#World_Health
Published 26 September 2022
ငှက်ပျောသီးက တစ်နှစ်ပတ်လုံးသီးတဲ့ အသီးမျိုးဖြစ်ပါတယ်။
ငှက်ပျောသီးနေ့တိုင်းစားလို့ ကျန်းမာရေးအတွက်သင့်တော်ပါ့မလား?
နေ့စဉ်ငှက်ပျောသီး ၂ လုံး ၃ လုံးစားရင် ဘာတွေဖြစ်နိုင်သလဲဆိုတာကို ဖော်ပြလိုက်ပါတယ်။
(၁) အားအင်ပြည့်ဖြိုးခြင်း
ငှက်ပျောသီးက အလွန်အားအင်ပြည့်ဖြိုးတဲ့ အသီးဖြစ်ပါတယ်။
အားဖြည့်အချိုရည်ကရတဲ့ ပမာဏလောက်ကို ရရှိနိုင်ပါတယ်။
အားဖြည့်အချိုရည်နဲ့ မတူညီတာက ငှက်ပျောသီးဟာ အဟာရဓာတ်လည်း ကြွယ်ဝတာကြောင့် ကျန်းမာရေးနဲ့ ညီညွတ်ပါတယ်။
အားကစားသမားတွေဆိုရင် တစ်နေ့ကို ငှက်ပျောသီး ၂ လုံး ၃ လုံးစားပေးပါက ကြွက်သားကြွက်တက်ခြင်း မဖြစ်စေနိုင်ပါဘူး။
ပိုတက်ဆီယမ်လည်းကြွယ်ဝတာကြောင့် အလျင်အမြန်သက်သာစေပါတယ်။
(၂) အစာကြေခြင်း
ငှက်ပျောသီးက အမျှင်ဓာတ်အလွန်ကြွယ်ဝပါတယ်။
တစ်နေ့ကို ၂ လုံး ၃ လုံးလောက်စားပေးရင် အစာချေနှုန်းကို ထိန်းညှိပေးပါတယ်။
ငှက်ပျောသီးက ဗိုက်ပြည့်ဝစေပါတယ်။
ဒါကြောင့် ငှက်ပျောသီးလုံလောက်စွာစားရင် ဝမ်းချုပ်ခြင်းပြဿနာကင်းစေပါတယ်။
(၃) ကိုယ်အလေးချိန်ကျခြင်း
ဝိတ်ကျချင်တယ်ဆိုရင် ငှက်ပျောသီးက အထောက်အကူဖြစ်စေပါတယ်။
ကိုယ်ခန္ဓာထဲကဆဲလ်တွေ အဆီစုပ်ယူခြင်းကို ကန့်သတ်ပေးပါတယ်။
ဒီကောင်းကျိုးရဖို့အတွက်ကတော့ သင့်တင့်မျှတတဲ့ အစားအစာစားပေးဖို့ လိုပါတယ်။
(၄) နှလုံးသွေးကြောများကောင်းမွန်စေခြင်း
အမျှင်ဓာတ်ကြွယ်ဝတဲ့ အစားအစာတွေက နှလုံးအတွက်လည်း ကောင်းမွန်ပါတယ်။
ပိုတက်ဆီယမ်က သွေးဖိအားကိုကောင်းမွန်စေသလို တစ်နေ့ကို ၂ လုံး ၃ လုံးစားသုံးပေးပါက နှလုံးသွေးကြောဆိုင်ရာရောဂါများ ကာကွယ်ပေးပါတယ်။
(၅) စိတ်အားအင်ကောင်းမွန်စေခြင်း
ငှက်ပျောသီးက မဂ္ဂနီဆီယမ်ကြွယ်ဝတာကြောင့် စိတ်အခြေအနေကောင်းမွန်စေပါတယ်။
စိုးရိမ်စိတ်၊ စိတ်ဖိအားတို့ကို သက်သာစေပြီး စိတ်ဓာတ်မြှင့်တင်ပေးပါတယ်။
ဒါ့အပြင် ညအိပ်တဲ့အခါမှာလည်း အိပ်ပျော်စေပါတယ်။
Source: Soo Healthy
#Yangon_Media_Group
