#Daily_News
Published 23 January 2025

၁။ သနပ်ခါးလိမ်းခြယ်သည့်ဓ‌လေ့ ယူနက်စကိုတင်သွင်းရန်"သွေးချင်းစုံလင် သနပ်ခါးသဘင်"သရုပ်ဖေါ် ပြိုင်ပွဲကျင်းပမည်

၂။ SME နှစ်ဆင့်ချေးငွေ စီမံကိန်းမှတဆင့် ချေးငွေကျပ် ၃၈၇ ဒသမ ၅၄၃ ဘီလီယံ ထုတ်ချေးထား

၃။ ပင်စင်စားများကို စားအုန်းဆီ ပိဿာချိန် ၈သောင်းကျော် လစဉ်ရောင်းချပေးရန်လျာထား

၄။ ဒေါ်နယ်ထရမ့်လက်ထက်၌ တရုတ်အတွက်ရင်းနှီးမြှုပ်နှံမှုကြီးများ ဆက်လက်အခွင့်အလမ်းပေးသွားဖွယ်ရှိ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 23 January 2025

▪️ အိန္ဒိယနိုင်ငံ၊ ကော်လ်ကတ္တားမြို့တွင်  အနောက်ဘင်္ဂလားပြည်နယ်အစိုးရမှ ကြီးမှူး၍ “8th  Bengal Global Business Summit” ကို ဖေဖော်ဝါရီလ ၅ ရက်နေ့မှ ၆ ရက်နေ့အထိ ကျင်းပမည်ဖြစ်ရာ အဆိုပါထိပ်သီးအစည်းအဝေးသို့ မြန်မာနိုင်ငံမှ လုပ်ဖော်ကိုင်ဖက်နိုင်ငံ (Partner Country) အဖြစ် ပါဝင်တက်ရောက်နိုင်ရန် ဖိတ်ကြားထားကြောင်း သိရှိရသည်။

▪️ “8th  Bengal Global Business Summit” သို့ ပါဝင်တက်ရောက်သည့်အတွက် အခကြေးငွေ တစ်စုံတစ်ရာပေးရန် မလိုအပ်ဘဲဆွေးနွေးပွဲတစ်လျှောက်လုံး၌ အထူးဦးစားပေး၍ အသိအမှတ်ပြု ဆောင်ရွက်ပေးမည်ဖြစ်ကြောင်း၊ ၎င်းတို့၏ ကြော်ငြာများ၊ သတင်းအစီအစဉ်များနှင့် အမှတ်တံဆိပ်မြှင့်တင်ခြင်းအားလုံး၌ နိုင်ငံ၏အမည်ကို ထည့်သွင်းဖော်ပြပေးမည်ဖြစ်ကြောင်း။ နိုင်ငံတော်အလံကို ထင်ရှားစွာ ဖော်ပြပေးမည်ဖြစ်ပြီး၆ မီတာ x ၆ မီတာ သို့မဟုတ် ၅ မီတာ x ၅ မီတာ အကျယ်အဝန်းရှိ အခမဲ့ ပြခန်း ၁ ခန်း ရရှိမည်ဖြစ်ကြောင်း၊ B2B၊ G2G ဆွေးနွေးပွဲများတွင် ပါဝင်တက်ရောက်နိုင်မည်ဖြစ်ကြောင်း သိရသည်။

▪️ ထို့အပြင် MoUs နှင့် သဘောတူညီချက်များ ပြုလုပ်ဆောင်ရွက်နိုင်မည့် အခွင့်အလမ်းရှိမည်ဖြစ်ကြောင်း၊ သက်ဆိုင်ရာကဏ္ဍအလိုက် ဆွေးနွေးပွဲများတွင် ပါဝင်ဟောပြောခွင့်နှင့် ဆွေးနွေးတင်ပြခွင့်များ ရရှိမည်ဖြစ်ကြောင်း၊ အစိုးရ/သံရုံးတို့မှ တရားဝင်ကိုယ်စားလှယ်များအတွက် တည်းခိုနေထိုင်မှုနှင့် ပြည်တွင်းသွားလာမှုဆိုင်ရာကိစ္စရပ်များကို ပြပွဲစီစဉ်ဆောင်ရွက်သူဖက်မှ ကျခံဆောင်ရွက်ပေးမည်ဖြစ်ကြောင်း သိရသည်။

▪️ ထို Summit သို့ လုပ်ဖော်ကိုင်ဖက်နိုင်ငံအဖြစ် ပါဝင်တက်ရောက်လိုသည့် မြန်မာကိုယ်စားလှယ်များအနေဖြင့် မြန်မာကုန်သွယ်မှုမြှင့်တင်ရေးအဖွဲ့၊ ကုန်သွယ်မှုဖွံ့ဖြိုးရေးဌာနခွဲ၊ ဖုန်း-၀၆၇-၄၀၈၆၂၂၊ E-mail: This email address is being protected from spambots. You need JavaScript enabled to view it. သို့ ဆက်သွယ်စုံစမ်း စာရင်းပေးသွင်းနိုင်ကြောင်း သိရသည်။

#YMG/SW #Yangon_Times

အမေရိကန်သမ္မတ ဒေါ်နယ်ထရမ့်ဦးဆောင်တဲ့ အစိုးရအဖွဲဟာ တရုတ်ရင်းနှီးမြှုပ်နှံမှုကြီးတွေအတွက် အခွင့်အလမ်းများ ဆက်လက်ဖွင့်ပေးသွားဖွယ်ရှိတယ်လို အမေရိကန်-တရုတ် ဆက်ဆံရေး အမျိုးသားကော်မတီဥက္ကဌ စတီဖင်အော်လင်းစ်က ပြောပါတယ်။
#World_Business
Published 23 January 2025
#ဒေါ်နယ်ထရမ့် #အမေရိကန်-တရုတ်ဆက်ဆံရေး
#YMG #Yangon_Times #Yangon_Media_Group

ဈေးကွက်အတွင်းရောင်းချနေတဲ့ အမှတ်တံဆိပ်ပါ စားဆီဗူးတွေမှာ သက်ဆိုင်ရာဌာနရဲ့ ထောက်ခံချက်အမှတ် ပါဝင်ဖို့လိုအပ်တယ်လို့ စားသုံးသူရေးရာဦးစီးဌာနမှ သိရပါတယ်။
#Local_News
Published 23 January 2025
#အမှတ်တံဆိပ်ပါဗူးသွပ်ဆီ #ထောက်ခံချက်
#YMG/SW #Yangon_Times

ရန်ကုန်မြို့က ပင်စင်စားဝန်ထမ်း‌တွေကို လစဉ်စားအုန်းဆီပိဿာချိန်၈သောင်း ကနေ တစ်သိန်းအကြား လစဉ်ရောင်းချပေးဖို့ မျှော်မှန်းဆောင်ရွက်နေတယ်လို့ မြန်မာနိုင်ငံဆီကုန်သည်နှင့် ဆီလုပ်ငန်းရှင်များအသင်းက သိရပါတယ်။
#Local_News
Published 23 January 2025
#စားအုန်းဆီလစဉ်ရောင်းချပေး #ပင်စင်စား
#YMG/NN #Yangon_Times

SME နှစ်ဆင့်ချေးငွေစီမံကိန်းမှတဆင့် SME လုပ်ငန်းရှင် ၁၉၃၆ ဦးကို ချေးငွေကျပ် ၃၈၇ ဒသမ ၅၄၃ ဘီလီယံ ထုတ်ချေးထားပြီးဖြစ်တယ်လို့ SME နှစ်ဆင့်ချေးငွေစီမံကိန်း အသေးစားနှင့် အလတ်စားစီးပွားရေးလုပ်ငန်းများ ဘဏ်ချေးငွေရရှိရေးလုပ်ငန်းအဖွဲ့အစည်းအဝေးမှ သိရပါတယ်။
#Local_News
Published 23 January 2025
#SMEနှစ်ဆင့်ချေးငွေ #ဘဏ်ချေးငွေ
#YMG/SW #Yangon_Times

မြန်မာ့သနပ်ခါးလိမ်းခြယ်သည့်ဓ‌လေ့ ယူနက်စကိုတင်သွင်းဖို့အထောက်အကူ ဖြစ်စေတဲ့ လှုပ်ရှားမှုတစ်ခုအနေနဲ့"သွေးချင်းစုံလင် သနပ်ခါးသဘင် သရုပ်ဖေါ် ပြိုင်ပွဲ"ကို ရန်ကုန်မြို့တွင် လာမယ့်ဖေဖော်ဝါရီ ၁၂ရက်နေ့၊ ပြည်ထောင်စုနေ့မှာ
ကျင်းပသွားမယ်လို့ မြန်မာ့ယဥ်ကျေးမှု အမွေအနှစ်များ ထိန်းသိမ်းစောင့်ရှောက်ရေးအဖွဲ့က သိရပါတယ်။
#Local_News
Published 23 January 2025
#သနပ်ခါးလိမ်းခြယ်သည့်ဓ‌လေ့ #ယူနက်စကို
#YMG/NN #Yangon_Times

#Local_News
Published 23 January 2025

▪️ ကျန်းမာရေးဝန်ကြီးဌာနက ကြီးမှူးကျင်းပသော “(၅၃)ကြိမ်မြောက် မြန်မာ နိုင်ငံကျန်းမာရေးဆိုင်ရာ သုတေသနညီလာခံ” တတိယနေ့ကို ယမာန်‌ နေ့က  ရန်ကုန်မြို့၊ ဒဂုံမြို့နယ်၊ အမှတ်-၅၊ ဇီဝကလမ်းရှိ ဆေးသုတေ သနဦးစီးဌာန(ရုံးချုပ်)၌ ဆက်လက်ကျင်းပရာ သုတေသနစာတမ်းရှင်များက သုတေသန စာတမ်း စုစုပေါင်း(၁၀)စောင်ကို ဖတ်ကြားတင်ပြခဲ့ကြ ကြောင်း သိရသည်။  

▪️ မနက်ပိုင်းတွင် သုတေသနစာတမ်းများကို ဆေးဘက်ဆိုင်ရာနည်းပညာတက္ကသိုလ်နှင့် သွားဘက် ဆိုင်ရာဆေးတက္ကသိုလ်(မန္တလေး)တို့မှ  ကထိကများ၊ ဗဟိုအမျိုးသမီးဆေးရုံကြီး(ရန်ကုန်)၊ သားဖွား/ မီးယပ် အထူးကုဆရာဝန်၊ တပ်မတော်ဆေးတက္ကသိုလ်၊ အထွေထွေသမားတော်နှင့် ဘွဲ့လွန်သင်တန်းသူများ၊ ဆေးသု တေသနဦးစီးဌာန၊ ဒုတိယညွှန်ကြားရေးမှူးနှင့်  သုတေသနမှူးများက ဖတ်ကြားတင်သွင်းခဲ့ကြပြီး တက်ရောက် လာသူများက မေးမြန်းဆွေးနွေး အကြံပြုခဲ့ကြသည်။

▪️ မွန်းလွဲပိုင်းတွင် လူမှုဘဝနေထိုင်မှုနှင့် အစာအာဟာရစားသောက်မှုပုံစံများ ပြောင်းလဲလာခြင်းနှင့် အတူ မကူးစက်တတ်သော ရောဂါများဖြစ်ပွားမှုတိုးတက်များပြားလာသောကြောင့် ယင်းအပြုအမူများကို ဖော်ထုတ် ခြင်းဖြင့် ကျန်းမာရေးနှင့်ညီညွတ်သော လူမှုဘဝတိုးတက်လာစေရန်ရည်ရွယ်၍  ကျန်းမာရေးပြဿနာ ဖြစ်စေ နိုင်သည့် အချက်အလက်များဖော်ထုတ်ခြင်းဖြင့် ကျန်းမာရေးနှင့်ညီညွတ်သော လူမှုဘဝမြှင့်တင်စေရန် ဆောင်ရွက်ခြင်း - Promoting a Healthy Lifestyle and Addressing Health Risk Behaviors” ပညာရပ် ဆိုင်ရာနှီးနှောဖလှယ်ပွဲကို ကျင်းပခဲ့သည်။

▪️ အဆိုပါ  နှီးနှောဖလှယ်ပွဲတွင် ဆေးသုတေသနဦးစီးဌာန၊ ဒုတိယညွှန်ကြားရေးမှူးချုပ် (ငြိမ်း) ဒေါက်တာရဲတင့်လွင် က “အထိုင်လျော့ပါ၊ များများလှုပ်ရှားပါ- လေ့ကျင့်ခန်းသည်ဆေးဖြစ်သည်” ခေါင်းစဉ်ဖြင့်လည်းကောင်း၊ ပြည်သူ့ကျန်းမာရေးဦးစီးဌာန၊ ညွှန်ကြားရေးမှူး ဒေါက်တာသီတာဝင်းက “မြန်မာနိုင်ငံအတွင်း ဆေးရွက်ကြီး ထိန်းချုပ်ရေး” ခေါင်းစဉ်ဖြင့်လည်းကောင်း၊ ရှမ်းပြည်နယ်(မြောက်ပိုင်း)၊ ပြည်နယ်ပြည်သူ့ကျန်းမာရေး/ ကုသ ရေးဦးစီးဌာန၊ ပြည်နယ်ပြည်သူ့ကျန်းမာရေး/ကုသရေးဦးစီးဌာနမှူး ဒေါက်တာထွန်းညွန့်ဦးက “လိင်မှတစ်ဆင့် ကူးစက်တတ်သော ရောဂါများနှင့် HIV ရောဂါကို ကာကွယ်ခြင်းဖြင့် ကျန်းမာရေးကိုထိန်းသိမ်းခြင်း” ခေါင်းစဉ် ဖြင့်လည်းကောင်း၊ ဆေးတက္ကသိုလ်(၂)(ရန်ကုန်)၊ တွဲဖက်ပါမောက္ခ ဒေါက်တာမျိုးကျော်သူက “ကျန်းမာရေး ထိခိုက်စေသောအပြုအမူများကို ဖြေရှင်းနိုင်သော လူနေမှုပုံစံများအား စိတ်ကျန်းမာရှုထောင့်မှတင်ပြခြင်း” ခေါင်းစဉ်ဖြင့်လည်းကောင်း၊ ဆေးသုတေသနဦးစီးဌာန၊  ဒုတိယညွှန်ကြားရေးမှူး ဒေါက်တာကြေးမုံထွေးက “အာဟာရသည် ကလေးဘဝမှ အသက်အရွယ်ကြီးသူများအထိ ကျန်းမာရေးကို မည်ကဲ့သို့ထောက်ပံ့ပေးပြီး အန္တရာယ်ရှိသော အပြုအမူများကိုမည်ကဲ့သို့ကာကွယ်ပေးခြင်း”ခေါင်းစဉ်ဖြင့်လည်းကောင်း ဖတ်ကြားတင်သွင်း ခဲ့ကြပြီး တက်ရောက်လာသူများက မေးမြန်းဆွေးနွေး အကြံပြုခဲ့ကြ ကြောင်းသိရသည်။

#YMG/NN #Yangon_Times

#Local_News
Published 23 January 2025

▪️ မြန်မာနိုင်ငံ ရုပ်ရှင်အစည်းအရုံးဝင်အဖြစ်လျှောက်ထားခြင်းလုပ်ငန်းစဥ်များ ခေတ္တရပ်နားထားမည်ဖြစ်ကြောင်း အစည်းအရုံးကတရားဝင်ထုတ်ပြန်ထားသည်။

▪️ ထိုသို့ ရပ်နားထားခြင်းကို ယခုလ ၂၇ရက်တွင်စတင်သွားမည်ဖြစ်ရာ အသင်းဝင်အသစ်အဖြစ်လျှောက်ထားခြင်းကိုသာ ခေတ္တရပ်ဆိုင်းခြင်းဖြစ်ပြီး မုလအသင်းဝင်များ သက်တမ်းတိုးခြင်းကို ဆက်လက်ဆောင်ရွက်ပေးသွားမည်ဖြစ်ကြောက်း သိရသည်။

▪️ အသင်းဝင်သစ် လျှောက်လွှာလက်ခံခြင်းကို ဖေဖော်ဝါရီလ ဒုတိယပတ်တွင်ပြန်လည်စတင်သွားမည်ဖြစ်ကြောင်းသိရသည်။

▪️ မြန်မာနိုင်ငံရုပ်ရှင်အစည်းအရုံး၏ အသင်းဝင် ရုပ်ရှင်လောပသားများအတွက် ၁၆ကြိမ်မြောက် ဆန်၊ဆီနှင့် စားသောက်ကုန်များ ထောက်ပံ့လှူဒါန်း ခြင်းကို ယခုလ၂၂ရက်မှ ၂၅ရက်အထိ ပြုလုပ်လျှက်ရှိကြောင်း သိရသည်။

#YMG/SW #Yangon_Times

၂၂ ဇန်နဝါရီ ၂၀၂၅

တရုတ်သမ္မတ ရှီကျင့်ဖျင်နှင့်  ရုရှားသမ္မတပူတင်တို့ဟာ  ဗီဒီယိုမှတစ်ဆင့် အင်္ဂါနေ့က တွေ့ဆုံဆွေးနွေးစကားပြောဆိုခဲ့ကြပါတယ်။  တရုတ်နှင့်ရုရှားတို့ရဲ့ဆက်ဆံရေးဟာ ၂၀၂၅ခုနှစ်မှာ နောက်တပ်အမြင့်တစ်ခုတက်လှမ်းဖို့ အတူတကွပူးပေါင်းဆောင်ရွက်ရေး ပူတင်ကို တိုက်တွန်းခဲ့ပါတယ်။

Source CCTV+

၁၉ ဇန်နဝါရီ၊ ၂၀၂၅

တရုတ်နိုင်ငံ အနောက်တိုင်းပိုင်း ကွေကျူးပြည်နယ်မှာ တည်ဆောက်နေတဲ့ ကမ္ဘာ့အမြင့် ဆုံးတံတားဖြစ်လာမယ့် တံတားတစ်စင်းရဲ့ အဓိကအစိတ်အပိုင်းတည်ဆောက်မှု သောကြာနေ့က ပြီးစီးသွားပါတယ်။

 Source CCTV+

#Local_News
Published 23 January 2025

▪️ ဒဂုံမြို့သစ်တောင်ပိုင်းတွင်  ယနေ့မနက်အစောပိုင်း၌ ကုန်စုံဈေးဆိုင်တစ်ဆိုင် မီးလောင်မှုဖြစ်ပွားခဲ့ကြောင်း ဒေသခံများထံမှ သိရသည်။

▪️ ဇန်နဝါရီ ၂၃ ရက်နေ့၊ မနက်၆နာရီ ၂မိနစ် အချိန်ခန့်က ရန်ကုန်တိုင်းဒေသကြီး၊ ဒဂုံမြို့သစ်(တောင်ပိုင်း)မြို့နယ်၊ (၅၆)ရပ်ကွက်၊ စုပြည့်ရတနာလမ်းတွင် မီးလောင်မှုဖြစ်ပွားခဲ့ကြောင်း သိရသည်။

▪️ အဆိုပါ  သတင်းရရှိသဖြင့် ဒဂုံမြို့သစ်(တောင်ပိုင်း)မြို့နယ်မီးသတ်စခန်းမှ မီးငြှိမ်းသတ်ယာဉ်(၂)စီး၊ မီးသတ်ရေသယ်ယာဉ်(၁)စီး၊ (၇၀)နယ်မြေမီးသတ်စခန်းမှ မီးငြှိမ်းသတ်ယာဉ်(၁)စီး၊ ဒဂုံဆိပ်ကမ်းမြို့နယ်မီးသတ်စခန်းမှ မီးငြှိမ်းသတ်ယာဉ်(၂)စီး၊ သန္ဓေမီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရာ ၆နာရီ ၂၃ မိနစ်အချိန် ၌ မီးထိန်းနိုင်ခဲ့ပြီး ၆ နာရီ၂၈ မိနစ်အချိန်၌  မီးငြိမ်းခဲ့‌ ကြောင်းသိရသည်။

▪️ ယင်းဖြစ်စဉ်ကြောင့် မီးစတင်လောင်ခဲ့သည့် ကုန်စုံဆိုင်မှာပျက်စီးဆုံးရှုံးခဲ့ပြီး အသေးစိတ်အချက်များအားဆက်လက်စုံစမ်းနေကြောင်းသိရသည်။

#YMG/NN #Yangon_Times