#Daily_News
Published 14 December 2024

၁။ ထိုင်းဗီဇာလျှောက်ထားရာတွင် e-Visa (အွန်လိုင်း) စနစ်သစ်ဖြင့် လျှောက်ထားရမည်

၂။ အိန္ဒိယနှင့်ဖိလစ်ပိုင်သို့တင်ပို့နေသောကြောင့် ပြောင်းဈေးအတက်ဘက်သာရှိနေ

၃။ လတ်တလော ရွှေဈေးကွက်အေးနေပြီး ရွှေဈေးထပ်ကျဦးမည်

၄။ ကမ္ဘာ့စီးပွားရေး မရေရာမှုများရှိသော်ငြား တရုတ်စီးပွားရေးခံနိုင်ရည်ရှိမှုကြောင့် ဂျီဒီပီတိုးတက်မှု (၅)ရာခိုင်နှုန်းပြည့်မီဖွယ်ရှိဟုဆို ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၁၄ ဒီဇင်ဘာ ၂၀၂၄

▪️ထိုင်းနိုင်ငံ တပ်ခ်ခရိုင်၊ အမ်ဖန်ခရိုင်တွင် တပ်ခ်ကြက်ခြေနီအသင်းက ကြီးမှူးကျင်းပတဲ့ “ ဖန်ဒင်ဒွိုင်လွိုင်ဖ ရန်ပုံငွေပွဲတော်တစ်ခုအတွင်း ဗုံးပေါက်ကွဲမှုမှာ သံသယတရားခံတွေဖြစ်တဲ့ ကေအင်န် ယူလက်နက်ကိုင်အဖွဲ့ဝင်တစ်ဦးနှင့် ထိုင်းနိုင်ငံသားတစ်ဦးကို ဖမ်းဆီးလိုက်တယ်လို့ ထိုင်းမီဒီယာများက သတင်းဖော်ပြကြပါတယ်။

▪️ယမန်နေ့ည ၁၁နာရီ ၃၅မိနစ်ခန်မှာ အဆိုပါပွဲခင်းထဲသို့ လက်ပစ်ဗုံးတစ်လုံးပစ်သွင်းဖောက်ခွဲခံခဲ့ရ   တာဖြစ် ပြီး အဲဒီအချိန်မှာ ပရိဿတေ်က ၈၀၀၀နှင့် ၉၀၀၀ အကြားရှိနေခဲ့ပါတယ်လို့ ထိုင်းရဲဗိုလ်ချုပ် ကြီး အာချယွန်ကရိတ်သောင်းက ပြောပါတယ်။ အဆိုပါပေါက်ကွဲမှုကြောင့် လူ(၄)ဦးသေဆုံးပြီး ၄၈ ဦး  ဒဏ်ရာရရှိခဲ့ပါတယ်။

▪️ရဲတပ်ဖွဲ့ဟာ ပွဲတော်လာပရိဿတ်ကြားထဲ ဗုံးပစ်သွင်းခဲ့သူကိုတွေ့မြင်ခဲ့တဲ့ မျက်မြင်သက်သေတွေကို ခေါ်ယူမေးမြန်းခဲ့ပါတယ်။

▪️အဲဒီဗုံးဟာ ထိခိုက်မှုကြီးမားတဲ့ စစ်တပ်သုံးအဆင့်ဗုံးဖြစ်ပုံရတဲ့အတွက် လက်ပစ်ဗုံးဖောက်ခွဲသူဟာ အရပ်သားတစ်ဦးမဖြစ်နိုင်ဘူးလို့ စုံစမ်းစစ်ဆေးသူတွေက ယုံကြည်ထားခဲ့ကြပါတယ်။

▪️နောက်ပိုင်းမှာ ရဲနှင့်ထိုင်းစစ်တပ်တို့ ပူးပေါင်းစစ်ဆေးဖော်ထုတ်မှုများအရ တရားခံနှစ်ဦးကို ဖမ်းဆီးနိုင်ခဲ့ကြပါတယ်။ အဲဒီနှစ်ဦးထဲမှာ တစ်ဦးက မစ္စတာအေ လို့ ရဲကသတ်မှတ်ထားသူ ထိုင်းနိုင်ငံသား တစ်ဦးဖြစ်ပြီး နောက်တစ်ဦးကတော့ ကရင်အမျိုးသားအစည်းအရုံး(ကေအင်န်ယူ)က မစ္စတာ ဂျော်ရီသူ  တို့ဖြစ်တယ်လို့သိရပါတယ်။ ဂျော်ရီသူဟာ ဖေဖော်ဝါရီလတုန်းက မူးယစ်အမှုနှင့် ဖမ်းဆီးခံခဲ့ရဖူးသူလို့  လည်းဆိုပါတယ်။

▪️ကနဦးစစ်ဆေးမှုများအရ ကေအင်ယူလက်နက်ကိုင်အဖွဲ့ဝင်ဖြစ်တဲ့သူဟာ ဗုံးပါတဲ့ အိတ်ကိုသယ်ယူခဲ့ တယ်လို့ ဝန်ခံပါတယ်။ ပြီးခဲ့တဲ့နိုဝင်ဘာလတုန်းက လွိုင်ကရက်သောင်းပွဲတော်(ဆီးမီးမျှော်ပွဲတော်) အတွင်း ကေအင်န်ယူသူပုန်အဖွဲ့နှင့်သူတို့အကြား ကတောက်ကဆတစ်ခုဖြစ်ခဲ့လို့ အဲဒါကို လက်စား  ချေဖို့အတွက် ဒီလိုလုပ်ရတာဖြစ်တယ်လို့ သူက ထွက်ဆိုခဲ့ပါတယ်။

▪️ထိုင်းရဲချုပ်က အဆိုပါဝမ်းနည်းဖွယ်အဖြစ်အပျက်အတွက် ဝမ်းနည်းကြောင်းပြောဆိုခခဲ့ပြီး ဝန်ကြီးချုပ် ပေတုန်တန်ရှင်နာဝါထရာကလည်း အဖြစ်အပျက်ကို အပြည့်အဝေစုံစမ်းဖော်ထုတ်ဖို့ ညွှန်ကြားထားပါ တယ်။အဲဒါကြောင့် ယခုအမှုကို ဒုရဲချုပ်ကိုယ်တိုင်ဦးစီးကြီးကြပ်ဆောင်ရွက်နေတယ်လို့သိရပါတယ်။

Source The Nation

၁၃ ဒီဇင်ဘာ ၂၀၂၄

▪️တောင်ကိုရီးယားးသမ္မတ ယွန်ဆပ်ယိုးအပေါ် အတိုက်အခံဦးဆောင်တဲ့ပါလီမန်က ယနေ့ဒီဇင်ဘာ ၁၃ရက်တွင်ပြုလုပ်တဲ့ ဒုတိယအကြိမ် စွပ်စွဲပြစ်တင်မှု အထမြောက်သွားပါတယ်။ သမ္မတယိုးက သူ့အနေ နှင့် သူ့ရဲ့ အနာဂတ်နိုင်ငံရေးအတွက် တွန်းလှန်တိုက်ခိုက်သွားမယ်လို့ ကတိပြုလိုက်ပါတယ်။

▪️တောင်ကိုးရီးယား ဖွဲ့စည်းပုံအခြေခံဥပဒေ တရာရုံးက ယွန်းကို သမ္မတအဖြစ်က ဖယ်ရှားရေးကို လာမယ့် ခြောက်လအတွင်းဆုံးဖြတ်ပေးရမှာဖြစ်ပါတယ်။ အကယ်၍ သူ့ကိုဖယ်ရှားနိုင်ခဲ့ရင် ရွေးကောက်ပွဲတစ်ခု ပြန်လည်ကျင်းပေးရပါလိမ့်မယ်။

▪️ယွန်းခန့်အပ်ထားတဲ့ ဝန်ကြီးချုပ် ဟန်ဒတ်ဆိုဟာ ယာယီသမ္မတအဖြစ် တာဝန်လွှဲပြောင်းထမ်းဆောင် လိုက်ရပါတယ်။ ယွန်းဟာ သမ္မတအဖြစ်ဆက်ရှိနေသေပေးမယ့် သူ့ရဲ့ သမ္မတလုပ်ပိုင်ခွင့်အာဏာတွေ အားလုံး ရပ်ဆိုင်းခံလိုက်ရတာဖြစ်ပါတယ်။

▪️သမ္မတယွန်းအပေါ်စွပ်စွဲပြစ်တင်မှု အနိုင်ရရှိကြောင်းတဲ့သတင်းကြောင့် အဲဒါကိုထောက်ခံသူတွေက အောင်ပွဲခံကြပါတယ်။ ယွန်းကိုထောက်ခံဆန္ဒပြသူတွေကတော့ အဲဒီသတင်းကြောင့် ခပ်မြန်မြန်ပဲ လူစု  ကွဲသွားကြပါတယ်။

▪️ယွန်းအပေါ်စွပ်စွဲပြစ်တင်မှုကို ယွန်းရဲ့ အာဏာရပါတီအမတ် ၁၂ဦးက ထောက်ခံမဲပေးခဲ့ကြပါတယ်။  အဲဒါကြောင့် ထောက်ခံမဲ ၂၀၄ မဲ၊ ကန့်ကွက်မဲ ၈၅ မဲနှင့် ကြားနေ ၃မဲ၊ ပျက်ပြယ်မဲ ၈မဲတို့ဖြင့် စွပ်စွဲပြစ်တင် မှုကို အတည်ပြုနိုင်ခဲ့ပါတယ်။

 Source: The Reuters

#Local_News
Published 14 December 2024

▪️ ဒို့အိမ်အဖွဲ့အစည်းအနေဖြင့် စိတ်ကျန်းမာကြံ့ခိုင်ရေးဆိုင်ရာ ပံ့ပိုးကူညီမှုရရှိနိုင်ရန် တစ်ထောင့်တစ်နေရာမှ ဆောင်ရွက်လျက်ရှိရာ ဒီဇင်ဘာလ၁၅ရက်တွင် လူငယ်များ၏ စိတ်ကျန်းမာရေးနှင့် စိတ်လူမှုရေးတို့ကို အထောက်အပံ့ဖြစ်နိုင်မည့်ရုပ်ရှင်တိုများကို ပြသသွားမည်ဖြစ်ကြောင်း သိရသည်။

▪️ အဆိုပါ ရုပ်ရှင်များကို အခြေခံကာ ကျွမ်းကျင်သူ Counsellor များမှ ဦးဆောင်၍ စိတ်ခံစားမှုများကို ဆွေးနွေးတိုင်ပင်မှုများ ပြုလုပ်သွားမည်ဖြစ်ကြောင်း၊ ထိုရုပ်ရှင်တို့ ပြသခြင်းနှင့် ဆွေးနွေးပွဲကို ဗိုလ်တထောင်မြို့နယ်၊၄၇လမ်းရှိ Doh Eain Youth Space တွင် နေ့လယ် ၂နာရီမှ ၄နာရီအထိ ပြုလုပ်သွားမည်ဖြစ်ကြောင်း သိရသည်။ " စိတ် ကျန်းမာရေးဟာ အလုံးစုံသောကျန်းမာရေးအတွက် မရှိမဖြစ်လိုအပ်တဲ့ အစိတ်အပိုင်း တစ်ခုပါ။ လူသားတို့ရဲ့ အတွေးအခေါ်၊ စိတ်ခံစားချက်၊ ပတ်ဝန်းကျင်နဲ့ ချိတ်ဆက် ပြောဆိုခြင်းစတဲ့ နေ့စဉ်ဘဝရဲ့ ကဏ္ဍတိုင်းနဲ့ ဆက်နွယ်နေတာဖြစ်ပြီး ရုပ်ပိုင်းဆိုင်ရာ ကျန်းမာရေး အထိပါ သက်ရောက်မှုရှိပါတယ်။ အလုပ်အကိုင် အကျပ်အတည်း၊ ငွေရေးကြေးရေးဖိအား၊ ဆိုရှယ်မီဒီယာအပါအဝင် ခေတ်မီလူနေမှု ဘဝရဲ့ ဖိအား တွေကြားမှာ စိတ်ကျန်းမာရေးဆိုင်ရာ ပံ့ပိုးကူညီမှုများဟာလည်း ပိုမိုလိုအပ်လို့လာ ပါတယ် " ဟု ဒို့အိမ်အဖွဲ့အစည်းမှ တာဝန်ရှိသူတစ်ဦးက ပြောသည်။

▪️ ထိုပွဲအတွက် လူဦးရေ စုစုပေါင်း (၂၀) ဦးသာ လက်ခံပေးသွားမည်ဖြစ်ကြောင်း သိရသည်။

#YMG/SW #Yangon_Times

#Local_News
Published 14 December 2024

▪️ ထိုင်းနိုင်ငံရောက် မြန်မာနိုင်ငံသားတရားမဝင်လုပ်သားများအတွက် တရားဝင် နေထိုင် အလုပ်လုပ်ခွင့်ကတ် ပန်းရောင်ကတ် (ဘတ်) လျှောက်ထားရန် နာမည်စာရင်း တင်သွင်းခြင်းကို ဒီဇင်ဘာ ၁၆ ရက်နေ့တွင် စတင်လက်ခံမည်ဖြစ်ကြောင်း ဗန်ကောက်မြို့ရှိ မြန်မာသံရုံးက ထုတ်ပြန်လိုက်သည်။

▪️ အမည်စာရင်း (Name List) တင်သွင်းခြင်းကို ဒီဇင်ဘာ ၁၆ ရက်မှ ၃၀ ရက်အထိ ၁၅ ရက်အထိ လက်ခံမည်ဖြစ်ပြီး ဒုတိယအဆင့် အလုပ်လုပ်ကိုင်ခွင့် (ပါမစ်) လျှောက်လွှာတင်သွင်းရာတွင် ကျန်းမာရေးစစ်ဆေးမှု ခံယူရန်လိုကြောင်း၊ တရားဝင် ကျန်းမာရေးလက်မှတ်နှင့် ကျန်းမာရေးအာမခံ စာရင်းသွင်းအထောက်အထားတို့ကို ပူးတွဲ၍ တင်သွင်းရမည်ဖြစ်ပြီး မည်သည့်အစိုးရဆေးရုံ၌မဆို၊ သို့မဟုတ် အလုပ်အ ကိုင်ဦးစီးဌာန မှ ခွင့်ပြုကြေငြာထားသည့် ပုဂ္ဂလိကကျန်းမာရေးစောင့်ရှောက်မှုဌာနတွင် ကျန်းမာရေး စစ်ဆေးမှုခံယူနိုင်ကြောင်း၊ ထိုအဆင့်ပြီးပါက အလုပ်လုပ်ကိုင်ခွင့်ပါမစ် လျှောက်ထားခြင်းကို ဒီဇင်ဘာ ၃၁ ရက်မှ ၂၀၂၅ ခုနှစ် မတ်လ ၃၀ ရက်နေ့အထိ ဆောင်ရွက်ပေးသွားမည်ဖြစ်ကြောင်း သိရသည်။

▪️ ထို့နောက် စာရွက်စာတမ်းပြန်လည်သုံးသပ်ခြင်းနှင့် အလုပ်ခွင့်ပြုချက်လုပ်ငန်းစဉ် ကာလကို ရက် ၃၀ ကြာဆောင်ရွက်မည်ဖြစ်ပြီး ဇီဝဆိုင်ရာ အချက်အလက် (Biometric Data) စုဆောင်းခြင်းကို မတ်လ ၃၁ ရက်နေ့မှ စတင်ပြီး ရက် ၉၀ ကြာ ပြုလုပ်သွားမည်ဖြစ်ကြောင်း၊ ကိုယ်ရေးကိုယ်တာမှတ်တမ်းများ မှတ်ပုံတင်ခြင်းကို အလုပ်ပါမစ် သက်တမ်း ၁ နှစ်အတွင်း ဆောင်ရွက်ရမည်ဖြစ်ကြောင်း သိရသည်။

#YMG/SW #Yangon_Times

အခု ၂၀၂၄-၂၀၂၅  ကြံကြိတ်ခွဲရာသီ၌ ကြံတစ်တန်ဈေးနှုန်းတွေ စံချိန်တင်ရရှိနေတယ်လို့ မြန်မာနိုင်ငံသကြားနှင့်ကြံထွက်ပစ္စည်းလုပ်ငန်းရှင်များအသင်းက သိရပါတယ်။
#Local_News
Published 14 December 2024
#ကြံကြိတ်ခွဲရာသီ #ကြံထွက်ပစ္စည်း
#YMG/NN #Yangon_Times

လက်ရှိမှာရွှေဈေးကွက်အတွင်း အရောင်းအဝယ်အေးနေပြီး ရွှေဈေးနှုန်းတွေ ထပ်မံကျဆင်းဖို့ရှိတယ်လို့ ရန်ကုန်တိုင်းဒေသကြီး ရွှေလုပ်ငန်းရှင်များအသင်းဥက္ကဌဦးမျိုးမြင့်က ပြောပါတယ်။
#Local_News
Published 14 December 2024
#ရွှေဈေးကွက်အေးနေ #ရွှေလုပ်ငန်းရှင်များအသင်း
#YMG/SW #Yangon_Times

မြန်မာ့ပြောင်းကို အိန္ဒိယ၊ ဖိလစ်ပိုင်အပါအဝင်ကုန်သည်ချင်း ချိတ်ဆက်ထားတဲ့ နိုင်ငံတွေကိုပါ တင်ပို့နေတာကြောင့် ပြောင်းဈေးအတက်ဘက်မှာသာရှိနေတယ်လို့ မြန်မာနိုင်ငံပြောင်းလုပ်ငန်းအသင်းက သိရပါတယ်။
#Local_News
Published 14 December 2024
#အိန္ဒိယနှင့်ဖိလစ်ပိုင် #ပြောင်းဈေးတက်
#YMG/NN #Yangon_Times

မြန်မာနိုင်ငံသားတွေအနေနဲ့ ထိုင်းနိုင်ငံကို သွားရောက်ဖို့ ထိုင်းဗီဇာလျှောက်ထားရာမှာ e-Visa စနစ်သစ်နဲ့ ပြောင်းလဲလျှောက်ထားရမယ်လို့ မြန်မာနိုင်ငံဆိုင်ရာ ထိုင်းသံရုံးက ထုတ်ပြန်ထားပါတယ်။
#Local_News
Published 14 December 2024
#e-Visa(အွန်လိုင်း) #ထိုင်းဗီဇာ
#YMG/SW #Yangon_Times

#Local_News
Published 14 December 2024

▪️ ၂၀၂၅ အာရှဖလား အမျိုးသမီးဖူဆယ် ( AFC  Women's Futsal Asian  Cup 2025)ပြိုင်ပွဲအကြို ပြင်ဆင်မှုအနေဖြင့် ဒီဇင်ဘာ ၁၅ ရက်မှစတင်၍  စခန်းသွင်း လေ့ကျင့်မှုများနှင့် ခြေစမ်းပွဲယှဉ်ပြိုင်ကစားခြင်းများ ပြုလုပ်သွားမည်ဖြစ်ကြောင်းသိရသည်။

▪️ အဆိုပါ မြန်မာ့လက်ရွေးစင် အမျိုးသမီးဖူဆယ် အသင်းသည် လာမည့် ၂၀၂၅  ၊ ဇန်နဝါရီ ၁၅ မှ ၁၉ ရက်အထိ မြန်မာနိုင်ငံက အိမ်ရှင်အဖြစ်လက်ခံကျင်းပမည့် 2025 AFC Women's Futsal Asian Cup qualification ကို ဝင်ရောက် ယှဉ်ပြိုင်မည်ဖြစ်ရာ ပြိုင်ပွဲအကြိုပြင်ဆင်မှုအနေဖြင့် ဒီဇင်ဘာ ၁၅ ရက် မှ စတင်၍  စခန်းသွင်း လေ့ကျင့်မှုများ၊ ခြေစမ်းပွဲယှဉ်ပြိုင်ကစားခြင်းများ ပြုလုပ်သွားမည်ဖြစ်သည်။

▪️ မြန်မာ့လက်ရွေးစင် အမျိုးသမီးဖူဆယ် အသင်းတွင် အုပ်ချုပ်/နည်းပြ ၁၁ ဦး၊ ပဏာမ ကစားသမား ၁၉  ဦးပါဝင်ပြီး ဒီဇင်ဘာ ၁၅ မှ ဇန်နဝါရီ ၂၀ ရက်အထိ သုဝဏ္ဏ ကွင်းအတွင်းရှိ လက်ရွေးစင် ကစားသမားများ အဆောင်တွင် စခန်းသွင်းလေ့ကျင့်မှုများ ပြုလုပ်မည် ဖြစ်သည်။

▪️ မြန်မာ့လက်ရွေးစင် အမျိုးသမီးဖူဆယ် အသင်းသည် ၂၀၂၅ အာရှဖလား အမျိုးသမီးဖူဆယ်ခြေစစ်ပွဲ အုပ်စု( D) တွင် ဗီယက်နမ်၊ တရုတ်တိုင်ပေ၊ မကာအို အသင်းများနှင့် အတူ ကျရောက်နေပြီး ဇန်နဝါရီ ၁၅ ရက်တွင်ဗီယက်နမ်၊  ဇန်နဝါရီ ၁၇ရက်တွင် တရုတ်တိုင်ပေ၊  ဇန်နဝါရီ ၁၉ ရက်တွင် မကာအိုအသင်းတိုနှင့် ယှဉ်ပြိုင်ကစားရမည်ဖြစ် ကြောင်း ၊​ခြေစစ်ပွဲများကို အိမ်ရှင်နိုင်ငံများအဖြစ် မြန်မာ၊ ထိုင်း၊ အင်ဒိုနီးရှားနှင့် ဥဇဘက်ကစ္စတန်တိုတွင် ကျင်းပသွားမည်ဖြစ်ပြီး ၁၉ သင်း ဝင်ရောက်ယှဉ်ပြိုင်မည်ဖြစ်ရာ ၅သင်း ၃ အုပ်စုနှင့် ၄သင်း ၁အုပ်စုခွဲကာ ကျင်းပသွားမည်ဖြစ်ကြောင်း သိရသည်။

▪️ ယင်းအပြင် ခြေစစ်ပွဲ အုပ်စု၄ခုမှ ထိပ်ဆုံးရပ်တည်မှု ၂ သင်းစီ(၈သင်း)နှင့် အုပ်စု၄ခုမှ အကောင်းဆုံး အုပ်စု တတိယရအသင်း စုစုပေါင်း ၉သင်း ခြေစစ်ပွဲ အောင်မြင်မည်ဖြစ်ကြောင်း ၊၂၀၂၅ အာရှဖလား အမျိုးသမီး ဖူဆယ်ပြိုင်ပွဲကို အိမ်ရှင်အဖြစ် လက်ခံကျင်းပမည့် တရုတ်၊  ၂၀၁၈ ပြိုင်ပွဲ ချန်ပီယံ အီရန်နှင့် ဒုတိယရ ဂျပန်တို့မှာ တိုက်ရိုက်ဝင်ခွင့်ရခဲ့ပြီး ခြေစစ်ပွဲအောင် ကိုးသင်း၊ စုစုပေါင်း အသင်း ၁၂ သင်းဖြင့် မေ ၇ မှ ၁၈ ရက်အထိ  ကျင်းပသွားမည်ဖြစ်ကြောင်း သိရသည်။

#YMG/NN #Yangon_Times

#Local_News
Published 14 December 2024

▪️ မြန်မာနိုင်ငံတော်ဗဟိုဘဏ်က  ထိုင်းဘတ်နှင့် တရုတ်ယွမ် ခုနှစ်သိန်း ကျော်ကို ယမန်နေ့က ထုတ်ရောင်းခဲ့ကြောင်း သိရသည်။

▪️ ငွေလဲနှုန်း ၅၃၆ ဒသမ ၈ ကျပ်ဖြင့်  တရုတ်ယွမ် ၃၃၉,၂၉၁ နှင့်  ငွေလဲနှုန်း ၁၂၉ဒသ၅ ကျပ်ဖြင့်  ထိုင်းဘတ် ၄၀၆,၂၅၀ တို့ကို ဒီဇင်ဘာလ ၁၃ ရက်နေ့က ထုတ်ရောင်းပေးခဲ့ခြင်းဖြစ်သည်။

▪️ ထို့အပြင် AD လိုင်စင်ရဘဏ်များနှင့်  လုပ်ငန်းရှင်များအကြား ဒေါ်လာ ၉ဒသမ ၄ သန်းကျော်၊  တရုတ်ယွမ် ၁၁ဒသမ၂ သန်းကျော်နှင့် ထိုင်းဘတ် ၁၄၃ သန်းကျော် အလွှဲအပြောင်းရှိခဲ့ကြောင်း သိရသည်။

#YMG/NN #Yangon_Times

#World_News
Published 14 December 2024

▪️ တရုတ်ကုမ္ပဏီပိုင် TikTokအက်ပလီကေးရှင်း ပိတ်ပင်ခြင်းအပေါ် ပိတ်ဆို့ကန့်ကွက်ပေးရန် တောင်းဆိုမှုကို အမေရိကန် အစိုးရအယူခံတရားရုံးက ဒီဇင်ဘာ(၁၃)ရက်နေ့မှာ ငြင်းဆိုလိုက်ပါတယ်။

▪️ ဒီစီဆားကစ် အယူခံတရားရုံးက TikTokရဲ့ တောင်းဆိုချက်ကို ငြင်းပယ်လိုက်ကာ ဒီလိုပိတ်ဆို့ကန့်ကွက်တာဟာ ခိုင်လုံမှုမရှိဘူးလို့ ပြောပါတယ်။

▪️ အခုဆိုရင် အမေရိကန်မှာ TikTokရဲ့ အနာဂတ်အခြေအနေက စွန့်စားမှုမြင့်မားတဲ့ တရားရုံးချုပ်ဆီ ဦးတည်နေပြီဖြစ်ပါတယ်။

▪️ အမေရိကန်မှာ ဇန်နဝါရီ(၁၉)ရက်နေ့ စတင်အကျုံးဝင်မယ့် ဥပဒေတစ်ခုအရ TikTokကို တရုတ်လူမျိုးမဟုတ်တဲ့ ပိုင်ရှင်ထံ ရောင်းချရမှာဖြစ်ပြီး ဒီလိုမဟုတ်ပါက အမေရိကန်မှာ အပြည့်အဝ ပိတ်ပင်သွားမှာ ဖြစ်ပါတယ်။

▪️ သတ်မှတ်ရက် ကျော်လွန်ပြီးတဲ့အခါ TikTokကို အသုံးပြုခွင့်ပေးနေသေးတဲ့ အမေရိကန်အခြေစိုက် အက်ပ်စတိုးများနဲ့ အင်တာနက်ဝန်ဆောင်မှုပေးသူများကို ဒဏ်ကြေးရိုက်သွားမှာ ဖြစ်ပါတယ်။

▪️ အယူခံတရားရုံးက ခေတ္တဖြေလျှော့ခွင့်မပြုပါက TikTok ဟာ ဒီကိစ္စကို တရားရုံးချုပ်ထံ တိုးမြှင့်တင်ပြသွားဖို့ ရည်ရွယ်နေပါတယ်။

▪️ ဒီတရားရုံးအနေနံ ပိုမိုချင့်ချိန်ပြီး စည်းစနစ်ကျကျ လုပ်ဆောင်နိုင်စေမယ့် ကြားဖြတ်အမိန့်ကို ခွင့်ပြုသင့်တယ်လို့ TikTokရှေ့နေများက တင်သွင်းချက်တွေထဲမှာ ရေးသားထားပါတယ်။

▪️ အယူခံတရားရုံးက ငြင်းပယ်တဲ့အတွက် ဒီကိစ္စကို တရားရုံးချုပ်က ကိုင်တွယ်ရလိမ့်မယ်လို့ ကုမ္ပဏီရှေ့နေတွေ ပြောနေကြပါတယ်။

▪️ သမ္မတဖြစ်လာမယ့် ဒေါ်နယ်ထရမ့်က ထိုသတ်မှတ်ချိန်ကို တိုးချဲ့ခွင့်တစ်ကြိမ် ရှိနေပါတယ်။

▪️ ဘိုင်ဒင်အစိုးရအဖွဲ့ အရာရှိတွေက TikTokကို တရုတ်ကုမ္ပဏီ ပိုင်ဆိုင်တာနဲ့ ပတ်သက်ပြီး နိုင်ငံတော်လုံခြုံရေး စိုးရိမ်မှုတွေကို ချက်ချင်းဖြေရှင်းဖို့ အာရုံစိုက်နေကြပါတယ်။

▪️ TikTokကုမ္ပဏီ ByteDanceက အသုံးပြုသူတွေရဲ့ အချက်အလက်တွေကို တရုတ်အစိုးရထံ ပေးပို့တယ်ဆိုတဲ့ စွပ်စွဲချက်တွေကို ငြင်းပယ်ထားပါတယ်။

#Source: WION