အမှတ်(၂) သံမဏိစက်ရုံ(ပင်းပက်)ရဲ့ လည်ပတ်ဖို့ ကျန်ရှိနေတဲ့ အဓိကစက်ရုံအလုပ်ရုံသုံးရုံကို ရုရှားနိုင်ငံက နည်းပညာအကူအညီနဲ့ လည်ပတ်သွားဖို့ဆောင်ရွက်နေတယ်လို့ သိရပါတယ်။
#Local_News
Published 16 January 2025
#အမှတ်(၂) သံမဏိစက်ရုံ(ပင်းပက်) #ရုရှားနည်းပညာ
#YMG/SW #Yangon_Times

#World_Health
Published 17 January 2025

▪️ မိမိရဲ့နေထိုင်စားသောက်မှုပုံစံ၊ စားသောက်ချိန်၊ ပမာဏ၊ ဇီဝကမ္မဖြစ်စဉ်နဲ့ အခြားသော အကြောင်းအရာတို့ကြောင့် ကိုယ်အလေးချိန် လျှော့ချချင်တဲ့အခြေအနေကို သက်ရောက်လာနိုင်ပါတယ်။

▪️ ကိုယ်အလေးချိန် လျှော့ချရာမှာ ထိခိုက်စေတဲ့ သောက်သုံးစရာများအကြောင်း ဖော်ပြလိုက်ပါတယ်။

▪️ ဒါကြောင့် ကိုယ်အလေးချိန်လျှော့ချဖို့ ကြိုးစားနေချိန်မှာ ရှောင်ရှားသင့်တဲ့ သောက်စရာတွေကတော့..

▪️ (၁) သစ်သီးဖျော်ရည်များ
အများယုံကြည်ထားတာနဲ့ ဆန့်ကျင်ဘက်ဖြစ်နေပြီး ဖျော်ရည်တွေက ကိုယ်အလေးချိန်လျှော့ဖို့ အကောင်းဆုံးမဟုတ်ဘဲ အမျှင်ဓာတ်များ မပါသလို ကယ်လိုရီနဲ့ သကြားဓာတ်တွေ ပြည့်နေပါတယ်။

▪️ (၂) ကာဗွန်ပါဝင်သောအချိုရည်များ
အာဟာရတန်ဖိုးမရှိဘဲ သကြားဓာတ်များပြားသလို ဆိုဒါအများအပြား သောက်သုံးရင်လည်း ကျန်းမာရေးပြဿနာ အမျိုးမျိုးဖြစ်နိုင်ခြေ များပါတယ်။

▪️ (၃) အယ်လ်ကိုဟော
တကယ်တမ်းတော့ အယ်လ်ကိုဟောရည်တွေမှာ ကယ်လိုရီတွေပါဝင်ပြီး အာဟာရတန်ဖိုး မပါသလောက်ဖြစ်ပါတယ်။

▪️ (၄) အားဖြည့်အချိုရည်များ
ကဖင်းဓာတ်နဲ့ အခြားလှုံ့ဆော်ပစ္စည်းများ မြင့်မားစွာပါဝင်သဖြင့် နှလုံးခုန်နှုန်းနဲ့ သွေးပေါင်ချိန်တို့ တိုးစေပါတယ်။

▪️ (၅) သကြားပါသောကော်ဖီ
အချိုတွေ ခရင်မ်တွေ အရသာတွေပါတဲ့ ကော်ဖီမှာ ကယ်လိုရီတွေများစွာ ပါဝင်တာကြောင့် ဘလက်ကော်ဖီ ပလိန်းကော်ဖီတို့က ကိုယ်အလေးချိန်ချဖို့ သင့်လျော်ပါတယ်။

#Source: DoctorNDTV

#World_News
Published 16 January 2025

▪️ အမေရိကန်သမ္မတ ဂျိုးဘိုင်ဒင်က သူ့အတွက် ရာစုနှစ်ဝက်လောက် သက်တမ်းကြာခဲ့တဲ့ နိုင်ငံရေးလောကကို ဗုဒ္ဓဟူးနေ့က ဘဲဥပုံရုံးခန်းမှာ နောက်ဆုံးမိန့်ခွန်းပြောပြီး အဆုံးသတ်ခဲ့ပါတယ်။

▪️ ဒေါ်နယ်ထရမ့် သမ္မတပြန်မဖြစ်လာအောင် ဒီမိုကရက်တွေ တားဆီးနိုင်ခဲ့ခြင်းမရှိတဲ့အတွက် အုပ်ချုပ်ရေးအရိုက်အရာကို ထိန်းသိမ်းသွားနိုင်ရန် မျှော်လင့်နေပါတယ်။

▪️ ဘိုင်ဒင်က အမေရိကန်နိုင်ငံသားများ အတူတကွ ပူးပေါင်းပါဝင်ကြရန် တောင်းဆိုကာ မိန့်ခွန်းစတင်ပြောကြားခဲ့ပြီး အမေရိကန်မှာ ချမ်းသာကြွယ်ဝမှု အန္တရာယ်ရှိနေတာကို သတိပေးလိုက်ပါတယ်။

▪️ "ကျွန်ုပ်တို့ရဲ့ ဓနအင်အားတွေ ဟန်ချက်တွေက ပြည့်စုံနေတာ မဟုတ်နိုင်ပေမယ့် ဒီမိုကရေစီကို နှစ် ၂၅၀ နီးပါး ထိန်းသိမ်းနိုင်ခဲ့ပြီး ဒါဟာ တခြားဘယ်နိုင်ငံထက်မဆို ကြာရှည်ပါတယ်" လို့ ပြောပါတယ်။

▪️ ဘိုင်ဒင်ဟာ တနင်္လာနေ့ မွန်းလွဲ ၁၇၀၀ GMTအချိန်မှာ ထရမ့်ကို အာဏာလွှဲပြောင်းပေးမှာဖြစ်ပါတယ်။

▪️ ထရမ့်ရွေးကောက်ပွဲ စည်းရုံးရေးတွေမှာ ကူညီပေးခဲ့တဲ့ ဘီလီယံနာ အီလွန်မက်စ်ကို ဖက်ဒရယ်အစိုးရ စရိတ်ဖြတ်တောက်ရေးတာဝန် ထမ်းဆောင်ရမယ့် အထူးအကြံပေးခန့်အပ်ဖို့ စာရင်းလျာထားပါတယ်။

▪️ ဘိုင်ဒင်က ၂၀၂၀ သမ္မတရွေးကောက်ပွဲမှာ နိုင်ငံရေး အကူးအပြောင်းပုဂ္ဂိုလ်အဖြစ် ယှဉ်ပြိုင်ခဲ့ပြီး ထရမ့်ကို အနိုင်ယူနိုင်မယ့် တစ်ဦးတည်းသော ဒီမိုကရက်ဖြစ်တယ်လို့ ဆိုခဲ့ပေမယ့် ထပ်မံယှဉ်ပြိုင်ရချိန်မှာ အသက် ၈၀ အရွယ်ရှိနေပါပြီ။

▪️ ဘိုင်ဒင်နဲ့အဖွဲ့ဟာ ကိုဗစ်-၁၉ကပ်ဘေးမှ ပြန်လည်ထူထောင်လာခြင်း၊ အခြေခံအဆောက်အအုံ ပြန်လည်အသက်သွင်းရေးအတွက် ထောက်ပံ့ခြင်း၊ တစ်ပိုင်းလျှပ်ကူးပစ္စည်း ထုတ်လုပ်မှုအသစ်များ ထွက်ပေါ်လာခြင်း၊ ရာသီဥတုဖောက်ပြန်မှု ဖြေရှင်းခြင်းတို့မှာ ကြီးကြပ်နိုင်ခဲ့ပြီး အနာဂတ်မှာ ရင်းနှီးမြှုပ်နှံဖို့နဲ့ မညီမျှမှုများကို ပြန်လည်ထိန်းညှိဖို့ ကြိုးစားခဲ့ကြကာ အမေရိကန်စီးပွားရေးနဲ့ လုပ်ငန်းအခွင့်အလမ်းများ သာလွန်အောင် ဆောင်ရွက်နိုင်ခဲ့ပါတယ်။

▪️ ဒါပေမဲ့ တိုင်းပြည်အတွင်း ကွဲပြားမှုများကို မျှော်လင့်တဲ့အတိုင်း မကုစားနိုင်ခဲ့သလို ကမ္ဘာတဝှမ်းမှာ ဒီမိုကရေစီ ဆုတ်ယုတ်လာတာကို မဟန့်တားနိုင်ခဲ့ပါဘူး။
ဂျိုးဘိုင်ဒင်က ဒီတိုင်းပြည်အတွက် သူလုပ်ပေးခဲ့သမျှ အရာတွေအတွက် မှတ်မိနေစေချင်တာပဲရှိတယ်လို့ သမ္မတဘာရက်အိုဘားမားရဲ့ အကြံပေးအရာရှိဟောင်း ဒေးဗစ်အိတ်ဆဲလ်ရော့ဒ်က ပြောပြပါတယ်။

▪️ ဘိုင်ဒင်က ဗုဒ္ဓဟူးနေ့အစောပိုင်းက စာတစ်စောင်ရေးသားရာမှာ အမေရိကအနေနဲ့ အန္တရာယ်ရှိနေတယ်လို့ ယူဆတာကြောင့် သမ္မတရွေးကောက်ခံခဲ့တာ ဖြစ်ပြီး တိုင်းသူပြည်သားများအနေနဲ့ တန်းတူညီမျှရေး၊ အသက်အိုးအိမ်၊ လွတ်လပ်ခွင့်နဲ့ ပျော်ရွှင်မှုတို့အတွက် ဆက်လက်တိုက်ပွဲဝင်ကြရန် တိုက်တွန်းလိုက်ပါတယ်။

▪️ တိုင်းပြည်က အကြပ်အတည်းတွေ ကျနေချိန်မှာ ကပ်ရောဂါဘေးကနေ ပြန်လည်ထူထောင်လာခြင်းက သူ့ရဲ့အကြီးမားဆုံး တစ်ခုတည်းသော အောင်မြင်မှုဖြစ်တယ်လို့ ဘိုင်ဒင်ရဲ့မိတ်ဆွေ လွှတ်တော်အမတ် ခရစ္စကွန်းစ်က ပြောသွားပါတယ်။

#Source: Reuters

#Local_News
Published 16 January 2025

▪️ မြန်မာနိုင်ငံတော်ဗဟိုဘဏ်သည်အမေရိကန်‌ ဒေါ်လာ၂၅သန်းကျော်နှင့် တရုတ်ယွမ်သုံးသိန်းကျော်ကို ယမန်နေ့က ထပ်မံထုတ်ရောင်းလိုက်ကြောင်း သိရသည်။

▪️ ဇန်နဝါရီလ ၁၅ ရက်နေ့တွင် ငွေလဲနှုန်း ၃၅၉၂ ကျပ်နှင့်  အမေရိကန်ဒေါ်လာ ၂၅.၃ သန်းကျော်ကို  ထုတ်ရောင်းခဲ့ခြင်းဖြစ်သည်။

▪️ ထို့အပြင်  တရုတ်ယွမ် ၃၆၉၂၂၁.၆ ကိုလည်း ငွေလဲနှုန်း ၅၃၉.၆ ကျပ်နှုန်းဖြင့်  ရောင်းချပေးခဲ့ကြောင်း သိရသည်။

▪️ ထို့အတူ ၎င်းရက်တစ်ရက်တည်းတွင်ပင်  AD လိုင်စင်ရဘဏ်များနှင့် လုပ်ငန်းရှင်များအကြား ဒေါ်လာသန်း ၄၄.၃ သန်းကျော်၊ တရုတ်ယွမ် ၁၆.၅ သန်းကျော်နှင့် ထိုင်းဘတ် ၃၇.၂ သန်းကျော် အလွှဲအပြောင်းရှိခဲ့ကြောင်း သိရသည်။

#YMG/NN #Yangon_Times

#Local_News
Published 16 January 2025

▪️ ကိုရီးယားသမ္မတနိုင်ငံ၊ လွှတ်တော်ဥက္ကဋ္ဌ H.E. Mr. Woo Won-shik မှ ၂၀၂၅ ခုနှစ်၊ ဇန်နဝါရီလ (၁၅) ရက်နေ့တွင် တည်ခင်းဧည့်ခံသည့် အလုပ်သဘောနေ့လယ်စာစားပွဲသို့ ဆိုးလ်မြို့အခြေစိုက်အာဆီယံအဖွဲ့ဝင်သံရုံးများမှ သံအမတ်ကြီးများနှင့် သံရုံးအကြီးအကဲများနှင့်အတူ မြန်မာသံအမတ်ကြီးဦးသန့်စင် ပါဝင်တက်ရောက်ခဲ့ကြောင်း သိရသည်။ 

▪️ အဆိုပါ အခမ်းအနားတွင် လွှတ်တော်ဥက္ကဋ္ဌ H.E. Mr. Wooက၂၀၂၄ ခုနှစ်တွင် အာဆီယံ-ကိုရီးယားဘက်စုံမဟာဗျူဟာမြောက်ဆက်ဆံရေးကိုတည်ထောင်ခဲ့ပြီးဖြစ်သဖြင့် အစိုးရများအကြားတွင်သာမက လွှတ်တော်များအကြားတွင်လည်းပူးပေါင်းဆောင်ရွက်မှုများကိုတိုးမြှင့်လုပ်ဆောင်သွားလိုပါကြောင်း၊ အာဆီယံနှင့်ဆွေးနွေးဘက်ဆက်ဆံရေးကို ၁၉၈၉ ခုနှစ်တွင် စတင်တည်ထောင်ခဲ့သည့်အချိန်မှစ၍ ယနေ့အထိကုန်သွယ်မှုသည် (၂၃) ဆနှင့် လူအချင်းချင်းထိတွေ့ဆက်ဆံမှုသည် (၃၇) ဆ မြင့်တက်လာခဲ့ကြောင်း၊ တောင်ကိုရီးယားနိုင်ငံတွင် ရင်ဆိုင်နေရသည့် စိန်ခေါ်မှုများအတွက် ဆိုးလ်မြို့အခြစိုက်သံရုံးများအနေဖြင့် တောင်ကိုရီးယားနိုင်ငံ၏ ခိုင်မာကြံ့ခိုင်သောဒီမိုကရေစီကိုယုံကြည်ပေးပါရန်နှင့် စိုးရိမ်ကြောင့်ကြမှုများမဖြစ်ပေါ်စေရန် ပြောကြားလိုပါကြောင်း၊ တောင်ကိုရီးယားနိုင်ငံ၏လေယာဉ်ပျက်ကျခဲ့မှုအပေါ် သက်ဆိုင်ရာနိုင်ငံများမှ ဝမ်းနည်းကြောင်းသဝဏ်လွှာများပေးပို့ခဲ့သည့်အတွက် ကျေးဇူးတင်ရှိပါကြောင်း ပြောကြားခဲ့သည်။
ထို့အပြင် တောင်ကိုရီးယားနိုင်ငံအနေဖြင့် အာဆီယံ၏ သံခင်းတမန်ခင်းကိုအခြေတည်သောရပ်တည်ချက်များကိုထိန်းသိမ်းလျက် အာဆီယံမှ ဖော်ဆောင်ထားသည့် လုပ်ငန်းစဉ်များတွင် ဆက်လက်တက်ကြွစွာပါဝင်ဆောင်ရွက်သွားမည်ဖြစ်ကြောင်းလည်း  ပြောကြားခဲ့ပါသည်။

▪️ ထို့နောက် သံအမတ်ကြီးဦးသန့်စင်မှ အာဆီယံအဖွဲ့ဝင်နိုင်ငံများနှင့် ကိုရီးယားသမ္မတနိုင်ငံတို့အကြားအနာဂတ်ပူးပေါင်းဆောင်ရွက်မှုအတွက် သဘောထားအမြင်များဖလှယ်နိုင်ရန် ယခုကဲ့သို့ နှစ်စဉ်တွေ့ဆုံခွင့်ရရှိနိုင်ရေးစီစဉ်ဆောင်ရွက်ပေးမှုသည် ကောင်းမွန်သည့်အစဉ်အလာတစ်ရပ်ဖြစ်ကြောင်း၊ အာဆီယံအဖွဲ့ဝင်နိုင်ငံများမှ လွှတ်တော်များသည် လွှတ်တော်ဆိုင်ရာပူးပေါင်းဆောင်ရွက်မှုများကိုအာဆီယံလွှတ်တော်များညီလာခံ(AIPA)အောက်တွင် တက်ကြွစွာဆောင်ရွက်လျက်ရှိပါကြောင်းနှင့် ကိုရီးယားသမ္မတနိုင်ငံ၊ အမျိုးသားလွှတ်တော်နှင့်လည်းတရားဝင်ဆွေးနွေးမှုများကို ၁၉၇၉ ခုနှစ်မှစတင်ခဲ့ပြီးအပြန်အလှန်ယုံကြည်မှုကိုတည်ဆောက်နိုင်ခဲ့ပါ ကြောင်း၊ ကိုရီးယားသမ္မတနိုင်ငံနှင့် မြန်မာနိုင်ငံတို့အကြားသံတမန်ဆက်ဆံရေးတည်ထောင်ခဲ့ သည်မှာယခုနှစ်တွင် နှစ် (၅၀) ပြည့်မြောက်တော့မည်ဖြစ်ပါကြောင်း၊ လွန်ခဲ့သည့်နှစ် (၅၀) အတွင်းနှစ်နိုင်ငံအကြားစီးပွားရေး၊ လူမှုရေးကဏ္ဍများတွင်သာမကယဉ်ကျေးမှုနှင့် ဘာသာရေးဆိုင်ရာကိစ္စရပ်များတွင်ပါ ခိုင်မာသောဆက်ဆံရေးကို မြှင့်တင်နိုင်ခဲ့ပါကြောင်း၊ တောင်ကိုရီးယားနိုင်ငံမှစီးပွားရေးလုပ်ငန်းရှင်များနှင့် ယဉ်ကျေးမှုအဖွဲ့များကိုမြန်မာနိုင်ငံသို့ အလုပ်သဘောသွားရောက်နိုင်ရေးအတွက် လွှတ်တော်၏ နှစ်နိုင်ငံချစ်ကြည်ရေးအဖွဲ့မှ ပံ့ပိုးကူညီပေးရန်တိုက်တွန်းလိုပါကြောင်း၊ ကိုရီးယားသမ္မတနိုင်ငံတွင် လတ်တလောရင်ဆိုင်ကြုံတွေ့နေရသည့်စိန်ခေါ်မှုများကိုကြံ့ကြံ့ခိုင်နိုင်မှုနှင့် ကောင်းမွန်သောဒီမိုကရေစီတန်ဖိုးများဖြင့် အောင်မြင်စွာကျော်လွှားသွားနိုင်မည်ဟုယုံကြည်ပါကြောင်းစသည်ဖြင့် ပြောကြားခဲ့ကြောင်း သိရသည်။

#YMG/NN #Yangon_Times

#Local_News
Published 16 January 2025

▪️ ယခုနှစ်သည် တရုတ်-မြန်မာ နှစ်နိုင်ငံသံတမန်ဆက်ဆံရေးထူထောင်ခြင်း ၇၅ နှစ်ပြည့်ဖြစ်ပြီး မြန်မာနိုင်ငံအတွက် ဖွံ့ဖြိုးတိုးတက်ရေးနည်းလမ်းများရှာဖွေခြင်း၊ ပြည်သူလူနေမှုဘဝကိုမြှင့်တင်ခြင်း စသည့်ကဏ္ဍများတွင် တရုတ်နိုင်ငံမှ တတ်စွမ်းသမျှစဉ်ဆက်မပြတ် ပံ့ပိုးကူညီပေးသွားမည်ဖြစ်ကြောင်း မြန်မာနိုင်ငံဆိုင်ရာ တရုတ်သံအမတ်ကြီး Ms. Ma Jia က ပြောကြားခဲ့သည်။

▪️ သံအမတ်ကြီး Ms. Ma Jia က“ကံမော်ကြီးကျေးရွာနှင့် ရေငံကြီးကျေးရွာ ဆိုလာအသေးစားဓာတ်အားပေးစနစ်နှင့် ရေပေးဝေရေးလုပ်ငန်းစီမံကိန်း” ပြီးမြောက်အောင်မြင်ခြင်းအခမ်းအနားတွင် ပြောကြားခဲ့ခြင်းဖြစ်သည်။

▪️ ဇန်နဝါရီလ ၁၄ ရက်နေ့တွင် ကော့သောင်း၌ လန်ချန်း-မဲခေါင် ပူးပေါင်းဆောင်ရွက်မှုအထူးရန်ပုံငွေဖြင့် ပံ့ပိုးကူညီသည့် “တနင်္သာရီတိုင်းဒေသကြီး ဘုတ်ပြင်းခရိုင် ကံမော်ကြီးကျေးရွာနှင့် ရေငံကြီးကျေးရွာ ဆိုလာအသေးစား ဓာတ်အားပေးစနစ်နှင့် ရေပေးဝေရေးလုပ်ငန်းစီမံကိန်း” ပြီးမြောက်အောက်မြင်ခြင်းအခမ်းအနားကျင်းပခဲ့ပြီး အခမ်းအနားသို့ မြန်မာနိုင်ငံ သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန ပြည်ထောင်စုဝန်ကြီး ဦးလှမိုး၊ တနင်္သာရီတိုင်းဒေသကြီး ဝန်ကြီးချုပ် ဦးမြတ်ကိုနှင့် ကျေးရွာပြည်သူပြည်သား စုစုပေါင်း ၂၀၀ ဦးခန့် တက်ရောက်ခဲ့ကြကြောင်း သိရသည်။

▪️ သံအမတ်ကြီး Ms. Ma Jia က လန်ချန်း-မဲခေါင် ပူးပေါင်းဆောင်ရွက်မှုသည် ပြည်သူတစ်ရပ်လုံးကို မျက်နှာမူသော ပြည်သူ့အကျိုးပြု လုပ်ငန်းဖြစ်ကြောင်း၊ အဆိုပါစီမံကိန်းသည် ကျေးရွာ ၂ ရွာမှ အိမ်ထောင်စု ၅၄၀၊ ကျေးလက်ပြည်သူ ၂၇၀၀ ဦးအတွက် ၂၄ နာရီ လျှပ်စစ်မီးရရှိရေးကို ကူညီဖော်ဆောင်ပေးခဲ့ကြောင်း၊ သန့်ရှင်းသော သောက်သုံးရေပြဿနာကို ဖြေရှင်းပေးခဲ့ကြောင်း၊ ရေထွက်ကုန်ထုတ်လုပ်မှုအတွက် ပံ့ပိုးကူညီပေးခဲ့ပြီး အခြေခံပြည်သူများအတွက် အကျိုးဖော်ဆောင်ပေးခဲ့ကြောင်း ပြောကြားခဲ့သည်။

▪️ တရုတ်နိုင်ငံမှ ငွေကြေးပံ့ပိုးကူညီပေးမှုဖြင့်ဆောင်ရွက်သည့် အဆိုပါစီမံကိန်းသည် အစိုးရ၊ စီးပွားရေးလုပ်ငန်း၊ ပြည်သူစသည့် သုံးပွင့်ဆိုင်ပူးပေါင်းဆောင်ရွက်မှု၏ စံပြဖြစ်ပြီး ကျေးရွာပြည်သူများအတွက် လျှပ်စစ်ဓာတ်အားနှင့် ရေရရှိရေးကို ကူညီပေးခဲ့ရုံသာမက ဒေသ၏ အသေးစားလက်မှုလုပ်ငန်း၊ ပညာရေးနှင့် ကျန်းမာရေးလုပ်ငန်းဖွံ့ဖြိုးတိုးတက်မှုကို မြှင့်တင်ပေးခဲ့ကြောင်း၊ သက်ဆိုင်ရာ စက်ကိရိယာများကို ထိန်းသိမ်းကာ အကျိုးရှိစွာအသုံးချသွားပြီး စီမံကိန်း၏ အကျိုးသက်ရောက်မှုကိုမြှင့်တင်သွားမည်ဖြစ်ကြောင်း သိရသည်။

#YMG/SW #Yangon_Times

#World_Health
Published 16 January 2025

▪️ တစ်နေ့ကို နို့တစ်ခွက်သောက်သုံးခြင်းဖြင့် အူမကြီးကင်ဆာ ဖြစ်နိုင်ခြေ ၅ ပုံ ၁ ပုံနီးပါး လျှော့ချနိုင်မယ်လို့ အောက်စ်ဖို့ဒ်တက္ကသိုလ်မှ သုတေသီများ လေ့လာတွေ့ရှိခဲ့ကြပါတယ်။

▪️ ၁၇ နှစ်ကြာနီးပါးကြာအောင် သုတေသနလုပ်ခဲ့ရာမှာ ၁၂၂၅၁ ဦးမှာ အူမကြီးကင်ဆာ တွေ့ရှိခဲ့ရာမှာ ကယ်လ်စီယံနဲ့ အယ်လ်ကိုဟောတို့က ရောဂါဖြစ်နိုင်ခြေ လျော့နည်းခြင်းနဲ့ တိုးများခြင်းတို့ကို သက်ရောက်စေပါတယ်။

▪️ ကယ်လ်စီယံ ၃၀၀ မီလီဂရမ်ခန့်ပါဝင်ခဲ့ နို့တစ်ခွက်သောက်ခြင်းဖြင့် အူမကြီးကင်ဆာ ဖြစ်နိုင်ခြေ ၁၇ ရာခိုင်နှုန်း လျော့နည်းစေသလို အစိမ်းရောင်အရွက်များ၊ ဒိန်ချဉ်တို့မှာလည်း ကယ်လ်စီယံ ကြွယ်ဝပါတယ်။

▪️ အယ်လ်ကိုဟော သောက်သုံးရင်တော့ အူမကြီးကင်ဆာ ဖြစ်နိုင်ခြေများစေပြီး တစ်နေ့ကို ဝိုင်တစ်ခွက်သောက်ခြင်းဟာ ကင်ဆာဖြစ်နိုင်ခြေ ၁၅ ရာခိုင်နှုန်း များစေတယ်လို့ သုတေသီတွေ တွေ့ရှိခဲ့ကြပါတယ်။

▪️ အဆင့်ဆင့် ထုပ်ပိုးထုတ်လုပ်ထားတဲ့ အသားတွေနဲ့ အသားကြီးငါးကြီးတွေဟာလည်း အူမကြီးကင်ဆာ ဖြစ်နိုင်ခြေ များစေတာနဲ့ ဆက်စပ်နေပါတယ်။

▪️ အူမကြီးကင်ဆာ အသက်အရွယ်အစောပိုင်းမှာ အဖြစ်များလာတာဟာ အနောက်တိုင်း အစားအစာတွေကြောင့်လို့ ကျွမ်းကျင်သူများ ထောက်ပြလာကြပါတယ်။

▪️ ကယ်လ်စီယံက အရိုးနဲ့သွား ကြံ့ခိုင်သန်မာစေတယ်လို့ သိထားသလို သည်းခြေအက်ဆစ်၊ ဖရီးဖက်တီးအက်ဆစ်တို့နဲ့ ပေါင်းစပ်ကာ အူမကြီးကင်ဆာ ဖြစ်နိုင်ခြေမှ ကာကွယ်ပေးတယ်လို့ ဦးဆောင်သုတေသီ ကီရင်ပါပီယာက ပြောသွားပါတယ်။
ကယ်လ်စီယံက ကိုယ်ခံအားစနစ်ကို အားကောင်းစေကာ အကျိတ်ဖြစ်ပေါ်ခြင်းကို လျော့နည်းစေတယ်လို့လည်း လေ့လာချက်တွေမှာ ယူဆထားပါတယ်။

▪️ အူမကြီးကင်ဆာ ဖြစ်နိုင်ခြေလျှော့ချနိုင်ဖို့ ပြောင်းဂျုံများ၊ အသီးအနှံ၊ ဟင်းရွက်များမှ အမျှင်ဓာတ် အများအပြား စားသုံးခြင်း၊ သားကြီးငါးကြီးနဲ့ အဆင့်ဆင့်ထုတ်လုပ်အသားများ ရှောင်ရှားခြင်းတို့ ပြုလုပ်ကာ လေ့ကျင့်ခန်းပုံမှန် ပြုလုပ်သင့်ပါတယ်။

#Source: New York Post

#World_Health
Published 16 January 2025

▪️ အသုံးပြုရ လွယ်ကူပြီး ကြာရှည်ခံတဲ့ နို့မှုန့်ကို အိမ်တွေမှာ အသုံးပြုကြလေ့ရှိပါတယ်။

▪️ ပိုးသန့်စင်ပြီးသားနို့ကနေ အငွေ့ပျံခြင်းနည်းလမ်းဖြင့် နို့မှုန့်ပြုလုပ်ပြီး အာဟာရဓာတ်အများစု ထိန်းသိမ်းထားနိုင်ကာ ကြာရှည်အထားခံပါတယ်။

▪️ ဒါပေမဲ့ မိဘတွေက သူတို့ကလေးတွေအတွက် နို့မှုန့်တွေက ဘေးကင်းပြီး ကျန်းမာရေးနဲ့ ညီညွတ်စေသလားဆိုတာ သိချင်နေကြပါတယ်။

▪️ နို့မှုန့်တွေက အသေအချာ ပိုးသတ်ထားတာကြောင့် စိတ်ချရပေမယ့် အသက် ၁၂ လအောက် ကလေးငယ်တွေအတွက် အာဟာရနို့မှုန့်တွေနဲ့ မိခင်နို့အတွက်တော့ အစားထိုး မဖြစ်သင့်ပါဘူး။

▪️ ကလေးဘေးကင်းစိတ်ချရဖို့အတွက် နို့မှုန့်ပြင်ဆင်တဲ့နေရာမှာ ထုတ်လုပ်သူမှ ညွှန်ကြားထားတဲ့အတိုင်း ပြင်ဆင်သင့်သလို မိမိကလေးတွေအတွက် ဓာတ်မတည့်ခြင်းရှိမရှိ စစ်ဆေးရပါမယ်။

▪️ သိမ်းတဲ့အခါမှာ အေးမြခြောက်သွေ့တဲ့ လေအလုံပိတ်နေရာမှာ သိမ်းထားသင့်ပါတယ်။

▪️ နို့မှုန့်တွေမှာ နို့မှာပါတဲ့ အာဟာရဓာတ်အများစု ထိန်းသိမ်းထားနိုင်ပြီး ကယ်လ်စီယံ၊ ပရိုတိန်း၊ ဗိုက်တာမင်-ဘီ၁၂၊ ဗိုက်တာမင်-ဒီတို့ ပါဝင်ကာ ကလေးဖွံ့ဖြိုးမှု၊ အရိုးကြီးထွားမှု၊ ကျန်းမာရေးတို့အတွက် အရေးကြီးပါတယ်။

▪️ ဒါပေမဲ့ မြင့်မားတဲ့အပူချိန် ထိတွေ့တဲ့အခါမျိုးနဲ့ အချိန်ကြာရှည်လာတဲ့ အခါမျိုးမှာ ဗိုက်တာမင်ပါဝင်မှု လျော့နည်းလာတတ်ပါတယ်။

▪️ ဘေးကင်းစိတ်ချရမှုနဲ့ ပတ်သက်ပြီး အရေးကြီးဆုံးအချက်တစ်ခုက နို့မှုန့်ထုတ်လုပ်သိမ်းဆည်းစဉ်မှာ ရောဂါပိုးဝင်ရောက်တာပါပဲ။

▪️ ဒီအတွက် နို့မှုန့်ကိုင်တွယ်စဉ်မှာ သတိထားရမယ့်အပြင် အသုံးပြုတဲ့ ပစ္စည်းတွေကို သန့်စင်အောင်ထားရပါမယ်။

▪️ နို့မှုန့်တွေကို သောက်စရာ၊ စားစရာ၊ ချက်ပြုတ်တဲ့နေရာတို့မှာ ထည့်သွင်းအသုံးပြုနိုင်ပါတယ်။

▪️ နို့မှုန့်မှာ အကျိုးအာနိသင်များစွာ ရနိုင်ပေမယ့် ဘေးထွက်ဆိုးကျိုးတွေအနေနဲ့ အပူချိန်မခံနိုင်တဲ့ ဗိုက်တာမင်များ လျော့နည်းနိုင်ခြင်း၊ သကြားဓာတ်ပါဝင်နိုင်ခြင်း၊ အရသာကွဲပြားတတ်ခြင်းတို့ ဖြစ်နိုင်ပါတယ်။

▪️ အသက် ၁၂ လအောက်ကလေးငယ်တွေ၊ လက်တို့စ်မတည့်တဲ့ ကလေးတွေ၊ နို့နဲ့ဓာတ်မတည့်တဲ့ ကလေးတွေကတော့ နို့မှုန့်ရှောင်ရှားသင့်ပါတယ်။

#Source: DoctorNDTV

လော့စ်အိန်ဂျလိစ် တောမီးလောင်ကျွမ်းမှုဒဏ် ခံခဲ့ရတဲ့ ပစိဖိတ်ပယ်လီဆိတ်စ်မှ အရပ်သားရာဂဏန်းခန့်ဟာ တနင်္ဂနွေနံနက်ပိုင်းက လမ်းတွေမှာတန်းစီပြီး ယင်းတို့နေအိမ်တွေ ဘယ်လိုဖြစ်သွားလဲဆိုတာကို ကြည့်ရှုခွင့်ရဖို့ စောင့်ဆိုင်းနေကြပါတယ်။
#World_Crisis
Published 15 January 2025
#လော့စ်အိန်ဂျလိစ် #မီးဘေးဒဏ်သင့်ခဲ့ကြသူများ
#YMG #Yangon_Times #Yangon_Media_Group

#Daily_News
Published 15 January 2025

၁။ ဂျပန်သို့ မသန်စွမ်းလုပ်သားများလည်း သွားရောက်အလုပ်လုပ်ကိုင်နိုင်မည်

၂။ ကိုရီးယားသို့ မြန်မာလုပ်သားသစ် ၁၅၀ခန့် စေလွှတ်

၃။ ထိုင်းသို့ပြောင်းတင်ပို့ ရာသီချိန်နီးကပ်လာ၍ စုဆောင်းသူများရှိလာ

၄။ လော့စ်အိန်ဂျလိစ် မီးဘေးဒဏ်သင့်ခဲ့ကြသူများ မိမိနေရပ်အခြေအနေပြန်လည်ကြည့်ရှုခွင့်ရရန်စောင့်ဆိုင်းနေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

၁၅ ဇန်နဝါရီ၊ ၂၀၂၅

အမေရိကန်နိုင်ငံတွင် နာမည်ကျော် ဆိုရှယ်မီဒီယာအက်ပ် TikTok ကို ပိတ်ပစ်ဖို့ နောက်ဆုံးရက် နီးလာတာနှင့်အမျှ တစ်တော့ခ်သုံးတဲ့ အမေရိကန်က အမေရိကန်တွေနှင့် တရုတ်လူမျိုးတွေဟာ တရုတ်ရဲ့ လူသိနည်းသေးတဲ့ တရုတ်ရဲ့နောက်ထပ် ဆိုရှယ်မီဒီယာအက်ပလေီကေးဖရှင်း RedNote ဆီသို့ ကူးပြောင်းအသုံးပြုလာလို့ အခုဆို တနင်္လာနေ့တစ်ရက်တည်းမှာ လူပေါင်းငါးသိန်းကျော် RedNote  သို့ ရောက်ရှိလာကြပါတယ်။

အဲဒါကြောင့် တရုတ်လို Xiaohongshu လို့ သိကြတဲ့ အဲဒီ RedNote ဟာ ယခုတစ်ပတ်အတွင်း အမေရိကန်နိုင်ငံမှာ အများဆုံးဒေါင်းလုပ်လုပ်ကြတဲ့ အက်ပလီကေးရှင်းအဖြစ်ရောက်ရှိသွားပါတယ်။ အမေရိကန်က အသုံးပြုသူတွေရဲ့ တစ်တော့အစားထိုးအသုံးပြုကြဖို့ဆိုတဲ့ အခမဲ့ကြေညာပေးတာတွေ ကြောင့် အဲဒီ ရက်ခ်နုတ် အက်ပလီကေးရှင်းရဲ့ လူသိများမှု တဟုန်ထိုးမြင့်တက်လာနေပါတယ်။

နှစ်ရက်အတွင်းမှာပဲ ရက်ဒ်နုတ်ထံသို့ အသုံးပြုသစ်အသစ် စုစုပေါင်း ခုနှစ်သိန်းကျော် ဝင်ရောက်လာ တယ်လို့ အဆိုပါကုမ္ပဏီနှင့်နီးစပ်သူတစ်ဦးက ရိုက်တာသတင်းဌာနကိုပြောပြပါတယ်။

လောလောဆယ်မှာ အဲဒီ RedNote ဟာ တရုတ်ပြည်တွင်းသုံးအဖြစ်သာ ရှိနေသေးပေမယ့် လူသိများ ထင်ရှားလာတဲ့အတွက် တစ်ခ်တော့လိုပဲ ကမ္ဘာသုံးလူကြိုက်များ အက်ပလီကေးရှင်း  တစ်ခုဖြစ်လာလိမ့်မယ်လို့ ကုမ္ပဏီအမှုဆောင်အရာရှိကြီးများက မျှော်လင့်ထားကြပါတယ်။

RedNote ဟာ လက်ရှိမှာ ဒေါ်လာ ၁၇ ဘီလျံတန်ဖိုးရှိအက်ပလီကေးရှင်းတစ်ခုဖြစ်ပြီး အသုံး ပြုသူတွေဟာ ဓာတ်ပုံတွေ၊ ရုပ်သံဗွီဒီယိုတွေနှင့် စာတိုတွေရေးသားပို့စ်တင်နိုင်ကြပါတယ်။ ပြီးခဲ့တဲ့ နှစ်များအတွင်း ခရီးသွားလမ်းညွှန်၊ အိုမင်းမှုကိုကာကွယ်ပေးမယ့် ခရင်မ်နှင့် စားသောက်ဆိုင်တွေ အညွှန်းတွေအတွက် အသုံးပြုသူ  သန်း၃၀၀ကျော်ဟာ ရက်ဒ်နုတ်ကို အသုံးပြုလာကြပါတယ်။

တစ်တော့ခ်ကို အမေရိကန်က ဇန်နဝါရီ ၁၉ရက်မှာ ပိတ်ပစ်ဖို့ နောက်ဆုံးရက်သတ်မှတ်ထားတာ ဖြစ်ပါတယ်။

Ref: Reuters

ရွှေဆိုင်တွေရောင်းတဲ့ဝယ်တဲ့အခါမှာ အလေးချိန်၊ အရည်အသွေးစံချိန်စံနှုန်းအပါအဝင် ကာလပေါက်ဈေးနှုန်းကွာဟပါက ဥပဒေ စိုးမိုးမှုပြုလုပ်လာမယ့် မကြာခင်ကာလများမှာ  ဘောင်ချာနဲ့တကွ စားသုံးသူကာကွယ်ရေးအပါအဝင်သက်ဆိုင်ရာတိုင်းနဲ့ ပြည်နယ်ရွှေအသင်းတွေကို တိုင်ကြားနိုင်တော့မယ်
လို့ မြန်မာနိုင်ငံရွှေလုပ်ငန်းရှင်များအဖွဲ့ချုပ်က သိရပါတယ်။
#Local_News
Published 15 January 2025
#အရည်အသွေးနှင့်စျေးနှုန်းကွာဟ #ဘောင်ချာနှင့်တကွတိုင်ကြားနိုင်
#YMG/NN #Yangon_Times