အခုမိုးရာသီဇူလိုင်လထဲမှာ  တောင်တက်ကားလမ်းရော ခြေလျင်လမ်းပိုင်းပါအဆင်ပြေတဲ့ အတွက် ကျိုက်ထီးရိုးကို နေ့စဉ်ဘုရားဖူးလာရောက်သူ(၁၀၀)ဦးမှ (၂၀၀)ဦးခန့်ရှိတယ်လို့ ကျိုက်ထီးရိုးဂေါပကအဖွဲ့ထံမှ သိရပါတယ်။
#Local_News
Published 13 July 2024
#ဘုရားဖူး(၂၀၀)ခန့်ဖူးမြော် #ကျိုက်ထီးရိုး
#tthl  #Yangon_Times

#Local_News
Published 13 July 2024

▪️ တောင်ကိုရီးယားနိုင်ငံ  Gunsun မြို့၌ ယခုလအတွင်း ပြုလုပ်မည့်၂၀၂၄ ကမ္ဘာ့ယဉ်ကျေးမှုအကပွဲတော်၌ မြန်မာအကအဖွဲ့ ပါဝင်ယှဉ်ပြိုင်မည်ဖြစ်ကြောင်း  တောင်ကိုရီးယားနိုင်ငံဆိုင်ရာ မြန်မာသံရုံးမှ သိရသည်။ 

▪️ အဆိုပါကပွဲကို Gunsan မြို့၊ Jeonju Indoor Stadium ၌ ဇူလိုင်လ ၁၉ ရက်၊ ညနေ ၇ နာရီခွဲမှာ ကျင်းပပြုလုပ်မည်ဖြစ်ကြောင်း သိရသည်။

▪️ ယင်းကပွဲအား အပြည်ပြည်ဆိုင်ရာလူငယ်အဖွဲ့ ယဉ်ကျေးမှုအကပွဲတော် ကြိုတင်ပြင်ဆင်ရေးကော်မတီ (International Youth Fellowship- IYF Cultural Dance Festival Preparation Committee) ကကြီးမှူးကာ နိုင်ငံပေါင်း ၁၆ နိုင်ငံမှ ၎င်းတို့၏  ရိုးရာယဉ်ကျေးမှုအကများဖြင့်  ဖျော်ဖြေတင်ဆက်မည်ဖြစ်ပြီး မြန်မာနိုင်ငံမှအကအဖွဲ့လည်း ပါဝင်ယှဉ်ပြိုင်မည်ဖြစ်ကြောင်း သိရသည်။

▪️ ထို့ကြောင့် Gunsan မြို့တွင် နေထိုင်လျက်ရှိသော မြန်မာနိုင်ငံသားများအနေဖြင့်  အဆိုပါအကပွဲတော်သို့ လာရောက် အားပေးလိုပါက ကြည့်ရှုခွင့်နှင့် မော်တော်ယာဉ်နဲ့ ပို့ဆောင်ပေးခြင်းတို့ကို အခမဲ့ ခွင့်ပြု/စီစဉ်ပေးမည်ဖြစ်ကြောင်း ၂၀၂၄ ကမ္ဘာ့ယဉ်ကျေးမှုပွဲတော် Gunsan ရုံးခွဲ (2024 World Cultural Festival Gunsan branch) မှ ဖိတ်ကြားထားကြောင်း သိရသည်။

#YMG/ NN #Yangon_Times

#Local_News
Published 13 July 2024

▪️ မြန်မာအမျိုးသမီးလက်‌ရွေးစင် ဘောလုံးအသင်းသည်အိန္ဒိယအသင်းနှင့် ဖီဖာနိုင်ငံတကာခြေစမ်းပွဲ‌ (ဒုတိယပွဲ)ကန်ရာတွင် (၁)ဂိုး-(၁)ဂိုးဖြင့်သရေရလဒ်ရရှိခဲ့ကြောင်း မြန်မာနိုင်ငံဘောလုံးအဖွဲ့ချုပ်မှ သိရသည်။

▪️ မြန်မာအမျိုးသမီးလက်‌ရွေးစင်အသင်းသည်ဇူလိုင် ၉ ရက်နှင့် ၁၂ရက်တွင် ရန်ကုန်မြို့ ၊ သုဝဏ္ဏကွင်း၌  အိန္ဒိယအမျိုးသမီး လက်ရွေးစင်အသင်းနှင့်ယှဥ်ပြိုင်ကစားခဲ့ပြီး ဇူလိုင်(၉)ရက်ပွဲစဉ်တွင် မြန်မာအသင်း နှစ်ဂိုးတစ်ဂိုးဖြင့်အနိုင်ရခဲ့ပြီး ဇူလိုင်(၁၂)ရက်ပွဲစဉ်၌ (၁)ဂိုး- တစ်ဂိုးဖြင့်သရေရလဒ်ရရှိခဲ့သည် ဟုဆိုသည်။

▪️ ပြိုင်ပွဲအပြီးတွင် မြန်မာ့လက်ရွေးစင် အမျိုးသမီးအသင်း နည်းပြချုပ်ယူကီတက်ဆူရိုက "ကျွန်တော်တို့ နှစ်ပွဲကစားရာမှာ ပထမပွဲမှာ အနိုင်ရခဲ့ပြီး ဒီနေ့ပွဲမှာတော့ သရေကျခဲ့ပါတယ်။

▪️ ဒီနေ့ပွဲ ပထမပိုင်းမှာ ရာသီဥတု အခြေအနေကြောင့် ခက်ခက်ခဲခဲ ကစားခဲ့ရပြီး ဒုတိယပိုင်းမှာတော့ မှာကြားထားတဲ့အတိုင်း လိုက်နာပြီး ခြေစွမ်းပြနိုင်ခဲ့သလို အခွင့်အရေးကောင်းတွေလည်း ရခဲ့ပါတယ်။ အထူးသဖြင့် ပွဲပြီးကာနီးမှာ ဂိုးသွင်းခွင့်တွေ အများကြီး ရခဲ့ပါတယ်။

▪️ တစ်ဂိုးစီ သရေကျခဲ့တာက အကောင်းဆုံး ရလဒ်မဟုတ်ခဲ့ပေမဲ့ ကစားသမားတွေရဲ့ ကြိုးစားအားထုတ်မှုအပေါ်မှာတော့ ကျေနပ်မိပါတယ်"ဟု ပြောခဲ့သည်။

▪️ အိန္ဒိယ လက်ရွေးစင် အမျိုးသမီးအသင်း နည်းပြချုပ်လန်ဂန် ချော်ဘာ ဒေဝီကလည်း "ပထမဆုံး အနေနဲ့ ကိုယ့်ထက် ကမ္ဘာ့အဆင့်မြင့်တဲ့ မြန်မာအသင်းက ကျွန်မတို့ကို အခုလိုဖိတ်ကြားပြီး ခြေစမ်းပွဲ နှစ်ပွဲကစားပေးလို့ ကျေးဇူးတင်ကြောင်း ပြောကြားလိုပါတယ်။ ပထမပွဲမှာ ၂-၁ ဂိုးနဲ့ ရှုံးနိမ့်ခဲ့ပြီးနောက် မြန်မာအသင်းရဲ့ အားသာချက်၊ အားနည်းချက်တွေကိုကြည့်ပြီး ကျွန်မတို့ သေချာပြင်ဆင်ခဲ့ပါတယ်။ ဒါကြောင့် ဒီနေ့ပွဲမှာ ကျွန်မတို့ အကောင်းဆုံး ကစားနိုင်ခဲ့တာပါ။အထူးသဖြင့် ပွဲချိန်ပထမပိုင်းကို ကျွန်မတို့ စိုးမိုးထားနိုင်ခဲ့ပါတယ်။ ကျွန်မတို့ နှစ်သင်းစလုံးက တိုးတက်လာတဲ့ အသင်းတွေဖြစ်ပြီးတော့ နောက်လည်း အခုလို တွေ့ဆုံခွင့်ရပြီး အကောင်းဆုံး ကစားချင်ပါသေးတယ်"ဟု ပြောသည်။

▪️ မြန်မာ့လက်‌ရွေးစင် အမျိုးသမီးအသင်းကို နည်းပြချုပ်အဖြစ် ဂျပန်လူမျိုး ယူကီတက်ဆုရိုက ကိုင်တွယ်လျက်ရှိပြီး ဇွန် ၁၆ ရက်မှ စတင်ပြီး  လက်ရွေးစင်အသင်းများအဆောင်မှာ  ကစားသမား (၃၀) ဦးဖြင့် လေ့ကျင့်မှုများ ပြုလုပ်ပြီးကြိုတင်ပြင်ဆင်ခဲ့ကြောင်းနှင့်နိုင်ငံတကာခြေစမ်းပွဲ‌များ ကစားသွားမည့်အပြင် ပြည်ပနိုင်ငံတွေကိုလည်း လေ့ကျင့်‌ရေး ခြေစမ်းခရီးစဉ်‌ များသွားရောက်ဖို့ စီစဉ်ထားကြောင်း သိရသည်။

#tthl #Yangon_Times

#World_News
Published 13 July 2024

▪️ သောကြာနေ့က ဆန်ဖရန်ဆစ္စကို အပြည်ပြည်ဆိုင်ရာလေဆိပ်ကနေ မိုင်ယာမီသို့ ထွက်ခွာမယ့် အမေရိကန်အဲလိုင်းစ် လေကြောင်းခရီးစဉ်တစ်ခုမှာ ခရီးသည်တစ်ဦးရဲ့ လက်ဆွဲအိတ်ထဲမှ လက်ပ်တော့ပ်ကွန်ပျူတာက မီးခိုးထွက်နေခဲ့တာကြောင့် ခရီးသည်များ လွတ်မြောက်အောင် ထွက်ပြေးခဲ့ရတယ်လို့ လေကြောင်းကုမ္ပဏီက ပြောပါတယ်။

▪️ ထွက်ပြေးကြစဉ် လူတစ်ဦးဒဏ်ရာရရှိခဲ့ကာ ဆေးရုံသို့ တင်ပို့ခဲ့ရပါတယ်။

▪️ ခရီးသည်တွေက အရေးပေါ်လျှောထိုးဘေးတံခါးတွေနဲ့ လေယာဉ်သို့သွားရာ လျှောက်လမ်းတံတားကနေ ထွက်ပြေးခဲ့ကြပါတယ်။

▪️ နောက်ထပ်ခရီးသည် ၂ ဦးလည်း အသေးစားဒဏ်ရာများ ရရှိခဲ့ကြောင်း ဆန်ဖရန်ဆစ္စကို မီးသတ်ဌာနက တင်ပြထားပါတယ်။

▪️ ခရီးသည်တွေ လေယာဉ်ပေါ် တက်နေကြတဲ့အချိန်မှာ လက်ပ်တော့ပ်က မီးခိုးထွက်နေခဲ့တာ ဖြစ်တယ်လို့ လေယာဉ်ဝန်ထမ်းတွေ အကြောင်းကြားခဲ့ကြောင်း လေကြောင်းလိုင်းက ဆိုပါတယ်။

▪️ အမေရိကန်အဲလိုင်းစ် ခရီးစဉ် ၂၀၄၅ ဟာ နေ့လယ် ၁၂ နာရီ ၁၅ မိနစ်မှာ ဆန်ဖရန်ဆစ္စကိုကနေ မိုင်ယာမီသို့ ထွက်ခွာဖို့ စီစဉ်ထားတာ ဖြစ်ပြီး ထိုခရီးစဉ်ကို သောကြာနေ့ နောက်ပိုင်းမှာမှ ထွက်ခွာနိုင်ခဲ့ပါတယ်။

▪️ အစိုးရလေကြောင်းကွပ်ကဲရေးမှ ပြောရေးဆိုခွင့်ရှိသူ စတိဗ်ကမ်းလ်က ဒီဖြစ်ရပ်ကို စုံစမ်းစစ်ဆေးနေတယ်လို့ ဆိုပါတယ်။

#Source: AP News

#World_Health
Published 13 July 2024

▪️ ပဲပိစပ်နဲ့ ဆက်စပ်စားသောက်ကုန်တွေမှာ ပါဝင်တဲ့ အိုင်ဆိုဖလေဗွန်ဓာတ်ဟာ ကျောင်းနေအရွယ် ကလေးတွေရဲ့ အာရုံစူးစိုက်မှုနဲ့ စဉ်းစားတွေးတောနိုင်စွမ်းတို့ကို မြှင့်တင်ပေးနိုင်တယ်လို့ သုတေသနအသစ်မှာ တွေ့ရှိထားပါတယ်။

▪️ ယင်းသုတေသနမှာ ကလေးတွေရဲ့ ဦးနှောက်လုပ်ဆောင်ချက် ကောင်းမွန်ဖို့ အရေးပါတဲ့ အာဟာရဓာတ်တွေကို ပဲပိစပ်စားစရာတွေမှာ အထောက်အထားတွေ့ရကြောင်း အမေရိကန် အီလီနွိုက်အာဘန်နာကမ်ပိန်းတက္ကသိုလ်မှ အာရုံကြောသိပ္ပံပညာဘွဲ့ရ အက်ဂျလာဘရစ္စတီနာက ပြောပါတယ်။

▪️ လေ့လာချက်ပြုလုပ်ရာမှာ အသက် ၇ နှစ်မှ ၁၃ နှစ်ကြား ကလေး ၁၂၈ ဦးပါဝင်ကာ တစ်ဦးချင်းစီရဲ့ နေ့စဉ်အာဟာရဓာတ်များ၊ ဗိုက်တာမင်များ၊ အိုင်ဆိုဖလေဗွန်များ စားသုံးမှုတို့ကို ၇ ရက်တာ အကဲဖြတ်တွက်ချက်ခဲ့ကြပါတယ်။

▪️ ထိုဓာတ်ဟာ သဘာဝအတိုင်း တွေ့ရတဲ့ အပင်ဒြပ်ပေါင်းမျိုးဖြစ်ပြီး ဓာတ်တိုးဆန့်ကျင်ခြင်း၊ ကင်ဆာဆန့်ကျင်ခြင်း၊ ရောင်ရမ်းဆန့်ကျင်ခြင်းစတဲ့ အစွမ်းသတ္တိများ တွေ့ရှိထားပါတယ်။

▪️ ကလေးတွေကို ခဲတံနဲ့စာရွက်များဖြင့် စမ်းသပ်ခဲ့ကြပြီး သူတို့ရဲ့ ဉာဏ်ရည်ဉာဏ်သွေးနဲ့ အာရုံစူးစိုက်မှု စွမ်းရည်တို့ကို လေ့လာခဲ့ကြပါတယ်။

▪️ တစ်နေ့ကို အိုင်ဆိုဖလေဗွန် ပျမ်းမျှ ၁.၃၃ မီလီဂရမ်စားသုံးခြင်းဟာ အတန်အသင့်နည်းပါးတယ်လို့ သတ်မှတ်ပါတယ်။

▪️ ပဲပိစပ်အစားအစာ ပိုစားတဲ့ကလေးတွေကတော့ တုန့်ပြန်မှုပိုင်းနဲ့ စဉ်းစားတွေးတောမှုပိုင်းတွေမှာ ပိုမိုမြန်ဆန်ခဲ့ပြီး ဉာဏ်ရည်ဉာဏ်သွေးပိုင်းမှာတော့ ဆက်စပ်မှုမရှိတာကို တွေ့ခဲ့ကြပါတယ်။

▪️ ပဲနို့၊ တိုဖူး စတဲ့အစားအစာတွေမှာ လိုအပ်တဲ့ အိုင်ဆိုဖလေဗွန် ပေးစွမ်းနိုင်တယ်လို့ အကြံပြုသွားပါတယ်။

#Source: New York Post

#World_Health
Published 13 July 2024

▪️ အနောက်တိုင်းကလူတွေက နေသာတဲ့ ရာသီဥတုမျိုးကို စောင့်ဆိုင်းကြပေမယ့် အခုဆိုရင် နေရာအနှံ့မှာ အပူချိန်လွန်ကဲနေပြီး အပူကြောင့်ဖြစ်တဲ့ ကျန်းမာရေးပြဿနာအမျိုးမျိုး ခံစားရနိုင်ပါတယ်။

▪️ အပြင်ကိုရောက်နေတဲ့အခါ အပူသက်သာအောင် ဘယ်လိုနေထိုင်မလဲ ဆိုတာနဲ့ လက္ခဏာတစ်ခုခု ခံစားရပြီဆိုရင် ဘာလုပ်သင့်လဲဆိုတာကို NYU လန်ဂွန်ကျန်းမာရေးစင်တာမှ အရေးပေါ်အထူးကု ဒေါက်တာ ရိဒ်ကောလ်ဝဲလ်က ဆွေးနွေးခဲ့ပါတယ်။

▪️ အပူဒဏ်ခံစားရတာနဲ့ ပတ်သက်ပြီး အဆင့်တစ်ဆင့်ချင်းစီရှိပြီး ပထမဆုံးအဆင့်က အရေပြားနီမြန်းလာကာ စပ်ဖျင်းဖျင်း ခံစားရတာမျိုးဖြစ်ပါတယ်။

▪️ နောက်တစ်ဆင့်က ရေဆာလောင်ပြီး အပူကြောင့် ကြွက်သားတွေ ကပ်တာမျိုး ခံစားရနိုင်ပါတယ်။

▪️ နောက်တစ်ဆင့်က အလွန်ပူလောင်ပြီး လမ်းဆက်မလျှောက်နိုင်လောက်အောင် ပင်ပန်းကာ နှလုံးခုန်မြန်၊ ချွေးထွက်လာတာ ဖြစ်ပါတယ်။

▪️ အဆိုးဆုံးအဆင့်က အပူရှပ်တာဖြစ်ပြီး ခန္ဓာကိုယ်အပူချိန် ၁၀၆ ဒီဂရီဖာရင်ဟိုက်ကျော်သွားကာ စိတ်အာရုံရှုပ်ထွေးပြီး ချွေးမထွက်တော့ပါဘူး။

▪️ အလွန်ပူတဲ့အခါ ချွေးထွက်သင့်တာဖြစ်ပေမယ့် အပူရှပ်တဲ့အခါ အရေပြားခြောက်သွေ့ပူပြင်းလာပါတယ်။

▪️ ဒါဟာ အသက်အန္တရာယ်ရှိနိုင်တာကြောင့် ဒီလိုလက္ခဏာ ခံစားရတယ်ဆိုရင် အရေးပေါ်ကို အကြောင်းကြားသင့်ပါတယ်။

▪️ ဒါတွေကို ကာကွယ်ဖို့ အကောင်းဆုံးနည်းလမ်းတစ်ခုက ရေဓာတ်ပြည့်ဝအောင် နေသင့်တာပါပဲ။
ဆီးအရောင်ကိုလည်း သတိပြုသင့်ပြီး ကြည်နေရင် အခြေအနေကောင်းပြီးတော့ အရောင်ရင့်နေရင် ရေဓာတ်နည်းနေတဲ့ သဘောဖြစ်ပါတယ်။

▪️ နေရောင်ကာလိမ်းခြင်းနဲ့ ပေါ့ပါးလွတ်လပ်တဲ့ အဝတ်အစားများ ဝတ်ခြင်းတို့ကလည်း အရေးပါပါတယ်။

▪️ အပြင်ထွက်ပြီး အလုပ်လုပ်ရသူတွေ၊ အားကစားသမားတွေအနေနဲ့ နေရိပ်ထဲမှာ အနားယူပေးဖို့ကလည်း လိုအပ်ပါတယ်။

▪️ ကလေးတွေနဲ့ သက်ကြီးရွယ်အိုတွေက သူတို့ခံစားရတာကို ပြောပြဖို့ခက်ခဲတတ်တာကြောင့် အန္တရာယ်များတဲ့ အသက်အရွယ်တွေ ဖြစ်ပါတယ်။

▪️ တိုက်ခန်းတွေမှာ နေတဲ့သူတွေအနေနဲ့ လေဝင်လေထွက်ကောင်းဖို့ လိုအပ်ပါတယ်။

▪️ အပြင်ဘက်မှာ အရက်သေစာ သောက်စားမယ်ဆိုရင် ရေသန့်သောက်ပေးဖို့လည်း လိုအပ်ပါတယ်။

#Source: New York Post

ဖိလစ်ပိုင်စစ်သင်္ဘောပျက်ကြီးကြောင့် တရုတ်ပြည်ရှိ 'ရန်နေကျောင်း'သန္တာကျောက်တန်း၏ ဂေဟစနစ်ပျက်သုဉ်းလာ

'ရန်နေကျောင်း'ကျောက်တန်း ဂေဟစနစ်စစ်တမ်း လေ့လာချက်နဲ့ ပတ်သက်ပြီး ပထမဆုံးမှတ်တမ်းတစ်ခုကို တောင်တရုတ်ပင်လယ်ဆိုင်ရာ CMG မီဒီယာက တနင်္လာနေ့မှာ ထုတ်လွှင့်ခဲ့ပါတယ်။
#World_Ecology
Published 12 July 2024
#ဖိလစ်ပိုင်စစ်သင်္ဘောပျက်ကြီး #'ရန်နေကျောင်း'ကျောက်တန်း
#YMG #Yangon_Times #Yangon_Media_Group

#Daily_News
Published 12 July 2024

၁။ ပုဂ္ဂလိကတက္ကသိုလ်၊ ကောလိပ် (၁၄)ကျောင်းကို တရားဝင်ဖွင့်ခွင့်ပြုလိုက်ပြီဟုဆို

၂။ ဓာတ်ဆီဈေး ဆက်တက်၊ ဒီဇယ်ဈေးပြန်ကျ

၃။ မြစ်ရေတိုက်စားပြီး တာတမံများမကျိုးအောင် မြို့(၃)မြို့၌ သဲအိတ်များဖြင့်ဆယ်တင်နေ

၄။ ဖိလစ်ပိုင်စစ်သင်္ဘောပျက်ကြီးကြောင့် တရုတ်ပြည်ရှိ 'ရန်နေကျောင်း'သန္တာကျောက်တန်း၏ ဂေဟစနစ်ပျက်သုဉ်းလာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၁၂ ဇူလိုင် ၂၀၂၄

အမေရိကန်သမ္မတ ဂျိုးဘိုင်ဒင်က ယူကရိန်းသမ္မတ ဗိုလိုဒီမာဇီလင်စကီးကို သမ္မတပူတင်လို့ မှားခေါ်လိုက်ပြီး သူ့ရဲ့ ဒုသမ္မတ ကာမာလာဟာရစ်ကိုလည်း ဒုသမ္မတ ထရမ့်လို့ ထပ်မှားခေါ်ခဲ့ပါတယ်။ ဒါဟာ သူ့ရဲ့သမ္မတသက်တမ်း တစ်လျောက်မှာ သိသာထင်ရှားလှတဲ့ စကားပြောမှားမှုနှစ်ခုထပ်ဖြစ်ခဲ့တာပါ။

သူ့ရဲ့အသက်အရွယ်ကြောင့် သူ့ကို သမ္မတဆက်အရွေးမခံဖို့ တောင်းဆိုမှုတွေနှင့် ရင်ဆိုင်နေရတဲ့ ဘိုင်ဒင်ဟာ ယူကရိန်းအတွက်ကျင်းပတဲ့ နေတိုးအဖွဲ့ထိပ်သီးအစည်းအဝေးစင်မြင့်မှာ ယူကရိန်းသမ္မတနှင့် ရုရှားသမ္မတကို အိုးနင်းခွက်နင်းမှားပြောမိခဲ့တာဖြစ်ပါတယ်။

အဲဒီနောက်သူဟာသူ့ရဲ့ ဒုသမ္မတ ဟာရစ်ကို ဒုသမ္မတထရမ့်လို့ထပ်မှားလိုက်ပြန်ပါတယ်။

ဝါရှင်တန်ဒီစီမှာ ဇူလိုင်၁၂ရက်က ကျင်းပတဲ့ နေတိုးထိပ်သီးအစည်းအဝေးပိတ်ပွဲမှာ ဘိုင်ဒင်က မှားပြောခဲ့တာပါ။

ဘိုင်ဒင်ဟာ အခြားသော နေတိုးခေါင်းဆောင်တွေ ၂၃ဦးရှေ့မှာ စကားတွေမှားခဲ့တာပါ။ သူဟာ ယူကရိန်းကို ဘယ်လို အကာအကွယ်ပေးရမယ်ဆိုတာကို မိနစ်များစွာပြောပြီးတဲ့နောက် ယူကရိန်းသမ္မတ ဇီလင်စကီးဘက်လှည့်ကာ  မိတ်ဆက်စကားပြောခဲ့ပါတယ်။

“အခု ကျွန်တော့်အနေနှင့် ယူကရိန်းသမ္မတကိုဖိတ်ခေါ်ပါတယ်။ သူဟာ အင်မတန်မှရဲရင့်ပြီး ပိုင်းပိုင်းဖြတ်ဖြတ် ရှိပြီးသား သူတစ်ဦးပါ။ လူကြီးမင်းများခင်ဗျား  သူကတော့ “ သမ္မတ ပူတင်ပါ” ။ သမ္မတပူတင်၊ “ လို့ မှားပြောလိုက်ပါတယ်။ အဲဒီနောက်သူဟာ မိုက်ခရိုဖုန်းရှိရာပြန်လာပြီး သူ့အမှားကိုပြန်ပြင်ဖို့ကြိုးစားပါတယ်။

“ သမ္မတဇီလင်စကီး..။ကျွန်တော်က ပူတင်ကိုအနိုင်ရဖို့ အာရုံသိပ်ထားလွန်းတာ”လို့ပြန်ပြင်ခဲ့ပါတယ်။

မိနစ်ကိုးဆယ်ကြာတဲ့အခါ ဒုတိယမြောက်ပြုလုပ်တဲ့ သတင်းစာရှင်းလင်းပွဲမှာ ဘိုင်ဒင်က ထပ်မှားပြန်ပါတယ်။ သတင်းထောက်တစ်ဦးက “ လိုအပ်လာလျှင့် သူ့နေရာမှာ ကင်မာလာဟာရစ်က ဝင်လုပ်ဖို့ အရည်အချင်းမီပါသလား “ မေးခဲ့တဲ့အပေါ် ဘိုင်ဒင်ကပြန်ဖြေရင်း စကားမှားသွားခဲ့တာပါ။

“ ကျွန်တော့်အနေနှင့်ဒုသမ္မထရမ့်ကို ဒုသမ္မတအဖြစ်ရွေးချယ်ခဲ့လိမ့်မှာမဟုတ်ပါဘူး။ ကျွန်တော့်အနေနှင့်တော့ သူမဟာ သမ္မတဖြစ်ဖို့အရည်အချင်းမပြည့်မီဘူးလို့ထင်တာပဲ” လို့ မှားပြောခဲ့တာဖြစ်ပါတယ်။

ဒေါ်နယ်ထရမ့်ကတော့ အဲသလိုမှားပြောတဲ့အပေါ် ချက်ခြင်းပဲ ဆိုရှယ်မီဒီယာပေါ်မှာ “ ဂျိုးရေ...လုပ်ချလိုက်တာ ကောင်းသကွာ” လို့ ရေးတင်ခဲ့ပါတယ်။

အဲသလိုနောက်ထပ်စကားပြောအမှားနစ်ခုကြောင့် သူ့ကို သမ္မတဆက်အရွေးမခံဖို့ တိုက်တွန်း တွန်းအားပေးမှုတွေ ဒီမိုကရက်တွေကြားထဲ ပိုများပြားလာနေပါတယ်။

Source: Telegraph

ရန်ကုန်ရှိမြို့နယ်(၁၄)ခုမှာ ဇူလိုင်(၁၂) ရက်မှ (၁၅)ရက်အထိ (၄)ရက်တာ လျှပ်စစ်ဓာတ်အားယာယီပြတ်မယ်လို့ ရန်ကုန်လျှပ်စစ် ဓာတ်အားပေးရေးကော်ပိုရေးရှင်းမှအသိပေးထားပါတယ်။ ၅၀၀ကေဗွီ၊ဘုရားကြီး - လှိုင်သာယာဓာတ်အားလိုင်းတည်‌ဆောက်ခြင်းလုပ်ငန်းအတွက် မလွတ်ကင်းတဲ့ဓာတ်အားလိုင်းနှစ်ခုကိုပိတ်ပြီး ဆောင်ရွက်ခြင်းဖြစ်ပါတယ်။
#Local_News
Published 12 July 2024
#လျှပ်စစ်ဓာတ်အားယာယီပြတ် #ရန်ကုန်ရှိမြို့နယ်(၁၄)ခု
#tthl #Yangon_Times

အခု ၂၀၂၄ - ၂၀၂၅ ဘဏ္ဍာနှစ်အတွင်း တစ်နိုင်ငံလုံးက စက်သုံးဆီဆိုင် ၉၆၀ဆိုင် မှာ ဆီ အရည်အသွေးနဲ့ အခြင်အတွယ်စစ်ဆေးတာကို ရှောင်တခင်စစ်ဆေးသွားမယ်လို့ စွမ်းအင်ဝန်ကြီးဌာနက သိရပါတယ်။
#Local_News
Published 12 July 2024
#စက်သုံးဆီဆိုင်၉၆၀ဆိုင် #ရှောင်တခင်စစ်
#NN #Yangon_Times

#Local_News
Published 12 July 2024

▪️ ဧရာဝတီတိုင်း‌ ဒေသကြီးမှထွက်ရှိသည့် ပုစွန်များကို ရန်ကုန်မှတစ်ဆင့် ပြည်ပနိုင်ငံများသို့တင်ပို့ လျှက်ရှိကြောင်း ရေလုပ်ငန်းလုပ်ကိုင်သူများထံမှ သိရသည်။

▪️ ဟိုင်းကြီးကျွန်းအပါအဝင် ‌ဧရာဝတီတိုင်းရှိ ကျေးရွာများမှ ရေချို၊ ရေငန်ပုစွန်များအား ပုသိမ်မှ တစ်ဆင့်ရန်ကုန်မြို့ရှိ ရွှေပိတောက်ငါးဈေးသို့ နေ့စဉ်တင်ပို့ရောင်းချနေကြောင်း သိရသည်။

▪️ "ရေချို၊ ရေငန် ပုစွန်တွေကို ပုသိမ်ကို တင်ပို့တဲ့အခါမှာ ကားနဲ့အဓိကတင်ပို့နေတယ်၊ အဲ့ဒီကတစ်ဆင့်ရန်ကုန်ကိုပြန်ပို့ကြတာ၊ ရန်ကုန်ငါးဈေးတွေကနေ နိုင်ငံခြားပို့မယ့်သူတွေက ဝယ်ပြန်ပို့ပေါ့၊ သူတို့ကကျတော့  ဂရမ်၂၀၀ အထက်နဲ့  ဂရမ် ၂၅၀ အထက်ပုစွန်‌တွေ ဝယ်ယူတာများတယ်"ဟု ဟိုင်းကြီးကျွန်းမြို့နယ်မှ ရေလုပ်ငန်းလုပ်ကိုင်သူတစ်ဦးက ပြောသည်။

▪️ ရေချို၊ရေငန် ပုစွန်များအား ထိုင်း၊ စင်္ကာပူ၊  ဂျပန်နှင့် ဥရောပနိုင်ငံများသို့လည်း တင်ပို့ရောင်းချလျက်ရှိကြောင်း သိရသည်။

▪️ လတ်တလောတွင် ဂရမ် ၂၅၀ အထက်ပုစွန်ဈေးမှာ တစ်ပိဿာလျှင် ၈၅,၀၀၀ ကျပ်၊ ဂရမ် ၂၀၀ အထက်တစ်ပိဿာလျှင် ၆၅,၀၀၀ ကျပ်၊ ဂရမ် ၅၀ မှ ဂရမ် ၁၀၀အတွင်း တစ်ပိဿာလျှင်ကျပ်  ၅၀,၀၀၀ မှ ၆၀,၀၀၀ ကျပ် ဝန်းကျင်အထိဈေးနှုန်းအသီးသီးရရှိနေကြောင်း သိရသည်။

#YMG/ NN #Yangon_Times