မြန်မာနိုင်ငံဆန်စပါးအသင်းချုပ် Page မှာတင်ထားတာကို'ပေါ်ဆန်းမွှေးဆန်များ အိမ်အရောက်ပို့စနစ်ဖြင့် ဖြန့်ဖြူးရောင်းချခြင်းအစီအ စဉ်'ကို ကူးယူပြီး Pageအတုဖြစ်တဲ့ MSF- Myanmar Rice Federation Page မှာ ဖုန်းနံပါတ်တွေ၊ viberနံပါတ်‌တွေပြောင်းပြီး ငွေလိမ်လည်နေတာဖြစ်တယ်လို့ သိရပါတယ်။
#Local_News
Published 05 July 2024
#ငွေကြေးလိမ်လည်မှုများရှိနေ #အိမ်အရောက်ပို့စနစ်
#tthl #Yangon_Times

တရုတ်-ရုရှားနှစ်နိုင်ငံဆက်ဆံရေးနှင့် ပူးပေါင်းဆောင်ရွက်ရေးတန်ဖိုးအား ဆက်လက်ထိန်းသိမ်းသွားရန် ရှီကျင့်ဖင်ပြော

တရုတ်နဲ့ ရုရှားနိုင်ငံတို့ဟာ နှစ်နိုင်ငံဆက်ဆံရေးရဲ့ ထူးခြားတဲ့တန်ဖိုး အနှစ်သာရကို ဆက်လက်ထိန်းသိမ်းသင့်ပြီး နှစ်နိုင်ငံပူးပေါင်းဆောင်ရွက်ခြင်း တွန်းအားတွေကို အသုံးချသင့်တယ်လို့ ကာဇက်စတန်မြို့တော် အက်စ်တာနာမှာ ရုရှားသမ္မတ ဗလာဒီမာပူတင်နဲ့ ဗုဒ္ဓဟူးနေ့ကတွေ့ဆုံစဉ် တရုတ်သမ္မတရှီကျင့်ဖင်က ပြောကြားခဲ့တာ ဖြစ်ပါတယ်။
#World_Politics
Published 05 July 2024
#တရုတ်-ရုရှားနှစ်နိုင်ငံဆက်ဆံရေး #ရှီကျင့်ဖင်
#YMG #Yangon_Times #Yangon_Media_Group

#World_Politics
Published 05 July 2024

▪️ ဗြိတိန်ပါလီမန် ရွေးကောက်ပွဲမှာ လေဘာပါတီက မဲအပြတ်အသတ်ဖြင့် အနိုင်ရနေသဖြင့် ကီယာစတားမားက ဝန်ကြီးချုပ်အသစ် ဖြစ်လာမှာဖြစ်ပြီး ရီရှီဆူနက်ခ်ရဲ့ ကွန်ဆာဗေးတစ်တွေကတော့ သမိုင်းတွင် ရှုံးနိမ့်သွားမယ်လို့ မဲပေးသူများရဲ့ ထင်မြင်ပြောကြားချက်များအရ သိရပါတယ်။

▪️ အလယ်-လက်ဝဲယိမ်း လေဘာပါတီဟာ ပါလီမန်ရှိ နေရာ ၆၅၀ ထဲက ၄၁၀ ကို ရရှိထားပြီး ၁၄ နှစ်တာစိုးမိုးထားတဲ့ ကွန်ဆာဗေးတစ် အစိုးရကို ဖြုတ်ချနိုင်တော့မှာ ဖြစ်ပါတယ်။

▪️ အခုဆိုရင် ပြည်သူတွေဟာ ပြောင်းလဲဖို့အတွက် အသင့်ဖြစ်နေကြကြောင်း၊ ပြည်သူ့အကျိုး ထမ်းဆောင်တဲ့ နိုင်ငံရေးအဖြစ် ပြန်လည်ရောက်ရှိတောမှာ ဖြစ်ကြောင်း စတားမားက လန်ဒန်မှာ အနိုင်ရပြီးနောက် ပြောကြားလိုက်ပါတယ်။

▪️ စတားမားအနေနဲ့ တိုင်းပြည်ရဲ့ အခက်အခဲတွေကို ရင်ဆိုင်သွားရမှာဖြစ်ကာ စီးပွားရေးဆုတ်ယုတ်နေခြင်း၊ အများပြည်သူ ဝန်‌ဆောင်မှုများ ယိုယွင်းနေခြင်း၊ နေထိုင်ရေးအခြေအနေ ကျဆင်းနေခြင်းတို့ကို ဖြေရှင်းသွားရမှာ ဖြစ်ပါတယ်။

▪️ ရီရှီဆူနက်ပါတီလက်ထက်မှာ နေထိုင်စရိတ် မြင့်မားခြင်း၊ မတည်မငြိမ်ဖြစ်နေခြင်း၊ အတိုက်အခံများခြင်းတို့ကြောင့် မဲပေးသူများဟာ အလိုမရှိကြတော့ဘဲ ပါလီမန်မှာ ၁၃၁ နေရာသာ ရရှိနိုင်မယ်လို့ ခန့်မှန်းရပါတယ်။

▪️ ရလဒ်များအရ လေဘာပါတီက နေရာ ၂၀၀ ကျော်သေချာနေပြီး လစ်ဘရယ်ဒီမိုကရက်တွေက ကွန်ဆာဗေးတစ်တွေဆီကနေ အသာရနေပြီး ယူကေပြန်လည်ပြုပြင်ရေးပါတီက နေရာတော်တော်များများမှာ ကွန်ဆာဗေးတစ်တွေထက် မဲတွေပိုမိုရရှိထားကာ နိုင်ပွဲ ၄ ခုရရှိထားပါတယ်။

▪️ လေဘာပါတီဟာ လွန်ခဲ့တဲ့ ၃ နှစ်ကမှ ပါတီပြိုကွဲလုနီးပါး ဖြစ်ခဲ့ပေမယ့် ကွန်ဆာဗေးတစ်တွေရဲ့ အရှုပ်တော်ပုံတွေကြောင့် ပြန်လည်ဦးမော့လာတာ ဖြစ်ပါတယ်။

▪️ ကွန်ဆာဗေးတစ်ပါတီဟာ အကြံဉာဏ်ကုန်နေပြီဖြစ်ပြီး ရှုံးထိုက်ပါတယ်လို့ ဂရက်စ်ရုစ် ကွန်ဆာဗေးတစ်အဖွဲ့အစည်းမှ ဥက္ကဌ အက်ဒ်ကော့စတယ်လိုက ပြောပြသွားပါတယ်။

#Source: Reuters

#Local_News
Published 05 July 2024

▪️ အပြည်ပြည်ဆိုင်ရာ ထေရဝါဒ ဗုဒ္ဓသာသနာပြုတက္ကသိုလ်မှပါရဂူဘွဲ့၊မဟာဘွဲ့အပါအဝင် ဘွဲ့ရရှိသော ပြည်တွင်းပြည်ပမှရဟန်းရှင်လူ(၁၂၉) ပါး/ဦးကို ဘွဲ့လက်မှတ်ချီးမြှင့်ခဲ့ကြောင်း သိရသည်။

 ▪️ (၂၂) ကြိမ်မြောက် ဘွဲ့နှင်းသဘင်နှင့် ဒီပလိုမာအောင်လက်မှတ်ပေးအပ်ပွဲအခမ်းအနားကို ဇူလိုင်ရန်ကုန်တိုင်းဒေသကြီး၊ မရမ်းကုန်းမြို့နယ်၊ အပြည်ပြည်ဆိုင်ရာ ထေရဝါဒ ဗုဒ္ဓသာသနာပြုတက္ကသိုလ် Seminar Hall ၌ ကျင်းပခဲ့သည်။

▪️ အခမ်းအနားတွင်သာသနာရေးနှင့် ယဉ်ကျေးမှုဝန်ကြီးဌာန၊ ပြည်ထောင်စုဝန်ကြီး ဦးတင်ဦးလွင် (ကိုယ်စား) ဒုတိယဝန်ကြီး ဦးအေးထွန်းက ဂုဏ်ယူဝမ်းမြောက်စကား လျှောက်ထားရာတွင် ယနေ့ ကျင်းပသည့် (၂၂) ကြိမ်မြောက် တက္ကသိုလ်ဘွဲ့နှင်းသဘင် အခမ်းအနားတွင် (၂ဝ၂၃-၂ဝ၂၄) ပညာသင်နှစ်အတွက် ပါရဂူဘွဲ့ (ဗုဒ္ဓဓမ္မ) (၄) ပါး၊ မဟာဝိဇ္ဇာဘွဲ့ (ဗုဒ္ဓဓမ္မ) (၁၈) ပါး/ဦး၊ ဝိဇ္ဇာဘွဲ့ (ဗုဒ္ဓဓမ္မ) (၃၃) ပါး/ဦး၊ ဒီပလိုမာအောင်လက်မှတ် ရရှိသူ (၇၄) ပါး/ဦး၊ စုစုပေါင်း (၁၂၉)ပါး/ဦးကို သက်ဆိုင်ရာ ဘွဲ့အောင်လက်မှတ်များ ပေးအပ် ချီးမြှင့်မည်ဖြစ်ကြောင်း သိရ၍ ဗုဒ္ဓ၏တရားတော်များကို လေ့လာဆည်းပူးခဲ့ကြသည့် သင်တန်းသားများ၏ အောင်မြင်မှုကို လှိုက်လှဲစွာ ဂုဏ်ယူဝမ်းမြောက်ရပါကြောင်း၊

▪️ ဤတက္ကသိုလ်တွင် ပညာဆည်းပူးခဲ့ကြသည့် ပြည်တွင်း/ပြည်ပ ရဟန်း၊ သီလရှင်၊ လူပုဂ္ဂိုလ်များအနေဖြင့် ၎င်းတို့၏ သက်ဆိုင်ရာ နိုင်ငံဒေသ အသီးသီးရှိ သာသနာရေးဆိုင်ရာ ဗျူရိုဌာနများနှင့် ၎င်းဒေသနိုင်ငံများရှိ ဗုဒ္ဓဘာသာ တက္ကသိုလ်များတွင် အဆင့်မြင့်ရာထူးများ ခန့်အပ်တာဝန်ပေးခြင်းခံရသည်ဟု သိရသည့်အတွက် လွန်စွာကျေနပ် အားရမိပါကြောင်း၊ 

▪️ ဤတက္ကသိုလ်မှ သင်ကြားဆရာတော်ကြီးများ အနေဖြင့်လည်း သင်တန်းသားများအား အရည်အချင်း ပြည့်၀စေရန်အတွက် ပြည်တွင်း/ပြည်ပ သင်တန်းသားများအား ထေရဝါဒ ဓမ္မလက်ဆောင်များ သင်ကြားဖြန့်ဝေပေးခြင်းဖြင့် ကမ္ဘာသူ ကမ္ဘာသားတို့၏ ကောင်းကျိုးများ ရရှိစေရန်အတွက် ကြိုးပမ်းနေကြကြောင်း သိရသဖြင့် သင်ကြားဆရာတော်များနှင့် သင်တန်းသားများ အားလုံးအတွက် အထူးဂုဏ်ယူ ဝမ်းမြောက်ရပါကြောင်း လျှောက်ထားခဲ့သည်။

▪️ ပါမောက္ခချုပ်ဆရာတော်က ဘွဲ့ရကျောင်းသားများကို တက္ကသိုလ်အဓိဋ္ဌာန် အမေး/အဖြေပြုပြီး သင်တန်းအသီးသီးသို့ တက်ရောက် အောင်မြင်ခဲ့ကြသော ပြည်တွင်း/ပြည်ပ သင်တန်းသား သင်တန်းသူ စုစုပေါင်း (၁၂၉) ပါး/ဦးတို့ကို ဘွဲ့၊ အောင်လက်မှတ်နှင့် အဆောင်အယောင်များ ချီးမြှင့် အပ်နှင်းတော်မူသည်။

▪️ ဝိဇ္ဇာဘွဲ့ (ဗုဒ္ဓဓမ္မ) တန်းမှ ပညာရည်ချွန် ထူးချွန်ဆုရရှိသော (Gold Medalist) ထူးချွန် ရွှေတံဆိပ်ဆုရှင် မြန်မာသင်တန်းသား ရဟန်းတော် ဘဒ္ဒန္တဗာကုလအား တက္ကသိုလ်က ချီးမြှင့်သည့် ရွှေစင်ရွှေပြား တစ်ကျပ်သား ဆုတံဆိပ်ကို ပါမောက္ခချုပ်ဆရာတော် (ကိုယ်စား) ရန်ကုန်တိုင်းဒေသကြီး အစိုးရအဖွဲ့ ဝန်ကြီးချုပ် ဦးစိုးသိန်း က ပေးအပ်လှူဒါန်း ချီးမြှင့်ခဲ့သည်။

▪️ အခမ်းအနားသို့ နိုင်ငံတော် သံဃမဟာနာယကအဖွဲ့ ဥက္ကဋ္ဌ၊ သန်လျင်မင်းကျောင်း ပရိယတ္တိစာသင်တိုက် ပဒေနနာယက၊ အပြည်ပြည်ဆိုင်ရာ ထေရဝါဒ ဗုဒ္ဓသာသနာပြုတက္ကသိုလ် အဓိပတိ အဂ္ဂမဟာပဏ္ဍိတ၊ အဂ္ဂမဟာ သဒ္ဓမ္မဇောတိကဓဇ ဒေါက်တာ ဘဒ္ဒန္တစန္ဒိမာဘိဝံသ၊ အကျိုးတော်ဆောင် ဆရာတော် မန္တလေးတိုင်းဒေသကြီး၊ မဟာအောင်မြေမြို့နယ်၊ မစိုးရိမ်တိုက်သစ် မဟာနာယက၊ ဓမ္မသမိဒ္ဓိကျောင်းတိုက် ပဓာနနာယကဆရာတော် အပြည်ပြည်ဆိုင်ရာ ထေရဝါဒ ဗုဒ္ဓသာသနာပြုတက္ကသိုလ် ဒုတိယအဓိပတိ အဂ္ဂမဟာပဏ္ဍိတ၊ အဂ္ဂမဟာ သဒ္ဓမ္မဇောတိကဓဇ ဘဒ္ဒန္တဝါသေဋ္ဌာဘိဝံသ အမှူးပြုသော ဆရာတော်ကြီးများ၊ တက္ကသိုလ် ပါမောက္ခချုပ်ဆရာတော် အဂ္ဂမဟာပဏ္ဍိတ၊ မဟာဓမ္မကထိက ဗဟုဇနဟိတဓရ ဒေါက်တာဘဒ္ဒန္တဆေကိန္ဒ အမှူးပြုသော သင်ကြားဆရာတော်ကြီးများ၊ ဂုဏ်ထူးဆောင်ပါမောက္ခ ဆရာတော်ကြီးများ၊ သင်ကြားသီလရှင် ဆရာကြီးများ ကြွရောက်တော်မူကြပြီး ရန်ကုန်တိုင်းဒေသကြီး အစိုးရအဖွဲ့ ဝန်ကြီးချုပ် ဦးစိုးသိန်း၊ ရန်ကုန်တိုင်းစစ်ဌာနချုပ်တိုင်းမှူး ဗိုလ်ချုပ်ဇော်ဟိန်း၊ သာသနာရေးနှင့် ယဉ်ကျေးမှုဝန်ကြီးဌာန ဒုတိယဝန်ကြီး ဦးအေးထွန်း၊ ရန်ကုန်မြို့တော်ဝန်၊ ရန်ကုန်တိုင်းဒေသကြီး အစိုးရအဖွဲ့ဝင် ဝန်ကြီးများ၊ ဌာနဆိုင်ရာ အကြီးအကဲများ၊ ပြည်ပနိုင်ငံများမှ သံအမတ်ကြီးများ၊ အတွင်းဝန်များနှင့် သံရုံးတာဝန်ခံများ၊ ပြည်တွင်း၊ ပြည်ပနိုင်ငံများမှ ဘွဲ့ရသင်တန်းသားများနှင့် မိဘဆွေမျိုးများ တက်ရောက်ကြကြောင်း သိရသည်။

#tthl #Yangon_Times

#Local_News
Published 5 July 2024

▪️ လူမှုဖူလုံရေးအကျုံးဝင်လုပ်သားများအား လူမှုဖူလုံရေးဆေးရုံကြီးသုံးရုံ၊ မြို့နယ်လူမှုဖူလုံရေးဆေးခန်း ရာကျော်ဖြင့်ဝန်ဆောင်မှုပေးနေကြောင်း အလုပ်သမားဝန်ကြီးဌာနမှ သိရသည်။

▪️ ထိုသို့ဝန်ဆောင်မှုပေးရာတွင် လူမှုဖူလုံရေးအဖွဲ့အနေဖြင့် လူမှုဖူလုံရေး စီမံကိန်းကိုအကောင်အထည်ဖော်ဆောင်ရွက်ရာတွင်  ကျန်းမာရေးစောင့်ရှောက်မှုအတွက် လူမှုဖူလုံရေးအဖွဲ့ပိုင်ဆေးရုံကြီးသုံးရုံ၊ မြို့နယ်လူမှုဖူလုံရေးဆေးခန်း ၉၆ ခန်း၊ ဌာနကြီးဆေးခန်း ၆၁ ခန်း၊ စာချုပ်ဆေးခန်း ၆၆ခန်း၊ သားဖွားမီးယပ် ပြင်ပလူနာကုသမှုဆောင်ရွက်သည့် စာချုပ်ဆေးခန်း ၄၅ ခန်း၊ မီးဖွားဝန်ဆောင်မှုဆောင်ရွက်လျက်ရှိသောစာချုပ်ဆေးရုံ၊ သားဖွားခန်း ၁၅ ခန်း၊ တိုင်းရင်းဆေးခန်းတစ်ခန်းတို့ဖြင့် ဝန်ဆောင်မှုပေးနေခြင်းဖြစ်ကြောင်း သိရသည်။

▪️ ထို့အပြင် ပြည်ထောင်စုနယ်မြေ နေပြည်တော်၌လည်း မြို့နယ်လူမှုဖူလုံရေးဆေးခန်းနှစ်ခန်း၊ ဌာနကြီးဆေးခန်းလေးခန်း၊ စာချုပ်ဆေးခန်း လေးခန်း၊ သားဖွား မီးယပ်ပြင်ပလူနာကုသမှု ဆောင်ရွက်သည့် စာချုပ်ဆေးခန်းသုံးခန်းတို့ဖြင့် ကျန်းမာရေးဝန်ဆောင်မှုများပေးလျက်ရှိပြီး ၂၀၂၄ ခုနှစ်အတွင်း ဒုတိယအကြိမ် စီမံချက်အနေဖြင့် လူမှုဖူလုံရေးအကျုံးဝင်အလုပ်ဌာန ၃၃၄ ဌာနမှ အာမခံအလုပ်သမား ၁၄၅၀၈ ဦးတို့ကို ဩဂုတ် ၆ ရက်အထိ ကျန်းမာရေးစောင့်ရှောက်မှုများဆောင်ရွက်သွားမည်ဖြစ်ကြောင်း သိရသည်။

#YMG/NN #Yangon_Times

#Local_News
Published 5 July 2024

▪️ မြန်မာနိုင်ငံဆန်စပါးအသင်းချုပ်မှ သက်သာသည့်ဈေးနှုန်းဖြင့် လက်လီဆိုင်များမှ တစ်ဆင့် ဈေးကွက်အတွင်းပေးပို့ရောင်းချပေးနေသော်လည်း မြို့နယ်အချို့ရှိ ဆန်ဆိုင် အချို့မှာမူ ဈေးချရောင်းချခြင်းမရှိသေးကြောင်း စားသုံးသူများထံမှ သိရသည်။

▪️ ရန်ကုန်နှင့်မြို့ကြီးများရှိ လက်လီဆိုင်များမှ တစ်ဆင့် ဈေးကွက်အတွင်းပေးပို့ရောင်းချလျက်ရှိရာ နေပြည်တော်၊ ရန်ကုန်မြို့၊ မန္တလေးမြို့ နှင့်မော်လမြိုင်မြို့တို့တွင် ရည်ညွှန်းသတ်မှတ်ဈေးများအတိုင်း Good Rice & Good Price ဆန်များကို ဆက်သွယ်ဝယ်ယူနိုင်ပြီဖြစ်ကြောင်း မြန်မာနိုင်ငံဆန်စပါးအသင်းချုပ်က အသိပေးထားသည်။

▪️ သို့သော် ရန်ကုန်မြို့ရှိ မြို့နယ်အချို့ရှိလက်လီဆိုင်များမှာမူယခင်နှုန်းထားအတိုင်းရောင်းချနေဆဲဖြစ်ကြောင်းစားသုံးသူများထံမှ သိရသည်။

▪️ "ဆန်ဈေးတွေက မကျသေးဘူးလားလို့ ဝယ်နေကျဆန်ဆိုင်ကိုမေးတာ၊ ဆန်ဆိုင်က သူတို့လည်း ကုန်စည်ဒိုင်တွေမှာသွားဝယ်တာပဲ၊ ချပေးတဲ့ ဈေးနှုန်းအတိုင်းမရဘူး၊ ချပေးတဲ့ဆန်တွေကလည်း အရည်အသွေးသိပ်မကောင်းဘူးလို့ပြောတယ်၊ တကယ်ပဲသူတို့ဝယ်မရတာလား၊ ဝယ်ရပြီးပဲအမြတ်တင်ရောင်းနေတာလားတော့မသိပါဘူး၊ ဒီလိုမြို့နယ်တွေက လက်လီဆိုင်တွေကို သေချာကြပ်မတ်ပေးမှသာ ဆန်ဈေးကတကယ်ကျမှာပါ၊ ကျွန်မတို့က အမှန်တကယ် လျော့ဈေးနဲ့ရောင်းပေးနေတဲ့ဆီမှာ တစ်အိတ်၊ နှစ်အိတ်လိုအများကြီးလည်းလှမ်းမမှာနိုင်ဘူး၊ ကျွန်မတို့လိုပဲ တစ်နေ့လုပ်တစ်နေ့စားတွေလည်း ဒီလိုပဲနေ့စဉ်ဝယ်နေရတော့ လက်လီဆိုင်‌တွေရဲ့ ပြောသမျှယုံရ၊ ခံရတာပဲ၊ သက်သာတဲ့ဈေးနဲ့သူတို့ကတစ်ခါဝယ် နဂိုဈေးနဲ့ဒီဘက်ပြန်ရောင်းဆိုရင် စားသုံးသူတော့မသက်သာဘူး၊ သူတို့ပဲပိုချမ်းသာသွားမယ်၊ စားအုန်းဆီဆိုင်တွေဆိုလည်း ဒီလိုပဲ အပေါ်ကဘယ်လောက်လုပ်ပေးပေး နည်းနည်းရောင်းပေးပြီး ကုန်ပြီပြောလည်း ဝယ်တဲ့သူတွေဘာမှမပြောနိုင်ဘူး"ဟု ရွှေပြည်သာမြို့နယ်မှ ဆန်လက်လီဝယ်ယူသူတစ်ဦးက ပြောသည်။

▪️ မြန်မာနိုင်ငံဆန်စပါးအသင်းချုပ်အနေဖြင့် သင့်တင့်မျှတသော ရည်ညွှန်းဈေးနှုန်းများနှင့်အညီ ရွှေဘိုပေါ်ဆန်းဆန်များ၊ ဧရာဝတီပေါ်ဆန်းဆန်များ နှင့် ဧည့်မထဆန်များကို နေပြည်တော်၊ ရန်ကုန်တိုင်းဒေသကြီး၊ မန္တလေးတိုင်းဒေသကြီး၊ ပဲခူးတိုင်းဒေသကြီးနှင့် ဧရာဝတီတိုင်းဒေသကြီးအပါအဝင် တစ်နိုင်ငံလုံးရှိ ဆန်စက်များ၊ ဆန်ဆိုင်များ၊ ဆန်ပွဲရုံများနှင့် မြို့ကြီးများရှိ ဈေးအရောင်းစင်တာများ၊ Super Market များ၊ Mini Mart များတွင် စဉ်ဆက်မပြတ် ဆက်လက် ရောင်းချ ပေးနေကြောင်း သိရသည်။ထို့အပြင် အသင်းချုပ်အစီအစဉ်ဖြင့် Good Rice & Good Price ပေါ်ဆန်းဆန်နှင့်ဧည့်မထဆန်များကို (၁၀)ကီလိုအိတ်၊ (၅)ကီလိုအိတ်များဖြင့် လက်လီဆိုင်များမှ တစ်ဆင့် ဈေးကွက်အတွင်းပေးပို့ရောင်းချလျက်ရှိရာ နေပြည်တော်၊ ရန်ကုန်မြို့၊ မန္တလေးမြို့ နှင့်မော်လမြိုင်မြို့တို့တွင် ရည်ညွှန်းသတ်မှတ်ဈေးများအတိုင်း Good Rice & Good Price ဆန်များကို ဆက်သွယ်ဝယ်ယူနိုင်ပြီဖြစ်ကြောင်း သိရသည်။

▪️ နေပြည်တော်၊ ရန်ကုန်မြို့နှင့် မန္တလေးမြို့တို့တွင် အိမ်အရောက်ပို့ဝန်ဆောင်မှုစနစ်ဖြင့် ဇူလိုင်လ (၁)ရက်နေ့မှစတင်၍ ဖြန့်ဖြူးရောင်းချပေးလျက် ရှိပါသည်။ ရန်ကုန်မြို့ရှိ စက်ရုံအလုပ်ရုံ ဝန်ထမ်းများ၊ ဌာန ဆိုင်ရာ ဝန်ထမ်းများ၊ အသင်းအဖွဲ့များသို့လည်း ဧရာဝတီပေါ်ဆန်းနှင့် ဧည့်မထဆန် (၁၀) ကီလိုအိတ်များ၊ (၅) ကီလိုအိတ်များကို စဉ်ဆက်မပြတ် ရောင်းချပေးလျက်ရှိကြောင်း သိရသည်။

#YMG/NN #Yangon_Times

၅ ဇူလိုင် ၂၀၂၄

SCO အဖွဲ့ကြီးသည် ဒဏ်ခတ်ပိတ်ဆို့မှုများကို လုံးဝဆန့်ကျင်တယ်လို့ တရုတ်နိုင်ငံပညာရှင်တစ်ဦးက SCO  မီဒီယာများ စားပွဲဝိုင်းဆွေးနွေးပွဲမှာ ပြောကြားလိုက်ပါတယ်။

တရုတ်နိုင်ငံရှန်ဟိုင်းမြို့ရှိ SCO နိုင်ငံတကာဖလှယ်ရေးနှင့် တရားဥပဒေပူးပေါင်းဆောင်ရွက်ရေး တရုတ်အမျိုးသား သိပ္ပံ ( CNISCO: China National Institute for SCO International Exchange and Judicial Cooperation) ၌ ကျင်းပခဲ့တဲ့ ရှန်န်ဟိုင်းပူးပေါင်းဆောင်ရွက်ရေးအဖွဲ့ (  SCO- Shanghai Cooperation Organization) နိုင်ငံများ၏ မီဒီယာများ စကားဝိုင်းဆွေးနွေးပွဲတွင် ရှန်ဟိုင်း လူမှုရေးသိပ္ပံ အကယ်ဒမီမှပါမောက္ခ Pan Guang က အထက်ပါ အတိုင်းပြောကြားခဲ့ခြင်းဖြစ်ပါတယ်။

ရှန်န်ဟိုင်းပူးပေါင်းဆောင်ရွက်ရေးအဖွဲ့ (  SCO- Shanghai Cooperation Organization) နိုင်ငံများ၏ မီဒီယာ စကားဝိုင်းဆွေးနွေးပွဲMedia Delegations Round Table Meeting ကို SCO ၏ အောင်မြင်မှုများနှင့် မျှော်လင့်ချက်များကို မီဒီယာရှုထောင့်အမြင် (  SCO: Achievements and Prospects from the perspective of Media)ခေါင်းစဉ်ဖြင့်ကျင်းပခြင်းဖြစ်ပြီး မြန်မာနိုင်ငံအပါအဝင် SCO အဖွဲ့နိုင်ငံများမှ မီဒီယာကိုယ်စားလှယ်များ တက်ရောက်ဆွေးနွေးခဲ့ကြပါတယ်။

တရုတ်ပညာရှင်များက SCO သည် အနာဂတ်တွင် ဖွံ့ဖြိုးတိုးတက်လာမည့် အလားအလာကောင်းများရှိနေတယ်လို့ ပြောကြားပါတယ်။ ယင်းအပြင် SCO အနေဖြင့် ကန့်သတ်ပိတ်ဆို့မှု sanctions များကို ဆန့်ကျင်ပြီး ယင်းကန့်သတ်ပိတ်ဆို့မှုများကြောင့် ကမ္ဘာပေါ်တွင် ကလေးငယ်များ၊အမျိုးသမီးများနှင့် သက်ကြီး ရွယ်အိုများ သေဆုံးနေကြရတယ်လို့လည်း ပညာရှင်တွေကထောက်ပြပါတယ်။ ပြည်သူအချင်းချင်းထိတွေ့ဆက်ဆံမှုတွေကို SCO နိုင်ငံတွေမှာ တိုးမြှင့်လုပ်သွားမှာဖြစ်ပြီး လေ့ကျင့်သင်တန်းတွေ ပညာရပ်ဆိုင်ရာဖိုရမ်တွေကိုလည်း တိုးချဲ့ လုပ်ဆောင်သွားမယ်လို့ Ms Zheng Weiက ပြောပါတယ်၊

GNFCCSCO  ဖိတ်ကြားချက်အရ မြန်မာနိုင်ငံကိုယ်စားလှယ်အဖြစ် ရန်ကုန်မီဒီယာအုပ်စုဥက္ကဋ္ဌ ဦးကိုကိုသည် အဆိုပါ မီဒီယာကိုယ်စားလှယ်အဖွဲ့တွင်ပါဝင်တက်ရောက်ဆွေးနွေးခဲ့တာဖြစ်ပါတယ်။

စကားဝိုင်းဆွေးနွေးပွဲတွင် ရှန်ဟိုင်း နိုင်ငံရေးသိပ္ပံနှင့် ဥပဒေတက္ကသိုလ်( Shanghai University of Political Science and Law)မှပါမောက္ခ ဝမ်ဝေ (Prof. Wang Wei) က အစီအစဉ်မှူးအဖြစ်ဆောင်ရွက်ပြီး  မီဒီယာ ဆွေးနွေးပွဲသို့  SCO အိမ်နီးချင်းကောင်းစိတ်ဓာတ်၊ချစ်ကြည်ရေးနှင့်ပူးပေါင်းဆောင်ရွက်ရေးကော်မရှင် GNFCCSCO : the Good-Neighborliness, Friendship and Cooperation Commission of Shanghai Cooperation Organization)အတွင်းရေးမှူးချုပ် Secretary General နှင့် တရုတ်နိုင်ငံခြားရေးဝန်ကြီးဌာန  ဥရောပ-အလယ်အာရှရေးရာဌာန Department of European-Central Asian Affairs of MOFA သံမှူးကြီး (Minister-Counselor) မစ္စ ကျန်ဝေ Ms Zheng Weiနှင့်ပညာရှင်များက ဦးဆောင်ဆွေးနွေးခဲ့ကြပါတယ်။

မီဒီယာစကားဝိုင်းဆွေးနွေးပွဲသို့ SCO အဖွဲ့ဝင်နိုင်ငံများဖြစ်ကြသည့် အိန္ဒိယ၊အီရန်၊ကာဇက်စတန်၊ တရုတ်၊ ကာဂျစ္စတန်၊ပါကစ္စတန်၊ရုရှား၊တာဂျစ်ကစ္စတန်၊ဥဇဘက်ကစ္စတန် လေ့လာသူ Observers အဆင့်နိုင်ငံများ  ဖြစ်သည့် အာဖဂန်နစ္စတန်၊ဘီလာရုဇ်၊ဆွေးနွေးဖက် Dialogue Partners နိုင်ငံများဖြစ်သည့် အာဇာဘိုင်ဂျန်၊ အာမေးနီးယား၊ဘာရိန်း၊အီဂျစ်၊ကမ္ဘောဒီးယား၊ကာတာ၊ကူဝိတ်၊မော်လဒိုက်၊မြန်မာ၊နီပေါ၊တူရကီနှင့်သီရိလင်္ကာတို့ မှ မီဒီယာကိုယ်စားလှယ်များ စုစုပေါင်း ၂၆ ဦးသည် ပညာရှင်များနှင့်အတူ တက်ရောက်ဆွေးနွေးခဲ့ကြပါတယ်။

SCO မီဒီယာအဖွဲ့ဝင်များသည် ရှန်ဟိုင်းမြို့တွင် တရုတ်နိုင်ငံ၏ ဒုတိယအကြီးဆုံး အစားအသောက် ပို့ဆောင်ရေးကုမ္ပဏီ Food delivery Ele.me ၊NETA အမှတ်တံဆိပ် လျှပ်စစ်ကားထုတ်လုပ်သည့် Hozon New Energy Auto ကုမ္ပဏီ၊ကမ္ဘာ့အကြီးဆုံးပင်လယ်ရေနက်ဆိပ်ကမ်း Yangshan Port၊ ဥမင်လှိုဏ်ခေါင်းတူးဖော်သည့် ယန္တယားများထုတ်လုပ်သည့် Shanghai Tunnel Enginneeringကုမ္ပဏီ တို့ကို သွားရောက်လေ့လာခဲ့ကြောင်း သိရှိရပါတယ်။

SCO မီဒီယာအဖွဲ့ဝင်များသည် ၂၀၂၄ခုနှစ် ဇူလိုင်၁ရက်မှ ဇူလိုင်၉ ရက်အထိ တရုတ်ပြည်သူ့သမ္မတနိုင်ငံ ရှန်ဟိုင်း၊ ဘေဂျင်းနှင့် ချင်းတောင်မြို့များတွင် လေ့လာရေးခရီးစဉ်များ ၊ဆွေးနွေးပွဲများနှင့် ရှန်ဟိုင်းပူးပေါင်းဆောင်ရွက်ရေး အဖွဲ့၏ အစိမ်းရောင်ဖွံ့ဖြိုးတိုးတက်ရေးဖိုရမ်နှင့်ဖိုရမ်ခွဲများ Green Development Forum and Sub forums ကို တက်ရောက်ကြမှာဖြစ်ပါတယ်။

@ymg/knl

\

#World_Health
Published 05 July 2024

▪️ ပလတ်စတစ်ဗူးတွေထဲက ဓာတုပစ္စည်းတစ်မျိုးဟာ ဆီးချိုရောဂါ ဒုတိယအမျိုးအစား ဖြစ်နိုင်ခြေများစေနိုင်ဖွယ် ရှိတယ်လို့ လေ့လာချက်အသစ်မှာ တွေ့ရှိထားပါတယ်။

▪️ ပလတ်စတစ် ရေသန့်ဗူးလိုမျိုး ထုပ်ပိုးထားတဲ့ သောက်စရာတွေနဲ့ စားစရာတွေမှာ ဘိုင်စဖီနောလ်-အေ  (BPA)ပါဝင်ပြီး အင်ဆူလင်ကို တုန့်ပြန်မှုလျော့နည်းစေတယ်လို့ သုတေသနမှာ တွေ့ရှိခဲ့ပါတယ်။

▪️ ပုံမှန်ဆိုရင် ခန္ဓာကိုယ်ထဲရှိ ဆဲလ်တွေက အင်ဆူလင်ကို တုန့်ပြန်သိရှိကာ သွေးတွင်းသကြားဓာတ်ကို ထိန်းညှိပေးပါတယ်။

▪️ အင်ဆူလင်ကို တုန့်ပြန်သိရှိမှု အားနည်းသွားမယ်ဆိုရင် သွေးတွင်းသကြားဓာတ် မြင့်တက်လာပြီး ဆီးချိုရောဂါ ဖြစ်လာနိုင်ပါတယ်။

▪️ ဗူးတွေနဲ့ စားစရာထုပ်ပိုးမှုတွေမှာ BPA ဘေးကင်းတဲ့ ပမာဏပါဝင်ဖို့ကို ပြန်လည်သုံးသပ်သွားဖို့ တင်ပြသွားမှာ ဖြစ်ပါတယ်။

▪️ ကယ်လီဖိုးနီးယား ပိုလီတက်ခ်နစ် ပြည်နယ်တက္ကသိုလ်မှ သုတေသီများက ကျန်းမာသူအယောက် ၄၀ ကို BPA ၅၀ မိုက်ခရိုဂရမ်ဖြင့် စမ်းသပ်တဲ့အဖွဲ့နဲ့ အာနိသင်မရှိတဲ့ အရာဖြင့် စမ်းသပ်တဲ့အဖွဲ့ခွဲကာ စမ်းသပ်ခဲ့ကြပါတယ်။

▪️ ၄ ရက်ကြာပြီးနောက် BPA ဖြင့်စမ်းသပ်ခံတဲ့လူတွေမှာ အင်ဆူလင်ကို တုန့်ပြန်သိရှိမှု အားနည်းသွားခဲ့ပါတယ်။

▪️ ဒါကြောင့် လက်ရှိ BPA ဘေးကင်းစိတ်ချရတဲ့ ပမာဏသတ်မှတ်ချက်ကို ပြန်သုံးသပ်သင့်ပြီလို့ သုတေသီများ ဆိုလိုက်ပါတယ်။

▪️ ဒီအန္တရာယ်ကို လျှော့ချဖို့အတွက် BPA မပါတဲ့ ပစ္စည်းတွေကို အစားထိုးသုံးစွဲဖို့ အကြံပြုထားပါတယ်။

▪️ ပလတ်စတစ်ဗူးတွေဟာ အသုံးပြုရလွယ်ကူပေမယ့် ပါဝင်တဲ့ ဓာတုပစ္စည်းတွေက ကျန်းမာရေးကို ထိခိုက်နိုင်ပါတယ်။

▪️ ပလတ်စတစ်ဗူးတွေကို နေရောင်ထဲမှာထားလိုက်ရင် အန္တရာယ်ရှိ ဓာတုပစ္စည်းများ ထွက်စေနိုင်တယ်လို့ တွေ့ရှိထားပါတယ်။

▪️ ဒါကြောင့် ဒီဓာတုပစ္စည်းတွေကို ထိတွေ့မှုနည်းအောင် စည်းမျဉ်းတွေ ပိုမိုထိန်းချုပ်ဖို့ လိုတယ်လို့ အကြံပြုလိုက်ပါတယ်။

#Source: India Today

#World_Health
Published 05 July 2024

▪️ အူလမ်းကြောင်းနဲ့ ဦးနှောက်ကျန်းမာရေးတို့ကြား ဆက်စပ်ပုံတွေကို လေ့လာချက်တွေ ပြုလုပ်ပြီးနောက် အသိအမှတ်ပြုလာကြပါတယ်။

▪️ အူလမ်းကြောင်း-ဦးနှောက် ဝင်ရိုးဟာ အပြန်အလှန် ဆက်သွယ်နေကြတဲ့ စနစ်တစ်ခု ဖြစ်ပါတယ်။

▪️ ထိုဆက်သွယ် ချိတ်ဆက်မှုမှာ အာရုံကြော၊ ဟော်မုန်း၊ ကိုယ်ခံအားစနစ် လမ်းကြောင်းများ ပါဝင်နေပါတယ်။

▪️ အူလမ်းကြောင်း ကျန်းမာရေးအပေါ် စိတ်ပိုင်းဆိုင်ရာ ကျန်းမာရေးက ဘယ်လိုသက်ရောက်နေသလဲဆိုတော့... ဖိစီးမှုကြောင့် ထွက်လာတဲ့ ကော်တီဆောလ်ဟာ အူလမ်းကြောင်း လှုပ်ရှားမှုနဲ့ ပိုးမွှားစနစ်ကို နှောင့်ယှက်ပြီး အူလမ်းကြောင်း ရောဂါများ ဖြစ်စေပါတယ်။

▪️ စိတ်အခြေအနေကို ထိန်းညှိပေးတဲ့ အာရုံကြောဟော်မုန်းများနဲ့ ဆယ်ရိုတိုနင်အချို့ကို အူလမ်းကြောင်းက ထုတ်လုပ်ပေးတာကြောင့်လည်း စိတ်ကျန်းမာရေးနဲ့ အူလမ်းကြောင်း ကျန်းမာရေးတို့ကြား ဆက်စပ်နေမယ်လို့ ယူဆရပါတယ်။

▪️ လေ့လာချက်တွေအရလည်း အူလမ်းကြောင်းနဲ့ ဦးနှောက်တို့ကြား ဆက်စပ်နေပုံကို အထောက်အထား ပြနေပါတယ်။

▪️ အူလမ်းကြောင်းရောဂါ ခံစားရသူတွေမှာ စိတ်ဓာတ်ကျခြင်းနဲ့ စိုးရိမ်ပူပန်ခြင်းတို့ ပိုမိုခံစားရနိုင်ကြောင်း တွေ့ရှိထားပါတယ်။

▪️ ဒီအခြေအနေတွေကို ထိန်းသိမ်းပေးနိုင်မယ့် အရာတွေကတော့...

- ပရိုဘိုင်အိုတစ် အစားအစာတွေဖြစ်တဲ့ ဒိန်ချဉ်

- ပရီဘိုင်အိုတစ် အစားအစာတွေဖြစ်တဲ့ ကြက်သွန်နီ၊ ငှက်ပျောသီး၊ ကြက်သွန်ဖြူ

- အမျှင်ဓာတ်၊ အသီးအနှံ၊ အရွက်တို့ကို မျှတစွာ စားသုံးခြင်းတို့ ပြုလုပ်သင့်ပါတယ်။

▪️ နေထိုင်စားသောက်မှုပုံစံ ပြောင်းလဲခြင်း၊ ဖိစီးမှုလျှော့ချခြင်း၊ ဆရာဝန်ပြသခြင်းတို့ဖြင့်လည်း အူလမ်းကြောင်းနဲ့ စိတ်ကျန်းမာရေးတို့ကို တိုးတက်စေမှာ ဖြစ်ပါတယ်။

▪️ ဒီအကြောင်းအရာနဲ့ ပတ်သက်ပြီး နောက်ထပ်လေ့လာမှုတွေလည်း ပြုလုပ်သွားကြဦးမှာ ဖြစ်ပါတယ်။

#Source: DoctorNDTV

ရုရှား-ယူကရိန်းစစ်ပွဲအတွင်း ခင်ပွန်းသည်ဆုံးရှုံးခဲ့ရသည့်အမျိုးသမီး ပဋိပက္ခတွေကိုအမြန်ဆုံး ပြီးဆုံးလိုကြောင်းထုတ်ဖော်ပြောကြား

ရုရှား-ယူကရိန်းစစ်ပွဲအတွင်း ခင်ပွန်းသည်ကို ဆုံးရှုံးခဲ့ရတဲ့ နာတာလီယာဟာ အမြန်ဆုံး အပစ်အခတ်ရပ်စဲဖို့ တောင်းဆိုလိုက်ပြီး သူ့လိုလူမျိုးတွေအနေနဲ့ မိသားစုဝင်တွေထပ်ပြီး အဆုံးရှုံးမခံနိုင်တော့ဘူးလို့ ဆိုလိုက်ပါတယ်။
#World_News
Published 04 July 2024
#ရုရှား-ယူကရိန်းစစ်ပွဲ #ပဋိပက္ခ
#YMG #Yangon_Times #Yangon_Media_Group

#Daily_News
Published 04 July 2024

၁။ မိုးကြီးမည့်ဒေသများတွင် ရန်ကုန်နှင့်အောက်ပိုင်း ဒေသများပါဝင်လာ၊ မြစ်ရေကြီးဦးမည်

၂။ ဆန်စပါးသိုလှောင်ရုံမှတ်ပုံတင်ခြင်း ဇူလိုင်၇ရက် နောက်ဆုံးထားဆောင်ရွက်ရန်နှင့် ကုန်ရ၊ကုန်ထုတ်၊ကုန်လက် ကျန် လချုပ် update စာရင်းပေးသွင်းခြင်းကို လစဉ် ၇ရက်အတွင်း ဆောင်ရွက်ရမည်

၃။ ယခုနှစ်အတွင်း မွန်ဒေသမှ ဆားတန်ချိန်လေးသောင်းသုံးထောင်ကျော်ထွက်ရှိ

၄။ ရုရှား-ယူကရိန်းစစ်ပွဲအတွင်း ခင်ပွန်းသည်ဆုံးရှုံးခဲ့ရသည့်အမျိုးသမီး ပဋိပက္ခတွေကိုအမြန်ဆုံး ပြီးဆုံးလိုကြောင်းထုတ်ဖော်ပြောကြား ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၂၀၂၃-၂၀၂၄နှစ် ဆားရာသီချိန်အတွင်း မွန်ဒေသမှ ဆားတန်ချိန်လေးသောင်းသုံးထောင်ကျော်ထွက်ရှိတယ်လို့ မွန်ပြည်နယ်ဆားလုပ်ငန်းဌာနခွဲက သိရပါတယ်။
#Local_News
Published 04 July 2024
#ဆားတန်ချိန်၄၃၀၀၀ကျော်ထွက် #မွန်ပြည်နယ်ဆားလုပ်ငန်းဌာနခွဲ
#NN #Yangon_Times