#Local_News
Published 19 July 2024

▪️ Taxi ယာဉ်၊ ကျောင်းကားနဲ့  ၂ တန်နှင့်အထက် အငှားယာဉ်များ အားလုံးသက်တမ်းတိုးရာတွင် ယာဉ်စစ်ဆေးခြင်းကို လာမည့် ဇူလိုင် ၂၂ ရက်မှစတင်၍ ပြန်လည်ဆောင်ရွက်သွားမည်ဖြစ်ကြောင်း ကုန်လမ်းပို့ဆောင်ရေး ညွှန်ကြားမှုဦးစီးဌာန(ကညန)၏ ထုတ်ပြန်ချက်အရ သိရသည်။

▪️ ကုန်းလမ်းပို့ဆောင်ရေးညွှန်ကြားမှုဦးစီးဌာနအနေဖြင့် Road Safety ဖြစ်စေရေး အရေးကြီးသည့် အများပြည်သူ သယ်ယူပို့ဆောင်ရေး ခရီးသည်တင်ယာဉ်များ၊ ယာဉ်မှန်/မမှန်စစ်ဆေးခြင်း၊ ပြောင်းလဲခြင်းများအတွက် ယာဉ်စစ်ဆေးခြင်း၊ နယ်ဝင်ယာဉ်များကို စစ်ဆေးခြင်းနှင့် အကျုံးဝင်သည့် ယာဉ်များကို ယာဉ်စစ်ဆေး၍ အခြားမော်တော်ယာဉ်နှင့် မော်တော်ဆိုင်ကယ်အားလုံးကို ယာဉ်စစ်ဆေးခြင်းမပြုဘဲ နှစ်လဲသက်တမ်းတိုးလုပ်ငန်းများ ဆောင်ရွက်ပေးလျက်ရှိ‌ ကြောင်းသိရသည်။

▪️ ယခုအခါ ၂၀၂၄ ခုနှစ်၊ ဇူလိုင်လ ၂၂ ရက်မှစ၍ အထက်ဖော်ပြပါ ယာဉ်စစ်ဆေးသည့်ယာဉ်များအပြင် Taxi ယာဉ်များအားလုံး၊ School Bus ယာဉ်များအားလုံး၊ ၂ တန်နှင့်အထက် အငှားယာဉ်များအားလုံး သက်တမ်းတိုး မှတ်ပုံတင်လုပ်ငန်းများ ဆောင်ရွက်ရာတွင် ယာဉ်စစ်ဆေးခြင်းကို ပြန်လည်ဆောင်ရွက်သွားမည်ဖြစ်ကြောင်း အသိပေးကြေညာထားသည်။

▪️ ထို့အပြင် သက်တမ်းတိုးခြင်းအတွက် ခရီးလွန်ယာဉ်စစ်ဆေးခြင်းတွင် ရန်ကုန်တိုင်းဒေသကြီးအတွင်းရှိ ရုံးများ၊ မန္တလေးတိုင်းဒေသကြီးအတွင်းရှိ ခရိုင်ရုံး (မန္တလေးတောင်ပိုင်း)နှင့် (မန္တလေးမြောက်ပိုင်း) ရုံးများမှအပ ကျန်ရုံးများအားလုံးတွင် ယာဉ်ပြန်လည်စစ်ဆေးရမည့်ယာဉ်များအနက် သက်တမ်းတိုးယာဉ်များအတွက် ခရီးလွန်ယာဉ်စစ်ဆေးခြင်းအား ဆောင်ရွက်ခွင့်ပြုသွားမည်ဖြစ်‌ ကြောင်းသိရသည်။

▪️ လွိုင်ကော်၊ လားရှိုး၊ ကျောက်မဲ၊ မူဆယ်နှင့် ကော့ကရိတ်ရုံးများတွင် အခြားရုံးများမှ ယာဉ်များအား ခရီးလွန်ယာဉ်စစ်ဆေးခြင်းနှင့် ၎င်းရုံးများ၏ မှတ်ပုံတင်ယာဉ်များအား အခြားရုံးများ၌ ခရီးလွန်ယာဉ်စစ်ဆေးခြင်းတို့အား ဆောင်ရွက်ခွင့်မပြုကြောင်း ထုတ်ပြန်ချက်၌ဖော်ပြထားသည်။

▪️ ကိုယ်ပိုင်လူစီးမော်တော်ယာဉ်များ၊ ၂ တန်အောက်လုပ်ငန်းသုံးယာဉ်များ၊ မော်တော်ဆိုင်ကယ်များ၊ သုံးဘီးဆိုင်ကယ်နှင့် ထရော်လာဂျီယာဉ်များအားလုံးကို ၂၀၂၄ ခုနှစ်၊ စက်တင်ဘာ ၃၀ ရက်ထိ ယာဉ်စစ်ဆေးခြင်း မပြုဘဲမှတ်တမ်းနှင့် တိုက်ဆိုင်စိစစ်၍ ယာဉ်စစ်ဆေးခြင်းကင်းလွတ်ဖြင့် ဆက်လက်သက်တမ်းတိုး ဆောင်ရွက်ပေးသွားမည်ဖြစ်‌ ကြောင်း၊မော်တော်ဆိုင်ကယ်၊ သုံးဘီးဆိုင်ကယ်နှင့် ထရော်လာဂျီယာဉ်များ နယ်ဝင်/ နယ်ထွက် မှတ်ပုံတင်လုပ်ငန်း ဆောင်ရွက်ခြင်းများကို ယာဉ်စစ်ဆေးခြင်းကင်းလွတ်ဖြင့် ဆက်လက်ဆောင်ရွက်ပေးသွားမည်ဖြစ်ကြောင်း သိရသည်။

#YMG/NN #Yangon_Times

#Local_News
Published 19 July 2024

▪️ အာဆီယံချန်ပီယံရှစ်ပြိုင်ပွဲတွင် မြန်မာယူ-၁၉ အသင်းသည် ဗီယက်နမ်ယူ-၁၉အသင်းနှင့် ဇူလိုင် (၁၈)ရက်တွင် ပွဲဦးထွက်ယှဉ်ပြိုင်ခဲ့ပြီး(၁)ဂိုး-(၁)ဂိုး သရေရလဒ်ရလဒ်ရခဲ့ကြောင်း မြန်မာနိုင်ငံဘောလုံးအဖွဲ့ချုပ်မှ သိရသည်။

▪️ မြန်မာအသင်းသည် အသင်းကြီးများဖြင့် တစ်အုပ်စုတည်းကျခဲ့ပြီး ပွဲကြပ်ခဲ့‌ပေမည့် တစ်ဂိုးစီနှင့် သရေရခဲ့ကြောင်းနှင့် Myanmar အတွက်Phyo Pyae Sone (59') နှင့်Vietnamအတွက်  Hong Quang Dung (68')တို့မှ တစ်ဂိုးစီသွင်းခဲ့သည် ဟုဆိုသည်။

▪️ အာဆီယံချန်ပီယံရှစ်ပြိုင်ပွဲဝင်ရန် မြန်မာယူ-၁၉ အသင်းဟာအာဆီယံချန်ပီယံရှစ်ပြိုင်ပွဲ2024 AFF U-19 Boys Championship ပြိုင်ပွဲကျင်းပမည့်အင်ဒိုနီးရှားနိုင်ငံ၊ ဆူရာဘာယားမြို့၌ ယှဉ်ပြိုင်ကစားရမည်ဖြစ်ကြောင်း သိရသည်။

#tthl #Yangon_Times

#World_News
Published 19 July 2024

▪️ ဘင်္ဂလားဒေ့ရှ်မှာ အရပ်ဘက်အစိုးရအမှုထမ်း ခန့်ထားရေးစည်းမျဉ်းများကို ဆန့်ကျင်တဲ့အနေနဲ့ ဆန္ဒပြမှုများ ပိုမိုပြုလုပ်လာကြပြီး ကျောင်းသားတွေက နိုင်ငံပိုင်ရုပ်သံလွှင့်ဌာနကို ကြာသပတေးနေ့က မီးရှို့ခဲ့ကြပါတယ်။

▪️ ဆန္ဒပြမှုများကြောင့် အနည်းဆုံးလူ ၃၉ ဦးသေဆုံးကာ အာဏာပိုင်တွေက အင်တာနက် လုံးဝပြတ်တောက်လုနီးပါးဖြစ်အောင် ကန့်သတ်လိုက်ပါတယ်။

▪️ ပြန်လည်ခုခံတိုက်ခိုက်တဲ့ ဆန္ဒပြသူအများအပြားနဲ့ မြို့တော်ဒါကာရှိ ဘင်္ဂလားဒေ့ရှ်ရုပ်သံ(BTV)ရုံးချုပ်သို့ ထွက်ပြေးလာတဲ့ အရာရှိများနောက် လိုက်လာတဲ့သူများကို ရဲတွေက ရော်ဘာကျည်ဆံများဖြင့် ပစ်ခတ်ခဲ့ပါတယ်။

▪️ ဆန္ဒပြသူများက ရုပ်သံလွှင့်ဌာန အဆောက်အအုံနဲ့ အပြင်မှာ ရပ်ထားတဲ့ကားတွေကို မီးရှို့ခဲ့ကြကာ ဝန်ထမ်းတွေကတော့ အဆောက်အအုံကနေ ဘေးကင်းစွာ ထွက်ပြေးနိုင်ခဲ့တယ်လို့ ဌာနအမှုဆောင်တစ်ဦးက AFP ကိုပြောကြားခဲ့ပါတယ်။

▪️ ထိုနေ့မတိုင်ခင်က ဝန်ကြီးချုပ် ရှိတ်ခ်ဟာဆီနာက ခိုက်ရန်ဖြစ်ပွားမှုများကို လျှော့ချထိန်းသိမ်းဖို့ နိုင်ငံတော်မိန့်ခွန်း ပြောကြားခဲ့ပါသေးတယ်။

▪️ အသက် ၁၈ နှစ်ရှိ ဆန္ဒပြသူ ဘီဒီရှာရင်မ်ဂျင်မ်က 'ပထမဆုံးဖြစ်ချင်တာက ဝန်ကြီးချုပ်အနေနဲ့ တောင်းပန်ရမှာဖြစ်ပြီး နောက်တစ်ချက်က အသတ်ခံရတဲ့ ညီအစ်ကိုမောင်နှမတွေအတွက် တရားမျှတအောင် လုပ်ပေးရမယ်'လို့ AFP ကိုပြောပြပါတယ်။

▪️ ဆန္ဒပြမှုများရဲ့ အဓိကဆက်သွယ်ရေးကဏ္ဍဖြစ်တဲ့ ဆိုရှယ်မီဒီယာများနဲ့ မိုဘိုင်းအင်တာနက်များကို ကန့်သတ်ထိန်းချုပ်ခဲ့ကြတယ်လို့ အင်တာနက်ပြတ်တောက်မှု စောင့်ကြည့်ရေးအဖွဲ့ NetBlocks က ပြောပါတယ်။

▪️ ၁၉၇၁ ပါကစ္စတန်နဲ့ တိုက်ခိုက်တဲ့ လွတ်မြောက်ရေးစစ်ပွဲမှာ ပါဝင်ခဲ့တဲ့ စစ်မှုထမ်းဟောင်းတွေရဲ့ ကလေးတွေ အပါအဝင် အချို့သောသူတွေအတွက် အရပ်ဘက်အမှုထမ်းနေရာ တဝက်ကျော်သတ်မှတ်ထားတဲ့ ခွဲတမ်းစနစ် အဆုံးသတ်ရေး အလိုရှိကြောင်း ယခုလအတွင်း နေ့စဉ်နီးပါး ဆန္ဒထုတ်ဖော်နေကြတာ ဖြစ်ပါတယ်။

▪️ ထိုစနစ်ဟာ အစိုးရလိုလားပြီး ထောက်ခံတဲ့ သူတွေအတွက်သာ အခွင့်ထူးရစေတယ်လို့ ဝေဖန်သုံးသပ်သူများက ဆိုပါတယ်။

▪️ အသက် ၇၆ နှစ်ရှိ ဟာဆီနာက ၂၀၀၉ ခုနှစ်ကတည်းက ဘင်္ဂလားဒေ့ရှ်ကို အုပ်ချုပ်နေပြီး ဇန်နဝါရီလကလည်း ၄ ကြိမ်ဆက်တိုက် ရွေးကောက်ပွဲအနိုင်ရခဲ့ပါတယ်။

▪️ ဟာဆီနာအစိုးရက အာဏာဆက်လက် ထိန်းချုပ်နိုင်ရန် အခြေခံဥပဒေများကို အလွဲသုံးစားလုပ်ခြင်း၊ အစိုးရအတိုက်အခံ လှုပ်ရှားသူများကို ဥပဒေပြင်ပ သတ်ဖြတ်ခြင်းအပါအဝင် သဘောထားကွဲလွဲမှုများကို သုတ်သင်ခြင်းများ ပြုလုပ်တယ်ဆိုပြီး အခွင့်အရေးစောင့်ကြည့်ရေးအဖွဲ့များ စွပ်စွဲနေကြပါတယ်။

▪️ ကျောင်းသားတွေက တိုင်းပြည်ရဲ့ ချုပ်ချယ်မှုစနစ်ကြီးကို ဆန့်ကျင်နေကြတာဖြစ်ပြီး ဟာဆီနာကို အာဏာရှင်လို့ပင် ခေါ်ဝေါ်နေကြကြောင်း နော်ဝေးရှိ အော့စလိုတက္ကသိုလ်မှ ဘင်္ဂလားဒေ့ရှ်ကျွမ်းကျင်သူ မူဘာရှာဟာဆန်က ပြောသွားပါတယ်။

▪️ ဟာဆီနာက အခြေအနေများကို ထိန်းသိမ်းကြဖို့ BTV ကနေ ပြောကြားခဲ့ပေမယ့် ရဲတွေက ရော်ဘာကျည်များ၊ မျက်ရည်ယိုဗုံးများဖြင့် ဆန္ဒပြသူများကို ထပ်မံဖြိုခွဲခဲ့ကြပါတယ်။

▪️ ကြာသပတေးနေ့အထိ အနည်းဆုံးလူ ၃၂ ဦးသေဆုံးကာ ၅ ဦးက သေနတ်ဒဏ်ရာများ ရခဲ့တယ်လို့ ဒါကာ ဥတ္တရာခရက်ဆန့်ဆေးရုံမှ အရာရှိတစ်ဦးက ပြောပါတယ်။

▪️ တိုက်ခိုက်မှုများကြောင့် ဆေးရုံတက်ကုသနေရသူပေါင်း ၁ ထောင်နီးပါးရှိနေပါတယ်။

▪️ ဒါကာတိုင်းမ်စ် သတင်းဌာနမှ သတင်းထောက် မက်ဟယ်ဒီဟာဆန်ဟာ တိုက်ခိုက်မှုများအတွင်း သေဆုံးသွားခဲ့တယ်လို့ သိရပါတယ်။

▪️ ဆန္ဒပြသူတွေက နိုင်ငံတော်ကပ်ဘေး ထိန်းသိမ်းရေးဌာနဝင်ပေါက်ရှိ ကားတွေကိုလည်း မီးရှို့ခဲ့ပါတယ်။

▪️ အကြမ်းဖက်မှုတွေက ပြဿနာဖြေရှင်းရာမရောက်ဘူးလို့ ကုလသမဂ္ဂ ပြောရေးဆိုခွင့်ရှိသူ စတီဖင်ဒူဂျာရစ်က ဆိုလိုက်ကာ နှစ်ဖက်စလုံးအနေဖြင့် ထိန်းသိမ်းအလျှော့ပေးကြဖို့ တောင်းဆိုလိုက်ပါတယ်။

#Source: France 24

#World_Health
Published 19 July 2024

▪️ အော်တစ်ဇင်လက္ခဏာ ဖြစ်ပွားမှုနှုန်းက ကမ္ဘာပေါ်မှာရော အစ္စရေးလ်မှာပါ မြင့်တက်နေတာကြောင့် သုတေသီတွေက ရောဂါဖြစ်ရတဲ့ အကြောင်းအရာတွေကို ဆက်လက်ဆန်းစစ်နေကြပါတယ်။

▪️ လေ့လာချက်အသစ်တစ်ခုအရ မျိုးဗီဇရင်းမြစ်တစ်ခုကြောင့် ဖြစ်ဖွယ်ရှိတယ်လို့ ဖော်ပြထားပါတယ်။

▪️ မိသားစုထဲက မွေးချင်းတစ်ဦးမှာ အော်တစ်ဇင်လက္ခဏာဖြစ်ရင် ကျန်တဲ့မွေးချင်းမှာလည်း ဖြစ်နိုင်ခြေများတယ်လို့ သုတေသီများ တွေ့ရှိခဲ့ပါတယ်။

▪️ ပြီးခဲ့တဲ့ ဆယ်စုနှစ်အတွင်း အော်တစ်ဇင်ဖြစ်ပွားမှုက လူ ၃၆ ဦးမှာ ၁ ဦးနှုန်းအထိမြင့်တက်လာပြီး ဒီလိုဖြစ်ရတဲ့ အကြောင်းအရင်းတွေကို ကမ္ဘာတဝှမ်းက သိပ္ပံပညာရှင်တွေ အဖြေရှာနေကြပါတယ်။

▪️ လက်ရှိသုံးသပ်ချက်များအရ ဖခင်ရဲ့အသက်အရွယ် ကြီးလာတာနဲ့ သက်ဆိုင်နေပြီး အထူးသဖြင့် အသက် ၅၀ အရွယ်တွေ ဖြစ်ပါတယ်။

▪️ အော်တစ်ဇင်ဝေဒနာဆိုတာဟာ လူနာက ပတ်ဝန်းကျင် အသိုင်းအဝိုင်းနဲ့ တုန့်ပြန်ဆက်ဆံနိုင်စွမ်း အားနည်းတဲ့ အခြေအနေတစ်မျိုး ဖြစ်ပြီး အစ္စရေးလ်ရှိ ကလေး ၂၀၀ မှာ တစ်ယောက်နှုန်း ဖြစ်ပွားနေကာ၈၀ ရာခိုင်နှုန်းက ယောကျ်ားလေးတွေ ဖြစ်ပါတယ်။

▪️ ထိုလက္ခဏာတွေကို အသက် ၂ နှစ်ခန့်မှာ တွေ့ရှိတတ်ကြပြီး လူမှုပေါင်းသင်းရေး မပြုလုပ်နိုင်ကာ မျက်လုံးချင်း မကြည့်နိုင်ခြင်း၊ နားလည်သဘောပေါက်ရန် ခက်ခဲခြင်း၊ စိတ်ခံစားချက်များကို မတုန့်ပြန်နိုင်ခြင်း၊ တစ်ဦးတည်းနေထိုင်လိုခြင်း၊ ပြောင်းလဲနိုင်စွမ်းမရှိခြင်းတို့ ခံစားရတတ်ပါတယ်။

▪️ အော်တစ်ဇင်အမျိုးသမီးတွေရဲ့ မွေးချင်းအငယ်တွေဟာ အော်တစ်ဇင်ဖြစ်နိုင်ခြေ ၃၄.၇ ရာခိုင်နှုန်းရှိပြီး အော်တစ်ဇင်အမျိုးသားတွေရဲ့ မွေးချင်းအငယ်တွေကတော့ ၂၂.၂ ရာခိုင်နှုန်းရှိပါတယ်။

▪️ မိခင်ရဲ့ ပညာရေးကလည်း သက်ရောက်နေပြီး ပညာရေးနိမ့်ပါးတဲ့ မိခင်တွေမှာ မွေးချင်း ၂ ယောက်ရှိရင် အော်တစ်ဇင်ဖြစ်နိုင်ခြေ ၃၂.၆ ရာခိုင်နှုန်းရှိပြီး ဘွဲ့ရမိခင်တွေမှာတော့ အော်တစ်ဇင်ကလေးဖြစ်နိုင်ခြေ ၂၅.၅ ရာခိုင်နှုန်းရှိပါတယ်။

▪️ အော်တစ်ဇင်လက္ခဏာတစ်မျိုးမျိုး သတိထားမိရင် အထူးကုနဲ့ ပြသဖို့အကြံပြုထားပြီး စောစီးစွာ တွေ့ရှိပါက လက်ကျန်ဘဝတွေမှာ သက်ရောက်မှုတွေကို လွှမ်းမိုးနိုင်လိမ့်မယ်လို့ ဆိုပါတယ်။

#Source: The Jerusalem Post

#World_Health
Published 19 July 2024

▪️ ကျန်းမာစွာဖြင့် အသက်ရှည်နေထိုင်နိုင်ဖို့ အထောက်အကူ ပေးတဲ့အရာတွေက ဘယ်တော့မှ ပြီးဆုံးတယ်မရှိပါဘူး။

▪️ အခုဆိုရင်လည်း ဆရာဝန်တွေက အသက်ရှည်ကျန်းမာပြီး နှစ်ခြိုက်စွာ အိပ်ပျော်နိုင်ရန် သုံးစွဲကြည့်သင့်တဲ့ ဖြည့်စွက်အားဆေး ၁၂ မျိုးကို မျှဝေသွားပါတယ်။

▪️ (၁) ဗိုက်တာမင်-ဒီ : နေရောင်ခြည်မှရတဲ့ ဗိုက်တာမင်ဓာတ်ဖြစ်ပြီး ကိုယ်ခံအားစနစ်ကို ထောက်ပံ့ပေးတဲ့အပြင် ဦးနှောက်ကျန်းမာရေးအတွက်လည်း အရေးပါပါတယ်။

▪️ (၂) အိုမီဂါ၃ : ငါးကြီးဆီမှရတဲ့ အိုမီဂါ၃က ရောင်ရမ်းခြင်းကို သက်သာစေပြီး ဟော်မုန်းတွေကို ထိန်းညှိပေးပါတယ်။

▪️ (၃) မဂ္ဂနီဆီယံ : ဓမ္မတာလာချိန် ကြွက်တက်ခြင်းနဲ့ ကြွက်သားကိုက်ခဲခြင်းတို့ကို သက်သာစေပြီး အိပ်စက်မှုကိုလည်း ကူညီပေးပါတယ်။

▪️ (၄) ဇင့် : အသားကြီး၊ သီဟိုဠ်စေ့၊ ဂုံးကမာကောင်တို့မှာ တွေ့ရတဲ့ ဇင့်ဓာတ်က ကိုယ်ခံအားစနစ်ကို ထောက်ပံ့ပေးပြီး အအေးမိခြင်းကို အချိန်တိုအတွင်း သက်သာစေပါတယ်။

▪️ (၅) ဗိုက်တာမင်-ဘီအုပ်စု : ဗိုက်တာမင်ဓာတ် ၈ မျိုးပါဝင်ကာ စွမ်းအင်ထုတ်လုပ်ပေးခြင်း၊ သွေးတွင်းသကြားဓာတ် ထိန်းညှိပေးခြင်း၊ အသည်းအဆိပ်ထုတ်ပေးခြင်းတို့ ပြုလုပ်ပေးပါတယ်။

▪️ (၆) အိန္ဒိယဂျင်ဆင်း : အာရှနဲ့ အာဖရိကဒေသထွက် ဆေးပင်တစ်မျိုးဖြစ်ပြီး ဖိစီးမှုများ လျှော့ချပေးကာ စိတ်အခြေအနေ တိုးတက်စေပါတယ်။

▪️ (၇) ဗိုက်တာမင်-စီ : ကိုယ်ခံအားအတွက် အရေးကြီးသလို ဆဲလ်ကျန်းမာရေး၊ အရေပြား အရိုး အရိုးနုတို့ကို ထိန်းသိမ်းပေးကာ ဒဏ်ရာကျက်ခြင်းတို့ကို ကူညီပေးပါတယ်။

▪️ (၈) ဆယ်လီနီယံ : ဘရာဇီးလ်အခွံမာသီး၊ အတွင်းအင်္ဂါ၊ ပင်လယ်စာ၊ ဂျုံစပါး၊ နို့ထွက်ပစ္စည်းတို့မှာ တွေ့ရပြီး ရောဂါကူးစက်မှုများမှ ကာကွယ်ပေးပါတယ်။

▪️(၉) ခရိုမီယံ : သွေးတွင်းသကြားဓာတ်ကို ထိန်းသိမ်းပေးပြီး ကာဗိုဟိုက်ဒရိတ်များနဲ့ အချိုစာ စားချင်စိတ်တို့ကို ထိန်းချုပ်ပေးပါတယ်။

▪️ (၁၀) ဂျင်ဂို : တရုတ်တိုင်းရင်းဆေးလက်စွဲဖြစ်ပြီး ရင်ကြပ်၊ လည်ချောင်းရောင်၊ နွမ်းနယ်ခြင်းတို့ကို ကုသရာမှာ အသုံးပြုပါတယ်။

▪️ (၁၁) ခြင်္သေ့လည်ဆံမှို : မှတ်ဉာဏ်နဲ့ အာရုံစူးစိုက်မှုကို မြှင့်တင်ပေးနိုင်ကြောင်း အထောက်အထား တွေ့ရှိထားပါတယ်။

▪️(၁၂) ကြက်သွန်ဖြူ : နှလုံးကျန်းမာရေးနဲ့ ဖျားနာခြင်းများအတွက် ကြက်သွန်ဖြူကို အကြံပြုထားကြပါတယ်။

#Source: New York Post

ပါရီအိုလံပစ်ပြိုင်ပွဲ၌ တရုတ်နိုင်ငံမှ 8K UHD ရုပ်သံအမျိုးအစားဖြင့် တိုက်ရိုက်ထုတ်လွှင့်ယာဉ်များ ပါရီသို့ရောက်ရှိ

ပဲရစ်အိုလံပစ်အားကစားပြိုင်ပွဲမှာ 8K အလွန်ကြည်လင်ပြတ်သားရုပ်သံ(UHD)ဖြင့် တိုက်ရိုက်ထုတ်လွှင့်ပြသမယ့် တရုတ်မီဒီယာဂရု(CMG)မှကားတွေဟာ ပဲရစ်မြိုသို တနင်္လာနေ့မွန်းလွဲပိုင်းမှာ ရောက်ရှိလာပါတယ်။
#World_News
Published 18 July 2024
#8K UHD ရုပ်သံအမျိုးအစား #ပါရီအိုလံပစ်ပြိုင်ပွဲ
#YMG #Yangon_Times #Yangon_Media_Group

#Daily_News
Published 18 July 2024

၁။ သင်္ဘောသားဖြစ်ချင်သူများအတွက် ဩဂုတ်လထဲတွင် ကုန်းပတ်သင်တန်းအခမဲ့ထပ်ဖွင့်မည်

၂။ နိုင်ငံကျော်တေးသံရှင် ရှမ်းတိုင်းရင်းသားအနုပညာရှင်ကြီး စိုင်းဆိုင်မောဝ်ကိုဇူလိုင်(၂၀)ရက်၌ သဂြိုဟ်မည်

၃။ လူဦးရေတစ်သောင်းခန့် ပါဝင်ဆင်နွှဲနိုင်မည့် ရွေ့လျားဈေးရောင်းပွဲတော် ရန်ကုန်တိရစ္ဆာန် ဥယျာဉ်၌ပြုလုပ်မည်

၄။ ပါရီအိုလံပစ်ပြိုင်ပွဲ၌ တရုတ်နိုင်ငံမှ 8K UHDရုပ်သံအမျိုးအစားဖြင့် တိုက်ရိုက်ထုတ်လွှင့်ယာဉ်များ ပါရီသို့ရောက်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

မနက်ဖြန် ဇူလိုင်(၁၉)ရက်မှာ (၇၇)နှစ်မြောက် အာဇာနည်နေ့အခမ်းအနားကို ရုပ်သံနှင့်ရေဒီယိုများမှ တိုက်ရိုက်ထုတ်လွှင့်‌ပေးမှာဖြစ်သလို အလံတစ်ဝက်လွှင့်ထူဖို့နဲ့ မနက်(၁၀)နာရီ(၃၇)မိနစ်မှာဥဩဆွဲပြီး အလေးပြုကြဖို့ တိုက်တွန်းနှိးဆော်ထားတယ်လို့ သိရပါတယ်။
#Local_News
Published 18 July 2024
#အာဇာနည်‌နေ့အခမ်းအနား #ရုပ်သံနှင့်ရေဒီယို
#tthl #Yangon_Times

ဧရာဝတီတိုင်းဒေသကြီးရှိ အင်္ဂပူ၊ညောင်တုန်းနဲ့မအူပင်မြို့နယ်တွေမှာ မြစ်ရေတက်တာ‌တွေရှိလာတာကြောင့် ကူညီကယ်ဆယ်ရေး‌တွေ ပြုလုပ်နေရတယ်လို့ မြန်မာနိုင်ငံမီးသတ်တပ်ဖွဲ့က သိရပါတယ်။
#Local_News
Published 18 July 2024
#မြို့နယ်အချို့မြစ်ရေတက် #ညောင်တုန်းနဲ့မအူပင်
#NN #Yangon_Times

#Local_News
Published 18 July 2024

▪️ မြန်မာ့ရက်ကန်းလက်မှုအနုပညာ အထူးပြပွဲကို နေပြည်တော်ရှိ အမျိုးသားပြတိုက်၌အခမဲ့ဖွင့်လှစ်ပြသပေးနေကြောင်း သာသနာရေးနှင့်ယဉ်ကျေးမှုဝန်ကြီးဌာနမှ သိရသည်။

▪️ အဆိုပါ အမျိုးသားပြတိုက်(နေပြည်တော်)၏  (၉) နှစ်ပြည့်အထိမ်းအမှတ် မြန်မာ့ရက်ကန်းလက်မှုအနုပညာအထူးပြပွဲ ဖွင့်လှစ်ပြသခြင်းအား ဇူလိုင်လ ၁၆ ရက်မှ ၂၈ ရက်အထိ ၁၀ ရက် ကြာ အခမဲ့ဖွင့်လှစ်ပြသပေးနေ ခြင်းဖြစ်ကြောင်း သိရသည်။

▪️ ထို့အပြင် ပြပွဲတွင် မြန်မာ့ရိုးရာရက်ကန်းများ ရက်လုပ်ပုံအဆင့်ဆင့်နှင့် အချိပ်ဒီဇိုင်းများ၊ ပုဂံခေတ်နံရံဆေးရေးပန်းချီ ရေးဆွဲခဲ့တဲ့ အဝတ်စများ၊ ခေတ်အဆက်ဆက် ဝတ်စားဆင်ယင်မှုပြ ရုပ်တု၊ ရုပ်လုံးများ၊ မြန်မာနိုင်ငံရှိ တိုင်းရင်းသားလူမျိုးကြီး ၈ မျိုးရဲ့ ဝတ်စားဆင်ယင်မှုများ၊ ကြာချည်ရက်လုပ်ပုံများ၊ Eco Print နှင့် ပြုလုပ်ထားသည့် အဝတ်အထည်များကို ပြသသွားမည်ဖြစ်ကြောင်း သိရသည်။

▪️ ရှေးဟောင်းသုတေသနနှင့် အမျိုးသားပြတိုက်ဦးစီးဌာန၏ တူးဖော်တွေ့ရှိမှု အထောက်အထားများအရ မြန်မာ နိုင်ငံတွင်  လွန်ခဲ့သောနှစ်ပေါင်း နှစ်ထောင့်ငါးရာ-သုံးထောင်ခန့်ကပေါ်ထွန်းခဲ့သည့်  ကြေးခေတ်၊ သံခေတ်ထွန်းကားခဲ့သည့် လူမျိုးစုအဖွဲ့အစည်းများမှာ ချည်ထည်များကို ရက်လုပ်သုံးစွဲခဲ့ကြသည့်  အထောက်အထားပြကွက်၊ ပျူခေတ်တွင်  တွေ့ရှိရသော ဝတ်စားဆင်ယင်မှု အထောက်အထားများအရ ချည်ထည်ရက်လုပ်သုံးစွဲမှု တိုးတက်ထွန်းကားလာခဲ့သည့်  အထောက်အထားများ ပြကွက်၊ ပုဂံခေတ်အဝတ်ပန်းချီများ၊ နံရံပန်းချီများမှ တွေ့ရှိရသော မြန်မာ့ရိုးရာချည်ထည် ရက်လုပ်သုံးစွဲမှု အဆင့်ဆင့်ပြကွက်များ၊ အချိပ်ဒီဇိုင်းများ၊ ကြာချည်ရက်လုပ်ပုံများ၊ စာစည်းကြိုးများ၊ ပျူခေတ်၊ ပုဂံခေတ်၊ ပင်းယ၊ အင်းဝနှင့် ရတနာပုံခေတ်အဆက်ဆက် ဝတ်စားဆင်ယင်မှုပြ ရုပ်တု၊ ရုပ်လုံးရုပ်ကြွများ၊ မြန်မာနိုင်ငံရှိ တိုင်းရင်းသားလူမျိုးကြီး ၈ မျိုးတို့ရဲ့ ဝတ်စားဆင်ယင်မှု ပြသထားသည့်  ပြကွက်များပြသထားကြောင်း၊ အမျိုးသားပြတိုက် (နေပြည်တော်)တွင်  အဆောင် ၅ ဆောင် ပါဝင်ကာ ပြခန်း ၁၃ ခန်းကို အများပြည်သူကို ဖွင့်လှစ်ပြသလျက်ရှိကြောင်း သိရသည်။

#NN #Yangon_Times

#Local_News
Published 18 July 2024

▪️ ဧရာဝတီမြစ်၊ ငဝန်မြစ်၊ တိုးမြစ်များ မြစ်ရေဆက်ကြီးနေ၍မြို့(၆)မြို့သတိထားရန်လိုအပ်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရသည်။

▪️ ဧရာဝတီမြစ်ရေသည် ဆိပ်သာ၊ ဟင်္သာတ၊ ဇလွန်မြို့တို့တွင် ဆက်တိုးဖို့ရှိပြီး ငဝန်မြစ်သည် ငါးသိုင်းချောင်းနှင့် သာပေါင်းမြို့၊ တိုးမြစ်သည် မအူပင်မြို့တို့တွင် ‌မြစ်ရေများထပ်တိုးမည်ဖြစ်ပြီး ရက်ပိုင်းအတွင်း စိုးရိမ်ရေအမှတ်အထက်ရောက်နိုင်သည်ဟု ဆိုသည်။

▪️ ဧရာဝတီမြစ်နှင့် ချင်းတွင်းမြစ်ရေကြီးခဲ့၍ စိုးရိမ်ရေအမှတ်အထက်ရောက်နေသောမြို့များလည်းရှိနေပြီး ရေအနည်းငယ်သာကျနိုင်၍ သတိ‌ထားနေထိုင်ကြရန်လည်းလိုသည်။

▪️ ယင်းကဲ့သို့ မြစ်ရေများတက်နေ၍ အဆိုပါမြို့များရှိ မြေနိမ့်ပိုင်းနေထိုင်သူများ၊မြစ်နားကမ်းနားနေထိုင်သူများအမြန်ဆုံးရွေ့ပြောင်းထားရန် လိုအပ်ကြောင်း သိရသည်။

#tthl #Yangon_Times

ရန်ကုန်တိရစ္ဆာန်ဥယျာဉ်မှာ လူဦးရေတစ်သောင်းခန့်ပါဝင်ဆင်နွှဲနိုင်မည့် ရွေ့လျားဈေးရောင်းပွဲတော်ကို သုံးရက်ကြာကျင်းပပြုလုပ်သွားမယ်လို့ Yangon Zoo က သိရပါတယ်။
#Local_News
Published 18 July 2024
#ရန်ကုန်တိရစ္ဆာန်ဥယျာဉ် #Yangon_Zoo
#tthl #Yangon_Times