#World_News
Published 24 December 2024

▪️ အမေရိကန် ရွေးချယ်ခံသမ္မတ ဒေါ်နယ်ထရမ့် ပထမဆုံး တာဝန်ယူမယ့်နေ့မှာပဲ ကမ္ဘာ့ကျန်းမာရေး အဖွဲ့အစည်း(WHO)ထံမှ အမေရိကန်နုတ်ထွက်ရန် ယင်းရဲ့ သမ္မတကူးပြောင်းရေးအဖွဲ့မှ အဖွဲ့ဝင်များ အခြေခံကျတဲ့အလုပ်တွေလုပ်နေကြတယ်လို့ သတင်းနီးစပ်တဲ့ ကျန်းမာရေးဥပဒေပညာရှင်တစ်ဦးက ပြောပြပါတယ်။

▪️ "ပထမဆုံးနေ့ ဒါမှမဟုတ် ထရမ့်အုပ်ချုပ်ရေး အစောပိုင်းကာလမှာပဲ နုတ်ထွက်သွားဖို့ စီစဉ်နေတယ်ဆိုတဲ့အကြောင်း ကောင်းကောင်းသိထားပါတယ်" လို့ ဝါရှင်တန် ဂျော့ဂျ်တောင်းတက္ကသိုလ်မှ ကမ္ဘာလုံးဆိုင်ရာ ကျန်းမာရေးပရော်ဖက်ဆာဖြစ်ပြီး နိုင်ငံတော်နဲ့ ကမ္ဘာလုံးဆိုင်ရာ ကျန်းမာရေးဥပဒေဆိုင်ရာ WHO ပူးပေါင်းဆောင်ရွက်ရေးစင်တာမှ ညွှန်ကြားရေးမှူးလည်းဖြစ်တဲ့ လောရင့်စ်ဂိုစတင်က ပြောသွားပါတယ်။

▪️ ကျွမ်းကျင်သူနှစ်ဦးရဲ့ ပြောကြားချက်ကို The Financial Times က အရင်ဆုံးဖော်ပြခဲ့ပါတယ်။

▪️ နောက်တစ်ဦးဖြစ်တဲ့ အိမ်ဖြူတော် ကိုဗစ်-၁၉ တုံ့ပြန်ညှိနှိုင်းရေးမှူးဟောင်း အာရှစ်ဂျာက မှတ်ချက်ပြု မပြောကြားသေးပါဘူး။

▪️ ထရမ့်ဟာ ကုလသမဂ္ဂ ကျန်းမာရေးအေဂျင်စီကို ဝေဖန်နေတာ ကြာပြီဖြစ်ပြီး ယခုအစီအစဉ်က အမေရိကန်ရဲ့ ကမ္ဘာလုံးဆိုင်ရာ ကျန်းမာရေးပေါ်လစီမှာ ပြောင်းလဲမှုကြီး ဖြစ်လာနိုင်ကာ ကပ်ရောဂါတိုက်ဖျက်ရေးအတွက် နိုင်ငံတကာ ကြိုးပမ်းအားထုတ်မှုတွေကနေ အမေရိကန် သွေဖည်လာနိုင်ပါတယ်။

▪️ ထရမ့်ဟာ WHOအဖွဲ့အစည်းမှ ဝေဖန်သူအများအပြားကစလို့ ထိပ်သီးရာထူးများအထိ အမည်ဖော်ပြထားကာ ထိုထဲမှာ ကျန်းမာရေးနဲ့ လူမှုဝန်ဆောင်မှုဌာန အတွင်းရေးမှူးနေရာ ရယူမယ့် ရောဘတ်အက်ဖ်ကင်နက်ဒီဂျူနီယာလည်း ပါဝင်ပါတယ်။

▪️ ထရမ့်က ၂၀၂၀ မှာ WHOကနေ နုတ်ထွက်ရေးလုပ်ငန်းများ စတင်ဆောင်ရွက်ခဲ့ပေမယ့် ၆လအကြာမှာ သမ္မတဖြစ်လာတဲ့ ဂျိုးဘိုင်ဒင်က ပြန်ပြောင်းခဲ့ပါတယ်။
WHOဟာ ကိုဗစ်-၁၉ အစောပိုင်းစတင်ပျံ့နှံ့စေတဲ့ တရုတ်ကို တာဝန်ခံခိုင်းဖို့ရာ ပျက်ကွက်ခဲ့တယ်လို့ ပြောထားပြီး WHOဟာ တရုတ်ရဲ့လက်ပါးစေလို့ ထပ်ခါထပ်ခါ ဆိုထားကာ အမေရိကန်အနေနဲ့ ပြည်တွင်းကျန်းမာရေး လုပ်ငန်းများကိုသာ အာရုံစိုက်မယ်လို့ ကြုံးဝါးထားပါတယ်။

▪️ WHO ညွှန်ကြားရေးမှူးချုပ် တက်ဒရိုစ်အက်ဒါနွမ်ဂေဘရီယေဆပ်စ်က အမေရိကန် သမ္မတကူးပြောင်းရေးအတွက် အချိန်နဲ့နေရာ ပေးဖို့လိုတယ်လို့ ပြောသွားပါတယ်။

#Source: Reuters

#Local_News
Published 24 December 2024

▪️ ယနေ့ ဒီဇင်ဘာလ ၂၄ရက်က ဆင်ပေါင်ဝဲမြို့အနီးအင်အား ရစ်(ခ်)တာစကေး (၄.၃) အဆင့်ရှိ ငလျင်တစ်ခုလှုပ်ခတ်ခဲ့ကြောင်း သိရသည်။

▪️ မိုးလေဝသနှင့်ဇလဗေဒဦးစီးဌာန၏ထုတ်ပြန်ချက်အရ  ဒီဇင်ဘာလ ၂၄ ရက်နေ့၊ မြန်မာစံတော်ချိန် (၀၀)နာရီ၊ (၂၇)မိနစ်၊ (၂၅)စက္ကန့် အချိန်တွင် နေပြည်တော်မြေငလျင်စခန်းမှ အနောက်-အ နောက်တောင်ဘက် မိုင် (၇၀) ခန့်ကွာဝေးသော မြန်မာနိုင်ငံပြည်တွင်း (ဆင်ပေါင်ဝဲမြို့၏ အနောက်တောင်ဘက် (၁၂) မိုင်ခန့်အကွာ)၊ မြောက်လတ္တီတွဒ် (၁၉.၅၆) ဒီဂရီ၊ အရှေ့လောင်ဂျီတွဒ် (၉၅.၀၈) ဒီဂရီ၊ အနက်(၆၇)ကီလိုမီတာကို ဗဟိုပြု၍ အင်အား ရစ်(ခ်)တာစကေး (၄.၃) အဆင့်ရှိ အင်အားအနည်းငယ်ရှိသော မြေငလျင်တစ်ခုလှုပ်ရှားသွားကြောင်း သိရသည်။

▪️ ​မြန်မာနိုင်ငံတစ်ဝန်း ယခုလဆန်းမှ စ၍ အင်အားအသင့်အတင့်ရှိ မြေငလျင်များ လှုပ်ခတ်လျှက်ရှိရာယ‌နေ့လှုပ်ခတ်သည့် မြေငလျင်အပါအဝင် တစ်လအတွင်းမြေငလျင်ပေါင်းရှစ်ကြိမ်ခန့် လှုပ်ခတ်ခဲ့ကြောင်း သိရသည်။

#YMG/SW #Yangon_Times

#World_Health
Published 24 December 2024

▪️ နေ့စဉ် သင့်တင့်မျှတတဲ့ ခြေလှမ်းအရေအတွက် လမ်းလျှောက်ခြင်းဖြင့် စိတ်ဓာတ်ကျလက္ခဏာ လျော့ကျစေနိုင်တယ်လို့ ကမ္ဘာလုံးဆိုင်ရာ အချက်အလက် သုံးသပ်မှုတစ်ခု တွေ့ရပါတယ်။

▪️ တစ်နေ့ကို ခြေလှမ်း ၁ သောင်းခန့်အထိ တိုးမြှင့် လျှောက်လှမ်းခြင်းဖြင့် စိတ်ဓာတ်ကျ လက္ခဏာခံစာရနိုင်ခြေ လျော့ကျသွားတယ်လို့ စပိန်လေ့လာချက်တစ်ခုမှာ တွေ့ထားပါတယ်။

▪️ ကက်စ်တီလ်လာမန်ချာတက္ကသိုလ်မှ အက်စ်တယ်လာဂျီမီနက်ဇ်လိုပက်ဇ် ဦးဆောင်တဲ့ သုတေသီတွေဟာ ဘယ်လိုလေ့ကျင့်ခန်းမဆို စိတ်ဓာတ်ကျခြင်းကို သဘာဝအတိုင်း ဆန့်ကျင်ပေးတယ်ဆိုတဲ့ အထောက်အထား ခိုင်ခိုင်မာမာ တွေ့ရှိထားကာ လမ်းလျှောက်ခြင်းလိုမျိုး လွယ်ကူတဲ့ လှုပ်ရှားမှုမျိုးကလည်း သက်ရောက်မှုရှိနေပါတယ်။

▪️ လေ့လာချက် ၃၃ ခုဖြင့် ကမ္ဘာပေါ်မှ လူပေါင်း ၉၆၀၀၀ ကျော်ကို သုံးသပ်ခဲ့ကြပြီး ထိုထဲမှာ ခြေလှမ်းတိုင်းစက် တပ်ဆင်အသုံးပြုသူတွေလည်း ပါဝင်ပါတယ်။

▪️ တစ်နေ့ကို ခြေလှမ်းအနည်းဆုံး ၅ ထောင်ခန့် လျှောက်သူတွေထက် ၁ ထောင်ပိုလျှောက်သူတွေဟာ စိတ်ဓာတ်ကျခံစားရနိုင်ခြေ ၉ ရာခိုင်နှုန်း လျော့ကျသွားတာ တွေ့ရပါတယ်။

▪️ တစ်နေ့ကို ၇ ထောင်ခန့် လျှောက်လှမ်းသူတွေကတော့ ၃၁ ရာခိုင်နှုန်း ပိုနည်းသွားပြီး ၇၅၀၀ အထက် လျှောက်လှမ်းသူတွေကတော့ ၄၃ ရာခိုင်နှုန်း လျော့ကျသွားတာ တွေ့ရှိခဲ့ကြပါတယ်။

▪️ တစ်နေ့ကို ခြေလှမ်း ၁ သောင်းခန့် လျှောက်လှမ်းသူတွေကတော့ စိတ်ကျန်းမာရေး အကောင်းဆုံးအဆင့် ရောက်ရှိတဲ့ပုံစံမျိုး တွေ့ရပါတယ်။

▪️ ၁ သောင်းထက်ပိုများသွားရင်တော့ စိတ်ကျလက္ခဏာ သိသိသာသာ လျော့ကျတာမျိုး မတွေ့ရဘူးလို့လည်း ဖော်ပြထားပါတယ်။

▪️ အေရိုးဗစ်၊ ဝိတ်မလေ့ကျင့်ခန်း၊ ယောဂစတဲ့ လှုပ်ရှားမှုတွေကလည်း စိတ်ဓာတ်ကျခြင်း အခြေအနေကို ကာကွယ်ပေးနိုင်ပါတယ်။

▪️ နေ့စဉ်ခြေလှမ်း ဘယ်လောက်လျှောက်မလဲဆိုတာ သတ်မှတ်ခြင်းဖြင့် ကျန်းမာရေးဗျူဟာ သတ်မှတ်ပြီးသား ဖြစ်ကာ စိတ်ဓာတ်ကျခြင်းမှ ကာကွယ်နိုင်မယ်လို့ ဖော်ပြသွားပါတယ်။

#Source: Medical Xpress

#World_Health
Published 24 December 2024

▪️ ကမ္ဘာပေါ်က ၁၀ရာခိုင်နှုန်းသော လူတွေမှာ လက်သည်းခြေသည်းမှို ဖြစ်တတ်ကြပါတယ်။

▪️ ဆေးတွေက လက်သည်းကိုဖောက်ပြီး ရောဂါပိုးဝင်ရောက်နေတဲ့ အောက်ဖက်အသားအထိ ရောက်ရှိရန် ခက်ခဲပါတယ်။

▪️ အထူးသဖြင့် ခြေသည်းတွေက ဖွံ့ဖြိုးမှုနှေးတာကြောင့် ကုသမှု ကြာရှည်ပြီး အကုန်အကျ များနိုင်ပါတယ်။

▪️ ဟားဗတ်စ်မှ အသိအမှတ်ပြု အရေပြားဆရာဝန်တစ်ဦးက ခြေသည်းမှုကို အိမ်မှာတင် အကုန်အကျသက်သာစွာ ကုသနိုင်မယ့် နည်းလမ်းကို မျှဝေသွားပါတယ်။

▪️ ခံတွင်းသန့်ရှင်းရေးအတွက် အသုံးပြုတဲ့ လစ္စထရင်း(Listerine)ဟာ လက်သည်းခြေသည်းတွေမှာ စွဲကပ်နေတဲ့ မှိုတွေကို ဖယ်ရှားနိုင်တယ်လို့ ဒေါက်တာ နီရာနေသန်က TikTokမှာ ပြောသွားပါတယ်။

▪️ Listerine Original Anti­septic Mouthwash လို့ခေါ်တဲ့ လစ္စထရင်းအညိုရောင်ဟာ မှိုဆန့်ကျင်ဒြပ်ပေါင်းများဖြစ်တဲ့ မန်သောလ်၊ ယူကလစ်ပ်တိုလ်၊ သိုင်မိုလ်တို့ ပါဝင်ပါတယ်။

▪️ အဆိုပါ ခံတွင်းသန့်စင်ရည်က သန်းသေခြင်း၊ ကြမ်းပိုးကိုက်ခြင်းကို သက်သာစေခြင်းကစလို့ ဗောက်ရှင်းလင်းခြင်းအထိ အမျိုးမျိုး အသုံးပြုနိုင်ပါတယ်။

▪️ ခြေသည်းမှိုအတွက် လစ္စထရင်းကို ဂွမ်းစဖြင့်တို့ကာ လက်သည်းခြေသည်း အပေါ်ဖက်နဲ့ အောက်ဖက်တို့မှာ သုတ်လိမ်းပြီး အခြောက်ခံထားရမယ်လို့ နေသန်က အကြံပြုပါတယ်။

▪️ ဒါ့အပြင် ဆေးရည်ထဲမှာ ၁၅-၂၀ မိနစ်ခန့် စိမ်ခြင်းကိုလည်း ရံဖန်ရံခါ ပြုလုပ်နိုင်ပြီး လက်သည်းမှိုက ၆ လလောက်နဲ့ ကုသနိုင်ကာ ခြေသည်းကတော့ တစ်နှစ်အထိ ကြာမြင့်နိုင်ပါတယ်။

▪️ ဈေးကြီးပြီးတော့ သိပ်ပြီးထိရောက်မှုမရှိတဲ့ မှိုသတ်လိမ်းဆေးများထက်စာရင် ဒါက ပိုမိုသက်သာတဲ့ နည်းလမ်းဖြစ်တယ်လို့ ဆိုပါတယ်။

▪️ လစ္စထရင်းအပြင် ရေရောစပ်ထားတဲ့ ပန်းသီးရှာလကာရည်ကလည်း ဘက်တီးရီးယားနဲ့ မှိုများ သေစေနိုင်တဲ့ အစွမ်းသတ္တိရှိပြီး တစ်ပတ်ကို ၁၅ မိနစ်ဖြင့် ၂-၃ ကြိမ်ခန့် စိမ်နိုင်ပါတယ်။

#Source: New York Post

တောင်ကိုရီးယားသမ္မတ၏ စစ်အုပ်ချုပ်ရေးကြေညာမှုအကျိုးဆက်များအနေဖြင့် နိုင်ငံ့စီးပွားရေးနှင့်ဘဏ္ဍာရေးဈေးကွက်များ အခက်ခဲဆုံးအခြေအနေရင်ဆိုင်နေရ

ယခုလအစောပိုင်းက တောင်ကိုရီးယားသမ္မတ ယွန်ဆော့ယောလ်မှ အငြင်းပွားဖွယ် စစ်အုပ်ချုပ်ရေးဥပဒေကြေညာချက်ကြောင့် ဖွဲ့စည်းပုံအခြေခံဥပဒေ အကျပ်အတည်းဖြစ်ရကာ ရင်းနှီးမြှုပ်နှံသူများရဲ့ ယုံကြည်မှုထိပါးစေသဖြင့် တောင်ကိုရီးယား ဘဏ္ဍာရေးဈေးကွက်တွေအနေနဲ့ အခက်ခဲဆုံးကာလရင်ဆိုင်နေရပါတယ်။
#Asia_Crisis
Published 23 December 2024
#အခက်ခဲဆုံးအခြေအနေ #တောင်ကိုရီးယားသမ္မတ
#YMG #Yangon_Times #Yangon_Media_Group

#Daily_News
Published 23 December 2024

၁။ တစ်ပတ်အတွင်း ရွှေဈေးတစ်သိန်းကျော်ကျဆင်း

၂။ အောင်ပန်း၌ ၁၅ ရက်တစ်ကြိမ်ပြုလုပ်မည့် ဒေသငရုတ်ခြောက် ကုန်စည်ပြပွဲတွင် လေလံစနစ်ဖြင့် ရောင်းချပေးမည်

၃။ ရုပ်ရှင်ဥပဒေသစ်တွင် အနုပညာလုပ်ကိုင်ခွင့်သုံးနှစ်အထိ ပိတ်မည့်ပုဒ်မသစ်ပါဝင်လာ

၄။ တောင်ကိုရီးယားသမ္မတ၏ စစ်အုပ်ချုပ်ရေးကြေညာမှုအကျိုးဆက်များအနေဖြင့် နိုင်ငံ့စီးပွားရေးနှင့်ဘဏ္ဍာရေးဈေးကွက်များ အခက်ခဲဆုံးအခြေအနေရင်ဆိုင်နေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ရန်ကုန်မြို့က တိုက်ခန်းအငှားဈေးနှုန်းတွေ နှစ်ဆလောက်မြင့်တက်လာတယ်လို့ အိမ်ခြံမြေအကျိုးဆောင် အသိုင်းအဝိုင်းက သိရပါတယ်။
#Local_News
Published 23 December 2024
#တိုက်ခန်းအငှားဈေးနှုန်း #အိမ်ခြံမြေအကျိုးဆောင်
#YMG/SW #Yangon_Times

နိုင်ငံတော်အကြည်ညိုပျက်စေရေး လုပ်ဆောင်တဲ့အနုပညာရှင်‌တွေကို အနုပညာလုပ်ကိုင်ခွင့် အများဆုံးသုံးနှစ်အထိ ပိတ်ပင်မယ့် ဥပဒေပါဝင်လာ
#Local_News
Published 23 December 2024
#ရုပ်ရှင်ဥပဒေသစ် #အနုပညာလုပ်ကိုင်ခွင့်သုံးနှစ်အထိပိတ်
#YMG/SW #Yangon_Times

အောင်ပန်းမြို့မှာ လာမယ့် ဒီဇင်ဘာ ၃၀ရက်‌နေ့ကစပြီး ၁၅ ရက်တစ်ကြိမ် ဒေသငရုတ်ခြောက်ကုန်စည်ပြပွဲကို တောင်သူ့စျေးမှ ကျင်းပပေးသွားမှာဖြစ်ပြီး လေလံစနစ်နဲ့ရောင်းချပေးသွားမယ်လို့ သိရပါတယ်။
#Local_News
Published 23 December 2024
#အောင်ပန်း #ငရုတ်ခြောက်ကုန်စည်ပြပွဲ
#YMG/NN #Yangon_Times

တစ်ပတ်အတွင်း ရွှေရည်ညွှန်းဈေးကျပ်တစ်သိန်းကျော်အထိဈေးနှုန်းကျဆင်းလာတယ်လို့ ရန်ကုန်တိုင်းဒေသကြီး ရွှေလုပ်ငန်းရှင်များအသင်းက သိရပါတယ်။
#Local_News
Published 23 December 2024
#ရွှေရည်ညွှန်းဈေး #ရွှေဈေးကျဆင်း
#YMG/NN #Yangon_Times

၂၃ ဒီဇင်ဘာ ၂၀၂၄

ဟွန်ဒါနှင့် နစ်ဆန်း ကားကုမ္ပဏီနှစ်ခုဟာ လာမယ့် ၂၀၂၆ခုနှစ် ဩဂုတ်လမှာ ကုမ္ပဏီအသစ်တစ်ခု အဖြစ် ပေါင်းစည်းတည်ထောင်ကြဖို့အတွက် ဆွေးနွေးမှုတွေစတင်ဖို့ ဒီဇင်ဘာ ၂၃ရက် တနင်္လာနေ့က သဘောတူခဲ့ကြပါတယ်။

အဲသလိုပေါင်းစည်းလိုက်ကြတဲ့အတွက် သူတို့ဟာ လျှပ်စစ်ကားဈေးကွက်မှာ အမေရိကန်နှင့် တရုတ် ပြိုင်ဘက်ကားကုမ္ပဏီတွေပြီးရင် တတိယမြောက်အကြီးဆုံးဖြစ်လာပါလိမ့်မယ်။

ထုတ်လုပ်မှုအရေအတွက်အရ ဂျပန်မှာ ဒုတိယနှင့်တတိယအကြီးဆုံးကားကုမ္ပဏီတွေဖြစ်တဲ့ ဟွန်ဒါနှင့် နစ်ဆန်းတို့ဟာ  ဇွန်လမှာ အပေးအယူအပြီးလုပ်ဖို့ ရည်ရွယ်ထားပါတယ်။  အဲဒီပေါင်းစည်းမှုထဲကို ပါဝင်ဖို့ အတွက် နစ်ဆန်းရဲ့မိတ်ဖက် မစ်ဆူဘီရှီကားကုမ္ပဏီက ၂၀၂၅ဇန်နဝါရီနောက်ဆုံးထား ဆုံးဖြတ်မှာ ဖြစ်ပါတယ်။

ကမ္ဘာ့ကားလုပ်ငန်းထဲမှာ လျှပ်စစ်ကားတွေဟာ လျှင်မြင်ဆုံးတိုးတက်လာနေပါတယ်။ ဟွန်ဒါနှင့် နစ်ဆန်း အပါအဝင် ဂျပန်ကားကုမ္ပဏီတွေဟာ အမေရိကန်ရဲ့ တက်စ်လာနှင့် တရုတ်ရဲ့ ဘီဝိုင်ဒီတို့လို ပြိုင်ဘက်တွေရဲ့ အနောက်မှာကျန်ရစ်နေခဲ့တာဖြစ်ပါတယ်။

Source KyodoNews

#Local_News
Published 23 December 2024

▪️ စားအုန်းဆီ တင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီက ယခုတစ်ပတ်အတွက် ထုတ်ပြန်လိုက်သည့် စားအုန်းဆီ ရည်ညွှန်းဈေးမှာ  ယခင်အပတ်ထက် ကျပ် ၃၀ တက်လာကြောင်း ထုတ်ပြန်ချက်အရ သိရသည်။

▪️ ဒီဇင်ဘာလ ၂၃ ရက်မှ ၃၀ ရက်အထိ ရန်ကုန်အထိုင် စားအုန်းဆီအခြေခံလက်ကား ရည်ညွှန်းဈေးအဖြစ် တစ်ပိဿာ (၇၂၈၀) ကျပ် သတ်မှတ်လိုက်ခြင်းဖြစ်ပြီး ယခင်အပတ်က တစ်ပိသာလျှင် ကျပ်၇၂၅၀ သတ်မှတ်ထားခြင်းဖြစ်သည်။

▪️ "ခုထုတ်ပြန်ဈေးက ဒီတနင်္လာကနေနောက်တနင်္လာအထိပါ။ တစ်ပိဿာကို ၃၀ကျပ် တက်လာပါတယ်"ဟု မြန်မာနိုင်ငံဆီကုန်သည်များနှင့် ဆီလုပ်ငန်းရှင်များအသင်းမှ တာဝန်ရှိသူတစ်ဦးက ပြောသည်။

▪️ လက်ရှိတွင် ပြည်ပမှ တစ်လလျှင် စားသုံးဆီတန်ချိန် ငါးသောင်းခန့် တင်သွင်းနေပြီး အများပြည်သူ စားသုံးမှုအတွက်တန်ချိန် သုံးသောင်းကျော်နှင့် စက်မှုလုပ်ငန်းများအတွက် စားသုံးဆီတန်ချိန် တစ်သောင်းခွဲခန့် ကို မလေးရှား၊ အင်ဒိုနီးရှား အစရှိသည့် နိုင်ငံများမှ အဓိကတင်သွင်းနေရကြောင်း သိရသည်။

#YMG/SW #Yangon_Times