#Daily_News
Published 24 January 2025

၁။ အထူးစျေးကွက်နှင့် ချိတ်ဆက်ပေးမည့်ပွဲတွင် ပါဝင်လိုသည့် လုပ်ငန်းရှင်များကို သံရုံးကကူညီပေးမည်

၂။ ဓာတ်ဆီဈေးတက်၊ သုံးပတ်အတွင်းဒီဇယ်တစ်လီတာ ကျပ်၃၀၀‌ ကျော်ခန့်အထိ‌ဈေးတက်လာ

၃။ ကမ္ဘာ့ရွှေဈေးမြင့်တက်‌နေခြင်းကြောင့်သာ မြန်မာ့ရွှေဈေးတက်လာခြင်းဖြစ်

၄။ (၂၀၂၄)ကမ္ဘာ့စက်ရုပ်ပြိုင်ပွဲ ဖိုင်နယ်၌ ကမ္ဘာတဝှမ်းမှ လူငယ်စက်ရုပ်ဝါသနာရှင်အများအပြား ဝင်ရောက်ယှဉ်ပြိုင်... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#Local_News
Published 24 January 2025

▪️ မန္တလေးမြို့၌ (၂၁)ကြိမ်မြောက် မြို့တော်ဝန်ဖလား ဟင်းသီးဟင်းရွက်နှင့် သစ်သီးဝလံပန်းမန်ပြပွဲ၊ ပြိုင်ပွဲကို  လာမည့်လအတွင်း ကျင်းပသွားမည်ဖြစ်ကြောင်း မန္တလေးမြို့တော်စည်ပင်သာယာရေးကော်မတီမှ သိရသည်။

▪️ ထိုသို့ကျင်းပရာတွင် ၇၈ လမ်းနှင့် သိပ္ပံလမ်းထောင့်၊ ဆင်ဖြူကန်ကွင်းအရှေ့ဘက်ခြမ်းတွင် ဖေဖော်ဝါရီလ ၁၁ ရက်မှ ၁၄ ရက်အထိ ကျင်းပသွားမည် ဖြစ်ကာ ပန်းအလှပြုပြင်ခြင်းပြိုင်ပွဲ၊ ပန်းအလှပင်ပြိုင်ပွဲ၊ ရာသီပန်းအလှပင်ပြိုင်ပွဲ၊ အရွက်အလှပင်ပြိုင်ပွဲ၊ ရွက်လှပင်ပြိုင်ပွဲ၊ ပြည်တွင်းသစ်ခွပြိုင်ပွဲ၊ ပြည်ပသစ်ခွပြိုင်ပွဲ(ကတ်တလီးယားပြိုင်ပွဲ)၊ ပြည်ပသစ်ခွ(စင်ဘီးဒီးယမ်းပြိုင်ပွဲ)၊ ပြည်ပသစ်ခွ(ဗန်ဒါပြိုင်ပွဲ)၊ နှင်းဆီပင်အမျိုးမျိုးပြိုင်ပွဲ များပါဝင်မည်ဖြစ်ကြောင်းသိရသည်။

▪️ ထို့အပြင် ရှားဇောင်းပင်ပြိုင်ပွဲ၊ သက်ကြီးပုပင်(ဘွန်ဆိုင်း)ပြိုင်ပွဲ၊ အသီးပါတဲ့ အလှအပင်ပြိုင်ပွဲ၊ ဟင်းသီးဟင်းရွက် အရွက်ပြိုင်ပွဲ(ဥပမာ-မုန်ညင်းရွက်)၊ ဟင်းသီးဟင်းရွက် အထုပ်ပြိုင်ပွဲ(ဥပမာ-ဂေါ်ဖီထုပ်၊ ပန်းမုန်လာထုပ်)၊ ဟင်းသီးဟင်းရွက် အသီးအပါအဝင်ပြိုင်ပွဲ(ဥပမာ-ခရမ်း၊ ငရုတ်)၊ ဟင်းသီးဟင်းရွက် ဥပြိုင်ပွဲ(ဥပမာ-မုန်လာဥ)၊ သစ်သီးပြိုင်ပွဲ(ဥပမာ-သင်္ဘောသီး၊ ဖရဲသီး)၊ ဟင်းသီး အသီးအလုံးလိုက်ပြိုင်ပွဲ(ဥပမာ-ဘူးသီး)၊ သစ်သီးဝလံအခိုင်လိုက်ပြိုင်ပွဲ(ဥပမာ-ငှက်ပျောခိုင်၊ အုန်းသီးခိုင်)၊ သစ်သီးဝလံဥပြိုင်ပွဲ(ဥပမာ-စိမ်းစားဥ၊ ကန်စွန်းဥ၊ ဝဥ၊ မျောက်ဥ)၊ ဟင်းသီးအသီးအနှံအတွဲလိုက်ပြိုင်ပွဲ (ဥပမာ-ခရမ်းချဉ်သီး)နှင့် သစ်သီးပုံဖော်အလှဆင်ခြင်း ပြိုင်ပွဲများ စုစုပေါင်းပြိုင်ပွဲပေါင်း ၂၃ ပွဲမျိုးကို ထည့်သွင်းကျင်းပသွားမည် ဖြစ် ကြောင်း သိရသည်။

▪️ အဆိုပါ  ပြိုင်ပွဲအမျိုးအစားအားလုံးအတွက် ပထမဆု၊ ဒုတိယဆု၊ တတိယဆု၊ နှစ်သိမ့်ဆု ၃ ဆု ချီးမြှင့်သွားမည် ဖြစ်ပြီး ပါဝင်ယှဉ်ပြိုင်လိုသူများအနေဖြင့်  ဟင်းသီးဟင်းရွက်နှင့် သစ်သီးဝလံပန်းမန်များအား ဆင်ဖြူကန်ကွင်းအရှေ့ဘက်ခြမ်း ကွပ်ကဲရေးရုံးသို့ ၂၀၂၅ ခုနှစ်၊ ဖေဖော်ဝါရီလ ၉ ရက် ရုံးချိန်အတွင်း ပေးပို့ရမည်ဖြစ်ကြောင်း သိရသည်။

▪️ ပန်းအလှပြုပြင်ခြင်းနှင့် သစ်သီးပုံဖော်အလှဆင်ခြင်း ပြိုင်ပွဲများအတွက်ကိုမူ  ပြိုင်ပွဲဝင်ပစ္စည်းများကို ဖေဖော်ဝါရီလ ၁၀ ရက်၊ မနက် ၁၁ နာရီ အထိ လက်ခံဆောင်ရွက်ပေးမည်ဖြစ်ကြောင်း သိရသည်။

#YMG/NN #Yangon_Times

မြန်မာ့လက်ဖက် စားသုံးတဲ့ဓလေ့ကို ကမ္ဘာ့ယဉ်ကျေးမှုအမွေအနှစ်  ယူနက်စကို သို့တင်သွင်းသွားမယ်လို့ မြန်မာ့ယဉ်ကျေးမှုအမွေအနှစ်များ ထိန်းသိမ်းစောင့်ရှောက်ရေးအဖွဲ့က သိရပါတယ်။
#Local_News
Published 24 January 2025
#မြန်မာ့လက်ဖက် #ယူနက်စကိုတင်သွင်း
#YMG/NN #Yangon_Times

ရန်ကုန်ဈေးကွက်မှာပြီးခဲ့တဲ့အပတ်ကကျဆင်းလာတဲ့ ဓာတ်ဆီဈေးတွေပြန်လည်မြင့်တက်လာပြီး ဒီဇယ်ဈေး‌တွေကတော့ သုံးပတ်တာအတွင်းတစ်လီတာကို ကျပ်၃၀၀ကျော်ခန့်အထိမြင့်တက်လာတယ်လို့ စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်ရေးကော်မတီရဲ့ ဒီကနေ့ထုတ်ပြန်ချက်အရ သိရပါတယ်။
#Local_News
Published 24 January 2025
#ဓာတ်ဆီဈေးတက် #သိုလှောင်ဖြန့်ဖြူးခြင်းလုပ်ငန်း
#YMG/NN #Yangon_Times

လတ်တလောမြန်မာ့ရွှေဈေးမြင့်တက်လာခြင်းဟာ ကမ္ဘာ့‌ရွှေဈေးမြင့်တက်‌နေတာကြောင့်ဖြစ်တယ်လို့ ရန်ကုန်တိုင်းဒေသကြီးရွှေလုပ်ငန်းရှင်များအသင်း ဥက္ကဌဦးမျိုးမြင့်က ပြောပါတယ်။
#Local_News
Published 24 January 2025
#ကမ္ဘာ့ရွှေဈေးမြင့်တက်‌ #မြန်မာ့ရွှေဈေးတက်
#YMG/SW #Yangon_Times

ဗီယက်နမ်နိုင်ငံ၊  ဟနွိုင်းမြို့မှာလုပ်ငန်းရှင်တွေကို အထူးဈေးကွက်တွေနဲ့ မိတ်ဆက်ပေးမယ့် စီးပွားရေးပြပွဲတစ်ခုကို ပြုလုပ်မည်ဖြစ်ရာ ပါဝင်လိုတဲ့ မြန်မာလုပ်ငန်းရှင်တွေကို မြန်မာသံရုံးက ပူးပေါင်းကူညီဆောင်ရွက်သွားမယ်လို့ သိရပါတယ်။
#Local_News
Published 24 January 2025
#ဗီယက်နမ်နိုင်ငံ #သံရုံးကကူညီပေး
#YMG/SW #Yangon_Times

#World_News
Published 24 January 2025

▪️ အမေရိကန်မှာ မွေးဖွားသူများ အလိုအလျောက်နိုင်ငံသားဖြစ်ခွင့်ကို ပိတ်ပင်သွားမယ့် သမ္မတဒေါ်နယ်ထရမ့်အစိုးရအဖွဲ့ရဲ့ ကြိုးပမ်းမှုကို ဆီအက်တယ်လ်မှ ဖက်ဒရယ်တရားသူကြီးတစ်ဦးက ကြာသပတေးနေ့မှာ တားမြစ်လိုက်ပြီး ဒါဟာ အခြေခံဥပဒေနဲ့ ထင်ထင်ရှားရှား မကိုက်ညီဘူးလို့ ပြောသွားပါတယ်။

▪️ ဒေါ်နယ်ထရမ့် ပထမဆုံးတာဝန်ထမ်းဆောင်တဲ့ တနင်္လာနေ့မှာပဲ လက်မှတ်ရေးထိုးခဲ့တဲ့ ညွှန်ကြားချက်နဲ့ ပတ်သက်ပြီး ဒီမိုကရက်တစ်ဦးဆောင်တဲ့ ပြည်နယ် ၄ ခုရဲ့ တိုက်တွန်းချက်ဖြင့် အမေရိကန် ခရိုင်တရားသူကြီး ဂျွန်ကော့ဖန်နော်က ယာယီတားမြစ်အမိန့် ထုတ်ပြန်လိုက်တာ ဖြစ်ပါတယ်။

▪️ ဒီအမိန့်ဟာ အခြေခံဥပဒေနဲ့ မညီညွတ်ဘူးဆိုတာ ထင်ရှားတယ်လို့ ထရမ့်အမိန့် ခုခံကာကွယ်ပေးနေတဲ့ အမေရိကန် တရားစီရင်ရေးဌာနမှ ရှေ့နေကို ပြောလိုက်ပါတယ်။

▪️ ဒီအမိန့်ကို ပြည်နယ် ၂၂ ခုမှ လူ့အခွင့်အရေးအဖွဲ့များနဲ့ ဒီမိုကရက်တစ်ရှေ့နေချုပ်တွေက တရားစွဲဆိုချက် ၅ ခုတင်ထားပြီးဖြစ်ကာ အမေရိကန် အခြေခံဥပဒေကို ချိုးဖောက်ရာကျတယ်လို့‌ ပြောနေကြပါတယ်။

▪️ ထိုအမိန့်အရဆိုရင် ဒီနေ့ကစပြီး မွေးတဲ့ကလေးတွေဟာ အမေရိကန်နိုင်ငံသားအဖြစ် မခံယူရတော့ဘူးလို့ ဝါရှင်တန် လက်ထောက်ရှေ့နေချုပ် လိန်းပိုလိုဇိုလာက ကြားနာမှုအစပိုင်းမှာ ပြောခဲ့ပါတယ်။

▪️ အမေရိကန်မှာ မွေးဖွားသူမှန်သမျှ နိုင်ငံသားဖြစ်ခွင့်ရှိတဲ့ အခြေခံဖွဲ့စည်းပုံ ပြင်ဆင်ချက်-၁၄ရဲ့ နိုင်ငံသားဖြစ်ခွင့်အပိုဒ်ကို ထရမ့်တို့က ချိုးဖောက်တယ်ဆိုပြီး စွပ်စွဲနေကြတာ ဖြစ်ပါတယ်။

▪️ အမေရိကန်မှာ မွေးတဲ့ကလေးတွေအနေနဲ့ မိဘတစ်ဦးဦးက အမေရိကန်နိုင်ငံသား သို့မဟုတ် တရားဝင်အမြဲတမ်းနေထိုင်သူ မဟုတ်ပါက နိုင်ငံသားဖြစ်ခွင့် မပေးရန် ထရမ့်က သမ္မတအမိန့်ညွှန်ကြားထုတ်ပြန်ခဲ့ပါတယ်။

▪️ အမေရိကန် တရားရေးဌာနကတော့ ဒီတိုင်းပြည်ရဲ့ လူဝင်မှုကြီးကြပ်ရေးစနစ် ချို့ယွင်းနေခြင်းနဲ့ တောင်ပိုင်းနယ်စပ်က ပြဿနာတို့ကို ဖြေရှင်းဖို့ သမ္မတကြိုးပမ်းအားထုတ်နေရာမှာ ဒီအမိန့်က အရေးပါတဲ့ တစ်စိတ်တစ်ပိုင်းဖြစ်ကြောင်း ဗုဒ္ဓဟူးနေ့နှောင်းပိုင်းမှာ ထုတ်ပြန်ခဲ့ပါတယ်။

▪️ အမေရိကန်မှာ နိုင်ငံသားမဟုတ်တဲ့ မိဘတွေကနေ မွေးလာတဲ့ကလေးတွေ နိုင်ငံသားဖြစ်ခွင့်ရရှိတဲ့ ဥပဒေဟာ လွန်ခဲ့တဲ့ ၁၂၇ နှစ်ကစတင်တယ်လို့ သိရှိထားကြောင်း ဒီမိုကရက်တစ် ပြည်နယ်ရှေ့နေချုပ်တွေက ဆိုပါတယ်။

#Source: NDTV

#World_Health
Published 24 January 2025

▪️ တစ်နေ့ကို လက်ဖက်စိမ်းရည် ၃ ခွက်နဲ့အထက် သောက်သုံးပါက ဦးနှောက်စွမ်းဆောင်ရည် ကျဆင်းခြင်းနဲ့ ဒီမန်ရှာဖြစ်ခြင်းတို့ကနေ ဦးနှောက်ကို ကာကွယ်ပေးနိုင်ဖွယ်ရှိတယ်လို့ ဂျပန်လေ့လာချက်တစ်ခုမှာ ဖော်ပြထားပါတယ်။

▪️ အသက် ၆၅ နှစ်နဲ့အထက် လူ ၈ ထောင်ကျော်ကို အချိန် ၂ နှစ်တာစောင့်ကြည့်ခဲ့ပြီး MRI ဦးနှောက်ဓာတ်မှန်ရိုက်ခြင်းနဲ့ စားစရာစစ်တမ်းများ ရယူခြင်းတို့ဖြင့် အချက်အလက်များ ဆန်းစစ်ခဲ့ကြပါတယ်။

▪️ ထိုအခါမှာ လက်ဖက်စိမ်းရည် များများသောက်သုံးခြင်းနဲ့ ဦးနှောက်အတွင်း အဖြူသားထိခိုက်မှု လျော့နည်းခြင်းတို့ကြား ဆက်စပ်နေတာ တွေ့ရပါတယ်။

▪️ ဦးနှောက်အဖြူသား ထိခိုက်တာဟာ ဦးနှောက်ကျန်းမာရေး မကောင်းတဲ့လက္ခဏာဖြစ်ပြီး ဦးနှောက်စွမ်းဆောင်ရည် ကျဆင်းခြင်း၊ မှတ်ဉာဏ်ပြဿနာ၊ ဒီမန်ရှာပုံစံ၊ အယ်လ်ဇိုင်းမားတို့နဲ့ ဆက်စပ်နေပါတယ်။

▪️ နေ့စဉ် လက်ဖက်စိမ်းရည် အနည်းဆုံး ၃ ခွက်သောက်သူတွေဟာ တစ်ခွက်သောက်တဲ့သူတွေထက် ဦးနှောက်အဖြူသား ထိခိုက်မှု လျော့နည်းတာ တွေ့ရပါတယ်။

▪️ ဒါပေမဲ့ ဦးနှောက်စွမ်းဆောင်ရည်၊ မှတ်ဉာဏ်တို့နဲ့ ဆက်စပ်နေတဲ့ ဟစ်ပိုကမ်ပက်စ်နေရာမှာတော့ သက်ရောက်မှုမရှိတာ တွေ့ရပါတယ်။

▪️ ဒါ့အပြင် အယ်လ်ဇိုင်းမားနဲ့ ဆက်စပ်နေတဲ့ APOE4 မျိုးဗီဇကွဲရှိတဲ့သူတွေမှာလည်း လက်ဖက်စိမ်းရည်သောက်ခြင်းက သက်ရောက်မှု မရှိပါဘူး။

▪️ အသက်အရွယ်၊ ကျား/မ၊ လှုပ်ရှားမှုတို့ကိုပါ ထည့်တွက်ရင်လည်း လက်ဖက်စိမ်းရည် သောက်သုံးခြင်းနဲ့ ဦးနှောက်အဖြူသား ထိခိုက်မှု လျော့နည်းခြင်းတို့ကြား ဆက်စပ်နေဆဲဖြစ်ပါတယ်။

▪️ လက်ဖက်စိမ်းမှာပါတဲ့ ဓာတ်တိုးဆန့်ကျင်ပစ္စည်းတွေက ရောင်ရမ်းခြင်းကို ဆန့်ကျင်ပေးသလို သွေးလည်ပတ်မှုနဲ့ သွေးပေါင်ချိန်တို့ကို သက်ရောက်တာကြောင့် အယ်လ်ဇိုင်းမား ဖြစ်နိုင်ခြေ လျော့နည်းစေတာ ဖြစ်နိုင်ပါတယ်။

▪️ ဦးနှောက်အဖြူသား ထိခိုက်မှုက အသက်ကြီးလာရင် အဖြစ်များလာပြီး လက္ခဏာမပြတတ်ပါဘူး။

#Source: The Jerusalem Post

#Local_News
Published 24 January 2025

▪️ ရန်ကုန်မြို့ရှိ စမ်းချောင်းမြို့နယ် မြေနီကုန်းနှင့်အလုံမြို့နယ်များ၌  မနက်ပိုင်းတွင် မိနစ်ပိုင်းသာခြား၍ တစ်ပြိုင်နက်နီးပါး မီးလောင်မှုများဖြစ်ပွားခဲ့ကြောင်း မြန်မာနိုင်ငံမီးသတ်တပ်ဖွဲ့မှ သိရသည်။

▪️ ဇန်နဝါရီ ၂၄ရက်နေ့၊ မနက် ၁၁နာရီ ခွဲ  အချိန်၌  ရန်ကုန်တိုင်းဒေသကြီး၊ စမ်းချောင်းမြို့နယ်၊ မြေနီကုန်းမြောက်ရပ်ကွက်၊ ဓမ္မစေတီလမ်းတွင် မီးလောင်မှုဖြစ်ပွားခဲ့ကြောင်း သိရသည်။

▪️ အဆိုပါ သတင်းရရှိသဖြင့် စမ်းချောင်းမြို့နယ်မီးသတ်စခန်းမှ မီးငြှိမ်းသတ်ယာဉ်(၂)စီး ထွက်ခွာငြိမ်းသတ်ခဲ့ရာ ၁၁ နာရီ ၃၃ မိနစ်အချိန်တွင် မီးငြိမ်းခဲ့ ကြောင်း သိရသည်။

▪️ အလားတူ ဇန်နဝါရီ ၂၄ ရက်နေ့၊ မနက်၁၁နာရီ  ၃၉ မိနစ် အချိန်က ၊ အလုံမြို့နယ်၊ စောရန်ပိုင်(တောင်)ရပ်ကွက်၊ ငုဝါလမ်းတွင် မီးလောင်မှုဖြစ်ပွားခဲ့ကြောင်း သိရသည်။ 

▪️ အလုံမြို့နယ်မီးသတ်စခန်းမှ မီးငြှိမ်းသတ်ယာဉ်(၄)စီး၊ ကြည့်မြင်တိုင်မြို့နယ်မီးသတ်စခန်းမှ ရေသယ်ယာဉ်(၁)စီး၊ စမ်းချောင်းမြို့နယ်မီးသတ်စခန်းမှ ရေသယ်ယာဉ်(၁)စီး၊ ကျောက်တံတားမြို့နယ်မီးသတ်စခန်းမှ ရေသယ်ယာဉ်(၁)စီး၊ ကမာရွတ်မြို့နယ်မီးသတ်စခန်းမှ ရေသယ်ယာဉ်(၁)စီးတို့ဖြင့် ထွက်ခွာငြိမ်းသတ်ခဲ့ရာ
၁၁ နာရီ၄၃မိနစ် အချိန်တွင် မီးထိန်း၍ ၁၁နာရီ ၄၉မိနစ် အချိန်တွင် မီးငြိမ်း နိုင်ခဲ့ကြောင်း သိရသည်။

▪️ ရန်ကုန်တိုင်းတွင် ပွင့်လင်းရာသီရောက်ရှိလာသောကြောင့် ယခုလအတွင်း မီးလောင်မှုအကြိမ်များ ခပ်စိတ်စိတ်ဖြစ်ပွားနေပြီး သက်ဆိုင်ရာမှလည်း မီးဘေးသတိပေးချက်များ ထုတ်ပြန်ပေးလျှက်ရှိကြောင်း သိရသည်။

#YMG/NN #Yangon_Times

#Local_News
Published 24 January 2025

▪️ ယနေ့နံနက်အစောပိုင်းက အင်အားအသင့်အတင့်ရှိသော မြေငလျင်တစ်ခု ဟုမ္မလင်းမြို့အနီးတွင် လှုပ်ခတ်ခဲ့ကြောင်း မိုးလေဝသနှင့်ဇလဗေဒညွန်ကြားမှုဦးစီးဌာနမှ သိရသည်။

▪️ ထုတ်ပြန်ချက်တွင်၂၀၂၅ ခုနှစ်၊ ဇန်နဝါရီလ ၂၄ ရက်နေ့၊ မြန်မာစံတော်ချိန် (၀၁)နာရီ၊ (၅၃)မိနစ်၊ (၃၃) စက္ကန့် အချိန်တွင် တမူးမြေငလျင်စခန်းမှ အရှေ့မြောက်ဘက် (၆၃)မိုင်ခန့် ကွာဝေးသော မြန်မာနိုင်ငံပြည်တွင်း (ဟုမ္မလင်းမြို့၏ အရှေ့-အရှေ့တောင်ဘက် (၉)မိုင်ခန့်အကွာ)၊ မြောက်လတ္တီတွဒ် (၂၄.၈၃) ဒီဂရီ၊ အရှေ့လောင်ဂျီတွဒ် (၉၅.၀၅)ဒီဂရီ၊ အနက် (၄၃)ကီလိုမီတာကို ဗဟိုပြု၍ အင်အားရစ်(ခ်)တာစကေး (၅.၂)အဆင့်ရှိ အင်အားအသင့်အတင့်ရှိသော မြေငလျင်တစ်ခု လှုပ်ရှား သွားကြောင်း တိုင်းထွာရရှိပါသည်။ဖော်ပြပါရှိသည်။

#YMG/SW #Yangon_Times

#Local_News
Published 24 January 2025

▪️ နိုင်ငံကျော်အဆိုတော်တစ်ဦးဖြစ်သည့် အဆိုတော် မာရဇ္ဇ သည် ရန်ကုန်မြို့ ဗဟိုစည်ဆေးရုံတွင် ယမန်နေ့ည (ဇန်နဝါရီ ၂၃ ရက် ညပိုင်း)က ကွယ်လွန်သွားခဲ့ကြောင်းသိရသည်။

▪️ အဆိုတော် မာရဇ္ဇကွယ်လွန်ခြင်းနှင့် ပတ်သက်၍ ဂစ်တာပညာရှင်ကိုနိုင်ဇော်က "ကျနော့်ရဲ့ Juke Box Bandနဲ့ လက်တွဲခဲ့တဲ့အဆိုကျော်(ကို)မာရဇ္ဇမနေ့ညက ကွယ်လွန်သွားတယ်သိရလို့ မိသားစုနဲ့ထပ်တူကြေကွဲရပါတယ်" ဟု ၎င်း၏လူမှုကွန်ရက်တွင် ရေးသားထားသည်ကို တွေ့ရသည်။

▪️ ထို့ပြင် ညီဖြစ်သူကလည်း “အနုပညာနဲ့ပတ်သက်ရင်

▪️ အလွန် မာနကြီးသော
▪️ အလွန် ခေါင်းမာသော
▪️ အလွန် အကောင်းကြိုက်သော ငါ့အကိုရေ
▪️ ကောင်းရာသုဂတိ လားပါစေကွာ
▪️ မင်းပြောနေကျ စကားအတိုင်းပေါ့လေ
" အရာရာဟာ အချိန်အခါပါ "

▪️ တမလွန်မှာ သီချင်းတွေဆက်လက်ဖန်တီးနိုင်ပါစေ ငါ့အကို”ဟု သူ၏လူမှုကွန်ရက်တွင် ရေးသားထားသည်ကို တွေ့ရသည်။

▪️ အဆိုတော် မာရဇ္ဇ သည် ကျောက်ကပ်ရောဂါဖြင့်ကွယ်လွန်ခဲ့ခြင်းဖြစ်ပြီး ၎င်း မကွယ်လွန်မီ THOR တွင် နောက်ဆုံးဖျော်ဖြေခဲ့ကြောင်း သိရသည်။

#YMG/SW #Yangon_Times

#World_Lifestyle
Published 24 January 2025

▪️ Gen Zလို့ခေါ်တဲ့ ဂျန်ဇီလူငယ်မျိုးဆက်အများစုဟာ ဆံပင်ဖြူနေကြပြီဖြစ်ပြီး အချို့ဆိုရင် အသက် ၁၉ နှစ်လောက်နဲ့ ဆိုရှယ်မီဒီယာပေါ်မှာ ဆံပင်ဖြူလေးတွေကို ပြသလာကြပါတယ်။

▪️ ဥရောပလူဖြူတွေက အသက် ၃၀ ဝန်းကျင်၊ အာရှလူမျိုးတွေက အသက် ၃၀ နောက်ပိုင်း၊ အာဖရိကလူမျိုးတွေက အသက် ၄၀ အလယ်ပိုင်းတို့မှာ ဆံပင်စတင်ဖြူလာကြတာကြောင့် ယခုဂျန်ဇီတွေက ဆယ်စုနှစ် ၂ ခုစာလောက်စောပြီး ဆံပင်ဖြူနေကြတာ ဖြစ်ပါတယ်။

▪️ ကျန်းမာရေးအရကြည့်ရင် အရွယ်မတိုင်ခင် ဆံပင်ဖြူလာတာဟာ ကျန်းမာရေးပြဿနာတွေကို ညွှန်ပြနေပါတယ်။

▪️ အိုဟိုင်ယိုမှ ကျန်းမာရေးနည်းပြ ကတ်ထရီနာအော်လီက ဒါဟာ သတ္တုဓာတ် မညီမျှခြင်းကြောင့်လို့ ပြောပါတယ်။

▪️ ဇင့်နဲ့ ကယ်လ်စီယံပမာဏ မြင့်မားပြီး သံဓာတ်နဲ့ မန်ဂနိစ်ပမာဏ လျော့နည်းတာကြောင့် ဦးရေပြားကနေ ဆံဖြူထွက်စေတယ်လို့ ဖော်ပြသွားပါတယ်။

▪️ ကြေးနီ၊ ဇင့်၊ သံဓာတ်တို့က ရောင်ခြယ်ထုတ်လုပ်မှုမှာ ပတ်သက်နေတယ်လို့ NYCမှ အသိအမှတ်ပြု အရေပြားဆရာဝန် ဗစ်တိုရီယာကက်ဇ်လိုဆူကာယာက ပြောသွားပါတယ်။

▪️ သံဓာတ်ချို့တဲ့ သွေးအားနည်းတဲ့သူတွေမှာလည်း အရွယ်မတိုင်ခင် ဆံပင်ဖြူတတ်ပြီး သံဓာတ်ချို့တဲ့ခြင်းကို ကုသခြင်းဖြင့် ဆံပင်အရောင်ပုံမှန် ပြန်ဖြစ်စေနိုင်ပါတယ်။

▪️ ဓာတ်တိုးဖိစီးခြင်းကလည်း ပတ်သက်နေပေမယ့် အခြားအချက်အလက်တွေကြောင့် မရှင်းလင်းပါဘူး။

▪️ မျိုးရိုးဗီဇ၊ ကျန်းမာရေးအခြေအနေ၊ သိုင်းရွိုက်ပြဿနာ၊ ကိုယ်ခံအားစနစ်ရောဂါများ၊ ဆေးလိပ်သောက်ခြင်း၊ ဗိုက်တာမင်-ဘီ၁၂ ချို့တဲ့ခြင်းတို့ကြောင့်လည်း ဖြစ်နိုင်ပါသေးတယ်။

▪️ သတ္တုဓာတ်ချို့တဲ့တာနဲ့ ပတ်သက်ရင် ဖြည့်စွက်ဆေးတွေထက် သတ္တုဓာတ်ကြွယ်ဝတဲ့ အစားအစာတွေကို ဦးစားပေးသင့်ပါတယ်။

#Source: New York Post