#World_News
Published 11 January 2025

▪️ အမေရိကန်သမ္မတ ပြန်ဖြစ်လာတဲ့ ဒေါ်နယ်ထရမ့်က အိမ်ဖြူတော်မှာ တာဝန်ထမ်းဆောင်တဲ့ ပထမဆုံးနေ့မှာပဲ သမ္မတအမိန့်ပေါင်း ၁၀၀ ကျော်ပြင်ဆင်နေပြီး ထိတ်လန့်တုန်လှုပ်စရာ နယ်စပ်လုံခြုံရေး၊ နေရပ်ပြန်ပို့ရေးကိစ္စများနဲ့ အခြားသော မူဝါဒရေးရာများ အလျင်စလိုလုပ်ဆောင်ခြင်းတို့ ပါဝင်နေပါတယ်။

▪️ ကပ်ပီတိုလ်ဟေးလ်မှ သီးသန့်အစည်းအဝေးမတိုင်ခင် ထရမ့်က အမိန့်ပေါင်းများစွာအကြောင်း ရီပတ်ဘလစ်ကန်အမတ်များကို ပြောပြခဲ့ပါတယ်။

▪️ ဇန်နဝါရီ ၂၀ ရက်နေ့ သမ္မတကျမ်းသစ္စာဆိုပွဲနေ့ကျရင် အဆိုပါအမိန့်တွေ ထုတ်ပြန်သွားဖွယ် ရှိပါတယ်။

▪️ ထရမ့်ရဲ့ ထိပ်သီးအကြံပေးပုဂ္ဂိုလ် စတီဖင်မီလာက အမြန်ဆုံး စတင်သွားနိုင်ဖွယ်ရှိတဲ့ နယ်စပ်လုံခြုံရေးနဲ့ လူဝင်မှု ကြပ်မတ်ရေး အတိုင်းအတာများအကြောင်း GOP ရီပတ်ဘလစ်ကန်ပါတီမှ လွှတ်တော်အမတ်များကို ပြောပြသွားပါတယ်။

▪️ ကိစ္စရပ်အများအပြားမှာ ထရမ့်မြန်မြန်ဆန်ဆန် လက်မှတ်ရေးထိုးနိုင်ရန် ရွေးချယ်ခံသမ္မတရဲ့အဖွဲ့က အုပ်ချုပ်ရေးအမိန့်များ ပြင်ဆင်နေပါတယ်။

▪️ ထရမ့်နဲ့အဖွဲ့က မျက်မှောက်ခေတ်မှာ မတွေ့ရတဲ့ အုပ်ချုပ်ရေးပုံစံစီစဉ်နေပြီး လွှတ်တော် ဥပဒေပြုယန္တရားတွေကို ကျော်လွန်ပြီး အာဏာကိုင်စွဲဖို့ ပြင်ဆင်နေပါတယ်။

▪️ အချို့အမိန့်တွေက သိသာထင်ရှားပြီး အချို့ကတော့ သမ္မတဦးတည်ချက်အသစ်ကို ပြသတဲ့သဘော တွေ့ရပါတယ်။

▪️ ယခုသီတင်းပတ်ကတော့ ဘိုင်ဒင်အုပ်ချုပ်ရေးအမိန့် အများအပြား ပြန်ရုပ်သိမ်းပြီး ထရမ့်ရဲ့ အဆိုပြုချက်တွေ ထည့်သွင်းသွားမယ်လို့ မျှော်လင့်ရပါတယ်။

▪️ အမေရိကန်-မက္ကဆီကို နယ်စပ်တံတိုင်းအပြီးသတ်ရေး၊ လူဝင်မှု ထိန်းသိမ်းရေးစခန်းများ ဆောက်လုပ်ရေး စတဲ့ကိစ္စရပ်တွေအတွက် ထရမ့်အုပ်ချုပ်ရေးအဖွဲ့နဲ့ GOP ကွန်ဂရက်တို့က ကြီးမားတဲ့အသုံးစရိတ် ပြန်လည်ချင့်ချိန်ရေးဥပဒေ တစ်စိတ်တစ်ပိုင်းအဖြစ် ရန်ပုံငွေပေးနိုင်ရန် လုပ်ဆောင်နေကြပါတယ်။

▪️ နိုင်ငံအတွင်းသို့ ဝင်ရောက်လာပြီး ပြစ်မှုကျူးလွန်ထားသူတွေ၊ အမေရိကန်မှာ နေထိုင်ခွင့်မရှိဘူးလို့ ဆုံးဖြတ်ထားသူ စုစုပေါင်းရွှေ့ပြောင်းလာသူ ၁ သန်းကျော်ကို အရင်ဆုံးဦးစားပေး ဆောင်ရွက်သွားမယ်လို့ လွှတ်တော်အမတ် ဂျိမ်းစ်လန့်ခ်ဖို့ဒ်က ပြောပါတယ်။

▪️ သမ္မတသစ်ဟာ ကျမ်းသစ္စာဆိုပြီးတဲ့အခါ ယင်းအစိုးရအဖွဲ့ရဲ့ တရားဝင်အမည်စာရင်းများနဲ့ အုပ်ချုပ်ရေးဆိုင်ရာ ရွေးချယ်မှုများအတွက် လိုအပ်တဲ့ စာရွက်စာတမ်းများ လက်မှတ်ရေးထိုးရပါတယ်။

#Source: AP News

#Local_News
Published -11 Jan 2025

▪️ အကြမ်းဖက်သမားများဖျက်ဆီးမှု၊ အချို့စက်ရုံများ စွမ်းအားပြည့် မလည်ပတ်နိုင်မှု၊ ဓာတ်ငွေ့လိုအပ်ချက် မပြည့်မီမှုများကြောင့် လျှပ်စစ်ဓာတ်အား ဖြန့်ဝေပေးမှုတွင် အခက်အခဲရှိနေကြောင်း နိုင်ငံတော်စီမံအုပ်ချုပ်ရေးကောင်စီ ဥက္ကဋ္ဌဗိုလ်ချုပ်မှူးကြီးမင်းအောင်လှိုင်က ပြောသည်။

▪️ ဇန်နဝါရီလ ၁၀ ရက်တွင် မိတ္ထီလာခရိုင်အတွင်းရှိ ခရိုင်၊ မြို့နယ် အဆင့်ဌာနဆိုင်ရာ တာဝန်ရှိသူများ၊ MSME လုပ်ငန်းရှင်များအား တွေ့ဆုံ၍ ဒေသဖွံ့ဖြိုးရေးဆိုင်ရာများ ဆွေးနွေးစဉ် ယင်းကအထက်ပါအတိုင်းပြောကြားခဲ့ခြင်းဖြစ်သည်။

▪️ နစကအနေဖြင့် လျှပ်စစ်ဓာတ်အား လိုအပ်ချက်အတွက် ပြန်လည်ပြည့်ဖြိုးမြဲစွမ်းအင်မှ ထုတ်ယူသုံးစွဲမှုကို အားပေးဆောင်ရွက်လျက်ရှိကြောင်း၊ မိတ္ထီလာသည် မိုးရွာရက်နည်းသည့်ဒေသဖြစ်သဖြင့် နေရောင်ခြည်စွမ်းအင်ဖြင့် လျှပ်စစ်ဓာတ်အား ထုတ်ယူသုံးစွဲမှုကို အောင်မြင်စွာဆောင်ရွက်နိုင်မည်ဖြစ်ကြောင်း၊ နိုင်ငံတော်မှ ဆောင်ရွက်သည့် စီမံကိန်းများရှိသကဲ့သို့ လုပ်ငန်းရှင်များအနေဖြင့်လည်း မိမိတို့လုပ်ငန်း လိုအပ်ချက်များအလိုက် ဆိုလာစီမံကိန်းများကို ဆောင်ရွက်နိုင်ကြောင်း ယင်းကဆိုသည်။

▪️ နိုင်ငံတော်က အကောင်အထည်ဖော်ဆောင်ရွက်လျက်ရှိသည့် ရေအားလျှပ်စစ်စီမံကိန်းများကိုလည်း ကန့်ကွက်မှုများလည်းရှိကြောင်း၊ ထို့ကြောင့် အမြန်ဆုံးအကောင်အထည်ဖော်ဆောင်ရွက်၍ရသည့်ဆိုလာစနစ်ကို အားပေးဆောင်ရွက်နေခြင်းဖြစ်ပြီးလုပ်ငန်းရှင်များအနေဖြင့်လည်း တစ်နိုင်တစ်ပိုင်ဝိုင်းဝန်းဆောင်ရွက်ကြရန်လိုကြောင်း ၎င်းကပြောကြားခဲ့သည်။

#Yangon -Times/ PP

#Local_News
Published_11 Jan 2025

▪️ မန္တလေးတိုင်းဒေသကြီး၊ ပြင်ဦးလွင်မြို့နယ်Aliance ငွေစုငွေချေးရုံးမှငွေများကို ဧည့်စာရင်းလာစစ်သည့်အဖွဲ့များ ကတံခါးဖျက်ယူ ဆောင်သွားခဲ့ကြောင်း လီဆယ်သတင်းပို့ခဲ့သူများအား ဖမ်းဆီးခဲ့ကြောင်း နစက သတင်း ထုတ်ပြန်ရေးအဖွဲ့က ထုတ်ပြန်လိုက်သည်။

▪️ ဇန်နဝါရီလ ၉ ရက် တွင်ပြင်ဦးလွင်မြို့နယ်၊ ရပ်ကွက်ကြီး (၉)၊ ပွေးတောင်ရပ်ကွက်နေ Aliance ငွေစုငွေချေးရုံးမှ မန်နေဂျာ ဦးဇော်ဇော်အောင်က ရပ်ကွက်ကြီး (၆)၊ သစ်တောလမ်းနှင့် ချယ်ရီလမ်းထောင့်ရှိ Aliance ငွေစုငွေ ချေး ရုံးသို့ ရောက်ရှိစဉ် ပြင်ဦးလွင်မြို့နယ်၊ ရပ်ကွက်ကြီး(၇)၊ သာယာကုန်း ကျေးရွာနေ အသက် ၅၉ နှစ်အ ရွယ် ရုံးညစောင့်ဦးခင်မောင်ကြည်ပြောပြ ချက် အရ ဇန်နဝါရီလ ၈ ရက် ည ၁၂ နာရီခွဲ(ဇန်နဝါရီလ ၉ ရက်နံနက်)တွင် အနက်ရောင်ဘောင်းဘီ ရှည်၊ အနက်ရောင်အနွေးထည်အင်္ကျီဝတ်ထားသူအမည်မသိအမျိုးသား ၂ ဦးက ယာဉ်အမှတ် 1E/ 2737 HONDA FIT အမျိုးအစားအဖြူရောင်မော်တော်ယာဉ်ဖြင့် ရောက်ရှိလာပြီး ဧည့်စာရင်းစစ်ဆေးမည်ဟု ပြောဆို၍ ရုံးခြံဝင်းအတွင်းသို့ဝင်လာကာ ရုံးပြူတင်းပေါက်ကို သံပန်းတံခါးသံချောင်းဖြင့် ကန့်လန့်ဖွင့်၍ ရုံးခန်းအတွင်းထားရှိသည့် မြန်မာငွေစက္ကူရောရာ ငွေ(၁၀၀,၃၀၂,၄၀၀)ကျပ်ထည့် ထားသည့် LECCO တံဆိပ်ပါ မီးခံသေတ္တာ ၁ လုံးနှင့် ရုံးအတွင်း တပ်ဆင်ထားသည့် CCTV ကြိုးများကို ဖြတ်တောက်၍ CCTV မှတ်တမ်းအထိုင်စက်တို့ကို ယူဆောင်သွားခဲ့ကြောင်းသိရှိရ၍ ပြင်ဦးလွင်မြို့ မရဲစခန်းသို့ လာရောက်သတင်းပို့တိုင်တန်းခဲ့ခြင်းဖြစ်ကြောင်း သိရသည်။

▪️ ယင်းကြောင့် ကျူးလွန်သူများအား ဖမ်းဆီး ရမိနိုင်ရေး ပြင်ဦးလွင်မြို့မရဲစခန်း (ပ)၉/၂၀၂၅၊ ရာဇသတ်ကြီးပုဒ်မ ၄၅၇/၁၁၅ ဖြင့် အမှုဖွင့်၍ ညစောင့် ဖြစ်သူ ဦးခင်မောင်ကြည်အား စစ် ဆေးရာ ဇန်နဝါရီလ ၈ ရက်ည ၉ နာရီခွဲတွင် Aliance ငွေစုငွေချေးရုံးရှေ့သို့ အဆိုပါငွေစုငွေချေးရုံးမှ ကြီးကြပ်ရေးမှူးဖြစ်သူ ပြင်ဦးလွင်မြို့နယ်၊ ရပ်ကွက်ကြီး (၁၉)၊ ငါးရံ့ချောင်းကျေးရွာနေ အောင်ကိုကို(၃၃)နှစ်နှင့် ချေးငွေတာဝန်ခံဖြစ်သူ ရပ်ကွက်ကြီး (၂၁)နေ ငြိမ်းချမ်းဖြိုး(ခ)အိုက်ပီး(၂၈)နှစ်တို့နှစ်ဦးက မော်တော်ယာဉ် တစ်စီးဖြင့် ရောက်ရှိလာပြီး ရုံးခန်းအ တွင်းရှိ မီးခံသေတ္တာကို ခိုးယူမည်ဖြစ် ကြောင်း၊ အောင်မြင်ပါက ငွေကျပ်သိန်း ၁၅၀ ပေးမည်ဖြစ်ကြောင်း၊ တာ ဝန်ရှိသူများမေးမြန်းပါက ဧည့်စာရင်းလာရောက်စစ်ဆေးသည့်အဖွဲ့များက ခြိမ်းခြောက်ယူဆောင်သွားခဲ့သည်ဟု လီဆယ်ထွက်ဆိုပေးရမည်ဖြစ်ကြောင်း ပြောဆိုစည်းရုံးကြောင်း၊ ယုတ္တိရှိစေရန် ၎င်းအား လက်နှင့် ခြေ ထောက် တို့ကို တိပ်အပြာဖြင့် ပတ်ထားခဲ့ပြီး ရုံးအတွင်းရှိ မီးခံသေတ္တာ ၁ လုံးနှင့် CCTV အထိုင်စက်တို့ကို ယူဆောင်သွားခဲ့ကြခြင်းဖြစ်ကြောင်း သိရသည်။

▪️ လုပ်ငန်းအောင်မြင်ပါက ၎င်းအား ငွေကျပ်သိန်း ၁၅၀ ပေးမည်ဟု အောင်ကို ကိုတို့ ၂ ဦးက မက်လုံးပေးစည်းရုံး ထား သဖြင့် မန်နေဂျာ ဖြစ်သူ ဦးဇော်ဇော်အောင်ထံ ဖြစ်စဉ်ကို အမှန်အတိုင်း တင်ပြခြင်းမရှိဘဲ ၎င်းကိုယ်တိုင် ပါဝင်ပူးပေါင်းကျူးလွန်၍ ဖြစ်စဉ်အမှန်ကို ဖုံးကွယ်ကာ လုံခြုံရေးအဖွဲ့ အစည်း များအပေါ်အများပြည်သူလူထုထင်ယောင်ထင်မှားဖြစ်စေရန်လီဆယ်ထိန်ချန်ပြောဆိုခဲ့ခြင်းဖြစ်ကြောင်း သိရသည်။

▪️ ခင်မောင်ကြည်၏ထွက်ဆိုချက်အရ ဇန်နဝါရီလ ၉ ရက်ညနေ ၄ နာရီ ၄၅ မိနစ်တွင် ပြင်ဦး လွင်မြို့၊ စံပယ်လမ်း နှင့် နဝရတ်လမ်းထောင့်၌ အဆိုပါငွေစု ငွေချေးရုံးမှ ကြီးကြပ်ရေးမှူးဖြစ်သူ အောင်ကိုကို၊ ငွေချေးတာဝန်ခံဖြစ်သူ ငြိမ်းချမ်းဖြိုး(ခ) အိုက်ပီးနှင့် မီးခံသေတ္တာအတွင်းမှ ငွေများထုတ်ယူရရှိနိုင်ရေး သော့တု ဖြင့် ဖွင့်လှစ်ပေးသူ ရပ် ကွက်ကြီး (၇)နေ ဆန်းအေး(ခ)ကာဒရ်ဘိုင်(၅၂)နှစ် တို့ ၃ ဦးအား ငွေ (၉၉,၇၀၂,၄၀၀) ကျပ်၊ LECCO တံဆိပ် ပါ မီးခံသေတ္တာ ၁ လုံး၊ ရုံးသုံးလက်တော့ ၂ လုံး၊ ရုံးသုံးကြိုးဖုန်း ၁ လုံး၊ ရုံးသုံး CCTV ၃ လုံး၊ အစိမ်းရောင်တိပ် ခွေ ၁ ခု၊ ကတ်ကြေး ၁ လက်၊ ရုံးသုံး Tablet ၁ လုံး၊ ကျောပိုးအိတ် ၂ လုံး နှင့် ပြစ်မှုကျူးလွန်စဉ် အသုံးပြုမောင်းနှင်ခဲ့သည့် ယာဉ်အမှတ် 1E/2737 HONDA FIT အမျိုးအစား အဖြူရောင်မော်တော်ယာဉ်တို့နှင့်အတူ ဖမ်းဆီးရမိခဲ့ကြောင်း သိရသည်။

▪️ ယခုအခါ အောင်ကိုကိုပါ ၃ ဦးနှင့် ပူးပေါင်းကျူးလွန်သူ ဆန်းအေး(ခ)ကာဒရ်ဘိုင်တို့ ၄ ဦးအား ဥပဒေနှင့်အညီ ထိရောက်စွာ အရေးယူနိုင်ရေး ဆက်လက် ဆောင်ရွက်လျက်ရှိကြောင်း သိရသည်။

#Yangon_Times/PP

#World_Health
Published 11 January 2025

▪️ အချိန်နှစ်ပတ်ကြာအောင် သကြားစားသုံးမှု ဖြတ်တောက်လိုက်ရင် ဘာတွေဖြစ်လာနိုင်လဲဆိုတော့ အားအင်တိုးလာခြင်း၊ အချိုစားချင်စိတ် ပျောက်သွားခြင်း၊ အသားအရည်ချောမွေ့လာခြင်း၊ ခန္ဓာကိုယ် မကိုက်ခဲတော့ခြင်း၊ စိတ်အခြေအနေ တိုးတက်ခြင်းတို့ ရလာနိုင်ပါတယ်။

▪️ ပေါင်မုန့်၊ ပါစတာ၊ ထမင်း၊ အာလူး၊ မုန့်တွေမှာပါ ပုန်းကွယ်ရှိနေတဲ့ သကြားဓာတ်က သကြားအဖြစ်သို့ လျင်မြန်စွာ ပြိုကွဲသွားပြီး သွေးတွင်းသကြားဓာတ် မြင့်တက်စေပါတယ်။

ဘယ်လိုသက်ရောက်စေလဲဆိုတော့..

▪️ (၁) အချိုစားချင်စိတ်ပျောက်ဆုံးသွားခြင်း - အချိုမစားဘဲနေလိုက်ရင် ခန္ဓာကိုယ်က သွေးတွင်းသကြားဓာတ်ပမာဏ တည်ငြိမ်အောင် ထိန်းညှိပေးပြီး အချိုဓာတ်မှီခိုခြင်းကို လျှော့ချပေးသွားပါတယ်။

▪️ (၂) ဆာလောင်စိတ် လျော့ကျခြင်း - အချိုနည်းတဲ့စားစရာတွေက ဆာလောင်ဟော်မုန်း ဂရီလင်ကို လျော့ကျစေတယ်လို့ ၂၀၁၉ သုံးသပ်ချက်မှာ ဖော်ပြထားပါတယ်။

▪️ (၃) နွမ်းနယ်မှုလျော့နည်းခြင်း - အချိုပုံမှန်စားသုံးပြီးတိုင်း စားစရာကြောင့် ပင်ပန်းနွမ်းနယ်စေတာကြောင့် သကြားမစားဘဲ နှစ်ပတ်လောက်နေလိုက်ရင် နွမ်းနယ်မှုလျော့ကျစေပါတယ်။

▪️ (၄) ရေနှင့်အဆီအလေးချိန်ဆုံးရှုံးခြင်း - အင်ဆူလင်လျော့ကျသွားရင် ခန္ဓာကိုယ်က အဆီတွေကို စွမ်းအင်အဖြစ်သို့ လောင်ကျွမ်းစေပါတယ်။

▪️ (၅) စိတ်အခြေအနေတိုးတက်စေခြင်း - သကြားမစားဘဲနေလိုက်ရင် ဆယ်ရိုတိုနင်နဲ့ ဒိုပါမင်ဟော်မုန်းများ အတက်အကျဖြစ်ခြင်းကို လျော့နည်းစေပြီး စိတ်ကျလက္ခဏာ ဖြစ်နိုင်ခြေ ၄၅ ရာခိုင်နှုန်း လျော့ကျသွားပါတယ်။

▪️ (၆) အရေပြားကျန်းမာစေခြင်း - သကြားဓာတ်က ရောင်ရမ်းခြင်းဖြစ်စေတာကြောင့် မစားဘဲနေပါက ရောင်ရမ်းခြင်း လျော့ကျစေပြီး အသားအရည် တင်းရင်းမှု ၃၅ ရာခိုင်နှုန်း ပိုကောင်းစေပါတယ်။

▪️ (၇) ကိုက်ခဲမှုနှင့်ရောင်ရမ်းမှုလျှော့ချခြင်း - သကြားမရှိတဲ့အခါ ခန္ဓာကိုယ်က အဆီကို စွမ်းအင်အဖြစ် အဓိကအသုံးပြုကာ ရောင်ရမ်းခြင်းဖြစ်စေတဲ့ အရာများကို လျှော့ချပေးပါတယ်။

▪️ (၈) ဦးနှောက်လုပ်ဆောင်ချက်မြှင့်တင်ပေးခြင်း - သကြားမစားတဲ့အခါ ခန္ဓာကိုယ်က အဆီကနေ ကီတုန်းများ ထုတ်လုပ်ပေးပြီး ဦးနှောက်အတွက် အင်အားတွေရရှိစေပါတယ်။

▪️ (၉) အသည်းအဆိပ်ဖယ်ရှားခြင်း - သကြားမစားဘဲ နှစ်ပတ်လောက်နေရင် အသည်းကနေ သိမ်းထားတဲ့အဆီတွေကို ဖြိုခွဲပြီး အဆိပ်ဖယ်ရှားပေးပါတယ်။

▪️ (၁၀) ကျောက်ကပ်လုပ်ဆောင်ချက်မြှင့်တင်ခြင်း - အချိုဓာတ်များလွန်းရင် သွေးကြောတွေ ဓာတ်တိုးထိခိုက်စေပြီး သကြားလျှော့ချလိုက်ရင်တော့ ကျောက်ကပ်လုပ်ဆောင်ချက် တိုးတက်စေမှာ ဖြစ်ပါတယ်။

▪️ သကြားဖြတ်တောက်တာက အစပိုင်းမှာ အားအင်မရှိသလို ဖြစ်နိုင်ပေမယ့် ရနိုင်မယ့်အကျိုးကျေးဇူးတွေက ပိုတန်တယ်လို့ ဆိုရပါမယ်။

#Source: The Jerusalem Post

#World_Health
Published 11 January 2025

▪️ တစ်ညလုံး သောက်စားပျော်ပါးပြီး နောက်နေ့ကျ လေ့ကျင့်ခန်းလုပ်ဖို့ သင့်မသင့်ကို ကျွမ်းကျင်သူများ လေ့လာခဲ့ကြပါတယ်။

▪️ ဘွဲ့ကြိုကျောင်းသား ၁၆၇၆ ဦးကို လေ့လာခဲ့ရာမှာ ပြီးခဲ့တဲ့ ၃ လအတွင်း အနည်းဆုံးတစ်ကြိမ်တော့ အရက်နာကျဖူးပြီး တစ်ပတ်ကို ကိုယ်လက်လှုပ်ရှား လေ့ကျင့်ခန်း မိနစ် ၃၀ ခန့် လုပ်ခဲ့ကြပါတယ်။

▪️ ပိုမိုပြင်းထန်တဲ့ လှုပ်ရှားမှုမျိုး လုပ်တဲ့သူတွေမှာ အရက်နာကျလက္ခဏာများ လျော့နည်းတာ တွေ့ခဲ့ကြပါတယ်။

▪️ ဘာကြောင့်လဲဆိုတော့ လေ့ကျင့်လှုပ်ရှားခြင်းဖြင့် နာကျင်ကိုက်ခဲမှုကို ထိန်းညှိပေးပြီး အိပ်စက်မှုနဲ့ ဇီဝဖြစ်ပျက်မှုတို့ကို တိုးတက်စေတာကြောင့် ဖြစ်ပါတယ်။

▪️ အယ်လ်ကိုဟောကြောင့် ရေဓာတ်ခန်းခြောက်ခြင်း၊ အစာခြေပြဿနာ၊ အအိပ်ပျက်ခြင်း၊ ပူပန်စိတ်ဖြစ်ခြင်းတို့ပင် ဖြစ်စေနိုင်တယ်လို့ ဖလိုးအက်သလက်တစ် ညွှန်ကြားရေးမှူး ဘင်လူးကပ်စ်က ပြောပါတယ်။

▪️ လေ့ကျင့်ခန်း လုပ်ခြင်းကနေ အခြားလက္ခဏာတွေ သက်သာနိုင်ပေမယ့် ရေဓာတ်ခန်းခြောက်နိုင်တာကိုတော့ သတိပြုသင့်ပြီး အရက်နာကျထားချိန် လေ့ကျင့်ခန်းလုပ်မယ်ဆိုရင် ဘယ်လိုပုံစံမျိုး လုပ်သင့်လဲဆိုတာ မိမိဘာသာ ချင့်ချိန်ဆုံးဖြတ်သင့်ပါတယ်။

▪️ ဥပမာအားဖြင့် ကိုယ်က ရေဓာတ်အလွန်နည်းနေရင် ခပ်သွက်သွက်လမ်းလျှောက်ခြင်း ရေကူးခြင်းတို့ ပြုလုပ်နိုင်ပါတယ်။

▪️ ပေါ့ပေါ့ပါးပါး လှုပ်ရှားမှုတွေက သွေးလည်ပတ်မှုကောင်းစေပြီး အင်ဒိုဖင်းလှုံ့ဆော်ပေးကာ ခံစားရတဲ့ လက္ခဏာများ သက်သာစေတယ်လို့ လေ့ကျင့်ခန်းဇီဝကမ္မပညာရှင် ဂလင်းဖစ်က ပြောပါတယ်။

▪️ ဒါပေမဲ့ ရေဓာတ်ခန်းခြောက်နေချိန် အာဟာရချို့တဲ့နေချိန်တို့မှာ လေ့ကျင့်ခန်းလုပ်ရင်တော့ ပိုဆိုးစေလိမ့်မယ်လို့ ဆိုပါတယ်။

▪️ အရင်တည်းက လေ့ကျင့်ခန်း ပြင်းပြင်းထန်ထန် လုပ်တဲ့သူတွေက အရက်နာကျခြင်းလက္ခဏာ အတော်လေး လျော့နည်းတာကို တွေ့ရပါတယ်။

▪️ အရက်နာကျပြီး နောက်နေ့လေ့ကျင့်ခန်း လုပ်ရာမှာ ပေါ့ပေါ့ပါးပါးသာ ဦးစားပေးသင့်ပြီး အာဟာရဓာတ်နဲ့ ရေဓာတ်ထိန်းသိမ်းဖို့လည်း အရေးကြီးကြောင်း ဖစ်က ပြောသွားပါတယ်။

#Source: New York Post

တရုတ်နည်းပညာကုမ္ပဏီကြီး Tencent မှ ထုတ်လုပ်လိုက်တဲ့ AI ရောဂါရှာဖွေရေး ထောက်ကူကိရိယာဟာ ကိုယ်တွင်းအမြှေးပါး အသားပိုဖြစ်ပေါ်မှုနှုန်း တွေ့ရှိမှုကို တိုးတက်စေပြီး ကင်ဆာဖြစ်ပေါ်မှုကို လျှော့ချပေးနိုင်ကာ ရောဂါရှာဖွေရေးနဲ့ ကုသရေးတို့ကို လူတွေပိုပြီး ခံယူလာနိုင်မှာ ဖြစ်ပါတယ်။
#World_Technology
Published 10 January 2025
#ကိုယ်တွင်းအမြှေးပါးအသားပို #AIနည်းပညာသစ်
#YMG #Yangon_Times #Yangon_Media_Group

#Daily_News
Published 10 January 2025

၁။ စက်သုံးဆီအားလုံး‌စျေးပြန်တက်၊ 92တစ်လီတာကျပ် ၃,၀၀၀ကျော် ပြန်ဖြစ်လာ

၂။ ရုပ်ရှင်လောကသားများအတွက် ယခုလတတိယပတ်တွင် စားသောက်ကုန်များထောက်ပံ့မည်

၃။ ညအအေးပိုပြီး နေ့အပူချိန်များနိုင်သောကြောင့် မီးသတိပြုရန်လိုဟုဆို

၄။ ကိုယ်တွင်းအမြှေးပါး အသားပိုရှာဖွေရေး AIနည်းပညာသစ်အား တရုတ်ကုမ္ပဏီ Tencent မှထုတ်လုပ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 10 January 2025

▪️ မြန်မာနိုင်ငံမှ အရပ်အမြင့်ဆုံးဘောလီဘောကစားသမားကို‌ေကာင်းညွန့်‌ေဝအတွက် ဂျာမနီနိုင်ငံမှ  အထူးချုပ်ဖိနပ်များကို မြန်မာနိုင်ငံဆိုင်ရာ ဂျာမနီသံရုံးမှတဆင့်လှူဒါန်းခဲ့ကြောင်း အဆိုပါသံရုံးက ယနေ့ထုတ်ပြန်ထားသည်။

▪️ အရပ်အမြင့် ၂.၁၅ မီတာ (၇ ပေ ၁ လက်မ)ရှိသည့် ကိုကောင်းညွန့်ဝေ၏ ဖိနပ်ဆိုက်မှာလည်း ကြီးမားလှသောကြောင့် ၎င်းဝတ်ဆင်ရန်အတွက် ဖိနပ်များကိုကမ္ဘာတစ်ဝှမ်းမှ အရပ်ရှည်သူများအတွက် ဖိနပ်ဆိုက်အရွယ်အစား ၄၇ မှ ၇၀ အတွင်း အထူးကျွမ်းကျင်စွာထုတ်လုပ်သူ ဂျာမန်လူမျိုး Georg Wessels ၏အထူးချုပ်ဖိနပ်များကိုလှူဒါန်းခဲ့ခြင်းဖြစ်ကြောင်း သိရသည်။

▪️ Georg Wessels သည်တူရကီ၊ ဗင်နီဇွဲလားရှိ အရပ်ရှည်သူများအပြင် အာရှနှင့် အာဖရိကနိုင်ငံများရှိ အရွယ်အစားကြီးသော ဖိနပ်ဆိုက်လိုအပ်နေသူများအတွက် ချုပ်လုပ်လှူဒါန်းခဲ့ကာ  မြန်မာနိုင်ငံရှိ ပုံမှန်ထက်အရပ်ရှည်နေသူများအတွက်လည်း အထူးချုပ်ဖိနပ်များကို နှစ်အတော်ကြာကပင် စတင်လှူဒါန်းခဲ့ခြင်းဖြစ်ကြောင်း၊၎င်းလှူဒါန်းခဲ့သူများထဲတွင် အရပ် ၂.၃၈ မီတာ (၇ ပေ ၇ လက်မ ဝန်းကျင်)ရှိသူတစ်ဦးလည်းပါဝင်ကြောင်း သိရသည်။

#YMG/SW #Yangon_Times

တနင်္သာရီတိုင်းဒေသကြီးအတွင်းမှာ လျှပ်စစ်ယူနစ်ခနှုန်းထားလျော့ကျရေးဆောင်ရွက်သွားမယ်လို့ တနင်္သာရီတိုင်းဒေသကြီးဝန်ကြီးချုပ်ဦးမြတ်ကိုပြောကြားခဲ့ပါတယ်။
#Local_News
Published 10 January 2025
#တနင်္သာရီတိုင်းဒေသကြီး #လျှပ်စစ်ယူနစ်ခနှုန်းထားလျော့ကျ
#YMG/SW #Yangon_Times

တိုင်းနဲ့ပြည်နယ်တွေမှာညအအေးပိုပြီး နေ့အပူချိန်များချိန်များနိုင်တာကြောင့် မီးသတိပြုဖို့ လိုအပ်တယ်လို့ မိုးလေဝသစောင့်ကြည့်လေ့လာသူ ဦးဝင်းနိုင်က သတိပေးထားပါတယ်။
#Local_News
Published 10 January 2025
#နေ့အပူချိန်များ #မီးသတိပြုရန်လို
#YMG/NN #Yangon_Times

မြန်မာနိုင်ငံရုပ်ရှင်အစည်းအရုံးအနေနဲ့ ရုပ်ရှင်လောကသားတွေအတွက် စားသောက်ကုန်တွေ ထောက်ပံ့လျှက်ရှိရာမှာ ယခုလတတိယပတ်မှာလည်း
ထောက်ပံ့ပေးအပ်သွားဖို့ရှိတယ်လို့ သိရပါတယ်။
#Local_News
Published 10 January 2025
#ရုပ်ရှင်လောကသား #စားသောက်ကုန်များထောက်ပံ့
#YMG/SW #Yangon_Times

ရန်ကုန်ဈေးကွက်မှာ နှစ်ပတ်ဆက်တိုက်ကျဆင်းခဲ့တဲ့ စက်သုံးဆီဈေးတွေဟာ ဒီကနေ့မှာတော့ ပြန်လည်မြင့်တက်လာပြီး 92တစ်လီတာကို ကျပ် ၃,၀၀၀ ကျော်အထိပြန်လည် ရောက်ရှိလာတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီက သိရပါတယ်။
#Local_News
Published 10 January 2025
#စက်သုံးဆီဈေးတက် #စက်သုံးဆီတင်သွင်းသိုလှောင်ဖြန့်ဖြူးခြင်း
#YMG/NN #Yangon_Times