#Local_News
Published 13 August 2024

▪️ မြန်မာနိုင်ငံဆိုင်ရာ တရုတ်သံအမတ်ကြီးအဖြစ် တာဝန်ထမ်းဆောင်ရန် ခန့်အပ်ခံရသည့်Ms. Ma Jiaသည် သြဂုတ်လ(၁၂) ရက်တွင် မြန်မာနိုင်ငံကိုရောက်ရှိလာပြီဖြစ်ကြောင်း  မြန်မာနိုင်ငံဆိုင်ရာတရုတ်သံရုံး၏ထုတ်ပြန်ချက်အရ သိရသည်။

▪️ Ms. Ma Jia သည် ၂၀ ယောက်မြောက် မြန်မာနိုင်ငံဆိုင်ရာ တရုတ်သံအမတ်ကြီး ဖြစ်ပြီး  အာရှနှင့် အာဆီယံတွင် သံတမန်အတွေ့အကြုံများစွာရှိသည့်သူတစ်ဦးလည်း‌ဖြစ်ကြောင်းသိရသည်။

▪️ သံအမတ်ကြီး Ms. Ma Jia ရောက်ရှိချိန်တွင် မြန်မာနိုင်ငံ နိုင်ငံခြားရေးဝန်ကြီးဌာန မဟာဗျူဟာ လေ့လာရေးနှင့်လေ့ကျင့်ရေးဦးစီးဌာနနှင့် သံတမန်ရေးရာဦးစီးဌာနမှ တာဝန်ရှိအရာရှိများနှင့် မြန်မာနိုင်ငံဆိုင်ရာ တရုတ်သံရုံးမှ အဓိကသံတမန်အရာရှိများမှလေဆိပ်တွင်ကြိုဆိုခဲ့ကြကြောင်း သိရသည်။

#YMG/tthl #Yangon_Times

#World_Technology
Published 13 August 2024

▪️ မာ့ခ်ဇူကာဘက်ရဲ့ အဖေဖြစ်သူ သွားဆရာဝန် ထောက်ပံ့ထားတဲ့ ဘော့စ်တွန်အခြေစိုက် နည်းပညာကုမ္ပဏီက ကမ္ဘာ့ပထမဆုံး စက်ရုပ်ထိန်းချုပ် သွားခွဲစိတ်ခြင်းလုပ်ငန်းကို အောင်မြင်စွာ ပြုလုပ်နိုင်ခဲ့ပါတယ်။

▪️ ပါဆက်ပ်တစ်ကုမ္ပဏီရဲ့ ဉာဏ်ရည်တု ပုံရိပ်ဖော်ဆော့ဖ်ဝဲကို စက်ရုပ်လက်ဖြင့် ပေါင်းစပ်ထားတာ ဖြစ်ပြီး ဆေးဘက်ဆိုင်ရာ နည်းပညာပိုင်းမှာ စွန့်စားအောင်မြင်မှုတစ်ခု ဖြစ်လာပါတယ်။

▪️ ကိုလံဘီယာ ဘာရန်ကွီလာမှာ စတင်ပြုလုပ်ခဲ့ပြီး စက်ရုပ်က လူနာရဲ့သွားကို ထိုးဖောက်ဖြတ်တောက်ခဲ့ပါတယ်။

▪️ သွားကုသခြင်း လုပ်ငန်းစဉ်တွေမှာ ထိရောက်တိကျမှု မြှင့်တင်ပေးနိုင်ပြီး လူနာတွေအတွက် ပိုမိုကောင်းမွန်တဲ့ သွားနဲ့ခံတွင်း စောင့်ရှောက်မှု ရွေးချယ်နိုင်ခွင့်ရစေမယ်လို့ ကုမ္ပဏီစီအီးအို ဒေါက်တာ ခရစ္စစီရီယဲလိုက ပြောသွားပါတယ်။

▪️ နောက်ဆုံးရည်မှန်းချက်အနေနဲ့ အလိုအလျောက်စက်တွေ အသုံးပြုပြီး သွားအစားထိုးခြင်းနဲ့ အလားတူကုသမှုတွေကို ၁၅ မိနစ်တည်းဖြင့် ပြုလုပ်နိုင်ရန် ဖြစ်တယ်လို့ ကုမ္ပဏီက ကြေညာသွားပါတယ်။

▪️ ထိုနည်းပညာဟာ စက်ရုပ်လက်များဖြင့် ခွဲစိတ်မှုမပြုလုပ်ခင် လူနာသွားဖုံးအောက်ကို ပုံရိပ်ဖတ်ပြီး AI ကိုအသုံးပြုကာ ဆန်းစစ်သွားတာ ဖြစ်ပါတယ်။

▪️ AIစက်ရုပ်စနစ်ဟာ ရောဂါရှာဖွေရေးနဲ့ ကုသစီစဉ်မှုအတွက် သုံးဖက်မြင်အချက်အလက်များ အသုံးပြုပြီး စောစီးတိကျစွာ ရှာဖွေနိုင်မှာဖြစ်ပါတယ်လို့ ဖော်ပြထားပါတယ်။

▪️ ဒီစနစ်ဟာ အထူးစမ်းသပ်ဖန်တီးထားတာဖြစ်ပြီး သွားဆရာဝန်များအနေနဲ့ လူနာတွေကို ဘေးကင်းစွာ ကုသနိုင်ဖို့ အကူအညီပေးနိုင်ကြောင်း ဒေါက်တာ အက်ဒ်ဝပ်ဇူကာဘက်က ပြောပြပါတယ်။

▪️ မာ့ခ်ဇူကာဘက်ရဲ့အဖေက ပါဆက်ပ်တစ်အတွက် ဒေါ်လာသန်း ၃၀ ထောက်ပံ့ပေးထားသူတွေထဲက တစ်ဦးဖြစ်ပါတယ်။

▪️ ဒီနည်းပညာဖြင့် ပိုမိုဘေးကင်းတိကျတဲ့ ရောဂါရှာဖွေမှုတွေ ပြုလုပ်နိုင်လိမ့်မယ်လို့ ဟားဗတ်ဆေးတက္ကသိုလ်မှ ဂျာမန်ဂယ်လူချီက ပြောပြသွားပါတယ်။

#Source: New York Post

#World_News
Published 13 August 2024

▪️ အီရန်ဟာ ယခုသီတင်းပတ်အတွင်း အစ္စရေးလ်ကို တိုက်ခိုက်မှုကြီး ပြုလုပ်နိုင်ဖွယ်ရှိတယ်လို့ အမေရိကန် အိမ်ဖြူတော်က သတိပေးလိုက်ပါတယ်။

▪️ ဩဂုတ် ၁၂ ရက်နေ့ သတင်းစာရှင်းလင်းပွဲမှာ နိုင်ငံတော် လုံခြုံရေးကောင်စီ ပြောရေးဆိုခွင့်ရှိသူ ဂျွန်ကာဘီက ဒီလိုတိုက်ခိုက်မှုမျိုးတွေအတွက် ပြင်ဆင်ထားရမယ်လို့ ပြောသွားပါတယ်။

▪️ အစ္စရေးလ်ဘက်ကလည်း ဒီလိုမျိုး အလားတူပြင်ဆင်ထားမယ်လို့ အမေရိကန်က မျှော်လင့်ထားသလို စိုးရိမ်ပူပန်နေရကြောင်း ပြောပါတယ်။

▪️ အရှေ့အလယ်ပိုင်း တင်းမာမှုမြင့်တက်လာတဲ့အတွက် အမေရိကန်က လေယာဉ်တင်သင်္ဘောအဖွဲ့နဲ့ ဒုံးကျည်ပစ်ရေငုပ်သင်္ဘော နေရာချထားကာ အစ္စရေးလ်ကို ထောက်ပံ့ကြောင်း ပြသထားပါတယ်။

▪️ အီရန်တိုက်ခိုက်လာနိုင်တဲ့ အကြောင်းအရင်းက ဟားမတ်စ်ခေါင်းဆောင် အစ္စမေးလ်ဟာနီယာ လုပ်ကြံခံရတာကို လက်တုန့်ပြန်တဲ့အနေဖြင့် ဖြစ်ပြီး ဒီလုပ်ကြံမှုကို အစ္စရေးလ်လုပ်တာလို့ သံသယရှိပေမယ့် တရားဝင် အတည်မပြုရသေးပါဘူး။

▪️ ဩဂုတ် ၅ ရက်နေ့ကပြုလုပ်တဲ့ ဂျီ၇ ကွန်ဖရန့်မှာလည်း အမေရိကန် နိုင်ငံခြားရေးဝန်ကြီး အန်တိုနီဘလင်ကန်က အီရန်နဲ့ ဟက်ဇ်ဘိုလာတို့ ပူးပေါင်းပြီး အစ္စရေးလ်ကို တိုက်ခိုက်လာနိုင်တဲ့အကြောင်း သတိပေးခဲ့ပါတယ်။

▪️ ဧပြီ ၁၃ ရက်နေ့က အီရန်တိုက်ခိုက်ခဲ့တာထက် ပိုပြီးတိုက်ခိုက်လာနိုင်တယ်လို့ အစ္စရေးလ်ကလည်း ခန့်မှန်းထားပါတယ်။

▪️ အီရန်က အစ္စရေးလ်ကို လက်စားချေခွင့်ရှိမရှိဆိုတာ သံသယဖြစ်စရာတောင် မလိုဘူးလို့ အီရန်နိုင်ငံခြားရေးဝန်ကြီးဌာနမှ ပြောရေးဆိုခွင့်ရှိသူ နက်ဆာကာနာနီက ပြောပါတယ်။

▪️ လက်စားချေခွင့်ရှိတယ်လို့ ပြောနေပေမယ့် အီရန်ဟာ ဒေသတွင်းတင်းမာမှု မြင့်တက်လာမှာ မလိုလားဘူးလို့လည်း ပြောပါတယ်။

▪️ ရန်လိုတိုက်ခိုက်လာသူတွေကို အပြစ်ပေးပြီး အစ္စရေးလ်အကြမ်းဖက်မှုတွေကို တားဆီးကာ ဒေသတွင်း တည်ငြိမ်အေးချမ်းရေး ထိန်းသိမ်းနိုင်မယ်လို့ ယူဆထားပါတယ်။

#Source: WION

#World_Health
Published 13 August 2024

▪️ အစာအိမ်နဲ့ အူလမ်းကြောင်း ကျန်းမာရေးဆိုတာဟာ အစာခြေစနစ် ဘယ်လောက်ကောင်းမွန်လဲဆိုတာကို ပြသနေပြီး အစာအိမ်၊ အူအင်္ဂါများနဲ့ အခြားအစာခြေအင်္ဂါများ အတူတကွ လုပ်ဆောင်ကြပါတယ်။

▪️ အစာခြေစနစ်မှာပါတဲ့ ပိုးမွှားတွေကလည်း အရေးပါနေပြီး လုပ်ဆောင်ချက်များစွာ လုပ်ပေးပါတယ်။

▪️ အူလမ်းကြောင်းပြဿနာ ဖြစ်တဲ့အခါ ခန္ဓာကိုယ်မှာ လက္ခဏာအများအပြား ဖြစ်ပေါ်စေပါတယ်။

▪️ အူလမ်းကြောင်းကျန်းမာရေး တိုးတက်စေမယ့် နည်းလမ်းတွေကို ဖော်ပြလိုက်ပါတယ်။

▪️ (၁) တရားထိုင်ခြင်း၊ ယောဂကျင့်ခြင်း စသဖြင့် ဖိစီးမှုလျော့ကျအောင် ပြုလုပ်ပြီး စိတ်တည်ငြိမ်အောင် လုပ်နိုင်ပါတယ်။

▪️ (၂) လုံလောက်စွာ အိပ်စက်ခြင်းဖြင့် အူလမ်းကြောင်း ဘက်တီးရီးယားဖွဲ့စည်းပုံကို ကောင်းမွန်စေကာ ညဘက် ၇ နာရီမှ ၉ နာရီအထိ အိပ်စက်သင့်ပါတယ်။

▪️ (၃) ဖြည်းညင်းစွာ စားသောက်ပါက အစာခြေစနစ်အနေနဲ့ အစာတွေကို ချေဖျက်ဖို့ အချိန်ပိုမိုရရှိပါတယ်။

▪️ (၄) ရေဓာတ်လုံလောက်စွာ နေထိုင်ပါက အဆိပ်အတောက်များ ဖယ်ရှားပေးကာ အစာခြေခြင်းကို ထောက်ကူပေးပါတယ်။

▪️ (၅) ပရိုဘိုင်အိုတစ်နဲ့ ပရီဘိုင်အိုတစ် ဖြည့်စွက်ဆေးများ အသုံးပြုပေးခြင်းဖြင့် အူလမ်းကြောင်းကျန်းမာရေး တိုးတက်စေနိုင်ပါတယ်။

▪️ (၆) မိမိနဲ့ မတည့်တဲ့ အစားအစာတွေက အူလမ်းကြောင်းကို ထိခိုက်စေပြီး အစာခြေမှုကို နှောင့်ယှက်စေတာကြောင့် ထိုအစားအစာတွေကို စောင့်ကြည့်ရှောင်ရှားသင့်ပါတယ်။

▪️ (၇) အမျှင်ဓာတ် ကြွယ်ဝပြီး ပရိုဘိုင်အိုတစ်ပါဝင်တဲ့ အစားအစာတွေက အူလမ်းကြောင်းထဲက အကျိုးပြု ဘက်တီးရီးယားတွေကို ကြီးထွားစေပါတယ်။

▪️ (၈) မကြာခဏ လှုပ်ရှားလေ့ကျင့်မှု ပြုလုပ်ပေးပါက အူလမ်းကြောင်း လှုပ်ရှားမှုကို မြှင့်တင်ပေးပြီး အစာခြေစနစ် ကောင်းမွန်စေပါတယ်။

▪️ (၉) အူလမ်းကြောင်း ကျန်းမာရေးကို ထောက်ပံ့ပေးတဲ့ ဖြည့်စွက်ဆေးများက အစာခြေစနစ်ကို ကောင်းမွန်စေပါတယ်။

▪️ အစားအစာအနေနဲ့ဆိုရင် အမျှင်ဓာတ်ကြွယ်ဝတဲ့ အသီးအနှံ၊ ဟင်းရွက်၊ ဂျုံစပါး၊ ပဲတို့က ဝမ်းပုံမှန်သွားစေပါတယ်။

▪️ ကြက်သွန်ဖြူက အူလမ်းကြောင်းထဲက အကျိုးပြုဘက်တီးရီးယားတွေကို ဖွံ့ဖြိုးကြီးထွားစေပါတယ်။

▪️ အချဉ်ဖောက်ထားတဲ့ ဒိန်ချဉ်၊ ကင်မ်ချီတို့က အကျိုးပြုဘက်တီးရီးယားတွေကနေ လက်တစ်အက်ဆစ် ထုတ်လုပ်ပေးပါတယ်။

#Source: The Jerusalem Post

၁၁ ဩဂုတ် ၂၀၂၄

မြန်မာနိုင်ငံရဲ့ မြောက်ပိုင်းဒေသ ဆောလျင်စွာပြန်လည်တည်ငြိမ်လာစေဖို့ မျှော်လင့်တယ်လို့ တရုတ်နိုင်ငံက ပြောကြားလိုက်ပါတယ်။

ဩဂုတ်လ ၉ ရက်က တရုတ်နိုင်ငံ နိုင်ငံခြားရေးဝန်ကြီးဌာနမှာကျင်းပပြုလုပ်တဲ့ သတင်းစာရှင်းလင်းပွဲမှာ နိုင်ငံတကာသတင်းဌာနတစ်ခုရဲ့ မေးမြန်းချက်အပေါ် တရုတ်နိုင်ငံခြားရေးဝန်ကြီးဌာန ပြောရေးဆိုခွင့်ရ ပုဂ္ဂိုလ် မစ္စ မော်နင်း Ms. Mao Ning ကဖြေကြားသွားတာဖြစ်တယ်လို့ ရန်ကုန်အခြေစိုက် တရုတ်ပြည်သူ့သမ္မတနိုင်ငံသံရုံးရဲ့ သတင်းထုတ်ပြန်ချက်မှာ ဖော်ပြထားပါတယ်။

မြန်မာနိုင်ငံတွင် စစ်ပွဲဖြစ်ပွားသည်ကို တရုတ်အနေဖြင့် မတွေ့မြင်လိုဘူးလို့လည်း မစ္စမော်နင်းက ဆက်လက်ပြောကြားပါတယ်။  မြန်မာနိုင်ငံနှင့် မြန်မာနိုင်ငံ မြောက်ပိုင်းဒေသ အခြေအနေပြောင်းလဲလာမှုကို အမြဲတစေ များစွာ ဂရုပြုလျက်ရှိတယ်လို့လည်း သူမကပြောပါတယ်။

တရုတ်နိုင်ငံက ယင်း၏နည်းလမ်းဖြင့် မြန်မာနိုင်ငံဘက်အသီးသီးက အပစ်အခတ်ရပ်စဲရန် အမြဲတစေ ဦးဆောင်ဖျောင်းဖျလျက်ရှိပြီး ဆွေးနွေးညှိနှိုင်းမှုဖြင့် ပြဿနာကိုဖြေရှင်းကာ အမျိုးသားစည်းလုံးညီညွတ်ရေးနှင့် နိုင်ငံတော်တည်ငြိမ်မှု၊ ဖွံ့ဖြိုးတိုးတက်မှုကို ဆောလျင်စွာ ဖော်ဆောင်ရန် လုပ်ဆောင်လျက်ရှိတယ်လို့လည်း မစ္စမော်နင်းက ဖြည့်စွက်ပြောပါတယ်။

တရုတ်နိုင်ငံအနေဖြင့်  ငြိမ်းချမ်းစွာဆွေးနွေးရန် ဆက်လက် တက်တက်ကြွကြွတိုက်တွန်းသွားမည်ဖြစ်ပြီး မြန်မာနိုင်ငံ ငြိမ်းချမ်းရေးလုပ်ငန်းစဉ်အတွက် တတ်စွမ်းသမျှပံ့ပိုးကူညီမှုများ လုပ်ဆောင်သွားမည်ဖြစ်တယ်လို့ သူမကပြောကြားခဲ့ကြောင်း သတင်းထုတ်ပြန်ချက်မှာဖော်ပြထားပါတယ်။

@ymg/knl

ရာစုနှစ်တစ်စုသက်တမ်းရှိနေတဲ့ ပြင်သစ်နိုင်ငံ ပါရီမြို့တော်က ခရစ်ယာန်ဘုရားကျောင်းတော်ကြီး တစ်ခုဟာ တောင်တက်သမားတွေအတွက် မိုးလုံလေလုံ တောင်တက်ရာ နေရာကြီးတစ်ခုအဖြစ် ပြောင်းလဲ လာနေပါတယ်။

Source CCTV+

၁၁ ဩဂုတ် ၂၀၂၄

YouTube နှင့် Google ရဲ့ အမှုဆောင်အရာရှိချုပ်ဟောင်း အသက် ၅၆ နှစ်အရွယ်ရှိပြီဖြစ်တဲ့ ဆူဆန်ဝစ်ဂျစ်စကီဟာ  ဩဂုတ်၁၀ ရက်စနေနေ့က အဆုတ်ကင်ဆာရောဂါနှင့် ကွယ်လွန်သွားပြီဖြစ်တယ်လို့သိရပါတယ်။

“ဆူဆန်ဝစ်ဂျစ်စကီ ကွယ်လွန်တဲ့သတင်းကို ကျွန်တော်ဝမ်းနည်းစွာနှင့်ပင် မျှဝေပေးချင်ပါတယ်။ ကျွန်တော့်ရဲ့ချစ်ဇနီးအဖြစ် ၂၆ နှစ်အတူရှိခဲ့ပြီး ကလေး ၅ ယောက်ရဲ့မိခင်ဖြစ်တဲ့သူမဟာ အဆုတ်ကင်ဆာရောဂါ (၂)နှစ်ကြာ ခံစားရပြီးနောက် ဒီကနေ့မှာ ကျွန်တော်တို့ကိုထားခဲ့ပါပြီ” လို့ ခင်ပွန်းဖြစ်သူ ဒင်နစ်ထရူးပါးက ဖေ့စ်ဘုတ်မှာ ပို့စ်တင်ခဲ့ပါတယ်။

“ သူမဟာ လွန်ခဲ့တဲ့ (၂)နှစ်လုံးလုံး ခက်ခဲစွာနေထိုင်ခဲ့ရတယ်။ သူမဟာ သူမရဲ့ပရဟိတစိတ်ထားတွေနှင့် ကမ္ဘာကြီးကို ပိုမိုကောင်း မွန်အောင် စိတ်နှစ်လုပ်ဆောင်ခဲ့တယ်။ အဲဒီအထဲမှာ သူမခံစားနေရတဲ့ ရောဂါနှင့်ပတ်သက်တဲ့ သုတေသနလုပ်ငန်း ကို ပံ့ပိုးကူညီတာလည်းပါဝင်တယ်”လို့ Google ရဲ့ လက်ရှိ အမှုဆောင်အရာရှိချုပ် ဆန်ဒါပီချိုင်းက ပြောပါတယ်။

ဝစ်ဂျစ်စကီဟာ ၁၉၉၉ခုနှစ်မှာ Google မှာ စတင်အလုပ်လုပ်ခဲ့ပြီး သူမဟာနည်းပညာနယ်ပယ်ထဲက လူသိထင်ရှား အမျိုးသမီး တွေထဲက တစ်ဦးဖြစ်ခဲ့ပါတယ်။

Google ဟာ ၂၀၀၆ခုနှစ်မှာ YouTube ကို ဒေါ်လာ ၁.၆၅ ဘီလျံနှင့်ဝယ်ယူခဲ့ပါတယ်။ သူမဟာ ၂၀၁၄ ခုနှစ်မှာ YouTube ရဲ့ စီအီးအိုမဖြစ်ခင် Google ရဲ့ ကြေညာထုတ်ကုန်ဆိုင်ရာ အကြီးတန်း ဒုတိယဥက္ကဋ္ဌ အဖြစ်တာဝန်ယူခဲ့ပါတယ်။ အဲဒီနောက်သူမဟာ ၂၀၂၃ မှာ သမိသားစုကိစ္စ၊ကျန်းမာရေးကိစ္စနှင့် ပုဂ္ဂလိက စီမံကိန်းတွေကြောင့် YouTube ကနေ ထွက်ခဲ့ ပါတယ်။ အဲဒီနောက်သူမဟာ Google ရဲ့ မိခင်ကုမ္ပဏီ အယ်ဖာဘက်မှာ အကြံပေးအဖြစ် လုပ်ခဲ့ပါတယ်။

Ref Reuters

#World_Science
Published 05 August 2024

▪️ လူသားတွေရဲ့ ခန္ဓာကိုယ်ထဲက မျိုးဗီဇအချက်အလက်တွေထဲမှာ ဇွန်ဘီဗိုင်းရပ်စ်တွေ ပုန်းကွယ်ရှိနေပြီး ပြင်ပ ဒီအင်န်အေကနေ လက်ဆင့်ကမ်းလာကာ မျိုးဆက်တွေကနေ လူသားတွေထံ ရောက်ရှိလာခဲ့ပါတယ်။

▪️ ထိုဗိုင်းရပ်စ်တွေက ပုန်းလျှိုနေတယ်လို့ ယူဆထားပေမယ့် မကြာသေးမီက လေ့လာချက်တွေမှာတော့ ထိုမျိုးဗီဇ အချက်အလက်တွေဟာ အန္တရာယ်ပေးနိုင်စွမ်း ရှိနေပါတယ်။

▪️ ကင်ဆာဆဲလ်တွေဟာ ကြီးထွားဖွံ့ဖြိုးဖို့အတွက် ဇွန်ဘီဗိုင်းရပ်စ်တွေကို အသုံးပြုကြတယ်လို့ ကိုလိုရာဒိုတက္ကသိုလ်မှ ဇီဝအချက်အလက်ပညာရှင် အတ်မာအိုင်ဗန်ချီဗစ်ဦးဆောင်တဲ့ သုတေသီအဖွဲ့က ရှာတွေ့ခဲ့ပါတယ်။

▪️ ယနေ့ဖြစ်ပွားနေတဲ့ ရောဂါတွေဟာ ထိုဗိုင်းရပ်စ်ကူးစက်မှုကြောင့်ဆိုတာကို ထင်ထင်ရှားရှား တွေ့ထားကြောင်း သုတေသနပြုစုသူ အက်ဒ်ဝပ်ချောင်က ဆိုပါတယ်။

▪️ အဆိုပါ ရှေးဟောင်းမျိုးဗီဇတွေဟာ ERV ဗိုင်းရပ်စ်တွေရဲ့ လက်ကျန်အစအနတွေဖြစ်ပြီး နို့တိုက်သတ္တဝါတွေ တည်ရှိဖို့အတွက် အရေးကြီးပါတယ်။

▪️ ဒါပေမဲ့ ERV နဲ့ပတ်သက်ပြီး ကင်ဆာဆဲလ်တွေကတော့ မရှိသင့်တဲ့ အရာတွေ ဖြစ်ပါတယ်။
ကင်ဆာ ၂၁ မျိုးကို လေ့လာရာမှာ ERV မျိုးနွယ်တစ်ခုဖြစ်တဲ့ LTR10 မြင့်မားစွာပါဝင်တာကို တွေ့ခဲ့ကြပါတယ်။

▪️ ကျန်ရှိနေတဲ့ LTR10မျိုးဗီဇတွေကို လူသားတွေရဲ့ စအိုအူအကျိတ်ဆဲလ်တွေမှာ တွေ့ရပြီး ကင်ဆာဖြစ်လာစေတာ ဖြစ်ပါတယ်။

▪️ ကင်ဆာက ထိုဗိုင်းရပ်စ်ပျက်တွေကို အသုံးပြုကာ အကျိတ်တွေထဲက မျိုးဗီဇတွေကို ပုံစံပြောင်းလဲပစ်တယ်လို့ တွေ့ရှိထားပါတယ်။

▪️ လူသားတွေရဲ့ ကိုယ်ခံအားစနစ်တွေ ပျက်ယွင်းတဲ့အခါ ဇွန်ဘီဗိုင်းရပ်စ်တွေ ပြန်ထလာနိုင်ပြီး ကျန်းမာရေးပြဿနာများ ဖြစ်စေနိုင်တယ်လို့ သုတေသီများ ပြောပါတယ်။

#Source: WION

#World_Health
Published 05 August 2024

▪️ သက်သက်လွတ်စားသူတွေဟာ ပရိုတိန်းချို့တဲ့ခြင်း ဖြစ်နိုင်ခြေများတဲ့အတွက် အပင်အခြေပြု ပရိုတိန်းတွေ ထည့်စားပေးဖို့ အရေးကြီးပါတယ်။

▪️ ပရိုတိန်းက ခန္ဓာကိုယ်မှာလိုအပ်တဲ့ အာဟာရဓာတ်ကြီး ၃ မျိုးထဲမှာ အပါအဝင်ဖြစ်ပါတယ်။
ခန္ဓာကိုယ်ရှိ ကြွက်သားတစ်ရှူးတွေကို ပြုပြင်တည်ဆောက်ပေးပြီး ဇီဝကမ္မဖြစ်စဉ် အမျိုးမျိုးမှာလည်း ပါဝင်ပါတယ်။

▪️ ခန္ဓာကိုယ်နဲ့ စိတ် မျှတစွာတည်ရှိဖို့ရာအတွက် အရေးပါနေပြီး အမိုင်နိုအက်ဆစ်တွေနဲ့ ပရိုတိန်းတွေကို တည်ဆောက်ထားပါတယ်။

▪️ သက်သက်လွတ်စားသူတွေ အာဟာရဓာတ် မျှတစွာရရှိဖို့ ပရိုတိန်းကြွယ်ဝတဲ့ စားစရာတွေကို ဖော်ပြလိုက်ပါတယ်။

▪️ (၁) မြေပဲထောပတ် - ကျန်းမာရေးအတွက် ကောင်းတဲ့အဆီများ၊ အိုမီဂါ-၃၊ အိုမီဂါ-၆ တို့အပြင် ပရိုတိန်းဓာတ်များ ကြွယ်ဝစွာ ပါဝင်ပါတယ်။

▪️ (၂) အုတ်ဂျုံ - ပရိုတိန်းနဲ့ အမျှင်ဓာတ်များ ကြွယ်ဝတာကြောင့် ထည့်သွင်းစားသုံးရန် အထူးသင့်လျော်ပါတယ်။

▪️ (၃) ဟင်းရွက်စိမ်းများ - ဟင်းနုနွယ်၊ ကညွတ်၊ ဂေါ်ဖီထုပ်၊ ပဲစိမ်းတို့မှာ ပရိုတိန်းကြွယ်ဝစွာ ပါဝင်ပြီး အခြားအာဟာရဓာတ်များလည်း ပါဝင်ပါတယ်။

▪️ (၄) အခွံမာသီးများနှင့်အစေ့အဆန်များ - ပရိုတိန်းအပြည့်အဝရရှိဖို့ ဒီစားစရာတွေကို နေ့လယ်စာ ညစာစားတိုင်း ထည့်သွင်းသင့်ပါတယ်။

▪️ (၅) ပဲအမျိုးမျိုး - အမျိုးမျိုးသော ပဲတွေကို သင့်လျော်စွာ ချက်ပြုတ်ပါက ပရိုတိန်းအများအပြား ရရှိနိုင်ပါတယ်။

#Source: DoctorNDTV

၅ ဩဂုတ် ၂၀၂၄
အရှေ့မြောက်တိုင်းစစ်ဌာနချုပ်၏ အခြေအနေများနှင့်ပတ်သက်၍ သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်း ထွန်း က ဩဂုတ်၄ ရက်ညတွင် မီဒီယာများသို့ ရှင်းလင်းပြောကြားခဲ့ပါတယ်။ ပြောကြားချက်အပြည့်အစုံကို ဖော်ပြပေးအပ် ပါတယ်။
@ymg/knl

#World_Health
Published 04 August 2024

▪️ အမေရိကန်မှာ ရောင်းချနေတဲ့ ကိုကိုးစားစရာထုတ်ကုန်တွေမှာ အဆိပ်သင့်သတ္တုဓာတ်များ စိုးရိမ်စရာပမာဏ ပါဝင်နေတယ်လို့ ဂျော့ဂျ်ဝါရှင်တန်တက္ကသိုလ်က သတိပေးလိုက်ပါတယ်။

▪️ ချောကလက်မည်း အပါအဝင် ကိုကိုးအခြေပြု စားစရာ ၇၂ မျိုးကို အချိန် ၈ နှစ်ကြာအောင် သုတေသီများ ဆန်းစစ်ခဲ့ရာ ၄၃ ရာခိုင်နှုန်းမှာ ခဲပါဝင်မှုက ညွှန်ကြားထားတာထက် ပိုများနေပြီး ၃၅ ရာခိုင်နှုန်းမှာတော့ ကဒ်မီယံပမာဏက ကျော်လွန်နေပါတယ်။

▪️ အော်ဂဲနစ်လို့ အမည်တပ်ထားတဲ့ ထုတ်ကုန်တွေက အော်ဂဲနစ်မဟုတ်တဲ့ ထုတ်ကုန်တွေထက် ခဲနဲ့ ကဒ်မီယံပိုများနေပြီး ဒါတွေက မြေကြီး ဒါမှမဟုတ် ထုတ်လုပ်နေစဉ်အတွင်း ပါဝင်လာတာ ဖြစ်နိုင်ပါတယ်။

▪️ ဒီစားစရာတွေကို တစ်ခုတလေ စားတာက ကျန်းမာရေးအန္တရာယ် မဖြစ်နိုင်ပေမယ့် အများအပြားစားရင်တော့ ဖြစ်နိုင်ပါတယ်။

▪️ ချောကလက်က လူကြိုက်များပေမယ့် အခြားစားစရာတွေလိုပဲ တော်သင့်ရုံသာ စားဖို့က အရေးကြီးတယ်လို့ သုတေသနဦးဆောင်သူ လိတ်ဖရိမ်က ပြောပါတယ်။

▪️ ကမာကောင်တွေ၊ တိရိစ္ဆာန် အူကလီစာသားတွေ၊ ခဲပါဝင်မှုများတဲ့ မြေကြီးမှလုပ်တဲ့ ဖြည့်စွက်စာတွေမှာ ခဲပမာဏ အများအပြား ပါဝင်တတ်ပါတယ်။

▪️ ခဲထိတွေ့မှုများပါက သွေးပေါင်ချိန်တက်ခြင်း၊ ဦးနှောက် ကျောက်ကပ် မျိုးပွားကျန်းမာရေး ပြဿနာများ ဖြစ်နိုင်ပြီး ခဲဆိပ်သင့်ပါက ခေါင်းကိုက်ခြင်း၊ အစာအိမ် ကြွက်တက်ခြင်း၊ ဝမ်းချုပ်ခြင်း၊ ကြွက်သား အဆစ်အမြစ်နာကျင်ခြင်း၊ အိပ်ပျော်ရန်ခက်ခဲခြင်း၊ နွမ်းနယ်ခြင်း၊ လိင်စိတ်ဆန္ဒယုတ်လျော့ခြင်းတို့ ဖြစ်တတ်ပါတယ်။

▪️ ကဒ်မီယံအဆိပ်သင့်ပါက ဖျားနာချမ်းတုန်ခြင်း၊ ကြွက်သားနာကျင်ခြင်းတို့ ဖြစ်နိုင်ပြီး ကျောက်ကပ်၊ အရိုး၊ အဆုတ်ရောဂါများ ဖြစ်လာနိုင်ပါတယ်။

▪️ လူကြီးတွေအနေနဲ့ ချောကလက်မည်း စားလို့ ကျန်းမာရေးပြဿနာ ဆိုးဆိုးရွားရွား မရှိနိုင်ပေမယ့် ကလေးတွေမှာတော့ အန္တရာယ်ရှိနေနိုင်ပါတယ်။

#Source: New York Post

ပျူ‌မြို့ဟောင်းများမှ အသစ်တူးဖော်တွေ့ရှိရတဲ့ 'ပျူအက္ခရာနှင့်ပျူစာပေများ'အကြောင်း  ဆွေးနွေးပွဲပြုလုပ်သွားဖို့ရှိတယ်လို့ သိရပါတယ်။

#Local_News
Published 4 August 2024
#ပျူ‌မြို့ဟောင်း #'ပျူအက္ခရာနှင့်ပျူစာပေများ'
#YMG/tthl #Yangon_Times