#WorldHealth
Published - 1 April 2022
ကိုဗစ်ရောဂါနဲ့ တုပ်ကွေးရောဂါတပြိုင်တည်းဖြစ်ပွားခြင်းက ကိုဗစ်ရောဂါတစ်မျိုးတည်းဖြစ်ပွားခြင်းထက် ရောဂါလက္ခဏာ ပိုမိုဆိုးရွားနိုင်ပြီး အသက်အန္တရာယ်ပိုများကြောင်း သုတေသီများက The Lancet ဂျာနယ်မှာ သောကြာနေ့ကဖော်ပြခဲ့ပါတယ်။
ကိုဗစ်ရောဂါဖြင့် ဆေးရုံတက်ကုသခံနေရတဲ့လူနာ ၇,၀၀၀ နီးပါးကို စမ်းသပ်လေ့လာခဲ့ကြရာ ရောဂါနှစ်မျိုးစလုံးကူးစက်ခံနေရသူ ၂၂၇ ဦးပါဝင်ခဲ့ပါတယ်။
SARS-CoV-2 ဗိုင်းရပ်စ်နဲ့ တုပ်ကွေးဗိုင်းရပ်စ်နှစ်မျိုးစလုံးကူးစက်နေတဲ့သူတွေဟာ ကိုဗစ်ရောဂါတစ်မျိုးတည်းဖြစ်ပွားတဲ့သူတွေနဲ့ယှဉ်ရင် အသက်ရှူကိရိယာလိုအပ်မှု ၄ ဆပိုများပြီး အသက်သေဆုံးနိုင်မှု ၂.၄ ဆပိုများကြောင်း တွေ့ရှိခဲ့ကြပါတယ်။
အဆိုပါဗိုင်းရပ်စ်နှစ်မျိုးတပြိုင်တည်းကူးစက်ခြင်းက အလွန်အန္တရာယ်များကြောင်း အီဒင်ဘာ့ဂ်တက္ကသိုလ်မှ ဒေါက်တာ'ကန်းနက်ဘေလီ'က ပြောပြခဲ့ပါတယ်။
"ကိုဗစ်ဗိုင်းရပ်စ်က တုပ်ကွေးဗိုင်းရပ်စ်နဲ့ပါရောပြီး ကူးစက်လာနိုင်ပါတယ်။ ဒါကြောင့် ဆေးရုံပေါ်ကကိုဗစ်လူနာတွေကို ဆေးစစ်စမ်းသပ်ဖို့ အစီအစဉ်ပြောင်းလဲသတ်မှတ်သင့်ပြီး တုပ်ကွေးရောဂါကိုလည်း ကျယ်ကျယ်ပြန့်ပြန့်စစ်ဆေးသင့်ပါတယ်" လို့ 'ဘေလီ'က ဖော်ပြထားပါတယ်။
ကိုဗစ်ကာကွယ်ဆေးနဲ့ တုပ်ကွေးကာကွယ်ဆေးတို့ က အမျိုးအစားမတူညီတာကြောင့် လူတွေအနေနဲ့ ကာကွယ်ဆေးနှစ်မျိုးစလုံးထိုးနှံထားသင့်ကြောင်း အင်ပီရီယယ်ကောလိပ်လန်ဒန်မှ ဒေါက်တာ'ပီတာအိုပင်ရှော'က ထည့်လောင်းပြောကြားသွားပါတယ်။
Source: Reuters
#WorldEnvironment
Published 31 March 2022
အင်ဒိုနီးရှားဘေးမဲ့တောတစ်ခုမှာ ရှားပါးသတ္တဝါတစ်မျိုးဖြစ်တဲ့ ဆူမာထရာကြံ့တစ်ကောင်ကို အောင်မြင်စွာမွေးဖွားနိုင်ခဲ့ကြောင်း သဘာဝပတ်ဝန်းကျင်ထိန်းသိမ်းရေးအရာရှိတစ်ဦးက ပြောကြားလိုက်ပြီး မျိုးသုဉ်းပျောက်ကွယ်မည့်အန္တရာယ်ကြုံတွေ့နေရတဲ့ သတ္တဝါတွေကို ထိန်းသိမ်းစောင့်ရှောက်တဲ့နေရာမှာ အောင်မြင်မှုတစ်ခုရခဲ့တယ်ဆိုရမှာ ဖြစ်ပါတယ်။
#Yangon_Media_Group
Published 31 March 2022
ရုရှားနှင့် တရုတ်တို့ဟာ ပိုပြီးမျှတတဲ့ ကမ္ဘာ့အင်အားအစီအစဉ်ကို ဦးတည်တဲ့လမ်းကြောင်းကို ဦးတည်နေကြပြီလို့ ရုရှားနိုင်ငံခြားရေးဝန်ကြီး ဆာဂေးလက်ဗရော့က ပြောကြားလိုက်ပါတယ်။
ရုရှားဟာ ယူကရိန်းထဲ ကျူးကျော်ဝင်ရောက်ပြီးနောက်ပိုင်း တရုတ်နိုင်ငံကို ရုရှားနိုင်ငံခြားရေးဝန်ကြီးဟာ ပထမဆုံးအဖြစ် လာရောက်ခဲ့ရာမှာ ယခုလိုပြောကြားခဲ့တာပါ။
လာဗရော့ဗ်ဟာ တရုတ်အရှေ့ပိုင်းဟွမ်ရှမ်းမြို့ကို ဗုဒ္ဓဟူးနေ့ စောစောပိုင်းက ရောက်ရှိလာခဲ့ပြီး တရုတ်နိုင်ငံခြားရေးဝန်ကြီး ဝမ်ယီနှင့် တွေ့ဆုံဆွေးနွေးခဲ့ပါတယ်။
ရုရှားနိုင်ငံခြားရေးဝန်ကြီးဌာနက ထုတ်ပြန်တဲ့ဗွီဒီယိုထဲမှာ ကမ္ဘာကြီးဟာ လက်ရှိအရေးကြီးတဲ့အဆင့်ကျော်သွားရင် အင်အားပေါင်းစုံဝင်ရိုးစွန်း multipolar ကမ္ဘာ့အစီအစဉ်သစ်တစ်ခုထဲ ဦးတည်ရွေ့လျားသွားလိမ့်မယ်လို့ ရုရှားနိုင်ငံခြားရေးဝန်ကြီးက ပြောပါတယ်။
Source AFP
Published 31 March 2022
ကမ္ဘာ့အကြီးဆုံး အပျော်စီးလျှပ်စစ်သင်္ဘော the Yangtze River Three Gorges 1ကို တရုတ်နိုင်ငံ အလယ်ပိုင်း ဟူဘေးပြည်နယ်ရှိ ယီချန်တွင် ပွဲဦးထွက်အဖြစ် အင်္ဂါနေ့က စတင်ခုတ်မောင်းခဲ့ပါတယ်။
အဲဒီလျှပ်စစ်သင်္ဘောဟာ ၇၅၀၀ ကီလိုဝပ်နာရီစွမ်းအားရှိတဲ့ အကြီးဆုံးပါဝါဘက်ထရီနှင့်ခုတ်မောင်းတာဖြစ်ပြီး အဲဒီစွမ်းအားဟာ လျှပ်စစ်ကားအစီးရေ ၁၀၀ကျော်အတွက် စွမ်းအားနှင့် ညီမျှပါတယ်။
သင်္ဘောဟာ အားတစ်ကြိမ်သွင်းထားပါက ၁၀၀ကီလိုမီတာ အထိခုတ်မောင်းနိုင်ပြီး တစ်နှစ်တာမှာ လောင်စာ ၅၃၀တန်ကို ချွေတာနိုင်ပြီး အဆိပ်ရှိဓာတ်ငွေ့တွေထုတ်လုပ်မှုတွေကို ၁၆၆၀တန်အထိ လျှော့ချနိုင်ပါတယ်။ အဲဒါကြောင့် ၂၀၃၀အရောက်မှာ ကာဘွန် ထုတ်လုပ်မှုကို အမြင့်ဆုံးလျှော့ချပစ်ဖို့ တရုတ်နိုင်ငံရဲ့ ရည်မှန်းလုပ်ဆောင်နေမှုမှာ သိသာစွာအကျိုးသက်ရောက်စေမှာဖြစ်ပါတယ်။
လျှပ်စစ်သင်္ဘောဟာ ၁၀၀မီတာအလျားရှိပြီး ဗြက်အနေနှင့် ၁၆.၂မီတာရှိပါတယ်။ ခရီးသည် ၁၃၀၀ တင်ဆောင်နိုင်ပြီး ယီချန်မြို့အနီးက ယန်စီမြစ်တစ်လျောက် ရှုခင်းကြည့်ခရီးစဉ်တွေအတွက် အသုံးပြုနိုင်မှာဖြစ်ပါတယ်။
Source CMG
#LocalNews
Published -31 Mar 2022
ကရင်ပြည်နယ်၊ဘားအံမြို့နယ်အတွင်းရှိ ဇွဲကပင်တောင်ပေါ်တွင်ပျောက်ဆုံးနေသော ဘုရာဖူးအမျိုးသမီးတစ်ဦးကို ရှာဖွေကယ်ဆယ်ရေးလုပ်ငန်းများ ယနေ့ နံနက်ပိုင်းက စတင်ဆောင်ရွက်နေပြီဖြစ်တယ်လို့ မြန်မာနိုင်ငံလူမှုကယ်ဆယ်ရေးအသင်း(နောင်လုံ)ကနေ သိရပါတယ်။
#Yangon_Media_Group
#LocalNews
Published - 31 March 2022
ကလေးမြို့ပေါ်သို့ ချင်းစစ်ဘေးရှောင်ပြည်သူများ ထပ်တိုးရောက်ရှိလာပြီး လက်ရှိမှာ ၎င်းစစ် ဘေးရှောင်ပြည်သူများအတွက် စားနပ်ရိက္ခာလိုအပ်မှုတွေရှိနေတယ်လို့ သိရပါတယ်။
#Yangon_Media_Group
#LocalNews
Published_31 March 2022
နစကရဲ့ နိုင်ငံခြားရေးဝန်ကြီး ဦးဝဏ္ဏမောင်လွင်ဟာ တရုတ်နိုင်ငံခြားရေးဝန်ကြီးရဲ့ တရားဝင် ဖိတ်ကြားချက်အရ ဒီကနေ့ မနက် ၇ နာရီက တရုတ်ပြည်သူ့သမ္မတနိုင်ငံကို ထွက်ခွာသွားပါတယ်။
#Yangon_Media_Group
#LocalNews
Published - 31 Mar 2022
မောင်တောမြို့နယ်တွင် ငွေကျပ် ၁ ဒသမ ၄၆ ဘီလီယံကျော်တန်ဖိုးရှိ စိတ်ကြွရူးသွပ်ဆေးပြားများကို နယ်ခြားစောင့်တပ်ဖွဲ့က ဖမ်းဆီးရမိခဲ့တယ်လို့ သိရပါတယ်။
အမှတ်(၁)နယ်ခြားစောင့်ရဲကွပ်ကဲမှုအဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် မတ်လ ၂၈ ရက်နေ့ နံနက် ၁၁ နာရီအချိန် ရခိုင်ပြည်နယ်၊ မောင်တောမြို့နယ်၊ ကျီးကန်းပြင်ကျေးရွာအနီးတွင် (၃)မိုင်ဘက်မှ ကြိမ်ချောင်းဘက်သို့ လှထွန်းစိန် မောင်းနှင်ပြီး ဦးသန်းနု၊ ထွန်းအောင်သိန်း တိုလိုက်ပါလာသော မော်တော်ဆိုင်ကယ်ကိုရှာဖွေရာ ၎င်းတို့ထံမှ စိတ်ကြွရူးသွပ်ဆေးပြား ၉၇၅ ပြားသိမ်းဆည်းရမိခဲ့ပြီး စစ်ဆေးဖော်ထုတ်ချက်များအရ မွန်းလွဲ ၁ နာရီအချိန် မောင်တောမြို့နယ်၊ သရေကုန်းဘောင်ကျေးရွာနေ မတင်ကြည်၏နေအိမ်အား ဆက်လက်ရှာဖွေရာ ၎င်းနှင့်အတူ ခင်မောင်ဦး၊ ခိုင်မိုးလင်း၊ မောင်ထွေးတင်၊ လေးမြင့်ဦး၊ မာမာတ်ရှော်ဟီးတို့ ၆ ဦးအား တွေ့ရပြီး သုံးဘီးဆိုင်ကယ် ၁ စီး၊ မော်တော်ဆိုင်ကယ် ၂ စီးနှင့်အတူ နေအိမ်အတွင်းမှ စိတ်ကြွရူးသွပ်ဆေးပြား ၉ ဒသမ ၇၅ သိန်း၊ မြန်မာငွေကျပ် ၉ သိန်း သိမ်းဆည်းရမိခဲ့တယ်လို့ သိရပါတယ်။
ဒေသကာလတန်ဖိုးငွေကျပ် ၁ ဒသမ ၄၆ ဘီလီယံကျော်တန်ဖိုးရှိ စုစုပေါင်း စိတ်ကြွရူးသွပ်ဆေးပြား ၉ ဒသမ ၇၅ သိန်းကျော် သိမ်းဆည်းရမိခဲ့တာကြောင့် ၎င်းတို့အား ဥပဒေအရအရေးယူထားရှိပြီး ကွင်းဆက်ပြစ်မှုကျူးလွန်သူများအား ဆက်လက်စစ်ဆေးဖော်ထုတ်လျက်ရှိတယ်လို့ သိရပါတယ်။
ymg/hm
#Yangon_Media_Group
#LocalNews
Published_31 March 2022
ရခိုင်ပြည်နယ်တွင် ကျောင်းသားကျောင်းသူ ၃,၈၀၀ ကျော် တက္ကသိုလ်ဝင်တန်းစာမေးပွဲဝင်ရောက်ဖြေဆိုရန်ပျက်ကွက်ခဲ့ကြောင်း ပြည်နယ်ပညာရေးမှူးရုံး၏ စာရင်းများအရ သိရသည်။
စာမေးပွဲ ဖြေဆိုရန်စာရင်းပေးထားသူ ၄၅,၆၀၀ ဦးရှိသည့်အနက် ၄၁,၇၅၃ ဦး ဖြေဆိုခဲ့သည့်အတွက် ၃,၈၄၇ ဦး ဝင်ရောက်ဖြေဆိုရန် ပျက်ကွက်ခဲ့ခြင်းဖြစ်ကြောင်း ၊ ယင်းကြောင့် အဆိုပါစာရင်းများကို ရာခိုင်နှုန်းဖြင့် တွက်ချက်ပါက ဖြေဆိုမှုရာခိုင်နှုန်းမှာ ၉၁ ဒသမ ၅၆ ရာခိုင်နှုန်းရှိပြီး ပျက်ကွက်ရာခိုင်နှုန်းမှာ ၈ ဒသမ ၄၄ ရာခိုင်နှုန်းရှိကြောင်း ၊ လက်ရှိတွင် စာမေးပွဲ ဖြေဆိုရာတွင် မသန်စွမ်း ၆ ဦးနှင့် ဆေးရုံတွင်ဖြေဆိုမည့်သူ ၁ ဦးပါကြောင်းလည်း သိရသည်။
ယခုနှစ် တက္ကသိုလ်ဝင်တန်းစာမေးပွဲကို ယနေ့ မတ်လ ၃၁ ရက် နံနက် ၉ နာရီမှစ၍ လာမည့် ဧပြီလ ၉ ရက်အထိ ကျင်းပနေခြင်းဖြစ်ကြောင်း ၊ ရခိုင်ပြည်နယ်တွင် စာစစ်ဌာန ၁၂၈ ခုရှိပြီး လုံခြုံရေးအခြေအနေကြောင့် စာစစ်ဌာန ၂ဝ ကို မြို့ပေါ်သို့ ပြောင်းရွှေ့ဖြေဆိုနေရကြောင်းလည်း သိရသည်။
ymg/mt
#Yangon_Media_Group
#LocalNews
Published - 31 March 2022
ဝိဇ္ဇာ/ သိပ္ပံ တက္ကသိုလ်များ၊ ဆရာအတတ်သင် ပညာဦးစီးဌာနရှိ ပညာရေးဒီဂရီကောလိပ်တွေရဲ့ ဘာသာရပ်အားလုံးကို ၂၀၂၂ ခုနှစ် မေလ ၁၂ ရက်နေ့မှာ ဖွင့်လှစ်သွားမယ်လို့ မတ်လ ၃၀ ရက်နေ့က ပညာရေးဝန်ကြီးဌာန ပြည်ထောင်စုဝန်ကြီးနဲ့ တာဝန်ရှိသူများတွေ့ဆုံပွဲက သိရပါတယ်။
ဒ့ါအပြင် ၂၀၂၀ ပြည့်နှစ် တက္ကသိုလ်ဝင်တန်းအောင် ကျောင်းသား၊ ကျောင်းသူတွေရဲ့ ပထမနှစ်သင်တန်းတွေပါ မေလ ၁၂ ရက်နေ့မှာ ဖွင့်လှစ်သွားမှာဖြစ်ပြီး ၂၀၂၂ ခုနှစ် တက္ကသိုလ်ဝင်တန်းအောင် ကျောင်းသား၊ ကျောင်းသူတွေလည်း တက်ရောက်ကာ ပုံမှန်စာသင်နှစ်နဲ့ ဖွင့်လှစ်သင်ကြားပေးနိုင်ဖို့ လုပ်ဆောင်သွားမယ်လို့ သိရပါတယ်။
အဝေးသင်တက္ကသိုလ်သင်တန်းတွေဟာ စက်တင်ဘာလနဲ့ အောက်တိုဘာလတို့မှာ အနီးကပ်သင်တန်းတက်ရောက်ဖြေဆိုကြမှာဖြစ်ပြီး နိုဝင်ဘာလတွင် စာသင်နှစ်ဝက်အသစ်အတွက် တက္ကသိုလ်အတန်းတွေကို ပြန်လည်ဖွင့်လှစ်သွားမှာ ဖြစ်ပါတယ်။
“ မတ်လ ၁၂ ရက်နေ့မှာ တက္ကသိုလ်တွေ၊ ဒီဂရီကော်လိပ်တွေအားလုံး အတန်းစုံ ကျောင်းပြန်ဖွင့်မှာဖြစ်တဲ့အတွက် ကျောင်းသန့်ရှင်းသာယာရေးနဲ့ ကိုဗစ်စင်တာဖွင့်လှစ်ခဲ့တဲ့ အဆောင်တွေကို ပိုးသန့်စင်ထားရမယ် ပြီးတော့ တက္ကသိုလ်တွေမှာ BA(Law) နဲ့ BS (Eco) သင်တန်းတွေ ဖွင့်လှစ်နိုင်ရေးအတွက် သင်ရိုးညွှန်းတမ်းတွေကို အသင့်ပြင်ဆင်ထားကြစေလိုပါတယ်” လို့ ဝန်ကြီး ဒေါက်တာညွှန့်ဖေက ပြောပါတယ်။
ဝင့်ခွင့်ရတဲ့ တက္ကသိုလ်စာရင်းတွေကိုလည်း သက်ဆိုင်ရာတက္ကသိုလ်အသီးသီးမှာ ဧပြီ ၁ ရက်နေ့မှာ ကြေညာသွားမှာမယ်လို့ သိရပါတယ်။
ymg/ei
#Yangon_Media_Group
#LocalNews
Published - 31 March 2022
တရုတ်-မြန်မာ နှစ်နိုင်ငံကုန်သွယ်မှုတိုးတက်ရေးအတွက် သဘောတူညီချက်များကို ရရှိခဲ့တယ်လို့
သိရပါတယ်။
အဆိုပါ တရုတ်-မြန်မာ ကုန်သွယ်ရေးချောမွေ့စေရေးလုပ်ငန်းအဖွဲ့ရဲ့ ဒုတိယအကြိမ်အစည်းအဝေးကို မတ်လ ၃၀ ရက်နေ့က ဗီဒီယိုစနစ်ဖြင့် ကျင်းပခဲ့ခြင်းဖြစ်ပါတယ်။
အစည်းအဝေးတွင် နှစ်ဦးနှစ်ဖက်က ဂရုပြုသည့် နယ်စပ်ကုန်သွယ်ရေးချောမွေ့စေမှု၊ နယ်စပ်ဂိတ်များဖွင့်လှစ်မှု၊ စိုက်ပျိုးရေးထုတ်ကုန်များ စစ်ဆေးရေး၊ အစားထိုးစိုက်ပျိုးမှုနှင့် တရုတ်နိုင်ငံသို့တင်ပို့ရေး၊ ကုန်သွယ်ရေးနှင့် စာရင်းရှင်းမှုအဆင်ပြေချောမွေ့ရေး စသည့် အကြောင်းအရာများနှင့်စပ်လျဉ်း၍ ဆွေးနွေးခဲ့ကြတယ်လို့ သိရပါတယ်။
ထို့အပြင် တရုတ်-မြန်မာကုန်သွယ်ရေးက ကပ်ရောဂါကြောင့်အကျိုးသက်ရောက်မှုအား ကျော်ဖြတ်ကာ ရရှိခဲ့သည့်အောင်မြင်မှုများကို အသိအမှတ်ပြုခဲ့ကာ နောက်တစ်ဆင့်လုပ်ငန်း လားရာအား အတည်ပြုခဲ့သည့်အပြင် လုပ်ငန်းအဖွဲ့ယန္တရားအား ကောင်းမွန်စွာအသုံးပြုရေး၊ နှစ်နိုင်ငံကုန်သွယ်ရေးတည်ငြိမ်စွာ တိုးတက်ရေးအားမြှင့်တင်ရေးအတွက် သဘောတူညီချက်များ ရရှိခဲ့ခြင်းဖြစ်တယ်လို့ မြန်မာနိုင်ငံဆိုင်ရာ တရုတ်သံရုံးက သတင်းထုတ်ပြန်ခဲ့တာပါ။
အစည်းအဝေးသို့ မြန်မာနိုင်ငံဆိုင်ရာတရုတ်သံရုံး စီးပွားရေးသံမှူး Mr. Tan Shufu တက်ရောက်ခဲ့တယ်လို့လည်း သိရပါတယ်။
ဓါတ်ပုံ - မြန်မာနိုင်ငံဆိုင်ရာ တရုတ်သံရုံး
ymg/kg
#Yangon_Media_Group
#WorldPolitics
Published - 31 March 2022
ရုရှားနိုင်ငံမှထုတ်လုပ်တဲ့ စွမ်းအင်လောင်စာများနဲ့ ပို့ကုန်ပစ္စည်းများအားလုံးကို ရုရှားငွေကြေးရူဘယ်လ်ဖြင့်ဝယ်ယူပေးချေသွားရမှာဖြစ်ကြောင်း ရုရှားတို့ ကဗုဒ္ဓဟူးနေ့က အသိပေးကြေညာလိုက်ပါတယ်။
ယူကရိန်းကိုကျူးကျော်တဲ့အတွက် အနောက်နိုင်ငံက ရုရှားအပေါ်ဒဏ်ခတ်ပိတ်ဆို့ မှုများပြုလုပ်ခြင်းကို ရုရှားသမ္မတ'ဗလာဒီမီယာပူတင်'က ပြန်လည်တုန့်ပြန်တဲ့အနေနဲ့ အခုလိုချမှတ်ဖို့ ဆုံးဖြတ်လိုက်တာဖြစ်ပါတယ်။
၁၉၉၁ ခုနှစ် ဆိုဗီယက်ပြည်ထောင်စုပြိုကွဲပြီးနောက်ပိုင်း ရုရှားစီးပွားရေးအကြီးအကျယ်ထိခိုက်နေရတာဖြစ်ပါတယ်။
ထို့ကြောင့် 'ပူတင်'က အနောက်နိုင်ငံကိုလက်တုံ့ပြန်တဲ့အနေနဲ့ မတ်လ ၂၃ ရက်နေ့က ရုရှားဓာတ်ငွေ့ဝယ်ယူရာမှာ ရူဘယ်လ်ငွေဖြင့်ပေးချေဖို့ အမိန့်ချမှတ်လိုက်ပါတယ်။
အခုလိုသတ်မှတ်လိုက်ခြင်းက ဥရောပရဲ့စီးပွားရေးအကြီးမားဆုံးနိုင်ငံဖြစ်တဲ့ ဂျာမနီအနေနဲ့ အရေးပေါ်လောင်စာထောက်ပံ့မှုလိုအပ်နေပြီဖြစ်ကြောင်း အရိပ်အမြွက်ကြေညာခဲ့ပါတယ်။
ပြီးခဲ့တဲ့နှစ်အတွင်း ဂျာမနီကိုတင်သွင်းတဲ့ဓာတ်ငွေ့ ၅၅ ရာခိုင်နှုန်းခန့်ဟာ ရုရှားမှတင်သွင်းထားတာဖြစ်ပါတယ်။
အနောက်နိုင်ငံတွေရဲ့ဒဏ်ခတ်ပိတ်ဆို့မှုတွေကို ရုရှားတို့ ပိုမိုပြင်းထန်စွာတုန့်ပြန်သွားဖို့ ပြင်ဆင်သွားဖွယ်ရှိနေပြီး ရုရှားမှဓာတ်ငွေ့တင်ပို့ ခြင်းနဲ့ ပို့ ကုန်ပစ္စည်းများဝယ်ယူခြင်းအတွက် ရူဘယ်လ်ငွေဖြင့်သတ်မှတ်ပေးချေဖို့ ရုရှားထိပ်သီးဥပဒေအရာရှိတစ်ဦးက အကြံပြုလိုက်ပါတယ်။
ကမ္ဘာ့အမေရိကန်ဒေါ်လာတန်ဖိုးလည်း ထိခိုက်မှုတွေရှိနေပြီး ရုရှားအဓိကပို့ ကုန်ပစ္စည်းတွေကို ရူဘယ်လ်ဖြင့်ပေးချေဖို့ သတ်မှတ်လိုက်ခြင်းက ရုရှားနဲ့မိတ်ဖက်နိုင်ငံများအကျိုးအမြတ်ရရှိဖိုဖြစ်ကြောင်း ရုရှားအစိုးရအဖွဲ့ မှပြောရေးဆိုခွင့်ရှိသူ'ဒီမစ်ထရီပက်စ်ကော့ဗ်'က ပြောကြားခဲ့ပါတယ်။
ဥရောပကိုတင်သွင်းတဲ့ဓာတ်ငွေ့ ၄၀ ရာခိုင်နှုန်းကို ရုရှားမှတင်သွင်းတာဖြစ်ပြီး ယူရိုငွေဖြင့်အများဆုံးပေးချေနေရပါတယ်။
ဥရောပနိုင်ငံတွေအနေနဲ့ ရုရှားနိုင်ငံပိုင်ဓာတ်ငွေ့ကုမ္ပဏီကြီး Gazprom နဲ့ နောက်ထပ်စာချုပ်ချုပ်ဆိုသွားဖွယ်မရှိပါဘူး။
"ဓာတ်ငွေ့ဝယ်ချင်ရင် ရူဘယ်လ်နဲ့ပေးချေရပါမယ်။ ဒါ့အပြင် ရုရှားအကျိုးအမြတ်ရဖို့ အတွက် ရူဘယ်လ်နဲ့ပေးချေဝယ်ယူရမယ့်ကုန်ပစ္စည်းတွေထဲမှာ မြေဩဇာ၊ ဆန်စပါး၊ ဆီ၊ ကျောက်မီးသွေး၊ သတ္တု၊ သစ် စတဲ့ပစ္စည်းတွေကိုလည်း ထည့်သွင်းသတ်မှတ်သွားသင့်ပါတယ်" လို့ လွှတ်တော်ဥက္ကဌ'ဗီယာချက်စ်လက်ဗ်ဗိုလိုဒင်'က တယ်လီဂရမ်မှာ ဖော်ပြသွားပါတယ်။
နှစ်စဉ်နှစ်တိုင်း ရုရှားမှဥရောပသို့ တင်ပို့ တဲ့ဓာတ်ငွေ့တွေဟာ ဒေါ်လာဘီလီယံရာနဲ့ချီပြီး တန်ကြေးရှိပါတယ်။
Gazprom ကုမ္ပဏီကတင်ပို့တဲ့ဓာတ်ငွေ့ ၅၈ ရာခိုင်နှုန်းကိုယူရိုငွေ၊ ၃၉ ရာခိုင်နှုန်းကို အမေရိကန်ဒေါ်လာ၊ ၃ ရာခိုင်နှုန်းကို စတာလင်ပေါင်နဲ့ ပေးချေနေကြတာဖြစ်ပါတယ်။
ရူဘယ်လ်ငွေနဲ့ပြောင်းလဲဝယ်ယူနိုင်ဖို့ ဝယ်ယူသူတွေကိုအချိန်ပေးသွားမှာဖြစ်ကြောင်း 'ပက်စ်ကော့ဗ်'က ဆိုပါတယ်။
ကမ္ဘာပေါ်မှာ သဘာဝအရင်းအမြစ်အများဆုံးထုတ်လုပ်ထွက်ရှိရာရုရှားနိုင်ငံကို ဒဏ်ခတ်ပိတ်ဆို့ မှုပြုလုပ်ခြင်းက ကုန်ပစ္စည်းဈေးနှုန်းများအဆမတန်မြင့်တက်လာနိုင်ကာ ဥရောပနဲ့အမေရိကန်တို့ မှာ စီးပွားရေးဆုတ်ယုတ်မှုများဖြစ်လာနိုင်တယ်လို့ ရုရှားတာဝန်ရှိသူများက အကြိမ်ကြိမ်သတိပေးထားပါတယ်။
Source: Reuters
Page 1310 of 1404