#Local_News
Published_5 October 2022
အောက်တိုဘာ ၁ ရက်နေ့တွင် ရန်ကုန်တိုင်းဒေသကြီး၊ သီလဝါဆိပ်ကမ်းရှိ Terminal ၌ ဓာတ်ဆီ 92 Ron (၂.၀၉) ဂါလံသန်းနှင့် ဓာတ်ဆီ 95 Ron (ဝ.၁၇) ဂါလံသန်း ဆီချလုပ်ငန်းဆောင်ရွက်နေကြောင်း စက်သုံးဆီတင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေးကော်မတီမှ သိရသည်။
ယင်းအပြင် စက်သုံးဆီအမျိုးအစားအလိုက် ဖူလုံမှုရှိစေရေး စိစစ်တင်သွင်းဆောင်ရွက်လျက် ရှိကြောင်း၊ တစ်ပတ်အတွင်း စက်သုံးဆီဈေးနှုန်းများအနေဖြင့် စက်တင်ဘာလ၂၉ ရက်နေ့တွင် MOPS ဈေးမြင့်တက်မှုကြောင့် အနည်းငယ် မြင့်တက်ခဲ့ပြီး နောက်ပိုင်းတွင် တဖြည်းဖြည်းကျဆင်းလျက်ရှိကြောင်း စက်သုံးဆီဈေးနှုန်းများအရ သိရသည်။
ပြီးခဲ့သည့် စက်တင်ဘာလ ၂၅ ရက်နေ့တွင်လည်း MT Yu Yi သင်္ဘောမှ ရိုးရိုးဒီဇယ်ဆီ HSD (၁ ဒသမ ၈၆) ဂါလံသန်းနဲ့ ပရီမီယံဒီဇယ်ဆီ PHSD (၂ ဒသမ ၁၇) ဂါလံသန်း စုစုပေါင်းဒီဇယ်ဆီ (၄ ဒသမ ၀၃) ဂါလံသန်းနှင့် MT Harmony One သင်္ဘောမှ ဓာတ်ဆီ 92 Ron (၂ ဒသမ ၁၃) ဂါလံသန်းကို သီလဝါဆိပ်ကမ်းတွင် ဆီချလုပ်ငန်း ဆောင်ရွက်ခဲ့ကြောင်းလည်း သိရသည်။
စက်တင်ဘာလအတွင်း ဓာတ်ဆီ ၈၀,၄၉၉ တန်နှင့် ဒီဇယ်ဆီ ၁၅၃,၀၉၅.၆၀ တန် စုစုပေါင်း စက်သုံးဆီတန်ချိန် ၂၃၃,၅၉၄.၆၀ တန် တင်သွင်းခွင့်ပြုပေးခဲ့ပြီဖြစ်ကြောင်း သိရသည်။ လက်ရှိတွင် ပြည်တွင်းစက်သုံးဆီဈေးနှုန်းမှာလည်း ဓာတ်ဆီ 92 တစ်လီတာကို ကျပ် ၁၉၀၀ အောက်ထပ်မံကျဆင်းလာပြီး ဒီဇယ်မျိုးစုံဈေးနှုန်းမှာလည်း ကျဆင်းလာကြောင်း သိရသည်။
#Ymg/STH
#Yangon_Media_Group
