အမေရိကန်ရောက်မြန်မာများက စုပေါင်းရှင်ပြုရဟန်းခံနှင့် သီလရှင်ဝတ်ပွဲတော်ကို ရိုးရာဓလေ့အတိုင်းပြုလုပ်ခဲ့ကြ

မြန်မာနိုင်ငံသားတွေအနေနဲ့ အကြောင်းအမျိုးမျိုးကြောင့် ပြည်ပနိုင်ငံတွေမှာ နေထိုင်ကြရပေမဲ့ ကိုယ့်နိုင်ငံ၊ ကိုယ့်လူမျိုး၊ကိုယ့်ယဉ်ကျေးမှုစတာတွေကို မေ့ပျောက်လေ့ မရှိကြပါဘူး။
#Local_News
Published 15 July 2024
#အမေရိကန်ရောက်မြန်မာ #စုပေါင်းရှင်ပြုရဟန်းခံ
#Yangon_Times/PP

မြန်မာနိုင်ငံကထွက်ရှိတဲ့ သတ္တုတွင်းထွက်ပစ္စည်းတွေကို  ပြည်ပနိုင်ငံ‌တွေတင်ပို့တဲ့အခါမှာ   ပုဂ္ဂလိက ကဏ္ဍကနေအဓိကတင်ပို့နေတယ်လို့ စီးပွားရေးနှင့်ကူးသန်းရောင်းဝယ်ရေးဝန်ကြီးဌာနက  သိရပါတယ်။
#Local_News
Published 15 July 2024
#သတ္တုတွင်းထွက်ပစ္စည်း #ပုဂ္ဂလိကကဏ္ဍမှအဓိကတင်ပို့
#NN #Yangon_Times

#Local_News
Published 15 July 2024

▪️ပထမဆု ဒေါ်လာ ၃၅၀၀ ရရှိမည့် ထိုင်းသီချင်းဆိုပြိုင်ပွဲ T-Pop Star Challenge, Myanmar ကို မြန်မာနိုင်ငံသားများ ပါဝင်ယှဉ်ပြိုင်နိုင်ပြီး ယခုဇူလိုင်လကုန်အထိ ပေးပို့ယှဉ်ပြိုင်နိုင်မည်ဖြစ်ကြောင်း မြန်မာနိုင်ငံဆိုင်ရာ ထိုင်းသံရုံးမှ သိရသည်။

▪️ အဆိုပါ T-Pop Star Challenge ကိုထိုင်းနိုင်ငံ၏ အကြီးမားဆုံး သီချင်းနှင့် စီးရီးထုတ်လုပ်ရေး ကုမ္ပဏီများဖြစ်သည့် GMM Grammy နှင့်GMMTVများ၏ အထောက်အပံ့နှင့်အတူ ထိုင်းသံရုံး၊ရန်ကုန်မှ စီစဉ်ကျင်းပပေးခြင်းဖြစ်သည်။

▪️ သီချင်းဆိုပြိုင်ပွဲတွင် ဆုရရှိသူများကိုGrand Prize - ငွေသား USD 3,500 နှင့်ဆုတံဆိပ်၊
 1st Runner Prize: ငွေသား USD 1,600၊
2nd Runner Prize: ငွေသား USD 1,000၊
3rd Runner Prize: ငွေသား USD 700၊
Top 5 - 12 Prizes (8 prizes)ငွေသား USD 400 တွေရရှိသွားမည်ဖြစ်သည်ဟုဆိုသည်။

▪️ ပြိုင်ပွဲဝင်မည့် သီချင်းဗွီဒီယိုကို ဇူလိုင်လ (၃၁)ရက်၊ ၂၀၂၄ အထိ www.tpopstar.com သို့ ပေးပို့ ယှဉ်ပြိုင်နိုင်ပြီး အသေးစိတ်စည်းကမ်းချက်များကို www.tpopstar.com မှာ လေ့လာဖတ်ရှုနိုင်သည်ဟု ဖော်ပြထားသည်။

▪️ ယင်းပြိုင်ပွဲသည်၂၀၂၄ခုနှစ်၊ စက်တင်ဘာလ (၂၇)ရက်နေ့မှ (၂၉)ရက်နေ့ထိ Junction City မှာကျင်းပမည့် ထိုင်းနိုင်ငံ၏ထုတ်ကုန်တွေ၊ ထိုင်းဖက်ရှင်များ၊ ထိုင်းရုပ်ရှင်များနှင့်ထိုင်းတေးဂီတတွေပါဝင်သည့် “Thai Festival 2024 in Yangon “ပွဲကြီးရဲ့တစ်စိတ်တဒေသဖြစ်ပြီး မြန်မာပြည်သူတွေအတွက် ပျော်ရွှင်ကြည်နူးမှုတွေဆောင်ကြဉ်းပေးမည်ဖြစ်ကြောင်း မြန်မာနိုင်ငံဆိုင်ရာထိုင်းသံအမတ်ကြီးက အလေးပေးပြောကြားခဲ့သည်။

▪️ ယင်းပြိုင်ပွဲတွင် အဆိုတော်ဝိုင်းလေး၊ အုပ်စိုးခန့်တို့ကလည်း အကဲဖြတ်ဒိုင်အဖြစ်ပါဝင်ထားကြမည်ဖြစ်ကြောင်းနှင့် ဆန်ကာတင်ပြိုင်ပွဲဝင် ၁၂ ဦးကို ဩဂုတ်လ (၁၀) ရက်၊ ၂၀၂၄ မှာကြေညာပေးမည် ဖြစ်ကြောင်း၊Junction Cityတွင်September 28, 29 ရက်များတွင် Semi Final နဲ့ Final ကျင်းပရန်ရှိကြောင်း သိရသည်။

#tthl #Yangon_Times

မကွေးမှာ ဧရာဝတီမြစ်ရေကြီးနေလို့ မြစ်နားနီးတဲ့စာသင်ကျောင်းအချို့ယာယီပိတ်ထားရပြီး အခုဆိုရင် မကွေး၊ ပခုက္ကူမှာယာယီပိတ်ထားရတဲ့ ကျောင်း(၂၅)ကျောင်းအထိရှိပြီဖြစ်တယ်လို့ သိရပါတယ်။
#Local_News
Published 15 July 2024
#စာသင်ကျောင်းအချို့ယာယီပိတ် #ဧရာဝတီမြစ်ရေကြီး
#tthl #Yangon_Times

ကမ္ဘာ့ရွှေဈေးနဲ့အတူ အခုလနှစ်ပတ်ကျော်ကာလအတွင်းအ‌ခေါက်ရွှေဈေးကျပ် တစ်သိန်းခွဲနီးပါးမြင့်တက်လာတယ်လို့ ရန်ကုန်တိုင်းဒေသကြီးရွှေလုပ်ငန်းရှင်များအသင်းက သိရပါတယ်။
#Local_News
Published 15 July 2024
#ရွှေဈေးမြင့်တက် #ရန်ကုန်တိုင်းဒေသကြီးရွှေလုပ်ငန်းရှင်
#NN #Yangon_Times

ရန်ကုန်တိုင်းအပါအဝင် ဇူလိုင်လ (၁၆)ရက်မှ (၂၀)ရက်အထိ(၅)ရက်တိုင်တိုင်မိုးကြီးမယ့် ဒေသ(၇)ခုရှိပြီး မိုးသက်လေပြင်းပါတိုက်နိုင်တယ်လို့  မိုးလေဝသနှင့် ဇလဗေဒညွှန်ကြားမှုဦးစီးဌာနမှ သတိပေးချက်ထုတ်ပြန်ထားပါတယ်။ 
#Local_News
Published 15 July 2024
#မိုးကြီးမည့်‌ဒေသ(၇)ခု #မိုးသက်လေပြင်းပါတိုက်နိုင်
#tthl #Yangon_Times

#World_News
Published 15 July 2024

▪️ ရီပတ်ဘလစ်ကန် ကိုယ်စားလှယ် ဒေါ်နယ်ထရမ့် စည်းရုံးရေးပြုလုပ်နေစဉ် လုပ်ကြံသတ်ဖြတ်သူတစ်ဦး ထွက်ပေါ်ခဲ့ပြီးနောက် အမေရိကန်သမ္မတ ဂျိုးဘိုင်ဒင်က ပြည်သူတွေကို စိတ်လျှော့ထိန်းသိမ်းကြရန် တနင်္ဂနွေနေ့က အိမ်ဖြူတော်ရုံးဌာနကနေ တောင်းဆိုလိုက်ပါတယ်။

▪️ ပန်ဆယ်ဗေးနီးယားမှာ ထရမ့်စည်းရုံးရေးပွဲ ပြုလုပ်နေစဉ် သေနတ်ပစ်ခတ်မှု ဖြစ်ခဲ့တာဟာ အားလုံးအနေနဲ့ နောက်ဆုတ်ထိန်းသိမ်းကြဖို့ သတိပေးလိုက်တဲ့ သဘောဖြစ်ပြီး ကံကောင်းစွာနဲ့ပဲ ထရမ့်ဟာ ဒဏ်ရာပြင်းထန်စွာ မရခဲ့ဘူးလို့ ဘိုင်ဒင်က ပြောသွားပါတယ်။

▪️ နိုင်ငံရေးကို အကြမ်းဖက်ခြင်းနည်းလမ်းဖြင့် ဖြေရှင်းခွင့်မပေးနိုင်ကြောင်း၊ အခြေအနေတွေက အလွန်အရှိန်တက်နေကြောင်း၊ အခုက အရှိန်လျှော့သင့်ပြီဖြစ်ကြောင်း၊ ဒီလိုလျှော့ချဖို့ အားလုံးမှာတာဝန်ရှိကြောင်း ပြောကြားခဲ့ပါတယ်။

▪️ အမေရိကမှာ သဘောထားမတူ ကွဲပြားမှုတွေကို မဲပေးရုံတွေမှာ ဖြေရှင်းကြတာဖြစ်ကြောင်း၊ သေနတ်တွေနဲ့ ဖြေရှင်းရတာ မဟုတ်ကြောင်း ဘိုင်ဒင်က ၇ မိနစ်ကြာ မိန့်ခွန်းပြောကြားခဲ့ရာ အဓိကသတင်းဌာနများက ထုတ်လွှင့်ပြသခဲ့ပါတယ်။

▪️ အသက် ၈၁ နှစ်ရှိ ဘိုင်ဒင်ဟာ နောက်ထပ်သမ္မတရွေးကောက်ပွဲ ယှဉ်ပြိုင်ဖို့ ကြိုးပမ်းနေရာမှာ လူအများက နောက်ဆုတ်ကြဖို့ ဖိအားပေးနေကြတဲ့အချိန်မှာ အခုလို မိန့်ခွန်းပြောကြားခဲ့တာဟာ တာဝန်ရှိသူတစ်ဦးရဲ့ဩဇာကို ပြသနိုင်ခဲ့တာ ဖြစ်ပါတယ်။

▪️ အမေရိကန်သမိုင်းမှာ သမ္မတ ၄ ဦး လုပ်ကြံခံခဲ့ရပြီး ထွက်ပြေးလွတ်မြောက်ခဲ့တာ များစွာဖြစ်ခဲ့သလို သမ္မတလောင်း ကိုယ်စားလှယ်တွေလည်း အချို့ဆိုရင် အသက်အန္တရာယ် ထိခိုက်စေသည်အထိ ပစ်ခတ်ခံရဖူးပါတယ်။

▪️ ယခုလို ထရမ့်ပစ်ခတ်ခံရတဲ့ ကိစ္စကြောင့် ဘိုင်ဒင်အပေါ် ဖိအားတွေလျော့ကျသွားဖို့ အိမ်ဖြူတော်အရာရှိများက မျှော်လင့်နေကြပါတယ်။

▪️ ထရမ့်ကို စကားဖြင့် တိုက်ခိုက်နေကြမယ့်အစား အနာဂတ်ကိုသာ အာရုံစိုက်ကြဖို့လည်း ဘိုင်ဒင်က တိုက်တွန်းလိုက်ပါတယ်။

#Source: Reuters

#Local_News
Published 15 July 2024

▪️ ရှမ်းပြည်နယ်အရှေ့ပိုင်း၊ ကျိုင်းတုံမြို့နယ် ပန်လော့ရွာအနီး၌ ယနေ့ မနက်ပိုင်းက အိမ်စီးကားနှင့် ၁၀ဘီးကားတိုက်မိ၍ ကားမီးလောင်ပြီး ကလေးငယ်များအပါဝင်ခြောက်ဦး ‌ေ-သဆုံးခဲ့ကြောင်းပရဟိတအသင်းများနှင့်ဒေသခံများထံမှ သိရသည်။

▪️ ယနေ့မနက် (၈)နာရီခန့်တွင် ကျိုင်းတုံမြို့နယ် ပန်လော့ရွာအနီး၌ ကုန်တင် ၁၀ဘီးကား တစ်စီးနှင့် အိမ်စီးကားတစီး ယာဉ်တိုက်မူဖြစ်ပွါးရာမှ မီးလောင်ကာ အိမ်စီးကားပေါ်မှ ပါလာသူ
မိသားဟုယူဆရသူ ကျား ၄ဦး မ၂ဦး နေရာမှာပင် သေဆုံးသွားခဲ့ပြီး ၁၀ဘီးကားပေါ်မှ ယာဉ်မောင်းဖြစ်သူနှင့် စပယ်ယာအား ထိခိုက်ဒဏ်ရာများနှင့် ဆေးရုံသို့ပို့ဆောင်ပေးခဲ့ ကြောင်းသိရသည်။

▪️ အဆိုပါ အခင်းဖြစ်ပွားရာသို့ မီးသတ်တပ်ဖွဲ့များ၊ လူနာတင်ယာဥ်များ၊ နာရေးကူညီမှုအသင်းကားများဖြင့်သွားရောက်ကူညီ ကယ်ဆယ်ခဲ့ကြောင်း သိရသည်။

#NN #Yangon_Times

#Local_News
Published 15 July 2024

▪️ လူထုအခြေပြုဗဟိုဌာန (စာကြည့်တိုက်)များသို့ စာအုပ်များ ပေးပို့လှူဒါန်းလိုပါက စာတိုက်များသို့ (အခမဲ့)ပေးပို့နိုင်ကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာန၊မြန်မာ့စာတိုက်လုပ်ငန်းမှ သိရသည်။

▪️ ပို့ဆောင်ရေးနှင့် ဆက်သွယ်ရေးဝန်ကြီးဌာန၊ မြန်မာ့စာတိုက်လုပ်ငန်းမှ မြန်မာနိုင်ငံတစ်ဝန်းရှိ စာကြည့်တိုက်များ ဖွံ့ဖြိုးတိုးတက်ရေးနှင့် ပြည်သူများ စာဖတ်နှုန်းမြင့်တက်စေရန်ရည်ရွယ်၍ ယင်းသို့ဆောင်ရွက်ခြင်းဖြစ်ကြောင်း သိရသည်။

▪️ အဆိုပါ ရည်ရွယ်ချက်ကို  တစ်ဖက်တစ်လမ်းမှ ပါဝင်ဝန်ဆောင်မှုပေးသည့်အနေဖြင့် ပြန်ကြားရေးဝန်ကြီးဌာနမှ ဖွင့်လှစ်ထားသောလူထုအခြေပြုဗဟိုဌာန (စာကြည့်တိုက်)များသို့ စာအုပ်များ ပေးပို့လှူဒါန်းလိုပါက မြန်မာ့စာတိုက်လုပ်ငန်းရှိ စာတိုက်များတွင် (အခမဲ့)ပေးပို့နိုင်ကြောင်း သိရသည်။

#NN #Yangon_Times

#Local_News
Published 15 July 2024

▪️ နေပြည်တော်ရှိ ဆင်သေကြိုးဝိုင်းအတွင်းရှိ တောနိမ့်တောပါး တောင်ကတုံးများတွင် ရဟတ်ယာဉ်ဖြင့် သစ်စေ့‌မြေလုံး ၁၀၀၀၀၀ ကြဲချပြီး စိုက်ပျိုးခဲ့ကြောင်း သိရသည်။

▪️ သစ်ပင်အမျိုးအစား ကိုးမျိုးဖြစ်သည့် မြန်မာကုက္ကို၊ စစ်၊ စိန်ပန်း၊ မဲဇလီ၊ ဘောစကိုင်း၊ မန်ဂျန်ရှား စသည့်သစ်စေ့များဖြင့် ပြုလုပ်ထားသော သစ်စေ့မြေလုံး စုစုပေါင်း ၁၀၀၀၀၀ ကြဲချစိုက်ပျိုးခဲ့ခြင်းဖြစ်သည်။

▪️ အဆိုပါ အစီအစဉ်ကို သယံဇာတနှင့်သဘာဝပတ်ဝန်းကျင် ထိန်းသိမ်းရေးဝန်ကြီးဌာနနှင့် ကာကွယ်ရေးဦးစီးချုပ်ရုံး (လေ) တို့၏ ပူးပေါင်းစီစဉ်မှုဖြင့် ပြည်ထောင်စုနယ်မြေနေပြည်တော် တပ်ကုန်းမြို့နယ်အထက် ဆင်သေကြိုးဝိုင်းအတွင်းရှိ တောနိမ့်တောပါး တောင်ကတုံးများတွင် တပ်မတော်ရဟတ်ယာဉ်ဖြင့် သစ်စေ့မြေလုံးများကြဲချစိုက်ပျိုးခဲ့ခြင်းဖြစ်သည်။

▪️ ၂၀၂၄ ခုနှစ် မိုးရာသီ၊ ပြည်ထောင်စုနယ်မြေနေပြည်တော် ဥတ္တရခရိုင်တပ်ကုန်းမြိုနယ် ဆင်သေချောင်း ရေဝေရေလဲဧရိယာအတွင်းအထက် ဆင်သေကြိုးဝိုင်းအကွက်အမှတ် ၅၆ ရှိ နေရာ ၁ နေရာ၊ ဧရိယာ ၁၀ ဒသမ ၅ ဧကတွင် ဒေသနှင့်ကိုက်ညီသော သစ်ပင်အမျိုးအစားများကို ကြဲချစိုက်ပျိုးခဲ့သည်။

▪️ ယင်းအစီအစဉ်သို့ သယံဇာတနှင့်သဘာဝပတ်ဝန်းကျင် ထိန်းသိမ်းရေးဝန်ကြီးဌာန ဒုတိယဝန်ကြီး ဦးမင်းသူ၊ နေပြည်တော်ကောင်စီအဖွဲ့ဝင် ဦးဟန်သူ၊ နယ်မြေခံလေတပ်စခန်း စခန်းမှူး၊ တပ်မတော်(လေ)မှ တပ်မတော်သားများ၊ သစ်တောဦးစီးဌာနမှ ညွှန်ကြားရေးမှူးချုပ် ဒေါက်တာသောင်းနိုင်ဦး၊ ဒုတိယညွှန်ကြားရေးမှူးချုပ် (မူဝါဒနှင့်စီမံကိန်း) ဦးဖေချစ်နှင့် သစ်တောဦးစီးဌာနမှ တာဝန်ရှိသူများတက်ရောက်ကြပြီး  ရဟတ်ယာဉ်ဖြင့် သစ်စေ့မြေလုံးများကြဲချသည်။

▪️ သစ်စေ့မြေလုံးပြုလုပ်ရန် သစ်မျိုးရွေးချယ်ရာတွင် အပင်ပေါက်ရောက်မှုနှုန်း အနည်းဆုံး (၆၀ ရာနှုန်း) နှင့် အများဆုံး (၉၀ ရာနှုန်း) ပေါက်ရောက်ပြီး အပင်ပေါက်ရောက်မှုရာခိုင်နှုန်း ကောင်းမွန်သည့် မြန်မာကုက္ကို၊ စစ်၊ စိန်ပန်း၊ မဲဇလီ၊ ဘောစကိုင်း၊ မန်ဂျန်ရှား စသည့်သစ်မျိုး ကိုးမျိုးကိုသာ ရွေးချယ်ဆောင်ရွက်ခြင်းဖြစ်ပြီး သစ်စေ့အရွယ်အစားအရ သစ်စေ့မြေလုံးတစ်လုံးလျှင် သစ်စေ့နှစ်စေ့မှ ငါးစေ့အထိ ထည့်သွင်းဆောင်ရွက်ခဲ့သည်။

▪️ သစ်စေ့မြေလုံး ကြဲချစိုက်ပျိုးခြင်းသည် ကုန်ကျစရိတ်သက်သာခြင်း၊ လူအင်အားအနည်းငယ်ဖြင့် ဧရိယာကျယ်ဝန်းစွာ စိုက်ပျိုးဆောင်ရွက်နိုင်ခြင်း၊ သွားလာရန်ခက်ခဲသည့် တောင်ကုန်း၊ တောင်တန်းများတွင် ရဟတ်ယာဉ်များဖြင့် ဆောင်ရွက်နိုင်ခြင်း၊ အချိန်တိုအတွင်း ဧရိယာကျယ်ကျယ်ပြန့်ပြန့် ဆောင်ရွက်နိုင်ခြင်းတို့ကြောင့် ပျိုးပင်ဖြင့် စိုက်ပျိုးခြင်းကဲ့သို့ ရှင်သန်အောင်မြင်မှု အထိုက်အလျောက် ထိရောက်မှုရှိကြောင်းနှင့် 

▪️ ၂၀၂၄ ခုနှစ် မိုးရာသီတွင် ပြည်ထောင်စုနယ်မြေနေပြည်တော် ဥတ္တရခရိုင်တပ်ကုန်းမြို့နယ်ရှိ ဆင်သေချောင်း ရေဝေရေလဲဒေသအတွင်း သစ်စေ့ကြဲချခြင်း အောင်မြင်ရှင်သန်မှု အခြေအနေများကို ၂၀၂၄ ခုနှစ် ဒီဇင်ဘာလတွင် နမူနာကွက်များပြုလုပ်၍ အပင်ပေါက်ရောက်မှုကာလနှင့် သစ်စေ့မျိုးအလိုက် ပေါက်ရောက်ရှင်သန်နိုင်မှုအခြေအနေစာရင်း ကောက်ယူဆောင်ရွက်သွားမည်ဖြစ်ကြောင်း သိရသည်။

#tthl #Yangon_Times

#Local_News
Published 15 July 2024

▪️ ထိုင်းဘုရင်မင်းမြတ်၏မွေးနေ့ အထိမ်းအမှတ်အဖြစ်ကျင်းပနေသည့် နိုင်ငံတကာရာမာယဏပွဲတော်တွင် မြန်မာပါဝင်ဖျော်ဖြေနေ‌ကြောင်း မြန်မာနိုင်ငံသဘင်အစည်းအရုံး(ဗဟို)၏ထုတ်ပြန်ချက်အရ သိရသည်။

▪️ ထိုင်းဘုရင်မင်းမြတ် ၏ (၇၂) နှစ်မြောက် မွေးနေ့အထိမ်းအမှတ်အဖြစ် ကျင်းပပြုလုပ်သည့်နိုင်ငံတကာ ရာမာယဏပွဲတော်တွင် မြန်မာနိုင်ငံသဘင်အစည်းအရုံး၊ ရာမာယဏပညာရပ်ဆိုင်ရာ ကော်မတီမှ သဘင်အနုပညာရှင်များ နှင့်ရာမာယဏပညာရှင်များတက်ရောက်ဖျော်ဖြေတင်ဆက်ကြကြောင်းနှင့် တင်ဆက်ကပြသည့် ပုံများရိုက်ကူးဖော်ပြထားသည်။

▪️ မြန်မာနိုင်ငံအနေဖြင့် မြန်မာ့ဆိုင်းအပါအဝင် ရာမယဏနှင့် ပတ်သက်သည့် ထိန်းသိမ်းထားရှိမှုများ၊ ဝတ်စားဆင်ယင်မှုများနှင့် ဖျော်ဖြေတင်ဆက်မှုများကို ကမ္ဘာ့နိုင်ငံများမှ သိရှိစေရန်ရည်ရွယ်တင်ဆက် ခြင်းဖြစ်သည်။

▪️ အဆိုပါပွဲတော်တွင်အိမ်ရှင် ထိုင်းနိုင်ငံနှင့်အတူအိန္ဒိယ၊ ကမ္ဘောဒီးယား၊ စင်ကာပူ၊ အင်ဒိုနီးရှား၊ မလေးရှား၊ ဖိလစ်ပိုင်နိုင်ငံတို့မှ ရာမာယဏ အနုပညာရှင်များတက်ရောက် ပါဝင်တင်ဆက်ကြမည်ဖြစ်ကြောင်း သိရသည်။

Photo Credit- မြန်မာနိုင်ငံသဘင်အစည်းအရုံး၊ Htet Zaw Aung

#tthl #Yangon_Times

#World_Health
Published 15 July 2024

▪️ တောင်အာဖရိကနဲ့ ယူဂန်ဒါတို့မှာ ပြုလုပ်တဲ့ လက်တွေ့စမ်းသပ်ချက်အရ တစ်နှစ် ၂ ကြိမ်ထိုးရတဲ့ PrEP ဆေးဟာ အမျိုးသမီးငယ်တွေကို HIV ကူးစက်မှုကနေ အပြည့်အဝကာကွယ်ပေးနိုင်တယ်လို့ တွေ့ရှိထားပါတယ်။

▪️ ထိုနိုင်ငံတွေမှာ လန်နာကာပါဗီယာ(Len LA)နဲ့ အခြားဆေးနှစ်မျိုးတို့ကို စမ်းသပ်ရန် လူပေါင်း ၅ ထောင်ခန့် စာရင်းပေးသွင်းခဲ့ကြပါတယ်။

▪️ Len LA ဟာ HIV ပွားဖို့လိုအပ်တဲ့ ပစ္စည်းတွေကို ကာကွယ်ပေးပြီး အရေပြားအောက်ကို ၆ လတစ်ခါ ထိုးသွင်းရကြောင်း သိပ္ပံပညာရှင် လင်ဒါဂေးလ်ဘက်ကာက ဖော်ပြခဲ့ပါတယ်။

▪️ Len LA ထိုးသွင်းခဲ့တဲ့ အမျိုးသမီး ၂၃၁၄ ဦးစလုံးဟာ HIV ကူးစက်ခြင်းမရှိခဲ့တာကြောင့် ၁၀၀ ရာခိုင်နှုန်း ထိရောက်မှုရှိတယ်လို့ ဆိုရမှာပါ။

▪️ ထရူဗာဒါထိုးသွင်းခဲ့တဲ့ အမျိုးသမီး ၁၀၆၈ ဦးထဲမှာ ၁၆ ဦးက ကူးစက်ခဲ့ပြီး ဒက်စ်ကိုဗီထိုးသွင်းတဲ့ ၂၁၃၆ ဦးထဲက ၃၉ ဦးက ကူးစက်ခဲ့ပါတယ်။

▪️ လက်ရှိမှာ HIV ကူးစက်ထားသူအများစုက တသက်တာလုံး ကုသမှုခံယူနေရပြီး ဆက်လက်မကုသရင် ဗိုင်းရပ်စ်က ပြန်ထလာနိုင်ပါတယ်။

▪️ အမ်စတာဒမ်မှ သိပ္ပံပညာရှင်အဖွဲ့က HIV အောင်မြင်စွာ ဖယ်ထုတ်နိုင်တဲ့ နည်းပညာကိုလည်း စမ်းသပ်နိုင်ခဲ့ပါတယ်။

▪️ အခုဆိုရင် ဗိုင်းရပ်စ်ကို ခန္ဓာကိုယ်ကနေ လုံးဝဖယ်ရှားရန် ရည်ရွယ်ပြီး စမ်းသပ်နေကြပါပြီ။

#Source: WION