#World_Health
Published 1 July 2024

▪️ ခန္ဓာကိုယ်မှာ ဖိစီးမှုပမာဏ မြင့်မားခြင်းဟာ ကော်တီဆောလ်ဟော်မုန်း ထွက်စေပြီး ဝမ်းဗိုက်နေရာမှာ အဆီစုပုံလာစေပါတယ်။

▪️ ဗိုက်ရွှဲခြင်းဟာ ပုံပန်းသဏ္ဍာန် ပျက်စီးစေရုံမက ကျန်းမာရေးပြဿနာ အမျိုးမျိုး ဖြစ်နိုင်ပါတယ်။

▪️ ကော်တီဆောလ်ပမာဏ မြင့်တက်တဲ့အခါ စားချင်စိတ်များလာပြီး အချိုဓာတ်များပြီး ကယ်လိုရီများတဲ့ အစာတွေကို စားလာချင်ပါတယ်။

▪️ ဖိစီးမှုမြင့်တက်လာပြီဆိုရင် လေ့ကျင့်ခန်း၊ အစားထိန်းခြင်းတို့ဖြင့်ပင် ဗိုက်အဆီကို မထိန်းချုပ်နိုင်ပါဘူး။

▪️ ဝမ်းတွင်းအဆီဆိုတာဟာ ကိုယ်အတွင်းထဲရှိ အင်္ဂါတွေတဝိုက်မှာ စုပုံလာတဲ့ အဆီတွေဖြစ်ပါတယ်။

▪️ ဖိစီးခြင်းကြောင့် ခန္ဓာကိုယ်မှာ ဟော်မုန်းအပြောင်းအလဲဖြစ်ကာ ဇီဝဖြစ်စဥ်တွေကို ထိခိုက်စေပြီး အဆီတွေပျံ့နှံ့စေပါတယ်။

▪️ ဖိစီးမှုလျော့နည်းစေရန် အချိန်ကြာရှည်စွာ အစာမစားဘဲနေခြင်းမှ ရှောင်ရှားခြင်း၊ ရေဓာတ်ပြည့်ဝစွာနေခြင်းတို့ ပြုလုပ်သင့်ပါတယ်။

#Source: India Today

#World_Health
Published 1 July 2024

▪️ အသက် ၉၀ အရွယ် အဘိုးတစ်ဦးဟာ ရှားပါး​ရောဂါတစ်မျိုး ခံစားနေရပြီး သူ့ရဲ့အစာအိမ်က ရင်ဘတ်သို့ တွန်း​ရောက်နေကာ အသက်ရှူခြင်းနဲ့ အစာအစားခြင်းတို့ ပြုလုပ်ရာမှာ ခက်ခဲနေပါတယ်။

▪️ စားလိုက်တိုင်း အော့အန်နေပြီး ရင်ဘတ်မှာ အောင့်နာခြင်းမျိုး ခံစားရပါတယ်။

▪️ နောက်ဆုံးမှာ အောင့်နာမှာကြောက်ပြီး အစားမစားတော့တာကြောင့် ၁၁ ရက်အတွင်း ၅ ကီလိုဂရမ် ကိုယ်အလေးချိန် ကျသွားပါတယ်။

▪️ ဆာဂမ်ဂါရမ်ဆေးရုံမှ ဆရာဝန်များက သူ့ကို အူကျွံတယ်လို့ ဆိုခဲ့ပြီး ခွဲစိတ်မှုလုပ်ခဲ့ပါတယ်။

▪️ မှန်ပြောင်းဖြင့် ကြည့်ရှုရာမှာ အစာအိမ် တစ်စိတ်တစ်ပိုင်းက ရင်ဝမ်းခြားကြွက်သားရှိ အပေါက်တစ်ခုကနေ ရင်ဘတ်သို့ တွန်းထွက်နေပြီး အဆုတ်တွေကို ဖိနေကာ  လက္ခဏာပြင်းထန်စေတာ ဖြစ်ပါတယ်။

▪️ ဒီလိုအူကျွံတာမျိုးက ကုသမှု မလိုအပ်တတ်ပေမယ့် လူနာရဲ့ အသက်အရွယ်နဲ့ လက္ခဏာတွေကြောင့် ခွဲစိတ်မှု လိုအပ်လာပါတယ်။ 

▪️ အူကျွံတဲ့နားတဝိုက်မှာ ပြန်လည်ဖာထေးတာတွေ လုပ်ခဲ့ရပြီး ရင်ဝမ်းခြားကြွက်သားကို ပိတ်လိုက်ရကာ အစာအိမ်ကို ဝမ်းခေါင်းမှာ ပြန်ထားခဲ့ပါတယ်။

▪️ ခွဲစိတ်မှုအောင်မြင်ခဲ့တဲ့အပြင် အလျင်အမြန် ​ရောဂါသက်သာလာပြီး လမ်းလျှောက်နေပြီ ဖြစ်ပါတယ်။

#Source: India Today

ဈေးကွက်တွက်ခြေကိုက်မှုနည်းပါးတာနဲ့ နယ်မြေမအေးချမ်းတာ‌တွေကြောင့် မိုးပြောင်းစိုက်ဧကကျဆင်းလာတယ်လို့ ပြောင်းစိုက်ပျိုးသူတွေဆီကသိရပါတယ်။
#Local_News
Published 30 June 2024
#မိုးပြောင်းစိုက်ဧက #စိုက်ဧကကျဆင်း
#tthl #Yangon_Times

#World_Health
Published30 June 2024

▪️ အိုမင်းရင့်ရော်ခြင်းကို နှောင့်နှေးစေနိုင်မယ့် အင်မ်ဇိုင်းတစ်မျိုးကို သုတေသီများ တွေ့ရှိလာပါတယ်။

▪️ ဖက်တီးအက်ဆစ်တွေနဲ့ ဂလစ်ဆရောလ်တို့လို အဆီဘေးထွက်ပစ္စည်းတွေဟာ ပျမ်းမျှနေထိုင်သက်တမ်း တိုစေနိုင်ပြီး နာတာရှည်ရောဂါတွေ ပိုဖြစ်နိုင်တယ်လို့ ကောက်ချက်ချကြပါတယ်။

▪️ တိရိစ္ဆာန်တွေနဲ့ စမ်းသပ်ရာမှာ ADH-1 အင်မ်ဇိုင်းက ထိုပစ္စည်းတွေပမာဏကို လျှော့ချပေးနိုင်တယ်လို့ ဆိုပါတယ်။

▪️ ဖက်တီးအက်ဆစ်တွေဟာ ခန္ဓာကိုယ် မရှိမဖြစ် လုပ်ဆောင်ချက်များအတွက် လိုအပ်ပေမယ့် များလွန်းရင်တော့ ပြဿနာ ဖြစ်လာနိုင်ပါတယ်။

▪️ ဗာဂျီးနီးယားတက္ကသိုလ် ဆဲလ်ဇီဝဗေဒဌာနမှ တွဲဖက်ပရော်ဖက်ဆာ အိုင်လင်းဂျော်ဂျလီနာအိုရော့ခ်နဲ့ သုတေသီအဖွဲ့က အန္တရာယ်ဖြစ် အဆီပစ္စည်းများ လျှော့ချခြင်းဖြင့် အိုမင်းရင့်ရော်ခြင်းဖြစ်စဥ်နဲ့ ရောဂါဘယဖြစ်ခြင်းတို့ ကင်းဝေးစေနိုင်မလားဆိုတာကို လေ့လာချင်ခဲ့ပါတယ်။

▪️ နောက်ဆုံးမှာတော့ ADH-1 လှုပ်ရှားခြင်းဖြင့် ဂလစ်ဆရောလ်ပမာဏကို လျော့ကျစေတယ်လို့ သုံးသပ်ရပါတယ်။

▪️ တီကောင်တွေကို ဂလစ်ဆရောလ်ထည့်ထားတဲ့ အစားအစာများ စားသုံးစေရာမှာ ပျမ်းမျှနေထိုင်သက်တမ်း ၃၀ ရာခိုင်နှုန်း လျော့သွားတာကို တွေ့ရှိရပါတယ်။

▪️ ADH-1 ပိုမိုထုတ်လုပ်တဲ့ တီကောင်တွေမှာတော့ ဂလစ်ဆရောလ် ပိုမိုနည်းပါးကာ သက်ရှည်ကျန်းမာပြီး ကိုယ်အလေးချိန် သိပ်မတက်ကြပါဘူး။

▪️ နောက်ထပ် ရည်မှန်းချက်ကတော့ ကြွက်တွေနဲ့ လူတွေမှာပါ ဘယ်လိုသက်ရောက်မှုရှိလဲဆိုတာကို လေ့လာသွားဖို့ ပရော်ဖက်ဆာရော့ခ်က ပြောသွားပါတယ်။

#Source: WION

မိုးသည်းထန်စွာရွာသွန်းတဲ့အတွက် မြစ်ရေတွေတိုးပြီး ဇူလိုင်လမှာ ဧရာဝတီမြစ်၊ ချင်းတွင်းမြစ်စတဲ့ မြစ်တွေဟာ စိုးရိမ်ရေအမှတ်အထက် ရောက်ရှိလာဖို့ရှိလို့မြစ်နားကမ်းနားနေထိုင်သူတွေ၊ မြေနိမ့်ပိုင်းနေထိုင်သူတွေအ‌နေနဲ့ အထူးသတိပြုနေထိုင်ကြဖို့ လိုအပ်တယ်လို့သိရပါတယ်။
#Local_News
Published 30 June 2024
#စိုးရိမ်ရေအမှတ်အထက်ကျော် #မိုးသည်းထန်စွာရွာသွန်း
#tthl #Yangon_Times

#World_Health
Published 30 June 2024

▪️ ရုရှားကင်ဆာကာကွယ်ဆေးကို ကင်ဆာလူနာတွေမှာ လက်တွေ့စမ်းသပ်ဖို့  ၂၀၂၅ နှစ်ဝက်လောက် စီစဥ်ထားကြောင်း မော်စကိုအခြေစိုက် ဂါမယ်လီယာ အမျိုးသားသုတေသနစင်တာ ညွှန်ကြားရေးမှူး အလက်ဇန်ဒါဂင့်စ်ဘာ့ဂ်က ပြောပြပါတယ်။

▪️ ကာကွယ်ဆေးကို ကြွက်တွေနဲ့ စမ်းသပ်ရာမှာ ကင်ဆာအကျိတ်ရှိတဲ့ တိရိစ္ဆာန်တွေရဲ့ သက်တမ်းကို ၂-၃ဆလောက် ပိုရှည်စေခဲ့တဲ့အပြင် အကျိတ်တွေကို ဖျက်ဆီးနိုင်မယ့်ဆေးမျိုး ထုတ်လုပ်သွားမယ်လို့ ဆိုပါတယ်။

▪️ ဒီနည်းပညာသာ အလုပ်ဖြစ်ပါက ကာကွယ်ဆေးဖြင့် အဆုတ်ကင်ဆာ၊ ပန်ကရိယကင်ဆာ၊ ကျောက်ကပ်ကင်ဆာ၊ ကင်ဆာအကျိတ်ရှိတဲ့ လူနာတွေကို ကူညီနိုင်မှာ ဖြစ်တယ်လို့ သိရပါတယ်။

▪️ ဒီရောဂါတွေမှာ လက္ခဏာက အစောပိုင်းအဆင့်တွေမှာ ပေါ်တာကြောင့် ကာကွယ်ဆေးက သင့်လျော်တယ်လို့ ရှင်းပြသွားပါတယ်။

#Source: Daily Sun

၂၉ ဇွန် ၂၀၂၄

တရုတ်ပြည်သူ့သမ္မတနိုင်ငံတွင်ရောက်ရှိနေတဲ့ မြန်မာနိုင်ငံတော်သမ္မတ(ငြိမ်း)ဦးသိန်းစိန်သည် တရုတ်ကွန်မြူနစ်  ပါတီ ဗဟိုကော်မတီ နိုင်ငံရေးဗျူရိုအဖွဲ့ဝင်၊ နိုင်ငံခြားရေးဝန်ကြီး မစ္စတာဝမ်ယီနှင့် ယနေ့ ဇွန်လ ၂၉ရက်နေ့က ဘေဂျင်းမြို့တော်တွင် တွေ့ဆုံခဲ့ပါတယ်။

တွေ့ဆုံစဉ် တရုတ်နိုင်ငံသည် မြန်မာနိုင်ငံနှင့်အတူ ငြိမ်းချမ်းစွာ အတူယှဉ်တွဲနေထိုင်ရေး မူကြီး (၅) ရပ် ဖော်ဆောင်ရေးနှင့် တရုတ်-မြန်မာ အေးအတူပူအမျှ အသိုက်အဝန်း တည်ဆောက်မှုမြှင့်တင်ရန်အတွက် ကြိုးပမ်းမှု  အသစ်များ လုပ်ဆောင်သွားမယ်လို့  မစ္စတာဝမ်ယီကပြောကြားခဲ့တယ်လို့  တရုတ်ပြည်သူ့သမ္မတနိုင်ငံသံရုံးရဲ့   သတင်း ထုတ်ပြန်ချက်မှာဖော်ပြထားပါတယ်။

မစ္စတာဝမ်ယီက သမ္မတ(ငြိမ်း)ဦးသိန်းစိန်ကိုဆက်လက်ပြောကြားရာမှာ အဆွေတော်သည် တရုတ်ပြည်သူများ၏ မိတ်ဆွေဟောင်းဖြစ်ကြောင်း၊ လွန်ခဲ့သည့် နှစ်ပေါင်း (၇၀) က တရုတ်နိုင်ငံခေါင်းဆောင်မှ အဆိုပြုသည့် ငြိမ်းချမ်း      စွာ အတူယှဉ်တွဲနေထိုင်ရေး မူကြီး (၅) ရပ်သည် မြန်မာနိုင်ငံ၏ ထောက်ခံမှုကို ရှေးဦးစွာရရှိခဲ့တာဖြစ်တယ်လို့  ထည့်သွင်းပြောဆိုခဲ့ပါတယ်။

အဲဒီနောက် အာရှတိုက်၌ မိတ်ဆက်ခဲ့ပြီး အာရှနိုင်ငံများအကြား ဆက်ဆံရေးဖွံ့ဖြိုးတိုးတက်မှုကို အင်တိုက်အား  တိုက်မြှင့်တင်ပေးခဲ့ကြောင်း၊ ထိုမှတစ်ဆင့် နိုင်ငံတကာဆက်ဆံရေး အခြေခံစံသတ်မှတ်ချက်နှင့် နိုင်ငံတကာ   ဥပဒေ အခြေခံမူအဖြစ် တိုးတက်လာပြီး ဒုတိယကမ္ဘာစစ်အလွန်ကာလ နိုင်ငံတကာအစီအစဉ် တည်ဆောက်မှ   ုအတွက် အရေးပါအကျိုးထမ်းဆောင်မှု ပေး ကာ အရေးကြီး public goods များ ထောက်ပံ့ပေးနိုင်ခဲ့တယ်လို့လည် တရုတ်နိုင်ငံခြားရေးဝန်ကြီးက ဆက်လက်ပြောဆိုပါတယ်။

ဦးသိန်းစိန်ကလည်း မြန်မာနိုင်ငံသည်  တရုတ်နိုင်ငံနှင့်ဆက်ဆံရေးတိုးတက်မှုကို အလွန်အလေးထားပြီး သမ္မတ  ရှီကျင့်ဖျင်က အဆိုပြုသည့် အေးအတူပူအမျှအသိုက်အဝန်းတည်ဆောက်ရေး အယူအဆကို အလွန်ချီးကျူးကာ ထောက်ခံအားပေးကြောင်းနှင့် တရုတ်နိုင်ငံနှင့်အတူ ငြိမ်းချမ်းစွာ အတူယှဉ်တွဲနေထိုင်ရေး မူကြီး (၅) ရပ်ကို ဆက်လက် လက်ဆင့်ကမ်း၍ ပြန့်ပွားအောင်လုပ်ဆောင်ပြီး ကဏ္ဍပေါင်းစုံပူးပေါင်းဆောင်ရွက်မှုကို နက်ရှိုင်းစေကာ မြန်မာ-တရုတ် အေးအတူပူအမျှ အသိုက်အဝန်းကို အတူတကွကောင်းမွန်စွာတည်ဆောက်သွားလိုတယ်လို့ ပြန်လည်ပြောကြားခဲ့ပါတယ်။

လွန်ခဲ့သည့် ဆယ်နှစ်တုန်းက မိမိသည် သမ္မတအနေဖြင့် ငြိမ်းချမ်းစွာ အတူယှဉ်တွဲနေထိုင်ရေးမူကြီး (၅) ရပ် ချမှတ်သည့် နှစ် (၆၀) ပြည့်အထိမ်းအမှတ်အခမ်းအနားသို့ တက်ရောက်ခဲ့ကြောင်း၊ ယခုအကြိမ်သည် တရုတ်နိုင်ငံ၏မိတ်ဆွေဟောင်းအနေဖြင့် ဒုတိယအကြိမ် တက်ရောက်ရခြင်းဖြစ်ပြီး အလွန်ဝမ်းမြောက်  ဂုဏ်ယူ    မိတယ်လို့လည်း ဦးသိန်းစိန်ကဆက်လက်ပြောကြားခဲ့ပါတယ်။

တရုတ်-မြန်မာနှစ်နိုင်ငံသည် ကာလကြာရှည်စွာ ငြိမ်းချမ်းစွာအတူယှဉ်တွဲနေထိုင်ခဲ့သည့် ချစ်ကြည်ရင်းနှီးသော အိမ်နီးချင်းနိုင်ငံများဖြစ်ပြီး နှစ်နိုင်ငံအကြား နက်ရှိုင်းသည့် ဆွေမျိုးပေါက်ဖော်ချစ်ကြည်ရေး သံယောဇဉ်ကို ယခင်မျိုးဆက်ခေါင်းဆောင်များက ကိုယ်တိုင်ဖန်တီးတည်ဆောက်ခဲ့ခြင်းဖြစ်ကြောင်း၊ သမ္မတရှီကျင့်ဖျင်၏ ၂၀၂၀ ပြည့်နှစ် မြန်မာနိုင်ငံခရီးစဉ်တွင် နှစ်နိုင်ငံက မြန်မာ-တရုတ် အေးအတူပူအမျှအသိုက်အဝန်းတည်ဆောက်ရန် အရေးပါသဘောတူညီချက်များ ရရှိခဲ့တာဖြစ်တယ်လို့ ဦးသိန်းစိန်ကပြောဆိုခဲ့ကြောင်း တရုတ်သံရုံးရဲ့ သတင်းထုတ်ပြန်ချက်မှာဖော်ပြထားပါတယ်။

@ymg/knl

အမေရိကန်လေယာဥ်မှချသွားသည့် ရေငုပ်သင်္ဘောရှာဖွေရေးကိရိယာများကို တရုတ်ကြားဖြတ်ဆယ်ယူ

တောင်တရုတ်ပင်လယ်ထဲက လင်းပိုင်များကျက်စားရာနေရာ အနီးနားရေပြင်မှာ အမေရိကန်လေယာဥ်မှ ကျဲချသွားတဲ့ ရေငုပ်သင်္ဘော ရှာဖွေရေးကိရိယာတွေကို တရုတ်က ကြားဖြတ်နှောင့်ယှက်ခဲ့ပါတယ်။
#World_News
Published 29 June 2024
#အမေရိကန်လေယာဥ် #ရေငုပ်သင်္ဘောရှာဖွေရေးကိရိယာ
#YMG #Yangon_Times #Yangon_Media_Group

#Daily_News
Published_ 29 June 2024

၁။ မူးယစ်ဆေးစွဲသွားသူများအတွက် ဥပဒေအရပြစ်ဒဏ်မရှိတော့၍ ဆေးဖြတ်ရန်အမြန်ဆုံးကြိုးစားသင့်ဟုဆို

၂။ ဂျပန်ဗီဇာလျှောက်ထားခြင်းများ ဇူလိုင်လအတွင်းအွန်လိုင်းဘိုကင်စနစ်ကျင့်သုံးမည်

၃။ ရန်ကုန်တွင်အခုရက်ပိုင်း လျှပ်စစ်ဓာတ်အား ယာယီပြတ်‌တောက်ရန်ရှိ

၄။ အမေရိကန်လေယာဥ်မှချသွားသည့် ရေငုပ်သင်္ဘောရှာဖွေရေးကိရိယာများကို တရုတ်ကြားဖြတ်ဆယ်ယူ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 29 June 2024

▪️ အမေရိကန်သမ္မတ ဂျိုးဘိုင်ဒင်က နိုဝင်ဘာလ သမ္မတရွေးကောက်ပွဲမှာ ရီပတ်ဘလစ်ကန် ပြိုင်ဘက် ဒေါ်နယ်ထရမ့်ကို အနိုင်ရဖို့ ရည်မှန်းထားကာ ယှဥ်ပြိုင်မှုကနေ အလျှော့ပေးဖို့ စိတ်ကူးမရှိဘူးလို့ သောကြာနေ့က ပြောကြားလိုက်ပါတယ်။

▪️ ဒီမတိုင်ခင် စကားစစ်ထိုးပွဲမှာ ဘိုင်ဒင်ရဲ့အသံက အားလျော့လာပုံ ပေါက်တာကြောင့် နောက်လိုက်ဒီမိုကရက်တွေအတွက် စိတ်ပျက်စရာ ဖြစ်ခဲ့ပါရတယ်။

▪️ အရင်ကလို လမ်းလျှောက်ဖို့ မလွယ်ကူတော့ကြောင်း၊ အရင်ကလို စကားကို ချောချောမွေ့မွေ့ မပြောနိုင်တော့ကြောင်း၊ အရင်ကလို စကားရည်မလုနိုင်တော့ကြောင်း၊ ဒီအလုပ်ကို မလုပ်နိုင်တော့ဘူးထင်ရင်  ထပ်ပြိုင်မှာမဟုတ်ကြောင်း ပြောသွားပါတယ်။

▪️ စကားရည်လုပွဲမှာ ဘိုင်ဒင်ရဲ့ ပြောဆိုပုံအမှားတွေ၊ တောင်ရောက်မြောက်ရောက် ပြောဆိုပုံတွေက မဲပေးမယ့်သူတွေအတွက် စိုးရိမ်စရာဖြစ်လာကာ ဒီမိုကရက်တွေအနေနဲ့လည်း ကိုယ်စားလှယ်လောင်း နောက်တစ်ဦးနဲ့ အစားထိုးဖို့ ဖြစ်လာနိုင်ပါတယ်။

▪️ ဘိုင်ဒင်ရဲ့ အသက်အရွယ်နဲ့ ပတ်သက်ပြီး နောက်ထပ်သမ္မတရာထူး ထပ်မံတာဝန်ယူခိုင်းဖို့ကို သံသယဖြစ်လာသူတွေ ရှိလာပါတယ်။

▪️ ဒါပေမဲ့ သမ္မတဟောင်း ဘီလ်ကလင်တန်၊ ဘာရက်အိုဘားမား အပါအဝင် ဒီမိုကရက်ပါတီမှ ဝါရင့်ပုဂ္ဂိုလ်အများစုကတော့ ဘိုင်ဒင်ဘက်ကနေ ရပ်တည်နေကြပါသေးတယ်။

▪️ စကားစစ်ထိုးပွဲမှာ အခြေအနေဆိုးခဲ့တာ မှန်ပေမယ့် ဒီရွေးကောက်ပွဲဟာ ဘဝတလျှောက်လုံး သာမန်ပြည်သူတွေအတွက် အလုပ်လုပ်ပေးခဲ့သူနဲ့ ကိုယ့်အတွက်သာ ကြည့်တတ်တဲ့သူတို့ကြား ရွေးချယ်ရမှာဖြစ်တယ်လို့ သမ္မတဟောင်း ဘာရက်အိုဘားမားက X ဆိုရှယ်မီဒီယာမှာ ဖော်ပြခဲ့ပါတယ်။

▪️ နယူးယော့ခ်တိုင်းမ် အက်ဒီတာအဖွဲ့ကတော့ ဘိုင်ဒင်အနေနဲ့ အခုအချိန်မှာ ပြည်သူတွေအတွက် သယ်ပိုးချင်တယ်ဆိုရင် ရွေးကောက်ပွဲ ထပ်မံမယှဥ်ပြိုင်ဖို့ ကြေညာရမှာဖြစ်တယ်လို့ ဖော်ပြထားပါတယ်။

▪️ အမေရိကန်သမိုင်းမှာ ဘိုင်ဒင်က အသက်အကြီးဆုံးသမ္မတအဖြစ် မှတ်တမ်းဝင်နေပြီဖြစ်ပေမယ့် ဒီမိုကရက်တစ် ကိုယ်စားလှယ်လောင်းအဖြစ် ထောက်ခံမှုတွေ အလုံအလောက် ရရှိထားပါတယ်။

▪️ ဘိုင်ဒင်မယှဥ်ပြိုင်ဖြစ်တော့ရင် နောက်ထပ် ကိုယ်စားလှယ်လောင်းတစ်ဦးကို ရွေးချယ်ဖို့ အချိန် ၂ လတောင် မကျန်တော့ပါဘူး။

#Source: Reuters

ရန်ကုန်ရှိမြို့နယ်အချို့မှာ အခုရက်ပိုင်းတွေမှာ ‌လျှပ်စစ်ဓာတ်အား ယာယီပြတ်တောက်တာတွေရှိနိုင်တယ်လို့သိရပါတယ်။ (၁)230kVမန်စံ - ရွှေစာရံလိုင်းအမြဲတမ်းအပြစ်ဖြစ်လို့နဲ့ (၂)အရှေ့ဒဂုံဓာတ်အားခွဲရုံလုပ်ငန်းများတိုးချဲ့ဆောင်ရွက်ဖို့ ဓာတ်အားပိတ်ဆောင်ရွက်ဖို့ရှိတယ်လို့ ဆိုပါတယ်။
#Local_News
Published 29 June 2024
#လျှပ်စစ်ဓာတ်အား #ယာယီပြတ်‌တောက်
#tthl #Yangon_Times

ဂျပန်နိုင်ငံကို သွားရောက်ကြမယ့် ဗီဇာလျှောက်ထားတာတွေကို ဇူလိုင်လအတွင်းမှာ အွန်လိုင်းဘိုကင်စနစ် ကျင့်သုံးသွားမယ်လို့ ရန်ကုန်မြို့ရှိ မြန်မာနိုင်ငံဆိုင်ရာဂျပန်သံရုံးက ဇွန်လ ၂၈ ရက်မှာ အသိပေးထုတ်ပြန်ထားပါတယ်။
ဇူလိုင် ၁ ရက်က စတင်ပြီး တစ်ဦးချင်းစီအလိုက် ဗီဇာလျှောက်ထားတာကို  အွန်လိုင်းဘိုကင်စနစ် ကျင့်သုံးသွားမှာဖြစ်ပြီး  အဖွဲ့လိုက်လျှောက်ထားတာနဲ့ ပတ်သက်လို့လည်း ဇူလိုင်လ အလယ်ပိုင်းမှာ  အွန်လိုင်းဘိုကင်  စတင်လက်ခံမယ့် ရက်အတည်ပြုပြီးပါကလည်း ထပ်မံအသိပေးကြေညာပေးသွားမယ်လို့ သိရပါတယ်။
#Local_News
Published_ 29 June 2024
#ဂျပန်ဗီဇာ #အွန်လိုင်းဘိုကင်စနစ် ကျင့်သုံး
#NN #YMG #Yangon_Times #Yangon_Media_Group