#World_News
#
+++++++++++++++++++++
Published 22 July 2024
▪️ အမေရိကန်ဒုသမ္မတ ကာမယ်လာဟာရစ်က သမ္မတရွေးကောက်ပွဲအတွက် ဒီမိုကရက်တစ်ပါတီမှ အဆိုပြုခံရသူအဖြစ် သမ္မတဂျိုးဘိုင်ဒင်ရဲ့ ထောက်ခံချက် ရရှိတဲ့အတွက် ဂုဏ်ယူမိကြောင်း ပြောကြားလိုက်ကာ သူမရဲ့ရည်မှန်းချက်က ဒေါ်နယ်ထရမ့်နဲ့ သူ့ရဲ့ ၂၀၂၅ အစွန်းရောက်စီမံကိန်းကြီးကို အနိုင်ယူပြီး ပြည်ထောင်စုကို ပေါင်းစည်းရန်ဖြစ်ကြောင်း အခိုင်အမာဆိုလိုက်ပါတယ်။

▪️ အသက် ၈၁ နှစ်ရှိဘိုင်ဒင်က ၂၀၂၄ သမ္မတရွေးကောက်ပွဲကနေ နောက်ဆုတ်ရန် စီစဉ်နေကြောင်း တနင်္ဂနွေနေ့မှာ အံ့အားသင့်ဖွယ် ကြေညာခဲ့ပြီးနောက် အိန္ဒိယနဲ့ အာဖရိကမျိုးနွယ်စပ် အဲရစ်ကို ဒီမိုကရက်တစ်ပါတီရဲ့ ဆန်ခါတင်စာရင်းမှာ အဆိုပြုခဲ့တာ ဖြစ်ပါတယ်။

▪️ ဘိုင်ဒင်ဟာ ပြီးခဲ့တဲ့လက သမ္မတရွေးကောက်ပွဲဆိုင်ရာ စကားစစ်ထိုးပွဲတစ်ခုမှာ ရီပတ်ဘလစ်ကန်ပြိုင်ဘက် ဒေါ်နယ်ထရမ့်နဲ့ ယှဉ်ပြိုင်ရာမှာ မရှုမလှဖြစ်ခဲ့ပြီးနောက် နောက်လိုက်ဒီမိုကရက်တစ်တွေက အပြင်းအထန် ဖိအားပေးလာကြကာ အခုတော့ အသက် ၅၉ နှစ်ရှိအဲရစ်ကို အဆိုပြုဖို့ ဆုံးဖြတ်လိုက်တာ ဖြစ်ပါတယ်။

▪️ ကာမယ်လာဟာရစ် ဟာ အမေရိကန်ရဲ့ ပထမဆုံးအမျိုးသမီး ပထမဆုံးလူမည်းလူမျိုး ပထမဆုံးတောင်အာရှလူမျိုး ဒုသမ္မတအဖြစ် ၂၀၂၁ ခုနှစ်ကစပြီး တာဝန်ထမ်းဆောင်နေတာ ဖြစ်ပါတယ်။

▪️ ဒီမိုကရက်တစ်ပါတီမှ သမ္မတရွေးကောက်ပွဲပါဝင်ရန် အဆိုပြုခံရသူအဖြစ် ဘိုင်ဒင်ရဲ့ ထောက်ခံချက် ရရှိထားပေမယ့် လာမယ့်လ ချီကာဂိုမှာပြုလုပ်မယ့် ဒီမိုကရက်တစ် အမျိုးသားညီလာခံမှာ ပါတီမှကိုယ်စားလှယ်များကနေ ရွေးချယ်ခံရဖို့ လိုအပ်ပါသေးတယ်။

▪️ သမ္မတဟောင်း ဘီလ်ကလင်တန်ရဲ့ ထောက်ခံချက်ကိုလည်း ရရှိထားတာကြောင့် ထိုညီလာခံမှာ ကိုယ်စားလှယ်လောင်းအဖြစ် အနိုင်ရဖို့ ပိုမိုအားသာနေပါတယ်။

▪️ အမေရိကန်ရဲ့ သမ္မတအဖြစ် တိုင်းပြည်ကို ထူးခြားပြောင်မြောက်စွာ ဦးဆောင်ခဲ့ပြီး ဆယ်စုနှစ်တွေကြာအောင် တာဝန်ထမ်းဆောင်ခဲ့တဲ့ ဂျိုးဘိုင်ဒင်ကို အမေရိကန်တွေကိုယ်စား ကျေးဇူးတင်ရှိပါကြောင်း၊ ဒီမိုကရက်တစ်ပါတီနဲ့ ဒီပြည်ထောင်စုတိုင်းပြည်ကြီးကို စည်းလုံးညီညွတ်အောင် ပြုလုပ်ပြီး ဒေါ်နယ်ထရမ့်နဲ့ သူ့ရဲ့ ၂၀၂၅ အစွန်းရောက်စီမံကိန်းကြီးကို အနိုင်ယူသွားဖို့ တတ်နိုင်သမျှ ကြိုးပမ်းသွားမှာဖြစ်ကြောင်း၊ ရွေးကောက်ပွဲရက် ရောက်ရှိရန် ရက် ၁၀၀ ကျော်သာလိုတော့ပြီး အတူတကွ ကြိုးစားကာ အနိုင်ရမှာဖြစ်ကြောင်း ဟာရစ်က ပြောသွားပါတယ်။

▪️ သမ္မတဟောင်း ဘီလ်ကလင်တန်နဲ့ နိုင်ငံခြားရေးဝန်ကြီးဟောင်း ဟီလာရီကလင်တန်တို့ကလည်း ဟာရစ်ကို အဆိုပြုလိုကြောင်း ထောက်ခံလိုက်ကာ ဒေါ်နယ်ထရမ့် နောက်ထပ်တစ်ကြိမ် အုပ်ချုပ်မယ့်အန္တရာယ်ထက် ပိုဆိုးတာမရှိဘူးလို့ ပူးတွဲထုတ်ပြန်ထားပါတယ်။

▪️ တနင်္ဂနွေနေ့က ဘိုင်ဒင်ကြေညာခဲ့ရာမှာ "သမ္မတရွေးကောက်ပွဲ အဆိုပြုခံရသူအဖြစ် ကျွန်ုပ်မပါဝင်ရန် ဆုံးဖြတ်လိုက်ပြီး လက်ကျန်သမ္မတသက်တမ်းကာလကိုပဲ အာရုံစိုက်ထားမှာဖြစ်ပါတယ်၊ ၂၀၂၀ အဆိုပြုခံရစဉ်က ကာမယ်လာဟာရစ် ကို ဒုသမ္မတအဖြစ် ရွေးချယ်ဖို့က ပထမဆုံးဆုံးဖြတ်ချက် ဖြစ်ခဲ့ပြီး ထိုဆုံးဖြတ်ချက်ကလည်း အကောင်းဆုံး ဖြစ်ခဲ့ပါတယ်" လို့ ပြောသွားပါတယ်။

▪️ ဒီဆုံးဖြတ်ချက်နဲ့ ပတ်သက်ပြီး အသေးစိတ်ကို ယခုသီတင်းပတ်အတွင်း မိန့်ခွန်းပြောသွားဦးမယ်လို့လည်း ဆိုပါတယ်။

#Source: NDTV

#Local_News
Published 22 July 2024

▪️ မွန်ပြည်နယ်၊ ဆင်ရွာရေတံခွန်၌ မတစ်ဦး ရေထဲပြုတ်ကျပြီး ကျောက်တုံးကြားညှပ်၍ ‌ေ-သဆုံးမှုတစ်ခုယမန်‌ နေ့လယ်က ဖြစ်ပွားခဲ့ရာ ကယ်ဆယ်ရေးလုပ်ငန်းများဆက်လက်လုပ်ဆောင်နေကြောင်း ပေါင်မြို့နယ်မီးသတ်ဦးစီးဌာနနှင့် ပရဟိတအသင်းများမှ သိရသည်။

▪️ ဇူလိုင်၂၁ရက်နေ့လည် ၂နာရီ၁၅ မိနစ်အချိန်ခန့်က မွန်ပြည်နယ် ပေါင်မြို့နယ် ဆင်ရွာရေတံခွန်တွင် ရေထဲပြုတ်ကျပြီ ကျောက်တုံးကြီးကြားထဲတွင် လူတစ်ဦးညှပ်‌နေကြောင်း သတင်းရရှိ၍ ပေါင်မြို့နယ် မီးသတ်ဦးစီးမှူးဦးမြတ်ကိုကိုဦးဆောင်၍ ရှာဖွေကယ်ဆယ်ရေးအဖွဲ့များမှသွားရောက်၍ ကူညီကယ်ဆယ်ခဲ့ရာ ရေစီးသန်နေသော ရေလမ်းကြောင်းရှိကျောက်တုံးကြားထဲ အမျိုးသမီးငယ်တစ်ဦးညှပ်နေကြောင်းတွေ့ရှိခဲ့ကြောင်း သိရသည်။

▪️ ထို့ကြောင့် ကယ်ဆယ်ထုတ်ယူနိုင်ရန် ကြိုးများဆင်၍ ခဲရာခဲဆစ်အချိန်နှစ် နာရီကြာထုတ်ယူ ဆယ်ယူသော်လည်း  ရေစီးသန်‌ နေသောကြောင့်ထုတ်နိုင်ခြင်း မရှိခဲ့ကြောင်း ဘိုဘိုဝင်းလူမှုကယ်ဆယ်ရေးအသင်းမှ သိရသည်။

▪️ အဆိုပါ အမျိုးသမီးငယ်၏ Db ရေထဲမျောပါမသွားအောင်ပေါ်နေသော လက်အားကြိုးဖြင့် ချီ‌နှောင်ထားခဲ့ပြီး ရေလမ်းကြောင်း လွဲပေးမှသာ ဆယ်ယူနိုင်မည့်ဖြစ်၍ ယနေ့တွင်  ရွာသားများ၏ အကူအညီဖြင့် ရေလမ်းကြောင်းလွဲ၍ ဆက်လက်ဆောင်ရွက်နိုင်မည်ဖြစ်ကြောင်း၊ အဆိုပါ ‌ေ-သဆုံးသူသည်မုဒုံမြို့‌နေသူအသက်(၁၄)နှစ်အရွယ် မိန်းကလေးဖြစ်ကြောင်း သိရသည်။

#YMG/NN #Yangon_Times

#World_Science
Published 22 July 2024
▪️ ရာသီဥတုပြဿနာများကြောင့် နေ့အချိန်တွေ ပိုမိုကြာရှည်လာတယ်လို့ သုံးသပ်ချက်တစ်ခုမှာ ဖော်ပြထားပါတယ်။

▪️ ဒါတွေဟာ ဝင်ရိုးစွန်းရေခဲတွေ အများအပြားအရည်ပျော်လာပြီး ကမ္ဘာဂြိုဟ်ပုံစံပြောင်းလဲလာတာကြောင့် ဖြစ်ပါတယ်။

▪️ လူသားတွေရဲ့ လုပ်ရပ်တွေက ကမ္ဘာကြီးကို ပြောင်းလဲစေတဲ့အပြင် လည်ပတ်မှုနှုန်းနဲ့ ဝင်ရိုးကိုပါ သက်ရောက်နေပုံကို သိပ္ပံပညာရှင်တွေက ပြောလာပါတယ်။

▪️ လကမ္ဘာရဲ့ ဆွဲငင်အားနဲ့ ကမ္ဘာ့အူတိုင်ဖြစ်စဉ်တွေက ဒါတွေကို ဖြစ်စေပေမယ့် ရေခဲပြင်တွေ အရည်ပျော်လာခြင်းက ဒီလိုမျိုး သဘာဝဖြစ်စဉ်တွေကို နှောင့်ယှက်နေပါတယ်။

▪️ ကမ္ဘာဂြိုဟ်ရဲ့ နောက်ကွယ်ဖြစ်စဉ်တွေနဲ့ ရာသီဥတု ပြောင်းလဲမှုတို့က ကမ္ဘာ့ဝင်ရိုးလည်ပတ်မှုကို ပြောင်းလဲစေတယ်လို့ ဖော်ပြထားပါတယ်။

▪️ ဖန်လုံဓာတ်ငွေ့များ ထုတ်လွှတ်မှု ဆက်လက်မြင့်မားနေပါက လကမ္ဘာရဲ့ အတက်အကျအားထက် ပိုမိုအားကောင်းလာနိုင်တယ်လို့ တွေ့ရှိထားပါတယ်။

▪️ နေ့အချိန်ကြာရှည်လာတာက မီလီစက္ကန့်ပိုင်းသာ ဖြစ်ပေမယ့် တည်နေရာပြချက်တွေ၊ ငွေကြေးအထုတ်အသွင်းတွေ၊ အင်တာနက်ကြန့်ကြာတာတွေ ဖြစ်လာနိုင်တယ်လို့ နာဆာမှ သုတေသနပြုစုသူ ဆူရင်ဒရာအက်ဒီကာရီက ပြောပါတယ်။

▪️ ဒြပ်ထုတွေက လည်ပတ်မှုဝင်ရိုးကနေ ဝေးသွားတာကြောင့် အစက လျင်မြန်စွာ လည်ပတ်ရာကနေ နှေးလာကြောင်း ETH ဇူးရစ်မှ အာကာသသဏ္ဍာန် လေ့လာရေးပရော်ဖက်ဆာ ဘန်နက်ဒစ်ဆိုဂျာက ဆိုပါတယ်။

▪️ ဒါကြောင့် ရာသီဥတုပြောင်းလဲမှုက ကမ္ဘာ့အတွင်းပိုင်းရှိ ဖြစ်စဉ်များကိုပါ သက်ရောက်နေပြီး ယခင်ထင်ထားတာထက် ပိုများကြောင်း လေ့လာမှုပြုစုသူ ကီယာနီရှာဗန်ဒီက ဖော်ပြသွားပါတယ်။

#Source: WION

#World_Health
Published 22 July 2024

▪️ ဖိုင်ဇာဆေးဝါးကုမ္ပဏီက တစ်နေ့တစ်ကြိမ်သာ သောက်သုံးရမယ့် အဆီကျဆေး danuglipron ကို ယခုနှစ်နောက်ပိုင်းမှာ လက်တွေ့စမ်းသပ်မှုများ ပြုလုပ်ရန် စီစဉ်ထားကြောင်း ကြာသပတေးနေ့က ပြောပါတယ်။

▪️ အယ်လီလိုင်လီနဲ့ နိုဗိုနော်ဒစ်တို့ အပါအဝင် ဆေးကုမ္ပဏီတွေမှ ထုတ်လုပ်နေဆဲဖြစ်တဲ့ အဆီကျဆေး ဒုတိယမျိုးဆက်တွေထဲမှာ ပါဝင်ပြီး ထိုးဆေးတွေထက် ပိုမိုအဆင်ပြေစေမှာ ဖြစ်ပါတယ်။

▪️ လက်ရှိမှာ အဆီကျဆေးဈေးကွက်ကို နိုဗိုနော်ဒစ်မှထုတ်တဲ့ ဝီဂိုဗီနဲ့ အယ်လီလိုင်လီမှထုတ်တဲ့ ဇက်ဘောင်းတို့က လွှမ်းမိုးထားကာ ၂၀၃၀ အစောပိုင်းလောက်ရောက်ရင် ဈေးကွက်တန်ဖိုး ဒေါ်လာ ၁၅၀ ဘီလီယံကျော် ရှိလာလိမ့်မယ်လို့ သုံးသပ်သူများက မျှော်မှန်းထားပါတယ်။

▪️ ဆေးထုတ်လုပ်မယ့် အချိန်အတိအကျကို မပြောထားဘဲ လက်တွေ့စမ်းသပ်မှုများ မပြုလုပ်ခင် ဆေးတွေကို သုံးသပ်သွားဦးမှာ ဖြစ်ပါတယ်။

▪️ ဖိုင်ဇာ ယခင်ကထုတ်လုပ်တဲ့ တစ်နေ့နှစ်ကြိမ်သောက်ဆေးဟာ စမ်းသပ်ခံသူတွေမှာ ဘေးထွက်ဆိုးကျိုး မြင့်မားတာကြောင့် စမ်းသပ်ကာလတဝက်တပျက်ဖြင့် နုတ်ထွက်ကုန်ကြပါတယ်။

▪️ နောက်ထပ် အဆီကျဆေးဖြစ်တဲ့ lotiglipron ဟာလည်း အချို့လူနာတွေမှာ အသည်းအင်မ်ဇိုင်း မြင့်မားစေတာကြောင့် လက်လျှော့ထားပါတယ်။

▪️ လက်ရှိမှာတော့ ဖိုင်ဇာရဲ့ ရှယ်ယာတန်ဖိုးက ၂.၈ ရာခိုင်နှုန်း မြင့်တက်လာပါတယ်။

▪️ ဖိုင်ဇာ ကိုဗစ်ကာကွယ်ဆေး ရောင်းချမှုများ အလွန်ကျဆင်းခဲ့တာကြောင့် ၂၀၂၁ ဒီဇင်ဘာလမှာ တန်ဖိုးတဝက်ကျော်လောက် ကျဆင်းခဲ့ပါတယ်။

▪️ လူပေါင်း ၁၄၀၀ ကျော်မှာ ကနဦးစမ်သပ်ခဲ့ရာ တစ်နေ့တစ်ကြိမ်သုံးစွဲရတဲ့ အဆီကျဆေးက အသည်းအင်မ်ဇိုင်းမြင့်တက်တာမျိုး မဖြစ်စေပါဘူး။

▪️ ဖိုင်ဇာရဲ့ ကိုဗစ်-၁၉ ကာကွယ်ဆေးနဲ့ ဆေးတွေ သိသိသာသာ ရောင်းအားကျခဲ့တာကြောင့် စီအီးအို အယ်လ်ဘတ်ဘိုလာက ဆေးသစ်တွေထုတ်လုပ်ဖို့ ဖိအားများလာရပါတယ်။

#Source: New York Post

၂၂ ဇူလိုင် ၂၀၂၄

အမေရိကန်သမ္မတဂျိုးဘိုင်ဒင်ဟာ သမ္မတအဖြစ်ပြန်လည်အရွေးခံမယ့် သူ့အစီအစဉ်ကိုလက်လွှတ်လိုက်ပြီလို့ တနင်္ဂနွေနေ့ (ဇူလိုင်၂၁)က ကြေညာပါတယ်။  သူ့ရဲ့လုပ်ဖော်ကိုင်ဖက် ဒီမိုကရက်တွေရဲ့ဖိအားတွေကြီးမားလာတဲ့ အတွက်ဘိုင်ဒင်ဟာ သမ္မတပြိုင်ပွဲကနေ နှုတ်ထွက်ပေးလိုက်တာဖြစ်ပြီး  နိုဝင်ဘာရွေးကောက်ပွဲမှာ ရီပတ်ဘလီကင်ရဲ့ သမ္မတလောင်း ဒေါ်နယ်ထရမ့်ကို ရင်ဆိုင်ဖို့ သူ့ရဲ့လက်ရှိဒုသမ္မတ ကာမလာဟာရစ်ကို ပါတီရဲ့ သမ္မတလောင်းအဖြစ်သူက ထောက်ခံပေးလိုက်ပါတယ်။

ဘိုင်ဒင်ဟာ ပြီးခဲ့တဲ့လက ကိုဗစ်-၁၉ ကူးစက်ခံရတဲ့အတွက် အများပြည်သူမြင်ကွင်းမှာ ကွယ်ပျောက်နေခဲ့ပြီး ဒီလာဝဲပြည်နယ် ရီဟိုဘုသ်ကမ်းခြေက သူ့ရဲ့အိမ်မှာ ကန့်သတ်နေထိုင်နေရတာဖြစ်ပါတယ်။

“ ကျွန်တော် ရွေးကောက်ပွဲပြန်ဝင်ဖို့ကြိုးစားနေတဲ့အချိန်မှာပဲ  ကျွန်တော့်ပါတီနှင့်နိုင်ငံရဲ့ အကောင်းဆုံး အကျိုးစီးပွားအတွက် ကျွန်တော်အဲဒီကနေထွက်လိုက်ပြီး ကျွန်တော့်ရဲ့သမ္မတလက်ကျန်သက်တမ်းမှာ အပြည့်အဝ တာဝန်ထမ်းဆောင်တာကိုပဲအာရုံစိုက်ဖို့ကို  ကျွန်တော်ယုံကြည်လိုက်ပါတယ်”လို့ ဘိုင်ဒင်က အိတ်စ် မှာ စာရေးတင်ခဲ့ပါတယ်။

ဘိုင်ဒင်ကြေညာပြီးသိပ်မကြာခင်မှာပဲ “ ဟာရစ်ဟာ ဂျိုးဘိုင်ဒင်ထက်တောင်ပိုပြီး အနိုင်ရဖို့လွယ်လိမ့်မယ်” လို့ ထရမ့်က စီအင်န်အင်န်ရုပ်သံကိုပြောကြားလိုက်ပါတယ်။

ဒီမိုကရက်တစ်အမျိုးသားကော်မတီဥက္ကဋ္ဌ ဂျေမီဟာရစ်ဆင်က  ပါတီရဲ့  သမ္မတလောင်းအဆိုပြုရွေးချယ်မှု နောက်အဆင့်တွေကို အမေရိကန်ပြည်သူတွေ မကြာမီကြားသိရပါမယ်လို့ ပြောပါတယ်။

လက်ရှိသမ္မတတစ်ဦးဟာ ပါတီရဲ့ အဆိုပြုမှုကို လက်လျှော့လိုက်တာ အမေရိကန်နိုင်ငံမှာ ရာစုနှစ် တစ်ဝက်ကျော်ကကာလအတွင်း ဒါဟာပထမဆုံးပဲဖြစ်ပါတယ်။

Source Reuters

၂၁ ဇူလိုင် ၂၀၂၄

ဇူလိုင်၁၉ရက်သောကြာနေ့က တရုတ်နိုင်ငံ အနောက်မြောက် ရှန်ဇီပြည်နယ်မှာ မိုးသည်းထန်စွာရွာသွန်းတဲ့အတွက် အမြန်လမ်းမတံတားကြီးတစ်စင်း ကျိုးကျခဲ့ရာ လူ ၁၂ ဦးသေဆုံးပြီး ၃၁ ဦးပျောက်ဆုံးနေတယ်လို့ ဒေသဆိုင်ရာအာဏာပိုင်တွေက စနေနေ့မှာပြောပါတယ်။

Source CCTV

၂၁ ဇူလိုင် ၂၀၂၄

အမေရိကန်ရီပတ်ဘလီကင် သမ္မတလောင်း ဒေါ်နယ်ထရမ့်က ရုရှားနှင့်စစ်ပွဲအဆုံးသတ်ဖို့အတွက် ယူကရိန်းခေါင်းဆောင် ဗိုလိုဒီမာဇီလင်စကီးနှင့် သူဖုန်းဆက်သွယ်ပြောဆိုခဲ့တယ်လို့ သောကြာနေ့က ပြောပါတယ်။

“ သမ္မတ ဇီလင်စကီးနှင့် ဆက်သွယ်လို့ရရင် သူ့ကိုကျေးဇူးတင်ပါတယ်။ အမေရိကန်ရဲ့ လာမယ့်သမ္မတတစ်ဦးအဖြစ် ကျွန်တော်ဟာ ကမ္ဘာကြီးထံ ငြိမ်းချမ်းရေးယူဆောင်လာပါမယ်။  လူ့အသက်ပေါင်းများစွာသေဆုံးပြီး မရေမတွက်နိုင်တဲ့ အပြစ် ကင်းစင်တဲ့မိသားစုတွေ ဒုက္ခရောက်ကြရတဲ့ စစ်ပွဲကို အဆုံးသတ်ပါမယ်” လို့ ထရမ့်က သူ့ရဲ့ဆိုရှယ်မီဒီယာပလက်ဖောင်း Truth မှာ ရေးသားခဲ့ပါတယ်။

“ နှစ်ဘက်စလုံးဟာ အကြမ်းဖက်မှုတွေအဆုံးသတ်ပြီး စည်ပင်ဝပြောရေးလမ်းကြောင်းကို  ဦးတည်မယ့် သဘောတူညီချက်  တစ်ခုကို အတူတကွ စေ့စပ်ညှိနှိုင်းနိုင်ကြပါလိမ့်မယ်” လို့ သူကရေးသားခဲ့ပါတယ်။

အမေရိကန်ဟာ ရုရှားနှင့်စစ်ပွဲစတဲ့ ၂၀၂၂ ဖေဖော်ဝါရီကတည်းက ယူကရိန်းကို စစ်ရေးအကူအညီအဖြစ် အမေရိကန်ဒေါ်လာ ဘီလျံနှင့်ချီပြီး ထောက်ပံ့ခဲ့ပါတယ်။ နိုဝင်ဘာရွေးကောက်ပွဲမှာ ထရမ့်နိုင်ခဲ့လျှင် ဝါရှင်တန်က ဆက်လက်ထောက်ပံ့ဦးမှာလား ဆိုတာ မေးခွန်းထုတ်စရာဖြစ်နေပါတယ်။

ဇီလင်စကီးက ထရမ့်နှင့် ဖုန်းပြောတာကို အတည်ပြုပြီး ရီပတ်ဘလီကင်ပါတီရဲ့ သမ္မတလောင်းဖြစ်လာလို့ ဂုဏ်ယူတဲ့ အကြောင်း ထရမ့်ကိုသူပြောခဲ့တယ်လို့ပြောပါတယ်။

“  မျှတပြီးကြာရှည်ခံမယ့် ငြိမ်းချမ်းရေးအတွက် ဘယ်လိုအဆင့်တွေလုပ်နိုင်မယ်ဆိုတာကို ထရမ့်နှင့် ပုဂ္ဂိုလ်ရေးစည်းဝေး ဆွေးနွေးဖို့ သဘောတူခဲ့ပါတယ်” လို့ ယူကရိန်းသမ္မတက ဆိုရှယ်မီဒီယာ အိစ်စ်မှာ စာရေးတင်ခဲ့ပါတယ်။

Source AFP

#World_Health
Published 21 July 2024

▪️ ညဘက်မှာ တော်ရုံမအိပ်ဘဲ နိုးကြားလှုပ်ရှားသူတွေဟာ ဦးနှောက်စွမ်းဆောင်ရည် စမ်းသပ်ချက်တွေမှာ ပိုမိုသာလွန်ကြတယ်လို့ အင်ပီရီယယ်ကောလိပ်လန်ဒန်က လေ့လာသုံးသပ်ထားပါတယ်။

▪️ လူပေါင်း ၂၆၀၀၀ ကျော်ရဲ့ အချက်အလက်တွေကို သုံးသပ်ခဲ့ကြပြီး ယင်းတို့ရဲ့ အိပ်ချိန်၊ အိပ်စက်မှုပုံစံတို့က ဦးနှောက်စွမ်းဆောင်ရည်အပေါ် ဘယ်လောက်သက်ရောက်လဲဆိုတာကို လေ့လာခဲ့ကြပါတယ်။

▪️ ညဘက်မှာ နိုးကြားတတ်တဲ့သူတွေက နေ့ခင်းပိုင်းနိုးကြားသူတွေထက် စွမ်းဆောင်ရည် သာလွန်နေတာကို တွေ့ရှိခဲ့ပါတယ်။

▪️ စမ်းသပ်ပါဝင်သူတစ်ဖွဲ့မှာ ညဘက်သမားတွေက ရမှတ် ၁၃.၅ ရာခိုင်နှုန်း ပိုများနေပြီး နောက်တစ်ဖွဲ့မှာ ၇.၅ ရာခိုင်နှုန်း ပိုများနေပါတယ်။

▪️ ညဘက်နဲ့ နေ့ပိုင်းကြားသမားတွေကတော့ နေ့ပိုင်းနိုးကြားသူတွေထက် ၁၀.၆ ရာခိုင်နှုန်း ရမှတ်ပိုများခဲ့ပါတယ်။

▪️ လေ့လာချက်အရ ညပိုင်းနိုးကြားလှုပ်ရှားသူတွေက နေ့ပိုင်းသမားတွေထက် ဦးနှောက်လုပ်ဆောင်ချက် စမ်းသပ်ချက်တွေမှာ ပိုမိုကောင်းမွန်တယ်လို့ သုတေသနပြုစုသူ ဒေါက်တာ ရာဟာဝက်စ်က ပြောသွားပါတယ်။

▪️ ဒါဟာ နေ့ပိုင်းသမားတွေအားလုံးက စွမ်းဆောင်ရည်နိမ့်ပါးတယ်လို့ ဆိုလိုတာမဟုတ်ပေမယ့် ညပိုင်းသမားတွေက ပိုမိုသာလွန်တယ်ဆိုတဲ့ဘက်ကို ညွှန်ပြနေတာဖြစ်တယ်လို့ ဆိုပါတယ်။

▪️ ညဘက် စောစီးစွာ အိပ်တဲ့အကျင့်ကို ညဉ့်နက်တဲ့အထိ နေတဲ့ပုံစံသို့ ပြောင်းလဲဖို့ဆိုတာက သိပ်တော့မလွယ်ကူပါဘူး။

▪️ ညဘက်ကို ၇ နာရီမှ ၉ နာရီအိပ်စက်ခြင်းက ဦးနှောက်လုပ်ဆောင်ချက်အတွက် အသင့်လျော်ဆုံးလို့ ပညာရှင်များ သဘောတူထားကြပါတယ်။

▪️ ထိုအိပ်ချိန်ထက် ပိုနည်းခြင်း ပိုများခြင်းကတော့ ဦးနှောက်ကျန်းမာရေးကို ပျက်စီးစေတယ်လို့လည်း တွေ့ရှိထားပါတယ်။

▪️ အိပ်မပျော်တဲ့ လက္ခဏာရှိသူတွေကလည်း အခြားလူတွေထက် ရမှတ်သိသိသာသာ နည်းပါးခြင်း မရှိပါဘူး။

▪️ အိပ်ချိန်က ဦးနှောက်လုပ်ဆောင်ချက်ကို တိုက်ရိုက်သက်ရောက်နေပြီး အိပ်ချိန်ကို စီစဉ်ခြင်းက ဦးနှောက်ကျန်းမာရေးကို မြှင့်တင်ပေးတယ်လို့တော့ ယုံကြည်ထားကြောင်း သုတေသန ပူးတွဲဦးဆောင်သူ ဒါချင်မားက ပြောပါတယ်။

▪️ ညဘက်နောက်ကျတဲ့အထိ နေခြင်းက စိတ်ပိုင်းဆိုင်ရာ ကျန်းမာရေးကို ထိခိုက်စေတယ်ဆိုတဲ့ လေ့လာချက်တွေကလည်း ယခုသုတေသနနဲ့ ဆန့်ကျင်ဘက်သဘော ဖြစ်နေပါတယ်။

#Source: New York Post

လေးရက်ကြာ တရုတ်ကွန်မြူနစ်ပါတီဗဟိုကော်မတီအစည်းအဝေးကျင်းပပြီးစီး၊ ၂၀၃၅ ခုနှစ်တွင် အဆင့်မြင့်ဆိုရှယ်လစ်ဈေးကွက်စီးပွားရေးစနစ်တည်ဆောက်မှုပြီးစီးမည်ဟု ကြေညာ

၂၀ ကြိမ်မြောက် တရုတ်ကွန်မြူနစ်ပါတီ ဗဟိုကော်မတီက တနင်္လာနေ့မှ ကြာသပတေးနေ့အထိ တတိယအကြိမ်မြောက် စုံညီအစည်းအဝေးကျင်းပခဲ့ပြီးနောက် တရုတ်နိုင်ငံရဲ့ခေတ်မီတိုးတက်ရေးအတွက် အလုံးစုံပြုပြင်ပြောင်းလဲရေးနက်ရှိုင်းစွာဆက်လက်လုပ်ဆောင်ဖို့ ဆုံးဖြတ်ချက်ချခဲ့တယ်လို့ စီစီတီဗွီ သတင်း အရသိရပါတယ်။
#World_News
Published 20 July 2024
#တရုတ်ကွန်မြူနစ်ပါတီ #အဆင့်မြင့်ဆိုရှယ်လစ်ဈေးကွက်
#YMG #Yangon_Times #Yangon_Media_Group

#Daily_News
Published 20 July 2024

၁။ ရန်ကုန်တွင် ဝမ်းရောဂါဖြစ်ပွားမှုများတွေ့နေရဆဲဖြစ်၍ သတိထားကာကွယ်ရန်လိုဟုဆို

၂။အမြန်လမ်းသွား အဝေးပြေးခရီးသည်တင်ယာဉ်ကြီးများ တယ်လီမက်တစ်စနစ် တပ်ဆင်ရန်ပျက်ကွက်ပါက အမြန်လမ်းသုံးစွဲခွင့်မပြု

၃။ စက်သုံးဆီအမျိုးအစားအားလုံး ဈေးကျ

၄။ လေးရက်ကြာ တရုတ်ကွန်မြူနစ်ပါတီ ဗဟိုကော်မတီအစည်းအဝေးကျင်းပပြီးစီး၊ ၂၀၃၅ ခုနှစ်တွင် အဆင့်မြင့်ဆိုရှယ်လစ်ဈေးကွက်စီးပွားရေးစနစ် တည်ဆောက်မှုပြီးစီးမည်ဟုကြေညာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ရန်ကုန်ဈေးကွက်ထဲမှာ စက်သုံးဆီအမျိုးအစားအားလုံး ဈေးပြန်လည်ကျဆင်းလာတယ်လို့ ဈေးကွက်ထဲက သိရပါတယ်။ ယမန်နေ့ကထက် ဓာတ်ဆီတစ်လီတာကို ၁၅ကျပ်အထိကျဆင်းလာတာဖြစ်ပြီး ဒီဇယ်တစ်လီတာကို‌တော့ ၅၀ကျပ်ကနေ ၅၅ကျပ်အထိကျဆင်းလာတယ်လို့ သိရပါတယ်။
#Local_News
Published 20 July 2024
#စက်သုံးဆီ #ဈေးပြန်လည်ကျဆင်း
#YMG/NN #Yangon_Times

ရန်ကုန်-မန္တလေး အမြန်လမ်းမကြီးမှာ သွားလာနေကြတဲ့ အဝေးပြေးခရီးသည်တင်ယာဉ်ကြီးအားလုံး တယ်လီမက်တစ်စနစ် မှတ်ပုံတင်တပ်ဆင်အသုံးပြုရမှာဖြစ်ပြီး ပညာပေးကာလလွန်ပါကတပ်ဆင်ဖို့ ပျက်ကွက်တဲ့ ယာဉ်တွေကိုအမြန်လမ်းသုံးစွဲခွင့်မပြုဘူးလို့ သိရပါတယ်။

#Local_News

Published 20 July 2024

#တယ်လီမက်တစ်စနစ် #အဝေးပြေးခရီးသည်တင်ယာဉ်

#YMG/NN #Yangon_Times