ဓာကိုယ်ထဲမှ အရည်များ ပြောင်းလဲသွားကာ အထူးသဖြင့် မျက်လုံးနားတဝိုက်မှ သွေးကြောများကို သက်ရောက်နေတယ်လို့ ဆိုပါတယ်။

▪️ ကမ္ဘာမြေမှာလိုမျိုး ဆွဲအားက အရည်တွေကို အောက်သို့မဆွဲနိုင်တဲ့အတွက် နှလုံးသွေးကြောစနစ်မှာ ပြောင်းလဲကုန်တယ်လို့ အေရိုစပေ့စ်အင်ဂျင်နီယာရင်းဌာနမှ တွဲဖက်ပရော်ဖက်ဆာ ဒီယက်ဇ်အာတီလက်စ်က ပြောပြပါတယ်။

▪️ ပုံမှန်ဆိုရင် ခန္ဓာကိုယ်က မတ်တပ်ပုံစံ ဖြစ်နေတဲ့အခါ အရည်တွေက အောက်မှာစုနေပေမယ့် ဆွဲအားနည်းတဲ့အခါမှာတော့ ခန္ဓာကိုယ်အပေါ်ပိုင်းမှာ ပျံ့နှံ့နေကြပါတယ်။

▪️ အာကာသသွားရောက်ခြင်းနဲ့ ဆက်စပ်တဲ့ စက္ခုအာရုံကြောရောဂါ(SANS) ဖြစ်ပေါ်ရတဲ့ အကြောင်းအရင်းကို အာတီလက်စ်နဲ့ သုတေသီအဖွဲ့က ဖြေရှင်းဖို့ကြိုးစားနေပါတယ်။

▪️ ဒီလေ့လာချက်ဟာ ခန္ဓာကိုယ်အတွင်း အရည်ပြောင်းလဲခြင်းနဲ့ SANS ပတ်သက်မှုကို ပိုမိုနားလည်စေနိုင်မှာ ဖြစ်ကြောင်း ပြောပြသွားပါတယ်။

#Source: WION

ရာစုနှစ်တိုင်အောင်ပျောက်ဆုံးနေခဲ့သော အီတလီပန်းချီဆရာ ကာရာဗက်ဂီယို၏ပန်းချီကား ပြတိုက်တွင်ပြသထား
နာမည်ကျော် အီတလီပန်းချီဆရာ ကာရာဗက်ဂီယိုရဲ့ ပျောက်ဆုံးနေတဲ့ ပန်းချီကားတစ်ချပ် လေလံတင်ပွဲမှာ ပြန်လည်ထွက်ပေါ်လာပြီး အခုဆိုရင် မက်ဒရစ်မြို ပရာဒိုပြတိုက်မှာ ပြသထားပါတယ်။
#World_Art
Published_ 26 June 2024
#အီတလီပန်းချီဆရာ #ကာရာဗက်ဂီယို
#YMG #Yangon_Times #Yangon_Media_Group

၂၆ ဇွန် ၂၀၂၄

မြန်မာနိုင်ငံတွင် ဒီမိုကရေစီ အသွင်ကူးပြောင်းရေး လမ်းကြောင်းပေါ်သို့ စောလျင်စွာပြန်သွားဖို့ အိန္ဒိယနိုင်ငံခြားရေး ဝန်ကြီးက မြန်မာ နစကအစိုးရ နိုင်ငံခြားရေးဝန်ကြီး ဦးသန်းဆွေကို တိုက်တွန်းပြောကြားခဲ့တယ်လို့ သိရပါတယ်။

မြန်မာနိုင်ငံခြားရေးဝန်ကြီး ဦးသန်းဆွေဟာ မြန်မာနိုင်ငံသို့အပြန်ခရီးမှာ အိန္ဒိယနိုင်ငံ နယူးဒေလီသို့ ခရီး    တစ်ထောက်နားစဉ် အိန္ဒိယနိုင်ငံခြားရေးဝန်ကြီး ဒေါက်တာ အက်စ်ဂျေးရှန်ကာနှင့်တွေ့ဆုံခဲ့တာဖြစ်တယ်လို့  အိန္ဒိယနိုင်ငံခြားရေးဝန်ကြီးက သူ့ရဲ့ဆိုရှယ်မီဒီယာ အိတ်စ် အကောင့်မှာ ဖော်ပြထားတာဖြစ်ပါတယ်။

မြန်မာနိုင်ငံမှာ ဆက်လက်ဖြစ်ပေါ်နေတဲ့ အကြမ်းဖက်မှုတွေနှင့် အိန္ဒိယနယ်စပ်မှာ  မတည်ငြိမ်မှုတွေကိုလည်း သူက မြန်မာဝန်ကြီးဦးသန်းဆွေကို ဆွေးနွေးခဲ့တယ်လို့ ပို့စ်မှာ ရေးသားထားပါတယ်။

အိန္ဒိယနိုင်ငံဟာ အဲဒီကိစ္စတွေအတွက် အဖွဲ့အသီးသီးနှင့်ထိတွေ့ဆက်ဆံဖို့လမ်းဖွင့်ထားပါတယ်လို့လည်း ဆိုပါ တယ်။

အထူးသဖြင့် အဓိကစိန်ခေါ်မှုတွေဟာ တရားမဝင်မူးယစ်ဆေးဝါးကိစ္စတွေ၊ လက်နက်မှောင်ခိုတွေနှင့် လူကုန်ကူး မှုတွေဖြစ်ပြီး မြဝတီမှာပိတ်မိနေတဲ့ အိန္ဒိယနိုင်ငံသားတွေကို အိန္ဒိယနိုင်ငံသို့ စောလျင်စွာပြန်ပို့ပေးရေးတွေလည်း ဆွေးနွေးခဲ့ကြပါတယ်။

အိန္ဒိယနိုင်ငံရဲ့ လုပ်လက်စစီမံကိန်းတွေကိုလည်း ယုံကြည်စိတ်ချရတဲ့ လုံခြုံရေးဆိုင်ရာ အကာအကွယ်တွေပေးဖို့ အိန္ဒိယနိုင်ငံခြားရေးဝန်ကြီးက ပြောဆို ဆွေးနွေးခဲ့ပါတယ်။

မြန်မာနိုင်ငံ ဒီမိုကရေစီလမ်းကြောင်းပေါ်စောလျင်စွာပြန်ရောက်ဖို့နှင့် အိန္ဒိယအနေနှင့်လည်း မည်သည့်ပုံစံနှင့် ဖြစ်စေ ကူညီဖို့အဆင်သင့်ရှိတယ်လို့လည်း အိန္ဒိယနိုင်ငံခြားရေးဝန်ကြီးကပြောကြားခဲ့တယ်လို့သိရပါတယ်။

@ymg/knl

#Daily_News
Published_ 26 June 2024

၁။ ရန်ကုန်အပါအဝင် မြို့ကြီးသုံးမြို့၌ ပေါ်ဆန်းမွှေးဆန်များအား အိမ်အရောက်ပို့စနစ်ဖြင့် ဖြန့်ဖြူးရောင်းချမည်

၂။ ရွှေ့ပြောင်းလာသူများသဖြင့် နေပြည်တော် အိမ်ခြံမြေ အငှားဈေးကွက် ပိုသွက်နေ

၃။ ဆန်ဈေးကျရန် လက်လီရောင်းသူများ (၅)ရာခိုင်နှုန်းသာအမြတ်တင်ပြီး ရောင်းချရမည်ဟု သတ်မှတ်

၄။ ရာစုနှစ်တိုင်အောင်ပျောက်ဆုံးနေခဲ့သော အီတလီပန်းချီဆရာ ကာရာဗက်ဂီယို၏ပန်းချီကား ပြတိုက်တွင်ပြသထား ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

မြန်မာ-ထိုင်းနယ်စပ်လမ်းကြောင်းကနေ ထိုင်းနိုင်ငံကို ရန်ကုန်-ကော့သောင်း-ရနောင်း ကွန်တိန်နာသင်္ဘော နဲ့ မြန်မာ့ပြောင်းဆံတွေ စမ်းသပ်တင်ပို့သွားမယ်လို့ မြန်မာနိုင်ငံပြောင်းလုပ်ငန်းအသင်းက သိရပါတယ်။
#Local_News
Published_ 26 June 2024
#မြန်မာ့ပြောင်းစမ်းသပ်တင်ပို့ #မြန်မာ-ထိုင်းနယ်စပ်လမ်းကြောင်း
#YMG NN #Yangon_Times

ခရီးသွားဆွဲဆောင်နိုင်မယ့် Short Flim ပြိုင်ပွဲတစ်ခုကျင်းပမယ်။ ပြိုင်ပွဲဝင်လက်ရာမှာ နောက်ခံအသံဟာ copy right မငြိဖို့ လိုအပ်ပြီး မြန်မာအသံနဲ့ သဘာဝ natural အသံတွေ ပါဝင်ပါက ရွေးချယ်ခံရဖို့ အခွင့်အလမ်းပိုများနိုင်တယ်လို့ သိရပါတယ်။

#Local_News
Published_ 26 June 2024
#Short Flim ပြိုင်ပွဲ #ခရီးသွားဆွဲဆောင်နိုင်
#tthl  #Yangon_Times

ဆန်ဈေးကျဖို့ လက်လီရောင်းသူတွေ (၅)% သာအမြတ်တင်ပြီး ရောင်းချရမယ်လို့ သတ်မှတ်လိုက်တယ်လို့သိရပါတယ်။ ဆန်ဈေးနှုန်းကျဆင်းတည်ငြိမ်စေရေးအတွက် ဧည့်မထ(၅)ပြည်ကို ကျပ် (၁၅၀၀၀)၊ ပေါ်ဆန်း (၅)ပြည်ကိုကျပ် (၂၅၀၀၀)နဲ့ရောင်းချပေးနေပါတယ်။
#Local_News
Published_ 26 June 2024
#လက်လီရောင်းသူများ(၅)% သာအမြတ်တင် #ဆန်ဈေးနှုန်းကျဆင်းတည်ငြိမ်စေရေး
#tthl #Yangon_Times

ပြည်တွင်းရွှေ့ပြောင်းလာသူများတဲ့အတွက် နေပြည်တော် အိမ်ခြံမြေ အငှားဈေးကွက်မှာ သွက်နေတယ်လို့ မြန်မာနိုင်ငံအိမ်ခြံမြေလုပ်ငန်းဖွံ့ဖြိုးတိုးတက်ရေးအသင်း (နေပြည်တော်)ထံက သိရပါတယ်။
#Local_News
Published_ 26 June 2024
#အိမ်ခြံမြေဈေးကွက် #ရွှေ့ပြောင်းလာသူများ #အငှားဈေးကွက်ပိုသွက်
#YMG/LW #Yangon_Times