၂၅ ဇွန် ၂၀၂၃

တရုတ်လျှပ်စစ်ကားကုမ္ပဏီတွေဟာ ထိုင်းနိုင်ငံကို အိမ်နီးချင်းနိုင်ငံတွေအတွက် ကားထုတ်လုပ်ရေးနှင့်ဖြန့်ချိရေးဗဟို အခြေစိုက်နေရာအဖြစ် မျက်စေ့ကျနေတယ်လို့ ထိုင်း-တရုတ်ကုန်သည်ကြီးများအသင်းက သိရပါတယ်။

ထိုင်းနိုင်ငံရဲ့ လက်ရှိရင်းနှီးမြှပ်နှံမှုမက်လုံးတွေကြောင့် တရုတ်ကားထုတ်လုပ်သူတွေအတွက် ထိုင်းဟာ အလားအလာရှိ နေတာပါ။အဲဒါကြောင့်ရင်းနှီးမြှပ်နှံမှုတွေဟာ စီးဝင်လာနေတယ်လို့ အဲဒီကုန်သည်အသင်းဥက္ကဋ္ဌနာရွန်ဆက်ပတ်သပွန် မွန်ဂိုက ဇွန်လ ၂၅ရက် တနင်္ဂနွေနေ့က နစ်ကေးအေးရှားသတင်းစာကိုပြောပါတယ်။

တရုတ်နိုင်ငံရဲ့ ဟိုဇွန်စွမ်းအင်သစ်ကားကုမ္ပဏီဟာ အရှေ့တောင်အာရှနိုင်ငံတွေကို ရောင်းချပေးဖို့ ထိုင်းနိုင်ငံမှာ ကားတွေကို ၂၀၁၄မှာစတင်ထုတ်လုပ်ပါတော့မယ်။ အဲဒီကားကုမ္ပဏီဟာ ဒေသထဲမှာ ထိပ်တန်း ကားထုတ်လုပ်ရာ အချက်အခြာဖြစ်တဲ့ ထိုင်းနိုင်ငံမှာ လျှပ်စစ်ကားထုတ်လုပ်တဲ့ နောက်ဆုံးကားကုမ္ပဏီဖြစ်လာပါတယ်။

အဲဒီအပြင် Chongqing Changan Automobile နှင့် GAC Aion တို့ဟာလည်း တန်ဖိုးစုစုပေါင်း ၁၆.၂ ဘီလျံ ဘတ် (ဒေါ်လာ၄၇၀သန်း)ရှိတဲ့  လျှပ်စစ်ကားထုတ်လုပ်ရေးတွေ ထိုင်းနိုင်ငံမှာ ရင်းနှီးမြှပ်နှံမှုလုပ်ဖို့ စီစဉ်နေပါတယ်။ Great Wall Motor and BYD တို့ကတော့ အရှေ့ပိုင်းရနောင်းပြည်နယ်မှာ ကားစက်ရုံတွေတည်ထောင်ပြီးပါပြီ။

“ MG၊ Great Wall Motor နှင့် BYDတို့ရဲ ရင်းနှီးမြှပ်နှံမှုတွေကတစ်ဆင့် လျှပ်စစ်ကားတွေဟာ စိတ်ကူးအသစ်   နှင့်တီထွင်  ဆန်းသစ်မှုအရှိဆုံးလုပ်ငန်းအဖြစ်မြင်တွေ့နေရပါပြီ” လို့ နာရွန်ဆက်ကပြောပါတယ်။

Source: Bloomberg

#EVChinaeyesthailand

#EV_China

#yangonmediagroup

#yangontimes

၁၈ ဇွန် ၂၀၂၃

တက်စ်လာ Tesla ဟာ ၄၅စက္ကန့်တိုင်းမှာ လျှပ်စစ်ကားတစ်စီးထုတ်လုပ်နိုင်တာကို Giga Lab  ဖွင့်လှစ်ပြီးအများပြည်သူကို ပြသလိုက်ပါပြီ။

တကယ်တမ်းတော့ တက်စ်လာရဲ့ ဂစ်ဂါ စက်ရုံတစ်ရုံရဲ့ နောက်ကွယ်ကမြင်ကွင်းတွေကို သိပ်မြင်တွေ့ဖူးကြလေ့မရှိပါဘူး။

တစ်ခါတစ်ခါ တက်စ်လာကုမ္ပဏီရဲ့ ကြော်ငြာက ဗွီဒီယိုအပိုင်းအစတိုကလေးတွေမှာသာတွေ့ဖူးကြတာပါ။

အခုအဲဒါတွေပြောင်းလဲသွားပါပြီ။ တက်စ်လာက ယင်းရဲ့ Giga Lab ဂစ်ဂါလက်ဗ် အသစ်ဟာ လျှပ်စစ်ကားတွေ ဘယ်လို တည်ဆောက်ထုတ်လုပ်နေတယ်ဆိုတာကို ပြည်သူတွေကြည့်ရှုနိုင်ဖို့ ဖိတ်ခေါ်နေပါပြီ။

တရုတ်နိုင်ငံမှာရှိတဲ့ တက်စ်လာရဲ့ အယူအဆသစ် စတိုးဟာ ၄၅ စက္ကန့်လောက်နှင့် ကားတစ်စီးထုတ်လုပ်နိုင်အောင် တည်ဆောက်ထားပါတယ်။ ဒါဟာလည်း လက်ရှိရှန်ဟိုင်းက ဂစ်ဂါစက်ရုံမှာ တကယ်ထုတ်လုပ်နေတာကို ပုံပွားပြသထားတာပဲဖြစ်ပါတယ်။

ကားဝယ်ချင်သူတွေအတွက် အဲဒီပြခန်းဟာ တက်စ်လာအရောင်းပြခန်းပဲဖြစ်ပြီး လျှပ်စစ်ကားတွေကို အဲဒီမှာဝယ်နိုင်တယ်လို့  တက်စ်လာ အေးရှားကပြောပါတယ်။အတွေ့အကြုံသစ်ကြီးတစ်ခုကို ထပ်တိုးပေးကမ်း တာပဲဖြစ်တယ်လို့လည်း ဆိုပါတယ်။

Source CCTV/Tesla Asia

၁၅ ဇွန် ၂၀၂၁(ရိုက်တာသတင်း)

တရုတ်နိုင်ငံ ဘိုက်ဒန့်စ် ByteDanceကပိုင်တဲ့  TikTok အက်ပလီကေးရှင်းဟာ လာမယ့်နှစ်အနည်းငယ်အတွင်း အရှေ့တောင်အာရှနိုင်ငံတွေမှာ ဒေါ်လာ ဘီလျံချီပြီးရင်းနှီးမြှပ်နှံမှုတွေလုပ်သွားဖို့ရှိဟု ပြော

အ‌ရှေ့တောင်အာရှဟာ လူဦးရေ သန်း၆၃၀ရှိပြီး အဲဒီထဲက တစ်ဝက်ဟာ အသက်၃၀အောက်တွေဖြစ်ပြီး အဲဒီအသက် အပိုင်းအခြားဟာ TikTok ရဲ့ အကြီးမားဆုံးဈေးကွက်တွေဖြစ်နေ

အင်ဒိုနီးရှားနှင့် အရှေ့တောင်အာရှနိုင်ငံတွေမှာ  လာမယ့်နှစ်များအတွင်း ဒေါ်လာဘီလျံချီရင်းနှီးမြှပ်နှံသွားမယ်လို့ TikTok စီအီးအို ဆိုကျီးချူးကပြောကြား

သူကအသေးစိတ်အစီအစဉ်မပြောသော်လည်း လေ့ကျင့်သင်တန်းများ၊ကြော်ငြာလုပ်ငန်းများနှင့် သူ့ရဲ့ e-commerce  ပလက်ဖောင်းဖြစ်တဲ့ TikTok Shop ကိုပူးပေါင်းလုပ်ချင်ကြတဲ့ အရောင်းဆိုင်သေးကလေးတွေကိုကူညီတာတွေ လုပ်ပေးမယ်လို့ပြော

TikTok ပလက်ဖောင်းဟာ ယခုအခါပိုပြီး မျိုးစုံလာပြီး အသုံးပြုသူတွေဟာ ကြော်ငြာကနေ e-commerce အီလက်ထရွန်း နစ်ကူးသန်းရောင်းဝယ်ရေးအထိ ချဲ့ထွင်လာပြီလို့ သူကပြော

အသုံးပြုသူတွေဟာ livestreaming လုပ်နေစဉ်အတွင်း အက်ပလီကေးရှင်းပေါ်က လင့်ခ် links ကတစ်ဆင့် ကုန်စည်တွေကို ဝယ်ယူနိုင်လာကြလို့သူကဆက်ပြော

TikTok ဟာ အရှေ့တောင်အာရှမှာ ဝန်ထမ်း ၈၀၀၀ရှိပါတယ်။ အင်ဒိုနီးရှားမှာ သူ့ပလက်ထောင်ပေါ်က ပစ္စည်းတွေ ရောင်းပေးတဲ့ အရောင်းဆိုင်ကလေးတွေ နှစ်သန်းခန့်ရှိ

TikTokဟာ မနှစ်က အရှေ့တောင်အာရှမှာ အရောင်းအဝယ်လုပ်တဲ့တန်ဖိုး ဒေါ်လာ ၄.၄ ဘီလျံအထိရှိခဲ့ပါတယ်။ ၂၀၂၁ခုနှစ်တုန်းက ဒေါ်လာသန်း၆၀၀ပဲရှိရာကနေမြင့်တက်လာတာဖြစ်

#TiikTok

#South_East_Asia_Tiktok

#TikTokအရှေ့တောင်အာရှတွင်ရင်းနှီးမြှပ်နှံမည်

Published 8 June 2023

The opening ceremony for the launch of the Aung Bar Lay Online Lakh-prize Lottery System was held at the Myanmar International Convention Center-2 in Nay Pyi Taw on the morning of 8 June and Myanmar’s SAC Chairman and Prime Minister Senior General Min Aung Hlaing delivered a speech.  

The Aung Bar Lay Lakh-prize online lottery system was launched jointly with Viettel Group (Mytel) as a business partner, according to SAC’ press release.

SAC Chairman, Senior General Min Aung Hlaing, Deputy Prime Minister and Union Minister U Win Shain, Union Minister of Investment and Foreign Economic Relations Dr. Kan Zaw, Myanmar Economic Corporation Chairman Lt. Gen. Nyo Saw and Viettel Group (Mytel) CEO Nguyen Tien Dung launched the Aung Bar Lay online lottery system.

After that, Deputy Prime Minister and Union Minister U Win Shin presented the Logo to commemorate the opening of the Aung Bar Lay  Online Lottery System to the Senior General Min Aung Hlaing.  After that, Dr. Nila Aye, Chief External Relations Officer of Mytel, gave a briefing about the newly launched online  Lottery system.

At the ceremony, H.E Dr. Luan Thuy Duong, Ambassador of Vietnam to Myanmar, expressed his gratitude on behalf of the Ministry of Defense of Vietnam.

Myanmar and Vietnamese dance and music groups performed the song "We Love Myanmar" and "Let's take  Aung Bar lay Lakh-prizes " and the ceremony was concluded, according to the press release.

#YangonMediaGroup

#Viettel_Myanmar

#Aung Bar Lay Lakh-prize_online_lottery_system

Published 8 June 2023

အောင်ဘာလေအွန်လိုင်းသိန်းဆုထီစနစ်စတင်ခြင်းဖွင်ပွဲအခမ်းအနားကို ယနေ့ ဇွန် ၈ရက် မနက်က နေပြည်တော်ရှိ မြန်မာအပြည်ပြည်ဆိုင်ရာကွန်ဗင်းရှင်းဗဟိုဌာန-၂ ၌ကျင်းပရာ နစက ဥက္ကဋ္ဌ နိုင်ငံတော်ဝန်ကြီးချုပ်ဗိုလ်ချုပ်မှူးကြီး မင်းအောင်လှိုင် တက်ရောက်အမှာစကားပြောကြားခဲ့ပါတယ်။

အဆိုပါ အောင်ဘာလေအွန်လိုင်းသိန်းဆုထီစနစ်ကို Viettel Group (Mytel)နှင့် လုပ်ငန်းမိတ်ဖက်အဖြစ် ပူးပေါင်း ဆောင်ရွက်ခြင်းဖြစ်တယ်လို့ နစကရဲ့ သတင်းထုတ်ပြန်ချက်အရသိရပါတယ်။

နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်၊ ဒုတိယဝန်ကြီးချုပ်နှင့် ပြည်ထောင်စုဝန်ကြီး ဦးဝင်းရှိန်၊ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး ဒေါက်တာကံဇော်၊ မြန်မာစီးပွားရေးကော်ပိုရေးရှင်းဥက္ကဋ္ဌ ဒုတိယဗိုလ်ချုပ်ကြီးညိုစောနှင့် Viettel Group မှ (Mytel)CEO Nguyen Tien Dung တို့က အောင်ဘာလေ အွန်လိုင်းသိန်းဆုထီစနစ်အား စတင်ဖွင့်လှစ်ပေးခဲ့ကြတယ်လို့ သတင်းထုတ်ပြန်ချက်မှာဖော်ပြထားပါတယ်။

အဲဒီနောက် အောင်ဘာလေအွန်လိုင်း သိန်းဆု ထီစနစ် ဖွင့်ပွဲ အထိမ်းအမှတ် Logoကိုနစက ဥက္ကဋ္ဌ  ဗိုလ်ချုပ်မှူးကြီးမင်းအောင်လှိုင် ထံ ဒုတိယဝန်ကြီးချုပ်နှင့်ပြည်ထောင်စုဝန်ကြီး ဦးဝင်းရှိန် က ပေးအပ်သည်။ ယင်းနောက် အောင်ဘာလေအွန်လိုင်း သိန်းဆုထီစနစ်နှင့် ပတ်သက်၍ Mytelမှ ပြင်ပဆက်ဆံရေး အရာရှိချုပ် ဒေါက်တာနီလာအေး က ရှင်းလင်းတင်ပြခဲ့ပါတယ်။

အခမ်းအနားမှာ  ဗီယက်နမ် ဆိုရှယ်လစ်သမ္မတနိုင်ငံအစိုးရ၊ ကာကွယ်ရေး ဝန်ကြီးဌာန ကိုယ်စား ပြည်ထောင်စုသမ္မတ မြန်မာနိုင်ငံဆိုင်ရာ ဗီယက်နမ် သံအမတ်ကြီး H.EDr.Luan Thuy Duong က ကျေးဇူးတင်စကားပြောကြားခဲ့တယ်လို့လည်း သိရပါတယ်။

မြန်မာ၊ ဗီယက်နမ် အကအလှတေးဂီတ အဖွဲ့များက “We LoveMyanmar” တေးသီးချင်းနှင့် “အောင်ဘာလေအွန်လိုင်းသိန်းဆုဖီအား ထိုးလိုက်ကြပါစို့” တေးသီချင်းတို့ဖြင့် သီဆိုဖျော်ဖြေ တင်ဆက်ခဲ့ပြီး အခမ်းအနားကိုရုပ်သိမ်းခဲ့တယ်လို့လည်း သတင်းမှာဖော်ပြထားပါတယ်။

#ymg/knl

#ဗိုလ်ချူပ်မှူးကြီးမင်းအောင်လှိုင်

#အွန်လိုင်းအောင်ဘာလေထီ

#မြန်မာ့စီးပွားရေး

#မြန်မာ_ဗီယက်နမ်ဆက်ဆံရေး

Published 4 June 2023

ဆော်ဒီအာရေဗျနိုင်ငံဦးဆောင်တဲ့ ရေနံအဓိကထုတ်လုပ်သည့် နိုင်ငံတွေက ယနေ့(တနင်္ဂနွေနေ့)မှာ တွေ့ဆုံကြတဲ့အခါ  ရေနံဈေးနှုန်းတွေကျဆင်းနေတာကို ဇက်ကြိုးဆွဲထားနိုင်ဖို့ ထုတ်လုပ်မှုကို ထပ်လျှော့ဖို့ ဖြစ်နိုင်ချေ ကြီးထွားလာနေတယ်လို့ အေအက်ဖ်ပီကသတင်းရေးပါတယ်။

၁၃ နိုင်ငံပါဝင်တဲ့ ရေနံထုတ်လုပ်ရောင်းချသူနိုင်ငံများအဖွဲ့(အိုပက်)ဟာ ရုရှားအပါအဝင် အခြားသော ရေနံထုတ်လုပ်တဲ့ နိုင်ငံ(၁၀)နိုင်ငံနှင့် တွေ့ဆုံကာ အဖွဲ့ရဲ့ အနာဂတ်ရေနံထုတ်လုပ်မှုမူဝါဒအပေါ်ပြန်လည်သုံးသပ်ဆွေးနွေးဖို့ရှိနေပါတယ်။

လူချင်းတွေ့ကြမယ့် အိုပက်နှင့်အပေါင်း အစည်းအဝေးဟာ ဗီယင်နာမှာ တနင်္ဂနွေနေ့မှာ ကျင်းပမှာဖြစ်ပါတယ်။

သုံးသပ်သူတွေက အိုပက်နှင့်အပေါင်း ရေနံထုတ်လုပ်နိုင်ငံတွေဟာ သူတို့ရဲ့လက်ရှိ မူဝါဒကို ဆက်ထိန်းသွားမယ်လို့ မျှော်လင့်နေပါတယ်။ ဒါပေမယ့် လက်ရှိအတိုင်းဆက်သွားနေရင် ရေနံဈေးကွက်ကို တည်ငြိမ်အောင်လုပ်ဆောင်ဖို့ အတော်လိုအပ်နေမယ်ဆိုတဲ့ အရိပ်အယောင်တွေ ထွက်ပေါ်နေပါတယ်။

ဧပြီလတုန်းက အိုပက်နှင့်အပေါင်း အဖွဲ့ဝင်နိုင်ငံတော်တော်များများက တစ်ရက်ကို ရေနံစိမ်းစည်ပေါင်း တစ်သန်းကျော် လျှော့ချဖို့ ဆန္ဒအလျောက်သဘောတူခဲ့ကြပါတယ်။ ဒါဟာ ဈေးနှုန်းကိုကြားကန်ပေးမယ့် မထင်မှတ်တဲ့ လုပ်ဆောင်  မှုတစ်ခုဖြစ်ခဲ့ပေမယ့် ရေရှည်ထိန်းနိုင်မှုတော့ မရခဲ့ဖြစ်ခဲ့ကြရပါတယ်။

လက်ရှိအကြီးစားထုတ်လုပ်သူတွေဖြစ်တဲ့ ဆော်ဒီနှင့် ရုရှားတို့က ဒီလမ်းကြောင်းအတိုင်း လက်ရှိမူဝါဒနှင့်ပဲ ဆက်နေမှာ လား၊ ဒါမှမဟုတ် အပြောင်းအလဲရှိမလားဆိုတာကိုတော့ သုံးသပ်သူတွေအကြား ဝိဝါဒကွဲပြားနေကြပါတယ်။

အစည်းအဝေးနှင့်နီးစပ်တဲ့သတင်းအရင်းအမြစ်ကတော့ တစ်ရက်ကို ရေနံစိမ်းးစည် ခုနှစ်သိန်းမှ တစ်သန်းအထိ လျှော့ချ ထုတ်လုပ်ဖို့နည်းလမ်းကိုဆွေးနွေးခဲ့ကြတယ်လို့ပြောပါတယ်။ ဒါပေမယ့် အီရန်နိုင်ငံရဲ့ အိုပက်အုပ်ချုပ်ရေးမှူး အမ်မီယာ ဟောစိန်ဇမ်မန်နီနီယားက “ယနေ့ ထုတ်လုပ်မှုပမာဏကိစ္စ မဆွေးနွးခဲ့ဘူး” လို့ အေအက်ဖ်ပီကိုပြောပါတယ်။

ဒါပေမယ့် တနင်္ဂနွေဆွေးနွေးတဲ့အခါ ဖြစ်နိုင်တဲ့ နည်းလမ်းတွေအားလုံးဆွေးနွေးသွားမယ်လို့ သူကဖြည့်စွက်ပြောပါတယ်။

ဧပြီလတုန်းက ထုတ်လုပ်မှုလျှော့ချက်တည်းက ရေနံဈေးနှုန်းဟာ ၁၀ရာခိုင်နှုန်းက ကျဆင်းခဲ့ပါတယ်။ ဘရန့်ရေနံစိမ်း ဈေးနှုန်းဟာ တစ်စည်ကို ဒေါ်လာ၇၀နားကပ်ခဲ့ပါတယ်။ ဒီလိုအဆင့်ကို ၂၀၂၁ ဒီဇင်ဘာကတည်းက မရောက်ခဲ့တာပါ။

အမေရိကန်ရဲ့ ငွေကြေးဖောင်းပွမှုတွေကိုဖြေရှင်းတဲ့ ဘဏ်အတိုးနှုန်းမြင့်တက်မှုတွေနှင့် တရုတ်နိုင်ငံရဲ့ ကိုဗစ်အလွန် စီးပွားရေးထုံ့ပိုင်းသွားမှုပြန်ကျော့တာတွေရှိလာလို့ ကမ္ဘာ့စီးပွားရေးအပေါ် စိုးရိမ်ပူပန်မှုတွေကြောင့် ရေနံလိုအပ်ချက်ဟာ ဆက်ကျဆင်းနေဦးမှာကို ရေနံကုန်သည်တွေက စိတ်ပူနေကြပါတယ်။

“ တနင်္ဂနွေနေ့ ဝန်ကြီးများအစည်းအဝေးဟာ ဈေးကွက်ကိုပြန်လည်ဟန်ချက်ညီဖို့နှင့် မည်သည့် အနာဂတ်စိန်ခေါ်မှုတွေ အတွက်မဆို ကျွန်တော်တို့ အသေအချာအဆင်သင့်ပြင်ဆင်ထားဖို့ဖြစ်တယ်” လို့ အစည်းအဝေးတက်လာတဲ့ ယူအေအီး စွမ်းအင်ဝန်ကြီး ဆူဟေးလ်မိုဟာမက်အယ််မာဇရိုအီကပြောပါတယ်။

ရုရှား ဒုတိယဝန်ကြီးချုပ် အလက်ဇင်းဒါးနိုဗက်ကတော့ “အိုပက်နှင့်အပေါင်းဟာ လမ်းကြောင်းပြောင်းဖို့ မလိုအပ်ဘူး။ ဘာဖြစ်လို့လဲဆုထတော့ ဈေးတက်လို့ အမြတ်ထွက်ဖို့ခက်တယ်လို့ မြင်နေတယ်လို့ Commerzbank က ကုန်စည်လေ့လာ သုံးသပ်သူတွေက ပြောပါတယ်။

ရုရှားဟာ အိန္ဒိယနှင့်တရုတ်နိုင်ငံတို့ကို ရေနံစိမ်း ဈေးနှုန်းချိသာစွာရောင်းချပေးနေပါတယ်။ ဆော်ဒီအာရေဗျကတော့ ဘတ်ဂျက်ကို ဟန်ချက်ညီစေဖို့ ဈေးနှုန်းမြင့်ဖို့လိုတယ်လို့ပြောပါတယ်။ သူတို့ဟာ ရေနံတစ်စည်ဈေးနှုန်း ဒေါ်လာ ၈၀ ကျော်မှအမြတ်ထွက်မှာဖြစ်တယ်လို့ အဆိုပါသုံးသပ်သူတွေကပြောပါတယ်

Source AFP

#YangonMediaGroup

#OPEC+

#အိုပက်နှင့်အပေါင်း