ပျူ‌မြို့ဟောင်းများမှ အသစ်တူးဖော်တွေ့ရှိရတဲ့ 'ပျူအက္ခရာနှင့်ပျူစာပေများ'အကြောင်း  ဆွေးနွေးပွဲပြုလုပ်သွားဖို့ရှိတယ်လို့ သိရပါတယ်။

#Local_News
Published 4 August 2024
#ပျူ‌မြို့ဟောင်း #'ပျူအက္ခရာနှင့်ပျူစာပေများ'
#YMG/tthl #Yangon_Times

#World_Health
Published 04 August 2024

▪️ အစ္စရေးလ်နိုင်ငံ ရှီဘာကျန်းမာရေးစင်တာမှ ပညာရှင်တွေဟာ ဓာတ်ရောင်ခြည်ကုသနည်း အသစ်တစ်ခုကို ဖန်တီးခဲ့ကြပြီး ပန်ကရိယကင်ဆာလူနာမှာ အာရုံကြောတစ်ခုကို ပစ်မှတ်ထားပြီး နာကျင်မှုကို သိသိသာသာ လျှော့ချနိုင်ခဲ့ကာ အသက်ကယ်ကုသနေစဉ်မှာလည်း အနည်းငယ်သာ ခံစားရစေပါတယ်။

▪️ အခုဆိုရင်ဒီနည်းလမ်းကို ရောဂါဆိုးရွားမလာစေရန် ကုသဖို့အတွက် အမေရိကန်လမ်းညွှန်တွေထဲမှာ အသစ်ထည့်သွင်းလိုက်ပါတယ်။

▪️ ပန်ကရိယကင်ဆာဟာ လူနာအနေနဲ့ အလွန်နာကျင်ရပြီး ရောဂါနောက်ကျမှ သိရပါက သေနှုန်းအလွန်မြင့်တဲ့ ကင်ဆာတစ်မျိုး ဖြစ်ပါတယ်။

▪️ ပန်ကရိယာမှာ ကင်ဆာအကျိတ်ဖြစ်တဲ့အခါ အာရုံကြောကြီးတစ်ခုကို ဖိမိ ထိုးဖောက်တာမျိုး ဖြစ်တဲ့အတွက် အလွန်နာကျင်ရတာဖြစ်ပြီး လူနာအတွက် နေထိုင်ရခက်ခဲစေပါတယ်။

▪️ ထိုလေ့လာချက်ကို အမေရိကန်၊ ကနေဒါ၊ ပိုလန်၊ ပေါ်တူဂီ၊ အစ္စရေးလ်တို့မှ လူနာ ၁၂၅ ဦးမှာ ပြုလုပ်ခဲ့ရာ ၅၃ ရာခိုင်နှုန်းက နာကျင်မှု သိသိသာသာ လျော့ပါးသွားကာ နေထိုင်မှုဘဝ တိုးတက်ခဲ့တယ်လို့ အကြောင်းကြားလာပါတယ်။

▪️ ကုသမှုရဲ့ ဘေးထွက်ဆိုးကျိုးအနေနဲ့ နွမ်းနယ်ခြင်း၊ မူးဝေခြင်းတို့ ဖြစ်ခဲ့ကြပါတယ်။

▪️ အခုဆိုရင် ထိုကုသနည်းဟာ အမေရိကန်လမ်းညွှန်ချက်အသစ်ထဲမှာ ထည့်သွင်းလာပြီး အမေရိကန်ရှိ လူနာအများစုအတွက် ရရှိနိုင်ပြီဖြစ်ပါတယ်။

▪️ ပန်ကရိယကင်ဆာ လူနာတွေမှာ အဆိုးဆုံးက နာကျင်မှုဖြစ်ကြောင်း၊ နာကျင်မှု မြင့်မားလာတဲ့အခါ အကိုက်အခဲပျောက်ဆေး အများအပြားလိုလာကာ ဘေးထွက်ဆိုးကျိုးများကြောင်း၊ ဓာတ်ရောင်ခြည်ကုသနည်းကတော့ ရိုးရှင်းပြီး လူနာခံစားမှုကို သိသိသာသာ လျှော့ချပေးကြောင်း ဒေါက်တာ လောရန့်စ်က ပြောသွားပါတယ်။

▪️ ဆဲလိယက်ပလက်ဆက်ဇ်ဆိုတဲ့ အာရုံကြောကွန်ရက်ကြီးက ဝမ်းဗိုက်ထဲမှာ ပန်ကရိယအောက် တည်ရှိပြီး နာကျင်မှုသက်သာစေရန် ထိုအာရုံကြောကို ဆေးထိုးပိတ်ပင်ခဲ့ကြပါတယ်။
ယခုနည်းလမ်းအသစ်ကတော့ ဓာတ်ရောင်ခြည်ဖြင့် ပစ်မှတ်ထားကုသတာဖြစ်ပြီး ခွဲစိတ်စရာမလိုဘဲ ဘေးထွက်ဆိုးကျိုး အနည်းငယ်သာ ရှိပါတယ်။

#Source: The Jerusalem Post

တရုတ်ရေတပ်မှ လက်ခံကျင်းပတဲ့ ပထမအကြိမ် နိုင်ငံတကာ ရေတပ်ဖလားရွက်လှေပြိုင်ပွဲကို တရုတ်နိုင်ငံ လျောင်နင်ပြည်နယ် ဒါလီယန်မှာ ပြုလုပ်ခဲ့ပြီး ရေတပ်အဖွဲ့အစည်းများကြား ဖလှယ်မှုများ မြှင့်တင်နိုင်ခဲ့ပါတယ်။
#World_Event
Published 3 August 2024
#ရေတပ်ဖလားရွက်လွှင့်ပြိုင်ပွဲ #တရုတ်နိုင်ငံတွင်ကျင်းပ
#YMG #Yangon_Times #Yangon_Media_Group

#Daily_News
Published 3 August 2024

၁။ ဆီကားထက် EVကားများဖြင့် ခရီး‌ဝေးသွားပါကစရိတ်ထက်ဝက်ကျော်သက်သာ၍ စီးသူပိုများလာ

၂။ ပဲခူးဘူတာရေပြန်ကျ၍ ရန်ကုန်-မော်လမြိုင် ရထားခရီးစဉ်များ ပြန်လည်ပြေးဆွဲ

၃။ MoU U-turnဖြင့် ထိုင်းသွားမည့်မြန်မာလုပ်သားများ ယခုလမှစတင်၍ မိသားစုထံလွှဲပို့ငွေအထောက်အထားပြသရမည်

၄။ ပထမအကြိမ်နိုင်ငံတကာ ရေတပ်ဖလားရွက်လွှင့်ပြိုင်ပွဲ တရုတ်နိုင်ငံတွင် ကျင်းပ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

ပြည်တွင်းဖြစ် မြေပဲဆီ တစ်ပိဿာ ကျပ် ၁၇,၀၀၀ နဲ့  ရန်ကုန်မြို့မှာ ဒီကနေ့ကစတင်ပြီး ရောင်းချပေးနေတယ်လို့ မြန်မာနိုင်ငံဆီစက်ပိုင်ရှင်များအသင်းက သိရပါတယ်။
#Local_News
Published 3 August 2024
#မြေပဲဆီ #တစ်ပိဿာကျပ်၁၇,၀၀၀
#YMG/NN #Yangon_Times

အခုဩဂုတ်လကစတင်ပြီး ထိုင်းနိုင်ငံကို MoU U-turm (အမ်အိုယူ  ယူ-တမ်း) စနစ်နဲ့သွားမယ့် မြန်မာလုပ်သားတွေ အနေနဲ့ ဘတ် ၆,၀၀၀ မိသားစုထံ လွှဲပို့ထားတဲ့ အထောက်အထားပြသရမယ်လို့ အလုပ်သမားညွှန်ကြားရေးဦးစီးဌာနရဲ့ ထုတ်ပြန်ချက်အရ သိရပါတယ်။
#Local_News
Published 3 August 2024
#မိသားစုထံလွှဲပို့ငွေ #အထောက်အထားပြရ
#YMG/NN #Yangon_Times

ပဲခူးမြစ်ရေလျှံတာကြောင့် ရေကြီးနစ်မြုပ်မှုဖြစ်ပွားခဲ့တဲ့ ပဲခူးဘူတာဝင်းအတွင်းရေ  ပြန်လည်ကျဆင်းပြီဖြစ်တာကြောင့်  ဩဂုတ်လ (၃)ရက် ယနေ့က စတင်ပြီး ရန်ကုန်-မော်လမြိုင်ရထားခရီးစဉ် ‌တွေ ပြန်လည်ပြေးဆွဲသွားမယ်လို့ မော်လမြိုင်ဘူတာကြီးရဲ့ ထုတ်ပြန်ချက်အရ သိရပါတယ်။
#Local_News
Published 3 August 2024
#ပဲခူးဘူတာရေပြန်ကျ #ခရီးစဉ်များပြန်လည်ပြေးဆွဲ
#YMG/NN #Yangon_Times

စက်သုံးဆီခက်ခဲချိန် ရန်ကုန်-နေပြည် တော်သွားဖို့ ဆီကားကို စင်းလုံးငှားရမ်းပါက အသွားအပြန်(၅) သိန်း‌ကျော်ကုန်ကျနိုင်သော်လည်း EVတက်စီ စင်းလုံးငှားယာဉ်နဲ့ဆိုရင် အသွားအပြန် (၂)သိန်းခွဲခန့်သာကုန်ကျနိုင်တယ်လို့ သိရပါတယ်။
#Local_News
Published 3 August 2024
#EVကား #စီးသူပိုများလာ
#YMG/tthl #Yangon_Times

#Local_News
Published 3 August 2024

▪️ ဧရာဝတီတိုင်းဒေသကြီး၊ ပုသိမ်မြို့၊ မြို့တော်ခန်းမရှေ့နှင့် ရေဆင်းတန်ဆောင်းကမ်းနားလမ်းတွင် မြစ်ရေမြင့်တက်နေကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဩဂုတ်၃ ရက်နေ့တွင်၊ ဧရာဝတီတိုင်းဒေသကြီး၊ ပုသိမ်မြို့၊ မြို့တော်ခန်းမရှေ့နှင့် ရေဆင်းတန်ဆောင်းကမ်းနားလမ်းတွင် မြစ်ရေမြင့်တက်လာမှုကြောင့် လမ်းမပေါ်သို့ ရေများဝင်ရောက်မှုဖြစ်ပွားခဲ့ကြောင်း သိရသည်။

▪️ ထို့ကြောင့်  ရေကျော်လွန်မှုမရှိစေရေးအတွက် ပုသိမ်မြို့နယ်မီးသတ်စခန်းမှ သန္ဓေမီးသတ်တပ်ဖွဲ့ဝင်များမှ သက်ဆိုင်ရာအဖွဲ့အစည်းများနှင့် ပူးပေါင်း၍ သဲအိတ်များဖြင့် တာတမံပြုလုပ်၍ ရေတားခြင်းလုပ်ငန်းများ ဆက်လက်ဆောင်ရွက်လျက်ရှိကြောင်း သိရသည်။

#YMG/NN #Yangon_Times

#World_News
Published 03 August 2024

▪️ အမေရိကန်စစ်တပ်က အရှေ့အလယ်ပိုင်းဒေသသို့ တိုက်လေယာဉ်များနဲ့ ရေတပ်စစ်သင်္ဘောများ ထပ်မံစေလွှတ်သွားမယ်လို့ ပင်တဂွန်စစ်ဌာနချုပ်က သောကြာနေ့မှာ ပြောကြားခဲ့ပါတယ်။

▪️ အီရန်နဲ့ ဟားမတ်စ်၊ ဟက်ဇ်ဘိုလာတို့ရဲ့ ခြိမ်းခြောက်မှုများ မြင့်တက်လာတဲ့အတွက် အမေရိကန်က ကာကွယ်ရေးကို မြှင့်တင်လာတာ ဖြစ်ပါတယ်။

▪️ ဂါဇာပဋိပက္ခတွေကြား လွန်ခဲ့တဲ့ ၂ ရက်က ဟားမတ်စ်ခေါင်းဆောင် အစ္စမေးလ်ဟာနီယာ အသတ်ခံရပြီးနောက် အီရန်က လက်စားချေမယ်လို့ ကြုံးဝါးထားတာကြောင့် အမေရိကန်က ကြိုတင်ပြင်ဆင်နေတာ ဖြစ်ပါတယ်။

▪️ အရှေ့အလယ်ပိုင်းနဲ့ ဥရောပဘက်ကို ပစ်လာနိုင်တဲ့ ပဲ့ထိန်းဒုံးကျည်တွေကို ပစ်ချနိုင်မယ့် ရေတပ်စစ်သင်္ဘောများနဲ့ တိုက်လေယာဉ်များ ထပ်မံစေလွှတ်ဖို့ကို အမေရိကန် ကာကွယ်ရေးဝန်ကြီး လွိုက်အော်စတင်က ခွင့်ပြုလိုက်ပါတယ်။

▪️ အမေရိကန်တပ်များ ကာကွယ်ရေး မြှင့်တင်ရန်၊ အစ္စရေးလ်ကာကွယ်ရေး ထောက်ပံ့မှုမြှင့်တင်ရန်၊ ခြိမ်းခြောက်လာမှုတွေကို အချိန်မီတုန့်ပြန်ဖို့ ကြိုတင်ပြင်ဆင်ထားနိုင်ရန် ရည်ရွယ်ပြီး အမေရိကန်စစ်ရေး ရပ်တည်ချက် ချိန်ညှိသွားဖို့ကို အော်စတင်က အမိန့်ပေးခဲ့ကြောင်း ပင်တဂွန်က ထုတ်ပြန်ခဲ့ပါတယ်။

▪️ အရှေ့အလယ်ပိုင်းက USS သီယိုဒေါရုစဗဲ့လ် လေယာဉ်တင်သင်္ဘောအဖွဲ့ကြီးကိုတော့ အစားထိုးဖွယ်မရှိဘဲ USS အေဘရာဟမ်လင်ကွန်းအဖွဲ့မှာပဲ လှည့်လည်အစားထိုးသွားရန် အော်စတင်က ဆုံးဖြတ်ခဲ့ပါတယ်။

▪️ ကုန်းပြင်ပဲ့ထိန်းဒုံးကျည် ကာကွယ်ရေးတွေ ပိုမိုဖြန့်ကျက်ပြင်ဆင်သွားမယ်လို့ ဖော်ပြထားပါတယ်။

▪️ ဧပြီလတုန်းက အီရန်နဲ့ ဟက်ဇ်ဘိုလာအဖွဲ့တို့က အစ္စရေးလ်ကို ဒရုန်းများဖြင့် တိုက်ခိုက်နေခဲ့ပြီး အမေရိကန်နဲ့ အခြားမဟာမိတ်များရဲ့ အကူအညီဖြင့် ဒရုန်းနဲ့ဒုံးကျည်ပေါင်း ၃၀၀ နီးပါးကို ပစ်ချနိုင်ခဲ့ပါတယ်။

▪️ ဟားမတ်စ်ခေါင်းဆောင် သေဆုံးခဲ့တဲ့အပေါ် အီရန်နဲ့ ဟားမတ်စ်တို့က အစ္စရေးလ်တို့ တိုက်ခိုက်တာကြောင့်လို့ စွပ်စွဲပြီး လက်စားချေရန် အခိုင်အမာ ဆုံးဖြတ်ထားပေမယ့် အစ္စရေးလ်တို့က ယင်းတို့တိုက်ခိုက်တယ်လို့ မထုတ်ပြန်ထားပါဘူး။

▪️ ထိုဒေသတွင်းမှာ တင်းမာမှုတွေ မြင့်တက်လာတာ မဖြစ်စေချင်ဘူးလို့ ပင်တဂွန်မှ ပြောရေးဆိုခွင့်ရှိသူ ဆာဘရီနာဆင်းက ပြောခဲ့ပါတယ်။

#Source: Reuters

#World_Health
Published 03 August 2024

▪️ ကိုဗစ်-၁၉ရောဂါဖြစ်စေတဲ့ SARS-CoV-2 ဗိုင်းရပ်စ်ဟာ တောရိုင်းတိရိစ္ဆာန်မျိုးစိတ်တွေကြား ပျံ့ပွားနေတယ်လို့ ဗာဂျီးနီးယားတက်ခ်မှ သုတေသီအဖွဲ့က ဆိုပါတယ်။

▪️ ဗာဂျီးနီးယားမှာ ခြံတွေနောက်ဖက်မှာမြင်တွေ့နေရတဲ့ မျိုးစိတ် ၂၃ ခုကို စစ်ဆေးခဲ့ကြရာ ၆ မျိုးထဲမှာ ဗိုင်းရပ်စ်တွေ့ခဲ့ပါတယ်။

▪️ ထိုထဲမှာ မြေကြွက်၊ သားပိုက်ကောင်ငယ်၊ ရက်ကွန်း၊ တွင်းတူးကြွက်၊ ယုန်၊ လင်းနို့နီတို့ ပါဝင်ပါတယ်။

▪️ ၅ မျိုးထဲမှာတော့ ယခင်က ကိုရိုနာဗိုင်းရပ်စ် ထိတွေ့ပြီး ပဋိဇီဝပစ္စည်း ထွက်ရှိထားတာကို တွေ့ရှိထားပါတယ်။

▪️ တောရိုင်းသတ္တဝါတွေကို မျိုးဗီဇစောင့်ကြည့်ရာမှာ ဗိုင်းရပ်စ်တွေ့ရှိပြီး လူတွေမှာ ပျံ့နှံ့နေတဲ့ ဗိုင်းရပ်စ်မျိုးဗီဇကွဲတွေနဲ့ အတော်လေးဆင်တူတယ်လို့ သိရပါတယ်။

▪️ ဗိုင်းရပ်စ်က လူသားတွေထံကနေ တိရိစ္ဆာန်တွေသို့ ကူးစက်လာတာကို လေ့လာဖော်ပြနေကြပါတယ်။

▪️ တောင်တက်လမ်းတွေနဲ့ လူနေထူထပ်ရာ နေရာတွေက သတ္တဝါတွေမှာ ကိုဗစ်ဗိုင်းရပ်စ် ထိတွေ့မှုအများဆုံးဖြစ်တာကို ဖရာလင်ဇီဝဆေးဘက်ဆိုင်ရာ သုတေသနတက္ကသိုလ်မှ သိပ္ပံပညာရှင်များ တွေ့ရှိခဲ့ပါတယ်။

▪️ တိရိစ္ဆာန်ကနေ လူသားတွေထံ ကူးစက်တာတော့ မတွေ့ရတာကြောင့် စိတ်ပူစရာမရှိဘူးလို့လည်း ပြောပါတယ်။

▪️ ဗိုင်းရပ်စ်ရဲ့ ရည်ရွယ်ချက်က အသက်ရှင်သန်ရန်အတွက် ပျံ့ပွားရတာဖြစ်ကြောင်း၊ လူသားတွေထံ ကူးစက်ချင်ပေမယ့် ကာကွယ်ဆေးတွေက ကာကွယ်နေတဲ့အတွက် တိရိစ္ဆာန်တွေထံ ကူးစက်ပြီး လက်ခံကောင်အသစ်တွေမှာ ဆင့်ကဲပြောင်းလဲလာရကြောင်း ဆိုပါတယ်။

▪️ ဗာဂျီးနီးယားမှာသာ လေ့လာခဲ့ပေမယ့် မြောက်အမေရိကအနှံ့မှာလည်း ပျံ့နှံ့နေနိုင်ပါတယ်။
ဒါကြောင့် အခြားနေရာတွေမှာ ပျံ့ပွားနေနိုင်တာကြောင့် စောင့်ကြည့်သွားဖို့ လိုအပ်ကြောင်း သုတေသီများ ဆိုပါတယ်။

#Source: WION

ပဲရစ်အိုလံပစ်အားကစားပွဲကျင်းပနေချိန်တွင် ရှေးဟောင်းအိုလံပီယာအမွေအနှစ်နေရာ၌ ခရီးသွားဧည့်သည်များပြားလာနေ

၂၀၂၄ နွေရာသီ ပဲရစ်အိုလံပစ်အားကစားပွဲတွေမှာ ကမ္ဘာ့ထိပ်သီး အားကစားသမားများ ယှဉ်ပြိုင်နေကြသလို အိုလံပစ်မီးရှူးတိုင် စတင်ထွန်းညှိတဲ့ ရှေးဟောင်းအိုလံပီယာ ယဉ်ကျေးမှုနေရာမှာလည်း ခရီးသွားဧည့်သည်တွေ စည်ကားနေပါတယ်။
#World_Sports
Published 2 August 2024
#ပဲရစ်အိုလံပစ်အားကစားပွဲ #ရှေးဟောင်းအိုလံပီယာယဉ်ကျေးမှုနေရာ
#YMG #Yangon_Times #Yangon_Media_Group