#Local_News
Published 04 July 2024

▪️ ၂၀၂၄ခုနှစ်တက္ကသိုလ်ဝင်စာမေးပွဲ အမှတ်စာရင်းနှင့် အောင်လက်မှတ်များ မြန်မာနိုင်ငံစာစစ်ဦးစီးဌာနရုံးများတွင်ထုတ်၍ရပြီဖြစ်ကြောင်း ဇူလိုင်လ(၄)ရက်တွင် မြန်မာနိုင်ငံစာစစ်ဦးစီးဌာနမှ ထုတ်ပြန်ထားသည်။

▪️ ထုတ်ပြန်ချက်တွင်၂၀၂၄ ခုနှစ်စနစ်သစ် တက္က သိုလ်ဝင်စာမေးပွဲ အောင်မြင်သူများအပါအဝင် မည်သည့်နှစ်အတွက်မဆို တက္ကသိုလ်ဝင်စာမေးပွဲ/အခြေခံပညာအထက်တန်းစာမေးပွဲ အောင်လက် မှတ်နှင့် အမှတ်စာရင်းများကို ‌နေပြည်တော်နှင့် ရန်ကုန်ရှိ အောက်ဖော်ပြပါ မြန်မာနိုင်ငံစာစစ်ဦးစီးဌာနရုံးများတွင် နံနက် ၁၀ နာရီမှ နေ့လည် ၂ နာရီအတွင်း  လျှောက်လွှာလက်ခံ၍ တိုက်ရိုက်ထုတ်ပေးလျက်ရှိသည်ဟု ဆိုသည်။

▪️ မြန်မာနိုင်ငံစာစစ်ဦးစီးဌာန(ရုံးချုပ်) ရုံးအမှတ် (၅၂)၊ သီရိမဏ္ဍိုင်လမ်း၊ ဥတ္တရသီရိမြို့နယ်၊ နေပြည်တော် https://goo.gl/maps/Kp9WZ73ghzRqni6p6 ‎နှင့် မြန်မာနိုင်ငံစာစစ်ဦးစီးဌာန(ရုံးခွဲ)အမှတ်(၄/၅)၊ ပါရမီလမ်း၊ (၁၂)ရပ်ကွက်၊ လှိုင်မြို့နယ်၊ ရန်ကုန်မြို့https://goo.gl/maps/5opUAFGGPequyw1J7 ၌ထုတ်ယူနိုင်မည်ဖြစ်သည်။

▪️ စနေ၊ တနင်္ဂနွေနှင့် အစိုးရ ရုံးပိတ်ရက်များတွင် ရုံးပိတ်ထားကြောင်းနှင့်အောင်လက်မှတ် ထုတ်ယူရန်အတွက် လိုအပ်သည့် အချက်များမှာ -
• အမည်
• ခုံအမှတ်
• အောင်မြင်သည့်ခုနှစ်
• မွေးသက္ကရာဇ်
• စာစစ်ဌာန
• ဖြေဆိုဘာသာတွဲ
• အဖအမည်
• အမိအမည်

 ‎
▪️ မြန်မာနိုင်ငံစာစစ်ဦးစီးဌာနတွင် သတ်မှတ်လျှောက်လွှာပုံစံ ဝယ်ယူ၍ အထက်ပါ အချက်အလက်များကို ပြည့်စုံမှန်ကန်စွာ ဖြည့်စွက်ပြီး 
• အပြာနောက်ခံ (၁.၅" x ၂") ဆိုဒ်ဓါတ်ပုံ ၃ ပုံ
• နိုင်ငံသားစိစစ်ရေးကတ်မိတ္တူ တို့ဖြင့် ပူးတွဲ တင်ပေးရပါမည်။

 
 ▪️ အမှတ်စာရင်း ထုတ်ယူရန်အတွက် လိုအပ်သည့် အချက်များမှာ -
• အမည်
• ခုံအမှတ်
• အောင်မြင်သည့်ခုနှစ်
• စာစစ်ဌာန

▪️ မြန်မာနိုင်ငံစာစစ်ဦးစီးဌာနတွင် သတ်မှတ်လျှောက်လွှာပုံစံ ဝယ်ယူ၍ အထက်ပါ အချက်အလက်များကို ပြည့်စုံမှန်ကန်စွာ ဖြည့်စွက်ပြီး အမှတ်စာရင်း လျှောက်ထား ထုတ်ယူနိုင်ပါသည်။

 
အထူးသတိပြုရန် အချက်အဖြစ်
• ဓါတ်ပုံသည် သတ်မှတ်အရွယ်အစား ဖြစ်ရပါမည်၊ မျက်နှာ၊ နားရွက် ထင်ရှားပြတ်သားရပါမည်။ ဓါတ်ပုံ အရည်အသွေး ကောင်းမွန်ရပါမည်။  မူလမျက်နှာသွင်ပြင်ပျောက်ကွယ်စေနိုင်သည့် မိတ်ကပ်၊ သနပ်ခါး လိမ်းခြယ်ထားမှုမဖြစ်စေရပါ။ အမြင်သင့်လျော်သည့် ဝတ်စားဆင်ယင်ထုံးဖွဲ့ မှုဖြစ်ရပါမည်ဖြစ်ပြီး  သတ်မှတ်ချက်များနှင့် မကိုက်ညီသော ဓါတ်ပုံများဖြင့် လျှောက်လွှာတင်သွင်းပါက လက်ခံဆောင်ရွက်ပေးမည် မဟုတ်ကြောင်းနှင့် အသေးစိတ်သိလိုသူများမြန်မာနိုင်ငံစာစစ်ဦးစီးဌာန Facebook Page ၌ဖော်ပြပါရှိကြောင်း သိရသည်။

#tthl  #Yangon_Times

အခုနှစ်မှာ ပုဂ္ဂလိကကျောင်းဟောင်း ၆၄ကျောင်း၊ ကျောင်းသစ်(၅၀)ကျော် ကျောင်းမှတ်ပုံတင်သက်တမ်းအတိုင်း (၅)နှစ်တာဖွင့်ခွင့်ပြုထားပြီး ကျန်ကျောင်း(၂၀၀)ကျော်ကို ယာယီဖွင့်ခွင့်(၂)နှစ်ပြုပြီးပြုပြင်ခိုင်းထားတယ်လို့ သိရပါတယ်။
#Local_News
Published 04 July 2024
#ပုဂ္ဂလိကကျောင်း #ကျောင်းမှတ်ပုံတင်သက်တမ်း
#tthl #Yangon_Times

ကချင်ပြည်နယ်၊ ဗန်းမော်နဲ့ရွှေကူမြို့နယ်တွေက မြေနိမ့်ပိုင်းရပ်ကွက်တွေမှာ ဒီကနေ့အထိ  မြစ်ရေတွေဆက်လက်ဝင်ရောက်‌နေတာကြောင့် ကူညီကယ်ဆယ်ရေး‌တွေ ဆက်လုပ်နေရတယ်လို့ မြန်မာနိုင်ငံမီးသတ်တပ်ဖွဲ့ကသိရပါတယ်။
#Local_News
Published 04 July 2024
#မြစ်ရေဆက်လက်ဝင်ရောက် #ဗန်းမော်နှင့်ရွှေကူရှိမြေနိမ့်ပိုင်းရပ်ကွက်
#NN #Yangon_Times

MyRo စနစ်မှာ ဆန်စပါး သိုလှောင်မှတ်ပုံတင်တာကို ဇူလိုင် ၇ ရက်နောက်ဆုံးထားဆောင်ရွက်ရမှာဖြစ်ပြီး ကုန်ရ၊ ကုန်ထုတ်၊ ကုန်လက်ကျန် လချုပ် update စာရင်းပေးသွင်းခြင်းကို လစဉ် ခုနှစ်ရက်အတွင်း မပျက်မကွက် တိကျစွာဆောင်ရွက်ပေးရန်လိုအပ်တယ်လို့ မြန်မာနိုင်ငံဆန်စပါးအသင်းချုပ်က သိရပါတယ်။
#Local_News
Published 04 July 2024
#ဆန်စပါးသိုလှောင်မှတ်ပုံတင် #မြန်မာနိုင်ငံဆန်စပါးအသင်းချုပ်
#NN #Yangon_Times

ရန်ကုန်တိုင်း၊ စစ်ကိုင်းအထက်ပိုင်း၊ ဧရာဝတီတိုင်း၊ တနင်္သာရီတိုင်း၊ ကချင်ပြည်နယ်နဲ့ ရခိုင်ပြည်နယ်တို့မှာနေရာကွက်ပြီး  မိုးကြီးနိုင်ပြီး ဧရာဝတီ၊ ချင်းတွင်း၊ နန့်ယင်း၊ နန့်ကောင်းမြစ်ရေတွေ ကြီးနိုင်တယ်လို့ သိရပါတယ်။
#Local_News
Published 04 July 2024
#မြစ်ရေကြီး #ရန်ကုန်နှင့်အောက်ပိုင်းဒေသ
#tthl #Yangon_Times

#Local_News
Published 04 July 2024

▪️ ထိုင်းနိုင်ငံတွင်ကျင်းပမည့် နိုင်ငံတကာရာမာယဏပွဲတော် International Ramayana Festival ၌ မြန်မာ သဘင်အစည်းအရုံးရဲ့ ရာမာယဏအဖွဲ့မှ ပါဝင်တင်ဆက်ဖျော်ဖြေသွားမည်ဖြစ်ကြောင်း မြန်မာနိုင်ငံသဘင်အစည်း အရုံး(ဗဟို)မှ သိရသည်။

▪️ ဘန်ကောက်မြို့တွင် ဇူလိုင်(၉)ရက်မှ(၁၇)ရက်အထိ ကျင်းပမည်ဖြစ်သော International Ramayana Festival သို့တက်ရောက် ဖျော်ဖြေကြမည်ဖြစ်သည်။

▪️ အဆိုပါပွဲတော်၌ဖျော်ဖြေရန် မြန်မာနိုင်ငံသဘင်အစည်းအရုံး၊ရာမာယဏပညာရပ်ဆိုင်ရာ ကော်မတီမှရိုးရာ ဗောင်းအပ်ပွဲ နှင့် စားတော်စာဆက်ကန်တော့ပွဲပေးခြင်းများ ဆောင်ရွက်လျက်ရှိသည်ဟု ဆိုသည်။

▪️ International Ramayana Festival သို့ ထိုင်း၊ မြန်မာ၊ အင်ဒိုနီးရှား၊ မလေးရှား၊ လာအို၊ ကမ္ဘောဒီးယား၊ အိန္ဒိယနိုင်ငံတို့မှ အကအဖွဲ့ ၂၀ ပါဝင်ဖျော်ဖြေတင်ဆက်ကြမည်ဖြစ်ကြောင်း သိရသည်။

#tthl #Yangon_Times

#Local_News
Published 4 July 2024

▪️ မြန်မာတစ်နိုင်ငံလုံး၌  ဒီရေတော၊ကြိုးဝိုင်း၊ ကြိုးပြင် ကာကွယ်တော ၄၄ ခုရှိကြောင်း သယံဇာတနှင့် သဘာဝ ပတ်ဝန်းကျင် ထိန်းသိမ်းရေးဝန်ကြီးဌာနမှသိရသည်။

▪️ တစ်နိုင်ငံလုံးအတိုင်းအတာ အနေဖြင့် ဒီရေတော၊ ကြိုးဝိုင်း၊ ကြိုးပြင် ကာကွယ်တော ၄၄ ခု၊ ၇၁၇,၂ ၃၈ ဧက ဖြင့်   ဖွဲ့စည်းထားပြီးဖြစ်ကာ ၎င်းဧကအတွင်း ဒီရေတော ဧရိယာ ၁ ဒသမ ၁ သန်းကျော်ရှိသည့်အတွက်  ကမ္ဘာပေါ်တွင် သတ္တမမြောက်နှင့် အရှေ့တောင်အာရှတွင် တတိယမြောက် ဒီရေတောအများဆုံး ပိုင်ဆိုင်သောနိုင်ငံဖြစ်ကြောင်း သိရသည်။

▪️ ဒီရေတောများသည် ပင်လယ်ပြင် မှ ဖြစ်ပေါ်လာသော သဘာဝဘေးအန္တရာယ်များကို တံတိုင်းသဖွယ်ကာကွယ်ပေးနိုင်သည့်အပြင် လယ်ယာမြေ များ အတွင်း ပင်လယ်ဆားငန်ရေ ဝင်ရောက်မှုကိုလည်း တားဆီးပေးသည့်အတွက် သီးနှံများ ပျက်စီးဆုံးရှုံးမှု အန္တရာယ် ကို ကာကွယ်ပေးနိုင်ကြောင်း၊  ငါး၊ ပုစွန်နှင့် အခြားသော ရေနေသတ္တဝါများ ရှင်သန် ပေါက်ပွားရာ အရင်းအမြစ်ဖြစ်သဖြင့် ဒေသခံပြည်သူများအတွက် အကျိုးကျေးဇူးများစွာ ရရှိစေမည်ဖြစ်ကြောင်း သိရသည်။

▪️ ထို့ကြောင့် ပင်လယ်ကမ်းရိုးတန်းနှင့် ထိစပ်လျက်ရှိသော ကမ်းရိုးတန်းဒေသများတွင်သဘာဝဒီရေတောများ ထိန်းသိမ်းရေးနှင့် ဒီရေတောစိုက်ခင်းများတည်ထောင်ရေးသည် လွန်စွာအရေးကြီးကြောင်း၊ ရန်ကုန်တိုင်းဒေသကြီး ပင်လယ်ကမ်းရိုးတန်း တလျှောက်တွင်လည်း  အစိမ်းရောင်တံတိုင်း- Green Belt အဖြစ် ဒီရေတော ကြိုးပြင်ကာကွယ်တော ၇ ခု၊ ၂၃,၈၅၅ ဧက ဖွဲ့စည်းတည်ထောင်ထားပြီးဖြစ်ကြောင်း သိရသည်။

#YMG/NN #Yangon_Times

#World_News
Published 04 July 2024

▪️ ၂၀၀၈-၂၀၀၉ ခုနှစ်တုန်းက အမေရိကန်မှာ စီးပွားရေးဆုတ်ယုတ်ဘေး ဖြစ်ခဲ့တာ အကင်းမသေသေးသလို ကိုဗစ်-၁၉ ကာလစီးပွားရေး ဆုတ်ယုတ်မှုကလည်း နောက်ထပ်ထိုးနှက်ချက် ဖြစ်ခဲ့ပါတယ်။

▪️ ဘဏ္ဍာရေးနဲ့ စီးပွားရေးဈေးကွက်များ မတည်မငြိမ်ဖြစ်ရတဲ့အတွက် စိုးရိမ်ပူပန်စရာတွေ အခုဆိုရင် ထပ်မံပေါ်ပေါက်လာပါတယ်။

▪️ အမေရိကန်စတော့ဈေးကွက်ဟာ ရှေ့ဆက်ပြီး မတည်မငြိမ် ဖြစ်ဦးမယ်လို့ ကနေဒါ ရင်းနှီးမြှုပ်နှံမှု သုတေသန အဖွဲ့အစည်း BCA Research က ခန့်မှန်းလိုက်ပါတယ်။

▪️ စီးပွားရေးဟာ ယခုနှစ် ဒါမှမဟုတ် ၂၀၂၅ အစောပိုင်းလောက်မှာ ဆုတ်ယုတ်လာလိမ့်မယ်လို့ BCA Research ကမ္ဘာလုံးဆိုင်ရာ ဗျူဟာမှူးချုပ် ပီတာဘရဲဇင်က သတိပေးလိုက်ပါတယ်။

▪️ အမေရိကန်ရှိ ထိပ်သီးကုန်သွယ်ရေးကုမ္ပဏီ ၅၀၀ ရဲ့ စတော့ဈေးကွက် အခြေအနေ ယိုင်ညွှန်းကိန်းကိုပြတဲ့ S&P 500 ဇယားမှာ ၃၇၅၀ သို့ ကျဆင်းသွားနိုင်ကာ ဒါဟာ လက်ရှိအနေအထားကနေ ၃၀ ရာခိုင်နှုန်း ကျဆင်းမယ့်သဘော ဖြစ်ပါတယ်။

▪️ အလုပ်သမားဈေးကွက်က လာမယ့်လများအတွင်း သိသိသာသာ နှေးကွေးသွားမှာဖြစ်ပြီး စီးပွားရေး တိုးတက်မှုရဲ့ အဓိကတွန်းအားဖြစ်တဲ့ ဝယ်ယူသူသုံးစွဲမှုအပေါ် အကြီးအကျယ် သက်ရောက်မှာဖြစ်တယ်လို့ ဘရဲဇင်က ယုံကြည်နေပါတယ်။

▪️ ငွေကြေးဖောင်းပွခြင်းနဲ့ အလုပ်လက်မဲ့ အခြေအနေကြား ဆက်စပ်မှုကို ဖိလစ်အခြေပြဇယားဖြင့် တိုင်းတာပါတယ်။

▪️ ၂၀၂၂ နဲ့ ၂၀၂၃ တို့မှာ အမေရိကန် စီးပွားရေးဆုတ်ယုတ်မှု မဖြစ်ခဲ့ရတဲ့ အကြောင်းအရင်းက စီးပွားရေးဟာ ဖိလစ်အခြေပြဇယားရဲ့ မတ်စောက်တဲ့ ဘက်ခြမ်းအတိုင်း လည်ပတ်နေခဲ့တာကြောင့် ဖြစ်ကြောင်း၊ အလုပ်သမား ထောက်ပံ့ရေးဇယားသာ ထောင်လိုက်နီးပါး ဖြစ်သွားရင် လုပ်အားလိုအပ်ချက် အားနည်းသွားကာ လုပ်ခလစာ တိုးတက်မှု ကျဆင်းသွားပြီး အလုပ်အကိုင် အခွင့်အလမ်းများ နည်းပါးသွားမှာဖြစ်ပါတယ်။

▪️ တရုတ်နဲ့ ဥရောပတို့မှာလည်း စီးပွားရေးဖွံ့ဖြိုးမှု သိသိသာသာ နှေးသွားနိုင်သလို ကမ္ဘာ့နေရာ အနှံ့အပြားမှာ စီးပွားရေးအခက်အခဲများ ပေါ်ပေါက်လာနိုင်တယ်လို့လည်း ဘရဲဇင်က ခန့်မှန်းလိုက်ပါတယ်။

▪️ ထိုကနေ ကမ္ဘာ့စီးပွားရေး ယုတ်လျော့လာနိုင်ပြီး နိုင်ငံတကာ စတော့ဈေးကွက်များအပေါ် ဖိအားပိုများလာနိုင်ပါတယ်။

#Source: NDTV

#Local_News
Published 04 July 2024

▪️ မြစ်ကြီးနားရှိရေဘေးသင့်ပြည်သူများကို ရုပ်ရှင်အစည်းအရုံးမှ ကူညီ‌ထောက်ပံ့ပေးရန်ရှိသည့်အတွက်  ရုပ်ရှင်လောကသားများ ပါဝင်လှူဒါန်းနိုင်ကြောင်း မြန်မာနိုင်ငံရုပ်ရှင်အစည်းအရုံးမှ သိရပါတယ်။

▪️ မြစ်ကြီးနားမြို့နှင့် ရေဘေးသင့်ပြည်သူများအတွက် ရေဘေးကူညီထောက်ပံ့ဖို့ မြန်မာနိုင်ငံရုပ်ရှင်အစည်းအရုံးမှစီစဉ်ဆောင်ရွက်လျက်ရှိသည်ဟု ဆိုသည်။

▪️ ရေဘေးသင့်ပြည်သူ‌များကို ရုပ်ရှင်လောကသားများအနေနှင့်လည်းကောင်းပြင်ပပုဂ္ဂိုလ်၊ အဖွဲ့အစည်းများအနေနှင့်လည်းကောင်းလှူဒါန်းလိုကြပါကမြန်မာနိုင်ငံရုပ်ရှင်အစည်းအရုံးသို့ ဆက်သွယ်လှူဒါန်းနိုင်ကြောင်း သိရသည်။

ကချင်ပြည်နယ်တွင် မိုးသည်းထန်စွာသွန်း သဖြင့် မြစ်ကြီးနား၊ ဗန်းမော်၊ ရွှေကူတို့တွင် ဧရာဝတီမြစ်ရေများကြီးပြီး ဒေသခံပြည်သူများအနေဖြင့် ရေဘေးလွတ်ရာသို့ ပြောင်းရွေ့နေထိုင်နေရကြောင်းနှင့် ရေသန့်နှင့် စားနပ်ရိက္ခာများလိုအပ်ကြောင်း သိရသည်။

#tthl #Yangon_Times

#Local_News
Published_ 4 July 2024
▪️ ၂၀၂၄-၂၀၂၅ ဘဏ္ဍာနှစ်တွင် ဓာတ်မြေဩဇာတန်ချိန် ၁ ဒသမ ၆ သန်း တင်သွင်းနိုင်ရေး လျာထားသတ်မှတ်ထားကြောင်း ဇူလိုင် ၂ ရက်က နေပြည်တော်ရှိ သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၌ ပြုလုပ်တဲ့ ယူရီးယားမြေဩဇာ ဝယ်ယူဖြန့်ဖြူး ရောင်းချရေး ဦးဆောင်ကော်မတီ၏ လုပ်ငန်းညှိနှိုင်းအစည်းအဝေးမှ သိရပါတယ်။

▪️ ယူရီးယားမြေဩဇာ ဝယ်ယူဖြန့်ဖြူးရောင်းချရေး ဦးဆောင်ကော်မတီ ဥက္ကဋ္ဌ သမဝါယမနှင့် ကျေးလက်ဖွံ့ဖြိုးရေးဝန်ကြီးဌာနဝန်ကြီး ဦးလှမိုးက သွင်းအားစုတင်သွင်း တဲ့ကုမ္ပဏီအလိုက် လျာထားတင်သွင်းခွင့်ပြုထားသော ပမာဏတန်ချိန်များအတွက် ဈေးနှုန်းအနည်းဆုံးဖြင့် တင်သွင်းဖြန့်ဖြူးရောင်းချပေးနိုင်မည့် ဈေးနှုန်းများကို ယှဉ်ပြိုင် စနစ်ဖြင့် စိစစ်ရွေးချယ်ခဲ့တယ်လို့ ဆိုပါတယ်။

▪️ ဒါ့ကြောင့် ယခုနှစ်တွင် ဈေးနှုန်းပိုမိုသက်သာစွာ တောင်သူများကို ဖြန့်ဖြူးပေးနိုင်ပြီး ထုတ်ပြန်ထားပြီးသော ရည်ညွှန်းဈေးနှုန်းများအတိုင်း ရောင်းချရန် ကုမ္ပဏီများကိုလည်း လမ်းညွှန်ထားတယ်လို့ ပြောပါတယ်။

▪️ ဓာတ်မြေဩဇာများ သိုလှောင်ခြင်း၊ ဈေးကစားခြင်း၊ ဈေးနှုန်းတင်ရောင်းချခြင်းများ မရှိစေရေး သက်ဆိုင်ရာအဖွဲ့ဝင်ဌာနများက ကြီးကြပ်ဆောင်ရွက်ပေးရန်နှင့် သတင်းများ ရရှိ၊ တွေ့ရှိလျှင် ဦးဆောင်ကော်မတီသို့ တင်ပြပေးရန်နှင့် မြို့နယ်အလိုက် အရောင်းဆိုင် များ၊ ဂိုဒေါင်များတွင် သတ်မှတ်ဈေးဖြင့် ရောင်း/မရောင်းကို ကော်မတီဝင် ဌာနဖြစ်သော အထွေထွေအုပ်ချုပ်ရေးဦးစီးဌာနမှ ဦးစီးပြီး ဆိုင်ရာကော်မတီဝင် ဌာနများနှင့်အတူ စိစစ်ပေးဖို့ ပြောကြားပါတယ်။

▪️ ရန်ကုန်အထိုင်ဈေးနှုန်းများအနေဖြင့် ယူရီးယားအလုံးကြီးကီလို ၅၀ တစ်အိတ်လျှင် ငွေကျပ် ၇၃၀၀၀၊ ရော့ခ်ဖော့စ်စဖိတ်အခြေခံ ၁၅ ပတ်လည်ကီလို ၅၀ တစ်အိတ်လျှင် ငွေကျပ် ၁ သိန်းနှုန်း၊ ဒီအေပီအခြေခံ ၁၅ ပတ်လည် ကီလို ၅၀ တစ်အိတ်လျှင် ငွေကျပ် ၁၁၅၀၀၀ နှုန်း၊ ကွန်းပလပ်စ် ၁၅ ပတ်လည် ကီလို ၅၀ တစ်အိတ်လျှင် ငွေကျပ် ၁၂၂၀၀၀ နှုန်းဖြင့် ရောင်းချပေးလျက်ရှိပါတယ်။

▪️ အဆိုပါဈေးနှုန်းများသည် ရန်ကုန်အထိုင်ဈေးဖြစ်၍ သက်ဆိုင်ရာဒေသအရောက် သယ်ယူစရိတ်နှင့် အရောင်းဆိုင်အမြတ်ငွေတို့ထည့်ပေါင်းကာ ဈေးသတ်မှတ်ရန်၊ ဓာတ်မြေဩဇာများသိုလှောင်ခြင်း၊ ဈေးကစားခြင်း၊ ဈေးနှုန်းတင်ရောင်းချခြင်းများ မပြုလုပ်ရန်တို့ကို ပြည်နယ်နှင့်တိုင်းဒေသကြီး ယူရီးယားမြေဩဇာဝယ်ယူဖြန့်ဖြူး ရောင်းချရေးလုပ်ငန်း ကြီးကြပ်မှုကော်မတီများက ကြီးကြပ်နေတာ ဖြစ်ပါတယ်။

#Ymg_mnn #Yangon_Media_Group

#World_Health
#
+++++++++++++++++++++
Published 04 July 2024
▪️ ရင်သားနေရာက ဆဲလ်တွေ ပွားများလာပြီး ထိန်းမနိုင်သိမ်းမရ ဖြစ်လာတဲ့အခါ အကျိတ်ဖြစ်လာပြီး ရင်သားကင်ဆာ ဖြစ်ပေါ်လာတယ်။

▪️ လက္ခဏာများအနေနဲ့ အဖုအကျိတ် ခံစားရခြင်း၊ ရင်သားအရွယ်အစား ပြောင်းလဲလာခြင်း၊ ရင်သားတဝိုက် အရေပြားပြောင်းလဲခြင်းတို့ ဖြစ်နိုင်ပါတယ်။

▪️ ရင်သားကနေ အခြားနေရာတွေသို့ ကူးစက်သွားတာမျိုးလည်း ဖြစ်နိုင်ပါတယ်။

စောစီးစွာသိရှိနိုင်မယ့် လက္ခဏာတွေကတော့..

- ဓမ္မတာရာသီလာပြီးနောက် ရင်သားနာကျင်ခြင်း

- နို့သီးခေါင်း အရေးကြောင်းပြောင်းလဲခြင်း

- ဓမ္မတာပြီးနောက် အဖုဖြစ်ပေါ်လာခြင်း

- ရင်သားတစ်ဖက်ကနေ နီညိုရောင် ဒါမှမဟုတ် အဝါရောင်အရည်ထွက်လာခြင်း

- ရင်သားမှာ နီမြန်းခြင်း၊ ဖူးရောင်ခြင်း၊ ယားယံခြင်း

- ဘက်မညီဘဲ အကျိတ်မှာမာကျောလာခြင်း

- ရင်သားနဲ့ နို့သီးခေါင်း အရေပြားဖျော့လာခြင်း

ဒီလိုလက္ခဏာတွေ ကြုံလာရင် ဆရာဝန်နဲ့ ပြသသင့်ပါတယ်။

▪️ ကင်ဆာကို စောစီးစွာသိရှိဖို့ အရေးကြီးပြီး ဒါမှသာ ကုသအောင်မြင်ဖို့ အခွင့်အရေးများမှာ ဖြစ်ပါတယ်။
ပုံမှန်ဆေးစစ်ဆေးမှုများ ပြုလုပ်ခြင်းဖြင့် စောစီးစွာ တွေ့ရှိနိုင်ပါတယ်။

#Source: DoctorNDTV

#World_Health
Published 04 July 2024

▪️ ဗိုက်တာမင်-ဒီ ချို့တဲ့ခြင်းဖြင့် ဆံပင်ကျွတ်နိုင်ဖွယ်ရှိကာ ဗိုက်တာမင်-ဒီ နည်းပါးခြင်းနဲ့ ဆံပင်ကျွတ်ခြင်းတို့ကြား ဆက်စပ်မှုကို ဖော်ပြသွားမှာ ဖြစ်ပါတယ်။

▪️ နေရောင်မှရတဲ့ ဗိုက်တာမင်-ဒီက ခန္ဓာကိုယ်မှာ အရိုးသန်မာစေခြင်း၊ ကိုယ်ခံအား ကောင်းမွန်စေခြင်း၊ ဆံကေသာ သန်စွမ်းစေခြင်းတို့ ပေးနိုင်ပြီး ချို့တဲ့တဲ့အခါမှာတော့ ဆံပင်ကျွတ်ခြင်းနဲ့ အခြားပြဿနာများ ဖြစ်လာနိုင်ပါတယ်။

▪️ ဗိုက်တာမင်-ဒီ ချို့တဲ့တဲ့ လက္ခဏာတွေကတော့ အရေပြားခြောက်ခြင်း၊ ကြွက်သားအားနည်းနွမ်းနယ်ခြင်း၊ အရိုးကိုက် အရိုးထိခိုက်လွယ်ခြင်း၊ ရောဂါပိုးကူးစက်လွယ်ခြင်း၊ ကိုယ်အလေးချိန်တက်ခြင်း၊ စိတ်ဓာတ်ကျခြင်းတို့ ဖြစ်နိုင်ပါတယ်။

▪️ ပျမ်းမျှအားဖြင့် လူတစ်ယောက်ဟာ ဗိုက်တာမင်-ဒီကို နေ့စဉ် ၆၀၀-၈၀၀ IU လိုအပ်ပါတယ်။

▪️ ဗိုက်တာမင်-ဒီက ဦးရေပြားကနေ သန်စွမ်းတဲ့ ဆံပင်အသစ်ထွက်စေပါတယ်။

▪️ သူ့ရဲ့လုပ်ဆောင်ချက်တွေက ဆံပင်မွေးညင်းပေါက်တွေကနေ ဆံပင်ထွက်စေခြင်း၊ ရောဂါခုခံအားစနစ် ကောင်းစေခြင်း၊ ရောင်ရမ်းခြင်းကို လျှော့ချပေးခြင်း၊ ဖိစီးမှုလျှော့ချပေးခြင်း၊ သွေးလည်ပတ်မှု ကောင်းစေခြင်းတို့ ဖြစ်ပါတယ်။

▪️ ဗိုက်တာမင်-ဒီချို့တဲ့ခြင်းကြောင့် ဆံပင်ကျွတ်ခြင်း၊ ထိပ်ပြောင်ခြင်းစတဲ့ ပြဿနာအမျိုးမျိုး ဖြစ်စေနိုင်ပါတယ်။

▪️ ဗိုက်တာမင်-ဒီချို့တဲ့တာကို ဖြေရှင်းဖို့အတွက် ၁၀-၃၀ မိနစ်ခန့် နေရောင်ခြည်နဲ့ ထိတွေ့ပေးခြင်း၊ ဗိုက်တာမင်-ဒီ ကြွယ်ဝတဲ့ ဆယ်လ်မွန်ငါး၊ တူနာငါး၊ ကြက်ဥ၊ နို့ထွက်ပစ္စည်းများ၊ မှိုများ စားသုံးခြင်း၊ ဒါနဲ့မှ မလုံလောက်သေးဘူးဆိုရင် ဗိုက်တာမင်-ဒီ ဖြည့်စွက်ဆေးများသုံးစွဲခြင်းတို့ ပြုလုပ်နိုင်ပါတယ်။

▪️ ဒါ့အပြင် ဗိုက်တာမင်-ဒီနဲ့ အခြားဆံပင်အားဖြည့်ဆေးများ ပါဝင်တဲ့ ဆံပင်သန်ဖြည့်စွက်ဆေးများလည်း ရှိပါသေးတယ်။

#Source: The Jerusalem Post