#World_News
Published 31 July 2024
▪️ အစ္စရေးလ်စစ်တပ်က အင်္ဂါနေ့မှာ လက်ဘနွန်မြို့တော် ဘိုင်ရုကို လေကြောင်းတိုက်ခိုက်မှု ပြုလုပ်ခဲ့ရာမှာ ဟက်ဇ်ဘိုလာလက်နက်ကိုင်အဖွဲ့မှ ဝါအရင့်ဆုံး တပ်မှူးကွန်မန်ဒါတစ်ယောက် သေဆုံးခဲ့တယ်လို့ အခိုင်အမာဆိုလိုက်ပါတယ်။

▪️ ဒါဟာ လွန်ခဲ့တဲ့ ၃ ရက်က ဟက်ဇ်ဘိုလာတို့ နယ်စပ်ကိုကျော်ပြီး ဒုံးကျည်များဖြင့် ပစ်ခတ်ခဲ့တယ်လို့ ပြစ်တင်ခဲ့ကာ အစ္စရေးလ်လူငယ် ၁၂ ဦးသေဆုံးစေခဲ့တဲ့ ဖြစ်စဉ်ကို လက်တုန့်ပြန်တဲ့သဘော ဖြစ်ပါတယ်။

▪️ ဘိုင်ရုမြို့ တောင်ပိုင်းဆင်ခြေဖုံးရှိ အီရန်ကျောထောက်နောက်ခံပြု ဟက်ဇ်ဘိုလာအဖွဲ့ အခြေကုပ်စခန်းတစ်ခုတည်ရှိရာ နေရာအထက်ကနေ ညနေ ၇ နာရီ ၄၀ မိနစ်ခန့်မှာ ပေါက်ကွဲသံကြီးကြားရပြီး မီးခိုးတွေ ထွက်လာခဲ့တယ်လို့ ရိုက်တာမှ မျက်မြင်သက်သေတစ်ဦးက ဆိုပါတယ်။

▪️ အစ္စရေးလ်တွေကို သတ်ခဲ့တဲ့တရားခံ ဖော့ရှုကာကို သတ်နိုင်ခဲ့ကြောင်း၊ ဒီညမှာ အစ္စရေးလ်တွေရဲ့ သွေးကြွေးကို ဆပ်နိုင်ခဲ့ကြောင်း၊ ဒီစစ်ပွဲကြီး အဆုံးသတ်သည်အထိ အစ္စရေးလ်တပ်တွေ မမီနိုင်တဲ့နေရာမရှိကြောင်း အစ္စရေးလ်ကာကွယ်ရေးဝန်ကြီး ယိုအက်ဗ်ဂဲလန့်က ပြောပါတယ်။ ဒီကိစ္စနဲ့ ပတ်သက်ပြီး ဟက်ဇ်ဘိုလာဘက်က ပြောဆိုခြင်းမရှိသေးပါဘူး။

▪️ အစ္စရေးလ်ကို စနေနေ့က ဒုံးကျည်တိုက်ခိုက်ခဲ့မှုမှာ မပါဝင်ဘူးလို့တော့ ငြင်းထားပါတယ်။
ဘိုင်ရုမှာရောက်နေတဲ့ အခြားနိုင်ငံမှ လုံခြုံရေး သတင်းရင်းမြစ်တစ်ဦးရဲ့ ပြောကြားချက်အရ ရှုကာဟာ တိုက်ခိုက်မှုအတွင်း ရရှိခဲ့တဲ့ ဒဏ်ရာတွေကြောင့် သေဆုံးသွားပါတယ်။

▪️ ရှုကာဟာ စနေနေ့တိုက်ခိုက်မှုမှာ ပါဝင်ပတ်သက်ခဲ့သူဖြစ်ပြီး ဟက်ဇ်ဘိုလာ အထွေထွေအတွင်းရေးမှူး ဟာဆန်နက်စ်ရယ်လာအတွက် အရေးကြီးဆုံးအကြံပေး ပုဂ္ဂိုလ်ဖြစ်ခဲ့တယ်လို့ အစ္စရေးလ်စစ်တပ်က ဆိုပါတယ်။

▪️ ဘိုင်ရုမြို့ကို အစ္စရေးလ်တိုက်ခိုက်ရာမှာ အရပ်သား ၃ ဦးလည်း သေဆုံးခဲ့တယ်လို့ ဆေးဘက်ဆိုင်ရာနဲ့ လုံခြုံရေးရင်းမြစ်များက ရိုက်တာသတင်းဌာနကို ပြောပြပါတယ်။

▪️ လက်ဘနွန် ကျန်းမာရေးဝန်ကြီးဌာနကတော့ ၃ ဦးသေဆုံးတဲ့အပြင် ၇၄ ဦးဒဏ်ရာရခဲ့တယ်လို့ အယ်လ်မာနာတီဗီက ဖော်ပြထားပါတယ်။

▪️ အစ္စရေးလ်ဘက်က လူငယ်တွေ သေဆုံးသွားတာက တင်းမာမှုမြင့်တက်လာနိုင်တာကို အနောက်တိုင်းက စိုးရိမ်နေပါတယ်။

▪️ နှစ်ဖက်စလုံး အခြေအနေ တင်းမာမှုတွေကို လျှော့ချဖို့ ကုလသမဂ္ဂ အထူးသံတမန် ဂျင်နင်းဟန်နစ်ပလက်စ်ချာ့က တောင်းဆိုလိုက်ပါတယ်။

▪️ လက်ဘနွန်နိုင်ငံခြားရေးဝန်ကြီး အက်ဒူလာဘိုဟာဘစ်က အစ္စရေးလ်တိုက်ခိုက်မှုကို ရှုတ်ချလိုက်ပြီး ကုလသမဂ္ဂကို တိုင်ကြားရန် စီစဉ်နေပါတယ်။

▪️ ပြီးခဲ့တဲ့နှစ် အောက်တိုဘာလက ဂါဇာမှာ စစ်ပွဲစတင်ဖြစ်ပွားကတည်းက ဟက်ဇ်ဘိုလာနဲ့ အစ္စရေးလ်တို့ အပြန်အလှန်တိုက်ခိုက်နေခဲ့ကြပါတယ်။

#Source: Reuters

#Local_News
Published 31 July 2024

▪️ ရေကြီးရေလျှံမှု ဖြစ်ပေါ်နေသည့် ပဲခူးမြို့ ရွှေမောဓေါ ဘုရားလမ်း၊ အမှတ် (၁) ကျောင်းရှေ့တွင် အသက်(၁၆)နှစ်အရွယ် Grade -12 ကျောင်းသား အမျိုးသားတစ်ဦး ယမန်နေ့က ဓါ-တ်လိုက်၍  အသက်ဆုံးရှုံးခဲ့ရပြီး ၎င်း၏နာရေးကို ယနေ့ ဇူလိုင် (၃၁)ရက်တွင် ပြုလုပ်မည်ဖြစ်ကြောင်း မိသားစုနှင့် နီးစပ်သူများထံမှ သိရသည်။

▪️ "ထ (၁) ကျောင်းရှေ့မှာ စက်ဘီးတွန်းလာရင်း ရေထဲမှာ ဓာတ်လိုက် ‌ေ-သဆုံးသွားတာပါ။ ဒီနေ့မှာ သဂြိုလ်မှာပါ၊ ကလေးက ကျောင်းဆရာမတစ်ဦးရဲ့သား၊ ကျောင်းသားလေးပါ" ဟု မိသားစုနှင့် နီးစပ်သူတစ်ဦးက ပြောသည်။

▪️ ဇူလိုင် (၃၀)ရက်၊ နေ့လယ်ပိုင်းက ရွှေမောဓေါ ဘုရားလမ်း၊ အမှတ် (၁) ကျောင်းရှေ့ ဓါ-တ်တိုင်အနီးတွင် ဓါ-တ်လိုက်ကာ အသက်ဆုံးရှုံးခဲ့ရာ  ရုပ်အလေ-ာင်းကို အနီးနားရှိ ရေဘေးကယ်ဆယ်ရေး လုပ်ကိုင်နေသည့် လူမှုကူညီရေးအသင်းများမှ ပဲခူးမြို့ ပြည်သူ့ဆေးရုံကြီးသို့ ရင်ခွဲရုံသို့ ပို့ဆောင်ပေးခဲ့ကြောင်း၊ ၎င်း၏နာရေးကို ယနေ့ ဇူလိုင် (၃၁)ရက် နေ့လယ် (၁)နာရီအချိန်တွင် ပဲခူးမြို့ ပြည်သူ့ဆေးရုံကြီးရင်ခွဲရုံမှ ဆင်ဖြူကွင်းသုဿန်သို့ ပို့ဆောင်သဂြိုလ်မည်ဖြစ်ကြောင်း သိရသည်။

▪️ အဆိုပါ ပဲခူးမြို့၌ ရေကြီးရေလျှံမှုဖြစ်ပေါ်နေသည့်  ယမန်နေ့ည‌နေပိုင်းကလည်း သူငယ်ချင်းများနှင့်ဆော့ကစားနေသည့် ကလေးငယ်တစ်ဦး ရေဆိုးပြွန်ထဲသို့ပြုတ်ကျသေဆုံးမှုတစ်ခုလည်းဖြစ်ပွားခဲ့ကြောင်း သိရသည်။

#YMG/NN #Yangon_Times

#Local_News
Published 31 July 2024

▪️ တိုက်ကြီးမြို့နယ် ဥတို-အဖျောက်ကားလမ်းဘေးတွင် ရေတိုက်စားမှုကြောင့် ကားလမ်းမဘေး‌မြေသားများ ပြိုကျမှုတစ်ခုယနေ့မနက်ပိုင်း၌ ဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဇူလိုင် ၃၁ ရက်နေ့၊ မနက်၉ နာရီအချိန်ခန့်က ရန်ကုန်တိုင်းဒေသကြီး၊ တိုက်ကြီးမြို့နယ်၊ မိုင်တိုင်အမှတ် (၉/၃)နှင့် (၉/၄) ဖာလုံကြားရှိ ဥတို-အဖျောက်ကားလမ်းဘေးတွင် ရေတိုက်စားမှုကြောင့် ကားလမ်းမဘေး‌မြေသားများ ပြိုကျကြောင်းသတင်းရရှိသဖြင့် တိုက်ကြီးမြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များနှင့် လမ်းတံတားဦးစီးဌာနတို့ ပူးပေါင်း၍ သဲအိတ်များဖြင့် ပြန်လည်ကာရံခြင်းလုပ်ငန်းများ ကူညီဆောင်ရွက်လျက်ရှိကြောင်း သိရသည်။

#YMG/NN #Yangon_Times

#World_Discovery
Published 31 July 2024

▪️ ကိုမိုဒိုနဂါးလို့ခေါ်တဲ့ ဖွတ်ကောင်တွေဟာ ကမ္ဘာပေါ်မှာ အကြီးဆုံးသက်ရှိပုတ်သင်မျိုးဖြစ်ပြီး သားကောင်တွေကို သတ်ဖြတ်နိုင်တဲ့ ချွန်မြတဲ့သွားတွေမှာ သံလွှာအုပ်ထားတယ်လို့ သိပ္ပံပညာရှင်များ တွေ့ရှိထားပါတယ်။

▪️ ဒီလိုမျိုး အသားစား တွားသွားသတ္တဝါတွေမှာ ယခင်က ဒီလိုအရာမျိုး မတွေ့ခဲ့ဖူးဘူးလို့ ကင်းစ်ကောလိပ်လန်ဒန်မှ သုတေသီများဦးဆောင်တဲ့ လေ့လာချက်မှာ ဖော်ပြထားပါတယ်။

▪️ သုတေသီတွေက ဖွတ်မျိုးစိတ် အမျိုးမျိုးမှ သွားတွေကို ယူဆောင်ပြီး အခြားပုတ်သင်အမျိုးမျိုးရဲ့ သွားတွေကိုလည်း လေ့လာခဲ့ပါတယ်။

▪️ ဖွတ်သွားတွေရဲ့ထိပ်တွေဘေးတွေမှာ လိမ္မော်ရောင်ခြယ်ရှိတဲ့ သံလွှာအုပ်ထားတာကို တွေ့ခဲ့ကြတယ်လို့ ဖော်ပြထားပါတယ်။

▪️ ဒီလိုသွားတွေကြောင့် ဖွတ်တွေဟာ ကြွက်ကနေစလို့ ရေထဲကကျွဲတွေကို ဖမ်းစားကာ ချွန်မြတဲ့သွားများဖြင့်ကိုက်ပြီး အဆိပ်ထုတ်လွှတ်ကြပါတယ်။

▪️ အသားစား ဒိုင်နိုဆောတွေမှာလည်း သံလွှာအုပ်ထားတဲ့ သွားတွေ ရှိနိုင်ခဲ့ပေမယ့် အချိန်ကြာလာတာနဲ့အမျှ ကျောက်ဖြစ်ရုပ်ကြွင်း သွားတွေကနေ အထောက်အထား မတွေ့ရတော့ပါဘူး။

▪️ ကိုမိုဒိုနဂါးတွေမှာ ချွန်မြပြီး ကွေးနေတဲ့ သွားများရှိပြီး အသားစားဒိုင်နိုဆောတွေလို သားကောင်တွေကို ဆွဲဖြဲပစ်နိုင်တယ်လို့ ကင်းစ်ကောလိပ်လန်ဒန်မှ ဒေါက်တာ အာရွန်လီဘလန့်စ်က ဆိုပါတယ်။

▪️ ဖွတ်ကောင်တွေဟာ အလျား ၃ မီတာနဲ့ အလေးချိန် ၉၀ ကီလိုဂရမ်အထိ ရှိနိုင်ပြီး လူသားလုပ်ရပ်တွေကြောင့် ခြိမ်းခြောက်ခံနေရကာ ရာသီဥတုပြောင်းလဲမှုကလည်း သူတို့ကျက်စားရာနေရာတွေကို ဖျက်ဆီးနေပါတယ်။

#Source: WION

#Local_News
Published 31 July 2024

▪️ "Peacock Pansy" လိပ်ပြာပုံ (၂၀၀) ကျပ်တန် စာပို့တံဆိပ်ခေါင်းသစ်များအား ဇူလိုင် (၃၁)ရက် နံနက် (၉) နာရီခွဲမှ စတင်ရောင်းချသွားမည်ဖြစ်ကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာန၊ မြန်မာ့စာတိုက်လုပ်ငန်းမှ သိရသည်။

▪️ ပို့ဆောင်ရေးနှင့် ဆက်သွယ်ရေးဝန်ကြီးဌာန၊ မြန်မာ့စာတိုက်လုပ်ငန်းမှ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီးဌာနက မြန်မာနိုင်ငံ၌ တွေ့ရှိရသော လိပ်ပြာမျိုးစိတ်အဖြစ် မှတ်တမ်းတင် သဘောထား မှတ်ချက်ပြုထားသည့် "Peacock Pansy" လိပ်ပြာပုံ (၂၀၀ ကျပ်တန်) စာပို့တံဆိပ်ခေါင်းသစ်တစ်မျိုးအား နေပြည်တော် ဗဟိုစာတိုက်ကြီး၊ ရန်ကုန်စာတိုက်ကြီး၊ မန္တလေးစာတိုက်ကြီးတို့နှင့် တိုင်းဒေသကြီး/ ပြည်နယ်များရှိ စာတိုက်ကြီးများတွင် တပြိုင်တည်း ရောင်းချပေးသွားမည်ဖြစ်ကြောင်း သိရသည်။

▪️ ထိုသို့ရောင်းချပေးရာတွင် အထူးအစီအစဉ် တစ်ရပ်အနေဖြင့် နေပြည်တော်ဗဟိုစာတိုက်ကြီး၊ ရန်ကုန်စာတိုက်ကြီးနှင့် မန္တလေးစာတိုက်ကြီးတို့တွင် ဇူလိုင် (၃၁) ရက်တွင် လာရောက်ဝယ်ယူသော စာပို့တံဆိပ်ခေါင်းများပေါ်၌ နေ့စွဲအမှတ်အသားတံဆိပ် ရိုက်နှိပ်ပေးသွားမည်ဖြစ်ကြောင်း သိရသည်။

#YMG/NN #Yangon_Times

#World_Health
Published 31 July 2024

▪️ မကြာသေးမီ လေ့လာချက်အရ ကျောင်းနေကလေးတွေမှာ ဖုန်းနဲ့ ကွန်ပျူတာကြည့်ရှုချိန် များလွန်းခြင်းကြောင့် မျက်လုံးခြောက်သွေ့ရောဂါ အဖြစ်များလာပါတယ်။

▪️ တစ်နေ့ကို ဖုန်းကြည့်ချိန် ၃ နာရီခွဲကျော်တဲ့ ကလေးတွေဟာ မျက်လုံးခြောက်ရောဂါ ဖြစ်နိုင်ခြေများတယ်လို့ အိန္ဒိယကောလိပ်တွေမှ သုတေသီများက ဆိုပါတယ်။

▪️ မျက်လုံးခြောက်ရောဂါဟာ မျက်လုံးကနေ မျက်ရည်အလုံအလောက် မထွက်ဘဲ အလျင်အမြန် အငွေ့ပျံသွားကြကာ နီရဲခြင်းနဲ့ အမြင်အာရုံပြဿနာများ ဖြစ်လာစေပါတယ်။

▪️ တစ်နေ့ကို ကွန်ပျူတာ နာရီဝက်ခန့်ပင် ထပ်ပြီးအသုံးပြုဖြစ်ပါက မျက်လုံးခြောက်ရောဂါ ဖြစ်နိုင်ခြေများစေပြီး မူဝါဒချမှတ်သူများအနေဖြင့် ကလေးတွေမှာ တစ်နေ့ကို ကြည့်ရှုချိန် ၃ နာရီအောက်သာ ကန့်သတ်ပေးသင့်တယ်လို့ ဖော်ပြထားပါတယ်။

▪️ သုတေသနထဲမှာ ပါဝင်စမ်းသပ်တဲ့ ကလေးတွေထဲက ၉၀ ရာခိုင်နှုန်းဟာ မျက်လုံးခြောက်ရောဂါကြောင့် အစိုးရဆေးရုံတွေကို သွားရောက်စစ်ဆေးကြရပြီး အမြင်ဝါးခြင်း၊ နီမြန်းခြင်း၊ မျက်လုံးယားယံခြင်းတို့ ခံစားကြရပါတယ်။

▪️ ဖုန်းနဲ့ ကွန်ပျူတာကြည့်ရှုချိန် များခြင်းအပြင် မျက်တောင်ခတ်နှုန်း လျော့နည်းတာကလည်း ပိုမိုဆိုးရွားစေပါတယ်။

▪️ ဒီလိုမျက်လုံးပြဿနာမျိုး ခံစားရတဲ့ကလေးတွေဟာ သာမန်မျက်လုံးပြဿနာ မရှိသူတွေထက် ကြည့်ရှုချိန် ၆၀ မှ ၇၀ ရာခိုင်နှုန်း ပိုများပါတယ်။

▪️ ငယ်ရွယ်တဲ့အရွယ်မှာ ဒီဂျစ်တယ်ပစ္စည်းများ အသုံးပြုချိန် များလာခြင်းက မျက်လုံးပြဿနာတွေ ဖြစ်လာစေပြီး ငယ်ငယ်ကတည်းက မျက်လုံးမှာ ဒဏ်ဖြစ်လာစေပါတယ်။

▪️ မိဘတွေ ဆရာတွေ မူဝါဒချမှတ်သူများအနေနဲ့ ကလေးတွေကို ထိုပစ္စည်းတွေ အသုံးပြုတာနဲ့ ပတ်သက်ပြီး ၂၀/၂၀/၂၀ စည်းမျဉ်းကို ကျင့်သုံးပေးစေတယ်လို့ သုတေသီများ တိုက်တွန်းထားပါတယ်။

▪️ ထိုစည်းမျဉ်းကတော့ ဖုန်းကြည့်နေရင်းနဲ့ မိနစ် ၂၀ ကြာတိုင်း ပေ ၂၀၀ အဝေးကို အနည်းဆုံး စက္ကန့် ၂၀ ကြည့်ပေးတာ ဖြစ်ပါတယ်။

▪️ ဒါ့အပြင် တစ်နာရီကြာ ဖုန်းကြည့်ပြီးတိုင်း ၁၀ မိနစ်ခန့် လမ်းထလျှောက်ဖို့ကိုလည်း အကြံပြုထားပါတယ်။

#Source: India Today

ရာသီဥတုပူပြင်းလွန်းသဖြင့် ဂျပန်တွင် လေအေးပေးစက်အပါအဝင် အေးမြထုတ်ကုန်များကို ပြပွဲပြသလာရ

ဂျပန်နိုင်ငံမှာ အပူချိန်ပြင်းထန်နေသဖြင့် တိုကျိုမြိုတော်က ပြပွဲတစ်ခုမှာ လေအေးပေးစက်အမျိုးမျိုး၊ ထီးအဖွင့်အပိတ်ပါတဲ့ ကျောပိုးအိတ်များ စသဖြင့် အေးမြထုတ်ကုန်ပစ္စည်းများကို ဗုဒ္ဓဟူးနေ့မှ သောကြာနေ့အထိ ပြသခဲ့ပါတယ်။
#World_Technology
Published 30 July 2024
#ရာသီဥတုပူပြင်းလွန်း #အေးမြထုတ်ကုန်များ
#YMG #Yangon_Times #Yangon_Media_Group

#Daily_News
Published 30 July 2024

၁။ တနင်္သာရီမြို့တွင် ရေကြီးမြင့်မှုစိုးရိမ်ရေအမှတ်သာမက အန္တရာယ်ရေအမှတ်ကိုပါ ကျော်လွန်လာပြီဖြစ်

၂။ တောင်ကိုရီးယားသို့ EPS စနစ်ဖြင့် မြန်မာလုပ်သားတစ်နှစ်လျှင်တစ်သောင်းကျော်အထိသွားရောက်နေ၊ အမျိုးသမီးများလာမည့်နှစ်ဆန်းနောက်ဆုံးထားသွားနိုင်

၃။ ကမ္ဘာ့ရွှေဈေးတစ်ရက်တည်း(၁၆)ဒေါ်လာတက်၊ YGEA ရွှေဈေး(၄)သောင်းကျော်တက်

၄။ ရာသီဥတုပူပြင်းလွန်းသဖြင့် ဂျပန်တွင် လေအေးပေးစက်အပါအဝင် အေးမြထုတ်ကုန်များကို  ပြပွဲပြသလာရ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

 အိမ်ထောင်စုတစ်စုကို  တစ်လအတွက်တစ်ကြိမ်လျှင် စားအုန်းဆီနှစ်ပိဿာနှုန်းကို အိမ်တိုင်ရာ
ရောက် ငွေချေစနစ်နဲ့ ဖြန့်ဖြူးရောင်းချပေးသွားမယ်လို့ မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များအသင်း MEODAရဲ့ ထုတ်ပြန်ချက်အရ သိရပါတယ်။
#Local_News
Published 30 July 2024
#စားအုန်းဆီ #အိမ်အရောက်ငွေချေစနစ်
#YMG/NN #Yangon_Times

ရန်ကုန်နဲ့ ပဲခူးမှာဆေးဝါးအမျိုးအစားပေါင်း တစ်ထောင်ခန့်ရောင်းချပေးနေတဲ့ အရောင်းစင်တာသုံးခုကို ဖွင့်လှစ်ရောင်းချပေးနေတယ်လို့ မြန်မာနိုင်ငံဆေးနှင့် ဆေးပစ္စည်းလုပ်ငန်းရှင်များအသင်းက သိရပါတယ်။
#Local_News
Published 30 July 2024
#အရောင်းစင်တာသုံးခု #ဆေးပစ္စည်းလုပ်ငန်းရှင်များအသင်း
#YMG/NN #Yangon_Times

ကမ္ဘာ့ရွှေဈေးတစ်ရက်တည်း (၁၆)ဒေါ်လာတက်လို့ ဇူလိုင်(၂၉)ရက်ထက် ဇူလိုင်(၃၀)ရက်မှာ YGEA ရွှေဈေး(၄)သောင်းကျော်တက်သွားတယ်လို့ သိရပါတယ်။
#Local_News
Published 30 July 2024
#ကမ္ဘာ့ရွှေဈေး #(၁၆)ဒေါ်လာတက်
#YMG/tthl #Yangon_Times

တောင်ကိုရီးယားနိုင်ငံသို့ EPS စနစ်နဲ့ မြန်မာလုပ်သားတစ်နှစ်ကို တစ်သောင်းကျော်အထိသွားရောက်နေပြီး စာမေးပွဲဖြေဆိုအောင်မြင်ထားတဲ့၊ အမျိုးသမီးတွေအနေနဲ့ အခုနှစ်အတွင်း(ဒါမှမဟုတ်)လာမယ့် နှစ်ဆန်းကိုနောက်ဆုံးထားသွားရနိုင်တယ်လို့ EPS-Korea သင်တန်းကျောင်းတွေက သိရပါတယ်။
#Local_News
Published 30 July 2024
#တောင်ကိုရီးယား #နှစ်ဆန်းနောက်ဆုံးထားသွားနိုင်
#YMG/NN #Yangon_Times