Published 16 August 2022

မြန်မာနိုင်ငံဆိုင်ရာ ကုလသမဂ္ဂ အထူးသံတမန် နိုလင်းဟေဇာဟာ တနင်္လာနေ့က မြန်မာနိုင်ငံကို ပထမဆုံးအကြိမ်သွားရောက် တယ်လို့ အေပီသတင်းအရသိရပါတယ်။ ဒါဟာ သူမကို‌ ပြီးခဲ့တဲ့ အောက်တိုဘာမှာ ခန့်အပ်ပြီးကတည်းက ပထမဆုံးခရီးဖြစ်ပါတယ်။

ဟေဇာဟာ “ ဆိုးရွားလာနေတဲ့ မြန်မာ့အခြအနေနှင့် လက်ငင်းစိုးရိမ်ပူပန်မှုတွေအပြင် သူမကို တာဝန်ပေးအပ်ထားတဲ့ အခြားနယ်ပယ်နှင့်ဆိုင်တာတွေကိုဆွေးနွေးမယ်လို့ ကုလသမဂ္ဂရဲ့ ပြောရေးဆိုခွင့်ရပုဂ္ဂိုလ် စတက်ဖိန်း ဒူဂျာရစ်က ပြောပါတယ်။

သူမဟာ မြန်မာစစ်တပ်ခေါင်းဆောင်တွေနှင့် အကျဉ်းချခံထားရဲ့ ခေါင်းဆောင်ဟောင်းဒေါ်အောင်ဆန်းစုကြည်တို့နှင့်တွေ့ မတွေ့ကိုတော့ သူက အသေးစိတ်ပြောမသွားဘူးလို့သတင်းကရေးသားပါတယ်။

“ သူမဟာ နိုင်ငံရေး နယ်ပယ်တစ်လွှားက ပါဝင်သူတွေ၊အရပ်ဘက်အဖွဲ့အစည်းတွေနှင့် လက်ရှိပဋိပက္ခဖြစ်နေတဲ့ လူမှုအဖွဲ့ အစည်းတွေနှင့် ကျယ်ပြန့်စွာ ဆွေးနွေးပြီးတဲ့နောက် သူမရဲ့ယခုခရီးဖြစ်လာတာလို့ ဒူဂျာရစ်ကပြောပါတယ်၊

သူမဟာ စင်္ကာပူက လူ့အခွင့်အရေးလှုပ်ရှားတက်ကြွသူနှင့် အမျိုးသမီးတွေစီးပွားဖွံ့ဖြိုးတိုးတက်ရေးမြှင့်တင်ပေးတဲ့ ကုလရဲ့ UNIFEMကို ၁၉၉၄မှ ၂၀၀၇ အထိ ဦးဆောင်ခဲ့ သူဖြစ်ပါတယ်။ ၂၀၀၇မှ ၂၀၁၄ အထိ ကုလသမဂ္ဂ စီးပွားရေးနှင့် လူမှုရေးကော်မရှင် (အာရှပစိဖိတ်ဒေသ)ရဲ့ အမှုဆောင်အတွင်းရေးမှူးလုပ်ခဲ့သူလည်းဖြစ်ပါတယ်။

Source:AP/ CNA