သမ္မတဒေါ်နယ်ထရမ့်အစိုးရအဖွဲ့ ကြေညာထားတဲ့အတိုင်း အမေရိကန် မော်တော်ယာဉ်လုပ်ငန်းဟာ စည်းကြပ်ခွန် ၂၅ ရာခိုင်နှုန်းအပါအဝင် ကုန်သွယ်ရေးမူဝါဒသစ်များရဲ့ အကျိုးဆက်တွေကို ခံစားနေရပါတယ်။
#World_Industry
Published 25 March 2025
#ဒေါ်နယ်ထရမ့် #ကုန်သွယ်ရေးအခွန်စည်းကြပ်မှု
#YMG #Yangon_Times #Yangon_Media_Group

#Daily_News

Published 25 March 2025

၁။ ယူနက်စကိုစာရင်းဝင် မြန်မာ့ရိုးရာအတာသင်္ကြန်ကို ရန်ကုန်၌စည်ကားသိုက်မြိုက်စွာကျင်းပမည်

၂။ လာမည့်ဘဏ္ဍာနှစ်တွင် ပြည်ပသို့ပေါင်းဆန် တန်ချိန် ၃ သိန်း တင်ပို့မည်

၃။ ‘ပြည်တွင်းဆီ ပိဿာချိန် ခြောက်သောင်းကျော်ရောင်းချပေးမည့် သင်္ကြန်အကြိုဈေးရောင်းပွဲတော်’ကျင်းပမည်

၄။ ဒေါ်နယ်ထရမ့်အစိုးရအဖွဲ့၏ ကုန်သွယ်ရေးအခွန်စည်းကြပ်မှု မူဝါဒအသစ်များကြောင့် မော်တော်ယာဉ်လုပ်ငန်းထိခိုက်ကျဆင်းလာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ပြည်ပအလုပ်အကိုင်အေဂျင်စီတွေအနေနဲ့ တစ်လတစ်ကြိမ်သာ အလုပ်ခေါ်စာတင်ပြရမှာဖြစ်ပြီး နိုင်ငံအလိုက် အလုပ်ခေါ်စာအသစ်တင်ရမယ့် လုပ်သားဦးရေကို ကန့်သတ်ခွင့်ပြုပေးသွားမှာဖြစ်တယ်လို့ အလုပ်သမားဝန်ကြီးဌာနမှ သိရပါတယ်။
#Local_News
Published 25 March 2025
#နိုင်ငံအလိုက်လုပ်သားဦးရေကန့်သတ် #ပြည်ပအလုပ်အကိုင်အေဂျင်စီ
#YMG/SW #Yangon_Times

မြေပဲ၊ နေကြာ၊ နှမ်းဆီပိဿာချိန်ခြောက်သောင်းကျော် ရောင်းချပေးသွားမယ့် ‘ပြည်တွင်းဆီများ သင်္ကြန်အကြိုဈေးရောင်းပွဲတော်’ကို ရန်ကုန်မြို့မှာ ဧပြီလအတွင်းကျင်းပသွားမယ်လို့ မြန်မာနိုင်ငံဆီစက်ပိုင်ရှင်များအသင်းကသိရပါတယ်။
#Local_News
Published 25 March 2025 
#သင်္ကြန်အကြိုဈေးရောင်းပွဲတော် #မြန်မာနိုင်ငံဆီစက်ပိုင်ရှင်များအသင်း
#YMG/NN #Yangon_Times

မြန်မာနိုင်ငံဆန်စပါး အသင်းချုပ်အနေနဲ့ လာမယ့် ၂၀၂၅- ၂၀၂၆ ဘဏ္ဍာနှစ်မှာ ပြည်ပသို့ ပေါင်းဆန်တန်ချိန် ၃ သိန်း တင်ပို့နိုင်ဖို့ လျာထားတယ်လို့ သိရပါတယ်။
#Local_News
Published 25 March 2025 
#မြန်မာနိုင်ငံဆန်စပါးအသင်းချုပ် #ပြည်ပသို့ပေါင်းဆန်တင်ပို့
#YMG/SW #Yangon_Times

ယူနက်စကိုရဲ့ လူသားမျိုးနွယ်ကိုယ်စားပြု ဒြပ်မဲ့ယဉ်ကျေးမှုအမွေအနှစ်စာရင်းဝင် မြန်မာ့ရိုးရာနှစ်သစ်ကူး အတာသင်္ကြန်ပွဲတော်ကို ဂုဏ်ပြုသောအားဖြင့် မြန်မာသက္ကရာဇ် ၁၃၈၆ ခုနှစ် ရန်ကုန်မြို့တော်မဟာသင်္ကြန်တော်ကို ရန်ကုန်မြို့မှာစည်ကားသိုက်မြိုက်စွာနဲ့ ကျင်းပသွားမယ်လို့ သိရပါတယ်။
#Local_News
Published 25 March 2025 
#ယူနက်စကိုစာရင်းဝင် #မြန်မာ့ရိုးရာအတာသင်္ကြန်
#YMG/NN #Yangon_Times

#Local_News
Published 25 March 2025

▪️ မန္တလေးတိုင်းဒေသကြီး၊ ညောင်ဦးမြို့နယ်၌ သောက်သုံးရေအခက်အခဲရှိသည့် ကျေးရွာများရှိရာ  ရေလှူဒါန်းမှုများပြုလုပ်နေကြောင်း သိရသည်။

▪️ မန္တလေးတိုင်းဒေသကြီး၊ ညောင်ဦးမြို့နယ်၊ တောင်ဇင်းတိုက်နယ်၊ ငါ့လင်းပုတ်ကျေးရွာရှိ သောက်သုံးရေအခက်အခဲဖြစ်ပွား နေကြောင်းသိရသည်။

▪️ ထို့ကြောင့် ငါ့လင်းပုတ်ကျေးရွာရှိ သောက်သုံးရေအခက်အခဲဖြစ်ပွားနေသော အိမ်ထောင်စုများကို မတ်လ ၂၅ ရက်နေ့၊ မနက် ၁၀ နာရီ အချိန်က
တောင်ဇင်းနယ်မြေမီးသတ်စခန်းမှ မီးသတ်ရေသယ်ယာဉ်(၁)စီးဖြင့် ရေဂါလန်(၃၂၀၀) အား သွားရောက်လှူဒါန်းခဲ့ကြောင်း သိရသည်။

#YMG/NN #Yangon_Times

#Local_News
Published 25 March 2025

▪️ မြန်မာနိုင်ငံတော်ဗဟိုဘဏ်သည်  နိုင်ငံခြားငွေကြေးဈေးကွက် (FX Trading Platform) မှ စက်သုံးဆီနှင့်  သွင်းကုန်လုပ်ငန်းရှင်များကို  ဒေါ်လာ ၃၅ သန်းနှင့် တရုတ်ယွမ် ၁၀ သန်း   ထုတ် ရောင်း သွားမည် ဖြစ်ကြောင်း သိရသည်။

▪️ ထိုသို့ ရောင်းချရာတွင် စက်သုံးဆီလုပ်ငန်းရှင်များကို  အမေရိကန်ဒေါ်လာ ၃၅ သန်း နှင့်  သွင်းကုန်လုပ်ငန်းရှင်များကိုမူ တင်တရုတ်ယွမ် ၁၀ သန်း ရောင်းချပေးမည် ဖြစ်သည်။

▪️ သို့သော် ရောင်းချပေးမည့်  နိုင်ငံခြားငွေများအတွက် ရည်ညွှန်းငွေလဲနှုန်းကိုတော့ သီးခြားဖော်ပြထားခြင်း မရှိသေးကြောင်း သိရသည်။

#YMG/NN #Yangon_Times

#World_News
Published 25 March 2025

▪️ ဂေါက်ဖ်အကျော်အမော် တိုက်ဂါးဝုဒ်က အမေရိကန်သမ္မတ ဒေါ်နယ်ထရမ့်ရဲ့ ချွေးမဟောင်းဖြစ်သူ ဗနက်ဆာထရမ့်နဲ့ တွဲနေတယ်လို့ အသိပေးလိုက်ပါတယ်။

▪️ အသက် ၄၇ နှစ်ရှိတဲ့ ဗနက်ဆာက ဒေါ်နယ်ထရမ့်ဂျူနီယာနဲ့ ၁၃ နှစ်ကြာအောင် လက်ထပ်ခဲ့ပြီး သားသမီး ၅ ယောက်ထွန်းကားခဲ့ကာ ၂၀၁၈ ခုနှစ်မှာ ကွာရှင်းခဲ့ကြပါတယ်။

▪️ အသက် ၄၉ နှစ်ရှိတဲ့ ဝုဒ်က ဆိုရှယ်မီဒီယာပေါ်မှာ သူနဲ့ဗနက်ဆာတို့ရဲ့ ပုံတွေကို တနင်္ဂနွေနေ့က တင်ခဲ့ပြီး "လေထဲမှာ အချစ်တွေပြည့်နေပြီး ကိုယ့်ဘေးနားမှာ မင်းရှိနေရင် ပိုပြည့်စုံတယ်။ ဘဝခရီးကို အတူတူဖြတ်သန်းသွားဖို့ ရှေးရှုထားတယ်" လို့ ရေးထားပါတယ်။

▪️ ဘာလို့ လူအများသိအောင် ဖော်ထုတ်သလဲ မသိရပေမယ့် သူတို့နှစ်ယောက်ရဲ့ ကောလာဟာလတွေအကြောင်း ပြီးခဲ့တဲ့ရက်သတ္တပတ်တွေက မဂ္ဂဇင်းတွေမှာ ဖော်ပြထားပါတယ်။

▪️ အဓိကပြိုင်ပွဲကြီး ၁၅ ခုမှာ အနိုင်ရခဲ့တဲ့ ဝုဒ်ဟာ ၂၀၀၀ ဝန်းကျင်တွေက အိမ်ထောင်ရေး ဖောက်ပြန်မှုတွေ အရှုပ်ကိစ္စတွေ ထွက်ပေါ်ခဲ့ကာ သူ့ရဲ့ပုံရိပ်နဲ့ ကစားသမားဘဝ ထိခိုက်ခဲ့ပြီးနောက် ပုဂ္ဂိုလ်ရေးကိစ္စတွေမှာ ထိန်းသိမ်းနေထိုင်ခဲ့ပါတယ်။

▪️ လိင်မှုကိစ္စစွဲလမ်းမှု ပြန်လည်ထူထောင်ရေးဆေးခန်း ပြခဲ့ပြီး ပထမဆုံးဇနီးဖြစ်သူ အယ်လင်နော်ဒီဂရင်နဲ့ ၆ နှစ်ကြာ လက်ထပ်နေထိုင်ပြီးနောက် မပြေမလည်လမ်းခွဲခဲ့ကြပါတယ်။

▪️ အမေရိကန်မီဒီယာများ ဖော်ပြချက်အရ တိုက်ဂါးဝုဒ်ကလေးတွေနဲ့ ဗနက်ဆာကလေးတွေက တက်တဲ့ကျောင်းတူတယ်လို့ သိရပါတယ်။

▪️ ဗနက်ဆာက ဒေါ်နယ်ထရမ့် သားအကြီးဆုံးရဲ့ ဇနီးဟောင်းဖြစ်ပြီး ဒေါ်နယ်ထရမ့် ပထမအကြိမ် သမ္မတရာထူးရစဉ်က အခမ်းအနားပွဲတွေမှာ ပုံမှန်တက်ရောက်ခဲ့ပါတယ်။

▪️ ကမ္ဘာ့နံပါတ် ၁ ဂေါက်ဖ်ရိုက်သူဖြစ်ခဲ့ဖူးတဲ့ တိုက်ဂါးဝုဒ်က သမ္မတထရမ့်နဲ့ ခဏခဏ ဂေါက်ဖ်ကစားခဲ့ဖူးပါတယ်။

▪️ ထရမ့်က ဂေါက်ဖ်အားကစားကို မြတ်နိုးပြီး ဂေါက်ဖ်ကွင်းတစ်ဒါဇင်ကျော် ပိုင်ဆိုင်ထားပါတယ်။

▪️ ဝုဒ်နဲ့ ဗနက်ဆာတို့ရဲ့ ကလေးတွေဟာလည်း အငယ်တန်းဂေါက်ဖ်ရိုက်သူတွေ ဖြစ်နေပါပြီ။

#Source: BBC

#Local_News
Published 25 March 2025

▪️ ကမ္ဘောဒီးယားနိုင်ငံ၊ ဆီရမ်ရိမြို့ရှိ အန်ကောဝပ် ရှေးဟောင်းယဉ်ကျေးမှုနယ်မြေ၌ ကျင်းပသည့် ၂၀၂၅ ခုနှစ် မဲခေါင်-လန်ချန်း ပူးပေါင်းဆောင်ရွက်ရေး ရက်သတ္တပတ် (၅)ကီလိုမီတာ အပျော်တန်းအပြေးပြိုင်ပွဲသို့ မြန်မာသံရုံး၊ ဖနောင်ပင်မြို့မှ သံအမတ်ကြီးနှင့် ပထမအတွင်းဝန်တို့ ပါဝင်ဆင်နွှဲခဲ့ကြောင်း သိရသည်။

▪️ အဆိုပါ အပျော်တန်း အပြေးပြိုင်ပွဲကို ကမ္ဘောဒီးယားနိုင်ငံ၊ နိုင်ငံခြားရေးနှင့်အပြည်ပြည်ဆိုင်ရာ ပူးပေါင်းဆောင်ရွက်ရေးဝန်ကြီးဌာနမှ ကြီးမှူး၍ ၂၃-၃-၂၀၂၅ ရက် နံနက်(၀၅၃၀)အချိန်တွင် ကျင်းပခဲ့ခြင်းဖြစ်ရာအပြေးပြိုင်ပွဲအား ကုန်သွယ်ရေးနှင့်စီးပွားရေးဆိုင်ရာဝါရင့်ဝန်ကြီး H.E. Prof. Dr. SOK Siphana နှင့် ကမ္ဘောဒီးယားနိုင်ငံ၊ နိုင်ငံခြားရေးနှင့် အပြည်ပြည်ဆိုင်ရာပူးပေါင်း ဆောင်ရွက်ရေး ဝန်ကြီးဌာန ဒုတိယဝန်ကြီး H. E. MEAS Kim Heng တို့က အဖွင့်မိန့်ခွန်းအသီးသီး ပြောကြားခဲ့ကြပြီး အားကစားပွဲကို စတင်ခဲ့ကြောင်း သိရသည်။

▪️ အပျော်တန်းအပြေးပြိုင်ပွဲကို မဲခေါင်-လန်ချန်း ပူးပေါင်းဆောင်ရွက်ရေး၏ အရေးပါမှုအပေါ် အသိပညာမြှင့်တင်ရန်နှင့် Kuntha Bopha ကလေး ဆေးရုံကြီးအတွက် ရန်ပုံငွေရရှိရေး ရည်ရွယ်ကျင်းပခဲ့ခြင်းဖြစ်ပြီး ကမ္ဘောဒီးယားနိုင်ငံ၊ နိုင်ငံခြားရေးဝန်ကြီးဌာနမှ ဝန်ထမ်းများ၊ မဲခေါင်-လန်ချန်း နိုင်ငံသံရုံးများဖြစ်ကြသော တရုတ်၊ မြန်မာ၊ ဗီယက်နမ်၊ လာအို၊ ထိုင်း သံရုံးတိုမှ သံအမတ်ကြီးများနှင့် သံတမန်များ၊ ဒေသခံပြည်သူများ စုစုပေါင်း (၇၀၀)ဦးခန့် ပါဝင်ဆင်နွှဲခဲ့ကြောင်း၊

▪️ ပြိုင်ပွဲတွင် ပထမဆုံးပန်းဝင်သည့် အမျိုးသား(၃)ဦးနှင့် အမျိုးသမီး(၃)ဦးတိုအား ဆုများ အသီးသီးချီးမြှင့်ခဲ့ပြီး ပြိုင်ပွဲမှရရှိခဲ့သည့် အလှူငွေ စုစုပေါင်း အမေရိကန် ဒေါ်လာ ၇၆၈၂/- ကို Kuntha Bopha ကလေးဆေးရုံကြီးမှ တာဝန်ရှိသူထံ လှူဒါန်းခဲ့ကြောင်း သိရသည်။

#YMG/SW #Yangon_Times

#World_Health
Published 25 March 2025

▪️ သက်ကြီးရွယ်အိုတွေ အိပ်စက်မှုချို့တဲ့ပါက ဦးနှောက်ထဲမှာ အန္တရာယ်ပြု အညစ်အကြေးတွေနဲ့ အဆိပ်အတောက်တွေကို ဖယ်ရှားပေးတဲ့ သငံရည်ကြော လင့်အဖွဲ့အစည်းကို ထိခိုက်စေတယ်လို့ လေ့လာချက်တစ်ခုမှာ ဖော်ပြထားပါတယ်။

▪️ အိပ်စက်မှု မကောင်းတဲ့အခါ ထိုစနစ်ရဲ့ လုပ်ဆောင်ချက် ယိုယွင်းစေပြီး မှတ်ဉာဏ်ကျဆင်းခြင်းနဲ့ အသိဉာဏ်ချို့ယွင်းခြင်းတို့ ဖြစ်လာစေနိုင်ပါတယ်။

▪️ သက်ကြီးရွယ်အို ၇၂ ဦးကို ဦးနှောက်ဓာတ်မှန်ရိုက်ရာမှာ ကောင်းစွာမအိပ်စက်ရပါက မှတ်ဉာဏ်နဲ့ဆက်စပ်နေတဲ့ ဦးနှောက်ကွန်ရက်များအတွင်း ချိတ်ဆက်မှုများကို ထိခိုက်စေတယ်လို့ တွေ့ရှိလာပါတယ်။

▪️ HKUမှ စိတ်ကျန်းမာရေးသိပ္ပံ ပရော်ဖက်ဆာ တေရှာအမ်စီလီက အိပ်စက်မှုနဲ့ ဦးနှောက်လုပ်ဆောင်ချက်အကြောင်း ရှင်းပြသွားပါတယ်။

▪️ ပရော်ဖက်ဆာလီနဲ့အဖွဲ့က ဦးနှောက်ထဲကနေ အညစ်အကြေးများ ရှင်းထုတ်ပေးရာမှာ အဓိကပါဝင်တဲ့ သငံရည်ကြော လင့်အဖွဲ့အစည်းစနစ်ကို အလေးထားလေ့လာခဲ့ကြပါတယ်။

▪️ ဒီစနစ်ဟာ အထူးသဖြင့် အသက်ကြီးသူတွေမှာ ဦးနှောက်ကျန်းမာရေးကို အဆုံးအဖြတ်ပေးတဲ့စနစ် ဖြစ်ပါတယ်။

▪️ လင့်အဖွဲ့အစည်း ချို့ယွင်းတဲ့အခါမှာ အဆိပ်အတောက်ပရိုတိန်းများ စုပြုံလာပြီး အယ်လ်ဇိုင်းမားရောဂါ၊ ပါကင်ဆန်ရောဂါ၊ ဝက်ရူးပြန်တို့လို အာရုံကြောရောဂါတွေ ဖြစ်လာစေပါတယ်။

▪️ ဒီပတ်သက်မှုတွေကို သိရှိခြင်းဖြင့် အသက်အရွယ်အရ မှတ်ဉာဏ်ဆုံးရှုံးလာခြင်းကို ဖြစ်စေတဲ့ အာရုံကြောဇီဝကမ္မဖြစ်စဉ်တွေအကြောင်း ပိုမိုသိရှိလာစေနိုင်တယ်လို့ ပရော်ဖက်ဆာလီက ပြောပါတယ်။

▪️ ဒါကြောင့် ကျန်းမာစွာ အသက်ကြီးရင့်လာနိုင်ဖို့အတွက် လင့်အဖွဲ့အစည်း လုပ်ဆောင်ချက်ထိန်းသိမ်းနိုင်ဖို့ က အရေးပါနေပါတယ်။

▪️ ဒီရလဒ်တွေက အိပ်စက်မှု၊ လင့်အဖွဲ့အစည်းစနစ်နဲ့ ဦးနှောက်ကွန်ရက်များကြား ဆက်သွယ်မှုရှုထောင့်ကနေ လေ့လာထားတာ ဖြစ်ပါတယ်။

#Source: Neuro Science News

#World_Health
Published 25?March 2025

▪️ မြစ်စွန်မြစ်ဖျားတွေအနီး နေထိုင်တဲ့သူတွေဟာ ကင်ဆာဖြစ်နိုင်ခြေ များတယ်လို့ အိန္ဒိယဆေးသုတေသနကောင်စီ (ICMR)က လေ့လာဖော်ပြပါတယ်။

▪️ ထိုနေရာတွေမှာ ကျန်းမာရေးအန္တရာယ်က ဘေးကင်းစိတ်ချရတဲ့အမှတ်ကို ကျော်လွန်နေကာ ကျန်းမာရေးပြဿနာများ ဖြစ်လာနိုင်တယ်လို့ အိန္ဒိယသိပ္ပံအကယ်ဒမီမှာ ဖော်ပြထားပါတယ်။

▪️ ရေထဲမှာ ခဲဓာတ်၊ သံဓာတ်၊ အလူမီနီယံဓာတ်တို့ မြင့်မားစွာ ပါဝင်နေကာ ညစ်ညမ်းမှုထိန်းချုပ်ရေး ဗဟိုဘုတ်အဖွဲ့မှ သတ်မှတ်ထားတဲ့နှုန်းထက် ကျော်လွန်နေပါတယ်။

▪️ ကင်ဆာကုသရေး တိုးတက်ဖို့အတွက် ကျန်းမာရေးစောင့်ရှောက်မှု အပြင်အဆင်များ မြှင့်တင်နေတယ်လို့ ဗဟိုအစိုးရက ရေးသားဖော်ပြထားပါတယ်။

▪️ ပြည်နယ်အဆင့် ကင်ဆာတက္ကသိုလ်(SCI) ၁၉ ခုနဲ့ ကင်ဆာအဆင့်မြင့်စောင့်ရှောက်ရေးစင်တာ (TCCC) ၂၀ တို့က နည်းပညာမြင့် ရောဂါရှာဖွေရေးနဲ့ ကုသရေးဝန်ဆောင်မှုများ ပြုလုပ်ရန် အသိအမှတ်ပြုထားပါတယ်။

▪️ ဒါ့အပြင် အဆင့်မြင့်ဆေးရုံသစ် ၂၂ ခုမှာ ဆေးဘက်ဆိုင်ရာ၊ ခွဲစိတ်မှုနဲ့ ဓာတ်ရောင်ခြည်ဝန်ဆောင်မှုများ ပါဝင်တဲ့ ကင်ဆာကုသရေးစင်တာများ ထားရှိမှာဖြစ်ပါတယ်။

▪️ ဒီကုသရေးတွေက နွမ်းပါးတဲ့လူနာတွေအတွက် အခမဲ့ ဒါမှမဟုတ် ထောက်ပံ့ကြေးတွေနဲ့ ရရှိမှာဖြစ်ပါတယ်။

▪️ PM-JAYကျန်းမာရေး အာမခံအစီအစဉ်ကလည်း ကင်ဆာကုသရေးအတွက် ငွေကြေးအကူအညီပေးထားကာ ကျန်းမာရေးစောင့်ရှောက်မှုများအတွက် မိသားစုတစ်ခုအတွက် နှစ်စဉ်ရူပီး ၅ သိန်းထောက်ပံ့ပေးထားပါတယ်။

▪️ ဒီအစီအစဉ်က စီးပွားရေးချို့တဲ့သူပေါင်း သန်း ၅၅၀အတွက် ထောက်ပံ့ပေးထားကာ အသက် ၇၀ နဲ့အထက် လူကြီးအားလုံးလည်း ပါဝင်လာပါတယ်။

▪️ ပြည်နယ် ၂၉ ခုမှ AMRITဆေးဆိုင်ပေါင်း ၂၂၂ ဆိုင်မှာ ဆေးဝါးတွေကို ၅၀ ရာခိုင်နှုန်းလျှော့ဈေးဖြင့် ရရှိနိုင်ပါတယ်။

▪️ အစိုးရက ကင်ဆာစောစီးစွာတွေ့ရှိပြီး ကာကွယ်နိုင်ဖို့အတွက်လည်း လုပ်ဆောင်နေပါတယ်။

#Source: India Today