၁၁ ဇန်နဝါရီ၊ ၂၀၂၅

ကုလသမဂ္ဂရဲ့ ရာသီဥတုဆိုင်ရာအေဂျင်စီဖြစ်တဲ့ ကမ္ဘာ့မိုးလေဝသအဖွဲ့အစည်းက ပြီးခဲ့တဲ့ ၂၀၂၄ခုနှစ်ဟာ ကမ္ဘာကြီးရဲ့ အပူနွေဆုံးနှစ်အဖြစ် စံချိန်ချိုးသွားခဲ့တယ်လို့ သောကြာနေ့က ကြေညာခဲ့ပါတယ်။

ကမ္ဘာကြီးဟာ ကမ္ဘာ့ပျမ်းမျှအပူချိန်ထက် ၁.၅၅ ဒီဂရီ ဆဲလ်ဆိယတ်စ် မြင့်တက်ခဲ့တာဖြစ်ပါတယ်။

#World_Health
Published 12 January 2025

▪️ ကိုယ်တွင်းဇီဝဟက်ကာ ဒေ့ဗ်အက်စ်ပရေးက ဆံပင်ကျွတ်ခြင်းကို သက်သာစေမယ့် လျှို့ဝှက်ချက် သိရှိထားပြီး အရေးကြီးဆုံးတစ်ခုက ဖိစီးမှုလျှော့ချဖို့ဖြစ်တယ်လို့ ပြောပါတယ်။

▪️ ကော်တီဆောလ်ဟော်မုန်းက ဆံပင်ပါးစေတာကြောင့် ဖိစီးမှုကို ထိန်းချုပ်ရမယ်လို့ Bulletproof တည်ထောင်သူက ပြောသွားပါတယ်။

▪️ နံနက်ပိုင်းမှာ ပါဝင်ပစ္စည်း ၂ မျိုးပါတဲ့ သောက်စရာသောက်ခြင်းဖြင့် သိသာလာနိုင်တယ်လို့ ဆိုပါတယ်။

▪️ သူ့ဇနီးဖြစ်သူဆိုရင် ဓမ္မတာသွေးဆုံးခါနီးအချိန်မှာ ဆံပင် ၃ ဆလောက်ထူလာပါတယ်။

▪️ ဘိုင်အိုတင် ပမာဏအများအပြား ပါဝင်ရမှာဖြစ်ပြီး ဂျင်ဆင်း၊ နနွင်းမြစ်၊ အက်ရှ်ဝါဂန်ဒါစတဲ့ ဆေးဖက်ဝင်ပင်များလည်း အကြံပြုထားပါတယ်။

▪️ နောက်ထပ်တစ်မျိုးက ဟိမဝန္တာပင်လယ်ဆားကို ရေထည့်ဖျော်ပြီး သောက်သုံးဖို့ ပြောထားပါတယ်။

▪️ ဘာကြောင့်လဲဆိုတော့ အယ်လ်ဒိုစတီရုန်းက သွေးပေါင်ချိန် ထိန်းသိမ်းရာမှာ ပါဝင်ပြီး ဆိုဒီယံ၊ ပိုတက်ဆီယံ၊ အရေးကြီး အီလက်ထရိုလိုက်တွေ ပါဝင်ပါတယ်။

▪️ နံနက်ပိုင်းမှာ ဆားအနည်းငယ် စားသုံးတဲ့အခါ ဖိစီးမှုလျော့ကျစေပြီး နေထိုင်လို့ကောင်းစေတယ်လို့ ဆိုပါတယ်။

▪️ ဆားက ကော်တီဆောလ်ပမာဏကို လျှော့ချပေးပြီး ရေဓာတ်ထိန်းသိမ်းခြင်း၊ အိပ်စက်ခြင်း၊ ကိုယ်အလေးချိန် လျော့ကျခြင်းတို့မှာ အကူအညီဖြစ်စေတယ်လို့ သုတေသနတွေ့ရှိထားပါတယ်။
ဒါပေမဲ့ ဆိုဒီယံ များလွန်းခြင်းရဲ့ ဘေးထွက်ဆိုးကျိုးတွေကိုလည်း သတိပြုမိဖို့လိုပါတယ်။

▪️ ဟိမဝန္တာဆားရည် သောက်သုံးခြင်းဖြင့် ဆိုဒီယံအပြင် အခြားသတ္တုဓာတ်တွေလည်း ရရှိနိုင်တယ်လို့ အာဟာရပညာရှင် ဂီလီယံကာလ်ဘတ်ဆန်က ပြောသွားပါတယ်။

▪️ သာမန်လူတစ်ယောက်အနေနဲ့ တစ်နေ့ကို ဆိုဒီယံ ၂၃၀၀ မီလီဂရမ်အောက် စားသုံးပေးဖို့လိုအပ်တယ်လို့ အကြံပြုထားပါတယ်။

▪️ ဒါ့အပြင် ဆားရည်က ဝမ်းချုပ်ခြင်းအတွက်လည်း ဆေးတစ်လက်အဖြစ် အသုံးပြုနိုင်ပါတယ်။

#Source: New York Post 

#World_Health
Published 12 January 2025

▪️ မိသားစုတွေ မိတ်ဆွေတွေနဲ့ ဆက်ဆံပြောဆိုနေခြင်းဖြင့် စိတ်ပိုင်းဆိုင်ရာ ကျန်းမာရေး ကောင်းမွန်စေရုံမက နှလုံးရောဂါ၊ လေဖြတ်ခြင်း၊ ဆီးချိုရောဂါတို့လို ရောဂါတွေကိုလည်း ကာကွယ်ပေးနိုင်ဖွယ် ရှိတယ်လို့ သုတေသနတစ်ခုမှာ တွေ့ထားပါတယ်။

▪️ ယူကေ ကိမ်းဘရစ်ချ်တက္ကသိုလ်နဲ့ တရုတ် ဖူဒန်တက္ကသိုလ်တို့မှ သုတေသီများက ယူကေဘိုင်အိုဘဏ်မှ လူပေါင်း ၄၂၀၀၀ ကျော်ရဲ့ သွေးနမူနာများကို ဆန်းစစ်ခဲ့ကြပါတယ်။

▪️ လူမှုပေါင်းသင်းရေးမှာ အထီးကျန်ခြင်းက ကျန်းမာရေးပြဿနာတွေ ဖြစ်လာနိုင်တဲ့ ပရိုတိန်းတွေနဲ့ ဆက်စပ်နေတယ်လို့ တွေ့ရှိခဲ့ကြပါတယ်။

▪️ လူမှုပေါင်းသင်းရေး မရှိသူတွေ အထီးကျန်ဝေဒနာ ခံစားရသူတွေဟာ ကွဲပြားသလိုရှိပေမယ့် ထိုပရိုတိန်းတွေနဲ့ ဆက်စပ်နေပါတယ်။

▪️ လူမှုပေါင်းသင်းရေးမရှိခြင်းနဲ့ ပတ်သက်တဲ့ ပရိုတိန်း ၁၇၅ မျိုးတွေ့ခဲ့ပြီး အထီးကျန်ခြင်းနဲ့ ပတ်သက်တဲ့ပရိုတိန်းက ၂၆ မျိုးရှိနေကာ ရောင်ရမ်းခြင်း၊ ဗိုင်းရပ်စ်တုံ့ပြန်ခြင်း၊ ရောဂါဖြစ်ခြင်းတို့မှာ ပါဝင်နေပါတယ်။

▪️ အဓိကပရိုတိန်းတစ်ခုဖြစ်တဲ့ ADM များပြားလာခြင်းဟာ ဦးနှောက်မှ သေးငယ်တဲ့အပိုင်းတွေနဲ့ ဆက်စပ်နေပြီး စောစီးစွာ အသက်ဆုံးပါးနိုင်ခြေ များစေပါတယ်။

▪️ ASGR1ပရိုတိန်းဆိုရင် ကိုလက်စ်ထရောလ်များခြင်း၊ နှလုံးရောဂါ ဖြစ်နိုင်ခြေများခြင်းတို့နဲ့ ဆက်စပ်နေပြီး အင်ဆူလင်ယဉ်ပါးခြင်း၊ သွေးကြောထိခိုက်ခြင်း၊ ကင်ဆာဆိုးရွားခြင်းတို့နဲ့ ဆက်စပ်တဲ့ ပရိုတိန်းတွေလည်း ရှိပါတယ်။

▪️ လူမှုပေါင်းသင်းရေး ကင်းကွာခြင်းနဲ့ အထီးကျန်ခြင်းတို့က ကမ္ဘာ့ကျန်းမာရေး ပြဿနာတွေဖြစ်ပြီး ဒါတွေကိုဖြေရှင်းမှ ကျန်းမာရေးအခြေအနေ တိုးတက်စေနိုင်မှာ ဖြစ်တယ်လို့ ကိမ်းဘရစ်ချ်တက္ကသိုလ်မှ ဘာဘရာဆာဟာကီယန်က ပြောပြပါတယ်။

▪️ ဒါကြောင့် စိတ်ကျန်းမာရေး အတွက်သာမက ရုပ်ပိုင်းဆိုင်ရာ ကျန်းမာရေးပါ ရေရှည်ကောင်းမွန်ဖို့အတွက် လူမှုပေါင်းသင်းဆက်ဆံနေထိုင်ဖို့ အရေးကြီးကြောင်းကို ဖော်ပြသွားပါတယ်။

#Source: India Today

အမေရိကန် လတ်စ်ဗေးဂတ်စ်မြို့မှာ ကျင်းပတဲ့ ၂၀၂၅ အီလက်ထရွန်နစ်ပြပွဲ(CES)မှာ တရုတ်ပြည်ထုတ် AIထုတ်ကုန်အသစ်များ နေရာယူခဲ့ကြပါတယ်။
#World_Technology
Published 11 January 2025
#အီလက်ထရွန်နစ်နည်းပညာပြပွဲ #AIထုတ်ကုန်ပစ္စည်းများ
#YMG #Yangon_Times #Yangon_Media_Group

#Daily_News
Published 11 January 2025

၁။ အသက် ၂နှစ်မှ၁၈နှစ်အတွင်း မသန်စွမ်းကလေးငယ်များကို ယူနီဆက်ထောက်ပံ့မည်

၂။ ပဲစင်းငုံတန်ချိန်၂၇၀၀ စုပေါင်းရောင်းချပွဲ၌ အပ်ကုန်စနစ်ဖြင့်ပါ လက်ခံပေးနေ

၃။ မြန်မာ-ဘယ်လာရုစ် ရင်းနှီးမြုပ်နှံမှုဆိုင်ရာ သဘောတူစာချုပ်ချုပ်ဆိုမည်

၄။ ၂၀၂၅ အီလက်ထရွန်နစ်နည်းပညာပြပွဲ၌ တရုတ် AI ထုတ်ကုန်ပစ္စည်းများ လူကြိုက်များ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

အခုဘဏ္ဍာနှစ် ကိုးလတာအတွင်း ပြည်တွင်းသို့ နိုင်ငံခြားတိုက်ရိုက်ရင်းနှီးမြှုပ်နှံမှု
FDI ပမာဏ အမေရိကန်ဒေါ်လာသန်း၆၀၀ကျော်အထိ ဝင်ရောက်ထား
တယ်လို့ ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှုဦးစီးဌာန (DICA)(ဒါကာ) ကသိရပါတယ်။
#Local_News
Published 11 January 2025
#FDI #ကုမ္ပဏီများညွှန်ကြားမှုဦးစီးဌာန
#YMG/NN #Yangon_Times

မြန်မာနိုင်ငံနဲ့ ဘယ်လာရုစ်နှစ်နိုင်ငံအကြား ရင်းနှီးမြှုပ်နှံမှုမြှင့်တင်ရေးနဲ့ အကာအကွယ်ပေးရေးဆိုင်ရာ သဘောတူစာချုပ်ချုပ်ဆိုနိုင်ရေး ဆောင်ရွက်လျက်ရှိတယ်လို Myanmar – Belarus Business Forum မှ သိရပါတယ်။
#Local_News
Published 11 January 2025
#မြန်မာ-ဘယ်လာရုစ် #ရင်းနှီးမြှုပ်နှံမှု
#YMG/SW #Yangon_Times

မကွေးတိုင်း၊ ရေနံချောင်းနဲ့မကွေးမြို့နယ်က ထွက်ရှိတဲ့ ပဲစင်းငုံတန်ချိန်၂၇၀၀ စုပေါင်းရောင်းချပွဲမှာ တောင်သူတွေမနစ်နာစေဖို့ အပ်ကုန်စနစ်နဲ့ပါ ဝယ်ယူပေးနေတယ်လို့ တိုင်းတောင်သူဖွံ့ဖြိုးရေးအဖွဲ့ ၊(မကွေး )က သိရပါတယ်။
#Local_News
Published 11 January 2025
#ပဲစင်းငုံ #အပ်ကုန်စနစ်
#YMG/NN #Yangon_Times

မြန်မာနိုင်ငံအတွင်းက အသက် ၂ နှစ်မှ ၁၈ နှစ်အတွင်း မသန်စွမ်းကလေးငယ်တွေကို ယူနီဆက်က နှစ်လတစ်ကြိမ်နှုန်းနဲ့ ထောက်ပံ့သွားမယ်လို့ သိရပါတယ်။
#Local_News
Published 11 January 2025
#မသန်စွမ်းကလေးငယ် #ယူနီဆက်ထောက်ပံ့
#YMG/SW #Yangon_Times

#Local_News
Published 11 January 2025

▪️ အိန္ဒိယနိုင်ငံထုတ်အစားအစာ၊ လူသုံးကုန်ပစ္စည်းနှင့် ဝန်ဆောင်မှုလုပ်ငန်းများကို ကမ္ဘာ့ဒေသအသီးသီးတို့ တင်ပို့ရောင်းချနိုင်ရေး ကြိုးပမ်းဆောင်ရွက်သည့် ပြပွဲသို့ မြန်မာဝယ်လက်များလာရောက်ရန် ဖိတ်ကြားထားကြောင်း သိရသည်။

▪️ အိန္ဒိယပို့ကုန်မြင့်တင်ရေးအဖွဲ့ချုပ် (Federation of Indian Export Organization-FIEO) မှကြီးမှူး၍ 3rd SOURCEX INDIAN ကုန်စည်ပြပွဲကို နယူးဒေလီမြိုရှိ  Yashobhoomi ပြပွဲစင်တာ၌ မတ်လ ၂၆ ရက်နေ့မှ ၂၈ ရက်နေ့အထိ ကျင်းပမည်ဖြစ်ရာ ယခုပြပွဲသည် နိုင်ငံတကာဝယ်လက်များနှင့် အိန္ဒိယနိုင်ငံ၏ ကုန်ပစ္စည်းထုတ်လုပ်ရောင်းချမှုတွင် ဉီးဆောင်နေသည့်လုပ်ငန်းရှင်များနှင့် ချိတ်ဆက်ဆောင်ရွက်ပေးမည်ဖြစ်ကြောင်း၊ ပြပွဲတွင် အိန္ဒိယနိုင်ငံ၏ ထင်ရှားသော ကုန်အမှတ်တံဆိပ် ၂၀၀ ကျော်အား ခင်းကျင်းပြသထားမည်ဖြစ်ပြီး ကုန်စည်ကဏ္ဍတွင် အစားအသောက်နှင့် အဖျော်ယမကာကဏ္ဍ၊ ကျန်းမာရေးနှင့် အလှအပရေးရာကဏ္ဍ၊ လူသုံးကုန်ပစ္စည်းများ၊ အဝတ်အစားနှင့်အထည်အလိပ်ကဏ္ဍ၊ ကလေးနှင့်စပ်လျဉ်းသောထုတ်ကုန်ပစ္စည်းများကဏ္ဍ၊ အားကစားနှင့် ကိုယ်လက်လှုပ်ရှားရေးကဏ္ဍ၊ စာရေးကိရိယာပစ္စည်းများကဏ္ဍများနှင့် ဝန်ဆောင်မှုကဏ္ဍတွင် E-Commerce ဝန်ဆောင်မှုလုပ်ငန်း၊ ပညာရေးနှင့်ကျွမ်းကျင်သင်တန်းများ၊ ဖျော်ဖြေရေးကဏ္ဍ၊ အစားအသောက်ဝန်ဆောင်မှုကဏ္ဍများ၊ ခရီးသွားအပန်းဖြေရေးနှင့် ထောက်ပံ့ပိုဆောင်ရေးကဏ္ဍများ ပါဝင်မည်ဖြစ်ကြောင်း သိရသည်။

▪️ ပြပွဲသို့လာရောက်မည့် ပြည်ပဝယ်လက်များအတွက် ကုမ္ပဏီတစ်ခုလျှင် တစ်ဉီးအတွက် လေယာဉ်လက်မှတ်ခ (ရိုးရိုးတန်း) ကိုငွေသားဖြင့် ပြန်လည်ထုတ်ပေးသွားမည်ဖြစ်ပြီး နယူးဒေလီမြို့၌ ၂ ညတာတည်းခိုနေထိုင်ရေးနှင့် လေဆိပ်မှဟိုတယ်ကြိုဆို ပို့ဆောင်မှုများ၊ စီးပွားရေးလုပ်ငန်းရှင်များနှင့် ချိတ်ဆက်ဆောင်ရွက်မှုများကို စီစဉ်ဆောင်ရွက်ပေးသွားမည်ဖြစ်ပါကြောင်းနှင့် ပြည်ပဝယ်လက်များအနေဖြင့် မှတ်ပုံတင်ခြင်းကို ၂၀၂၅ ခုနှစ်၊ ဇန်နဝါရီလ ၃၀ ရက်မတိုင်မီ ဆောင်ရွက်ပေးရန် လိုအပ်ကြောင်း သိရသည်။

#YMG/SW #Yangon_Times

#Local_News
Published 11 January 2025

▪️ မြန်မာနိုင်ငံတော် ဗဟိုဘဏ်အနေဖြင့် ယခုနှစ်ဆန်း၌ နိုင်ငံခြားငွေကြေးများဗဟိုဘဏ် ဆက်တိုက်ထုတ်ရောင်းနေကြောင်း သိရသည်။

▪️ ထိုသို့ရောင်းချရာတွင် ပြီးခဲ့သည့် ဇန်နဝါရီလ ၂ ရက်နေ့ကလည်း ငွေလဲနှုန်း ၃၅၈၈ ကျပ်ဖြင့်  အမေရိကန်ဒေါ်လာ ၂၅ သန်း၊ ငွေလဲနှုန်း ၅၃၈ ကျပ်ဖြင့်  တရုတ်ယွမ် ၆၇၈၃၅၄ ၊ ငွေလဲနှုန်း ၁၂၉.၉ ကျပ်ဖြင့်  ထိုင်းဘတ် ၂.၄ သန်းကိုလည်း ထုတ်ရောင်းပေးခဲ့ပြီးဖြစ်ကြောင်း သိရသည်။

▪️ ထို့အပြင် ဇန်နဝါရီလ ၆ ရက်နေ့တွင် ငွေလဲနှုန်း ၃၅၉၁ ကျပ်ဖြင့်  အမေရိကန်ဒေါ်လာ ၂၅ သန်း၊ ငွေလဲနှုန်း ၁၃၀.၃ ကျပ်ဖြင့် ထိုင်းဘတ် ၂.၈ သန်းများ ထုတ်ရောင်းပေးခဲ့ကြောင်း သိရသည်။

▪️ အလားတူ ဇန်နဝါရီလ ၁၀ ရက်နေ့တွင်လည်း ငွေလဲနှုန်း ၅၃၉.၆ ကျပ်နှင့်  တရုတ်ယွမ် ၇၁၄,၈၅၃ကိုထုတ်ရောင်းခဲ့ကြောင်း သိရသည်။

#YMG/NN #Yangon_Times

#Local_News
Published 11 January 2025

နာဂရိုးရာနှစ်သစ်ကူးပွဲတော်ကို စစ်ကိုင်းတိုင်းဒေသကြီး၊ နာဂကိုယ်ပိုင်အုပ်ချုပ်ခွင့်ရဒေသရှိလဟယ်မြို့နှင့် ခန္တီးမြို့တွင် ကျင်းပသွားမည်ဖြစ်ကြောင်း သိရသည်။

ထိုသို့ကျင်းပရာတွင် ၂၀၂၅ ခုနှစ်နာဂ ရိုးရာနှစ်သစ်ကူးပွဲတော် ကို  လဟယ်မြို့တွင် ဇန်နဝါရီ၁၅ရက်နေ့တွင် နိုင်ငံတော်အဆင့်အဖြစ် ကျင်းပသွားမည်ဖြစ်သည်။

ထို့အပြင်  ဗဟိုအဆင့် နာဂရိုးရာနှစ်သစ်ကူးပွဲတော်ကိုလည်း ခန္တီးမြို့နယ်မှာ ဇန်နဝါရီလ(၁၅)ရက်မှ  (၁၇)ရက် အထိ (၃)ရက်ကြာ ကျင်းပသွားမည် ဖြစ်ကြောင်း သိရသည်။

နာဂရိုးရာစာပေနှင့်ယဉ်ကျေးမှု(ဗဟို) ၏ (၃၅)နှစ်ပြည့် ကျောက်စိမ်းရတု အထိမ်းအမှတ် နာဂရိုးရာနှစ်သစ်ကူးအားကစားပြိုင်ပွဲဖွင့်ပွဲကိုလည်း ခန္တီးမြို့ နာဂရိုးရာအားကစားကွင်းတွင် ဇန်နဝါရီလ ၇ ရက် မနက်ပိုင်းက ပြုလုပ်ခဲ့ကြောင်း သိရသည်။

အဆိုပါပြိုင်ပွဲသည် ဇန်နဝါရီလ(၁၅)ရက်တွင် ကျရောက်မည့် နာဂရိုးရာစာပေနှင့်ယဉ်ကျေးမှု(ဗဟို) ၏ (၃၅)နှစ်ပြည့် ကျောက်စိမ်းရတု အထိမ်းအမှတ်အဖြစ်ကျင်းပနေခြင်းဖြစ်ပြီး အားကစားပြိုင်ပွဲများကို (၈)ရက်ကြာ ကျင်းပသွားမည် ဖြစ်ကြောင်း သိရသည်။

#YMG/NN #Yangon_Times