#Local_News
Published 16 December 2024

▪️ ဟောင်ကောင်အထူးအုပ်ချုပ်ရေးဒေသ၊ Hong Kong Convention and Exhibition Center တွင် ၂၀၂၅ ခုနှစ်၊ ဇန်နဝါရီလ ၁၃ ရက်နေ့မှ ၁၄ ရက်နေ့အထိ (၁၈) ကြိမ်မြောက် အာရှဘဏ္ဍာရေးဆိုင်ရာဖိုရမ် (18th Asian Financial Forum-AFF) ကျင်းပမည်ဖြစ်ကြောင်း သိရသည်။

▪️ အဆိုပါ ဖိုရမ်တွင် မြန်မာကောင်စစ်ဝန်ချုပ်ရုံး၊ ဟောင်ကောင်မြို့အနေဖြင့် ပြခန်း (၁) ခန်း အခမဲ့ ပါဝင်ပြသနိုင်ကြောင်း ဟောင်ကောင်ကုန်သွယ်မှုမြှင့်တင်ရေးကောင်စီ (HKTDC) မှ ဖိတ်ကြားလာကြောင်း၊ မြန်မာကောင်စစ်ဝန်ချုပ်ရုံး၊ ဟောင်ကောင်မြို့ အနေဖြင့် ယခင်ဖိုရမ်များတွင် ပါဝင်ပြသခဲ့ခြင်းမရှိသည့်အတွက် ပထမဆုံးအကြိမ် ပါဝင်ပြသမှုအဖြစ် ၆ စတုရန်းမီတာရှိ (standard hospitality booth) ပြခန်း (၁) ခန်း (ပြခန်းငှားရမ်းခ အမေရိကန်ဒေါ်လာ ၅၇၀ဝ) အား အခမဲ့ပါဝင်ပြသခွင့်ပြုမည်ဖြစ်ကြောင်း။ ပြပွဲတွင် ခင်းကျင်းပြုလုပ်သွားမည့် AFF ကမ္ဘာလုံးဆိုင်ရာရင်းနှီးမြှုပ်နှံမှုဇုံ (GIZ) ၌ မြန်မာကောင်စစ်ဝန်ချုပ်ရုံး၊ ဟောင်ကောင်မြို့အား ပထမဆုံးအကြိမ်အဖြစ် အခမဲ့ပါဝင်ပြသရန် ကမ်းလှမ်းလာခြင်းဖြစ်ကြောင်း သိရသည်။

▪️ အာရှဘဏ္ဍာရေးဆိုင်ရာဖိုရမ်သည် ဟောင်ကောင်အထူးအုပ်ချုပ်ရေးဒေသ၌ နှစ်စဉ်ကျင်းပသည့် ပွဲတစ်ခုဖြစ်ပြီး အာရှဒေသဘဏ္ဍဍာရေးဈေးကွက် ဖွံ့ဖြိုးတိုးတက်မှုအတွက် အဓိက ရည်ရွယ်ကျင်းပသည့် Asian Financial Forum – AFF 2024 သို့ ကမ္ဘာ့နိုင်ငံ/ ဒေသပေါင်း ၅၀ ကျော်မှ လူကိုယ်တိုင် တက်ရောက်သည့် ကိုယ်စားလှယ် စုစုပေါင်း ၃,၆၀ဝ ကျော် တက်ရောက်ခဲ့ကြောင်း၊ ယခုနှစ်ကျင်းပပြုလုပ်မည့် AFF ကို “Powering the Next Growth Engine” ခေါင်းစဉ်ဖြင့် ကျင်းပပြုလုပ်သွားမည်ဖြစ်‌ကြောင်း၊ ဘဏ္ဍာရေးဆိုင်ရာ ဖွံ့ဖြိုးတိုးတက်မှုကို ရည်ရွယ်ကျင်းပသည့် ငွေရေးကြေးရေးဆိုင်ရာ ဖိုရမ်ဖြစ်ပြီး တရုတ်ပြည်မ၊ ဟောင်ကောင်ဒေသနှင့် ကမ္ဘာအနှံ့မှ ကိုယ်စားလှယ်များနှင့် ပါဝင်တက်ရောက်ကြမည်ဖြစ်ရာ ပြပွဲများ၌ ပါဝင်ပြသသည့် အခြားကောင်စစ်ဝန်ချုပ်ရုံး ပြခန်းများတွင် သက်ဆိုင်ရာ နိုင်ငံအလိုက် ကုန်သည်လုပ်ငန်းရှင်အဖွဲ့အစည်းများမှလည်းကောင်း၊ ကုမ္ပဏီအနေဖြင့်လည်းကောင်း မိတ်ဖက်ရှာဖွေလိုခြင်း၊ ရင်းနှီးမြှုပ်နှံမှု ရှာဖွေလိုခြင်းကဲ့သို့သော ပူးပေါင်းဆောင်ရွက်မှုများ ရှာဖွေလိုသည့် လုပ်ငန်းများအနေဖြင့် စီမံကိန်းများအလိုက် အသေးစိတ်ရှင်းလင်း၍ မိတ်ဖက်ရှာဖွေခြင်းများကို ပြုလုပ်လေ့ရှိ‌ကြောင်း သိရသည်။

▪️ ထို့ကြောင့် အာရှဘဏ္ဍဍာရေးဆိုင်ရာဖိုရမ် မြန်မာကောင်စစ်ဝန်ချုပ်ရုံး၊ ဟောင်ကောင်မြို့အနေဖြင့် အခမဲ့ ပါဝင်ပြသခွင့်ရရှိမည့် ပြခန်း (၁) ခန်းတွင် မြန်မာစီးပွားရေးလုပ်ငန်းရှင်များအနေဖြင့် ပါဝင်ပြသလိုပါက မြန်မာကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲ၊ သို့ ဆက်သွယ်စုံစမ်းစာရင်းပေးသွင်းနိုင်ကြောင်း သိရသည်။

#YMG/SW #Yangon_Times

#World_News
Published 16 December 2024

▪️ ပြင်သစ်အိန္ဒိယသမုဒ္ဒရာ မေယော့တ်ကျွန်းစုမှာ ရာစုနှစ်နီးပါးအတွင်း အင်အားအကြီးဆုံး ဆိုင်ကလုန်းမုန်တိုင်း ဝင်ရောက်တိုက်ခိုက်သဖြင့် လူရာဂဏန်းမက ထောင်နဲ့ချီပြီး သေဆုံးနိုင်ဖွယ် ရှိတယ်လို့ ဒေသခံ ပြင်သစ်အကြီးတန်းအရာရှိ ဖရန်ဆွစ်ဇာဗီယာဗျူဗီးလ်က တနင်္ဂနွေနေ့မှာ ပြောကြားလိုက်ပါတယ်။

▪️ ချီဒိုဆိုင်ကလုန်းကြောင့် အသေအပျောက်စာရင်းအကြောင်း မေးမြန်းရာမှာ ပြင်သစ်ပြည်ထဲရေးဝန်ကြီးဌာနက ယခုအချိန်မှာ အရေအတွက် ဆုံးဖြတ်လို့မရသေးဘူးလို့ ပြောသွားပါတယ်။

▪️ ချီဒိုဆိုင်ကလုန်းက မေယော့တ်မှာ တစ်နာရီကို ၁၂၄ မိုင်နှုန်းဖြင့် ဝင်ရောက်တိုက်ခိုက်ခဲ့ကာ အိမ်ခြေများ၊ အစိုးရအဆောက်အအုံများနဲ့ ဆေးရုံတစ်ခု ပျက်စီးစေခဲ့ပါတယ်။

▪️ ဒါဟာ ထိုကျွန်းစုမှာ နှစ် ၉၀ ကျော်အတွင်း အပြင်းထန်ဆုံးမုန်တိုင်း ဖြစ်ခဲ့ပါတယ်။

▪️ တရားမဝင် ရွှေ့ပြောင်းနေထိုင်သူတွေအတွက် အချက်အခြာနေရာတစ်ခုဖြစ်တဲ့ မေယော့ကျွန်းစုတွေထဲက တောင်ကုန်းတွေမှာ ယာယီနေအိမ်တွေ ရာနဲ့ချီ ပျက်စီးနေတာတွေကို ပြင်သစ်ပြည်သူ့စစ်တပ်မှ ဗီဒီယိုတွေထဲကနေ မြင်တွေ့နိုင်ပါတယ်။

▪️ ပြီးခဲ့တဲ့ အချိန်အတွင်း ကြောက်စရာကောင်းတဲ့ အခိုက်အတန့်တွေ ကြုံခဲ့ရသူတွေ၊ ဆုံးရှုံးသွားရသူတွေ၊ ဆုံးပါးသွားရသူတွေအတွက် ပူဆွေးရပါတယ်လို့ သမ္မတ အီမန်နျူယယ်မက်ခရွန်က ပြောပါတယ်။

▪️ ပြီးခဲ့တဲ့ ဆယ်စုနှစ်များအတွင်း အရှေ့အာဖရိကကမ်းလွန် ကိုမိုရိုစ်မှ လူပေါင်းထောင်ချီဟာ လူနေမှုအဆင့်အတန်း ပိုမိုမြင့်မားပြီး ပြင်သစ်လူမှုဖူလုံရေးစနစ် ရရှိနေတဲ့ မေယော့တ်ဆီ လာရောက်ဖို့ ကြိုးစားခဲ့ကြပါတယ်။

▪️ မေယော့တ်မှာ စာရင်းမရှိ ရွှေ့ပြောင်းနေထိုင်သူ ၁ သိန်းကျော်ရှိမယ်လို့ ပြင်သစ်ပြည်ထဲရေး ဝန်ကြီးဌာနက ဆိုပါတယ်။

▪️ ဆိုင်ကလုန်း တိုက်ခတ်ပြီးနောက် အသေအပျောက်စာရင်း အတိအကျရရှိရန် ခက်ခဲနေပြီး စားစရာ၊ ရေ ရရှိရေးပြဿနာများလည်း စိုးရိမ်ရတယ်လို့ အာဏာပိုင်များ ဆိုပါတယ်။

▪️ မေယော့တ်ကျွန်းစုက ပဲရစ်မြို့ကနေ ၈ ထောင်ကီလိုမီတာနီးပါး ကွာဝေးပြီး ပြင်သစ်မှအခြားနေရာများထက် အတော်လေးနွမ်းပါးကာ ဂိုဏ်းအကြမ်းဖက်မှုများ၊ မတည်မငြိမ်မှုများ ရှိနေပါတယ်။

▪️ ပြင်သစ်ဟာ ၁၈၄၃ မှာ မေယော့တ်ကို ကိုလိုနီပြုခဲ့ပြီး ၁၉၀၄ ခုနှစ်မှာ ကိုမိုရိုစ်အပါအဝင် ကျွန်းစုတစ်ခုလုံးကို သိမ်းပိုက်ခဲ့ပါတယ်။

#Source: Reuters

#Local_News
Published_ 16 December 2024

▪️ ဗီယက်နမ်နိုင်ငံ၌ အခက်အခဲကြုံတွေ့နေရသည့် မြန်မာနိုင်ငံသူ ၂ ဦးဖြစ်သည့် မနွယ်နီဝင်းနှင့် မချစ်စုစုကျော်တို့အား မြန်မာနိုင်ငံသို့ ဒီဇင်ဘာ ၁၄ ရက်တွင် ဗီယက်နမ်နိုင်ငံ၊ ဟနွိုင်းမြို့ Noi Bai အပြည်ပြည်ဆိုင်ရာလေဆိပ်မှ နေပြည်တော်သို့ ပျံသန်းထွက်ခွာသည့် တပ်မတော်(လေ)မှ လေယာဉ်ဖြင့် ပြန်လည်ပို့ဆောင်ပေးခဲ့ကြောင်း သိရပါတယ်။

▪️ မနွယ်နီဝင်းနှင့် မချစ်စုစုကျော်တို့သည် တရားမဝင် အလုပ်အကိုင်ပွဲစား၏ ချိတ်ဆက် ပေးမှုဖြင့် ဗီယက်နမ်နိုင်ငံသို့ နိုဝင်ဘာ ၁၆ ရက်တွင် ရောက်ရှိလာခဲ့ခြင်းဖြစ်ပြီး၊ ဗီယက်နမ်-တရုတ်နယ်စပ်ရှိ ဗီယက်နမ်ပြည်နယ်တစ်ခုဖြစ်သည့် Cao Bang ပြည်နယ်သို့ ပို့ဆောင်ချိန်တွင် မိုဘိုင်းဖုန်း၊ ငွေကြေးများကိုသိမ်းဆည်းပြီးနောက် ၎င်းတို့အား စွန့်ပစ်ခဲ့တာ ဖြစ်ပါတယ်။

▪️ ၎င်းတို့အနေဖြင့် အခက်အခဲကြုံတွေ့နေခဲ့ပြီး ယင်းဒေသရှိ ဗီယက်နမ်ရဲစခန်းမှ တစ်ဆင့် မြန်မာသံရုံးသို့ ဒီဇင်ဘာ ၁၁ ရက်တွင် ဆက်သွယ် အကူအညီတောင်းခံခဲ့တာဖြစ်ပါတယ်။

▪️ မြန်မာသံရုံးမှ တာဝန်ရှိသူများက ဗီယက်နမ်ရဲတပ်ဖွဲ့ဝင်များနှင့် ညှိနှိုင်းဆောင်ရွက်ကာ သံရုံးသို့ ခေါ်ဆောင်၍ ၎င်းတို့ခေတ္တနေထိုင် စားသောက်ရေးအတွက် စီစဉ်ဆောင်ရွက်ပေးပြီး လိုအပ်သော ငွေကြေးထောက်ပံ့မှုများ ပြုလုပ်ပေးခဲ့ကြောင်း သိရပါတယ်။

▪️ မြန်မာနိုင်ငံသို့ ချောမောစွာ ပြန်လည်ထွက်ခွာခွင့်ရရှိရေးအတွက် ဗီယက်နမ်နိုင်ငံ တာဝန်ရှိ အဖွဲ့အစည်းများနှင့် ညှိနှိုင်းဆောင်ရွက်ပေးခဲ့ရာ တပ်မတော်(လေ)မှ လေယာဉ်ဖြင့် မြန်မာနိုင်ငံသို့ ပြန်လည်ထွက်ခွာနိုင်ခဲ့တာ ဖြစ်ပါတယ်။

▪️ အစိုးရအနေဖြင့် မြန်မာသံရုံးနှင့် ကောင်စစ်ဝန်ချုပ်ရုံးများ၏ ညှိနှိုင်းကူညီ ဆောင်ရွက်ပေးမှု မှတစ်ဆင့် ပြည်ပနိုင်ငံများ၌ အခက်အခဲကြုံတွေ့နေရတဲ့ မြန်မာနိုင်ငံသားများအား အစဉ်တစိုက် ကူညီစောင့်ရှောက်ပေးလျက်ရှိကြောင်းသိရပါတယ်။

#Ymg_mnn #Yangon_Media_Group

#World_Health
Published 16 December 2024

▪️ ကမ္ဘာတဝှမ်းမှာ ခေါင်းကိုက်ဝေဒနာ ခံစားရသူ (၄၀)ရာခိုင်နှုန်းခန့်ရှိပြီး အမျိုးသမီးတွေ ပိုအဖြစ်များတယ်လို့ WHOက ဆိုပါတယ်။

▪️ ခေါင်းကိုက်ရတဲ့ အကြောင်းအရင်းနဲ့ အချိန်ကာလ ကွဲပြားကြသလို အချို့က အလိုလိုသက်သာတတ်ပေမယ့် အချို့ကတော့ နောက်ခံရောဂါတစ်ခုခုကို သတိပေးနေပါတယ်။

▪️ မူလခေါင်းကိုက်ဝေဒနာနဲ့ နောက်ဆက်တွဲ ခေါင်းကိုက်ဝေဒနာဆိုပြီး ခွဲခြားနိုင်တယ်လို့ ဆယ်လူဘရီတက်စ်မက်ဒ်စင်တာမှ အာရုံကြောအထူးကု ဒေါက်တာကာဒမ်နက်ဂ်ပေါလ်က ပြောပါတယ်။

▪️ မူလခေါင်းကိုက်ဝေဒနာထဲမှာ ခေါင်းတစ်ခြမ်းကိုက်ခြင်း၊ တင်းမာမှုကြောင့် ခေါင်းကိုက်ခြင်းတို့ ပါဝင်ကာ နောက်ဆက်တွဲ ခေါင်းကိုက်အမျိုးအစားထဲမှာတော့ ထိခိုက်ဒဏ်ရာ၊ ပြွန်ရောင်ရမ်းခြင်း၊ ရောဂါပိုးကူးစက်ခြင်း၊ ဦးနှောက်ထဲမှာ တည်ဆောက်ပုံချို့ယွင်းခြင်း၊ စိတ်ဝေဒနာအခြေအနေတို့ ပါဝင်ပါတယ်။

▪️ ခေါင်းတစ်ခြမ်းကိုက်ခြင်းက ငယ်ရွယ်သူတွေမှာ ပိုအဖြစ်များကာ အမြင်အာရုံပြောင်းလဲခြင်း၊ ခန္ဓာကိုယ်အစိတ်အပိုင်းတွေ ထုံကျဉ်စူးရှခြင်း၊ စကားပြောရန် ခက်ခဲခြင်းတို့ ဖြစ်နိုင်ပါတယ်။

▪️ ဒါကြောင့် ခေါင်းတစ်ခြမ်းကိုက်ခြင်းဟာ အခြားပုံစံတွေနဲ့ ကွဲပြားသိရှိနိုင်ပါတယ်။

▪️ ထိုဝေဒနာကြောင့် အလုပ်ပျက်ခြင်း၊ စိတ်ကျန်းမာရေး ထိခိုက်ခြင်းတို့ပါ ဖြစ်နိုင်ပါတယ်။

▪️ လည်ပင်း မျက်လုံး သွား ပါးစပ် မျက်နှာအစိတ်အပိုင်းတို့ကြောင့်ဖြစ်တဲ့ ခေါင်းကိုက်ခြင်းတွေလည်း ရှိပါတယ်။

▪️ ကြာလာတာနဲ့အမျှ ပိုမိုဆိုးရွားလာတဲ့ ခေါင်းကိုက်ဝေဒနာ၊ ရုတ်တရက် ကိုက်ခဲခြင်းခံစားရတဲ့ ဝေဒနာ၊ တစ်ခဏအတွင်း အပြင်းထန်ဆုံး ခံစားလိုက်ရတဲ့ ဝေဒနာမျိုးတွေလည်း ရှိပါတယ်။

▪️ ခေါင်းကိုက်ဝေဒနာ ခံစားရတဲ့ပုံစံ ပြောင်းလဲလာတာက ပြဿနာဆိုးရွားတဲ့လက္ခဏာ ဖြစ်ပါတယ်။

▪️ NSAID ဆေးတွေနဲ့ ခေါင်းကိုက်ခြင်းကို သက်သာအောင် လုပ်နိုင်ပေမယ့် မသက်သာပါက ဆရာဝန်နဲ့ ပြသသင့်ပါတယ်။

#Source: India Today

#Local_News
Published 16 December 2024

▪️ မြန်မာနိုင်ငံ၌ လာမည့်(၃၆)နာရီအတွင်း အင်အားအသင့်အတင့်ရှိ မြေငလျင်တစ်ခု ထပ်မံလှုပ်ခတ်နိုင်ကြောင်း မြန်မာနိုင်ငံ မြေငလျင် သတင်းများစင်တာမှ  အသိပေးထားသည်။

▪️ ပြည်တွင်း၌ ယခုလအတွင်း မြေငလျင်ငယ်များခပ်စိတ်စိတ်လှုပ်ခတ်လျှက်ရှိရာ ဒီဇင်ဘာ(၁၁)ရက်မှ ဒီဇင်ဘာ (၁၅)ရက်အထိ(၅)ရက်တာ ကာလအတွင်း   စစ်ကိုင်းတိုင်း မော်လိုက်မြို့အနီးတွင် ၄ ဒသမ၇ အဆင့်ရှိ ငလျင်တစ်ခု အပါအဝင် မိုင်းဆတ်မြို့အနီး ၃ ဒသမ ၃ အဆင့် မြေငလျင်၊ ဟားခါးမြို့အနီး ၃ ဒသမ၈ အဆင့်မြေငလျင်၊ လင်းခေးမြို့တွင် ၂ ဒသမ၈ အဆင့်မြေငလျင်၊ ရန်ကုန်တိုင်း ဖောင်ကြီးမြို့အနီး ၂ဒသမ ၇ အဆင့်ရှိမြေငလျင်၊ ဖားကန့်မြို့အနီး  ၃ ဒသမ ၆ အဆင့်ရှိ မြေငလျင် စသည်ဖြင့်မြေငလျှင်လှုပ်ခတ်မှု (၇) ကြိမ်ရှိခဲ့ပြီဖြစ်‌ကြောင်း သိရသည်။

▪️ ထို့အပြင်  အိမ်နီးချင်းနိုင်ငံဖြစ်သည့် ထိုင်းနိုင်ငံ ၊ ချင်းမိုင်မြို့အနီး၌  ဒီဇင်ဘာ(၁၅)ရက်က ၂ ဒသမ ၈ အဆင့်ရှိ မြေငလျင်ငယ်တစ်ခုလှုပ်ခတ်ခဲ့ ကြောင်း၊ ပြည်တွင်း၌လည်း ‌၃၆နာရီအတွင်း မြေငလျင်ငယ်လှုပ်ခတ်နိုင်သည့်အတွက် သတိပြုကြရန် မြေငလျင်စင်တာယမန်နေ့ညက သတိပေးထားကြောင်း သိရသည်။

#YMG/NN #Yangon_Times

#World_Health
Published 16 December 2024

▪️ ကမ္ဘာတဝှမ်းမှာ တက်တူးထိုးသူတွေ များပြားလာပေမယ့် ကျန်းမာရေးအန္တရာယ်တွေနဲ့ ပတ်သက်လို့ ပညာရှင်များ စိုးရိမ်မှုတွေ ရှိနေပါတယ်။

▪️ တက်တူးမှာအသုံးပြုတဲ့ မင်တွေထဲမှာ ကင်ဆာဖြစ်စေနိုင်တဲ့ ပစ္စည်းများ ပါဝင်ခြင်းရှိမရှိ လေ့လာနေကြပါတယ်။

▪️ အချို့သုတေသနအရ တက်တူးမင်ထဲမှာ အဆိပ်သင့်ဓာတုပစ္စည်းများ ပါဝင်နိုင်ပြီး နာနိုအမှုန်များက ရောင်ရမ်းခြင်း ဖြစ်စေနိုင်တယ်လို့ ဖော်ပြထားပါတယ်။

▪️ တက်တူးထိုးခြင်းက ဘာကြောင့်အန္တရာယ် ဖြစ်စေနိုင်လဲဆိုတာကို ဖော်ပြလိုက်ပါတယ်။

▪️ (၁) တက်တူးမင်ထဲမှ ပါဝင်ပစ္စည်းများ ဘေးဥပါဒ်ဖြစ်နိုင်ခြင်း
တက်တူးမင်အများစုမှာ ခဲ၊ မာကျူရီ၊ ကဒ်မီယံတို့လို သတ္တုဓာတ်တွေ ပါဝင်ပြီး ဓာတ်မတည့်မှုများ ဖြစ်စေနိုင်သလို ပြင်းထန်တဲ့အခါ ကင်ဆာဖြစ်စေနိုင်ပါတယ်။

▪️ (၂) ခရမ်းလွန်ရောင်ခြည်နှင့် မင်ပြိုကွဲခြင်း
နေရောင်ကြောင့် တက်တူရောင်ခြယ်အချို့ဟာ ဘေးဖြစ်စေတဲ့ ပစ္စည်းများအဖြစ် ပြောင်းလဲသွားပြီး ကင်ဆာဖြစ်စေနိုင်ပါတယ်။

▪️ (၃) ကိုယ်တွင်းအရည်ကြည် စုပြုံခြင်း
တက်တူးရောင်ခြယ်များ အရည်ကြည်အဖွဲ့အစည်းသို့ စုပ်ယူသွားကာ ဖောရောင်စေပြီး ကိုယ်ခံအားထိခိုက်စေပါတယ်။

▪️ (၄) ရောဂါပိုးကူးစက်မှုများနှင့်ရောင်ရမ်းခြင်း
သပ်ရပ်ကျွမ်းကျင်မှုမရှိဘဲ တက်တူးထိုးပါက ဘက်တီးရီးယားများနဲ့ ဗိုင်းရပ်စ်များ သွေးကြောထဲ ရောက်နိုင်ကာ အပ်ကိုသေချာ မသန့်ရှင်းထားပါက စီ-ပိုးနဲ့ HIV ကဲ့သို့ရောဂါများ ဖြစ်စေနိုင်ပါတယ်။

▪️ (၅) ကင်ဆာဖြစ်စေသောပစ္စည်းများနှင့် ရေရှည်ထိတွေ့ခြင်း
တက်တူးမင်တွေ အချိန်ကြာလာတာနဲ့အမျှ သွေးထဲမှာ အဆိပ်သင့်လာနိုင်ပြီး ကင်ဆာဖြစ်နိုင်ခြေ များစေပါတယ်။

▪️ (၆) မင်နဲ့ဓာတ်မတည့်ခြင်း
အချို့လူတွေက တက်တူးရောင်ခြယ်များနဲ့ ဓာတ်မတည့်ကာ ရောင်ရမ်းခြင်းများ ဖြစ်စေနိုင်သလို ကင်ဆာဖြစ်ပွားနိုင်ပါတယ်။

▪️ (၇) တက်တူးမင်ဈေးကွက်ထိန်းကွပ်မှုအားနည်းခြင်း
နေရာတော်တော်များများမှာ တက်တူမင်းတွေကို ကွပ်ကဲထိန်းသိမ်းထားခြင်း မရှိတာကြောင့် ဘေးကင်းစိတ်ချရဖို့ ခက်ခဲကာ ဘေးအန္တရာယ်ဖြစ်စေနိုင်တဲ့ ပစ္စည်းများ ပါဝင်နိုင်ပါတယ်။

▪️ (၈) တစ်ဦးချင်းစီ၏ကျန်းမာရေးအခြေအနေ
ကိုယ်ခံအားနည်းခြင်း၊ မျိုးဗီဇအရ ကင်ဆာဖြစ်နိုင်ခြေ ရှိသူတွေဟာ တက်တူးကြောင့် ဘေးအန္တရာယ်များ ဖြစ်လွယ်ပြီး တက်တူးထိုးဖို့ ချင့်ချိန်သင့်ပါတယ်။

#Source: DoctorNDTV

၁၅ ဒီဇင်ဘာ ၂၀၂၄

တရုတ်နိုင်ငံအနောက်တောင် ယူနန်ပြည်နယ်မှာ မဲခေါင်မြစ်မှတစ်ဆင့် အာဆီယံနိုင်ငံတွေနှင့် ရေကြောင်း ချိတ်ဆက်နိုင်ဖို့အတွက် ကွမ်လေ ဆိပ်ကမ်းကို ပြီးခဲ့တဲ့ အင်္ဂါနေ့က ဖွင့်လှစ်ခဲ့ပါတယ်။

အဲဒီဆိပ်ကမ်းဟာ ယူနန်ပြည်နယ် ဆစ်ဆောင်ပန်းနား တိုင်ကိုယ်ပိုင်အုပ်ချုပ်ခွင့်ရ စီရင်စုနယ်ထဲက မင်ဂလာခရိုင်ထဲမှာ တည်ရှိပါတယ်။

Source CCTV+

News

▪️ရွေးကောက်ခံသမ္မတ ဒေါ်နယ်ထရမ့်က  သူ့ရဲ့ ကာလရှည်မူဝါဒအကြံပေးလုပ်ခဲ့သူ ရစ်ချတ်ဂရင်း နဲလ်ကို  အထူးမစ်ရှင်များဆိုင်ရာ သံအမတ်ကြီးအဖြစ်ခန့်အပ်လိုက်ပါတယ်။ အဲဒီအတွက် လာမယ့် ထရမ့် အစိုးရအသစ်တွက် သူဟာ အခက်ခဲဆုံး နိုင်ငံခြားရေးမူဝါဒစိန်ခေါ်မှုတွေကို ဖြေရှင်းရာမှာ ကူညီပေးရမယ့် တာဝန်ရှိလာပါလိမ့်မယ်။

Views

▪️ထရမ့်ရဲ့ပထမသမ္မတသက်တမ်းမှာ သူ့ကိုယ်သူ “ဂေး” တစ်ဦးလို့ ကြေညာထားတဲ့ ဂရင်းနဲလ်ဟာ ဂျာမဏီ  သံအမတ်ကြီးအဖြစ် ခန့်အပ်ခံခဲ့ရပါတယ်။  အဲဒီအပြင် ဆာဗီးယားနှင့် ကော့ဆိုဗို ငြိမ်းချမ်းရေး    စေ့စပ်  ညှိနှိုင်းဖို့အတွက်လည်း သမ္မတရဲ့ အထူးသံတမန် အဖြစ် တာဝန်ပေးအပ်ခံခဲ့ရပါတယ်။ပြီးတော့ ယာယီ    အမျိုးသားထောက်လှမ်းရေးညွှန်မှုးအလုပ်လည်း လုပ်ခဲ့ရပါတယ်။

▪️သူဟာ လာမယ့်ထရမ့်အစိုးရထဲမှာ နိုင်ငံခြားရေးဝန်ကြီးအဖြစ် လျာထားခံရသူတွေအထဲလည်းပါခဲ့ ပါတယ်။ ဒါပေမယ့် ထရမ့်က နောက်ဆုံးမှာ ဖလော်ရီဒါဆီးနိတ်အမတ် မာကိုရူဘီရိုကိုပဲ ရွေးခဲ့ပါတယ်။

▪️“ ရစ်ခ်ဟာ ကမ္ဘာပေါ်က အခက်အခဲဆုံးဖြစ်နေတဲ့ နေရာအချို့မှာ အလုပ်လုပ်ပေးပါလိမ့်မယ်။ ဗင်နီဇွဲ  လား နှင့်မြောက်ကိုရီးယားတို့အပါအဝင်ပေါ့” လို့ ထရမ့်က သူ့ရဲ့ဆိုရှယ်မီဒီယာ “ထရု” မှာရေးခဲ့ပါတယ်။

▪️ထရမ့်ရဲ့ ပထမသမ္မတသက်တမ်းမှာ ဂရင်းနဲလ်ဟာ ရန်လိုတဲ့ချည်းကပ်မှုနှင့် တစ်ခါတစ်ခါလုပ်တတ်လို့ အမေရိကန်ရဲ့ မဟာမိတ်တွေ နာနာကျည်းကျည်းဖြစ်ခဲ့ဖူးပါတယ်။ ဒါပေမယ့် သူဟာ မဟာမိတ်တွေနှင့် ဗြောင်ပြောချတတ်တာကို ထရမ့်က သူ့အရည်အချင်းလို့ မြင်ပြီး သူ့ကိုချီးကျူးထားပါတယ်။

▪️ထရမ့်ဟာ ပြီးခဲ့တဲ့ စက်တင်ဘာလတုန်းက ယူကရိန်းသမ္မတ ဗိုလိုဒီမာ ဇီလင်စကီးနှင့်တွေ့ဆုံစဉ်မှာ သူဟာ ထရမ့်နှင့်အတူ အခန်းထဲမှာရှိနေခဲ့ပါတယ်။ သူက  ရုရှားဆက်လက်ထိန်းချုပ်နိုင်တဲ့နေရာတွေကို ကိုယ်ပိုင်အုပ်ချုပ်ခွင့်ရဒေသအဖြစ် ခွင့်ပြုပြီး ယူကရိန်းရဲ့ အချုပ်အခြာအာဏာပိုင်နက်ကိုဆက်လက်ထိန်း သိမ်းဖို့ သူက အကြံပြုခဲ့ပါတယ်။

▪️သူအနေနှင့် နေတိုးဟာ  ယူကရိန်းနိုင်ငံကို တိုးချဲ့ထည့်သွင်းမှာကိုလည်း သူက ဆန့်ကျင်ပါတယ်။  လက်ရှိ နေတိုးအဖွဲ့ဝင်နိုင်ငံတွေဟာ နိုင်ငံအလိုက် ကာကွယ်ရေးအသုံးစရိတ်သတ်မှတ်ချက် မပြည့်မမီ   မချင်းထပ်မတိုးချဲ့ဖို့ကို ထရမ့်က သဘောထားအတူတူရှိထားပါတယ်။ နေတိုးအဖွဲ့ဝင်နိုင်ငံတွေက သူတို့  ရဲ့ ဂျီဒီပီရဲ့ ၂ ရာခိုင်နှုန်းအထိ ကာကွယ်ရေးမှာသုံးဖို့ ရည်မှန်းချက်ထားရှိခဲ့ကြပြီးဖြစ်ပါတယ်။ ဒါပေမယ့် အဖွဲ့ဝင်နိုင်ငံ တော်တော်များများက အဲဒီသတ်မှတ်ချက်နှင့် အဝေးကြီးမှာရှိနေခဲ့ကြပါတယ်။

▪️ထရမ့် သမ္မတတာဝန်ပြီးသွားလို့ အိမ်ဖြူတော်က ၂၀၂၁ မှာ ထွက်ခွာခဲ့ပေမယ့် ဂရင်းနဲလ်ဟာ ထရမ့်ရဲ့ အနီးကပ်တစ်ဦးအဖြစ်ဆက်ရှိနေခဲ့ပါတယ်။

▪️အဲဒီအပြင် ထရမ့်က သူ့ရဲ့ဆိုရှယ်ပလက်ဖောင်း Truth ရဲ့စီအီးအို ဒီဗင်နန်းစ်ကိုလည်း  အမေရိကန် ထောက်လှမ်းရေးအသိုက်အဝန်းနှင့် ချိတ်ဆက်ဆောင်ရွက်ရတဲ့ သမ္မတအကြံပေးဘုတ်အဖွဲ့ဥက္ကဋ္ဌ အဖြစ် ခန့်အပ်လိုက်ပါတယ်။

Source : AP

#World_Science
Published 15 December 2024

▪️ တစ်နေကုန် ပင်ပန်းခဲ့ရလို့ အေးအေးဆေးဆေးလေး ရေချိုးပြီး အနားယူချင်ပေမယ့် အချိန်မရှိသူများအတွက် ဂျပန်အင်ဂျင်နီယာတွေက စက်ပစ္စည်းတစ်ခု ဖန်တီးလိုက်ပါတယ်။

▪️ Mirai Ningen Sentakuki လို့ခေါ်တဲ့ လူသားဆေးကြောသန့်စင်စက်ကို အိုဆာကာအခြေစိုက် Science Co., ကုမ္ပဏီက ဖန်တီးထားတာဖြစ်ပြီး AIနည်းပညာများဖြင့် ဆန်းစစ်ကာ ခန္ဓာကိုယ်ကို ဆေးကြောအခြောက်ခံပေးမှာ ဖြစ်ပါတယ်။

▪️ ဒီစက်ပစ္စည်းဟာ အဝတ်လျှောက်စက်နဲ့ အလုပ်လုပ်ပုံဆင်တူပြီး လူ့ခန္ဓာကိုယ် ဆေးကြောခြင်းကို ၁၅ မိနစ်ခန့်ဖြင့် ပြီးဆုံးအောင် လုပ်ပေးမှာဖြစ်ပါတယ်။

▪️ ထိုစက်ဟာ တိုက်လေယာဉ်မှ လေယာဉ်မှူးအခန်းနဲ့ ဆင်တူပြီး ဂျပန်နိုင်ငံ အိုဆာကာခန်ဆိုင်းပြပွဲမှာ ပြသသွားမှာဖြစ်ကာ လူအယောက် ၁ ထောင်ခန့် စမ်းကြည့်နိုင်ဖွယ် ရှိပါတယ်။

▪️ ပလတ်စတစ်အခန်းထဲ ဝင်လိုက်တာနဲ့ တဝက်လောက်ကို ရေနွေးတွေဖြည့်မှာဖြစ်ပါတယ်။

▪️ လေပူဖောင်းငယ်များ ပါဝင်တဲ့ ရေပန်းများထုတ်လွှတ်ကာ ပူစီဖောင်းများ ပေါက်ထွက်ရာကနေ အရေပြားပေါ်မှ အညစ်အကြေးများကို ဖယ်ရှားပေးမှာ ဖြစ်ပါတယ်။

▪️ လျှပ်စစ်ပစ္စည်း အစိတ်အပိုင်းတွေကိုလည်း အဆိုပါနည်းလမ်းအတိုင်း သန့်စင်သွားနိုင်ပါတယ်။

▪️ အဆိုပါ လူသားဆေးကြောသန့်စင်စက်ဟာ ခန္ဓာကိုယ်သာမက စိတ်ကိုလည်း သန့်ရှင်းစေမှာဖြစ်တယ်လို့ Science Co.က ပြောပါတယ်။

▪️ ဆေးကြောသန့်စင်ရာမှာ ထိုင်ခုံမှာရှိတဲ့ လျှပ်တိုင်တွေက ရေချိုးသူရဲ့ ဇီဝအချက်အလက်များကို ရယူကာ ရေအပူချိန်ကို ထိန်းညှိပေးတဲ့အပြင် စိတ်တည်ငြိမ်မှုရှိစေရန် ဗီဒီယိုတွေ ပြသပေးပါတယ်။

▪️ ထိုစက်က လျင်မြန်စွာ ဆေးကြောသန့်စင်ပေးပြီး ရုပ်ပိုင်းဆိုင်ရာရော စိတ်ပိုင်းဆိုင်ရာပါ လန်းဆန်းစေမှာဖြစ်ကြောင်း ကုမ္ပဏီက ပြောပါတယ်။

▪️ ၁၉၇၀ လောက်က Sanyo Electric Co.ကနေ စတင် ဖန်တီးခဲ့ပေမယ့် ဈေးကွက်သို့ မရောက်ရှိခဲ့ပါဘူး။

#Source: WION

#World_Health
Published 15 December 2024

▪️ ကိုဗစ်ရောဂါဖြစ်စေတဲ့ SARS-CoV-2 ဗိုင်းရပ်စ်ဟာ ရောဂါကူးစက်ပြီးသည့်တိုင်အောင် ဦးခေါင်းနဲ့ အမြှေးပါးတွေထဲမှာ ဆက်ရှိနေနိုင်တယ်လို့ ဂျာမနီသုတေသီများ လေ့လာဖော်ပြထားပါတယ်။

▪️ ဗိုင်းရပ်စ်ရဲ့ စပိုက်ခ်ပရိုတိန်းဟာ ဦးနှောက်ထဲက အကာအကွယ်အလွှာများ၊ အမြှေးပါးများ၊ ဦးခေါင်းရိုးတွင်းခြင်ဆီတို့ထဲမှာ ၄ နှစ်လောက်အထိ ဆက်ရှိနေနိုင်တယ်လို့ ဟမ်းဟော့ဇ်မြူးနစ်နဲ့ လုဒ်ဝစ်မက်ဆီမီလီယန်စ် တက္ကသိုလ်တို့မှ သုတေသီများ တွေ့ရှိခဲ့ကြပါတယ်။

▪️ အဆိုပါ ပရိုတိန်းတွေဟာ နာတာရှည်ရောင်ရမ်းခြင်း ဖြစ်စေကာ အာရုံကြောချို့တဲ့ရောဂါများ ဖြစ်နိုင်ခြေ များစေတယ်လို့ သိထားပါတယ်။

▪️ ဗိုင်းရပ်စ်ရဲ့ အာရုံကြောသက်ရောက်မှုများက ဦးနှောက်ကို လျင်မြန်စွာ ရင့်ရော်စေပြီး ဦးနှောက်လုပ်ဆောင်ချက်များ ၅ နှစ်ကနေ ၁၀ နှစ်စာအထိ သက်တမ်းတိုစေပါတယ်။

▪️ ကိုဗစ်နောက်ဆက်တွဲ လက္ခဏာများအနေနဲ့ ခေါင်းကိုက်ခြင်း၊ အိပ်ရေးပျက်ခြင်း၊ ဦးနှောက်ထိုင်းမှိုင်းခြင်းကဲ့သို့ ဦးနှောက်ချို့ယွင်းမှုများ ဖြစ်တတ်ပါတယ်။

▪️ ကမ္ဘာတဝှမ်းမှ ကိုဗစ်လူနာ ၅ - ၁၀ ရာခိုင်နှုန်းလောက်ဟာ ကိုဗစ်နောက်ဆက်တွဲလက္ခဏာများ ခံစားနေရနိုင်တယ်လို့ ခန့်မှန်းထားပါတယ်။

▪️ ဦးနှောက်ထဲမှ စပိုက်ခ်ပရိုတိန်းများ စုပြုံလာခြင်းကို လျှော့ချဖို့အတွက် ကာကွယ်ဆေးများ ထုတ်လုပ်ရာမှာ တိရိစ္ဆာန်များနဲ့ စမ်းသပ်မှုတွေထဲမှာ ၅၀ ရာခိုင်နှုန်းသာ လျှော့ချနိုင်ပြီး ကျန်ရှိတဲ့ ပရိုတိန်းတွေဟာလည်း အဆိပ်သင့်နိုင်ခြေ ရှိနေပါသေးတယ်။

▪️ ဒီတွေ့ရှိမှုကြောင့် ကိုဗစ်-၁၉ ရေရှည်သက်ရောက်မှုကို ဆက်လက်ရှာဖွေရန် အရေးကြီးကြောင်း ဖော်ပြနေပါတယ်။

#Source: India Today

ကမ္ဘာ့စီးပွားရေးမရေရာမှုများရှိသော်ငြား တရုတ်စီးပွားရေးခံနိုင်ရည်ရှိမှုကြောင့် ဂျီဒီပီတိုးတက်မှု (၅)ရာခိုင်နှုန်းပြည့်မီဖွယ်ရှိဟုဆို

တရုတ်ပြည်ရဲ့ စီးပွားရေးဟာ တစ်ကမ္ဘာလုံးပျမ်းမျှစီးပွားရေးထက် သာလွန်နေကာ ကမ္ဘာ့စီးပွားရေး မရေရာမှုများ ရှိနေပေမယ့် တရုတ်စီးပွားရေးကတော့ ရေရှည်တိုးတက်မှု မြင်နေရတယ်လို့ ကျွမ်းကျင်သူများ ပြောကြားလိုက်ပါတယ်။
#Asia_Economy
Published 14 December 2024
#စီးပွားရေးခံနိုင်ရည်ရှိမှု #တရုတ်ပြည်
#YMG #Yangon_Times #Yangon_Media_Group

#Daily_News
Published 14 December 2024

၁။ ထိုင်းဗီဇာလျှောက်ထားရာတွင် e-Visa (အွန်လိုင်း) စနစ်သစ်ဖြင့် လျှောက်ထားရမည်

၂။ အိန္ဒိယနှင့်ဖိလစ်ပိုင်သို့တင်ပို့နေသောကြောင့် ပြောင်းဈေးအတက်ဘက်သာရှိနေ

၃။ လတ်တလော ရွှေဈေးကွက်အေးနေပြီး ရွှေဈေးထပ်ကျဦးမည်

၄။ ကမ္ဘာ့စီးပွားရေး မရေရာမှုများရှိသော်ငြား တရုတ်စီးပွားရေးခံနိုင်ရည်ရှိမှုကြောင့် ဂျီဒီပီတိုးတက်မှု (၅)ရာခိုင်နှုန်းပြည့်မီဖွယ်ရှိဟုဆို ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group