#World_News
Published 09 July 2024
▪️ အမေရိကန်သမ္မတ ဂျိုးဘိုင်ဒင်က သမ္မတရွေးကောက်ပွဲ ထပ်မံယှဉ်ပြိုင်ရေးအတွက် စည်းရုံးရေးလုပ်ငန်းများ ဆက်လက်ပြုလုပ်သွားမယ်လို့ အခိုင်အမာ ပြောကြားလိုက်ကာ ဘိုင်ဒင်အခုလို နိုဝင်ဘာလ ၅ ရက်နေ့ရွေးကောက်ပွဲအတွက် မရမကယှဉ်ပြိုင်နေခြင်းက ယင်းတို့ပါတီအနေနဲ့ အိမ်ဖြူတော်နဲ့ ကွန်ဂရက်လွှတ်တော်တို့ကို ဆုံးရှုံးရစေနိုင်တယ်ဆိုပြီး လွှတ်တော်အဆောက်အအုံမှ ဒီမိုကရက်အချို့နဲ့ အလှူရှင်အချို့ စိုးရိမ်နေကြတာတွေကို ငြင်းပယ်လိုက်ပါတယ်။
▪️ အသက် ၈၁ နှစ်ရှိ ဘိုင်ဒင်က သူ့ရဲ့စွမ်းရည်ကို သံသယရှိတယ်လို့ ယူဆတဲ့ ကိုယ်စားလှယ်လောင်းတွေအနေနဲ့ ဩဂုတ်လမှာ ကျင်းပမယ့် ဒီမိုကရက်တစ် အမျိုးသားညီလာခံမှာ စိန်ခေါ်နိုင်တယ်လို့ ဆိုလိုက်ကာ ဒါဟာ ဘိုင်ဒင်ယခုနှစ်အတွင်း အနိုင်ရခဲ့တဲ့ ကိုယ်စားလှယ်လောင်းတွေကို ထည့်သွင်းစဉ်းစားခွင့် မပေးဘူးဆိုရင် ဖြစ်နိုင်ခွင့်မရှိတဲ့ အနေအထားပါ။
▪️ ဇွန် ၂၇ ရက်နေ့ ဒေါ်နယ်ထရမ့်နဲ့ စကားစစ်ထိုးပွဲမှာ ဘိုင်ဒင်အခြေအနေ မကောင်းခဲ့ဘဲ ပြန်လည်ကာကွယ်ဖို့ စည်းရုံးရေးဆင်းနေခဲ့ကာ ယခုရက်သတ္တပတ်များအတွင်း ဝေဖန်ခံနေရပါတယ်။
▪️ လွှတ်တော်ဒီမိုကရက်အမတ် အများအပြားက ဘိုင်ဒင်ရဲ့ အသက်အရွယ်နဲ့ စွမ်းဆောင်ရည်တွေကို ပူပန်နေကြကာ ရွေးကောက်ပွဲမှ နုတ်ထွက်ဖို့ တောင်းဆိုခဲ့ကြပါတယ်။
▪️ ဒီမိုကရက်တစ် ကိုယ်စားလှယ် အဒမ်စမစ်က ဘိုင်ဒင်အနေနဲ့ ထိုစကားစစ်ထိုးပွဲပြီးနောက်ပိုင်း တုန့်ပြန်ပုံတွေ လက်ခံနိုင်စရာ မရှိဘဲ အနားယူသင့်ပြီလို့ အပြင်းအထန် ပြောကြားလာပါတယ်။
▪️ တိုင်းပြည်မှာ အမြင့်ဆုံးတာဝန်ယူထားတဲ့သူအနေနဲ့ ဖိအားဝန်ထုပ်တွေကို ခံနိုင်ရည် ရှိရမှာဖြစ်ပြီး သမ္မတဘိုင်ဒင်ကတော့ ဒီဖိအားကို ဆက်လက်မခံယူနိုင်တော့တာ သိသာနေပါတယ်လို့ ပြောသွားပါတယ်။
▪️ ဘိုင်ဒင် သမ္မတရွေးကောက်ပွဲ ဝင်မှာနဲ့ပတ်သက်ပြီး ယခုသီတင်းပတ်အတွင်း အသေအချာ ဆွေးနွေးသွားမယ်လို့ ဒီမိုကရက် နံပါတ်-၂ အထက်လွှတ်တော်အမတ် ဒစ်ဒါဘင်က သတင်းထောက်တွေကို ပြောသွားပါတယ်။
▪️ ဘိုင်ဒင်အတွက် ဖြေရှင်းချက်တစ်မျိုးအနေဖြင့် စည်းရုံးရေးဆင်းစဉ် မဲဆန္ဒရှင်တွေရဲ့ရှေ့မှာ ဘိုင်ဒင်ကို လက်တန်းစကားတွေ ပိုမိုပြောပြခိုင်းရမယ်လို့ ဒီမိုကရက်တစ် အမတ်အချို့က ဆိုပါတယ်။
▪️ စကားရည်လုပွဲမှာ ဘိုင်ဒင်ကောင်းစွာ မငြင်းခုန်နိုင်တာဟာ အာရုံကြောရောဂါတစ်မျိုးမျိုး ခံစားနေရတာကြောင့်လားလို့ မေးခွန်းထုတ်လာကြပါတယ်။
▪️ အချို့အမတ်တွေကတော့ ဘိုင်ဒင်သမ္မတရွေးကောက်တာကို ထောက်ခံနေဆဲဖြစ်ပြီး တိုင်းပြည်မှ လူသန်းပေါင်းများစွာက မဲပေးရွေးချယ်ခဲ့ကြတာ ဖြစ်တယ်လို့ ကိုယ်စားလှယ် စတီဗင်ဟော်စ်ဖော့ဒ်က ပြောပါတယ်။
#Source: Reuters
#Local_News
ချင်းတောင် ဇူလိုင် ၈
▪️ နစက ဒုတိယဥက္ကဋ္ဌ ဒုတိယဝန်ကြီးချုပ် ဒုတိယဗိုလ်ချူပ်မှူးကြီးစိုးဝင်းသည် ယနေ့ဇူလိုင် ၈ရက်က တရုတ်ပြည်သူ့ သမ္မတနိုင်ငံ ချင်းတောင်မြို့ရှိ ချင်းတောင် နိုင်ငံတကာကွန်ဖရင့်စင်တာတွင်ကျင်းပသည့် ရှန်ဟိုင်းပူပေါင်းဆောင် ရွက်ရေးအဖွဲ့နိုင်ငံများ၏ စိမ်းလန်းသောဖွံ့ဖြိုးတိုးတက်မှုဖိုရမ်သို့ တက်ရောက်ကာ မိန့်ခွန်းပြောကြားခဲ့သည်။
▪️ မြန်မာနိုင်ငံအနေဖြင့် စိမ်းလန်းသောဖွံ့ဖြိုးတိုးတက်မှုများကို အမျိုးသားပတ်ဝန်းကျင်ထိန်းးသိမ်းရေးမဟာဗျူဟာ များနှင့်မူဝါဒများဖြင့် မည်ကဲ့သို့ အကောင်အထည်ဖော်နေသည်ကို ဒုတိယဝန်ကြီးချုပ်က ရှင်းလင်းပြောကြားခဲ့သည်။
▪️ မြန်မာနိုင်ငံသည် ပင်လယ်ကမ်းခြေများစွာရှိ၍ အပြာရောင်စီးပွားရေးကိုလည်း အာရုံစိုက်လုပ်ဆောင် နေကြောင်းကိုပါ သူက ထည့်သွင်းပြောကြားခဲ့သည်။
▪️ အဆိုပါဖိုရမ်ကို SCO အိမ်နီးချင်းကောင်းစိတ်ဓာတ်၊ချစ်ကြည်ရေးနှင့်ပူးပေါင်းဆောင်ရွက်ရေးကော်မရှင် GNFCC SCO (Good-Neighborliness, Friendship, and Cooperation Commission of the Shanghai Cooperation Organization) အဖွဲ့အစည်းက ကမကထပြုကျင်းပခဲ့ခြင်းဖြစ်ကာ ထိုအဖွဲ့ကြီး၏ ဥက္ကဋ္ဌ Ms. Shen Yueyue က တရုတ်သမ္မတ ရှီကျင့်ဖျင်ပေးပို့သည် ဂုဏ်ပြုသဝဏ်လွှာကိုဖတ်ကြားပြီးနောက် အဖွင့်အမှာစကား ဆက်လက် ပြောကြားခဲ့သည်။
▪️ SCO ကို နိုင်ငံတကာဆက်ဆံရေးနှင့် ဒေသတွင်းပူးပေါင်းဆောင်ရွက်ရေး အမျိုးအစားအသစ်၏ ပုံစံတစ်ခုဟု သမ္မတ ရှီက ဖော်ပြခဲ့သည်။ တရုတ်နိုင်ငံက SCO အလှည့်ကျဥက္ကဋ္ဌ တာဝန်လွှဲပြောင်းရယူပြီးကြောင်းလည်း စာထဲတွင် ဖော်ပြထားသည်။
▪️ SCO countries နိုင်ငံများမှ အကြီးတန်းနှင့်အဆင့်မြင့်အရာရှိကြီးများ၊ SCO အတွင်းရေးမှူးချုပ် Mr. Zhang Ming တို့ကလည်း အမှာစကားများပြောကြားခဲ့ကြသည်။
▪️ ဒုတိယဗိုလ်ချုပ်မှူးကြီးစိုးဝင်းသည် Ms. Shen Yueyue နှင့်အခြား နိုင်ငံများမှ အကြီးတန်းတာဝန်ရှိသူများနှင့်အတူ အခမ်းအနားမစတင်မီတွ်“ ဒေသတွင်းပူးပေါင်းဆောင်ရွက်ရေးနှင့်ဖွံ့ဖြိုးတိုးတက်ရေးမြှင့်တင် ဟူသော ခေါင်းစဉ်ဖြင့် ခင်းကျင်းပြသထားသည့် ပြခန်းကို ကြည့်ရှုခဲ့ကြောင်းသိရှိရသည်။
#ymg/knl
#Local_News
Published 09 July 2024
▪️ ပြင်သစ်-ဂျာမန် ရန်ပုံငွေဖြင့် လူငယ်ဖက်ရှင်သင်တန်းဖွင့်မည်ဖြစ်ပြီး ဖက်ရှင်သင်တန်းအစီအစဉ် (၂)အတွက် သင်တန်းသား(၄)ဦး ထပ်မံ ခေါ်ယူမည်ဖြစ်ကြောင်းသိရသည်။
▪️ Goethe-Institut Myanmar နှင့် Institut français de Birmanie (ပြင်သစ်ယဉ်ကျေးမှုဌာန)တို့ ပူးပေါင်းပြုလုပ်သည့် ဖက်ရှင်သင်တန်းအစီအစဉ် (၂) အတွက် စတင်လျှောက်ထားနိုင်ပြီ ဖြစ်သည်ဟုဆိုသည်။
▪️ ဒီဇိုင်းပိုင်း၊ ဖန်တီးချုပ်လုပ်မှုပိုင်း၊ ချုပ်ထည်ရောင်းချမှုပိုင်းများအတွက် လိုအပ်သည့် အထောက်အပံ့များ ပေးအပ်၍ သင်တန်းပြီးစီးသည့်အခါ ကိုယ်ပိုင်အမှတ်တံဆိပ်များ တီထွင်ဖန်တီးနိုင်ရန် ရည်ရွယ်ချက်ဖြင့် သင်ကြားပို့ချပေးသွားမည် ဖြစ်ပါသည်။
▪️ လျှောက်ထားလိုသူများအနေဖြင့် ပညာရေးအနည်းဆုံး အခြေခံပညာအထက်တန်းအဆင့် ပြီးမြောက်သူ၊ ဖက်ရှင်ဆိုင်ရာ အခြေခံဘာသာရပ်များဖြစ်သည့် fashion design၊ garment construction နှင့် textiles တို့ကို ပြီးစီးတတ် မြောက်ထားသူ ဖြစ်ရမည်ဖြစ်သည်။
▪️ ယင်းအပြင် အင်္ဂလိပ်ဘာသာစကားကို Intermediate အဆင့် ကျွမ်းကျင်သူ ဖြစ်ရမည်ဖြစ်ပြီးကျား/မ Pattern Making နှင့် Sewing ၌ Intermediate အဆင့် ကျွမ်းကျင်သူ၊ ဖက်ရှင်နယ်ပယ်၌ အတွေ့အကြုံ (၃) နှစ်မှ (၄) နှစ် ရှိထားသူ ဖြစ်ရမည်ဖြစ်ကြောင်းသိရသည်။
▪️ လျှောက်ထားရမည့် ရက်မှာ၂၀၂၄ ခုနှစ်၊ ဇူလိုင်လ (၅) မှ (၁၄)ရက်အထိဖြစ်ပြီးလျှောက်ထားရန် အီးမေး
#tthl #Yangon_Times
QINGDAO, China, July 8
Myanmar Deputy Prime Minister Vice Senior General Soe Win attended and delivered the opening remarks at the Green Development Forum of the Shanghai Cooperation Organization (SCO) Countries this morning. The event was held at the Qingdao International Conference Center in Qingdao, People's Republic of China.
The Deputy Prime Minister outlined how Myanmar has been implementing green development through national environmental strategies and policies in his remarks. He also mentioned that Myanmar is now also focusing on blue development due to its extensive coastline.
The forum was hosted by GNFCCSCO (Good-Neighborliness, Friendship, and Cooperation Commission of the Shanghai Cooperation Organization). GNFCCSCO Chairperson, Ms. Shen Yueyue, read out a congratulatory letter sent by Chinese President Xi Jinping and then delivered a keynote speech.
President Xi described the SCO as a model for a new type of international relations and regional cooperation. He noted in his letter that China has recently taken over the rotating presidency of the SCO.
Xi also highlighted that it is the consensus of SCO countries to protect the environment and promote green development.
Ms. Shen Yueyue who is also Vice-Chairperson of the National Committee of the Chinese People's Political Consultative Conference(CPPCC) explained China’s initiatives on green development and expressed sincere thanks to those who joined the forum.
Other senior and high-ranking officials from SCO countries, as well as SCO Secretary General Mr. Zhang Ming, also gave remarks at the forum.
Vice Senior General Soe Win, along with Ms. Shen Yueyue and other senior officials, visited the exhibition on Empowering Regional Cooperation and Promoting Development upon their arrival at the Forum Hall.
-ymg/knl
#Local_News
Published_9 July 2024
▪️ ကချင် အမျိုးသားကွန်ဂရက်ပါတီ [Kachin National Congress (KNC) နှင့် ဒီမိုကရေစီနှင့် လူ့အခွင့်အရေးပါတီ (Democracy and Human Rights Party)တို့ကို ပါတီဆက်လက်တည်ထောင် မှတ်ပုံတင်ခွင့် ငြင်းပယ်လိုက် ကြောင်း ပြည်ထောင်စုရွေးကောက်ပွဲကော်မရှင်က ဇူလိုင်လ ၈ ရက်က ထုတ်ပြန်လိုက်သည်။
▪️ ပြည်ထောင်စုရွေးကောက်ပွဲကော်မရှင် စုံညီအစည်းအဝေး အမှတ်စဉ် (၁၂/၂၀၂၄) ဆုံးဖြတ်ချက် အရ ယင်းပါ တီများ၏ ပါတီမှတ်ပုံတင်ခွင့် လျှောက်ထားချက်ကို ပြည်ထောင်စု ရွေးကောက်ပွဲကော်မရှင်က နိုင်ငံရေးပါ တီများမှတ်ပုံတင်ခြင်းနည်းဥပဒေပါ ပုံစံ(ဆ)ဖြင့် ငြင်းပယ်လိုက်ခြင်း ဖြစ်ကြောင်း သိရသည်။
▪️ ယင်းထုတ်ပြန်ချက်တွင် နိုင်ငံရေးပါတီများမှတ်ပုံတင်ခြင်းဥပဒေ ပုဒ်မ ၂၅ အရ ပါတီဆက်လက်တည်ထောင် မှတ်ပုံတင်ပေးပါရန် ကချင် အမျိုးသားကွန်ဂရက်ပါတီ [Kachin National Congress (KNC)] ၏ လျှောက် ထားချက်အပေါ် သက်ဆိုင်ရာ ဝန်ကြီးဌာနများ၏ စိစစ်ပြန်ကြားချက်များအရ နိုင်ငံရေး ပါတီများမှတ်ပုံတင်ခြင်း ဥပဒေ ပုဒ်မ ၆ ပါ ပြဋ္ဌာန်းချက် များနှင့် ညီညွတ်ခြင်းမရှိသောကြောင့် လည်းကောင်း၊ ဒီမိုကရေစီနှင့် လူ့အခွင့်အ ရေးပါတီ (Democracy and Human Rights Party) ၏ လျှောက်ထားချက်အပေါ် သက်ဆိုင်ရာဝန်ကြီး ဌာန များ၏ စိစစ်ပြန်ကြားချက်များ အရ နိုင်ငံရေး ပါတီများမှတ်ပုံတင်ခြင်းဥပဒေ ပုဒ်မ ၅ ပါ ပြဋ္ဌာန်းချက်များနှင့် ညီ ညွတ်ခြင်းမရှိသောကြောင့် ဖြစ်ကြောင်း ဖော်ပြထားသည်။
▪️ ပါတီဆက်လက် တည်ထောင်မှတ်ပုံတင်ခွင့် လျှောက်ထားသည့် ကျန်အဖွဲ့များကိုလည်း စိစစ်ဆောင်ရွက် လျက် ရှိကြောင်း ပြည်ထောင်စုရွေးကောက်ပွဲကော်မရှင်၏ ထုတ်ပြန်ချက်အရ သိရသည်။
#Yangon_Times/PP
#World_Health
Published 09July 2024
▪️ အရက်ကို စွဲလမ်းစွာသောက်သုံးခြင်းသည် ခန္ဓာကိုယ် ဇီဝသက်တမ်းကို လျင်မြန်စွာ အိုမင်းရင့်ရော်စေကြောင်း ကိုဘီဆေးတက္ကသိုလ်မှ သုတေသီများက မျိုးဗီဇအမှတ်အသားများကို လေ့လာပြီး တွေ့ရှိခဲ့ကြပါတယ်။
▪️ အရက်ကို မသောက်ရ မနေနိုင်တာဟာ နာတာရှည်ရောဂါများ ပိုမိုဆိုးရွားစေပြီး စောစီးစွာ သေဆုံးစေပါတယ်။
ကမ္ဘာတဝှမ်းမှာ အရက်ကြောင့် လူပေါင်း ၂ သန်းခွဲခန့် နှစ်စဉ်သေဆုံးနေကြရပါတယ်။
▪️ အရက်အလွန်အကျွံ သောက်သုံးသူတွေဟာ ခန္ဓာကိုယ်အနှံ့ အင်္ဂါများကို ထိခိုက်စေတဲ့အပြင် ဦးနှောက်အထိပါ သက်ရောက်နိုင်ပါတယ်။
▪️ DNA ပုံစံတစ်မျိုးဖြစ်တဲ့ မျိုးဗီဇအမှတ်အသားတွေကနေ ဇီဝသက်တမ်းရင့်ရော်ခြင်းကို အဓိကထား လေ့လာခဲ့ကြပါတယ်။
▪️ ထိုအမှတ်အသားတွေကို လေ့လာခြင်းဖြင့် ကျန်းမာရေးရလဒ် အမျိုးမျိုးနဲ့ ရောဂါဘယ အခြေအနေများကို ခန့်မှန်းနိုင်မှာ ဖြစ်ပါတယ်။
▪️ ဒီအတွက် အရက်စွဲလမ်းသူ ၂၄ ဦးနဲ့ ကျန်းမာသူ ၂၃ ဦးထံမှ နမူနာများ ရယူခဲ့ပါတယ်။
▪️ သွေးနမူနာထဲမှာ အဓိကအားဖြင့် CD3+ T ဆဲလ်ဆိုတဲ့ ရောဂါခုခံအားဆဲလ်တွေကို ရယူခဲ့တာဖြစ်ပါတယ်။
▪️ ဒီအချက်အလက်တွေကို အသုံးပြုပြီး မျိုးဗီဇအမျိုးအစား ၆ မျိုးကို တွက်ချက်ခဲ့ကြပါတယ်။
▪️ ထိုအခါမှာ အရက်စွဲလမ်းသူတွေက ကျန်းမာသူတွေထက် ဇီဝသက်တမ်းရင့်ရော်မှု ပိုမိုမြန်ဆန်နေကြောင်း တွေ့ရှိခဲ့ပါတယ်။
▪️ ထိုသက်တမ်းဆိုတာဟာ ခန္ဓာကိုယ်ထဲက နှလုံးသွေးကြော၊ ဇီဝကမ္မဖြစ်စဉ်၊ ကျောက်ကပ်၊ အဆုတ်၊ အသည်း၊ ခုခံအားစနစ်စတဲ့ လုပ်ဆောင်ချက်တွေကို တိုင်းတာအခြေခံတာ ဖြစ်ပါတယ်။
▪️ ထိုကဲ့သို့ ဇီဝဆိုင်ရာ အမှတ်အသားတွေကို ပြောင်းလဲခြင်းဖြင့်လည်း အရက်စွဲလမ်းမှုရဲ့ သက်ရောက်မှုတွေကို ကုသနိုင်ခြေ ရှိနေပါတယ်။
#Source: PsyPost
#World_Health
Published 09 July 2024
▪️ ကမ္ဘာတဝှမ်း အသုံးအများဆုံး အကိုက်အခဲပျောက်ဆေးတစ်မျိုးဟာ ခေါင်းကိုက်ဖျားနာကို သက်သာစေရုံမျှမက အခြားသက်ရောက်မှုတွေလည်း ရှိနေနိုင်ပါတယ်။
▪️ ပါရာစီတမောလ်လို့လည်းခေါ်တဲ့ အက်ဆီတာမီနိုဖန်ဟာ လူတွေရဲ့ သဘောထား အပြုအမူကိုလည်း ပြောင်းလဲစေကာ အရဲစွန့်တာမျိုး ပိုမိုပြုလုပ်စေတယ်လို့ ၂၀၂၀ လေ့လာချက်အရ သိရပါတယ်။
▪️ စိုးရိမ်ထိတ်လန့်တာမျိုး နည်းသွားပြီး စွန့်စားတဲ့ရွေးချယ်မှု ပြုလုပ်စေပုံရတယ်လို့ အိုဟိုင်ယိုပြည်နယ် တက္ကသိုလ်မှ အာရုံကြော သိပ္ပံပညာရှင် ဘောလ်ဝင်းဝေးက ရှင်းပြပါတယ်။
▪️ အက်စီတာမီနိုဖန်ရဲ့ အကိုက်အခဲသက်သာစေတဲ့ အာနိသင်က စိတ်ပိုင်းဆိုင်ရာအထိပါ သက်ရောက်လာနိုင်ကာ ဝမ်းနည်းခံစားချက်ကို သိရှိမှုလျော့နည်းလာခြင်း၊ ပူဆွေးနောင်တရမှု လျော့နည်းလာခြင်းတို့ပင် ဖြစ်လာစေတယ်လို့ သုတေသနမှာ တွေ့ရှိထားပါတယ်။
▪️ ဘောလ်ဝင်းနဲ့ သုတေသနအဖွဲ့က တက္ကသိုလ်ကျောင်းသား ၅၀၀ ခန့်ဖြင့် စမ်းသပ်မှုများ ပြုလုပ်ခဲ့ကြပါတယ်။
ထိုအခါမှာ အက်စီတာမီနိုဖန် အသုံးပြုတဲ့သူတွေက လေ့လာချက်အတွင်း အရဲစွန့်တဲ့ ရွေးချယ်မှုမျိုး ပိုမိုပြုလုပ်လာကြတာကို တွေ့ရပါတယ်။
▪️ ဒီစမ်းသပ်ချက်တွေက တကယ့်လက်တွေ့ဘဝမှာ ဘယ်လောက်ထိ သက်ရောက်မှုရှိမလဲဆိုတာကို ဖော်ပြနေတာ မဟုတ်ပေမယ့် အက်စီတာမီနိုဖန် အသုံးပြုခြင်းနဲ့ စွန့်စားရွေးချယ်ခြင်းတို့ကြား ဆက်စပ်မှုကိုတော့ အသိအမှတ်ပြုရမှာ ဖြစ်ပါတယ်။
▪️ ထိုဆေးရဲ့ အဆိုပါသက်ရောက်မှုကို အခြားဆေးများနဲ့ လျှော့ချသွားနိုင်တာကိုလည်း သိရှိထားကြပါတယ်။
ဒီလိုမျိုး စိတ်ပိုင်းဆိုင်ရာ ပြောင်းလဲမှုတွေကို အနာဂတ်သုတေသန လုပ်ငန်းများမှာလည်း အသုံးချသွားနိုင်တယ်လို့ ဆိုပါတယ်။
▪️ ဒီလိုမျိုး စွန့်စားရွေးချယ်တဲ့ သက်ရောက်မှု ရှိနေရင်တောင် အက်စီတာမီနိုဖန်ဟာ ကမ္ဘာပေါ်မှာ အသုံးအများဆုံး ဆေးတစ်ခုအဖြစ် ဆက်လက်ရှိနေဦးမှာ ဖြစ်ပါတယ်။
#Source: ScienceAlert
#Local_News
Published 8 July 2024
▪️ ဗိုလ်တထောင်ခရိုင်၊ ဒေါပုံမြို့နယ်ရှိ မြစ်ထွက်ပေါက်များ၌ အမှိုက်များစနစ်တကျစွန့်ပစ်စေရေး မေတ္တာရပ်ခံချက်ဆိုင်းဘုတ်များတပ်ဆင်ခဲ့ကြောင်း ရန်ကုန်မြို့တော်စည်ပင်သာယာရေးကော်မတီမှ သိရသည်။
▪️ ဒေါပုံမြို့နယ် အလင်းရောင်မြစ်ထွက်ပေါက်နှင့် မင်္ဂလာရာမမြစ်ထွက်ပေါက်များအတွင်းသို့ ပြည်သူများစည်းကမ်းမဲ့အမှိုက်စွန့်ပစ်မှုကြောင့် မြောင်းများပိတ်ဆို့ပြီးရေကြီးရေလျှံမှုမဖြစ်စေရေးအတွက် "ရေမြောင်းထဲအမှိုက်ပစ်ပါက ဥပဒေနှင့်အညီ ထိရောက်စွာအရေးယူမည်"စာသားပါအနီရောင် တားမြစ်သတိပေးချက်ဆိုင်းဘုတ်များစိုက်ထူထား ကြောင်းသိရသည်။
▪️ ယနေ့နံနက်ပိုင်းက မြို့နယ်စည်ပင်သာယာအုပ်ချုပ်ရေးမှုူး၏ကြီးကြပ်မှုဖြင့် မြို့နယ်အတွင်းသန့်ရှင်းသာယာလှပစေရေးအတွက် ပြည်သူများအမှိုက်များစနစ်တကျစွန့်ပစ်စေရန် ရေမြောင်းထိပ်၌ စိုက်ထူထားသည့် တားမြစ်သတိပေးချက်အနီရောင်ဆိုင်းဘုတ်အောက်၌ "မြို့တော်သန့်ရှင်းသာယာလှပစေရေးနှင့်ရေစီးရေလာကောင်းမွန်စေရေးအတွက် အမှိုက်များအားမြောင်းအတွင်းသို့စွန့်ပစ်ခြင်းမပြုရန်နှင့် အမှိုက်များအားသတ်မှတ်နေရာများတွင်ရှိသော အမှိုက်ပုံးများအတွင်းသို့ စွန့်ပစ်ကြပါရန် မေတ္တာရပ်ခံအပ်ပါသည်" စာသားပါ မေတ္တာရပ်ခံချက်အပြာရောင်ဆိုင်းဘုတ်များထပ်မံတပ်ဆင်ခဲ့ကြောင်း သိရသည်။
#YMG/NN #Yangon_Times
#World_Politics
Published 08 July 2024
▪️ တောင်ကိုရီးယားသမ္မတ ယွန်ဆော့ယောလ်က ယင်းတို့ပြည်တွင်းရေး ပြဿနာတွေကနေ အာရုံလွှဲဖို့အတွက် ကိုရီးယားကျွန်းဆွယ်မှာ တင်းမာမှုတွေဖြစ်လာအောင် ပြုလုပ်နေတယ်လို့ မြောက်ကိုရီးယားခေါင်းဆောင် ကင်မ်ဂျုံအန်းရဲ့ ညီမဖြစ်သူ ကင်မ်ယိုဂျုံက စွပ်စွဲလိုက်တယ်လို့ မြောက်ကိုရီးယားမီဒီယာက တနင်္လာနေ့မှာ ဖော်ပြလိုက်ပါတယ်။
▪️ တောင်ကိုရီးယား နိုင်ငံရေးလှုပ်ရှားသူများက မြောက်ကိုရီးယားဆန့်ကျင်ရေး လက်ကမ်းစာစောင်များကို ပူစီဖောင်းများဖြင့် ဖြန့်ကျဲခဲ့တဲ့အပေါ် မြောက်ကိုရီးယားက တုန့်ပြန်တဲ့အနေဖြင့် အမှိုက်သရိုက်များပါတဲ့ ပူစီဖောင်းများကို တောင်ကိုရီးယားဘက်သို့ လွှတ်တင်ခဲ့သလို ရုရှားနဲ့လည်း အပြန်အလှန်ကာကွယ်ရေး သဘောတူညီချက်တစ်ခုမှာ လက်မှတ်ရေးထိုးခဲ့ရာ ကိုရီးယားနှစ်နိုင်ငံကြား တင်းမာမှုတွေ မြင့်တက်လာပါတယ်။
▪️ ယွန်ဆော့ယောလ်နဲ့ အဖွဲ့ဟာ အုပ်ချုပ်ရေးအခြေအနေ အဆိုးရွားဆုံး ဖြစ်နေတာကနေ လွတ်မြောက်ဖို့အတွက် တင်းမာမှုတွေ ဖန်တီးနေတယ်လို့ ကင်မ်ယိုဂျုံအန်က ပြောကြားလိုက်ပါတယ်။
▪️ ယွန်ဆော့ယောလ်ကို စွပ်စွဲဖို့အတွက် လူပေါင်း ၁ သန်းကျော် လက်မှတ်ရေးထိုးထားတဲ့ လျှောက်ထားချက်ကို အွန်လိုင်းကနေ ကောက်ယူရရှိခဲ့ပါတယ်။
▪️ ကင်မ်ယိုဂျုံရဲ့ မှတ်ချက်စကားနဲ့ ပတ်သက်ပြီး ကိုရီးယားနှစ်နိုင်ငံ ဆက်ဆံရေးကို ကိုင်တွယ်ထားတဲ့ တောင်ကိုရီးယား ညီညွတ်ပေါင်းစည်းရေးဌာနက ဝမ်းနည်းမိကြောင်း ဖော်ပြခဲ့ပါတယ်။
▪️ ပြည်သူတွေရဲ့ဘဝကို အမှောင်ချထားပြီး အခြေခံလူ့အခွင့်အရေးတွေကို ဖိနှိပ်ထားတဲ့ မြောက်ကိုရီးယား အုပ်ချုပ်ရေးအဖွဲ့က ဒီလိုပြောကြားတာဟာ ယင်းတို့အကြောင်း ပြန်လည်ထင်ဟပ်နေတယ်လို့ ဝန်ကြီးဌာနမှ ပြောရေးဆိုခွင့်ရှိသူ ကူဗြောင်ဆမ်က မီဒီယာရှင်းလင်းပွဲမှာ ပြောပါတယ်။
▪️ လတ်တလော တောင်ကိုရီးယားဘက်က နယ်စပ်အနီးမှာ စစ်ရေးပစ်ခတ် လေ့ကျင့်နေတာတွေက ခွင့်မလွှတ်နိုင်တဲ့ ရန်စမှုဖြစ်တယ်လို့လည်း ကင်မ်ယိုဂျုံက ဆိုပါတယ်။
▪️ တောင်ကိုရီးယားစစ်တပ်ဟာ ၂၀၁၈ နောက်ပိုင်း ပထမဆုံးအနေဖြင့် အနောက်တိုင်း ပင်လယ်သမုဒ္ဒရာနယ်စပ်အနီးမှာ တကယ့်အမြောက်ပစ်ခတ် လေ့ကျင့်မှုများ ပြန်လည်ပြုလုပ်ခဲ့ပါတယ်။
▪️ မြောက်ကိုရီးယားဟာ ကိုယ်ပိုင်အချုပ်အခြာအာဏာကို ထိပါးလာတယ်လို့ ဆုံးဖြတ်ရပါက အခြေခံဥပဒေများအရ လက်နက်ကိုင်တပ်များ ချက်ချင်းလှုပ်ရှားရလိမ့်မယ်လို့ ကင်မ်ယိုဂျုံက ပြောသွားပါတယ်။
#Source: Reuters
၈ ဇူလိုင်၂၀၂၄
▪️ တရုတ်ပြည်သူ့သမ္မတနိုင်ငံ ရှန်ဟိုင်းပူးပေါင်းဆောင်ရွက်ရေးအဖွဲ့ (SCO) ၏ စိမ်းလန်းသောဖွံ့ဖြိုးမှုဖိုရမ်ကို ယနေ့မနက်၉နာရီက တရုတ်ပြည်သူ့သမ္မတနိုင်ငံ၊ ရှန်းတုန်းပြည်နယ် ချင်းတောင်မြို့ရှိ ချင်းတောင်နိုင်ငံတကာ ကွန်ဖရင့်စင်တာတွင်ကျင်းပရာ နစက ဒုတိယ ဥက္ကဌ ဒုတိယဝန်ကြီးချုပ် ဒုတိယဗိုလ်ချုပ်မှူးကြီးစိုးဝင်း တက်ရောက်၍ မိန့်ခွန်းပြောကြားသည်။
#ymg/knl
#Local_News
Published 08 July 2024
▪️ ရန်ကုန်တိုင်း၊ တိုက်ကြီးမြို့နယ်ရှိ ပန်းတစ်ပွင့်တောင် သာသနာ့နယ်မြေတွင် ယနေ့ ဇူလိုင်(၈)ရက်၌ 'ပန်းတစ်ပွင့်တောင်တော်မြတ် (၂၇)နှစ်ပြည့်နှစ်ပတ် လည်အခမ်းအနား'ကျင်းပလျက်ရှိကြောင်း သိရသည်။
▪️ ၂၀၂၄ခုနှစ် ဇူလိုင်လ(၈)ရက်သည် ဆရာတော်ဘုရားကြီး ပန်းတစ်ပွင့်တောင်သို့ စတင်ရောက်ရှိတဲ့နေ့ဖြစ်သည်ဟုဆိုသည်။
▪️ ယခုဆိုလျှင် ပန်းတစ်ပွင့်တောင်တော်မြတ်တွင် သာသနာတော်ထွန်းကားစည်ပင်ခဲ့သည်မှာ (၂၇)နှစ်ပြည့်ပြီဖြစ်ပြီး ဤနေ့တွင် ဒကာ/ဒကာမ ဥပထမ္ဘကအဖွဲများမှ စုပေါင်း သိက္ခာထပ် ကံဆင့်၊ ကံမြင့် မင်္ဂလာ ပြုလုပ်ကျင်းပမည် ဖြစ်သည်။
▪️ သို့ဖြစ်၍ ရပ်ဝေးရပ်နီးမှ ဒကာ/ဒကာမ များ အားလုံးကို ပန်းတစ်ပွင့်တောင်တော်မြတ် အထိမ်းအမှတ်မွေးနေ့ပွဲ သို ကြွရောက်ကြရန် ဖိတ်ကြားထားခဲ့ကြောင်းနှင့် နှစ်ပတ်လည် အခမ်းအနားကျင်းပလျက်ရှိကြောင်း သိရသည်။
#tthl #Yangon_Times
#World_Health
Published 08 July 2024
▪️ အိုမီဂါ-၃ ဖြည့်စွက်ဆေးတွေက ရန်လိုစိတ်တွေကို လျှော့ချပေးနိုင်တယ်လို့ သုတေသနအသစ်မှာ တွေ့ရှိထားပါတယ်။ လေ့လာချက်ဇယားများအရ ရန်လိုစိတ်ကို ၂၈ ရာခိုင်နှုန်း လျှော့ချပေးနိုင်ပါတယ်။
▪️ ငါးနဲ့ ငါးကြီးဆီတို့မှာ တွေ့ရတဲ့ အိုမီဂါ-၃ ဖက်တီးအက်ဆစ်ဟာ ဦးနှောက်လုပ်ဆောင်ချက်ပိုင်းမှာ အကျိုးပြုတယ်လို့ သိရှိထားပြီး ဖြစ်ပါတယ်။
▪️ ဒါ့အပြင် ဦးနှောက်ရောင်ရမ်းခြင်းကို လျှော့ချပေးပြီး ဦးနှောက်သွေးကြော စီးဆင်းမှုကိုလည်း တိုးတက်စေပါတယ်။
▪️ အစောပိုင်းစမ်းသပ်ချက်မှာလည်း ငါးကို တစ်ပတ်နှစ်ကြိမ် စားခြင်းဖြင့် နောက်နှစ် ၂၀ အကြာမှာ ရာဇဝတ်မှုကျူးလွန်နိုင်ခြေ ၃၄ ရာခိုင်နှုန်း လျော့နည်းသွားတာကိုလည်း တွေ့ရှိထားကြောင်း ပန်ဆယ်လ်ဗေးနီးယားတက္ကသိုလ်မှ ပရော်ဖက်ဆာ အက်ဒရီယန်ရိန်းက ရှင်းပြခဲ့ပါတယ်။
▪️ ယခုစမ်းသပ်ချက်မှာတော့ စမ်းသပ်ခံသူ ၃၉၁၈ ဦးပါဝင်ကာ ဆယ်စုနှစ် ၃ ခုနီးပါး ကြာမြင့်ခဲ့ပြီး အိုမီဂါ-၃ ဖြည့်စွက်ဆေးများဖြင့် လုံလောက်တဲ့ အချက်အလက်များ ရယူခဲ့ပါတယ်။
▪️ စမ်းသပ်ခံသူတွေရဲ့ အသက်အရွယ်၊ ကျားမ၊ ဆေးပမာဏ၊ သုံးစွဲကြာချိန်တို့ကိုလည်း ထည့်တွက်ခဲ့ကာ သက်ရောက်မှုအပေါ် ဘယ်လောက်အထိ မှီခိုသလဲဆိုတာ လေ့လာခဲ့ကြပါတယ်။
▪️ အိုမီဂါ-၃ ပမာဏတိုးမြှင့်ပေမယ့်လည်း အာနိသင်ပိုမများလာတာကြောင့် သင့်တင့်ရုံပမာဏဖြင့် အကျိုးရှိနိုင်တယ်လို့ ယူဆကြပါတယ်။
▪️ ဒါပေမဲ့လည်း အိုမီဂါ-၃ က ရန်လိုခိုက်ရန်စိတ်အတွက် လုံးဝကုသနည်းလမ်းတော့ မဟုတ်ဘဲ ရေရှည်သက်ရောက်မှု သိရှိဖို့ကိုတော့ ထပ်မံသုတေသန လုပ်ရဦးမှာ ဖြစ်ပါတယ်။
▪️ အိုမီဂါ-၃က ဦးနှောက်လုပ်ဆောင်ချက်မှာ အရေးကြီးတာကြောင့် ဦးနှောက်တည်ဆောက်ပုံနဲ့ လုပ်ဆောင်ချက်တွေမှာ ပြောင်းလဲထိန်းညှိပေးသွားတာ ဖြစ်နိုင်ပါတယ်။
▪️ တကယ့်လက်တွေ့ အသုံးချဖို့ကိုတော့ နောက်ထပ်လေ့လာမှုတွေ ပြုလုပ်ပြီးမှ အကောင်အထည် ဖော်သွားနိုင်ပါတယ်။
#Source: PsyPost
Page 121 of 1457
