Yangon, Myanmar, 29 November

The CLMV countries—Cambodia, Laos, Myanmar, and Vietnam—have introduced an initiative for a joint tourism campaign under the banner "Four Countries, One Destination."

The proposal was made during the 7th Meeting of Tourism Ministers of the CLMV countries, held at the Sedona Hotel in Yangon, Myanmar. This initiative aims to strengthen regional tourism collaboration and promote a unified travel experience across the four countries.

During the meeting, the ministers approved the Tourism Cooperation Action Plan (2025-2026), outlining steps to enhance tourism development. Senior officials from the respective tourism ministries and lead country coordinators were tasked with implementing the plan effectively.

The gathering also recognized Myanmar's successful hosting of the event. The meeting was presided over by Myanmar's Union Minister of Hotels and Tourism, Dr. Thant Thant Khine, and attended by tourism ministers from Cambodia, Laos, and Vietnam.

This collaborative effort underscores the commitment of the CLMV countries to boost regional tourism and foster economic growth through shared initiatives.

@knl/ymg

၂၉ နိုဝင်ဘာ ၂၀၂၄

CLMV နိုင်ငံများအကြား လေးနိုင်ငံ ခရီးစဉ်တစ်ခု “ Four Countries, One Destination “ ခရီးသွား ပူးပေါင်းဆောင်ရွက်ရေး အဆိုပါလေးနိုင်ငံက အဆိုပြုလိုက်တယ်လို့သိရပါတယ်။

မြန်မာနိုင်ငံရန်ကုန်မြို့၊ ဆီဒိုနားဟိုတယ်တွင်ကျင်းပတဲ့ ကမ္ဘောဒီးယား၊ လာအို၊မြန်မာ၊ဗီယက်နမ် CLMV နိုင်ငံများရဲ့ ခရီးသွားလုပ်ငန်းဝန်ကြီးများ ၏ ၇ ကြိမ်မြောက် အစည်းအဝေးအတွင်း ယင်းကို အဆိုပြု   ခဲ့တာဖြစ် ပါတယ်။

ခရီးသွားလုပ်ငန်းတွေထပ်မံမြှင့်တင်ဖို့အတွက် အဆိုပါ “လေးနိုင်ငံ ခရီးစဉ်တစ်ခု” ကို ဆွေးနွေးပြီး အဆိုပြုခဲ့ကြတာဖြစ်ပါတယ်။ ခရီးသွားဝန်ကြီးတွေရဲ့ အစည်းအဝေးမှာ CLMV နိုင်ငံများရဲ့ ခရီးသွားလုပ်ငန်း ပူးပေါင်းဆောင်ရွက်ရေး (၂၀၂၅-၂၀၂၆)  အလုပ်အစီအစဉ်ကိုလည်း အတည်ပြုခဲ့ကြ ပါတယ်။

ယင်းအလုပ်အစီအစဉ်ကို အကောင်အထည်ဖော်ဖို့အတွက် လေးနိုင်ငံ ခရီးသွားလုပ်ငန်းဝန်ကြီးဌာနတွေရဲ့ အကြီးတန်းအရာရှိများနှင့် ဦးဆောင် နိုင်ငံ ညှိနှိုင်းဆောင်ရွက်ရေးမှူးတွေကိုလည်း အစည်းအဝေးက တာဝန်ပေးခဲ့ပါတယ်။

မြန်မာနိုင်ငံက အိမ်ရှင်နိုင်ငံအဖြစ် အောင်မြင်စွာကျင်းပနိုင်ခဲ့တာကိုလည်း အစည်းအဝေးက အသိအမှတ် ပြု ချီးကျူးခဲ့ပါတယ်။

အစည်းအဝေးတွင် မြန်မာနစကအစိုးရရဲ့ ဟိုတယ်နှင့်ခရီးသွားလာရေးဝန်ကြီးဌာန ပြည်ထောင်စုဝန်ကြီး ဒေါက်တာသက်သက်ခိုင်က သဘာပတိအဖြစ် ဆောင်ရွက်ပြီးကမ္ဘောဒီးယား၊လာအို၊ ဗီယက်နမ်တို့မှ ခရီးသွားလာရေးဝန်ကြီးတွေ တက်ရောက်ခဲ့ကြတာဖြစ်ပါတယ်။

@knl/ymg

၂၁ နိုဝင်ဘာ ၂၀၂၄

◾️ဩစတြေလျအစိုးရက အသက် ၁၆နှစ်အောက် ကလေးသူငယ်တွေ ဆိုရှယ်မီဒီယာအသုံးပြုခွင့် ပိတ်ပင်မယ့် ဥပဒေကြမ်းတစ်လုကို ပါလီမန်သို့တင်လိုက်ပါတယ်။ အဲဒီဥပဒေကြမ်းမှာ  ဥပဒေကို စနစ်  တကျချိုးဖောက်တဲ့  ဆိုရှယ်မီဒီယာကုမ္ပဏီကြီးတွေကို ဩစတြေလျ ဒေါ်လာ ၄၉.၅သန်း ( အမေရိကန်      ဒေါ်လာ ၃၂သန်း) အထိ ဒဏ်ငွေရိုက်လို့ရမယ့် ပြဋ္ဌာန်းချက်လည်းပါဝင်နေပါတယ်။

◾️ဩစတြေလျက အသက်အတည်ပြုတဲ့ စနစ်တစ်ခုကို စမ်းသပ်ကြည့်ဖို့ အစီအစဉ်ရှိနေပါတယ်။ အဲဒီစနစ် မှာ ဘိုင်အိုမက်ထရစ် ဒါမှမဟုတ် အစိုးရရဲ့ သက်သေခံမှုတစ်ခုခု ပါဝင်ပြီး ဒီဥပဒေကြမ်းဟာ ယနေ့ရှိနေ သမျှ ဥပဒေတွေထဲမှာ အပြင်းထန်ဆုံးတွေထဲက တစ်ခုဖြစ်လာပါလိမ့်မယ်။

◾️အသက် ၁၆နှစ်ဆိုတဲ့သတ်မှတ်ချက်ဟာ နိုင်ငံတွေရဲ့သတ်မှတ်ချက်တွေထဲမှာ အမြင့်ဆုံးအသက်  ကန့်  သတ်ချက်လို့ဆိုပါတယ်။ ဥပဒေကြမ်းထဲမှာ “ မိဘရဲ့ခွင့်ပြုချက်တွေ”ဆိုတဲ့ ကင်းလွတ်ခွင့်တွေ၊ ရှိပြီးသား အကောင့်တွေဆိုတဲ့ ကင်းလွတ်ခွင့်တွေ လုံးဝထည့်သွင်းမထားပါဘူး။ အသက် ၁၆ နှစ်ကန့်သတ်ချက်ဟာ ချွင်းချက်မရှိကန့်သတ်ချက်သဘောဖြစ်ပါတယ်။

◾️“ ဒါဟာ မှတ်တိုင်ထူတဲ့ ပြုပြင်ပြောင်းလဲရေးတစ်ခုဖြစ်တယ်။ အချို့ကလေးတွေကတော့ နည်းလမ်းတွေ   လှည့်ပတ်ရှာနေကြဦးမှာဆိုတာ ကျွန်တော်တို့သိပါတယ်။ ဒါပေမယ့် ကျွန်တော်တို့က ဆိုရှယ်မီဒီယာ ကုမ္ပဏီတွေကို သန့်သန့်ရှင်းရှင်းအလုပ်လုပ်ကြဖို့ သတင်းစကားတွေပါးနေပါတယ်” လို့ ဩစတြေလျ ဝန်ကြီးချုပ် အန်တိုနီ အယ်ဘန်နီးစ်က သတင်းထုတ်ပြန်ရာမှာ ပြောကြားထားပါတယ်။

◾️အတိုက်အခံလေဘာပါတီက အဲဒီဥပဒေကြမ်းကိုထောက်ခံမယ်လို့ ပြောလိုက်ပြီး ဂရင်းပါတီနှင့် တစ်သီး ပုဂ္ဂလတွေကတော့ ဖေ့စ်ဘုတ်ခ်ရဲ့ Meta အပေါ် အကြီးအကျယ်ထိခိုက်စေမယ့် အဲဒီ အဆိုပြု ဥပဒေ     ကြမ်းနှင့်ပတ်သက်လို့ ပိုပြီးအသေးစိတ်သိလိုတယ်လို့ ပြောကြပါတယ်။

◾️ကလေးသူငယ်တွေအနေနှင့် မက်ဆေ့ချ်ပို့တာသုံးလို့ရဦးမှာဖြစ်ပြီး အွန်လိုင်းဂိမ်းတွေနှင့် ကျန်းမာရေးနှင့် ပညာရေးဆက်စပ်တဲ့ ကိစ္စတွေကိုလည်းသုံးနိုင်မယ်လို့ အယ်ဘန်နီးစ်က ပြောပါတယ်။

◾️နိုင်ငံအချို့က ကလေးသူငယ်တွေ ဆိုရှယ်မီဒီယာသုံးတာနှင့်ပတ်သက်ပြီး ဥပဒေအရကန့်သတ်မှုတွေ လုပ်ခဲ့ကြပြီးဖြစ်ပါတယ်။ ဒါပေမယ့် ဩစတြေလျရဲ့မူဝါဒကတော့ အတင်းကျပ်ဆုံးတွေထဲက တစ်ခု ဖြစ်ပါတယ်။

◾️ပြီးခဲ့တဲ့နှစ်တုန်းက ပြင်သစ်မှာ အသက် ၁၅နှစ်အောက်ကလေးငယ်တွေ ဆိုရှယ်မီဒီယာသုံးခွင့်ပိတ်ဖို့ အဆို   ပြုခဲ့ပါတယ်။ ဒါပေမယ့် မိဘတွေခွင့်ပြုချက်ရှိရင်သုံးလို့ရမှာဖြစ်ပါတယ်။

◾️“ ဩစတြေလျကလေးငယ်တွေ အများကြီးအတွက် ဆိုရှယ်မီဒီယာဟာ အန္တရာယ်ရှိနိုင်ပါတယ်။ အသက် ၁၄နှစ်နှင့် ၁၇နှစ်အကြား ဩစတြေလျကလေးတွေရဲ့ သုံးပုံနှစ်ပုံဟာ မူးယစ်ဆေးဝါးအလွဲသုံးတာ၊ ကိုယ့်ကိုကိုယ်သတ်သေတာနှင့်ကိုယ့်ကိုကိုယ်ဒုက္ခဖြစ်စေတာတွေအပါအဝင် အလွန့်ကို အန္တရာယ်ပေးတဲ့ အွန်လိုင်းအကြော်ငးအရာတွေကို ကြည့်ရှုနေကြတယ်” လို့ ဆက်သွယ်ရေးဝန်ကြီး မီချယ်ရိုလန်က ပါလီမန် မှာကြာသပတေးနေ့က တင်ပြခဲ့ပါတယ်။

◾️ဥပဒေအရ လူငယ်တွေနှင့် မိဘတွေကို ဖိအားပေးမှာမဟုတ်ဘဲ ဆိုရှယ်မီဒီယာကုမ္ပဏီကြီးတွေကိုသာ အသက်ကန့်သတ်ပြီးဝင်သုံးလို့ရဲ့ စနစ်ကို မဖြစ်မနေထည့်သွင်းကြဖို့ကို ဦးတည်ထားပါတယ်။

◾️“ လူမှုမီဒီယာဟာ လူမှုတာဝန်ရှိတယ်။ အဲဒါကြောင့် အသုံးပြုသူတွေ အန္တရာယ်ကင်းရှင်းစေ   ရေးအတွက် အဲဒီ ဆိုရှယ်မီဒီယာပလက်ဖောင်းတွေ တာဝန်ခံမှုရှိအောင် အပြောင်းအလဲကြီးတစ်ခုလုပ်   လိုက်တာ ဖြစ်တယ်” လို့ရိုလန်ကဆက်ပြောပါတယ်။

@ymg/knl

၁၉ နိုဝင်ဘာ ၂၀၂၄

Miss Grand India အဖွဲ့အစည်းက Miss Grand International (MGI)အဖွဲ့အစည်းကြီးနှင့် ရပ်တည်ချက်ခြင်းမတူ၍ MGI နှင့် ဆက်သွယ်ဆောင်ရွက်မှု ဖြတ်တောက်ရပ်ဆိုင်းလိုက်ပြီလို့ နိုဝင်ဘာ ၁၇ ရက်က သတင်းထုတ်ပြန်ပါတယ်။

“ အသေအချာစဉ်းစားပြီးတဲ့နောက် MGI နှင့် လမ်းခွဲဖို့ ကျွန်တော်တို့ဆုံးဖြတ်လိုက်ပါတယ်။  ဒီကာလမှာ သူတို့ရဲ့ ရည်မှန်းချက်နှင့်ပန်းတိုင်ဟာ ကျွန်တော်တို့နှင့် မတူခြားနားတာတွေ့ရလို့ ယခုလိုဆုံးဖြတ် လိုက်ခြင်းဖြစ်ပါတယ်။ ဒီလိုဆုံးဖြတ်လိုက်တဲ့အတွက် ကျွန်တော်တို့ဟာ စိတ်လှုပ်ရှားစရာကောင်းတဲ့ ရင်းနှီးမြှပ်နှံမှုတွေနှင့် စလှုပ်ရှားနေပြီးဖြစ်တဲ့ ပရောဂျက်တွေကို အာရုံစိုက်လာနိုင်တော့မှာဖြစ်ပြီး အဲဒါ တွေဘာတွေလဲဆိုတာ မကြာမီထုတ်ပြောပါမယ်” လို့ Miss Grand India အဖွဲ့အစည်းရဲ့ Glamanand Entertainment Pvt. Ltd ဥက္ကဋ္ဌ နစ်ဟီလ်အာနန်က ပြောပါတယ်။

“ သစ္စာရှိခြင်းဟာ ကျွန်တော်တို့တန်ဖိုးရဲ့ အခြေခံအုတ်မြစ်အဖြစ်ဆက်ရှိနေပါမယ်။  အဲဒါကပဲ အခုလိုဆုံး ဖြတ်ဖို့ ဖြစ်လာရတာပါ။ ကျွန်တော်တို့ဟာ ယုံကြည်မှု၊ ပေါင်းစည်းမှုနှင့် ရေရှည်ဆက်ဆံရေးကို ဆက်လက်ဦးစားပေးဆောင်ရွက်သွားပါမယ်” လို့ သူကဖြည့်စွက်ပြောပါတယ်။

သူတို့ဟာ MGI နှင့်လမ်းခွဲခဲ့ပေမယ့် ရေချယ်ဂူပတာကို ယခုနှစ် Miss Grand International 2024

အဖြစ် အိန္ဒိယရဲ့ ပထမဦးဆုံးသော ရွှေသရဖူကို အိန္ဒိယသို့ ဆောင်ကြဉ်းလာနိုင်တာကို ဂုဏ်ယူတယ် လို့ ပြောပါတယ်။

“ရေချယ်ရေ မင်းဟာ တို့တွေအားလုံးအတွက် ထာဝရ ဘုရင်မပါ။ မင်းရဲ့ အောင်မြင်မှုဟာ တို့နိုင်ငံအတွက် သမိုင်းဝင်မှတ်တိုင်ပါ။ တို့တွေမင်းနှင့်အတူရပ်တည်ပြီး မင်းရဲ့သရဖူဆောင်းကာလတလျောက်လုံး မင်းကို ကူညီသွားမယ်” လို့လည်းပြောပါတယ်။

 ပြီးခဲ့တဲ့ အောက်တိုဘာ ၂၅ ရက်က ထိုင်းမှာကျင်းပတဲ့ Miss Grand International 2024 ပွဲမှာ အိန္ဒိယမယ် ရေချယ်က သရဖူဆောင်းခဲ့တာဖြစ်ပါတယ်။

မြန်မာအလှမယ်သဲစုငြိမ်းက 2^nd runner up (တတိယနေရာ) ရရှိခဲ့ပေမယ့် ဆုယူအပြီး ဖြစ်ပွားခဲ့တဲ့ ဖြစ်ရပ် အချို့ကြောင့် ဆုကို MGI ကပြန်ရုပ်သိမ်းကြောင်းကြေညာခဲ့ပါတယ်။

Published 15 November 2024

ဗြိတိန်ပြည်ထောင်စုမှာ အောက်တိုဘာလအတွင်း လက်လီရောင်းချရမှု စုစုပေါင်းက နှစ်စဉ်နှုန်း ၀.၆ ရာခိုင်နှုန်း လျော့နည်းသွားကာ စွမ်းအင်ဈေးနှုန်းများ မြင့်တက်လာခြင်းက လူတွေသုံးစွဲချင်စိတ် နည်းပါး သွားစေတာ ဖြစ်တယ်လို ထောက်ပြလာကြပါတယ်။

Source CCTV+

၉ နိုဝင်ဘာ ၂၀၂၄

ထိုင်းနိုင်ငံ ကမ္ဘာလှည့်ခရီးသွားရဲတွေက ဆမွီးကျွန်းမှာ ကမ္ဘာလှည့်ခရီးသွားတွေကို ဝန်ဆောင်မှုပေးနေတဲ့ အလှ    ပြင်ဆရာနှင့် လက်သည်းခြေသည်းအလှပြင်သူ မြန်မာနိုင်ငံသားတော်တော်များများကို ဖမ်းဆီးလိုက်ပါတယ်။ ဘာဖြစ်လို့ဖမ်းဆီးရသလဲဆိုတော့ အဲဒီအလုပ်တွေဟာ ထိုင်းနိုင်ငံသားတွေပဲလုပ်ရမယ့် အလုပ်တွေလို့ သတ်မှတ် ထားလို့ဖြစ်ပါတယ်လို့ ဆိုပါတယ်။

ဆူရတ်သနီပြည်နယ် ခိုဆမွီးခရိိုင်က မာရက်အရပ်က လက်သည်းခြေသည်းအလှပြင်ဆိုင်တစ်ဆိုင်ကို နိုဝင်ဘာ ၈ ရက်က ဝင်ရောက်စစ်ဆေးစဉ်  နိုင်ငံခြားခရီးသွားတွေကို ခြေသည်းလက်သည်းအလှပြင်ပေးနေတဲ့ နိုင်ငံခြားသား ငါးဦးကိုတွေ့ရှိဖမ်းဆီးခဲ့တာဖြစ်ပါတယ်။ အဲဒီ ၅ ဦးစလုံးဟာ မြန်မာနိုင်ငံကဖြစ်တယ်လို့ ထိုင်းသတင်းတွေမှာ ဖော်ပြထားပါတယ်။

ဖမ်းဆီးရမိတဲ့ငါးဦးဟာ မြန်မာနိုင်ငံက အမျိုးသမီး (၃)ဦးနှင့် အမျိုးသား (၂)ဦးတို့ဖြစ်ကြပါတယ်။ အသက် ၂၈ နှစ်အရွယ် ပွင့်၊ အသက် ၂၉နှစ်အရွယ် ဇဝါ၊ အသက် ၂၄နှစ်အရွယ်ခင်ဆိုတဲ့ အမျိုးသမီးတွေဖြစ်ပြီး အမျိုးသားနှစ် ဦးကတော့ အသက် ၂၂နှစ်အရွယ် မော် နှင့် အသက် ၂၉နှစ်အရွယ် ဝင်း တို့ဖြစ်ကြတယ်လို့သိရပါတယ်။

အဲဒီထဲက ဇဝါ၊ မော်တို့ဟာ တရားမဝင် ဝင်ရောက်မှုနှင့်ပါ ဖမ်းဆီးခံရတာဖြစ်ပါတယ်။

သူတို့အားလုံးကို ဘိုဖွတ်ရဲဌာနသို့ ခေါ်ဆောင်သွားပါတယ်။

ယခုတစ်ပတ်ထဲမှာ ကမ္ဘာလှည့်ခရီးသွားရဲတွေ၊ လူဝင်မှုကြီးကြပ်ရေးရဲတွေနှင့် ဒေသအလိုက် ရဲတပ်ဖွဲ့တွေဟာ ထိုင်းရဲချုပ် ရဲဗိုလ်ချုပ်ကြီး ကစ်ရက်ပန်ဖက်ထံမှ  ကဏ္ဍ(၁၀)ခုထဲပါဝင်နေတဲ့ နယ်စပ်ဖြတ်ကျော်မှုခင်းတွေနှင့် တရားမဝင်အလုပ်သမားတွေကို နှိမ်နှင်းဖို့ အမိန့်ရရှိခဲ့ကြပါတယ်။

အဲဒီ ကဏ္ဍ (၁၀)ခုကတော့

၁။ ခရီးသွားလုပ်ငန်းနှင့် ဧည့်လမ်းညွှန်ဥပဒေကိုချိုးဖောက်တဲ့ အရည်အသွေးနိမ့် ခရီးသွားလုပ်ငန်း

၂။ အရည်အသွေးမမီပစ္စည်းတွေနှင့် ဝန်ဆောင်မှုတွေကို ဈေးကြီးကြီးနှင့် လိမ်ညာရောင်းချတဲ့လုပ်ငန်း

၃။ ယာဉ်နှင့်ဆက်စပ်ဆောင်ရွက်တဲ့ ကမ္ဘာလှည့်ခရီးသွားတွေကိုခေါင်းပုံဖြတ်တဲ့လုပ်ငန်း

၄။ တရားမဝင်ဖျော်ဖြေရေးလုပ်ငန်း

၅။ ယာဉ်ကြောစီမံခန့်ခွဲတဲ့လုပ်ငန်း

၆။ ကမ္ဘာလှည့်ခရီးသွား နေရာတွေမှာ မူးယစ်ဆေးဝါးရောင်းချခြင်းလုပ်ငန်း

၇။ နယ်စပ်ဖြတ်ကျော်မှုခင်းများနှင့်တရားမဝင်ဝင်ရောက်ခြင်း

၈။ မတော်တဆထိခိုက်မှုနှင့် ကမ္ဘာလှည့်ခရီးသွားလုပ်ငန်းအန္တရာယ်ကင်းရှင်းရေး စံနှုန်းများ

၉။  ကမ္ဘာလှည့်တွေအပေါ် ထိခိုက်တဲ့ မှုခင်းကြီးများ

၁၀။ ကမ္ဘာလှည့်ခရီးသွားနေရာတွေမှာ လူသိများပုဂ္ဂိုလ်တွေက လက်နက်တွေကိုင်ဆောင်ခြင်း

#ymg/knl