Published 17 April 2023

ကမ္ဘာတဝှမ်းမှနိုင်ငံများအပေါ် အမေရိကန်မှချမှတ်ထားတဲ့ စီးပွားရေးပိတ်ဆို့မှုများကြောင့် ဒေါ်လာတန်ဖိုး  ထိခိုက်လာနိုင်တဲ့ အန္တရာယ်ရှိနေကြောင်း အမေရိကန်ဘဏ္ဍာရေးဝန်ကြီး 'ဂျဲနတ်ယယ်လန်'က ပြောကြား လိုက်ပါတယ်။

အမေရိကန်က အရေးယူပိတ်ဆို့မှုများ ဆက်လက်လုပ်ဆောင်နေတဲ့အချိန်မှာ အဆိုပါနိုင်ငံများက အခြား  ရွေးချယ်  စရာငွေကြေးတွေကို ရှာကြံနေကြပြီး အမေရိကန်ဒေါ်လာနဲ့ တိုင်းပြည်ကို အန္တရာယ်ကျရောက်စေနိုင်တယ်လို့ ဆိုပါတယ်။

အချိန်ကြာလာတာနဲ့အမျှ ဒေါ်လာရဲ့အခန်းကဏ္ဍကို ထိခိုက်စေနိုင်တဲ့ ငွေကြေးပိတ်ဆို့မှုတွေကို ဆောင်ရွက်နေတာဟာ အန္တရာယ်များလှပါတယ်လို့ ယယ်လန်က CNN ကို ပြောကြားခဲ့ပါတယ်။

တရုတ်၊ ရုရှား၊ အီရန်တို့အနေနဲ့ အခြားငွေကြေးများ ရွေးချယ်စေဖို့အခွင့်အလမ်းဖြစ်လာပေမယ့် ကမ္ဘာလုံးဆိုင်ရာဒေါ်လာငွေကြေးနေရာမှာ အလွယ်တကူအစားထိုးလို့မရတဲ့ နိုင်ငံတွေလည်းရှိနေကြောင်း ပြောပြခဲ့ပါတယ်။

အမေရိကန်နဲ့ မဟာမိတ်များ အတူတကွအသုံးချမယ်ဆိုရင် ဒဏ်ခတ်ပိတ်ဆို့မှုတွေက အလွန်အရေးပါတဲ့ လက်နက်တစ်ခုဖြစ်ကြောင်း ယယ်လန်က ပြောကြားခဲ့ပါတယ်။

လက်ရှိယူကရိန်းစစ်ပွဲအတွက် ရုရှားကိုထိန်းချုပ်ကန့်သတ်နိုင်စေရန် တရုတ်၊ ယူအေအီး၊ တူရကီလုပ်ငန်းများအပါအဝင် ပစ်မှတ်ပေါင်း ၁၂၀ နီးပါးကို အမေရိကန်ဘဏ္ဍာရေးနှင့် နိုင်ငံခြားရေးဌာနမှ ဒဏ်ခတ်ပိတ်ဆို့မှုများပြုလုပ်ပြီး ရက်ပိုင်းမှာပဲ ယယ်လန်က အခုလိုပြောကြားလိုက်တာဖြစ်ပါတယ်။

အမေရိကန်မဟာမိတ်တွေဖြစ်တဲ့ တူရကီနဲ့ ယူအေအီးတို့မှ လုပ်ငန်းများကို အခုအချိန်မှာဒဏ်ခတ်ပိတ်ဆို့တာဟာ ဆိုးကျိုးသက်ရောက်မှုတွေ ရှိလာနိုင်တယ်လို့ ကျွမ်းကျင်သူများက သုံးသပ်နေကြပါတယ်။  တင်ပါ

အမေရိကန်ရဲ့လုပ်ရပ်ဟာ တရားမဝင်တဲ့လုပ်ရပ်ဖြစ်ကြောင်း တရုတ်က ထုတ်ပြန်လိုက်ပါတယ်။

"ဒါဟာ တစ်ဖက်သတ်ပိတ်ဆို့အရေးယူတာဖြစ်ပြီး လက်တံရှည်တရားစီရင်ခြင်းတစ်ခုဖြစ်ကာ လုပ်ငန်းတွေရဲ့ တရားဝင်အခွင့်အရေးနဲ့ အကျိုးစီးပွားတွေကို ဆိုးရွားစွာ ထိခိုက်စေတဲ့အပြင် ကမ္ဘာ့ထောက်ပံ့ရေးကွင်းဆက်ရဲ့ လုံခြုံရေးနဲ့တည်ငြိမ်မှုကိုလည်း ထိခိုက်စေပါတယ်" လို့ တရုတ်ကဆိုပါတယ်။

ပြီးခဲ့တဲ့လက အိန္ဒိယဟာ ရူပီးငွေဖြင့်ကုန်သွယ်ဖို့ နိုင်ငံ ၁၈ နိုင်ငံနဲ့ သဘောတူညီခဲ့ပါတယ်။

အီရန်ကတော့ တရုတ်၊ ရုရှားတို့နဲ့ကုန်သွယ်ရာမှာ ဒေါ်လာအသုံးမပြုတော့ပါဘူး။

Source: WION

#YangonMediaGroup

#အမေရိကန်ဒဏ်ခတ်ပိတ်ဆို့မှု

#အမေရိကန်ဘဏ္ဍာရေးဝန်ကြီးဂျဲနတ်ယယ်လန်

#အမေရိကန်ဒေါ်လာ

Published 16 April 2023

တောက်လျောက်ကျဆင်းလာနေတဲ့ တောင်ကိုရီးယားရဲ့ သန္ဓေအောင်နှုန်းကို ကုစားဖို့ လွန်ခဲ့တဲ့ ၁၅နှစ်ကစပြီး အစိုးရက ဒေါ်လာ ၂၁၂ ဘီလျံအထိသုံးစွဲခဲ့ပေမယ့် အဆိုပါကျဆင်းမှုရပ်တန့်သွားအောင် သိပ်မလုပ်နိုင်ခဲ့တဲ့အတွက် တောင်ကိုရီး ယားဟာ ယခုဆို နိုင်ငံရပ်ခြားအလုပ်သမားတွေပိုပြီးခေါ်ယူလာနေရပါတယ်။

သန္ဓေအောင်နှုန်းကျဆင်းမှုအကြပ်အတည်း တစ်စိတ်တစ်ပိုင်း ပါဝင်ပတ်သက်မှုကြောင့် ၂၀၅၀ အရောက်မှာ လူဦးရေ ထူထပ်တဲ့ အင်ဒိုနီးရှားနှင့် နိုင်ဂျီရီးယားတို့ဟာ စီးပွာရေးအရွယ်အစားအရ တောင်ကိုရီးယားကို ကျော်ဖြတ်လိမ့်မယ်လို့ ပညာရှင်တွေက ခန့်မှန်းထားကြပါတယ်။

နောက်အဆိုးမြင်တစ်ခုကတော့  ယခုပုံစံအတိုင်းမျိုးအောင်နှုန်းကျဆင်းနေမယ ၂၇၅၀ အရောက်မှာ တောင်ကိုးရီးယား    ဟာ နိုင်ငံအဖြစ်ကနေပါ ပျောက်ကွယ်သွားနိုင်တယ်ဆိုတာပဲဖြစ်ပါတယ်။

ဒေါ်လာဘီလျံချီသုံးစွဲခဲ့ပေမယ့် တောင်ကိုရီးယားရဲ့ ကလေးမွေးနှုန်းဟာ ဆက်လက်ကျဆင်းနေပါတယ်။ ၂၀၂၂ခုနှစ်မှာ တောင်ကိုရီးယားအမျိုးသမီးတစ်ဦးဟာ သူ့ဘဝတလျောက်လုံး ကလေးမွေးတာ တစ်ယောက်တောင်မပြည့်တဲ့ ( ၀.၇၈) အထိကျဆင်းနေပါတယ်။ ဆိုးလ်မြို့မှာဆိုရင် ဒီထက်ပင်ကျဆင်းနေပြီး (၀.၅၉)ပဲရှိပါတော့တယ်။

အချို့သောစီးပွားရေးကော်ပိုရေးရှင်းကြီးတွေက တောင်ကိုရီးယားရဲ့စီးပွားရေးမှာ မင်းမူနေပေမယ့် ကျန်တဲ့ ၉၉ ရာခိုင်နှုန်း ဟာ သူတို့နှင့်နှိုင်းယှဉ်ရင် အတော့်ကိုသေးငယ်တဲ့ ကုမ္ပဏီတွေဖြစ်နေကြပါတယ်။ ဒါပေမယ့် အဲဒီကုမ္ပဏီသေးတွေက လစာနိမ့်ပြီး အလုပ်ပင်ပန်းလွန်းလို့  တောင်ကိုးရီးယားလူငယ်တွေကြားထဲ သိပ်ပြီး ရေပန်းမစားလှပါဘူး၊ အဲဒါကြောင့် စိုက်ပျိုးရေး၊မွေးမြူရေးနှင့်ငါးလုပ်ငန်းတွေ၊ ကုန်ထုတ်လုပ်ငန်းတွေဟာ သူတို့လိုချင်တဲ့ အလုပ်သမားတွေ လုံလုံလောက် လောက်မရရှိကြဘဲဖြစ်နေကြပါတယ်။

အဲဒါကြောင့်လည်း အစိုးရဟာ နိုင်ငံခြားအလုပ်သမားတွေပိုပြီး ရှာဖွေနေကြရပါတယ်။

၁၉၉၀ပြည့်နှစ်မှာ တောင်ကိုရီးယာနိုင်ငံတွင် ကာလရှည်နေထိုင်ခွင့်ရတဲ့ နိုင်ငံခြားသား အရေအတွက်ဟာ ၄၉၀၀၀ ဦး ရှိပါတယ်။ ဒါပေမယ့် ရက်၉၀ အောက်နေကြတဲ့သူတွေအပါအဝင် အတည်တကျနေထိုင်တဲ့ နိုင်ငံခြားသားတွေဟာ ၂၀၂၉ခုနှစ်ကုန်ပိုင်းမှာ ၂.၅၂ သန်း အထိမြင့်တက်သွားခဲ့ပါတယ်။  ဒါဟာ တောင်ကိုရီးယားလူဦးရေ ၅၁သန်းရဲ့ ၄.၉ ရာခိုင် နှုန်းအထိရှိပါတယ်။

အဲဒီနိုင်ငံခြားသားတွေထဲက ၄၀ ရာခိုင်နှုန်းဟာ တရုတ်နိုင်ငံသားတွေဖြစ်ကြပြီး  ကိုရီးယားသွေးပါသူတွေဖြစ်ပါတယ်။  ကိုရီးယားတရုတ်တွေဟာ ဘာသာစကားတူ အစားအသောက်တူလို့ သူတို့ကိုပိုပြီးလိုချင်နေကြပါတယ်။ ဗီယက်နမ်လူမျိုး တွေဟာ ဒုတိယအများဆုံးဖြစ်ပြီး ထိုင်းက တတိယမြောက်အများဆုံးဖြစ်ကြပါတယ်။

၂၀၀၄ခုနှစ်မှာ တောင်ကိုရီးယားဟာ ကျွမ်းကျင်မှုနည်းတဲ့အလုပ်သမားတွေစတင်လက်ခံခဲ့ပါတယ်။ အဲဒီအစီအစဉ်အရ  အစိုးရဟာ အလုပ်ခန့်ထားခြင်းဆိုင်ရာ လုပ်ငန်းစဉ်အစအဆုံး ထိန်းချုပ်ထားပါတယ်။ စတင်ခန့်ရာကနေ သူတို့ကို အလုပ် နေရာချတာအလယ် သူတို့နိုင်ငံပြန်ပို့တာအဆုံးအားလုံးကိုထိန်းချုပ်ထားတာပါ။ အဲဒီအစီအစဉ်အောက်မှာ ကုန်ထုတ် လုပ်ငန်း၊ ဆောက်လုပ်ရေး၊ စိုက်ပျိုးရေး၊မွေးမြူရေး၊ဝန်ဆောင်မှုနှင့်ငါးလုပ်ငန်းတွေ ပါဝင်ပါတယ်။

အလုပ်သမားဈေးကွက်ကိုဖွင့်ပေးခြင်းလို့ ပညာရှင်တစ်ဦးကပြောတဲ့ အဆိုပါလှုပ်ရှားမှုမှာ နိုင်ငံခြာသားအလုပ်သမား တွေကို ပီအာရ်လို့ခေါ်တဲ့ အမြဲတမ်းအခြေချနေထိုင်ခွင့်ရသူတွေဖြစ်အောင်ကူညီဖို့ တေင်ကိုရီးယားအစိုးရက  နည်းမျိုးစုံနှင့်ပြင်ဆင်ခဲ့ပါတယ်။

နိုင်ငံတကာလက်ထပ်ထိမ်းမြားခြင်းမှတစ်ဆင့် နိုင်ငံခြားသားအလုပ်သမားတွေဟာ အခုဆို တရားဝင်အတည်တကျ နေထိုင်ခွင့် ဒါမှမဟုတ် ပီအာရ် အဆင့်အတန်းကို ယခုရရှိနေကြပြီဖြစ်ပါတယ်။ အဲဒါကြောင့်လည်း နိုင်ငံခြားသားအလုပ် သမားတွေနှင့် တောင်ကိုရီးယားနိုင်ငံသားတွေ လက်ထပ်ထိမ်းမြားမှုဟာ ၂၀၀၀ပြည့်နှစ်ကတည်းက တဟုန်ထိုး တိုး တက်လာခဲ့ပါတယ်။  တောင်ကိုရီးယား နိုင်ငံသား ၁၀ဦးလက်ထပ်ရင် တစ်ဦးဟာ နိုင်ငံခြားသားနှင့်လက်ထပ်တာ အထူး သဖြင့်တရုတ်နှင့်ဗီယက်နမ်နိုင်ငံသားတွေနှင့်လက်ထပ်တာအထိ ဆယ်ချိုးတစ်ချိုး ဖြစ်လာပါတယ်။

အဲသလိုနိုင်ငံသားဖြစ်လာသူတွေဟာ သူတို့ရဲ့ အိမ်ထောင်ဖက်နှင့် ကွာရှင်းလို့ပဲဖြစ်ဖြစ် သေဆုံးသွားလို့ပဲဖြစ်ဖြစ် နောက် တစ်ဦးနှင့် အိမ်ထောင်ထပ်ပြုရင် အိမ်ထောင်အသစ်ဟာ အလိုအလျောက် တောင်ကိုရီးယားနိုင်ငံသားဖြစ်လာပါတယ်။ ဒီလိုနည်းနှင့် တောင်ကိုးရီးယားနိုင်ငံသားဖြစ်လာကြတဲ့သူတွေထဲမှာ အရှေ့တောင်အာရှနိုင်ငံကလာသူတွေအရေ အတွက် ဟာ တစ်ဟုန်ထိုးတက်လာနေပါတယ်။

အစိုးရရဲ့ကျယ်ပြန်တဲ့အားပေးမှုတွေက နိုင်ငံခြားသားအလုပ်သမားတွေကို အမြဲတမ်းနေထိုင်ခွင့် သို့မဟုတ်ပီအာရ်အဆင့်   အတန်းရရှိ တာတွေတိုးပွားလာရခြင်းရဲ့ အဓိကအချက်တစ်ခုဖြစ်တယ်လို့  တောင်ကိုရီးယားလူဝင်မှုမူဝါဒစာအုပ်ရေးသား သူ ဆေကာဂွန်းတက္ကသိုလ် ပါမောက္ခ အီကူမီဟာရူကီကပြောပါတယ်။

“ နိုင်ငံတစ်လွှားက နေရာ ၃၁၉နေရာမှာ တောင်ကိုရီးယားဟာ အခမဲ့ ဘာသာစကားသင်တန်းတွေလုပ်ပေးနေတယ်” လို့ ဟာရူကီကပြောပါတယ်။

ဒါပေမယ့် အစိုးရက အဲသလိုဘတ်ဂျက်အကြီးအကျယ်သုံးနေတဲ့အပေါ် ပြည်သူတွေက မကျေမချမ်းဖြစ်လာနေပါတယ်။  လစာတွေက များပေမယ့် နိုင်ငံခြားသားအလုပ်သမားတွေဟာ အလုပ်ချိန်အရှည်ကြီးအလုပ်လုပ်နေကြရပြီး  နိုင်ငံရဲ့ အလုပ်သမားတွေနှင့်ဆက်ဆံရာမှာ ရှေးရိုးအစဉ်အလာလိုဖြစ်နေခဲ့တဲ့ ခွဲခြားဆက်ဆံခံရတာတွေနှင့် ထိပါး နှောက်ယှက်ခံနေရတာတွေကိုလည်း နိုင်ငံခြားသားအလုပ်သမားတွေကြုံတွေ့နေကြရပါတယ်။

ဒါပေမယ့်လည်း အရှေ့တောင်အာရှက လူငယ်တွေအတွက် တောင်ကိုရီးယားဟာ အလုပ်လုပ်ဖို့ ဆွဲဆောင်မှုရှိနေတဲ့ နေရာအဖြစ်ဆက်လက်တည်ရှိနေဆဲဖြစ်ပါတယ်။ အဲဒီအထဲမှာ ကေပေါ့ယဉ်ကျေးမှုနှင့် ကိုရီးယားဒရာမာဇာတ်လမ်း တွေကလည်း ကိုရီးယားကိုသွားဖို့ ဆွဲဆောင်နေတဲ့ အစိတ်အပိုင်းတစ်ခုပါပဲ။

မလုံလောက်မှုတွေရှိနေလင့်ကစား ကျဆင်းနေတဲ့ မွေးဖွားနှုန်းကြောင့်ဖြစ်ပေါ်လာတဲ့ စီးပွားရေးအကျိုးဆက်ကို သက်သာအောင်ဘယ်လိုလုပ်မယ်ဆိုတဲ့ တန်ဖိုးရှိလှတဲ့သင်ခန်းစာတွေကိုတော့ တောင်ကိုရီးယားရဲ့ နိုင်ငံခြား လုပ်သား မူဝါဒက ပေးကမ်းနေတုန်းပဲဖြစ်ပါတယ်။

Source” Nikkei Asia

#YangonMediaGroup

#SpecialReport

#အထူးဆောင်းပါး

#တောင်ကိုရီးယား

#တောင်ကိုရီးယားကလေးမွေးနှုန်းကျဆင်း

#တောင်ကိုရီးယားနိုင်ငံခြားသားအလုပ်သမား

Published 14 April 2023

ဂျပန်နိုင်ငံမှ ဒိုင်လူကြီးအဖွဲ့က အကောင်းဆုံးဂျပန်ကြက်ကြော်ပြုလုပ်နိုင်သူကို ရှာဖွေနေကြပါတယ်။

သူတို့ရဲ့ကြက်ကြော်နည်းက ကြက်သား၊ အခြားအသားနဲ့ ဟင်းသီးဟင်းရွက်တွေကို မကြော်မီမှာ ဂျုံမှုန့်၊ ပြောင်းမှုန့်တို့ဖြင့် နှပ်ထားတာဖြစ်ပါတယ်။

ဂျပန်နိုင်ငံမှာ လူကြိုက်များတဲ့ အစားအစာဖြစ်ပြီး နှစ်စဉ်ကျင်းပတဲ့ပြိုင်ပွဲမှာ အနိုင်ရမယ်ဆိုရင် သူတို့ရဲ့ရောင်းအားက ၃ ဆလောက်တက်လာမှာဖြစ်ပါတယ်။

အရင်နှစ်တွေက ပြိုင်ဆိုင်ကြတဲ့ စားသောက်ဆိုင်တွေ၊ အရက်ဆိုင်တွေ၊ ကြက်ကြော်ဆိုင်တွေဟာ မမှန်မကန်ယှဉ်ပြိုင်ကြတယ်လို့ စွပ်စွဲမှုများရှိတာကြောင့် အခုနှစ်မှာတော့ ဒိုင်လူကြီးတွေနဲ့ ဆုံးဖြတ်မှာဖြစ်ပါတယ်။

Source: AFP

#ဂျပန်ကြက်ကြော်ပြိုင်ပွဲ

#ဂျပန်အကောင်းဆုံးကြက်ကြော်ပြိုင်ပွဲ

#YangonMediaGroup

Published 10 April 2023

အာရပ်စော်ဘွားများပြည်ထောင်စုနိုင်ငံ(ယူအေအီး) ဒူဘိုင်းမှာပြုလုပ်တဲ့ လေလံပွဲတစ်ခုမှာ  ရှားပါးမော်တော်ယာဉ် လိုင်စင် နံပါတ်ပြားတစ်ခုဟာ  ယူအေအီးရဲ့ ဒိုင်ယာဟမ်၅၅သန်း( အမေရိကန်ဒေါ်လာ ၁၅သန်းခန့်)အထိ အမြင့်ဆုံးနှင့် လေလံ  အောင်သွားခဲ့ပါတယ်။  အဆိုပါနံပါတ်ပြားဟာ P7 ဖြစ်ပြီး  ကမ္ဘာပေါ်မှာ ဈေးအကြီးဆုံး နံပါတ်ပြားအဖြစ် စံချိန်တင် သွားခဲ့ တာဖြစ်ပါတယ်။

အဲဒီ P7 နံပါတ်ပြားဟာ P ကို ဘေးဖယ်လိုက်ရင် (၇)ဂဏန်းတစ်လုံးတည်းလို့ လျှပ်တစ်ပြက်မြင်ရပါတယ်။ စနေနေ့က ပြုလုပ်တဲ့ ပရဟိတလေလံပွဲတစ်ခုမှာ လေလံတင်ခဲ့တာဖြစ်ပြီး အဆိုပါလေလံရရှိငွေတွေကို ဒူဘိုင်းအုပ်စိုးသူ ရှိတ်မိုဟာမက် ဘင်ရာရှစ်တည်ထောင်ထားတဲ့ အစားအသေက် တစ်ဘီလျံ ပံ့ပိုးမှုဖြစ်တဲ့ ကမ္ဘာလုံးဆိုင်ရာ စားနပ်ရိက္ခာ  ဦးစီးဦးရွက်အစီအစဉ်ထဲ ရောက်ရှိသွား မှာ ဖြစ်ပါတယ်။

ယူအေအီးဟာ ကားလိုင်စင်နံပါတ်ပြားတွေကို ဂုဏ်တင်စရာတစ်ခုအဖြစ် ပရဟိတလုပ်ငန်းတွေအတွက် လေလံ  ပစ်လေ့ရှိပါတယ်။ အလွန့်ကိုချမ်းသာ ကြွယ်ဝကြသူတွေဟာ သူတို့ရဲ့ ဓနစည်းစိမ်ကိုပြသတဲ့ ပြယုဒ်တစ်ခုအဖြစ် ဝယ်ကြပါတယ်။  ၂၀၀၈ခုနှစ်တုန်းက ပြည်တွင်းစီးပွားရေးလုပ်ငန်းရှင်ဆာအက်အက်ဒူဂါဖာခိုရီဆိုသူဟာ အဘူဒါဘီမြို့မှာ နံပါတ်(၁) ဂဏန်း လိုင်စင်နံပါတ်ပြားကို ဒိုင်ယာဟမ်ငွေ ၅၂.၂ သန်းနှင့်ဝယ်ယူခဲ့တာဟာ နောက်ဆုံးဈေးအမြင့်ဆုံးဝယ်ယူ မှုဖြစ်ပါတယ်။

ဒီတစ်ပတ်မှာ P7 နံပါတ်ပြား ဘယ်သူဝယ်ယူခဲ့တယ်ဆိုတာကိုတော့ ထုတ်မပြောပါဘူး။

အရှေ့အလယ်ပိုင်းပြင်ပဘက်မှာလည်း အလားတူ ကားနံပါတ်ပြားတွေကို လေလံမှာ ဈေးကြီးပေးဝယ်တာ တွေရှိခဲ့ဖူးပါ  တယ်။ ဒီနှစ်စောစောပိုင်းမှာ Rတစ်လုံးပဲပါတဲ့ နံပါတ်ပြားကို ဟောင်ကောင်မှာ ဟောင်ကောင်ဒေါ်လာ ၂၅.၅သန်း (အမေရိကန်ဒေါ်လာ၃.၂သန်း)နှင့် ဝယ်ယူခဲ့သူရှိခဲ့ပါတယ်။

ဒူဘိုင်းဟာ မဟာ့မဟာချမ်းသာသူတွေအတွက် စိတ်ချလုံခြုံပြီး အခွန်ကင်းတဲ့ အရပ်တစ်ခုအဖြစ် နှစ်ပေါင်းများစွာ တည်ရှိလာခဲ့ပါတယ်။ ကမ္ဘာ့အခြားအစိတ်အပိုင်းတွေဟာ စီးပွာရေးကျဆင်းမှုကြောင့် စိုးရိမ်သောကရောက်နေကြရတဲ့ အချိန်မှာ ယူအေအီးရဲ့ စီးပွားရေးဟာ ကောင်းမွန်နေဆဲဖြစ်ပါတယ်။ ရေနံတွေဈေးကြီးမြင့်တာဟာ သူ့ရဲ့ အိမ်နီးချင်းနိုင်ငံ တွေနှင့် အရေးကြီးဖောက်သည်တွေအတွက် အကျိုးရှိနေပါတယ်။ ဓနအင်အားတွေစီးဝင်မှုက အိမ်ခြံမြေဈေးကွက်ကို အားကောင်းနေစေပါတယ်။

ကိုယ့်မိခင်နိုင်ငံထက် အရောင်းအခွန်နှုန်းတွေ နိမ့်တာကြောင့် အလယ်အလတ်ဝင်ငွေရှိကြတဲ့ နိုင်ငံခြားသား   ပညာရှင်တွေဟာ  ကားတွေအပေါ် ငွေကိုဖြုန်းနေနိုင်ကြပါတယ်။

အဘူဆာဘာလို့သိကြတဲ့  စီးပွားရေးလုပ်ငန်းရှင် ဘာဗင်ဒါဆင်းဆာနီဟာ ၂၀၁၆ခုနှစ်တုန်းက ကားလိုင်စင်နံပါတ်ပြား D 5 ကို ဒိုင်ယာဟမ် ၃၃သန်းနှင့် ဝယ်ခဲ့ပါသေးတယ်။ “ ဒူဘိုင်းဟာ ရွှေနိုင်ငံ။ ကြီးမားတဲ့သူတွေ၊ခိုင်မာတောင့်တင့်တဲ့သူတွေနှင့် သဘောကောင်းသူတွေနေတဲ့မြို့ဖြစ်တယ်။ အဲဒါကြောင့် လူတိုင်းက သူတို့ရဲ့ လူနေမှုအဆင့်ကိုပြချင်ကြတယ်” လို့ တနင်္လာနေ့က အင်တာဗျူးမှာပြောခဲ့ပါတယ်။

သူဟာ ၂၀၀၆ခုနှစ်တုန်းက ဇိမ်ခံဟိုတယ်ကြီးတစ်ခုကိုလာတာ သူ့ကိုပေးမဝင်ခဲ့ပါဘူး။ ဘာဖြစ်လို့လဲဆိုတော့ သူ့ကားက နံပါတ်တွေအများကြီးနှင့်နံပါတ်ပြားတပ်ထားလို့ဖြစ်တယ်လို့ ဆာနီကပြောပါတယ်။ သူအနေနှင့် နံပါတ်နှစ်လုံးပါ နံပါတ် ပြားရှိရင်ရှိ မရှိရင် အရန်စာရင်းသွင်းမယ်လို့ အပြောခံခဲ့ရပါတယ်တဲ့။ အဲဒါကြောင့် သူဟာ နံပါတ်တစ်လုံးတည်းနှင့် ကား လိုင်စင်ပြားကိုသိပ်လိုချင်ခဲ့ပါတယ်။  အဲဒါကြောင့် သူ့မှာ အခွင့်အရေးရလာပြီး သူဝယ်တဲ့ပိုက်ဆံတွေက ပရဟိတအလှု အတွက်ဆိုတာသိလိုက်တာနှင့် သူဟာ D 5 နံပါတ်ပြားကို ဝယ်ယူခဲ့တာဖြစ်ပါတယ်။ သူက D5ဘာဖြစ်လို့ကြိုက်တာလဲ ဆိုတော့ သူ့ရဲ့အကြိုက်နံပါတ်ဟာ ၉ ဂဏန်းဖြစ်ကြောင်း၊ Dဆိုတာ နံပါတ်၄ဖြစ်ပြီး ၄နှင့် ၅ပေါင်းတဲ့အခါ ၉ ရကြောင်း ဘလွမ်းဘတ်သတင်းဌာနကိုပြောကြားခဲ့ပါတယ်။

Source: Bloomberg

#P7ကားနံပါတ်ပြားဒူဘိုင်းတွင်ဒေါ်လာ၁၅သန်းဖြင့်လေလံအောင်

#အာရပ်စော်ဘွားများပြည်ထောင်စုနိုင်ငံ

#YangonMediaGroup

Published 9 April 2023

 မြန်မာနိုင်ငံရဲ့ အသားအရေအလှအပထိန်းသိမ်းရေး ဈေးကွက်ဟာ ၂၀၁၉ခုနှစ်မှာ ဒေါ်လာ ၂၇၂.၃ သန်းရှိလာခဲ့ရာမှ ၂၀၂၇ ခုနှစ် အရောက်မှာ ဒေါ်လာ ၅၀၁.၆သန်းအထိတိုးတက်လာမယ်လို့ နိုင်ငံတကာ ဈေးကွက်သုတေသအဖွဲ့အစည်းတစ်ခုကခန့်မှန်း လိုက်ပါတယ်။

လူဦးရေ၅၄သန်းခန့်ရှိနေတဲ့ မြန်မာနိုင်ငံမှာ လူငယ်အချိုးအစားဟာ မျှတတဲ့ အနေအထားမှာရှိနေတဲ့အတွက်  လှုပ်ရှားတက်ကြွမှုရှိတဲ့ စားသုံးသူ အခြေခံကို ဖန်တီးပေးထားတယ်လို့ အဆိုပါ Allied Market Research ရဲ့ သုတေသတွေ့ရှိချက်ထဲမှာဖော်ပြထားပါတယ်။

မြန်မာအသားအရေအလှအပထိန်းသိမ်းရေးထုတ်ကုန်ဈေးကွက်ဟာ ယှဉ်ပြိုင်ရမှု မျှမျှတတရှိနေပြီး နိုင်ငံတကာထုတ်ကုန်ရော ပြည်တွင်းထုတ်ကုန်တွေရော နေရာရနေတာဖြစ်တယ်လို့လည်း အဆိုပါအစီရင်ခံစာကဖော်ပြထားပါတယ်။

မြန်မာနိုင်ငံ စားသုံးသူတွေဟာ လျှော့ဈေးပေးတဲ့အပေါ် ကြီးမားစွာ မှီခိုထားပြီး အရည်အသွေးကောင်းတဲ့ အသားအရေအလှအပ ထုတ်ကုန်တွေကို လျှော့ဈေးနှင့်ရတာကို ပိုသဘောကျကြတယ်လို့လည်း ဆိုပါတယ်။

မြန်မာနိုင်ငံက သုံးစွဲသူတွေဟာ အယ်ကိုဟောနှင့် တိရစ္ဆာန်တွေသတ်ဖြတ်ရာကနေရရှိတဲ့ အရေပြားအလှထုတ်ကုန်တွေကို မကြိုက်ကြဘူးလို့လည်း ပြောပါတယ်။ မြန်မာ့ဈေးကွက်မှာ Dove၊ Neutrogenaနှင့် Panteneအမှတ်တံဆိပ်တွေ  နေရာ ကောင်းကောင်းယူထားကြပြီး ဈေးကြီးတဲ့ထုတ်ကုန်တွေကို နိုင်ငံခြားသားတွေ၊ အထက်တန်းလွှာတွေနှင့် အလယ်အလတ်အထက်လူတန်းစားတွေက နှစ်သက်ကြတယ်လို့လည်း အဆိုပါအစီရင်ခံစာကပြောပါတယ်။

မြန်မာ့ဈေးကွက်မှာ ခရင်မ် cream အရေပြားအလှကုန်ပစ္စည်းတွေဟာ ၂၀၁၉ခုနှစ်မှာ ဦးဆောင်နေပြီး အခြားသော ပစ္စည်းအမျိုးအစားတွေလည်း နေရာတိုးပြီးယူလာနိုင်မယ့် အခြေအနေရှိနေပါတယ်။

၂၀၁၉ခုနှစ်စာရင်းများအရ မြန်မာနိုင်ငံ အရေပြားအလှကုန်တွေရဲ့ သုံးပုံနှစ်ပုံဟဟာ အမျိုးသမီးတွေအတွက်ဖြစ်ကြပြီး အမျိုးသားသုံးအရေပြားအလှကုန်အချိုးအစားကလည်း တိုးလာနေဖို့ရှိနေပါတယ်။

ဖြန့်ချိရေးမှာ စူပါမားကက်တွေနှင့် ဟိုက်ပါမားကက်တွေမှာ အရောင်းရဆုံဖြစ်ပြီး အွန်လိုင်းကနေရောင်းတာတွေလည်း တိုးတက်လာဖို့ရှိနေပါတယ်။

အဆိုပါ မြန်မာ့အသားအရေအလှကုန်ဈေးကွက်နှစ်စဉ်တိုးတက်မှုအစီရင်ခံစာ ၂၀၂၁-၂၀၂၇ အတွက် အချက်အလက်တွေကို L’Oréal S.A၊ Kao Corporation၊ Estee Lauder ၊Revlon Inc၊ ၊ Unilever Group ၊Shiseido Company Limited၊ Procter & Gamble ၊ Frenzo Myanmar Company Limited ၊Beiersdorf AG နှင့်  ရွှေပြည်နန်းတို့ကနေရရှိတယ်လို့လည်း ဖော်ပြ ထားပါတယ်။

Source: https://www.einnews.com/pr_news/626806138/myanmar-skin-care-products-market-expected-to-reach-501-6-million-by-2027-l-or-al-s-a-kao-corporation-estee-lauder

 Photo Credit: The Skin District 9

-ymg/knl

#မြန်မာနိုင်ငံအသားအရေထိန်းသိမ်းရေးအလှကုန်ဈေးကွက်

#မြန်မာ့အသားအရေအလှကုန်ဈေးကွက်

#YangonMediaGroup

Published 4 April 2023

မြန်မာနှင့်လာအိုအကြား လျှပ်စစ်ဓာတ်အားဝယ်ယူရောင်းချရေးအတွက် နှစ်နိုင်ငံ နယ်စပ်ဖြတ်ကျော်ဓာတ်အားလိုင်း စီမံကိန်းကို ၂၀၂၄ ခုနှစ်တွင် ကျိုင်းတုံမြို့အထိ လည်းကောင်း၊ ၂၀၂၆ ခုနှစ်တွင် မိတ္ထီလာမြို့အထိလည်းကောင်း ရောက်ရှိနိုင်မယ် လို့ မြန်မာနစက လျှပ်စစ်စွမ်းအားဝန်ကြီးဌာန ပြည်ထောင်စုဝန်ကြီး ဦးသောင်းဟန်က ပြောပါတယ်။

ဧပြီလ(၃)ရက်နေ့က နေပြည်တော်မှာကျင်းပတဲ့ မြန်မာနှင့်လာအိုနှစ်နိုင်ငံအကြားပြုလုပ်တဲ့ လျှပ်စစ်စွမ်းအားပူးပေါင်း ဆောင်ရွက်ခြင်းဆိုင်ရာ အခမ်းအနားတစ်ခုမှာ ပြည်ထောင်စုဝန်ကြီးဦးသောင်းဟန်က ပြောကြားခဲ့တာဖြစ်ပါတယ်။

အဲဒီအတွက် မြန်မာ - လာအို လျှပ်စစ်ကဏ္ဍ ပူးပေါင်းဆောင်ရွက်မှုဆိုင်ရာ နားလည်မှုစာချွန်လွှာ ပြင်ဆင်ချက်လက်မှတ်ရေးထိုးခြင်း အခမ်းအနားနှင့် နယ်စပ်ဖြတ်ကျော် ဓာတ်အားလိုင်းစီမံကိန်း ဖြစ်မြောက်နိုင်စွမ်း လေ့လာမှုပြုလုပ်ရန် Consortium of PISASAI Energy and Mine Investment Pte. Ltd. and Primus Sapphire Power Company Limited သို့ ပေးအပ်မည့် Notice to Proceed (NTP) လက်မှတ်ရေးထိုးခြင်း အခမ်းအနားများကို ယနေ့ မွန်းလွဲ ၂ နာရီတွင် နေပြည်တော်ရှိ Jasmine Nay Pyi Taw Hotel ၌ ကျင်းပခဲ့တာဖြစ်ပါတယ်။

မြန်မာ - လာအို နှစ်နိုင်ငံတို့သည် အာဆီယံနှင့် ဂျီအမ်အက်စ်အဖွဲ့ဝင် အိမ်နီးချင်းနိုင်ငံများဖြစ်ပြီး ဒေသတွင်းဆိုင်ရာ ကိစ္စရပ်များတွင် နီးကပ်စွာ ပူးပေါင်းဆောင်ရွက်လျက်ရှိပါကြောင်း၊ ၂၀၁၈ ခုနှစ် ဇန်နဝါရီ ၁၅ ရက် တွင် လက်မှတ်ရေးထိုးခဲ့သည့် နားလည်မှုစာချွန်လွှာ၏ ငါးနှစ်တာကာလအတွင်း PISASAI and Mine Investment Pte. Ltd. and Primus Sapphire Power Company Limited တို့နှင့် ပူးပေါင်းဆောင်ရွက်ခဲ့ပြီး နှစ်နိုင်ငံဓာတ်အားကွန်ရက်ချိတ်ဆက်၍ လျှပ်စစ်ဓာတ်အား ပို့လွှတ်/ ရောင်းချနိုင်ရေး စီမံကိန်းအတွက် သိသာထင်ရှားသည့် လုပ်ငန်းတိုးတက်မှုများ လုပ်ဆောင်နိုင်ခဲ့ပါကြောင်းနှင့်  နှစ်နိုင်ငံဓာတ်အား ဝယ်ယူ/ရောင်းချရေးတွင် ကုမ္ပဏီနှစ်ခုအပြင် အစိုးရ များအနေဖြင့်လည်း နီးကပ်စွာပူးပေါင်းဆောင်ရွက်ရန် လိုအပ်တယ်လို့  အဆိုပါအခမ်းအနားသို့တက်ရောက်လာတဲ့ နစကအဖွဲ့ဝင်  ဒုတိယဝန်ကြီးချုပ်နှင့် ပို့ဆောင်ရေး နှင့်ဆက်သွယ်ရေးဝန်ကြီးဌာန ပြည်ထောင်စုဝန်ကြီး ဗိုလ်ချုပ်ကြီး တင်အောင်စန်းက ပြောကြားခဲ့ပါတယ်။

ယနေ့အခမ်း အနားတွင် မြန်မာ - လာအို လျှပ်စစ်ကဏ္ဍ၌ ပူးပေါင်းဆောင်ရွက်မှုဆိုင်ရာ နားလည်မှုစာချွန်လွှာအား နောက်ထပ် ငါးနှစ်သက်တမ်း တိုးမြှင့်ခြင်းဖြင့် နှစ်နိုင်ငံအကြား လျှပ်စစ်ဓာတ်အား (၆၀၀) မဂ္ဂါဝပ်အထိ သွယ်တန်းနိုင်ရေး စီမံကိန်းများဆိုင်ရာ ဖြစ်မြောက်နိုင်စွမ်း လေ့လာခြင်းနှင့် မဲခေါင်မြစ် ရေအားလျှပ်စစ်စီမံကိန်းများ၊ ဖွံ့ဖြိုးတိုးတက်ရေး စီမံကိန်းများ ပူးပေါင်းဆောင်ရွက်ကြမည်ဖြစ်ပါကြောင်း၊ စီမံကိန်းဆိုင်ရာ လုပ်ငန်းဆောင်ရွက်မှု အဆင့်ဆင့်ကို ဆက်လက်ဆောင်ရွက်ပြီး နှစ်နိုင်ငံ နယ်စပ်ဖြတ်ကျော်ဓာတ်အားလိုင်း စီမံကိန်းကို ၂၀၂၄ ခုနှစ်တွင် ကျိုင်းတုံမြို့အထိ လည်းကောင်း၊ ၂၀၂၆ ခုနှစ်တွင် မိတ္ထီလာမြို့အထိလည်းကောင်း ရောက်ရှိနိုင်မည်ဖြစ်၍ မြန်မာနိုင်ငံ၏ လျှပ်စစ်ဓာတ်အား တိုးတက်ရရှိရေးအတွက် များစွာအထောက်အကူပြုမည်ဖြစ်ပါကြောင်း လျှပ်စစ်စွမ်းအားဝန်ကြီးဌာနပြည်ထောင်စုဝန်ကြီး ကလည်း အသိပေးပြောကြားခဲ့တယ်လို့ နစကရဲ့သတင်းထုတ်ပြန်ချက်မှာဖော်ပြထားပါတယ်။

အခမ်းအနားသို့ တက်ရောက်လာတဲ့ လာအိုပြည်သူ့ဒီမိုကရက်တစ်သမ္မတနိုင်ငံ စွမ်းအင်နှင့် သတ္တုတွင်းဝန်ကြီးဌာန ဝန်ကြီးမစ္စတာ ဖိုစေးစရာစုံကလည်း လာအိုနိုင်ငံ ဗီယင် ကျန်းမြို့တွင် ကျင်းပခဲ့သည့် (၅) ကြိမ်မြောက် Joint Working Committee (JWC) အစည်းအဝေးနှင့် (၆)ကြိမ်မြောက် Joint Working Group (JWG) အစည်းအဝေးများမှနေ၍ မြန်မာ - လာအို လျှပ်စစ် ကဏ္ဍ၌ ပူးပေါင်းဆောင်ရွက်မှုဆိုင်ရာ နားလည်မှု စာချွန်လွှာအား နောက်ထပ် ငါးနှစ်သက်တမ်းတိုးမြှင့်ရန် သဘောတူညီခဲ့ကြ ပါကြောင်း၊ အဆိုပါ နားလည်မှုစာချွန်လွှာတွင် နိုင်ငံဖြတ်ကျော်ဓာတ်အား လိုင်းစီမံကိန်းနှင့် ရေအားလျှပ်စစ်ဆိုင်ရာ ပူးပေါင်းဆောင်ရွက်မှုကိစ္စရပ်များ ပါဝင်ပါကြောင်း၊ နှစ်နိုင်ငံအကြား လျှပ်စစ်ကဏ္ဍတွင် နီးကပ်စွာပူးပေါင်းဆောင်ရွက်ခြင်းဖြင့် ချစ်ကြည်ရေးနှင့် ကဏ္ဍစုံ လက်တွဲဆောင်ရွက်ရေး လုပ်ငန်းစဉ်များကို ဆက်လက်အရှိန်မြှင့်တင်သွားနိုင်မည် ဖြစ်ပါကြောင်း ပြောကြားခဲ့တယ်လို့သိရပါတယ်။

အဲဒီနောက် လျှပ်စစ်စွမ်းအားဝန်ကြီးဌာန ပြည်ထောင်စုဝန်ကြီး ဦးသောင်းဟန်နှင့် လာအိုပြည်သူ့ဒီမိုကရက် တစ်သမ္မတနိုင်ငံစွမ်းအင်နှင့် သတ္တုတွင်းဝန်ကြီးဌာနဝန်ကြီး မစ္စတာ ဖိုစေးစရာစုံတို့က မြန်မာ - လာအို လျှပ်စစ်ကဏ္ဍ၌ ပူးပေါင်းဆောင်ရွက်မှုဆိုင်ရာ နားလည်မှုစာချွန်လွှာ ပြင်ဆင်ချက် (MOU Amendment) ကို လက်မှတ်ရေးထိုးပြီး အပြန်အလှန် လဲလှယ်ခဲ့ကြပါတယ်။

ဆက်လက်ပြီး  လျှပ်စစ်စွမ်းအား ဝန်ကြီးဌာန ပြည်ထောင်စုဝန်ကြီးရုံး ညွှန်ကြားရေးမှူးချုပ် ဦးစိုးမြင့်၊ PISASAI Energy and Mine Investment Pte. Ltd. ၏ ဒုတိယမန်နေဂျင်း ဒါရိုက်တာ Mr. Shen DECAI နှင့် Primus Sapphire Power Company Limited အုပ်ချုပ်မှုဒါရိုက်တာ ဦးကျော်လှဝင်းတို့က Notice to Proceed (NTP) ကို လက်မှတ်ရေးထိုးပြီး အပြန်အလှန်လဲလှယ်ခဲ့ကြပါတယ်။

ရေအားလျှပ်စစ်အရင်းအမြစ်ပေါကြွယ်ဝတဲ့ လာအိုနိုင်ငံဟာ အရှေ့တောင်အာရှရဲ့ ဘက်ထရီအိုးအဖြစ် လျှပ်စစ်ဓာတ်ထုတ်လုပ်ရေးကို ဦးစားပေးဆောင်ရွက်လျက်ရှိပြီး ပိုလျှံတဲ့ လျှပ်စစ်ဓာတ်အားများကို အိမ်နီးချင်းနိုင်ငံတွေကို ရောင်းချဖို့ စီစဉ်ဆောင်ရွက်နေတာဖြစ်ပါတယ်။

-ymg/knl

#မြန်မာ-လာအို_နယ်စပ်ဖြတ်ကျော်လျှပ်စစ်ဓာတ်အားလိုင်းစီမံကိန်း

#လာအိုပြည်သူ့ဒီမိုကရက် တစ်သမ္မတနိုင်ငံစွမ်းအင်နှင့် သတ္တုတွင်းဝန်ကြီးဌာနဝန်ကြီး မစ္စတာ ဖိုစေးစရာစုံ

#YangonMediaGroup