မြန်မာနိုင်ငံဆန်စပါးအသင်းချုပ်အနေနဲ့ ပို့ကုန်ကုမ္ပဏီတွေ အသင်းဝင်ဆန်စက်ကြီးတွေနဲ့ ညှိနှိုင်းပြီး တောင်သူ‌ထံမှ စပါးတင်းသိန်း၁၅၀နဲ့ ဧည့်မထဆန်အိတ်လေးသိန်းကို ဝယ်ယူသွားမယ်လို့ သိရပါတယ်။
#Local_News 
Published 24 March 2025
#မြန်မာနိုင်ငံဆန်စပါးအသင်းချုပ် #ဧည့်မထဆန်အိတ်လေးသိန်းဝယ်ယူ
#YMG/SW #Yangon_Times

မျိုးဆက်သစ်လူငယ်တွေ  အသိပညာရှာမှီးနိုင်ဖို့ ရန်ကုန်တိုင်းမှာ ပထမဆုံး လူငယ်စင်တာကို စတင်ဖွင့်လှစ်ခဲ့ပြီး ကျန်တိုင်းနဲ့ပြည်နယ်တွေမှာလည်း ဆက်လက်ဖွင့်လှစ်ဖို့ကြိုးပမ်း‌နေတယ်လို့ မြန်မာနိုင်ငံ လူငယ်ရေးရာဗဟိုကော်မတီဥက္ကဌ အားကစားနှင့်လူငယ်ရေးရာဝန်ကြီးဌာန ပြည်ထောင်စု ဝန်ကြီး Jeng Phang နော်တောင်က ပြောပါတယ်။
#Local_News 
Published 24 March 2025
#လူငယ်များအသိပညာရှာမှီး #လူငယ်စင်တာဖွင့်လှစ်
#YMG/NN #Yangon_Times

#Local_News
Published 24 March 2025

▪️ ၂၀၂၇ အာရှဖလား တတိယအဆင့်ခြေစစ်ပွဲ အုပ်စုပထမပွဲစဉ်ကို မနက်ဖန်တွင် ရန်ကုန်မြို့၌  ကျင်းပမည်ဖြစ်ရာမြန်မာအသင်းနှင့် အာဖဂန်နစ္စတန် အသင်းတို့ ယှဉ်ပြိုင်ကစားမည်ဖြစ်ကြောင်း သိရသည်။

▪️ ထိုသို့ ယှဉ်ပြိုင်ကစားရာတွင် မတ် ၂၅ ရက် ညနေ ၅ နာရီတွင် ရန်ကုန်မြို့ရှိ သုဝဏ္ဏကွင်း၌ ယှဉ်ပြိုင်ကစားမည်ဖြစ်သည်။

▪️ အဆိုပါ အာရှဖလား တတိယအဆင့် ခြေစစ်ပွဲကို လေးသင်း ခြောက်အုပ်စုခွဲ၍ ၂၀၂၅ ခုနှစ် မတ်လမှ ၂၀၂၆ ခုနှစ် မတ်လအထိ တစ်နှစ်ကြာ ကျင်းပမည်ဖြစ်ပြီး မြန်မာအသင်းသည် ဆီးရီးယား၊ အာဖဂန်နစ္စတန်၊ ပါကစ္စတန်အသင်းတို့နှင့် တစ်အုပ်စုတည်း ကျရောက်နေကြောင်း သိရသည်။

▪️ မြန်မာ့လက်ရွေးစင်အသင်းသည် မတ် ၃ ရက်မှစ၍ ပဏာမကစားသမား ၄၂ ဦးဖြင့် စတင်လေ့ကျင့်ခဲ့ပြီး ဝင်းနိုင်ထွန်း၊ ဝေလင်းအောင် စသည့် ကစားသမားအချို့ ဒဏ်ရာပြဿနာကြောင့် ယခုခြေစစ်ပွဲနှင့် လွဲချော်မည်ဖြစ် ကြောင်းသိရသည်။

▪️ မြန်မာ့လက်ရွေးစင်အသင်းကို နည်းပြချုပ်အဖြစ် ဦးမျိုးလှိုင်ဝင်းက ဆက်လက်ကိုင်တွယ်နေပြီး ဂိုးသမား- ဇင်ညီညီအောင် (ဒဂုံစတား)၊ ဆန်းဆက်နိုင် (ရန်ကုန်ယူနိုက်တက်)၊ နေလင်းထက် (ဟံသာဝတီ)၊ နောက်တန်း- နန္ဒကျော်၊ သက်ဟိန်းစိုး၊ ဟိန်းဖြိုးဝင်း၊ ဇွဲခန့်မင်း (ရှမ်းယူနိုက်တက်)၊ သီဟထက်အောင် (ဒဂုံစတား)၊ ဟိန်းဇေယျာလင်း (ရန်ကုန်ယူနိုက်တက်)၊ ကျော်သီဟဇော် (အား/ကာသိပ္ပံ)၊ စိုးမိုးကျော် (အူထိုင်းထာနီ-ထိုင်း)၊ အလယ်တန်း- လွင်မိုးအောင် (ရရောင်း-ထိုင်း)၊ ကျော်မင်းဦး (PDRM-မလေးရှား)၊ ဇော်ဝင်းသိန်း၊ ဥက္ကာနိုင် (ရန်ကုန်ယူနိုက်တက်)၊ မင်းမော်ဦး (သစ္စာအားမာန်)၊ အောင်နိုင်ဝင်း (ရခိုင်ယူနိုက်တက်)၊ မြတ်ကောင်းခန့်၊ ခွန်ကျော်ဇင်ဟိန်း၊ ရဲရင့်အောင် (ရှမ်းယူနိုက်တက်)၊ သီဟဇော် (နာဂါဝေါ-ကမ္ဘောဒီးယား)၊ မောင်မောင်လွင် (လမ်ဖွန်ဝါရီယာ-ထိုင်း)၊ ဟိန်းထက်အောင် (နီဂျီရီဆီဘမ်လန်-မလေးရှား)၊ ရှေ့တန်း- သန်းပိုင် (ကန်ချာနာဘူရီ-ထိုင်း)၊ အောင်ကောင်းမာန် (ဖရေးယူနိုက်တက်-ထိုင်း)နှင့် ပြည်မိုး(ရတနာပုံ)တို့ ပါဝင်ကြ ကြောင်း သိရသည်။

#YMG/NN #Yangon_Times

#Local_News
Published 24 March 2025

▪️ မဲခေါင်-လန်ချန်းအထူးရန်ပုံငွေဖြင့် ဝါးဆန်းသစ်တီထွင်မှု သုတေသနစင်တာ တည်ဆောက်ရေးစီမံကိန်းကို ဆောင်ရွက်သွားမည်ဖြစ်ကြောင်း သိပ္ပံနှင့်နည်းပညာဝန်ကြီး ဌာန၊ သုတေသနနှင့်တီထွင်ဆန်းသစ်မှု ဦးစီးဌာနမှ သိရသည်။

▪️ သိပ္ပံနှင့်နည်းပညာဝန်ကြီးဌာန၊ သုတေသနနှင့်တီထွင်ဆန်းသစ်မှု ဦးစီးဌာန က မဲခေါင်-လန်ချန်း ပူးပေါင်းဆောင်ရွက်မှု အထူးရန်ပုံငွေ(၂၀၂၄)ဖြင့် စီမံကိန်းနှစ်ခု အကောင်အထည်ဖော်ဆောင်ရွက်သွားမည်ဖြစ်ရာ ဝါးဆန်းသစ်တီထွင်မှု ထုတ်ကုန်များနှင့် ပတ်သက်သည့် သုတေသနစင်တာ တည်ဆောက်ရေးစီမံကိန်း (လုပ်ငန်းစဉ် ၁) စီမံကိန်းအပြင် ဒီဂျစ်တယ် စီးပွားရေးကို ပံ့ပိုးပေးနိုင်ရန်အတွက် အိုင်စီတီ ပူးပေါင်းဆောင်ရွက်သည့် ဆန်း သစ်တီထွင်မှုများ တိုးမြှင့်ခြင်းဆိုင်ရာ စီမံကိန်းများကို ဆောင်ရွက်သွားမည်ဖြစ်ကြောင်း သိရသည်။

▪️ ဝါးသည် ကြီးထွားမြန် သယံဇာတဖြစ်သည့်အတွက် ဆောက်လုပ်ရေး၊ ပရိဘောဂ၊ လက်မှုလုပ်ငန်းများတွင် အသုံးချနိုင်မည့်တန်ဖိုးရှိသည့် သယံဇာတဖြစ်ရာ ဝါးထုတ်လုပ်မှုကို အားပေးခြင်းအားဖြင့် ထုတ်ကုန်တင်ပို့မှုကို တိုးမြှင့်နိုင်မည်ဖြစ်ပြီး ကျေးလက်ဒေသများအတွက်ပါ အလုပ်အကိုင် အခွင့် အလမ်းများဖန်တီးပေးနိုင်မည်ဖြစ်ကြောင်း၊ လက်ရှိပြည်တွင်း၌ ကြိမ်၊ဝါးနှင့် လက်မှုပစ္စည်းထုတ်လုပ်သည့် ကုမ္ပဏီ ၉ ခု ခန့်ရှိပြီး ကျေးလက်ဒေသ အခြေခံထုတ်ကုန်ဖြစ်သည့် ကြိမ်၊ ဝါးနှင့် ပြုလုပ်သည့်လက်မှုပစ္စည်းများကို ပြည်ပ ဈေးကွက်သို့ ၈၀ ရာခိုင်နှုန်းတင်ပို့နေပြီး ပြည်တွင်း ဈေးကွက်၌ ၂၀ ရာခိုင်နှုန်း ဖြန့်ဖြူး ရောင်းချနေကြောင်း သိရသည်။

#YMG/SW #Yangon_Times

#Local_News
Published 24 March 2025

▪️ ယမန်နေ့က ရန်ကုန်ဆိပ်ကမ်းသို့ ပြည်ပမှ တင်သွင်းခွင့်ပြုထားသော ဘိလပ်မြေ တန်ချိန် ၁၅၀၀ ထပ်မံ‌ရောက်ရှိခဲ့ကြောင်း သိရသည်။

▪️ ပွင့်လင်းရာသီသို့ ရောက်ရှိလာသည့်အတူ နိုင်ငံတစ်ဝန်းတွင် ဆောက်လုပ်ရေး လုပ်ငန်းများကို အရှိန်အဟုန်ဖြင့်ဆောင်ရွက်လျက်ရှိရာ တည်ဆောက်မှုလုပ်ငန်းများ အတွက် လိုအပ်သည့် ပြည်တွင်းဘိလပ်မြေလိုအပ်ချက်ကို ပြည့်မီစေရန်နှင့် ပြည်တွင်း ထုတ်လုပ်မှုကို အင်အားဖြည့်တင်းပေးနိုင်ရန်အတွက် ပြည်ပမှဘိလပ်မြေများကို တင်သွင်း ခွင့်ပြုလျက်ရှိ‌ကြောင်း၊ ထိုသို့တင်သွင်းခွင့်ပြုရာတွင် ကော့သောင်းနယ် စပ်ကုန်သွယ်ရေး စခန်းမှတစ်ဆင့် တင်သွင်းလာသော ဘိလပ်မြေရေယာဉ်များ စဉ်ဆက်မပြတ်ရောက်ရှိ လျက်ရှိပြီး ယခုတန်ချိန် ၁၅၀၀ တင်ဆောင်လာသည့် ရေယာဉ်သည် ရန်ကုန်မြို့ရွှေပြည်သာ ရွှေမဲဆိပ်ကမ်းသို့ မတ်လ၂၃ရက် ညနေပိုင်းတွင် ထပ်မံရောက်ရှိခဲ့ ခြင်းဖြစ်ကြောင်း သိရသည်။

▪️ နိုင်ငံတော်အစိုးရအနေဖြင့် ပြည်တွင်း ဆောက်လုပ်ရေးလုပ်ငန်းများအတွက် ယခုကာလအတွင်း လိုအပ်သော ဘိလပ်မြေကို တင်သွင်းခွင့်ပြုထားပြီး ယခုရေယာဉ်အပြင် ကျန်ဘိလပ်မြေ တင်ဆောင်လာသည့် ရေယာဉ်များလည်း အပတ်စဉ်ဆက်လက်ရောက်ရှိလာမည်ဖြစ်ကြောင်း သိရသည်။

#YMG/SW #Yangon_Times

#World_News
Published 24 March 2025

▪️ ယူကရိန်းနဲ့ အမေရိကန် ကိုယ်စားလှယ်အဖွဲ့တွေဟာ စွမ်းအင်နဲ့ အရေးကြီး အခြေခံအဆောက်အအုံများ ကာကွယ်ရေး အဆိုပြုချက်များအကြောင်း တနင်္ဂနွေနေ့က ဆွေးနွေးခဲ့တယ်လို့ ယူကရိန်း ကာကွယ်ရေးဝန်ကြီးက ပြောပါတယ်။

▪️ ဒါဟာ ၃ နှစ်ကြာလာတဲ့ စစ်ပွဲကြီးကို ဒေါ်နယ်ထရမ့် အဆုံးသတ်ဖို့ သံတမန်ရေးရာ အားထုတ်မှုတွေရဲ့ တစ်စိတ်တစ်ပိုင်း ဖြစ်ပါတယ်။

▪️ ဒီဆွေးနွေးမှုက ဆော်ဒီအာရေဗျမှာ ပြုလုပ်တာဖြစ်ပြီး အမေရိကန် အထူးသံတမန် စတိဗ်ဝစ်ကော့ဗ်က စစ်ပွဲကြီးအဆုံးသတ်ရေးနဲ့ ပတ်သက်လို့ အကောင်းမြင်တဲ့အကြောင်း ထုတ်ဖော်ပြောကြားလိုက်ပါတယ်။

▪️ "ရုရှားသမ္မတ ဗလာဒီမာပူတင်လည်း ငြိမ်းချမ်းရေး လိုချင်မယ်လို့ ခံစားမိပါတယ်။ တနင်္လာနေ့ ရုရှားနဲ့ အမေရိကန် ကိုယ်စားလှယ်အဖွဲ့တို့ ဆွေးနွေးရာမှာ တကယ့်တိုးတက်မှုတွေ မြင်လာရနိုင်တယ်လို့ ထင်မိပါတယ်။ ပင်လယ်နက်မှာ အပစ်အခတ်ရပ်စဲလာနိုင်ပြီး ထိုကနေ လုံးဝရပ်စဲခြင်း ဖြစ်လာလိမ့်မယ်" လို့ ဝစ်ကော့ဗ်က Fox Newsကို ပြောသွားပါတယ်။

▪️ ယူကရိန်းသမ္မတ ဗိုလိုဒီမာဇယ်လန်စကီက သူ့ကိုယ်စားလှယ်အဖွဲ့ဟာ လုံးဝအပြုသဘောဆောင်တဲ့ ဆွေးနွေးမှုပြုလုပ်ခဲ့ပြီး ဆက်လက်လုပ်ဆောင်နေတယ်လို့ ပြောပါတယ်။

▪️ ဘယ်လိုတွေပဲဆွေးနွေးသည်ဖြစ်စေ ပူတင်ကို တိုက်ခိုက်မှုတွေ ရပ်တန့်အောင် လုပ်ဖို့လိုတယ်လို့ ပြောသွားပါတယ်။

▪️ ယူကရိန်း ကိုယ်စားလှယ်အဖွဲ့ကို ဦးဆောင်တဲ့ ကာကွယ်ရေးဝန်ကြီး ရပ်စ်တမ်အူမရော့ဗ်က ဒီလိုမျိုး ဆွေးနွေးရခြင်းဟာ ငြိမ်းချမ်းရေး နီးစပ်လာဖို့နဲ့ လုံခြုံရေးအားကောင်းလာဖို့ ရည်ရွယ်တယ်လို့ ဆိုပါတယ်။

▪️ ပြီးခဲ့တဲ့ ရက်သတ္တပတ်က ရုရှားနဲ့ ယူကရိန်းတို့ ရက် ၃၀ ကြာအောင် စွမ်းအင်အခြေခံ အဆောက်အအုံများကို အပြန်အလှန် မပစ်ခတ်ရေးဆိုတဲ့ ထရမ့်ရဲ့အဆိုပြုချက်ကို ပူတင်သဘောတူခဲ့ပေမယ့် မကြာခင်မှာပဲ နှစ်ဖက်စလုံးက ဆက်လက်တိုက်ခိုက်နေခဲ့ပါတယ်။

▪️ ယူကရိန်းအရှေ့ပိုင်းမှာ ရုရှားတပ်တွေ ဆက်လက်ချီတက်လာတာ ခံနေရတဲ့ ဇယ်လန်စကီက ရက် ၃၀ အပစ်အခတ်ရပ်စဲရေးကို ထောက်ခံထားပါတယ်။

#Source: Reuters

#World_Health
Published 24 March 2025

▪️ ဂျပန်နိုင်ငံကလူတွေက သက်ရှည်ကျန်းမာကြပြီး နာတာရှည်ရောဂါ အဖြစ်နည်းတယ်လို့ သိရှိထားကြပါတယ်။

▪️ ဒါဟာလည်း ကျန်းမာရေးအတွက် ဂျပန်တို့ရဲ့ စားသောက်နေထိုင်မှုပုံစံ နည်းလမ်းတွေက ထူးဆန်းနေတာကြောင့် ဖြစ်ပါတယ်။

▪️ ဂျပန်တို့ရဲ့ ကျန်းမာရေးလမ်းစဉ်များကို WHOနဲ့ CDCတို့ကပါ ထောက်ခံထားတာကြောင့် ဒီလမ်းစဉ်တွေကို ဖော်ပြလိုက်ပါတယ်။

(၁) ဟာရာဟာချီဘူ
▪️ ကမ္ဘာ့အသက်အရှည်ဆုံး လူများနေထိုင်ရာ အိုကီနာဝါမှလူတွေ ကျင့်သုံးတဲ့လမ်းစဉ်ဖြစ်ပြီး အစားစားတဲ့အခါ ဗိုက်ပြည့်ဝမှု ၈၀ ရာခိုင်နှုန်း မရောက်ခင်အထိပါ စားသုံးတဲ့နည်းလမ်း ဖြစ်ပါတယ်။

▪️ ဒါကြောင့် အလွန်အကျွံစားမိခြင်းမှ ကာကွယ်နိုင်ပြီး ကယ်လိုရီ လျော့နည်းစေကာ နာတာရှည်ရောဂါများမှ ကင်းဝေးစေပါတယ်။

(၂) စားသောက်ပုံစံ
▪️ ဂျပန်တွေ စားသောက်တဲ့ပုံစံက သဘာဝအတိုင်း အာဟာရဓာတ် ကြွယ်ဝကာ မျှမျှတတနဲ့ အသင့်အတင့် စားသုံးကြပါတယ်။

▪️ အစားအစာအမျိုးမျိုး အနည်းငယ်စီပါဝင်တာကြောင့် နှလုံးကျန်းမာရေး၊ အစာခြေမှု၊ သက်ရှည်ခြင်းတို့ကို အကျိုးရှိစေပါတယ်။

(၃) ရှင်ရင်-ယိုကူ
▪️ သစ်တောပတ်ဝန်းကျင်မှာ နေထိုင်တဲ့လမ်းစဉ်ဖြစ်ပြီး သဘာဝတရားထဲမှာ စိတ်နှစ်နေထိုင်တဲ့အခါ စိတ်ဖိစီးမှုပြေလျော့ပြီး စိတ်ပိုင်းဆိုင်ရာနဲ့ ရုပ်ပိုင်းဆိုင်ရာ ကျန်းမာရေးတို့ကို တိုးတက်စေတဲ့အပြင် ကိုယ်ခံအားစနစ်နဲ့ စိတ်အခြေအနေတို့ကို မြှင့်တင်ပေးပါတယ်။

(၄) လိုအပ်ချက်အနည်းဆုံး နေထိုင်ခြင်း
▪️ ပစ္စည်းပိုင်ဆိုင်မှု အနည်းဆုံးနဲ့ အလိုအပ်ဆုံးအရာဖြင့် နေထိုင်တဲ့နည်းလမ်းဖြစ်ပါတယ်။

▪️ လိုအပ်ချက်အနည်းဆုံးဖြင့် ‌နေထိုင်ပါက အာရုံစူးစိုက်မှု၊ အိပ်စက်မှု၊ ပျော်ရွှင်မှုတို့ တိုးတက်လာစေနိုင်ပါတယ်။

#Source: DoctorNDTV

#World_Science
Published 24 March 2025

▪️ ည ၂ နာရီ ၃ နာရီလောက် နိုးလာတတ်ပြီး ပြန်အိပ်ဖို့ ခက်ခဲရတာဟာ ကျန်းမာရေးအခြေအနေ တစ်ခုကြောင့်လို့ ကျန်းမာရေးဂုရုတစ်ဦးက ဖော်ပြထားပါတယ်။

▪️ ဒေါက်တာ အဲရစ်ဘာ့ဂ်ဒီစီက ညသန်းခေါင်အချိန်တွေမှာ နိုးလာတတ်တာဟာ ဖိစီးမှုကြောင့်ဖြစ်တဲ့ ကော်တီဆောလ်ဟော်မုန်းကြောင့် ဖြစ်တယ်လို့ ဆိုပါတယ်။

▪️ ကော်တီဆောလ်ဟော်မုန်း မြင့်တက်နေတဲ့သူတွေမှာ အိပ်စက်မှုကို နှောင့်ယှက်စေပြီး ပြန်အိပ်ပျော်ဖို့ပါ ခက်ခဲကြတယ်လို့ ဆိုပါတယ်။

▪️ ဒီလိုလူတွေအနေနဲ့ မဂ္ဂနီဆီယံပမာဏကို စစ်ဆေးကြည့်သင့်ပြီး မဂ္ဂနီဆီယံနည်းပါးရင် အိပ်စက်မှုပြဿနာတွေ ဖြစ်တတ်ပါတယ်။

▪️ ဒေါက်တာဘာ့ဂ်ကိုယ်တိုင်လည်း ဒီလိုပြဿနာကို ဆယ်စုနှစ်တစ်ခုကျော်ကြာအောင် ခံစားခဲ့ရသူဖြစ်ပါတယ်။

▪️ ပုံမှန်အားဖြင့် ည ၂ နာရီဟာ ကော်တီဆောလ်ပမာဏ အနည်းဆုံးရှိသင့်တဲ့ အချိန်ဖြစ်ပြီး မနက် ၈ နာရီကတော့ ကော်တီဆောလ် အများဆုံးဖြစ်သင့်ပါတယ်။

▪️ မဂ္ဂနီဆီယံက ကော်တီဆောလ်ကို လျှော့ချနိုင်စွမ်းရှိပြီး မဂ္ဂနီဆီယံချို့တဲ့ရင် ကော်တီဆောလ် မြင့်တက်လာနိုင်တယ်လို့ ဆိုပါတယ်။

▪️ သုတေသနအရလည်း မဂ္ဂနီဆီယံက ကော်တီဆောလ်ပမာဏလျှော့ချရာမှာ ပါဝင်ပတ်သက်နေပါတဘ်။

▪️ ကော်တီဆောလ် မြင့်မားနေရင် ကြွက်သားပြေလျော့ခြင်း၊ အာရုံကြောစနစ် ထိန်းညှိခြင်းတို့မှာ ထိခိုက်စေပြီး တော်သင့်ရုံဆိုရင်တော့ ဖိစီးတဲ့အခြေအနေကို တည်ငြိမ်စွာ တုံ့ပြန်နိုင်စေပါတယ်။

▪️ ဒါကြောင့် မဂ္ဂနီဆီယံကို ပမာဏသင့်တင့်အောင် ဖြည့်တင်းခြင်းဖြင့် ဖိစီးမှုကို ဖြေလျှော့နိုင်ပြီး ကော်တီဆောလ်ကို လျော့ကျစေကာ ကောင်းစွာအိပ်စက်စေနိုင်မှာ ဖြစ်ပါတယ်။

#Source: WION

#World_Science
Published 23 March 2025

▪️ 3Dပုံစံဖန်တီးထားတဲ့ ကျားအင်္ဂါများဖြင့် လိင်အင်္ဂါမထောင်မတ်နိုင်တဲ့ ပြဿနာနဲ့ Peyronieရောဂါတို့ကို ကုသနိုင်ဖွယ်ရှိတယ်လို့ သိပ္ပံပညာရှင်များ ထုတ်ဖော်ပြောကြားလိုက်ပါတယ်။

▪️ သုတေသီတွေက ဟိုက်ဒရိုဂျယ်တစ်မျိုးကို အသုံးပြုပြီး 3Dပုံစံဖြင့် ကျားအင်္ဂါတံပုံစံတစ်ခု ဖန်တီးခဲ့ကြကာ အောင်မြင်စွာ ထောင်မတ်နိုင်ခဲ့တယ်လို့ ဖော်ပြထားပါတယ်။

▪️ ထောင်မတ်ပုံက သဘာဝအတိုင်းဖြစ်ပြီး တရုတ်၊ ဂျပန်၊ အမေရိကန်တို့မှ သိပ္ပံပညာရှင်များအဖွဲ့က ထောင်မတ်မှုမှာ ပြဿနာရှိနေတဲ့ ယုန်တွေနဲ့ ဝက်တွေကို 3Dပုံစံ ကျားအင်္ဂါများ ထည့်သွင်းပေးခဲ့ရာ ရက်သတ္တပတ် အနည်းငယ်အကြာမှာ မိတ်လိုက်မျိုးပွားနိုင်ခဲ့ကြပါတယ်။

▪️ ကျားအင်္ဂါထိခိုက်ခြင်းနဲ့ မထောင်မတ်နိုင်ခြင်း ပြဿနာများရှိနေတဲ့ အမျိုးသားတွေမှာ ဒီလိုနည်းပညာ အသုံးပြုနိုင်ဖို့ မျှော်လင့်စရာ ဖြစ်လာပါတယ်။

▪️ အင်္ဂါမထောင်မတ်ခြင်းပြဿနာဟာ လိင်မှုကိစ္စမှာ ကျေနပ်လောက်စရာ မဖြစ်စေတဲ့အထိ ကျားအင်္ဂါ မထောင်မတ်နိုင်တဲ့ အခြေအနေဖြစ်ပြီး ကမ္ဘာတဝှမ်းက ယောက်ျားပေါင်း သန်း ၃၀၀ ကျော် ခံစားရနိုင်တယ်လို့ ဖော်ပြထားပါတယ်။

▪️ နှလုံးသွေးကြောကျဉ်းခြင်း၊ သွေးပေါင်ချိန်များခြင်း၊ ဆီးချိုရောဂါတို့ကြောင့် သွေးကြောများထိခိုက်ကာ ကျားအင်္ဂါသို့ သွေးစီးဆင်းမှုကို ကျုံ့စေနိုင်ပါတယ်။

▪️ ဒါ့အပြင် ကျားဟော်မုန်း နည်းပါးခြင်း၊ သိုင်းရွိုက်ပြဿနာ၊ ဟော်မုန်းပြဿနာတို့ကလည်း ဒီအခြေအနေမျိုး ဖြစ်စေနိုင်ပါတယ်။

▪️ corpora cavernosaဆိုတဲ့ ထောင်မတ်တစ်ရှူး နှစ်ချောင်းဟာ လိင်တံအလျားလိုက် အပြိုင်ရှိနေပြီး corpus spongiosumကတော့ ဆီးပြွန်တဝိုက်မှာရှိတဲ့ ထောင်မတ်ရှူးတစ်ချောင်း ဖြစ်ပါတယ်။

▪️ လှုံ့ဆော်ထိတွေ့မှု ရှိတဲ့အခါ လိင်တံထဲက သွေးကြောတွေ ကျယ်လာပြီး corpora cavernosaထဲသို့ သွေးများဝင်ရောက်လာကာ တစ်ရှူးကြီးထွားလာပြီး အင်္ဂါထောင်မတ်စေတာ ဖြစ်ပါတယ်။

▪️ 3Dပုံစံကျားအင်္ဂါထဲမှာ ဆီးပြွန်ဖွဲ့စည်းပုံများနဲ့အတူ corpus spongiosum၊ ထောင်မတ်ခြင်းအတွက် အရေးကြီးတဲ့ corpus cavernosumပုံစံတို့ ပါဝင်ပါတယ်။

▪️ ဒါပေမဲ့ ဒီပုံစံတွေဟာ လူတစ်ဦးအတွက် သဘာဝကျားအင်္ဂါစစ်စစ်နေရာမှာတော့ အစားထိုးနိုင်မှာ မဟုတ်ဘူးလို့ ဖော်ပြထားပါတယ်။

#Source: WION

ကယ်လီဖိုးနီးယား ဗာဒံစေ့များအပါအဝင် အမေရိကန် စိုက်ပျိုးရေးထွက်ကုန်များအပေါ် လက်ရှိမှာ တစ်ကမ္ဘာလုံးမှ အခွန်ချမှတ်လာသဖြင့် တစ်ချိန်ကတည်ငြိမ်ပြီး အကျိုးဖြစ်ထွန်းခဲ့တဲ့ လုပ်ငန်းဟာ မတည်မငြိမ် ဖြစ်လာပါတယ်။
#World_News
Published 22 March 2025
#ကယ်လီဖိုးနီးယား #ဗာဒံစေ့ဈေးကွက်မတည်ငြိမ်
#YMG #Yangon_Times #Yangon_Media_Group

#Daily_News

Published 22 March 2025

၁။ ပျမ်းမျှပိုလျှံသီးသန့်ငွေကျပ် ၇ ဘီလီယံအထက်ရှိ ဘဏ်များကို အတိုးနှုန်း ၆ ရာခိုင်နှုန်းထိတိုးမြင့်ပေးအပ်မည်

၂။ ချုံချင့်-ရန်ကုန်တိုက်ရိုက်လေကြောင်းလိုင်းပြေးဆွဲရန် ဆွေနွေးနေ

၃။ မြန်မာ့အထည်ချုပ်လုပ်ငန်းဒေါ်လာ ၅ ဘီလီယံတန် လုပ်ငန်းအဖြစ်ရပ်တည်နေ 

၄။ အမေရိကန်တင်သွင်းကုန်များအပေါ် တစ်ကမ္ဘာလုံးမှအခွန်တုံ့ပြန်ချမှတ်လာကြရာ ကယ်လီဖိုးနီးယားဗာဒံစေ့ဈေးကွက်မတည်မငြိမ်ဖြစ်လာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_Science
Published 22 March 2025

▪️ ကမ္ဘာပေါ်က ခံနိုင်ရည်အရှိဆုံးသတ္တဝါဖြစ်ပြီး မိုက်ခရိုစကုပ်ဖြင့်ကြည့်မှ မြင်ရတဲ့ တာဒီဂရိတ်တွေဟာ ဓာတ်ရောင်ခြည်ခံနိုင်တဲ့ ပရိုတိန်းကို ထုတ်ပေးပြီး ကင်ဆာကုသမှုတွေကို ပြောင်းလဲစေနိုင်မယ်လို့ လေ့လာချက်တစ်ခုမှာ တွေ့ထားပါတယ်။

▪️ ရေဝက်ဝံလို့လည်းခေါ်တဲ့ တာဒီဂရိတ်တွေက Dsupလို့ခေါ်တဲ့ ထိခိုက်မှုလျှော့ချပေးတဲ့ ပရိုတိန်းကို ထုတ်လုပ်ပေးတယ်လို့ သိပ္ပံပညာရှင်များ တွေ့ရှိထားပြီး ဓာတ်ရောင်ခြည်ကုထုံး ခံယူနေရတဲ့ ကင်ဆာလူနာများမှာ အသုံးပြုနိုင်ဖွယ် ရှိပါတယ်။

▪️ ဒီပရိုတိန်းက ကြွက်တွေရဲ့ ကျန်းမာတဲ့ဆဲလ်တွေကို ဓာတ်ရောင်ခြည်ထိခိုက်မှု သိသိသာသာ လျှော့ချနိုင်ပြီး ကင်ဆာဆဲလ်တွေကို ဓာတ်ရောင်ခြည်ကုထုံး သက်ရောက်စေတယ်လို့ တွေ့ရှိလာပါတယ်။

▪️ ဓာတ်ရောင်ခြည်က ကင်ဆာအကျိတ်တွေကို ကုသရာမှာ အထောက်အကူဖြစ်ပေမယ့် ဘေးထွက်ဆိုးကျိုးတွေ ရှိတာကြောင့် အကန့်အသတ်နဲ့သာ လုပ်ရတယ်လို့ MITမှ တွဲဖက်ပရော်ဖက်ဆာ ဂျီယိုဗန်နီထရာဗာဆိုက ပြောပြပါတယ်။

▪️ ကြွက်တွေရဲ့ဆဲလ်တွေက ဓာတ်ရောင်ခြည် ထိခိုက်မှုကို ခံနိုင်ရည်ရှိစေပြီး တာဒီဂရိတ်မှ ထုတ်လုပ်တဲ့ ပရိုတိန်းက DNAအမျှင်တန်းများကို ပေါင်းစည်းပေးကာ ထိခိုက်မှုကို လျှော့ချတာဖြစ်တယ်လို့ သုတေသီများ ယူဆထားပါတယ်။

▪️ Dsupကို အဆင့်မြှင့်တင်တဲ့ပုံစံဖြင့် ဖန်တီးပြီး လူသားတွေမှာ ဆိုးကျိုးမရှိစေဘဲ ဓာတ်ရောင်ခြည်ခံနိုင်တဲ့ ဆဲလ်တွေအဖြစ် အသုံးပြုနိုင်မယ်လို့ ယုံကြည်နေကြပါတယ်။

▪️ ဒါ့အပြင် အာကာသယာဉ်မှူးတွေမှာလည်း အာကာသမှ ဓာတ်ရောင်ခြည်တွေကို ကာကွယ်ဖို့ အသုံးပြုနိုင်မယ်လို့ ယူဆနေပါတယ်။

▪️ ခြေ ၈ ချောင်းရှိတဲ့ အဆိုပါသတ္တဝါတွေကို တောင်ထိပ်တွေ၊ ရေညှိတွေ၊ သဲသောင်တွေ၊ ရေအောက်တို့မှာ နေထိုင်ကြပြီး အာကာသလေဟာနယ်မှာပင် အသက်ရှင်နိုင်ပါတယ်။

#Source: New York Post