#World_News
Published 18 January 2025

▪️ TikTokက သမ္မတဂျိုးဘိုင်ဒင် အစိုးရအဖွဲ့အနေနဲ့ ပိတ်ပင်မှုစတင်သက်ရောက်တဲ့အခါ ဥပဒေပြဌာန်းမှုများနဲ့ ရင်မဆိုင်ရဘူးလို့ Apple နဲ့ Google တို့လိုကုမ္ပဏီတွေကို အာမခံချက်မပေးနိုင်ပါက အမေရိကန်မှာ တနင်္ဂနွေနေ့ကစပြီး လည်ပတ်မှုရပ်ဆိုင်းသွားမယ်လို့ သတိပေးလိုက်ပါတယ်။

▪️ အမေရိကန်ရဲ့ နိုင်ငံတော်လုံခြုံရေး အကြောင်းအရင်းကို အခြေခံကာ TikTok မူရင်းကုမ္ပဏီ ByteDanceအနေနဲ့ ရောင်းချခြင်းမရှိပါက အမေရိကန်မှာ TikTokကို ပိတ်ပင်သွားမယ့်ဥပဒေကို တရားရုံးချုပ်က အတည်ပြုခဲ့ပြီးနောက် နာရီပိုင်းအကြာမှာပဲ အခုလို ပြောကြားလာကာ ၂ ရက်အတွင်း လုပ်ငန်းလည်ပတ်မှု ရပ်ဆိုင်းသွားမှာ ဖြစ်ပါတယ်။

▪️ တရားရုံးမှ ၉-၀ ဆုံးဖြတ်ချက်ကြောင့် TikTokနဲ့ အမေရိကန်မှ အသုံးပြုသူသန်း ၁၇၀ လောက် မရေမရာဖြစ်နေပြီး ဒေါ်နယ်ထရမ့်အပေါ် မူတည်လာနိုင်ကာ သမ္မတနေရာပြန်ရောက်တဲ့အခါ TikTokကို ကယ်တင်သွားမယ်လို့ ကတိပြုထားပါတယ်။

▪️ ဝက်ဘ်ဆိုက်ဝန်ဆောင်သူတွေကို ဥပဒေအရ မကျင့်သုံးဘူးလို့ ဘိုင်ဒင်အစိုးရအနေနဲ့ တိကျသောကြေညာချက် ချက်ချင်းမထုတ်ပြန်ပါက TikTokဟာ ဇန်နဝါရီ ၁၉ ရက်နေ့ကစပြီး ရပ်ဆိုင်းသွားရမယ်လို့ ကုမ္ပဏီက ပြောပါတယ်။

▪️ ပိတ်ပင်မှုသက်ရောက်တဲ့အခါ Apple, Alphabet's, Google, Oracle နဲ့အခြားဝန်ဆောင်မှုတွေအနေနဲ့ TikTokကို ဆက်ပြီးလက်ခံပေးနေရင် ဒဏ်ကြေးအမြောက်အများ ပေးဆောင်ရနိုင်ပါတယ်။

▪️ ဒီဥပဒေဟာ ယမန်နှစ်က ကွန်ဂရက်လွှတ်တော်မှာ နှစ်ဖက်ပါတီ လူများစုထောက်ခံချက်ဖြင့် အတည်ပြုခဲ့ပြီး ဘိုင်ဒင်က လက်မှတ်ရေးထိုးခဲ့ပါတယ်။
TikTok, ByteDance နဲ့ အသုံးပြုသူအချို့က ဒီဥပဒေကို ကန့်ကွက်လိုတဲ့သဘော ဖော်ပြခဲ့ကြပါတယ်။

▪️ TikTok ရပ်ဆိုင်းခြင်းက ခဏတာသာဖြစ်နိုင်ပြီး ထရမ့်က ကယ်တင်ဖို့အရေး စီစဉ်ထားတယ်လို့ ပြောထားပါတယ်။

▪️ TikTok စီအီးအိုက တနင်္လာနေ့ ထရမ့်ကျမ်းသစ္စာဆိုပွဲကို တက်ရောက်ရန် စီစဉ်ထားသလို ထရမ့်နဲ့ တရုတ်သမ္မတ ရှီကျင့်ဖျင်တို့ TikTokအကြောင်းနဲ့ ပတ်သက်ပြီး သောကြာနေ့က ဖုန်းပြောဆိုခဲ့ပါတယ်။

▪️ အမေရိကန် လွှတ်တော်အမတ်များနဲ့ ဘိုင်ဒင်အစိုးရအဖွဲ့က တရုတ်ဟာ အမေရိကန်နိုင်ငံသားတွေရဲ့ အချက်အလက်တွေကို TikTokကနေ အသုံးချနိုင်တယ်လို့ ဆိုထားပါတယ်။

#Source: Reuters

#Local_News
Published 18 January 2025

▪️ နန်နင်းမြို့နှင့် ရန်ကုန်မြို့တို့အကြား၂၀၂၅-၂၀၂၆ ခုနှစ် ချစ်ကြည် ရင်းနှီးမှုဖလှယ်ရေး နားလည်မှုစာချွန်လွှာကို ယခုလ ၁၆ရက်တွင် ပြုလုပ်သည့် Global Mayor Dialogue တွင် ရန်ကုန်မြို့တော်ဝန် ဦးဗိုလ်ဌေးနှင့် နန်နင်းဒုတိယမြို့တော်ဝန် Mr. Guo Wei တို့က လက်မှတ်ရေးထိုးခဲ့ကြကြောင်း သိရသည်။

▪️ တရုတ်နိုင်ငံ၊ ကွမ်ရှီးဒေသ၊ နန်နင်းမြို့တွင် ကျင်းပခဲ့သော Global Mayor Dialogue (GMD) သို့ ရန်ကုန်မြို့တော်စည်ပင်သာယာရေးကော်မတီ၊ ဥက္ကဋ္ဌ (မြို့တော်ဝန်) ဦးဗိုလ်ဌေး ဦးဆောင်သည့်ကိုယ်စားလှယ်အဖွဲ့နှင့်အတူ နန်နင်းမြို့၊ မြန်မာကောင်စစ်ဝန်ချုပ်ရုံး၊ ကောင်စစ်ဝန်ချုပ်‌ ဒေါ်ခိုင်ဆုလင်း ပါဝင်တက်ရောက်ခဲ့ကြောင်း၊ GMD အခမ်းအနားမတိုင်မီ ရန်ကုန်မြို့တော်ဝန် ဦးဗိုလ်ဌေး နှင့် ကွမ်ရှီးဒေသအုပ်ချုပ်ရေးမှူး Mr. Lan Tianli တို့ တွေ့ဆုံစဉ်နှစ်နိုင်ငံကုန်သွယ်မှုမြှင့်တင် ရေး၊ အသက်မွေးဝမ်းကြောင်းပညာသင်တန်းများ ဖွင့်လှစ်ရေး၊ မြန်မာနိုင်ငံတွင် လာရောက် ရင်းနှီး၏မြှုပ်နှံရေးနှင့် ၂၀၂၅ ခုနှစ်၊ စက်တင်ဘာလတွင် ကျင်းပမည့် တရုတ်-အာဆီယံကုန်စည်ပြပွဲ (CAEXPO) တွင် ပူးပေါင်းဆောင်ရွက်ရေးကိစ္စများကို ဆွေးနွေးခဲ့ကြကြောင်း သိရသည်။

▪️ အဆိုပါအခမ်းအနား၌ နန်နင်းမြို့နှင့် ရန်ကုန်မြို့တို့အကြား၂၀၂၅-၂၀၂၆ ခုနှစ် ချစ်ကြည် ရင်းနှီးမှုဖလှယ်ရေး နားလည်မှုစာချွန်လွှာကို လက်မှတ်ရေးထိုးခဲ့သည့် အပြင် ပိုမိုသာယာဝပြောပြီး ချိတ်ဆက်ထားသော တရုတ်-အာဆီယံအသိုက်အဝန်းအတွက် မြို့အများအကြား ပူးပေါင်း ဆောင်ရွက်မှုကို မြှင့်တင်မည့် “Nanning Initiatives” ကို ထုတ်ပြန်ခဲ့ကြောင်းသိရသည်။

#YMG/SW #Yangon_Times

#Local_News
Published_18 Jan 2025

▪️ သဘာဝဘေးအန္တရာယ်ကျရောက်မှုတွင် ပါဝင်သည့် အကြမ်းဖက်သမားများ၏ တိုက်ခိုက်မှုများ ကြောင့် ယာယီနေရပ်စွန့်ခွာနေကြရသည့် ပြည်သူများအတွက် အမျိုးသား သဘာဝဘေးအန္တရာယ်ဆိုင်ရာ စီမံခန့် ခွဲရေးရန်ပုံငွေမှ လိုအပ်သည့်ထောက် ပံ့မှုများဆောင်ရွက်ပေးရန် တိုင်းဒေသကြီးနှင့်ပြည်နယ်များ အလိုက် စာရင်းကောက်ယူနေကြောင်းနစက ဥက္ကဌက ပြောသည်။

▪️ ယနေ့ဇန်နဝါရီလ ၁၇ ရက် နံနက်ပိုင်းတွင် နေပြည်တော်ရှိ နိုင်ငံတော်စီမံအုပ်ချုပ်ရေး ကောင်စီ ဥက္ကဋ္ဌရုံး အစည်းအဝေးခန်းမ၌ကျင်းပသော ပြည်ထောင်စုအစိုးရအဖွဲ့အစည်းအဝေးအတွင်း နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်ဗိုလ်ချုပ်မှူးကြီးမင်းအောင်လှိုင်က အထက်ပါအတိုင်း ပြောကြားခဲ့ခြင်း ဖြစ်သည်။

▪️ အစည်းအဝေးသို့ နိုင်ငံတော်စီမံအုပ်ချုပ်ရေးကောင်စီ ဒုတိယဥက္ကဋ္ဌ ဒုတိယ ဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်း၊ ပြည်ထောင်စုဝန်ကြီးများ၊ပြည်ထောင်စု အဆင့်ပုဂ္ဂိုလ်များနှင့်တာဝန်ရှိသူများတက်ရောက်ကြပြီး နေပြည် တော်ကောင်စီဥက္ကဋ္ဌ၊ တိုင်းဒေသကြီးနှင့်ပြည်နယ်ဝန်ကြီးချုပ်များက Video Conferencing ဖြင့် တက်ရောက်ကြကြောင်း သိရသည်။

▪️ အဆိုပါ အစည်းအဝေးတွင် ခေတ်မီစိုက်ပျိုးမွေးမြူရေးစနစ်သို့သွားနိုင်ရန် ပထမဦးစွာ သမားရိုးကျ စိုက်ပျိုးမွေးမြူရေးစနစ်များအစား စနစ်ကျနသည့် စိုက်ပျိုးမွေးမြူရေးသို့သွားရန်၊တိုင်းဒေသကြီးနှင့် ပြည်နယ်များအလိုက်စိုက်ပျိုးမွေးမြူရေးကိုကျွမ်းကျင်မှုရှိသည့် လူသားအရင်းအမြစ်များများ မွေးထုတ်ပေးနိုင်ရေး ဝိုင်းဝန်းကြိုးပမ်းဆောင်ရွက်ပေးကြရန်၊ ဒေသအလိုက်ရှိပြီးဖြစ်သည့် ထိန်းသိမ်းရန်လိုအပ်သော မြန်မာ့ယဉ်ကျေးမှု အတတ်ပညာရပ်များကို ဆက်လက်ထိန်းသိမ်းနိုင်ရန်၊ အသိပညာ၊ အတတ်ပညာများ သင်ကြားနေသည့် ကျောင်းသား၊ ကျောင်းသူများအား ပညာသင်ထောက်ပံ့စရိတ်များကိုလည်း ထောက်ပံ့ပေးရန်၊ စိုက်ပျိုးရေးနှင့်မွေးမြူရေး တက္ကသိုလ်များကိုထပ်မံတိုးချဲ့ဖွင့် လှစ်နိုင်ရန် စသည်တို့ကို လုပ်ဆောင်နေကြောင်းလည်း ၎င်းကပြောသည်။

▪️ အလားတူလွတ်လပ်၍ တရားမျှတသည့် အထွေထွေရွေး ကောက် ပွဲတစ်ရပ် ကျင်းပနိုင်ရေးအတွက် လူဦးရေနှင့်အိမ်အကြောင်းအရာ သန်းခေါင်စာရင်း ကောက် ယူခြင်းလုပ်ငန်းကို ဆောင်ရွက်ခဲ့ရာ ကောက်ခံရရှိသည့် အချက်အလက်များအရလူဦးရေကျဆင်းလျက်ရှိပြီး ၅၁ သန်းကျော်ခန့်သာရှိကြောင်းလည်း ပြောကြားခဲ့သည်။

▪️ ယင်းမှာမွေးဖွားနှုန်းကျဆင်းခြင်း၊ အကြောင်းအမျိုးမျိုးဖြင့် ပြည်ပနိုင်ငံများသို့ ထွက်ခွာသူများပြားလာခြင်း၊ အကြောင်းအမျိုးမျိုးဖြင့် သေဆုံးမှုများရှိခြင်းတို့ကြောင့် ဖြစ်ကြောင်း၊ လူဦးရေကျဆင်းမှုကြောင့် ပြည်တွင်းလုပ်သားများရှားပါးလာပြီး ရွေးကောက်ပွဲကျင်းပရာ၌လည်း အတိုင်းအတာတစ်ခုအနေဖြင့် သက်ရောက်မှုများရှိလာနိုင်ကြောင်းလည်း နစက ဥက္ကဌက ပြောသည်။

▪️ ယခုအခါရွေးကောက်ပွဲကျင်းပနိုင်ရေးအတွက် ကြိုတင်ပြင်ဆင်မှုများဆောင်ရွက်ရာတွင် တည်ငြိမ်အေး ချမ်းရေးနှင့် တရားဥပဒေစိုးမိုးရေးလုပ်ငန်းများကို ဆောင်ရွက်လျက်ရှိပြီး ရွေးကောက်ပွဲကျင်းပနိုင်သည့်အခြေအနေမျိုးဖြစ်ရန်အတွက် ဖိဖိစီးစီးဖြင့် ဆက်လက်ဆောင်ရွက်ကြရန်နှင့် ပြည်သူ့လွှတ်တော်၊ အမျိုးသားလွှတ်တော်၊ တိုင်းဒေသကြီးနှင့် ပြည်နယ်လွှတ်တော်များတွင် အဆင့်နှင့်အညီ လွှတ်တော်အစည်းအဝေးလုပ်ဆောင်နိုင်စွမ်းရှိရမည်ဖြစ်ပြီး သိက္ခာရှိသည့်လွှတ်တော်ဖြစ်အောင်ဆောင်ရွက်ရမည်ဖြစ်ကြောင်းလည်း ပြောကြားခဲ့သည်။

#Yangon_Times/PP

#World_Science
Published 18 January 2025

▪️ ကယ်လီဖိုးနီးယားတောင်ပိုင်းတလျှောက် တောမီးများပြင်းထန်စွာ လောင်ကျွမ်းနေပြီး လော့စ်အိန်ဂျလိစ် မီးလွှမ်းနေတာဟာ ရာသီဥတုအစွန်းနှစ်ဖက်ရောက်ခြင်းကြောင့်လို့ ခေါင်းစဉ်တပ်ကြပါတယ်။

▪️ ဒါဟာ အလွန်အမင်း စိုစွတ်ခြင်းနဲ့ ခြောက်သွေ့ခြင်း အခြေအနေတို့ကြား လျင်မြန်စွာပြောင်းလဲတဲ့သဘောဖြစ်ပြီး ရာသီဥတု ဖောက်ပြန်ခြင်းကြောင့် အဖြစ်များလာပါတယ်။

▪️ ကယ်လီဖိုးနီးယားမှာ မိုးခေါင်မှု အပြင်းအထန် ကြုံတွေ့ပြီးနောက် ၂၀၂၂-၂၃ ဆောင်းရာသီအတွင်း စံချိန်တင် မိုးရွာသွန်းခဲ့ကာ နှင်းဆီးများနဲ့ ရေလျှံခြင်းတို့ ဖြစ်ပေါ်ခဲ့ပါတယ်။

▪️ ၂၀၂၄ နွေရာသီမှာတော့ စံချိန်တင်ပူနွေးခဲ့ပြီး မီးလောင်လွယ်တဲ့ မြေနေရာတွေ ဖြစ်လာကာ ဒီလိုပေါင်းစပ်မှုတွေကနေ တောမီးဘေးကြီး ဖြစ်လာရပါတယ်။

▪️ ထိုထဲက ပယ်လီဆိတ်စ်မီးက အပျက်အစီးအများဆုံးဖြစ်ပြီး ဧက ၁၇၀၀၀ ကျော်လောင်ကျွမ်းကာ အဆောက်အအုံပေါင်း ၁ သောင်းနီးပါး ပျက်စီးထားပါတယ်။

▪️ အီတန်မီးကလည်း အပျက်အစီးများထားပြီး ဇန်နဝါရီ ၁၀ ရက်နေ့အထိ မီးဘေးကြောင့် အနည်းဆုံး ၅ ဦးသေဆုံးထားကာ ဆက်လက်မြင့်တက်နိုင်တယ်လို့ အာဏာပိုင်များ သတိပေးထားပါတယ်။

▪️ ရာသီဥတု အစွန်းနှစ်ဖက်ရောက်ခြင်းကြောင့် မိုးကြီးတုန်းက ချုံပုတ်များ ကြီးထွားလာရာကနေ အလွန်အမင်းခြောက်သွေ့လာတဲ့အခါ မီးဘေးအန္တရာယ် များလာစေတယ်လို့ ရာသီဥတု သိပ္ပံပညာရှင် ဒန်နီယယ်ဆွင်းက ပြောသွားပါတယ်။

▪️ ရာသီဥတုဖောက်ပြန်မှုကို လျော့ကျအောင် မလုပ်နိုင်ရင် ကယ်လီဖိုးနီးယားမှာ တောမီးတွေ မကြာခဏဆက်ဖြစ်နိုင်ပြီး ရာသီဥတု အစွန်းနှစ်ဖက်ရောက်ခြင်းက မယုံကြည်ရတဲ့ အခြေအနေလို့ နောက်ထပ်ပညာရှင် ဂျွန်အဘက်ဇိုဂလူက ပြောပါတယ်။

▪️ ယခုပြဿနာတွေကြောင့် ဖြေရှင်းချက်တွေ အရေးတကြီး လိုအပ်နေပြီး ရေထိန်းသိမ်းရေးဗျူဟာတွေ တိုးတက်အောင် ပြုလုပ်ရမှာ ဖြစ်ပါတယ်။

#Source: India Today

#World_Health
Published 18 January 2025

▪️ အနာဂတ်အတွက် သန္ဓေထိန်းသိမ်းထားလိုတဲ့ အမျိုးသမီးများအနေနဲ့ မျိုးဥအေးခဲခြင်းနည်းလမ်းက ထင်ရှားလာပါတယ်။

▪️ မျိုးဥအေးခဲခြင်းမှာ အကျိုးကျေးဇူးများစွာ ရှိသလို ဘေးအန္တရာယ်တွေလည်း ရှိတာကို သဘောပေါက်ထားဖို့ လိုပါတယ်။

▪️ အမျိုးသမီးရဲ့ မမျိုးဥကို ထုတ်ယူကာ အေးခဲထိန်းသိမ်းထားပြီးတော့ နောင်တစ်ချိန် ကိုယ်ဝန်ဆောင်လိုတဲ့ အချိန်ကျမှ အရည်ပျော်စေကာ သုတ်ပိုးနဲ့ ပေါင်းစပ်မျိုးအောင်စေပြီး ဖန်ပြွန်သန္ဓေ(IVF)နည်းလမ်းဖြင့် သားအိမ်မှာ သန္ဓေတည်စေပါတယ်။

မျိုးဥအေးခဲခြင်းရဲ့ ကျန်းမာရေးအကျိုးကျေးဇူးများအနေနဲ့..
▪️ (၁) အဓိကအကျိုးကျေးဇူးက မျိုးသန္ဓေထိန်းသိမ်းထားနိုင်စွမ်းဖြစ်ပြီး အနာဂတ်အတွက် ထိန်းသိမ်းထားနိုင်ပါတယ်။

▪️ (၂) အမျိုးသမီးများအနေဖြင့် ကိုယ်ဝန်ဆောင်ဖို့ အဆင်သင့်ဖြစ်တဲ့အချိန်အထိ ထိန်းသိမ်းထားနိုင်ပါတယ်။

▪️ (၃) ငယ်ရွယ်စဉ်အချိန် သန္ဓေအောင်နိုင်ခြေ မြင့်မားတဲ့အသက်အရွယ်မှာ မျိုးဥအေးခဲပြီးတော့ သန္ဓေအောင်နိုင်ခြေ ကျဆင်းသွားတဲ့အရွယ်ကျမှ ကိုယ်ဝန်ဆောင်လိုလည်း သန္ဓေရနိုင်ပါတယ်။

▪️ (၄) ပတ်ဝန်းကျင် လူမှုရေးဖိအားများကြောင့် ကိုယ်ဝန်ဆောင်ဖို့ အသင့်မဖြစ်သူတွေ အနာဂတ်အတွက် ထိန်းသိမ်းထားနိုင်ပါတယ်။

▪️ (၅) ကိုယ်ခံအားကျဆင်းရောဂါများ၊ သားအိမ်တစ်ရှူးအပြင်ထွက်ရောဂါများ ရှိနေတဲ့ အမျိုးသမီးတွေအတွက် အကျိုးရှိနိုင်ပါတယ်။

မျိုးဥအေးခဲခြင်းရဲ့ ကျန်းမာရေးအန္တရာယ်များအနေနဲ့..
▪️ (၁) OHSSရောဂါဟာ မျိုးဥအများအပြား ထုတ်ယူဖို့လိုအပ်တဲ့ ဟော်မုန်းလှုံ့ဆော်မှုနဲ့ ဆက်စပ်နေပြီး သာမန်လက္ခဏာတွေကနေ ပြင်းထန်တဲ့အထိ ဖြစ်နိုင်ပါတယ်။

▪️ (၂) မျိုးဥထုတ်ယူတာဟာ အသေးစားခွဲစိတ်မှုတစ်ခုဖြစ်သဖြင့် ခွဲစိတ်မှုနဲ့ ပတ်သက်တဲ့ အန္တရာယ်တွေ ရှိနိုင်ပါတယ်။

▪️ (၃) ဒီဖြစ်စဉ်ပြုလုပ်ရတာဟာ စိတ်ပိုင်းဆိုင်ရာ ဖိစီးမှုဖြစ်စေပြီး မအောင်မြင်ပါက စိတ်ဓာတ်ထိခိုက်နိုင်ပါတယ်။

▪️ (၄) မျိုးဥအေးခဲခြင်းက သန္ဓေတည်နိုင်ခြေ များစေပေမယ့် သေချာပေါက် ကိုယ်ဝန်ရမယ်လို့ အာမမခံနိုင်ပါဘူး။

▪️ (၅) မျိုးဥအေးခဲခြင်းနည်းလမ်းက အကုန်အကျများတာကြောင့် လူတိုင်းပြုလုပ်ဖို့ခက်ပါတယ်။

▪️ (၆) ကြာရှည်ထိန်းသိမ်းထားပြီးတော့ အသုံးမပြုဖြစ်တဲ့ မျိုးဥတွေနဲ့ ပတ်သက်ပြီး အကြောင်းအရာတွေက စိုးရိမ်စရာဖြစ်နေပါတယ်။

▪️ (၇) အေးခဲထားတဲ့မျိုးဥကနေ မွေးလာတဲ့ကလေးတွေမှာ ရေရှည်ကျန်းမာရေးနဲ့ ပတ်သက်ပြီး စဉ်းစားစရာရှိပါတယ်။

မျိုးဥအေးခဲဖို့အတွက် ပြင်ဆင်သုံးသပ်ရမှာတွေက..
▪️ - အသက် ၂၀ ဝန်းကျင်မှ ၃၀ ဝန်းကျင်ဟာ မျိုးဥအရည်အသွေး အကောင်းဆုံးအပိုင်းအခြား ဖြစ်ပါတယ်။

▪️ - အချို့အမျိုးသမီးတွေမှာ မျိုးဥလုံလောက်စွာရဖို့ ဓမ္မတာစက်ဝန်းများများ လိုအပ်နိုင်ပါတယ်။

▪️ - မျိုးဥတွေက အချိန်အကန့်အသတ်မရှိ ထိန်းသိမ်းထားနိုင်ပေမယ့် ကြာလာတာနဲ့အမျှ အောင်မြင်နိုင်ခြေ ကျဆင်းလာနိုင်ပါတယ်။

#Source: DoctorNDTV

လော့စ်အိန်ဂျလိစ်ကောင်တီ အယ်တာဒီနာအရပ်ပျက်စီးခဲ့ရတဲ့ အီတန်မီးဘေး နောက်ဆက်တွဲအနေနဲ့ ဒေသခံတွေဟာ ပြန်လည်ထူထောင်ရေးနဲ့ ရရှိမယ့် နစ်နာကြေးတို့ မသေချာမရေရာမှုတို့ ကြုံတွေ့နေရပါတယ်။
#World_Crisis
Published 17 January 2025
#လော့စ်အိန်ဂျလိစ်မီးဘေးသင့်သူများ #နစ်နာကြေးရရှိမှု
#YMG #Yangon_Times #Yangon_Media_Group

၁၇ ဇန်နဝါရီ၊ ၂၀၂၅

မြန်မာနိုင်ငံဆိုင်ရာ အိန္ဒိယသံအမတ်ကြီး Abhay Thakur သည် မကြာသေးမီက ရခိုင်ပြည်နယ် စစ်တွေမြို့သို့ သွားရောက်ကာ  ကုလားတန်မြစ်ကြောင်း စီမံကိန်းလုပ်ငန်း တိုးတက်မှုများကို သွားရောက်ကြည့်ရှုခဲ့တယ်လို့ ရန်ကုန်မြို့ အခြေစိုက် အိန္ဒိယ သံရုံးရဲ့ သတင်းထုတ်ပြန်ချက်အရသိရပါတယ်။

အိန္ဒိယသံအမတ်ကြီး Abhay Thakur သည် ဇန်နဝါရီ ၁၆ ရက်နှင့် ၁၇ ရက်များတွင် စစ်တွေမြို့တွင် ရောက်ရှိနေထိုင်ပြီး အိန္ဒိယနိုင်ငံအစိုးရ၏ အကူအညီအထောက်အပံ့ဖြင့်ဆောင်ရွက်ခဲ့သော  ကုလားတန်မြစ်ကြောင်း ဘက်စုံသုံး ဖြတ်သန်း သယ်ယူပို့ဆောင်ရေးစင်္ကြံ (KMMTTC) ) စီမံကိန်း၏ စစ်တွေဆိပ်ကမ်းသို့ သွားရောက်ခဲ့ခြင်းဖြစ်ပါတယ်။

စစ်တွေဆိပ်ကမ်းတွင် ဆိပ်ကမ်း အော်ပရေတာဖြစ်သည့် India Ports Global Limited(IPGL) မှတာဝန်ရှိသူများနှင့်အတူ လက်ရှိဆောင်ရွက်လျှက်ရှိသော လုပ်ငန်းများကို ပြန်လည်သုံးသပ်ခဲ့တယ်လို့ သတင်းထုတ်ပြန်ချက်မှာ ဖော်ပြထားပါတယ်။

စစ်တွေဆိပ်ကမ်းသည် ၂၀၂၃ ခုနှစ် မေလတွင် စတင်ဖွင့်လှစ်ပြီးချိန်မှစ၍ စားနပ်ရိက္ခာ၊ စိုက်ပျိုးရေးသုံးကုန်ပစ္စည်းများ၊ ဆေးဝါးများ၊ စက်သုံးဆီ၊ မော်တော်ယာဉ်များ၊ ဆောက်လုပ်ရေးသုံးပစ္စည်းများ နှင့် စက်ယန္တရားများ တင်ဆောင်လာသည့် သင်္ဘောအစီးရေ ၁၅၀ ကျော် ဆိုက်ကပ်ကာ  ကုန်တင်ကုန်ချ လုပ်ငန်းများ ဆောင်ရွက်နိုင်ခဲ့တယ်လို့သိရပါတယ်။

ခရီးစဉ်အတွင်း အိန္ဒိယသံအမတ်ကြီးသည် ရခိုင်ပြည်နယ်ဝန်ကြီးချုပ် ဦးထိန်လင်းနှင့်တွေ့ဆုံခဲ့ပြီး နှစ်နိုင်ငံဖွံ့ဖြိုးတိုးတက်ရေး  အတွက် ပူးပေါင်းဆောင်ရွက်ရေး စီမံကိန်းများကိစ္စဆွေးနွေးခဲ့တယ်လို့ သတင်းထုတ်ပြန်ထားပါတယ်။ အဲဒီအပြင် သံအမတ်ကြီးသည်  ရခိုင်ပြည်နယ်ရှိ ပြည်သူများအားအကျိုးပြုရန်အတွက် ဒေသ၏ လိုအပ်ချက်နှင့်ဦးစားပေးမှုများနှင့်အညီ  ရခိုင်ပြည်နယ် ဖွံ့ဖြိုးတိုးတက်ရေး အစီအစဉ်ဖြင့် စွမ်းဆောင်ရည် မြှင့်တင်ရေးနှင့် လူသားချင်း စာနာထောက်ထားမှု အကူအညီများဆိုင်ရာကိစ္စရပ်များကိုလည်း ပြည်နယ်ဝန်ကြီးချုပ်နှင့်ဆွေးနွေးခဲ့ကြပါတယ်။

လာမည့်နှစ်များတွင် အိန္ဒိယ-မြန်မာ ချစ်ကြည်ရေးစီမံကိန်းဖြစ်တဲ့ စစ်တွေဆိပ်ကမ်းသည် ကမ်းရိုးတန်း၊ဒေသတွင်းနှင့် နိုင်ငံ တကာတို့ကို ချိတ်ဆက်ဆောင်ရွက်ရာတွင် ပိုမိုအားကောင်းလာမှာဖြစ်တယ်လို့ သံအမတ်ကြီးက ပြောကြားခဲ့ပါတယ်။    ရှေး ပဝေသဏီကတည်းကရှိခဲ့သောပြည်သူအချင်းချင်းကြား ဆက်နွယ်မှုအရ ခရီးသွားလုပ်ငန်းများဖွံ့ဖြိုးတိုးတက်လာလိမ့်မယ် လို့ ပြည်နယ်ဝန်ကြီးချုပ်နှင့် သံအမတ်ကြီးတို့ သဘောတူဆွေးနွေးခဲ့ကြတယ်လို့လည်း သိရပါတယ်။

ကုလားတန်မြစ်ကြောင်း ဘက်စုံသုံး ဖြတ်သန်းသယ်ယူပို့ဆောင်ရေးစင်္ကြံ (KMMTTC) စီမံကိန်း၏အကျိုးရှိမှုများကို အပြည့် အ၀အသုံးချနိုင်ရန်အတွက် ငြိမ်းချမ်းရေးနှင့် တည်ငြိမ်ရေးသို့ အမြန်ဆုံး ပြန်လည်ရောက်ရှိရေးသည် အရေးကြီး တယ်လို့လည်း သံအမတ်ကြီးက အလေးပေးပြောဆိုခဲ့ကြောင်း သတင်းထုတ်ပြန်ချက်မှာဖော်ပြထားပါတယ်။

သံအမတ်ကြီးသည် Sri Sri Moha Dev Bari ဘုရားကျောင်းသို့ သွားရောက်ခဲ့ပြီး အိန္ဒိယနွယ်ဖွား အသိုက်အဝန်းမှ အဖွဲ့ဝင်များနှင့်တွေ့ဆုံပြီး အိန္ဒိယနွယ်ဖွားများအတွက် ကောင်စစ်ဆိုင်ရာ ဝန်ဆောင် မှုများအကြောင်းနှင့် အိန္ဒိယနှင့်၎င်းတို့၏ ဆက်သွယ်ဆောင်ရွက်မှုများ အားကောင်းလာစေရန်အတွက် ပံ့ပိုးကူညီမှုဆိုင်ရာ ကိစ္စရပ်များကိုအသိပေး ပြောကြားခဲ့  ပါတယ်။ ယင်းအပြင် သံအမတ်ကြီးသည် စစ်တွေမြို့ရှိ အိန္ဒိယကောင်စစ်ဝန်ချုပ်ရုံးသို့ လည်း သွားရောက်ခဲ့ပါတယ်။

 သံအမတ်ကြီး နှင့်အတူ  India Ports Global Ltd (IPGL) ၏ မန်နေဂျင်းဒါရိုက်တာ Shri Sunil Mukundan ၊ရန်ကုန်မြို့ရှိ အိန္ဒိယနိုင်ငံသံရုံး၊ စစ်တွေမြို့ရှိ အိန္ဒိယနိုင်ငံ ကောင်စစ်ဝန်ချုပ်ရုံးတို့မှ တာဝန်ရှိသူများလည်း ခရီးစဉ်မှာပါဝင်ခဲ့ကြ ကြောင်း  သိရှိရပါတယ်။

#ymg/knl

#Daily_News
Published 17 January 2025

၁။ တရုတ်ဘာသာစကားကျွမ်းကျင်ရန် ရည်ရွယ်ချက်စာချွန်လွှာ(MOI) လက်မှတ်ရေးထိုး

၂။ ဓာတ်ဆီဈေးကျပြီး ဒီဇယ်ဈေးနှစ်ပတ်ဆက်တိုက်တက်

၃။ လာနီညာအရှိန်ကြောင့် ဆောင်းရာသီရက်ပိုရှည်နိုင်

၄။ လော့စ်အိန်ဂျလိစ်မီးဘေးသင့်သူများ ပြန်လည်ထူထောင်ရေးနှင့် နစ်နာကြေးရရှိမှုမရေမရာဖြစ်နေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

အီလက်ထရွန်းနစ်စက်မှုလုပ်ငန်းနဲ့ ဒစ်ဂျစ်တယ်နည်းပညာတွေ ဖွံ့ဖြိုးတိုးတက်စေဖို့အတွက် အရေးပါတဲ့ ပြပွဲတွေကို ရုရှားနိုင်ငံ မော်စကိုမြို့မှာ ကျင်းပသွားမှာဖြစ်တာကြောင့် မြန်မာလုပ်ငန်းရှင်တွေကို ဖိတ်ခေါ်ထားတယ်လို့ သိရပါတယ်။
#Local_News
Published 17 January 2025
#ရုရှားဒစ်ဂျစ်တယ်နည်းပညာပြပွဲ #မော်စကိုမြို့
#YMG/SW #Yangon_Times

အခုနှစ်ဆောင်းရာသီဟာ အားပျော့တဲ့ လာနီညာအရှိန်ကြောင့် ရက်ပိုရှည်နိုင်တယ်လို့ မိုးလေဝသစောင့်ကြည့်လေ့လာသူ ဦးဝင်းနိုင်က ခန့်မှန်းထားပါတယ်။
#Local_News
Published 17 January 2025
#လာနီညာ #ဆောင်းရာသီရက်ပိုရှည်
#YMG/NN #Yangon_Times

ရန်ကုန်ဈေးကွက်မှာ ပြီးခဲ့တဲ့အပတ်ကမြင့်တက်လာတဲ့ ဓာတ်ဆီဈေးတွေကျဆင်းလာပြီး ဒီဇယ်ဈေး‌တွေကတော့ နှစ်ပတ်ဆက်တိုက်မြင့်တက်လာတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေးကော်မတီရဲ့ ဒီကနေ့ ထုတ်ပြန်ချက်အရ သိရပါတယ်။
#Local_News
Published 17 January 2025
#ဓာတ်ဆီဈေးကျ #ဒီဇယ်ဈေးတက်
#YMG/NN #Yangon_Times

မြန်မာကုန်သွယ်မှုမြှင့်တင်ရေးအဖွဲ့၊ ဟွာချောင်တက္ကသိုလ်နဲ့ယူနန်ပြည်နယ် ကုန်သွယ်ရေးကိုယ်စားလှယ်ရုံးတို့အကြား သုံးဦးသုံးဖလှယ်ပါဝင်တဲ့တရုတ်ဘာသာစကား ကျွမ်းကျင်မှုသင်တန်းဖွင့်လှစ်နိုင်ရေး ရည်ရွယ်ချက်စာချွန်လွှာ ( MOI ) လက်မှတ်ရေးထိုးပွဲအခမ်းအနားကို ယမန်နေ့က နေပြည်တော်ရှိ Jasmine Palace Hotel မှာ ကျင်းပခဲ့တယ်လို့ သိရပါတယ်။
#Local_News
Published 17 January 2025
#တရုတ်ဘာသာစကားကျွမ်းကျင် #ဟွာချောင်တက္ကသိုလ်
#YMG/SW #Yangon_Times