အသစ်ပြဌာန်းမယ့်ဥပ‌ဒေမှာ မူးယစ်ဆေးစွဲသမားတွေအတွက်ပုဒ်မ(၁၅)ရှိပေမယ့် ပြစ်ဒဏ်မရှိတော့ဘဲ ပြန်လည်ထူထောင်ရေးအနေနဲ့ ဆေးဖြတ်ရမှာဖြစ်တယ်လို့ မူးယစ်ဆေးစွဲသူများ ပြန်လည်ထူထောင်ရေးအသင်း(မြန်မာ)မှ သိရပါတယ်။
#Local_News
Published_ 29 June 2024
#မူးယစ်ဆေးစွဲလူနာ  #ဆေးဖြတ်ရန်အမြန်ဆုံးကြိုးစားသင့်           
#tthl #Yangon_Times

၂၉ ဇွန် ၂၀၂၄

တရုတ်ပြည်သူ့သမ္မတနိုင်ငံ ဘေဂျင်းမြို့မှာကျင်းပတဲ့ ငြိမ်းချမ်းစွာအတူယှဉ်တွဲနေထိုင်ရေး မူကြီး (၅)ချက်ထုတ်ပြန်ခြင်း နှစ်(၇၀)ပြည့်အခမ်းအနားသို့  နိုင်ငံတော်သမ္မတ(ငြိမ်း)ဦးသိန်းစိန်ဟာ မြန်မာ ကိုယ်စားလှယ်အဖွဲ့နှင့်အတူတက်ရောက်ခဲ့ပါတယ်။

တရုတ်ပြည်သူ့သမ္မတနိုင်ငံသမ္မတ ရှီကျင့်ဖျင် ဟာ အခမ်းအနားမစတင်ခင်မှာ အခမ်းအနားသို့ တက်ရောက်လာတဲ့ မြန်မာနိုင်ငံ သမ္မတ(ငြိမ်း)ဦးသိန်းစိန်အပါအဝင် အခြားသော နိုင်ငံ့အကြီးအကဲဟောင်း   များနှင့် ခေါင်းဆောင်တွေကို တစ်ဦးချင်းနှုတ်ဆက်ခဲ့ပါတယ်။

Source CCTV+

#Local_News
Published_ 29 June 2024
 ▪️ ရှန်ဟိုင်းပူးပေါင်းဆောင်ရွက်မှုဆိုင်ရာအဖွဲ့၏ တိုင်းရင်းဆေးပညာရပ်ဆိုင်ရာ ညီလာခံဖွင့်ပွဲသို့ မြန်မာနိုင်ငံမှ ကျန်းမာရေးဝန်ကြီး ဒေါက်တာသက်ခိုင်ဝင်းနှင့်အဖွဲ့ဝင်များတက်ရောက်ခဲ့ကြောင်း သိရသည်။

▪️ ညီလာခံတွင် ပြည်ထောင်စုဝန်ကြီး ဒေါက်တာသက်ခိုင်ဝင်းက "ယနေ့ညီလာခံတွင် ရှန်ဟိုင်းပူးပေါင်းဆောင်ရွက်မှုဆိုင်ရာအဖွဲ့၏ အဖွဲ့ဝင်နိုင်ငံများ၊ လေ့လာသူနိုင်ငံများနှင့် ဆွေးနွေးဖက်နိုင်ငံများ၏ တိုင်းရင်းဆေးနယ်ပယ်မှ တိုင်းရင်းဆေးပညာရှင်များ၊ ဆေးဝါးကွပ်ကဲရေးအဖွဲ့များမှ ပညာရှင်များနှင့် စီးပွားရေးလုပ်ငန်းရှင်များအကြား တိုင်းရင်းဆေးနှင့်ပတ်သက်၍ ဘက်စုံကဏ္ဍစုံမှ စဉ်းစားသုံးသပ်မှုများလုပ်ဆောင်ပြီး ဖွံ့ဖြိုးတိုးတက်ရေးဆောင်ရွက်နိုင်မည်ဟု ယုံကြည်ကြောင်း၊

▪️ အထူးသဖြင့်သိပ္ပံနည်းကျသုတေသနတွင် ရင်းနှီးမြှုပ်နှံပြီး ခေတ်မီနည်းပညာများ အသုံးပြုခြင်းဖြင့် တိုင်းရင်းဆေးဝါးများ၏ အရည်အသွေး၊ ထိရောက်မှု၊ ဘေးကင်းလုံခြုံစိတ်ချရမှုနှင့် သုံးစွဲနိုင်မှုတိုကို မြှင့်တင်နိုင်မည်ဖြစ်ကြောင်း၊

▪️ တိုင်းရင်းဆေးပညာ၏ မူပိုင်ခွင့်ဆိုင်ရာ စံသတ်မှတ်ခြင်းလုပ်ငန်းဆောင်ရွက်ခြင်းသည် အရေးကြီးကြောင်း၊ ယနေ့ကျင်းပပြုလုပ်သော ညီလာခံသည် ရှန်ဟိုင်း ပူးပေါင်းဆောင်ရွက်မှုဆိုင်ရာအဖွဲ့၏ အဖွဲ့ဝင်နိုင်ငံများ၊ လေ့လာသူနိုင်ငံများနှင့် ဆွေးနွေးဖက်နိုင်ငံများအကြား တိုင်းရင်းဆေးကဏ္ဍ ဘက်စုံဖွံ့ဖြိုးတိုးတက်ရေးအတွက် အပြန်အလှန် နားလည်ယုံကြည်မှု၊ တီထွင်ဆန်းသစ်မှုများဖြင့် ပိုမိုပူးပေါင်းဆောင်ရွက်သွားနိုင်မည်ဟု ယုံကြည်ကြောင်း" ပြောကြားခဲ့သည်။

▪️ ညီလာခံဖွင့်ပွဲအခမ်းအနားတွင် တရုတ်ပြည်သူ့သမ္မတနိုင်ငံ ကျန်းရှီးပြည်နယ်အုပ်ချုပ်ရေးမှူးနှင့် ကျန်းရှီးပြည်နယ် ပြည်သူ့ကွန်ဂရက်အမြဲတမ်းကော်မတီ ဒုတိယအတွင်းရေးမှူး Ye Jian-chun တို့က ညီလာခံကိုဖွင့်လှစ်ပေးကြပြီး ကျန်းရှီးပြည်နယ် ပြည်သူ့ကွန်ဂရက် အမြဲတမ်းကော်မတီဥက္ကဋ္ဌနှင့် ကျန်းရှီးပြည်နယ်ကော်မတီအတွင်းရေးမှူး Yin Hong က ကြိုဆိုနှုတ်ခွန်းဆက်စကား ပြောကြားသည်။

▪️ ထို့အတူ မြန်မာနိုင်ငံ၊ တရုတ်ပြည်သူ့သမ္မတနိုင်ငံ၊ ရုရှားဖက်ဒရေးရှင်းနိုင်ငံ၊ ဘယ်လာရုစ်နိုင်ငံ၊ ဘရူနိုင်းနိုင်ငံ၊ ပါကစ္စတန်နိုင်ငံ၊ မောလ်ဒိုက်နိုင်ငံ၊ မွန်ဂိုလီးယားနိုင်ငံနှင့် အီဂျစ်နိုင်ငံတို့မှ ဒုတိယဝန်ကြီးချုပ်၊ ကျန်းမာရေးဝန်ကြီးများ၊ ဒုတိယဝန်ကြီးများ၊ အတွင်းဝန်များ၊ အဆင့်မြင့်ကိုယ်စားလှယ်များနှင့် ရှန်ဟိုင်းပူးပေါင်းဆောင်ရွက်မှုဆိုင်ရာအဖွဲ့၏ ဒုတိယအတွင်းရေးမှူးချုပ်တို့ကလည်း အမှာစကားပြောကြားခဲ့ကြသည်။

▪️ ညီလာခံသို့ ရှန်ဟိုင်းပူးပေါင်းဆောင်ရွက်မှုဆိုင်ရာ အဖွဲ့၏အဖွဲ့ဝင်နိုင်ငံ၊ လေ့လာသူနိုင်ငံနှင့် မိတ်ဖက်နိုင်ငံများမှ ကိုယ်စားလှယ်အဖွဲ့ဝင်များ၊ တိုင်းရင်းဆေး ပညာရှင်များ၊ ဆေးဝါးကွပ်ကဲရေးအဖွဲ့များမှ ပညာရှင်များနှင့် စီးပွားရေးလုပ်ငန်းရှင်များ တက်ရောက်ခဲ့ကြကြောင်း သိရသည်။

#tthl #Yangon_Times

#Local_News
Published_ 29 June 2024

▪️ ပင်လယ်ရေအောက် ကေဘယ်လ်ဆက်ကြောင်း ချို့ယွင်းမှု ပြင်ဆင်ပြီးစီး၍  MPT မိုဘိုင်းလ်အင်တာနက်များ မူလအတိုင်း အသုံးပြုနိုင်ပြီဖြစ်ကြောင်း မြန်မာ့ဆက်သွယ်‌ရေးလုပ်ငန်း (MPT)မှ ဇွန်၂၈ ရက်က အသိပေးကြေညာထားသည်။

▪️ SEA-ME-WE5 ပင်လယ်ရေအောက် ကေဘယ်လ်ဆက်ကြောင်း ချို့ယွင်းမှု ပြန်လည်ပြင်ဆင်ပြီးစီးခြင်းဖြစ်ပြီး ယင်း ပင်လယ်ရေအောက် ကေဘယ်လ်ဆက်ကြောင်း ချို့ယွင်းခဲ့မှုကြောင့် ယခုဇွန်လအတွင်း MPT မိုဘိုင်းလ်အင်တာနက် သုံးစွဲသူများ အင်တာနက်လိုင်းများ ကျဆင်းခဲ့မှုများ ကြုံတွေ့ခဲ့ရခြင်းကြောင့် အဆင်မပြေမှုများအတွက် MPT က တောင်းပန်ထားဖြစ်ကြောင်း သိရသည်။

▪️ ထို့အပြင်  အဆင်မပြေဖြစ်ခဲ့သည့် သုံးစွဲသူများအတွက် ဒေတာလက်ဆောင် 500MB အား ဇွန်လ ၂၉ ရက်မှ ဇူလိုင်လ ၇ ရက်အတွင်း *2006*5# ကို ခေါ်ဆို၍ လက်ဆောင်ရယူနိုင်ကြောင်း သိရသည်။

#YMG/NN #Yangon_Times

#Local_News
Published_29 Jun 2024

▪️ ပြည်သူ့စစ်မှုထမ်းသင်တန်းအမှတ်စဉ်(၁)သင်တန်း ဆင်းပွဲများကို တိုင်းစစ်ဌာနချုပ်များအလိုက် နယ်မြေခံသင်တန်း ကျောင်းများအသီးသီးတွင် ယနေ့ ဇွန်လ ၂၈ ရက်က ကျင်းပပြုလုပ်ခဲ့ကြောင်း နစက သတင်းထုတ် ပြန်ရေး အဖွဲ့၏ ထုတ်ပြန်ချက်အရ သိရသည်။

▪️ အဆိုပါ ပြည်သူ့စစ်မှုထမ်းသင်တန်းအမှတ်စဉ်(၁) သင်တန်းဆင်းပွဲ အခမ်းအနားများသို့ နေပြည်တော်ကောင်စီ ဥက္ကဋ္ဌ၊ သက်ဆိုင်ရာ တိုင်းဒေသကြီးနှင့် ပြည်နယ်ဝန်ကြီးချုပ်များ၊ တိုင်းမှူးများနှင့် တာဝန်ရှိသူများတက်ရောက် ကြပြီး သင်တန်းဆင်းပွဲတွင် သင်တန်းဆင်းစစ်ရေးပြ အစီအစဉ်အတိုင်းဆောင်ရွက်ခဲ့ကြကာ ကတိသစ္စာခံယူခြင်းကို ဆောင်ရွက်ကြကြောင်း သိရသည်။

▪️ ထို့နောက် သက်ဆိုင်ရာ သင်တန်းကျောင်းအလိုက် ကျောင်းအုပ်ကြီးများက သင်တန်းဆင်းထူးချွန်ဆု များဖြစ် သည့် စံပြတပ်သားဆု၊ စစ်ရေးပြထူးချွန်ဆု၊ လက်ဖြောင့်တပ်သားဆု၊ စစ်သည်တော်ကျင့်ဝတ်ဆု၊ မိုင်းကျွမ်း ကျင်ဆု၊ တပ်စိတ်တိုက်နည်း ပထမဆု၊ ချေမှုန်းရေးပထမဆု၊ အိပ်ဆောင်အကောင်းဆုံးဆု ရရှိသူများအားဆုများ အသီးသီးပေးအပ်ချီးမြှင့်ခဲ့ကြောင်းလည်း သိရသည်။

▪️ အဆိုပါ ပြည်သူ့စစ်မှုထမ်းသင်တန်းအမှတ်စဉ်(၁)ကို ၂၀၂၄ ခုနှစ်၊ ဧပြီလ ၈ ရက်တွင် စတင်ဖွင့်လှစ်ခဲ့ခြင်းဖြစ်ပြီး သင်တန်းကာလအတွင်း ကြံ့ခိုင်ရေးဘာသာရပ်၊စစ်ရေးပြ ဘာသာရပ်၊ ခြေလျင်လက်နက်ငယ်ဘာသာရပ်များကို လည်းကောင်း၊ စစ်နည်းဗျူဟာဘာသာရပ်တွင်ပါဝင်သည့် ကိုယ်စီစစ်မြေပြင်ကျွမ်းကျင်မှု၊ အဖွဲ့အလိုက်၊ တပ် စိတ် အလိုက်လေ့ကျင့်ခြင်း၊ ချီတက်မှုလေ့ကျင့်ခြင်း၊ အထူးစစ်နည်းဗျူဟာ၊ စစ်ဘက်ရေးရာလုံခြုံရေး၊ ချေမှုန်းရေး လေ့ကျင့်ခန်း စသည့်သင်ခန်းစာများကို လည်း ကောင်း စာတွေ့၊ လက်တွေ့ စနစ်တကျသင်ကြားလေ့ ကျင့်ခဲ့ကြ ပြီး စစ်မြေပြင်အင်ဂျင် နီယာဘာသာရပ်၊ စစ်မြေပြင်အုပ်ချုပ်ရေး ဘာသာရပ်နှင့် အထွေထွေဘာ သာရပ် များကိုလည်း ရက်သတ္တပတ်အလိုက် အဆင့်ဆင့်လေ့ကျင့်သင်ကြားပေးခဲ့ကြောင်း သိရသည်။

▪️ ယင်းတို့အနေဖြင့်အဖွဲ့အစည်းစိတ်ဓာတ်များ(Team Sprit)၊ အဖွဲ့အစည်းဖြင့် စည်းစနစ်ကျနစွာလုပ်ကိုင် ဆောင် ရွက်တတ်သည့် အလေ့အကျင့်များ(TeamWork)၊ ရဲဘော်ရဲဖက်စိတ်(esprit de corps)နှင့် နိုင်ငံ ကောင်း အောင် ဆောင်ရွက်လိုသည့်စိတ်ဓာတ်များရရှိခဲ့ကြပြီး တာဝန် ကျရာ တပ်ရင်း၊ တပ်ဖွဲ့ အသီးသီးသို့ သွားရောက်၍ နိုင်ငံတော်ကာကွယ်ရေးနှင့် လုံခြုံရေးတာဝန်များကို ထမ်းဆောင်ကြတော့မည်ဖြစ်ကြောင်း သိရသည်။

#Yangon_Times/PP

#World_Health
Published 29 June 2024

▪️ ဒိန်ခဲဟာ အာဟာရပြည့်ဝတဲ့ နို့ထွက်ပစ္စည်းတစ်မျိုး ဖြစ်ပြီး အချဥ်ဖောက်ခြင်းနဲ့ ကစော်ဖောက်ခြင်းတို့ကနေ ရရှိကာ ဘက်တီးရီးယားတွေ အင်မ်ဇိုင်းတွေ ပါဝင်လေ့ရှိပါတယ်။

▪️ အသင့်အတင့်စားပေးပါက ကျန်းမာရေးအတွက် သင့်လျော်တာကြောင့် ဒိန်ခဲစားသုံးခြင်းရဲ့ ကျန်းမာရေး အကျိုးကျေးဇူးတွေကို ဖော်ပြလိုက်ပါတယ်။

 
▪️ (၁) ကယ်လ်စီယမ် ကြွယ်ဝတာကြောင့် သွားနဲ့အရိုး ကျန်းမာစေပြီး အရိုးပွရောဂါဖြစ်ခြင်းမှ ကာကွယ်ပေးပါတယ်။

 
▪️ (၂) ပရိုတိန်းဓာတ် အများအပြား ပါဝင်တာကြောင့် တစ်ရှူးများကို ပြုပြင်တည်ဆောက်ပေးကာ ကြွက်သားများကို ထိန်းသိမ်းပေးပါတယ်။

 
▪️ (၃) ဗိုက်တာမင်-ဘီ၁၂ က အာရုံကြော လုပ်ဆောင်ချက်များနဲ့ သွေးနီဥဆဲလ်များ ထုတ်လုပ်မှုအတွက် အရေးပါပါတယ်။

 
▪️ (၄) ကျန်းမာရေးနဲ့ ညီညွတ်တဲ့ အဆီများ ပါဝင်တာကြောင့် စွမ်းအင်ပေးနိုင်ပြီး ဗိုက်တာမင်စုပ်ယူမှုကို ကူညီပေးပါတယ်။
 

▪️ (၅) အူလမ်းကြောင်းရှိ ဘက်တီးရီးယားစနစ်ကို ကောင်းမွန်စေပြီး အစာကြေစေပါတယ်။

 
▪️ (၆) ဖော့စ်ဖရပ်စ် ကြွယ်ဝစွာ ပါဝင်တာကြောင့် အရိုးနဲ့သွားများကို ထိန်းသိမ်းပေးပါတယ်။

 
▪️ (၇) ဇင့်ပါဝင်ခြင်းကြောင့် ကိုယ်ခံအားစနစ်၊ ဒီအင်န်အေ ဖွဲ့စည်းမှု၊ ဆဲလ်ကွဲခြင်းတို့ကို ကူညီပေးပါတယ်။

 
▪️ (၈) ဗိုက်တာမင်-အေက အမြင်အာရုံ၊ ကိုယ်ခံအားစနစ်၊ အရေပြား ကျန်းမာရေးတို့ကို ထောက်ကူပေးပါတယ်။

 
▪️ (၉) ရိုင်ဘိုဖလေဗင် ဗိုက်တာမင်-ဘီ၁၂က အစားအစာတွေကို စွမ်းအင်အဖြစ် ပြောင်းလဲပေးကာ ဓာတ်တိုးဆန့်ကျင်ပစ္စည်းအဖြစ် လုပ်ဆောင်ပါတယ်။

 
▪️ (၁၀) ဒိန်ခဲမှာပါတဲ့ ပရိုတိန်းနဲ့ အဆီဓာတ်တို့က ဗိုက်ပြည့်ဝစေတာကြောင့် ကိုယ်အလေးချိန် ထိန်းသိမ်းပေးပါတယ်။

#Source: DoctorNDTV

#Local_News
Published_ 29 June 2024

▪️ 230kV မန်စံ - ရွှေစာရံလိုင်း အမြဲ တမ်းအပြစ်ဖြစ်သောကြောင့် ရန်ကုန်တိုင်းအတွက် နေ့စဉ်ယူနစ်ငါးသန်းကျော်  လျော့နည်းရရှိနေ၍ စက်မှုဇုန်နှင့် အများပြည်သူများအား သုံးစွဲ၀န်အားလျော့ချကာ ဓာတ်အားဖြန့်ဖြူးနေရသည့်အတွက် မြို့နယ်အချို့၌  လျှပ်စစ်မီးယာယီပြတ်တောက်နိုင်ကြောင်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်းမှ ယမန်နေ့က အသိပေးထုတ်ပြန်လိုက်သည်။

▪️ လက်ရှိတွင် ရန်ကုန်တိုင်းအတွက်မူလလျာထား‌သော ဓာတ်အားပမာဏထက်(၂၀% )နေ့စဉ်ယူနစ် (၅.၆၄၇) သန်းခန့် လျော့နည်းရရှိ နေခြင်းဖြစ်ပြီး  စက်မှုဇုန်နှင့် အများပြည်သူများအား  ယခင်ရက်ပိုင်း.သုံးစွဲ၀န်အားထက် လျော့ချ၍  ဓာတ်အားဖြန့်ဖြူးနေရခြင်းဖြစ်ကြောင်း သိရသည်။

▪️ နိုင်ငံတော်ဓာတ်အားစနစ်အတွင်း ဇွန်၂၆ ရက်နေ့၊ ညနေ ၇နာရီ ၅၄မိနစ်အချိန်ခန့်၌ 230kV မန်စံ -ရွှေစာရံလိုင်း အမြဲ တမ်းအပြစ်  (Permanent. fault) ဖြစ်၍ တစ်နိုင်ငံလုံးဓာတ်အားစနစ်ချို့ယွင်းမှု (System Breakdown) ဖြစ်ပွါးခဲ့ကြောင်း သိရသည်။

▪️ အဆိုပါ ဓာတ်အားလိုင်းချို့ယွင်းနေမှုကြောင့်  ယနေ့အထိနိုင်ငံတော်ဓာတ်အားစနစ်အတွင်းသို့ ရွှေလီဓာတ်အားပေးစက်များမှ လျှပ်စစ်ဓာတ်အား  ထုတ်လုပ်ပို့လွှတ်နိုင်မှု(၄၀၀)မဂ္ဂါဝပ်ခန့် တစ် နေ့လျှင်  လျှပ်စစ်ပမာဏယူနစ်( ၉.၅) သန်းခန့်လျော့နည်းရရှိနေပြီး နယ်မြေအခြေအနေအရပြုပြင်မှုများ ဆောင်ရွက်နိုင်ရန်စီစဉ်ထားဆဲဖြစ်ကြောင်း သိရသည်။

▪️ ထို့ကြောင့်   ရန်ကုန်တိုင်းဒေသကြီးအတွက် မူလလျာထား‌သော ဓာတ်အားပမာဏထက်.(၂၀% )နေ့စဉ်ယူနစ် (၅.၆၄၇) သန်းခန့် လျော့နည်းရရှိခဲ့ပါသဖြင့် အရေးပေါ် ဝန်အားလျှော့ထိန်းညှိခြင်းများ ဆောင်ရွက်နေရသည့်အတွက်ရန်ကုန်တိုင်းဒေသကြီးအတွင်းရှိ စက်မှုဇုန်နှင့် အများပြည်သူများအား  ယခင်ရက်ပိုင်းသုံးစွဲ၀န်အားထက် လျော့ချ၍  ဓာတ်အားဖြန့်ဖြူးနေရပါကြောင်းနှင့်အရေးပေါ်၀န်အား  ထိန်းညှိ‌မှုဆောင်ရွက်ရခြင်း‌များကြောင့် မြို့နယ်အချို့တွင် ယာယီဓာတ်အားပြတ်တောက်မှုများရှိနိုင်မည်ဖြစ်ကြောင်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်းမှ အသိပေးထားသည်။

#YMG/NN #Yangon_Times

#World_Health
Published 29 June 2024

▪️ မန်ချက်စတာတက္ကသိုလ်မှ သုတေသီများက ဆံပင်ပါးစေတဲ့ ဇီဝဖြစ်စဥ်တစ်မျိုးကို တွေ့ရှိခဲ့ကြပါတယ်။

▪️ အဆိုပါ တွေ့ရှိချက်ကနေ အနာဂတ်မှာ ဆံပင်ကျွတ်ခြင်းကို ကုသနိုင်မယ့်နည်းလမ်း ရလာရန် မျှော်လင့်နေကြပါတယ်။

▪️ ဖိစီးမှုပေါင်းစည်းတုန့်ပြန်ခြင်း (ISR)လို့ခေါ်တဲ့ ဖြစ်စဥ်ကို အလွန်အမင်းလှုံ့ဆော်တဲ့အခါ ဆံပင်ဖွံ့ဖြိုးမှုကို ဆိုးရွားစေတယ်လို့ သုတေသီများ တွေ့ရှိခဲ့ပါတယ်။

▪️ ထိုဖြစ်စဥ်မှာ ဆဲလ်တွေက ဖိစီးမှုအခြေအနေနဲ့ ကြုံတဲ့အခါ ပုံမှန်လှုပ်ရှားမှု ရပ်ဆိုင်းသွားပါတယ်။

▪️ မွေးညင်းပေါက်ဆဲလ်တွေဟာ သက်တမ်းရင့်လာတဲ့အခါ ဖိစီးမှုများလာပြီး ဖွံ့ဖြိုးမှု နှေးသွားပါတယ်။

▪️ ISR ဖြစ်စဥ် အလွန်အမင်း လှုံ့ဆော်လိုက်ရင်တော့ ဆဲလ်သေဆုံးသည်အထိ ဖြစ်သွားပါတယ်။

▪️ ဒါကြောင့် ISR ဖြစ်စဥ် အလွန်အမင်းလှုံ့ဆော်ခြင်း မဖြစ်အောင် ရပ်တန့်နိုင်မယ်ဆိုရင် ဆံပင်ကျွတ်ခြင်းမှ ကာကွယ်နိုင်ဖွယ် ရှိပါတယ်။

▪️ ဒီအတွက် သုတေသီ တယ်ဗင်းပါဘာနဲ့ မန်ချက်စတာအဖွဲ့က ဆံပင်ကျွတ်သူတွေရဲ့ ISR ဖြစ်စဥ်တွေကို လေ့လာခဲ့ကြပါတယ်။

▪️ အမျိုးသားအများစုက သက်လတ်ပိုင်းရောက်တဲ့အချိန်မှာ ဆံပင်ကျွတ်လာကြပါတယ်။

▪️ ဆံပင်ကျွတ်ခြင်းအတွက် ဆေးဝါးတွေက ဘေးထွက်ဆိုးကျိုးများပြီး လေဆာဖြင့်ကုသခြင်း၊ အစားထိုးကုသခြင်း နည်းလမ်းတွေလည်း ရှိပါတယ်။

#Source: New York Post

တရုတ်ပြည်မှ ချန်ဂယ်-၆ လကမ္ဘာစူးစမ်းရေးယာဥ် အခက်အခဲအောင်မြင်မှုကြီး(၃)ချက်ဖြင့် ကမ္ဘာပေါ်သို့ပြန်ရောက်လာ

တရုတ်နိုင်ငံရဲ့ ချန်ဂယ်-၆ လကမ္ဘာစူးစမ်းရေးယာဥ်ဟာ အင်္ဂါနေ့မှာ စူးစမ်းရေးခရီးစဥ် အောင်မြင်စွာ ပြီးဆုံးခဲ့ပြီး အခက်အခဲကျော်ဖြတ်မှုကြီး ၃ ခုပြုလုပ်နိုင်ခဲ့ကြောင်း တရုတ်မီဒီယာဂရု(CMG)မှ အစီရင်ခံသူတစ်ဦးက ကြေညာသွားပါတယ်။
#Asia_Space
Published 28 June 2024
#ချန်ဂယ်-၆ #တရုတ်မီဒီယာဂရု(CMG)
#YMG #Yangon_Times #Yangon_Media_Group

#Daily_News
Published_ 28 June 2024

၁။ နေပြည်တော်နှင့်မြို့ကြီးသုံးမြို့ရှိ လက်လီဆိုင် ၂၈၀ကျော်အပါအဝင် Superနှင့် Mini များ၌ပါ ကန့်သတ်ချက်မရှိရည်ညွှန်းဈေးဖြင့် ရောင်းချပေးနေ

၂။ မြန်မာအမျိုးသမီးလက်‌ရွေးစင်အသင်းနှင့် အိန္ဒိယအသင်းတို့ ဖီဖာနိုင်ငံတကာခြေစမ်းပွဲများကန်မည်

၃။ ဇူလိုင်လအတွင်းလေဖိအားနည်းရပ်၀န်း (၂)ကြိမ်၊ မုန်တိုင်းငယ်(၁)ကြိမ်‌ဖြစ်ပေါ်နိုင်၊ ကချင်၊ ရခိုင်၊ စစ်ကိုင်းအထက်ပိုင်းမိုးပိုမည်

၄။ တရုတ်ပြည်မှချန်ဂယ်-၆ လကမ္ဘာစူးစမ်းရေးယာဥ် အခက်အခဲအောင်မြင်မှုကြီး(၃)ချက်ဖြင့် ကမ္ဘာပေါ်သို့ပြန်ရောက်လာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

သက်ကြီးသင်္ဘောသားတွေအပြင် ကျန်းမာရေးချို့တဲ့တဲ့ ကင်ဆာလူနာ၊ ကျောက်ကပ်လူနာ၊ လေဖြတ်လူနာနဲ့ အခြားရောဂါဝေဒနာတွေခံစားနေရတဲ့ သင်္ဘောသားတွေကိုပါ ASGHCမှ ငွေကြေးကူညီထောက်ပံ့နေတယ်လို့ သိရပါတယ်။
#Local_News
Published_ 28 June 2024
#နာမကျန်းသင်္ဘောသားများ #ASHCမှကူညီထောက်ပံ့
#tthl #Yangon_Times

#Local_News
Published_ 28 June 2024

▪️ ဓာတ်အားပိတ်၌ အရှေ့ဒဂုံဓာတ်အားခွဲရုံလုပ်ငန်းများတိုးချဲ့ဆောင်ရွက်ရန်ရှိ၍ အရှေ့ဒဂုံမြို့နယ် (၅)ခုတွင် ယာယီဓာတ်အားပြတ်မည်ဖြစ်ကြောင်း ရန်ကုန်လျှပ်စစ်ဓာတ်အားပေးရေးကော်ပိုရေးရှင်းမှ အသိပေးထုတ်ပြန်ထားသည်။

▪️ အရှေ့ဒဂုံဓာတ်အားခွဲရုံ 66kV GIS Feeder-9 Extension Bay အတွက် Bus Differential Relay အား IP Address ထပ်တိုးခြင်းနှင့် Operation Function Test လုပ်ငန်းဆောင်ရွက်ရန်အတွက် အရှေ့ဒဂုံဓာတ်အားခွဲရုံကို ဇွန်လ(၂၉) ရက်၊(၃၀)ရက်များတွင် ဓာတ်အားပိတ်၍ လုပ်ငန်းဆောင်ရွက်မည်ဟုဆိုသည်။

▪️ သို့ဖြစ်ပါ၍  အဆိုပါ လုပ်ငန်းဆောင်ရွက်နေစဉ်အတွင်း ဒဂုံမြို့သစ်(မြောက်ပိုင်း)    မြို့နယ်၊   ရွှေပေါက္ကံမြို့နယ်၊ဒဂုံမြို့သစ်(အရှေ့ပိုင်း)မြို့နယ်၊ ဒဂုံမြို့သစ်(ဆိပ်ကမ်း)မြို့နယ်၊ ဒဂုံမြို့သစ် (တောင်ပိုင်း) မြို့နယ်တို့ရှိနေရာအချို့တို့တွင်   ယာယီဓာတ်အားပြတ်တောက်မှု ရှိမည်ဖြစ်ပါကြောင်းနှင့် ဓာတ်အားပြတ်တောက်ချိန် ကြာမြင့်မှုမရှိစေရေး၊  ဓာတ်အားပြတ်ဧရိယာ လျော့နည်းစေရေးအတွက် အလေးထားဆောင်ရွက်သွားမည်ဖြစ်ပါကြောင်း မိဘပြည်သူများထံသို့ လေးစားစွာ အသိပေးပန်ကြား အပ်ကြောင်းဖော်ပြထားသည်။

#tthl  #Yangon_Time